الأخبار
أخبار إقليمية
مازدا يقترب من قيادة المريخ خلفا للألماني كروجر
مازدا يقترب من قيادة المريخ خلفا للألماني كروجر



02-16-2014 08:41 AM

يعقد مجلس إدارة نادي المريخ السوداني ،في غضون الساعات القادمة اجتماعاً طارئا، ولذلك لمناقشة خروج الفريق من الدور التمهيدي لبطولة أبطال إفريقيا علي يد فريق كمبالا سيتي الأوغندي.

وكان المريخ قد ودع البطولة الإفريقية رغم فوزه على مضيفه كمبالا بهدفين مقابل هدف في مباراة الإياب التي أقيمت السبت بالعاصمة الأوغندية كمبالا ، الا ان الفريق الأوغندي استفاد من الفوز الذي كان قد حققه بالخرطوم بهدفين نظيفين.

واكد مصدر عليم لموقع في ساعة متأخرة من مساء السبت أن مجلس المريخ بصدد إصدار قرار إقالة الألماني مايكل كروجر المدير الفني للفريق ومواطنه جاستن مدرب الحراس، وأضاف المصدر المقرب من المجلس أن المدرب الوطني محمد عبدالله مازدا المدير الفني لصقور الجديان ربما تم تكليفه لقيادة الفريق في الفترة المقبلة بكامل الصلاحيات.

كووزورة


تعليقات 33 | إهداء 0 | زيارات 6506

التعليقات
#918284 [وطن حدادى مدادى]
0.00/5 (0 صوت)

02-17-2014 03:25 PM
ياايها الناس اولا ده كله بيورينا انو نحنا لازلنا رغم مرارات الفشل من عام الشؤو 89 بنحب المريخ الكيان بنحب النجمة بس منو البلعب الان فى المريخ بيغير عليه منو الان البلعب فى المريخ من الشعار لا من اجل المادة ياخى حرام عليكم حتى الاجانب العندنا ( كلاس كم ) ما معروف المهم نحنا مع كروجر حتى الاخر بس غيروا الفطايس البتلعب باسم المريخ دى وشوفوا شباب رجال يموتوا من اجل المريخ حليل زمن الرجال ابوعنجة عادل امين عيسى صباح الخي سامى عزالدين ود العطا كمال عبد الغنى عاطف القوز قلة دحدوح باكمبا وغيرهم وغيرهم وقارنوا زمان بى هسة مافى مقارنة ابدا


#918105 [عامر حسين]
0.00/5 (0 صوت)

02-17-2014 01:10 PM
العله ما في المدرب العله في اللعيبه الاغلبيه فاقد تربوي داير تعلموا كوره ما خايفهم حاجه ولا توجد مدارس سنيه


ردود على عامر حسين
United States [عادل] 02-17-2014 05:21 PM
والله العظيم لن ينصلح الحال بهذا الفاقد التربوى .كرة القدم علم وصناعة ديدنها العلم والمعرفة والطموح ولن يطور هذا الفاقد التربوى نفسه المشكلة لعيبة وليس مدربين افهموها وريحونا العالم كله بمدارس كرة القدم .ارونى لاعب واحد يملك طموح ومقومات الاحتراف .هم لعيبتنا سيارة لحضور الحفلات وشقة وظهور فى الاسواق


#917554 [مسكين]
0.00/5 (0 صوت)

02-16-2014 11:04 PM
...
الكرة السودانية وادمان الفشل
نحن نافعين في شنو عشان ننفع في الكورة؟؟!!


#917525 [asim]
0.00/5 (0 صوت)

02-16-2014 10:12 PM
يا اخوانا بتقولوا مازدا . طيب يا ناس المريخ عندما نفكر بتعين مدرب لازم نقرأ السيرة الذاتية لمؤهلاته ومنجزاته في البطولات اللهم لاشماته لا انجازات لديه سوى خسائر مخزية في كل البطولات التي خاضها المنتخب الوطني اثناء تدريب مازدا على المنتخب وهذا يعني ان مازدا فشل وسيفشل اي فريق يقوده مازدا و اعتقد ان المريخ في غنى عن الفشل افريقيا اذا كانت ادرة المريخ غيورة على ناديها ان تفكر في مدرب له نجاحات معروفة وليس مدرب فاشل فقط جبر خاطر لمازدا


#917520 [جدودنا زمان]
5.00/5 (1 صوت)

02-16-2014 10:10 PM
لو جبتو غوارديولا زاتو
مع اللاعبين ديل حا يطلع من التمهيدي في اي بطولة
فريق ما متجانس لاعبين مستهترين


ديل دربوهم بى صوط العنج


#917366 [حد بيعرف احسن م الحكومه!!]
0.00/5 (0 صوت)

02-16-2014 07:07 PM
يا ايها ألأمير يا ابا قنايه.. ما رويته عن اصحاب التاكسى "فانتاستك" ولا شك انه يدخل البهجة وقدر عظيم من الأنفراج ألأساريرى على وجوه القراء لما احتواه من سخرية لاذعه .. بس نحب نسألك ان كانت لك صلة رحم او قربى او نسب بالدكتور الطيب ابى قنايه الذى سبقت له الحسنى وزياده .. حسنى التعيين رئيسا لمفوصية مكافحة الفساد .. وحسنى ألأقاله والتوارى عن ألأنظار فى صمت .. اكيد الذى حدث للدكتور رئيس المفوضيه وللمفوضيه ذات نفسها اسوة وربما كان مثالا حيا واقتداء بقريب اصحاب التاكسى " الود التفتيحه واللى عمّال بيعمل دكتوراه فى امريكا اللى قالو قد دنا عذابها" اللى اشتملت اطروحته ألأشاره على اقربائه السبعة "المتبعه" اسياد التاكسى بتغيير سواق العربيه احسن الخيارات (زى استمرار نظامألأنقاذ)
اها كمان بدلا من اعطاء السيد الطيب ابى قناسه كافة الصلاحيات لمواصلة العمل الذى تم تعيينه له .. تم ابعاده واغلاق ابواب المفوضيه وعدم تذكارها من بعيد او قريب ..كما فعل اصحاب التاكسى بالسواق من قبل او بما سيفعل اهل القلعة الحمراء بالمدرب "كروقر" عما قريب!! كروقر موش حقو يساعدوه على تخطى العراقيل واعطائه فرصه اخرى (الكوره غالب ومغلوب) ليه يعنى؟ ولآ لأنو اهل القلعة "متعودين" حسبما قال عادل امام فى مسرحية "الشاهد اللى ما شافش حاجه" .. وهو كروقر شاف حاجه؟ مما تولى مهمة تدريب "بدور" القلعه وجوهرا!! اللى سجلوا اسماءهم فى سجل الخلود بقيادة رئيس بعثتهم "عبصمض" فى مباراة الحصاحيصا بما ملأوا به قوارير الماء "بالفايتمين سى" وتركوها "تذكار عزيز" لمحمد سيد احمد داخل تلآجة مكتب اتحادو وصمت محمد ابن سيد احمد عن ايتها كلام مباحا كان او مكروها...لأنو اكثر رئيس نادى عربى شعبيه وتم تقليدو بوسام الرياضه ألأكبر فى مباراة دفع هو ثمن ألأحتفاء به فيها.. ورئيس لجنة الآحتفال بيهو كان وزير كامل الدسم قالو انه (اى الرئيس الرياضى ألأول ألأكثر شعبية بين رؤساء ألأندية الرياضيه بما فيهم الرئيس اللى ضرب الحكم "بونيه" ) قالو حيتبرّع لأتحاد الحصحيصا ب 200 الف جنيه .. هل تبرع بس بال 200 الف لأتحاد الحصاحيصا؟ مجرد سؤال!!


#917213 [أمير أبوقنايه]
5.00/5 (2 صوت)

02-16-2014 04:25 PM
الجماعه الصعايده ابوهم مات وخلي ليهم تركه وكان عدد الاولاد سبعه فكرو في أن استثمرو فلوسهم عاينو يمين عاينو شمال قالو أحسن إستثمار بالنسبه ليهم إشترو تاكسي ويجيبو سواق عشان يسوق التاكسي بعد أن إقتنعو بالفكره تماما جاؤا بالسواق لكنهم خافوا أن يقوم السواق بسرقة الايراد وعليه قرروا أن يركب سبعتهم مع السواق ربما لخوفهم من أن ينام أحدهم أو يسرح كل ذلك لتكون عيونهم صاحيه ومفنجله لمراقبة السواق .

أخذ التاكسي يخسر ويخسر وقال أحدهم إنه كان يستغرب أن الناس كانو يأتون لركوب التاكسي المليان بأصاحبه وينظر إليهم ثم يذهب دون أن يركب ناسيا أنه لا يوجدمكان أصلا للركاب كي يستغلو التاكسي الذي يشغل اصحابه جميع المقاعد.
أستمر الحال هكذا وبدأت الخساير تتزايد والدخل يسجل صفر كبيرا كصفر كرة القدم عندنا ولما كان لهولاء الاخوه إبن عم يحضر الدكتوراه في طيبة الذكر الولايات المتحده الأمريكيه فقررو الاستعانه به لحل مشكلتهم فأشار عليهم بتغيير السائق .

هذا هو حال الكره السودانيه و المريخ الذي سيقيل كروجر كأنما هو اساس المشكله بينما اللاعب هو من يقوم بلعب الكره بطريقته الخاصه لأنه لاعب دولي وهو الذي لا يعرف ابجديات كرة القدم وبالله عليكم أنظروا لطريقة لعب الكره عندنا كيف يقوم اللاعبون بتبادل الكره وكم عدد الباصات المفقوده وانظرا للروح التي يلعب بها هولاء اللاعبون وطريقة اللعب الخ الخ .
يا ناس المشكله مش في المدربين إنما أساس المشكله هو اللاعب والاداري والعلاميون وموضفو الدوله اللذين يديلاون هذه اللعبه الشعبيه.

لنا الله نحن مشجعي ومشاهدي كرة القدم السودانيه خاصه وانها متعتنا الوحيده وسامح الله لاعبينا وإداريينا وإلقائمين بأمر الاعلام اللذين حرمونا بالامس حتي من الاستماع لوصف المباراه الذي كان مقنعا لنا بالرغم أننا نعيش في القرن السابع عشر أقصد القرن الواحد والعشرين ولا عزاء لمن ابتلاهم الله بحب او عشق هذه المجنونه


#917169 [kamuzu]
0.00/5 (0 صوت)

02-16-2014 03:35 PM
مـــــــــــــــــــــــــــــــــــــــــــــــــــازدا تاني!!!!!!!!!!!!!!!!!!!!!!!


#917152 [زردية]
5.00/5 (2 صوت)

02-16-2014 03:21 PM
الشى البغيظ فعلا الحديث عن فشل اللاعب السودانى
مع انه جل اللاعبين الفاشلين غير سودانيين
يجب قصر اللاعبين الاجانب على اثنين فقط لكل فريق
ولا تجنيس ولا يحزنون


#917132 [اسامه]
5.00/5 (1 صوت)

02-16-2014 02:59 PM
تجيبو ابراهومة تجيبو مازدا تجيبو كروجر تجيبو جبرة ..الدائرة المكتملة ..كلو واحد يمشي اكرم يجي اكرم يمشي الشغيل يجي طاهر الحاج امير كمال ..المريخ دا فريق منتهي مرات بس بيكون في حبة لياقة بيكون شوية كويس لكن عامة تعبان ..ومعه اخيه الهلال نفس الشي وجهتان لعملة واحدة...والدليل الفريقان صفر كبير في دوري ابطال افريقيا وليهم كم سنه بيلعبو في الدوري والمحصلة صفر كبير جدا جدا.. نتمني للهلال كسر نحس السودان في دوري الابطال هذه المرة وانا من انصارالمريخ لكن المرة دي من كل قلبي اتمني للهلال الكاس


#917117 [سودانى ود بلد]
0.00/5 (0 صوت)

02-16-2014 02:41 PM
يا جمال والله انت بتحرث فى البحر.مهما عملت لن تنال كاس خارجى الا اذا كنت رئيس نادى غير سودانى.والله القروش الرفتها دى برشلونة ما صرفة؟ انت داير تصل لشنو اكثر من كدة؟يا اخى قروشك دى وفرها للفقراء والمساكين فى منطقك. احسن من تصرفها فى الفارقة؟ ولا شنو؟ كان كلامى دة غلط احسنو ردو علية؟


#917113 [هباش]
0.00/5 (0 صوت)

02-16-2014 02:38 PM
جبره بسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسسس


#917085 [aburadi]
5.00/5 (1 صوت)

02-16-2014 02:16 PM
وهل هو الحل في نظركمـظ

لو تجيبوا مرسيدس مش مازدا ما في فايدة .

ليه؟ السبب واضح ....... (ما فيش إخلاص وما فيش مبادئ ولا نخوة ولا وطنية .... بس كيف عايزين تفوزوا؟


#917081 [MOHAMED BABU]
0.00/5 (0 صوت)

02-16-2014 02:13 PM
والله ياجماعة المدرب فى المريخ بقى زى الوزير يشيلوهو من هنا يودوهو هناك يجيبو غيرو بعد فترة يبدلوهو بالودوهو هنااااااااااك داك مأكلة بالواااااضح والادارة يلزمها تغيير جزرى لانو البيحصل دا لازم يتحسم ... كل مرة نصبر نفسنا بى انو الجاييي احلى بس بقى فى كل مرة بقينا نشوف نفس المنظر فوتو كوبى


#917074 [المعز موسي]
0.00/5 (0 صوت)

02-16-2014 02:06 PM
يا اخوانا الناس تمشي قدام ولا ترجع ورا .يعوضنا الله في المريخ لكن برضو بنشجعو نعمل شنو يعني


#917001 [ود الدلنج]
0.00/5 (0 صوت)

02-16-2014 12:43 PM
يا جماعة خلونا واقعيين ، نحن ما عندنا المستوى الذي يؤهلناا للمنافسة في البطولات الكبرى ، وعليه ما في داعي بتضيعوا قروشنا في المدربين الأجانب واللاعبين الأجانب . يعني أفضل حالات الكورة السودانية كانت قبل ظهور المدربين الأجانب واللاعبين الأجانب. يعني خلونا مع المحليين إلى أن يرتقى بنا المحليون هؤلاء إلى القارية ، ومن ثم إلى العالمية . المؤخر الكورة الإنجليزية شنو اليوم غير الاعبين الأجانب ؟؟؟؟؟
ونتوقع خروج الهلال وأهلي شندي وأهل عطبرة . لأن ده كله نتاج طبيعي لتدهور الحياة عامة في السودان ... ولاشنو؟؟؟


#916973 [gasim]
0.00/5 (0 صوت)

02-16-2014 12:20 PM
لاااااااااااااااااااااااااااااااا والف لا لاقالة كروجر فهو مدرب ناجح جدا والاخطاء واردة


#916942 [ممكون وصابر]
2.00/5 (1 صوت)

02-16-2014 11:53 AM
الافضل عدم تغيير المدربين خلوه يكمل معاكم الموسم على الاقل تخلصوا مئات الالف من دولارات الشعب السوداني التعيس والذي لم يجدها من الوالي ولا من الرئيس


#916930 [محمد عبد الرحمن محمد]
1.00/5 (1 صوت)

02-16-2014 11:45 AM
مازدا ابن المريخ ومتي ما احتاج لك بيتك سرعان من يلبي والطاعة لأولي الامر لجنة المريخ جاءت بالانتخاب الدمقراطي فصاروا من زمرة اطيعوا اولي الاومر ارجوا واتمني من الله ان نحكم صوة العقل في كل امورنا لنري سودنا ذي زمان (الزمن الجميل)


#916903 [هوما]
2.00/5 (1 صوت)

02-16-2014 11:23 AM
عودة دجانقو


#916892 [الفاتح محمد احمد]
3.50/5 (2 صوت)

02-16-2014 11:12 AM
مازدا دة افشل مدرب سوداني اصبروا علي كروجر انة مدرب ممتاذ رغم الخروج ولكن المشكلة

في الاعبين وليس كروجر ولكن دي مشكلتنا في السودان عدم الصبر علي المدرب ليبني فريق مع الايام

ودي الذي ادي لفصل الجنوب من الشمال صبرا ياوالي المريخ علي كروجر احسن لك ........

غير كل الاعبين وليس كروجر لا نريد مازدا ماذا قدم مازدا للمريخ ولا الفريق القومي لاشي

كروجر خيرا لكم واني لكم من الناصحين ........ ستعودون الي اللوراء مليون عام


#916891 [ابو سيد]
2.00/5 (1 صوت)

02-16-2014 11:12 AM
لا ينبغى ان يذهب الجهاز الفنى لوحده . يجب ان يذهب معه الادارة


#916879 [اب جاكوما]
5.00/5 (1 صوت)

02-16-2014 10:56 AM
مدرب الحيرة،،، مدرب لو عنده امكانيات ويريد ان يمارس التدريب في غير المريخ لكن على راس احد الاجهزة الفنية في الدوري الممتاز ولكنه هو مدرب منازلهم في انتظار هذه السوانح التي تاتي في السنة كل سنة مرة لن ياتي بجديد سوف يقال كما اقيل من قبل عند اول خروج للمريخ في بطولة ما او التمهيدي مثلا السنة الجاية إن حيينا


#916868 [ابودعد]
0.00/5 (0 صوت)

02-16-2014 10:51 AM
رغم أنه لا رأي لنا لكن لمائا مازدا البعيد عن الكرة لماذا ليس ابراهومة وطالما سنلعب في الممتاز فقط لماذا لا نعطي الفرصة لأبراهومة وبهذا نصعد على الأقل مدرب جديد نعطيه الفرصة ونمنحه الثقة


#916861 [ابوهاني]
0.00/5 (0 صوت)

02-16-2014 10:46 AM
للاسف الشديد مازدا فشل مع الفريق القومي فهل سينجح مع المريخ ما هذه المهازل الاخطاء التي صاحبت فريق المريخ كانت اكثرها من لاعبي الفريق وليس المدرب نحن نحتاج لدراسة عميقة وجادة لمعرفة الخلل بدلاً من أن نعلق كل الأخطاء للمدرب .


#916855 [ابو شهاب]
5.00/5 (2 صوت)

02-16-2014 10:42 AM
بعد كده يقوده لشنو والى اين مش دورى زين السودانى ولا الهلال ولا المريخ ما فى حوجه لقياده اصلا فى النهايه واحد الاول وواحد التانى بس بعد كده كل لاعب سودانى مايوقع فى الفريق عايمه كده التوقيع يكون حسب الخانات الجناح يوقع على عقد جناح والسيرد سيرد ولايحق لاى لاعب ان يحل محل لاعب حتى لو يتركوها فاضيه ويعملوا لكل خانه سعر معين ويطبقوا حكايه الخصم من الراتب يعنى خصم يوم من الحارس عن كل هدف يلج فى مرماه ونصف يوم لرباعى الدفاع وبالعكس فى حاله يحرز المهاجم هدف يعطى مكافاه راتب يومين على كل هدف واذا احرز المدافع هدف يخضع لمجلس محاسبه بتهمه الوداك تتشوبر شنو

انا ليس من انصار حرمان الفرق السودانيه من اللعب باسم السودان رغم المرمطه الحاصله ولكن اقولها صراحه ان اللاعب السودانى لايرقى لمستوى تمثل البلد خارجيا

الحل كتروا من الميادين فى الحوارى وافتحوا مدارس لتعليم اللعبه وقبل كده اغرسوا فى نفوسهم الوطنيه

وبعد داك احتمال نفوز بسيكافا واليكن شعارنا تمثيل السودان فى كاس العالم 2035


#916847 [عاطف]
5.00/5 (1 صوت)

02-16-2014 10:34 AM
والله يامازدا تقبل تكون ماعندك كرامة !!
كم مرة أقيل مازدا واللعنات تطارده؟؟!!


#916829 [ودالشريف]
4.00/5 (2 صوت)

02-16-2014 10:21 AM
يا جماهير المريخ مصيبتكم فى هذا المدعو الوالى وفى ظل وجوده المريخ فى الاسر ولن تقوم له قائمة المال وحده لايصنع الانتصارات المريخ فى حاجة لابنائية ليتولو امر ادارته لان سبب انهيار الفريق هو الادارة الفاشلة من منكم سمع بالوالي قبل الانقاذ ولماذا ياتى ويتولى ادارة المريخ لانه مستفيد والمريخ اكبر من الوالى ولايحتاج لمال الوالى المريخ غنى بجماهيرة وابناءه المخلصيين انقذو المريخ من ايدى العابثين فهولاء ليسو من ابناء المريخ هم اهل سلطة واتو ليستولو على جماهير المريخ انتبهو يا مريخاب فاين البطولات فقد ودعناها منذ العام 89 لماذا ؟


#916821 [Sudani]
5.00/5 (1 صوت)

02-16-2014 10:19 AM
هههههههه
اقسم بالله مش مازدا و الله لو جبتو مارينو ما تجيبو كاس
يا سادة كرة القدم اصبحت صناعة تبدا منذ الصغر - من عمرك 7 سنوات او اقل

يعني معقولة المدربين الاجانب ديل كلهم ما نافعين

ياخي شايف مذيع في قناة الشروق بيتكلم عن انو كيف كروجر ما لعب هيثم مصطفي - و هيثم مصطفي كان صايم يوم الاثنين عشان كدا كروجر رفض يلعبو - (حنك بيش)

باخوانا الصحفين الرياضين عليكم الله واحد فيكم يستفيد من المدربين الاجانب الدربوا الفرق السودانية ديل
اسالوهم مشكلة الكرة السودانية شنو - لية نحن دايما مغلوبين رقم حبنا الكبير للكورة -
هم اكيد عندهم تقييم لعقلية اللاعب السوداني و كيفية تطويرو- و هم عارفين اكتر المشكلة بالظبط شنو - ادارية - فنية ولا شنو بالظبط


غير كدا انتو بتنفخو في قربة مقدودة - و الله لا هلال و لا مريخ الكاس دا بعينكم ما تشفوهو

قال مازدا قال


#916811 [ابونجمة]
5.00/5 (2 صوت)

02-16-2014 10:14 AM
علي السيد محمدعبدالله مازدا ان يرفض عبث الجهلول جمال الوالي واعلام الضلال الضيعوا المريخ .. جمال الوالي الحرامي الذي يدر اموال اسياده المنهوبة من بن لادن والاموال المنهوبة من خزائن الدولة عبر لصوص المؤتمر الوطني والا قولوا لنا كيف لمدير اعمال ان يصبح ملياردير .. المريخ له رجال وجمهور قادر ان يدير ناديه بعيدا عن اموال الحرام واعلام الضلال الذين اثروا من بيع الوهم للجمهور المسكين ..


#916765 [حيراان]
5.00/5 (1 صوت)

02-16-2014 09:38 AM
هههههههههههههههههههههههههههههههههههههه


#916760 [ahmed]
5.00/5 (1 صوت)

02-16-2014 09:36 AM
إلي متي نحن المريخ طار من الدور الأول والهلال طار في دوري الأربعة واللا الثمانية وإلي متي يظل مازدا يقبل أن يكون مدرب حيرة أنا أقترح علي مازدا أن لا يقبل بتدريب المريخ في المرحلة الحالية وأن يكون له شخصية لأن المسألة تكررت كثيرأ أقالة مدرب أجنبي وتسليم مهام التدريب لمازدا كأنما مازدا جالس مدربا لسد الحيرة فقط .


#916749 [الراصد]
5.00/5 (3 صوت)

02-16-2014 09:30 AM
كم مرة اقيل مازدا من تدريب المريخ !!?? وماهي الدوافع التي ادت الي ذلك حينها !!??? وما الذي استجد !!!?? لا شئ سوي تجريب المجرب ... فمسئولينا بلا ذاكرة ولا افق !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة