الأخبار
أخبار إقليمية
كمال رزق : العاصمة مستباحة بـ(المقاهي) وتجمعات «مشبوهة» بشارع النيل
كمال رزق : العاصمة مستباحة بـ(المقاهي) وتجمعات «مشبوهة» بشارع النيل
 كمال رزق : العاصمة مستباحة بـ(المقاهي) وتجمعات «مشبوهة» بشارع النيل


02-16-2014 05:03 PM

الخرطوم: صبري جبور

انتقد الشيخ كمال رزق إمام وخطيب مسجد الخرطوم الكبير - بشدة ظاهرة التجمعات النسائية لبائعات الشاي لا سيما الأجنبيات في الشوارع الرئيسية خاصة شارع النيل إلى جانب الأسواق والأحياء، وهاجم بضراوة تحلق الشباب والفتيات في أماكن بيع الشاي، وقال إن تلك التجمعات مشبوهة وهناك شكوك حولها، وأضاف إذا كان (90%) من أولئك يجلسون مع زوجاتهم من هم الـ(10%) الباقين، وتابع العاصمة الآن تحولت إلى مقاهٍ ليلية ونهارية وبات منظرها لا يليق بالحضارة، وزاد لا توجد عاصمة في العالم بهذا الشكل غير اللائق، وطالب رزق والي الخرطوم الدكتور عبدالرحمن الخضر باجتثاث تلك الظاهرة الغريبة على المجتمع نهائياً. وهاجم رزق في خطبة الجمعة أماكن بيع الشيشة وقال بالرغم من قرار الوالي بمنعها في الخرطوم إلا أن أصحابها ما زالوا يتحدون الوالي «على عينك يا تاجر»، ولا يبالون بأي قرار من أي جهة، وأضاف الآن انتشرت أكثر من ما كان قبل إعلان القرار، وتابع على الوالي أن يتابع تنفيذ قراراته التي يصدرها.
وفي سياق آخر أشار رزق إلى أن هناك مخططاً يستهدف السودان والمجتمعات المسلمة بغرض تدميرها من خلال مؤامرة يتم تنفيذها عبر عدة وسائل منها الإعلامية المتطورة التي يبثون فيها الفاحشة وجعلوها متاحة لكل الأعمار، منبهاً لخطورة هذا المخطط الذي يستهدف الأخلاق والقيم الفاضلة عبر عرض البرامج الراقصة «المايعة»، وتحسر رزق على ما يحدث داخل مؤسسات الدولة والأسواق وعدد من المستشفيات والعيادات الخاصة، مشيراً لانتشار ظاهرة الغش والخداع وخيانة الأمانة حتى وصلت مستويات مؤسسات التعليم، لافتاً لوفاة أعداد كبيرة من المواطنين بسبب الغش في العلاج وانتهاء صلاحية المواد الغذائية وأرجع ذلك للابتعاد عن الدين، وانتقد رزق ظاهرة وجود الصحف اليومية والتلفزيونات داخل المكاتب ومؤسسات الدولة، وقال إن المسؤولين يقضون جل وقتهم في قراءة الصحف ومتابعة القنوات الفضائية ويتركون عملهم، مطالباً بمنع الوزارة والمسؤولين من قراءة الصحف في مؤسسات الدولة أثناء دوام العمل، وأشاد رزق بأمانة راعي الغنم السوداني بالسعودية الذي رفض بيع إحدى الأغنام لمواطنين سعوديين باعتبار أنه ليس صاحبها، وقال هذا شرف وقمة الصدق والأمانة، وأضاف لكن هذا الراعي ننسبه للمسلمين والمؤمنين وليس للسودانيين باعتبار أن أغلبهم أصبحوا يمارسون الغش والخداع وخيانة الأمانة.

آخر لحظة


تعليقات 24 | إهداء 0 | زيارات 7455

التعليقات
#918992 [الكجور]
1.00/5 (2 صوت)

02-18-2014 10:18 AM
ولكاهن الانقاذ وامام الضلال اقول;
هل كل من تبيع الشاي في شوارع الخرطوم عامة وشارع النيل هن بائعات الرزيلة؟ وماذا يضر المواطن اذا اصبحت المقاهي ليلية؟؟ و ما الذى يجعل هذه التجمعات مشبوهة؟ اراك قد تركت بلاوي المشروع الضلالي لمدة 25 سنة و الذي اوصل البلاد لهذا الدرك .حكومة تبيد مواطنيها بكل انواع الاسلحة والمبيدات المحظورة واغتصاب الرجال في بيوت الاشباح والنساء في اقسام الامن. اما اخواتنا في مناطق الهامش فهن عاريات تحت رحمة الجنجويد و المجاهدين الذين كنت تبارك ممارساتهم و انتهاكاتهم بل وجعلتموه جهادآ الاغتصاب.
يا ائمة الضلال والنفاق لكم يوم اسود.


#918502 [alakrory]
1.00/5 (2 صوت)

02-17-2014 06:37 PM
رد لى بلدى المحبوبالذى كتب(المخططات التي تستهدف السودان سببها الحكومة التي فتحت ابوابها للايرانيين الروافض الدين يعيثون فسادا في جميع الدول التي فتحت لهم ابوابها واحتضنتهم من ضمنها السودان وبقوة انتبهو ا يا شعبنا الاباء والامهات من التدمير المخطط والممنهج من الشيعة)



ما دخل ايران فى ما يحدث فى السودان؟؟؟ سبب البلوة فى العالم دا هم نحن اهل السنة الذين ندمر بعضنا البعض ونقتل اخواننا ونزج بهم فى السجون باسم الله نعم الاخوان المسلمين والوهابيين هم من شوهوا الاسلام واصبح الاسلام فى عين الاخرين دين ارهاب وقتل واكل قلوب الناس وذبحهم وتهديم البنية التحتية للدول المعادية لاسرائيل. جمعوا كل الاوساخ وارسلوها الى سوريا باسم الله لتدمير سوريا والله سبحانه وتعالى جعل كيدهم فى نحرهم وهم الان يذبحون بعضهم البعض


#918228 [سرالختم الامين]
1.50/5 (3 صوت)

02-17-2014 02:39 PM
والله الشيخ كلامو في محلو .. السودان وبالذات الخرطوم بقت كلها فتن في فتن والناقصة كمان تموها بستات الشاي الحبشيات المنتشرات في كل حارة وكل زاوية .. ياأخوانا نحنا ناقصين دعارة وقلة حياء


#918166 [asd]
1.50/5 (3 صوت)

02-17-2014 02:01 PM
كلام الامام الشيخ جيد جدا وينبه لقضيه وردود الفعل السلبيه لاتنفع لان امام المسجد داعي للخير وليس سلطان ليعالج فقركم وععطالكم ويعالج مشاكل الدوله مع انه في تقصير كبير من الدوله ولكن ليس بالحكومه وحدها تحيا الدول الوطن مسئوليه الجميع ليست الظواهر السالبه تعبير عن الوضع بل هي سبب لغضب الله وتسليط العذاب والعقاب ولن نقضي عمرنا في السب والسخط علي الحكومات او علي حظنا لايغيير الله ما بقوم حتي يغيرووا مابانفسهم كل شئ في الارض بيد الله ويعلم المفسد من المصلح


#918091 [عمار داقن]
5.00/5 (1 صوت)

02-17-2014 01:00 PM
العاصمة مبؤة بالكيزان


تخيلو السودان من غير كيزان



امن وسلام واخلاق سودانيه


#917985 [بت قضيم]
4.00/5 (1 صوت)

02-17-2014 11:36 AM
شدو العرقي ما ريحتوهم كشات وجلد وقلع باعوا الكسرة والملاح قلتوا شوهوا وجه العاصمة الحضارية ومنعتوهم عملوا الشاي وبيدفعوا الضريبة كمان قلتوا ديل لهم مارب اخرى مخدرات ودعارة ورونا بس يعملوا شنوا عشان يربوا اولادم الزكاة بقت كلها للعاملين فيها


#917975 [عكاشه]
5.00/5 (2 صوت)

02-17-2014 11:28 AM
يا علماء السلطان دعكم من سفاسف الامور شيشة بتاعة شاى والكلام الفارغ البتعملوا فيه ده.جيب من جوه؟ المال العام,الربا,جرائم النظام الحاكم من سلب ونهب وحرق واغتصاب وغيرها


#917897 [الفحل]
0.00/5 (0 صوت)

02-17-2014 10:26 AM
الأئمة في الإسلام وظيفتهم طرح المشكلة وطرح الحلول لها أو البديل عن الممارسات التي يرون أنها ليست جيدة فالإسلام ليس عنتريات وقطع أرزاق الناس بالشبهات والرسول عليه أفضل الصلات والسلام أحسنوا الظن فلماذا تسيئون الظن.... لو ما عندك حل انطم... أفضلك وأرحملك... أئمة العنتريات والعصبيات الإسلام واضح وأهم رسالاته الرحمة... أرحموا من في الأرض يرحمكم من في السماء...فتريد أن تقطع الأرزاق... ويبدوا لي أن هذا الإمام مدته انتهت بانتهاء عصره... والبضاعة المنتهية تسمم الأبدان... يا إمام السجم... فلإسلام فين وأنتم فين... وأنا لو كنت وزيرا للأوقاف لمنعتك من الدعوة والخطابة لأنه طرح متأخر... وكريه... ومتعجرف... ومدة صلاحيتك منتهية... وتظن أنك تفعل خيرا... حرام عليك...


#917763 [بلدي المحبوب]
1.50/5 (2 صوت)

02-17-2014 08:27 AM
المخططات التي تستهدف السودان سببها الحكومة التي فتحت ابوابها للايرانيين الروافض الدين يعيثون فسادا في جميع الدول التي فتحت لهم ابوابها واحتضنتهم من ضمنها السودان وبقوة انتبهو ا يا شعبنا الاباء والامهات من التدمير المخطط والممنهج من الشيعة


ردود على بلدي المحبوب
United States [alakrory] 02-17-2014 06:33 PM
ما دخل ايران فى ما يحدث فى السودان؟؟؟ سبب البلوة فى العالم دا هم نحن اهل السنة الذين ندمر بعضنا البعض ونقتل اخواننا ونزج بهم فى السجون باسم الله نعم الاخوان المسلمين والوهابيين هم من شوهوا الاسلام واصبح الاسلام فى عين الاخرين دين ارهاب وقتل واكل قلوب الناس وذبحهم وتهديم البنية التحتية للدول المعادية لاسرائيل. جمعوا كل الاوساخ وارسلوها الى سوريا باسم الله لتدمير سوريا والله سبحانه وتعالى جعل كيدهم فى نحرهم وهم الان يذبحون بعضهم البعض


#917624 [سوداني متابع]
4.00/5 (3 صوت)

02-17-2014 12:48 AM
فلنجاري السيد الخطيب في ما أشار , أفرض يا سعادتك انو والي الخرطوم وقف البنات الجايات يبيعن شاي من بيع الشاي يسترزقن حلال زي ما بقولوا أو حاجات تانية زي ما بتقول انت , أها الخطوة البعدها شنو لو جايات من عوز و ما لقن الحلال حيمشن يفتشن الحاجات الانت حزرت منها و كان أصلا هن بتاعين حاجات ح يفتشن الف طريقة تانية زي مثلا اوتوستوب في الشوارع , أو في مكان سكننهم , تاني بتطلع فتوي يمنعوا البنات من طلوع الشارع أو يمكن الدولة تقعد تفتش البيوت كلها !!!!!

اما عن الشباب المتحلقين حولهم زي ما وصفتهم , عايزهم يعملوا شنو ؟ وين المسارح و لا ورش العمل الهادفة و لا الشغل المقطع نفسه , هم فاضيــــــــــــــن ياريت حضرتك تفضي وقت و تعمل ليهم برنامج دروس و نشاطات ترضيك ,
كتر خير حاجات الشاي اللامينهم, زي ديل كان انفكو كان الزيك مشو امفكو !!! و كان الاغتصابات و العادات الدخيلة الاخطر من شراب الشاي بقت في الاحياء .

و لا كيف يا سعادتك ؟؟؟


ردود على سوداني متابع
United States [moka440] 02-17-2014 09:45 AM
ههههه حرام عليك ايها المتابع تحرج الزول المتخلف ده
كده حيزوغ وما حيقدر يرد عليك
بلد اه منها ومن نوعية البجيك بكلام زي المطروج اعلاه
لا في تعليم حقيقي ولا في وظائف تخدم المجتمع ولا حتي حكومة تحكمنا بالعدل بل مجرد منافقين يلبسون عبائة الدين واللحيات النفاقيه

United States [azhari] 02-17-2014 07:46 AM
كلامك يا متابع صاح الصاح شوفوا للشباب شغل والا سوف ترون جيلا وافعالا لاتحمد عقباها


#917604 [مكهرب]
5.00/5 (1 صوت)

02-17-2014 12:21 AM
ياشيخ شيوخ علماء السودان الجفلن خلهن اقرع الواقفات انت ماشايف الا المسكينات العايشات فى ضل شجره ولاراكوبه ولاحيطه متكوله ياشيخ يعني ماعارف انو القوات المسلحه والشرطه عندهم محل فى الرياض بتاع مساج فيه تايلنديات واسيويات يدلكووك دليك ويمسجوك من راسك لي ضفرك وخدمات اخري حسب الجيب وبحراسة عسكري اي والله العظيم بحراسة الحكومه عسكري عدييل حارسم دعاره بقوانينكم يعني ديل حلال عليهم والمسكينات بناعات الشاي المن ضل لي ضل وفى الشارع وقدام خلق الله ديل كعبات والتايلنديات بتاعاتكم كويسات بدعن للشرف والطهاره لانهن محميات فى بيوت سمحه ومناطق سمحه الرياض وتاني ياسادة الشيخ تلب جمبك فى ضهرك الواحه او سوق الواحه او مول ا لواحه او جيرانكم امشي شوف المقاهي واللبس بتاع الجرسونات كيف وحياتك يالشيخ لو ماشفته بناطلين محززززقه ولبس غريب تقول فى اوروبا مخلي ديل وساكيلي الابسات التيبان ومستورات ومن ضل لي ضل ومن قسم لي قسم اتقو الله ياناس بقي ظلمكم وفسادكم يوجع القلب وجاييكم يوم يوم لاينفع سلطه ولاضهر ديل المسكينات دعوت ماشه لي فوق وربنا يصلح الحال


#917572 [ياسر عبد الوهاب]
5.00/5 (1 صوت)

02-16-2014 11:37 PM
يا رزق ده كلو من امريكا واسرائيل..ما عندهم شغله غيرنا..لاننا الشعب الوحيد في كل العالم المتمسك بالقيم والدين والاخلاق وريسنا طاهر وشريف واخوانه كمان والعجب الوزراء وناس البرلمان خليك من أئيمة الجوامع..لا حولا...


#917561 [جيت ومالقيت]
4.00/5 (2 صوت)

02-16-2014 11:18 PM
وانت ننسبك لمنو اذا كان الراعى نسبناه الى المسلمين فانت ننسبك للخائنين والمتاجرين باسم الدين يامنافق ياكذاب اتكلم عن الفساد لو صحى عامل امام امة واتكلم عن الشهداء الراح حقهم ساى اتكلم عن دم الغلابه فى دارفور وجبال النوبه عفن **** انت حقييير لابعد درجه ليه لانك بداهن وتنافق فى الحكومة وخائف على اكل عيشك دقن التيس اشرف من دقنك وشك وش سحت والله لما اشوف خلقتك وكلامك اقرررب استفرغ ما استفراغ الطاقه بتاع الهمبول البشير استفراغ ماسمعتو منك خليك فى ضلالك وكذبك واكل اشبع بمال الحرام ياشيخ قال شيخ يشخشخ د.....


#917556 [ود كترينا]
0.00/5 (0 صوت)

02-16-2014 11:09 PM
*** يا مولانا ...انا اتخيلت انك يوم الجمعة الفاتت حتتكلم فى الخطبة عن حكاية (الخراف المثليين) القبضوها فى طريقها الى الخارج...وطلبته يسجلوها فيديو ويرسلوها لى هنا....يعنى انت حى فى الدنيا والجماعة شغالين فى محجرهم يعملو الانتاية ضكر ....ده يجوز...يعنى لو سكت يمكن يواصلو الجماعة وينقلو تجاربهم للبشر الحايمين جنب فندق أراك والبركة...بعدشوية تبقى الخرطوم كلها من فوق شكل ومن تحت شكل تانى...والكتل يبقى يوم الدخلة...ده كلام ده ياناس مجمع الفقه الاسلامى وهيئة علماء السودان...ولا سيد الخرفان الخروفات دى (قرن كبير) عشان كده سكتو!!!!!


#917528 [عصمتووف]
4.00/5 (2 صوت)

02-16-2014 10:20 PM
يوجد نوع واحد من القذارة لا يمكن تطهيرها بالماء النقي وهو لوثة الكراهية والتعصب الاهوج التي تلوّث الروح وتسمم البدن بل حطم مقياس كل نجاسة وذاع به في الملا صيت هذا المفنوس امير جبهة الظلام ببلادنا ف انا لا اتحدث عن سفالتة وخستة وغدرة وخيانته لدينة واتباعة الغوغاء المؤمنين بفكره القذر الذي زرعة البخاري (كمال رزق) فيهم واعطاهم الادلة الشرعية لممارسة الاجرام باسم الدين لكن ساتحدث عن فرض الشك والريب الذي يتمسكون بهما وازكموا بها انوفنا وجعلوها من فروض الاسلام مثل ملاين الفروض التي اضافوها للاسلام زورا وبهتانا فروض الاسلام معلومة 5 اصبحت ملاين الفروض
على مر السنوات الماضية و بعد ان ظهر البترول فى بلاد تركب الانسان باسم الله انتشرت ظاهرة بيع الشاي والغش وتفشي الدعارة واللواط والاغتصاب والخطف تحت سمع وبصر السلطات ماذا فعلت يد كهنة الانقاذ وماذا قالت لهم ولماذا لم تسالهم وتنصحهم هؤلاء الحمقي الذين افسدوا المجتمعات التي ابتليت بهم وحولوها الي مجتمعات مريضة تاكل من خشاش الارض واصبحت تعيش عصور الانحطاط في كل شئ وبرغم كل الجرائم في نظرك ارتكبت بفضل سياسة الطغمة الفاسده اسيادك واولياء نعمتك بسبب افكارك القذرة التي تشبة كيس الزبالة الاسود الا انهم يدافعون عن الحياة لانفسم و اطفالهم من تعليم وصحة ورعاية لانه لا يسهل علي امثالك من التكفيرين الارهابين المحرضين نشر افكارهم الاجرامية المضلله المظلمة القذرة تخدعون الناس وتقولون انه الاسلام لو كان اسلاما بحق وحقيقة في لاسلام الحرية الشخصية للعبد فهل تقبلون بالحرية امثال هذا القذر هو خطر علي المجتمعات والاسلام يستخدمونة في الهروب من المحاسبات القادمة وممارسة الاجرام في حق ستات الشاي والمراة والمجتمع يجب التصدي لكل مهووس وكشف ميولهم السادية المتعطشة و بكل سلاح انا اتهمهم بالغش والتدليس وذيوع الصيت في كل الرزائل في المجتمع فتشوا تجدوا كل مقايس نتانة فية العفن
المؤامره وستات الشاي ماذا فعل هو لهن



ا رد على الجاهل المفنوس اولا ماري كوري 1867-1934 مكتشفة العناصر المشعةالبولونيوم ليز مايتنر 1878 – 1968 طورت الانشطار الذري لليورانيوم ريتا ليفي مونتالسيني 1909 اكتشاف طريقة معالجة الحروق الخطيرة دوروثي كروفوت هودكين 1910-1994 عالمة كيمياء طورت الانسولين و البنسلين روازالين يالو 1921 قياس الانسولين في الدم باختصار من الاختراعات النسائية مساحة زجاج السيارة الامامي غسالة الصحون واخيرا جريس هوبر موراي اخترعت مترجم لغة الكمبيوتر Cobol

طبعا يقول النساء غبيات لنة غبي و عدم تربيته بصورة صحيحه جعلته يتطاول عليهن فعلا ام اخرجت غبي مثل المفنوس حتى الحيوانات تربي احسن منها اذا كان مثل هذا المفنوس ينصح اسياده ويعلمهم فما بالك بالذين يسمعوه فعلا امة ضحكت من جهلها الامم وامة تقتدي برجل سادي سوف تبقى في قاع الاميه والجهل والتخلف

افكار هذا المفنوس لاتملك صيغاً لصناعة التقدم ولا للتعايش السلمي مع الآخرين وذلك مثلما كان الحال في الدول المسيحية قديما ولم تتقدم أوروبا إلا بعد قهر استبداد وفرض افكار الوحوش الكهنة أما نحن فلن نتقدموا إلا بعد العودة إلى الإسلام الحقيقي وقهر الاسلام المزور وكهنته





يا ابن آدم عش ما شئت فإنك ميت، واعمل ما شئت فإنك مجزى به، وأحبب ما شئت فإنك مفارقه.


ردود على عصمتووف
United States [علوب] 02-17-2014 08:07 AM
اديلو يا عصمتوف ... قلت لي سميتو المفنوس ؟ ... عفيت منك و الله كلهم مفنوسين و رؤوس فارغة معشعش فيها البوم ... عجبتني حكاية مفنوس دي .


#917454 [ورل الترعة]
0.00/5 (0 صوت)

02-16-2014 08:39 PM
انت يا رزق واحد من الذين ينفذون مخطط تدمير الشباب السوداني لانك انت اول من قام بتدمير المجلس الافريقي للتعليم الخاص بعد توليك ادارة المجلس الافريقي للتعليم الخاص وذلك بعد اول اجتماع ليك قررت ان ترفع مرتبك لمبلغ 6000000 جنيه في الشهر لانك جاي تغني علي حساب التعليم
في جنوب السودان وغرب السودان ليه يا سيادتك لان الادارات السابقة للمجلس توولي الاهتمام بالتعليم
وليس مرتب السيد المدير كمال رزق منذ ذلك القرارات الناريه اصبح المجلس في تدهور الي يومنا هذا.


#917440 [تيس فى ظلام الليل]
5.00/5 (2 صوت)

02-16-2014 08:13 PM
تعليقات على الشيخ : كمال زرق امام المسجد الكبير :
*** مادام اصلك مشيت شارع النيل وشفته ستات الشاى بيكسبن بى عرقن لقمة عيشن ( ليه تفترض سوء)
الظن بهن وبزبائنهن ؟؟ الا تعلم بحديث رسول الله (صلعم) بان بعض الظن اثما ؟؟
وما هو الفرق بين سيدة تبيع الشاى واخرى تمتلك محلات الكوافير ( الحمراء والصفراء)وعدة متاجر يكتظ بها الزبائن وغيرهم من كل فج فجيج ؟؟ "" فى الحتة دى انته عارف انا بقصد مين ! ولو ما كنته
عارف تبقى مصيبة لجهلك باحوال العباد , فلا يحق لك امامتهم ومخاطبتهم حسب الشرع الاسلامى .
*** طيب باختصار لما وانته ماشى بشارع النيل ما شفته تيوس قاعة الصداقة ؟ وله الوكت داك الكهربا
قطعت والدنيا كانت ضلام " واتخذت فقه " عند الزنقة واللزوم (للامام عبد الرحيم اللمبى )باب الدفع بالنظر ؟؟
*** خليك من ده وداك , ستات الشاى ديل فيهن الكتلو رجالن وفيهن الكتلو وليداتهن يفع طلاب وشباب
ودكاترة ذى سنهورى كمثال والقائمة طالت ومرت من سبيب راسك وعينيك مرورا بى اضانك ولى ضفر رجليك
فبماذا اوصاك الله لتوجيه الخطب حينها كامام للمسجد الكبير او حتى باستخدام اضعف اللزوم فى فقه
المظلوم " قوله حق فى وجه سلطان ظالم ؟؟
*** سوال اخير : مرة بلقاك كمال رزق ,ومرة القاك كمال زرق ! مرة صوتك ينخفض , ومرة يرتفع !! هل
بزمتك هذا الامر له علاقة بعداد الخطبة كما يفعل الفنانين فى بيوت الاعراس ؟؟؟ اذا كانت الاجابة بنعم دايرين نعرف " العداد بتاع مويه وله كهربا ؟ عادى وله ركبوا ليك الجمرة الخبيثة ؟؟؟؟؟؟


#917417 [الديك اب خيت]
2.00/5 (1 صوت)

02-16-2014 07:57 PM
ودي الحالة اسمك رزق ولو كان ما اسمك رزق تقول أمنعوا الهوا من الناس


#917416 [emad]
4.00/5 (1 صوت)

02-16-2014 07:57 PM
بعد ما اكلتوا قروشنا وبعتوا اراضينا قبلتوا علينا بيعونا احسن قال شيوخ قال


#917383 [ساب البلد]
4.75/5 (4 صوت)

02-16-2014 07:27 PM
****** كيف عرف الشيخ رزق ان المحلات مشبوهة ؟؟؟ ***** هل ارتاد هو بنفسه تلك المحلات ***** ام ترك الامر لظنه السئ ****** ثم لماذا لا تنظر الي اساس المشكلة التي جعلت الشباب يتحلقوت حول ست الشاي ؟؟؟ ******* اليست هي العطالة و انعدام و الوظائف بسبب التمكين ؟؟؟ ******* و اشار رزق الي مخطط يهدف الي تدمير المجتمعات المسلمة هع هع هع انتو خليتو حاجة للمخطط يدمرها ******


#917363 [عبدو]
2.50/5 (2 صوت)

02-16-2014 07:05 PM
ياخ شاي بنشربو في بيت امك الله يلعن من ولاك علينا إماما ... منافق


#917349 [موردة حضارة]
2.00/5 (1 صوت)

02-16-2014 06:50 PM
يعني خليت الجوع والفقر والمرض والتعليم والحروب والدمار الحاصل وقبلت علي ستات شاي وشيشة
ياخي خليك راجل وشيخ بمعني الكلمه واتكلم مع رئيسك والوالي بتاعك عن الاهم ياسجم..والله بسالك بعدين عن مازا قدمت ياشيخ


#917315 [kassalwy]
5.00/5 (1 صوت)

02-16-2014 06:18 PM
الشعب السودانى الفضل (الحى منه) 90% عاطل و 9% مفصول من الخدمة لانه غير موالى للكيزان - حيمشوا وين

لازم يكون فى محل الشيشه او يشرب شاى سادة جنب ست الشاى


#917268 [مرتضي الجعر]
4.00/5 (3 صوت)

02-16-2014 05:36 PM
خلاص يعني مشاكل البلد كلها إتحلت وبقت بس علي ستات الشاي ومحلات الشيشة؟؟؟

شيوخ جهلاء وما عندهم موضوع..
إتكلموا عن المآسي الحاصلة في البلد وإقتصاده المنهار، مش في ستات الشاي ومحلات الشيشة.

ولعلمكم، مقاهي الشاي والشيشة دي في أغلبها محترمة وأنا شخصياً أجلس فيها وليس هناك مشاكسات ولا قلة أدب ولا دعارة ولا هم يحزنون.. نسوان أغلهم حاجات وخالات عواجيز دايرين يأكلو عيش وبس.. والشباب دايرين يتنفسوا ويشرب شيشة.. حتقفلوهم في بيوتهم يعني؟ خطأ كبير القانون الجديد اللي يغرم صاحب الشيشة 500 جنيه والزبون 100 جنيه.. العالم كلو يشرب شيشة يا بشر.

ممكن أتفق في أنو ممكن الحكومة تقنن المحلات دي وتنظمها بحيث تكون محلات مغلقة وبمواصفات معينة ويوفروا فيها تلفزيونات وقنوات ووو بدل أكشاش الشيشة المظلمة اللي في كوبر وسوق ليبيا وشمبات دي.. يا ناس حتي في السعودية بلد الاسلام في محلات شيشة ضخمة جداً فيها مئات الغرف الصغيرة لتعاطي الشيشة والقهوة والشاي -- لكنها مقننة ومنظمة تنظيم رائع.. مافي حاجة أسمها الشيشة ضارة والتدخين ضار.. خلو الناس الدايرين ينضروا بالتدخين زيي كده ينضروا.. وإلأ والله العظيم نثور ونعمل ليكم فرع للربيع العربي في السودان ونقلبها ليكم فوق رأسكم.

جاتكم البلاوي.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة