الأخبار
أخبار إقليمية
الحزب الشيوعي : تصريحات هيئة علماء السودان معروف مصدرها ودوافعها.
الحزب الشيوعي : تصريحات هيئة علماء السودان معروف مصدرها ودوافعها.
الحزب الشيوعي : تصريحات هيئة علماء السودان معروف مصدرها ودوافعها.
هيئة علماء السودان


قال: إنها تهديد مُبطَّن للحزب للقبول بالحوار.
02-16-2014 11:32 PM
الخرطوم

سخر الحزب الشيوعي السوداني من تصريحات ما يسمى بهيئة علماء السودان حول بقاء الحزب الشيوعي فاعلاً ونشطاً في الساحة السياسية السودانية، وقال عضو اللجنة المركزية والمكتب السياسي للحزب الشيوع، سليمان حامد الحاج:( الحزب الشيوعي يكتسب بقاءه وشرعيته من جماهير الشعب السوداني، وعبر نضاله مع الجماهير ، وهو يدافع عن قضايا الشعب والوطن) مردفاً إن سر بقاء الحزب الشيوعي هو دفاعه عن مصالح جماهير الشعب السوداني، طوال تاريخه المديد لأكثر من(60)عاما لم يلوث يده بمال الشعب ولم ينهب ولم يسرق أو يجنب، وإنه ظل مصارعاً في كل العهود منذ الاستعمار مروراً بالحكومات الشمولية من أجل الديمقراطية وسيادة حكم القانون، وتساءل سليمان قائلا:( أين كانت هيئة علماء السودان عندما قتل النظام الآلاف في دارفور وجنوب كردفان والنيل الأزرق؟ وأين كانت عندما اغتصب النظام ومليشياته الفتيات والشباب القُصر وانتهك الحرمات) وتابع قائلاً:( بل أين كانت عندما قتل النظام أكثر من(200)في مظاهرات هبَّة سبتمبر الأخيرة ضد الغلاء والجوع..؟) وقطع بأن: لا هيئة العلماء ولا من يدفعون لها يستطيعون حل الحزب أو مسه بشيءٍ، كاشفا عن أن:( الحزب يعرف مصدر هذه التصريحات، فهي مأمورة لتحمل تهديداً للحزب مُبطَّناً بقبول المفاوضات مع النظام أو حل الحزب) قاطعا بأن: ذلك مستحيل وأن الحزب الشيوعي ذوالتاريخ الناصع والعريق لن يفعل ذلك).

الميدان


تعليقات 18 | إهداء 0 | زيارات 3461

التعليقات
#918124 [وطني]
5.00/5 (2 صوت)

02-17-2014 01:23 PM
خلونا من هيئة علماء السودان ، ناس الحكومة ديل وجهاز الامن يا مجانيين ولا عايزون يحرقوا البلد اكثر من ماهي محروقة انحنا ناقصين مشاكل مع الشيوعيين كمان ، الشيوعيين ديل تعصروهم اكثر من كده يطلعوا منهم مائة بس ويمشوا للحركات المسلحة يكون عندكم مائة ياسر عرمان يحمل سلاح وكانه ياسر عرمان ما كفاية، اوقفوا هذه الحرب اللعينة وشجعوا الناس على ممارسة المعارضة السلمية وترك السلاح،


#918065 [الجزء .. الأخطــر]
0.00/5 (0 صوت)

02-17-2014 12:39 PM
.
0((( ملخــص خطبــة الجمعـــة - الجزءالتاني الأهـم والأخطــر.. !! ))
..
.. حدثناكم في الجزء الاول عن ما لا يعنينا من شأن الخواجات الذي ورد في تلك الخطبة العصماء..
-
-- دعوني الآن ، أسرد لكم ما دعى إليه خطيبهم لإمضاء طاعة الوالدين ..

-- قال : { في واحد سوداني بار جداً بوالدينه، وشغال موظف في بنك ! أكيد بنك إسلامي طبعاً ..

-- وقال الولد ده من شدة طاعته لأبوه، انه في أحيان كثيرة بعد يصحى الصباح ويلبس هدوم الشغل ويزبط الكرفته - الاسلامية؛ " فيها رسمة مئذنة فوقها هلال "..

أهه بعد يجى مارق على الشغل.. يجى غاشي أبوه يسلم عليه.. يقوم أبوة من شدة راضي عن الولد ده،أب كرفته إسلامية ده !! .. يقول ليه ( عليك الله اليوم ده ما تمشي الشغل-العمل، وتعال أقعد جنبي هنا نتونس ونحكي حكاوي شيخ فلان وفلان... وسيبك من الشغل وما بتفرق كثير لو إتعطلت مصالح الناس كم يوم كده .. المهم أنا أكون راضي عنك يا ولدي .. وفخور بيك إنك بتسمع كلامي وتقعد جنبي توؤنسني وتسليني في وحدتي وتترك العمل والمسئولية ومصالح الناس الما بتخلص ديك وما بتتحمل التأخير ...
..
.. المدهش في الموضوع؛ ( مدير البنك ).. إتخيلوا.. !!.. لما الموظف ده يقعد في البيت جنب أبوه وما يسجل حضور في العمل؛ مدير البك لا يهتم بأمر غياب الموظف وأسبابة ولا فيه خصم من المرتب ولا كوته إجازات ولا غيره..
.. ما طاعة الوالدين دي عندها ريموت كنترول في يد أبو الموظف، بيدوس على الزر وهو قاعد في البيت؛ يقوم مدير البنك يستلم التلكس؛ أنو الموظف قاعد في البيت في مهمة عمل ( مؤونساتي ).. بس بدون حوافز.."الحمد لله، ما نزلوها في بند..الحوافز والعلاوات"

-- لكن لو الموظف ده يوم صحى زهجان ومرهق شوية كده من ونسة أبوه، وقرر أنو ما يجي البنك من تلقاء نفسة كده؛ يعنى ما قاعد يونس أبوه.. أهه طوالي مدير البنك تاني يوم بسأله: يا أخونا أمبارح مالك ما قعدت توؤنس السيد/ الوالد... }

أها.. يا دولة بعد الخطبة العصماء دي تمشو ما تسمعوا كلام ( هيئة علماء السودان ) الافاضل ديل !!

؟؟ وتسمحوا بقيام أحزاب علمانية ملحدة كافرة وبت ستين كلب ..
..
-- يجي وآحد مدير بنك منهم يرفدالمدير دة ويغرمه غياب الموظف داك ويفصل الموظف المتسيب داك واللي في أغلب الظن انه ليس لديه عمل يقوم به لكن لديه مرتب يهز ويرز.. وحوافز ومخصصات مخليه ليك أبو الولد زاتو ( الذبدة ) بي غادي ليهو ..

.. آخـــر زمـــن !!


#918045 [سامى]
0.00/5 (0 صوت)

02-17-2014 12:22 PM
ارجو من هيئة قيادة الحزب الشيوعى السودانى وكل جماهيره وعضويته المثقفة وانا اعلم ان اغلبهم مثقفين وواعين ارجو منهم ان لايحاولوا اختزال واسقاط امر الصراع بينهم وبين الاسلام السياسى بان هو موضوع الصراع الان لان هذا مايريده هولاء الاسلامربيون -فالصراع الحقيقى هو بين الشعب السودانى وتجار الدين والفاسدين وبدون اى صراع دينى او فكرى ومابيان هيئة علماء السلطان الا بالون من هذه البالونات للاحادة عن القضية الاساسية وهى اقتلاع نظام القهر والجوع والمرض والفقر والقتل والاذلال الى الابد


#917963 [مددحت عروة]
0.00/5 (0 صوت)

02-17-2014 11:20 AM
انا لا شيوعى ولا علاقة لى بالشيوعيين لكن اين كنتم فعلا يا علماء السلطان عندما فصلت الانقاذ الناس من الخدمة وشنقت ناس العملة وضباط رمضان بدون محاكمة وهلم جرا ولا انتو بتفتكروا ان المفصولين والمقتولين ما هم بشر ولا سودانيين لهم الحق فى هذه البلاد؟؟؟
قوموا كده جاكم بلا يخمكم ويخم المعينكم ووالله انكم لا تستحقوا الاحترام بتاتا ولا الصلاة خلفكم!!


#917954 [ثورة محمية بالسلاح ( كاودا وبس)]
0.00/5 (0 صوت)

02-17-2014 11:14 AM
أخي أبو ديك تحية طيبة :

قلت أن خالد أرعن ولكن لا يكذب وهذه محمدة كبيرة ونادره وغير متوفره في محمد خير وعصابته

أما محمد ليس فيه ولا في عصابته خير وأنت وصفته بأنه منافق وهذه من صفات الكيزان الاساسية

ياخي أقولك حاجة أعرف كوز يعني يشاركك مثلا في كل تفاصيل حياتك اليومية وزي مابقول أهلنا

الملح والملاح ويغدر بك ... ويتجسس عليك ... ومن صفات الكيزان اللاانسانية واللاسودانوية وهي

قلة المرؤة مـــــــــــع قلة الادب ... عدم احترام السودانيين فهم ينظروا للشخص الغير كوز

كانه كائن فضائي غريب ... وفي تقديرهم وفي ايديولوجيتهم أن أي زول غير كوز لا يستحق الحاية

وخير مثال شهداء ثورة سبتمبر قتلوا خيرة شبابنا بدم بارد وبدون أن يطرف لهم جفن وعايشين

حياتهم عادي وناسين الموت ... وفي اجتماعاتهم السرية يقولون أي شخص مخالف لنا في الرأي يقتل

ثم يسحق أو يترك البلد ... ويقولون البلد دي حقتنا ... وقبل سنة تقريبا قالتها قطة الانقاذ

المدللة الحايمة بقروشنا في العالم من فندق لفندق سناء حمد قالت نحن أهل الجلد والرأس وكانت

تحمل رشاش وذكرتي بالاعلامية الليبية هالة مصراته كانت تحمل مسدس وتقول نفس الكلام والان هي

وسيدها القذافي في خبر كان ... ومصير الكيزان مأساوي بقدر ما سببوا من أسى وظلم للسودان

والاسر السودانية ... وضايقوا الناس في منامهم ومعاشهم ولم يتركوا شيء الا وخربوه فهم فجره

ولديهم فقهاء سلطان من نوع خاص أمثال عبد الحي ودفع الله عفنه فهم يحللون الحرام والعكس ...


أرى أن مقولة المغفور له محمود محمد طه بدأت تتحقق والبقية في الطريق ويوم البشير أسوأ من

يوم القذافي أما نافع علي نافع نقطعه حتت ونعملوا شرموط بالمعنيين وأهل التورية يعلمون ...


#917951 [الحزب الشيوعى والشرعية]
0.00/5 (0 صوت)

02-17-2014 11:12 AM
الحزب الشيوعى يستمد وجوده وشرعيته من جماهير الشعب السودانى التى يدافع عنها ويعبر عن مصالحها السؤال : اين كان الشعب السودانى عندما حل الحزب عام 1965 وعندما قتلت كل قياداته عام 1971م
اليست هى من قامت بذلك اليست هى من ارجعت نميرى ؟ ما لكم كيف تحكمون ؟ الشعب السودانى شعب متمسك بدينه ولا يأبه بترهات الفلاسفة والافكار البشرية البائرة فى منبعها بعد فشلها الذريع


#917894 [عاصم البشير]
0.00/5 (0 صوت)

02-17-2014 10:24 AM
ناس الهيئة ديل الظاهر عودة الترابى حجبت عنهم الرؤية ويريدوا ان يؤكدوا لاولياء نعمتهم انهم بيعملوا ليرى البشير وزبانيته عملهم وحتى ياخذوا من مال الشعب الصابر ما يسد رمقهم انها شحدة ليس الا وفليس لهم موضوع غير الارتزاق اذا استغربتم يا هبئة النفاس والولادة وهلال رمضان عن بقاء الحزب حتى اليوم اسالوا مسجل تنظيمات الاحزاب وقانونها ثماذا لم تعترفوا بالدستور
الله ياخذكم اليوم قبل الغد فقد شوهتم صورة العلماء وانتم الرمم التى تستحى من اعمالها القمامة


#917887 [خالد حسن]
5.00/5 (2 صوت)

02-17-2014 10:16 AM
حارنك نحن ودايرنك ... للشمس حاتمشي مبارنك
عاش نضال الحزب الشيوعي عاش نضال الطبقه العامله
والخزي والعار لتجار الدين وعلماء السلطان


#917878 [أبوقرجة]
3.00/5 (1 صوت)

02-17-2014 10:04 AM
منو هيئة علماء المسلمين دي .. ومن أين أتت... أقولها ليكم اي مساس بالحزب الشيوعي السوداني العظيم هوم ساس بالشعب السوداني ....... وصدقوني أنتم الخاسرون ايها الدجالون ... الحزب الشيوعي هو حزب عظيم ......... أمشو أسألوا ناسكم ... الحزب الشيوعي راسخ في أرض السودان ... يا جبناء ...

بيهم تبقى بلدنا خراب ارهاب وعذاب وضناء .. الكلام دا إنقال في سنة 86 .. والحزب هو القالها .. وقتها .... وتحقق هذا الكلام .. يعني حزب عارف كيف يحلل أمثالكم .....


#917853 [السوداني]
0.00/5 (0 صوت)

02-17-2014 09:52 AM
اسكتوا يا هيئة جهلاء السودان
الشيطان الاخرس الساكت على الفساد
ان السودان لا يحتاجكم ودعونا نتفق كلنا كسودانييين
اخرصكم الله وان كان هنالك وضع انتقالي فانتم اولى بالذهاب


#917829 [محمد خليل]
0.00/5 (0 صوت)

02-17-2014 09:39 AM
الحزب الشيوعى لم يلوث يده بمال الشعب ولم ينهب ولم يسرق أو يجنب؟ و لكن متى أتيحت للحزب الشيوعى الفرصة ليحكم حتى نعرف ان كان سيسرق أو ينهب أو بجنب؟


#917824 [عكاشه]
0.00/5 (0 صوت)

02-17-2014 09:36 AM
هناك مثل دارفورى بيقول :دابى فى خشمو جراداى ولا بعضى


#917798 [أبوبكر محمد خلف الله]
0.00/5 (0 صوت)

02-17-2014 09:14 AM
هيئة علماء البلاط المنحطة. حقيقة التصريح يشبهم ولسة ماوثبوا للامام.


#917693 [حسن سليمان]
5.00/5 (1 صوت)

02-17-2014 03:33 AM
إنها تهديد مُبطَّن للحزب للقبول بالحوار.
اصبحوا مثل الصحف لا ينطقون على الهوى وانما بأوامر من جهاز الامن تهديد وتلفيق باسم الدين


#917639 [ملخص خطبة الجمعة]
0.00/5 (0 صوت)

02-17-2014 12:57 AM
..000 ... إهداء بسيط لـ( جوغةعميان السودان)....0000....

خطبة الجمعة على قناة النيل الازرق نقلا من كبريات مساجد الكيزان

قال : الليلة شيخي مافي، وقالوا لي إختصر ؛ " عشان ما تلبخ كثير..!!"

قال : تصدقوا مرة في وآحد خواجة ( والخواجات ديل ما عندهم بر للوالدين "؛ شايفين كيف !
.. أهه؛ الخواجة ده أمه في دار العجزة؛ شابفبن كيفن ! أهه الخواجة في يوم قام ساق عربيته ومشي دار العجزة بالعربية (السيارة، يعني) تتخيلوا كيف ! وقام ( الخواجة ) وقف العربية قدام باب دار العجزة؛ وقعد يضرب في ( البوري ) أي والله !
الخواجة وآقف بي عربيته قدام دار العجزة ويضرب كلكس ( بوري ) وإحتمال بكون مركب آحد صيني - شطط، زي بتاع اللواري بتاعت الخلاء...
أهه بعد الخواجة إرتكب كل هذه الاعمال الصالحة؛ قام مدير المركز بتاع رعايةالعجزة طوالي خلى الشغل الفي يده وفام من مكتبة ومشا يقابل الخواجة الواقف عند الباب بتاع مركزالعجزة وراكب في عربيته وبيضرب في البوري... أي والله ...
وقام الخواجة طلع كرت من جيبة وقال لي مدير المركز : أدي الكرت ده لامي ... وهو راكب جوه العربية ولا نزل منها حتى!!
أهه مدير المركز قام عاين في الاسم : وطوالي عرف ليك أسم أم الخواجة داك؛ وقال ليه يا خواجة أمك دي ماتت ليها 5 سنين...أي والله...تتخيلوا معاي المنظر ده دراما كيزانية من الفئة بتاعت ( الحزام الاسود ) ..
الغريبة أنو الخواجة دور عربيته وفات طوالي.......
أي والله يا مولانا سيف الدولة حمدناالله أنو لم يجعلنا ( كيــــزان )..

حاحكي ليكم اللقطة التانية من سفاهة الجمعه على قناة النيل الازرق بعد ألم في موظف البنك العنده الحوالة بتاعتي وقاعد يتونس مع أبوه ...عشان يرضيه.. ولما استلم القروش أمشي أجيب لي دواء بتاع طمام واشتري لي رصيد..أكمل ليكم بيه باقي الونسة..
هيئة علماء مدري أيش كده...


#917638 [ساب البلد]
5.00/5 (2 صوت)

02-17-2014 12:55 AM
************ ((( وتساءل سليمان قائلا:( أين كانت هيئة علماء السودان عندما قتل النظام الآلاف في دارفور وجنوب كردفان والنيل الأزرق؟ وأين كانت عندما اغتصب النظام ومليشياته الفتيات والشباب القُصر وانتهك الحرمات) وتابع قائلاً:( بل أين كانت عندما قتل النظام أكثر من(200)في مظاهرات هبَّة سبتمبر الأخيرة ضد الغلاء والجوع..؟)))) ****** نتظر الاجابة من هيئة علماء الشيطان *****


#917635 [haitham]
5.00/5 (3 صوت)

02-17-2014 12:54 AM
اولا التحيه للحزب الشيوعي وكل قيادات وكوادر الحزب الشيوعي
بالنسبه لهيئة علماء السودان التي فقدت البوصله ,نقول لهم ان الحزب الشيوعي طوال تاريخه لم يسلب ولم ينهب من اموال الشعب ظل معارض وسيظل معارضا الي ان تزول حكومة السجم والرماد التي قادت السودان الي الحضيض , كحزب نحتفظ بوجهة نظرنا وفكرنا لسنا في حوجه الي هيئة علماء الرشاوي الي ان تقيمنا .


#917576 [عصمتووف]
5.00/5 (2 صوت)

02-16-2014 11:44 PM
أين كانت هيئة علماء السودان
ي رفاق هيئة علماء السودان كان في فمها ماءا وجيبها مالا انا اعتبرها احدي دعايات الكوكا كولا والشامبيون في التلفزيون انهم ممثلين غير بارعين لشركة الدعاية (المؤتمر)


ردود على عصمتووف
United States [الراجل] 02-17-2014 10:41 AM
يا عمصتووف انا بحب تعليقاتك بس ال(ى) ده كمله عشان تبقى (يا) تقبل تحياتى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة