الأخبار
أخبار إقليمية
السودان لم يرصد استغاثة الإختطاف من الطائرة الأثيوبية ومطار القاهرة أنقذ الموقف - شاهد صور -
السودان لم يرصد استغاثة الإختطاف من الطائرة الأثيوبية ومطار القاهرة أنقذ الموقف - شاهد صور -
 السودان لم يرصد استغاثة الإختطاف من الطائرة الأثيوبية ومطار القاهرة أنقذ الموقف - شاهد صور -


فضيحة جديدة للأجواء المستباحة..
02-17-2014 02:19 PM
كشف اختطاف الطائرة الأثيوبية المتوجهة في رحلة اعتيادية بين أديس أبابا وروما، فضيحة جديدة في حجم التردي لواقع الرصد وبرج المراقبة الجوية السودانية، إذ أكدت صحيفة لاتريبون دو جنيف أن الطائرة خطفت أثناء تحليقها فوق الأراضي السودانية، وأنها سارعت فور اختطافها بإرسال ما يعرف باستغاثة اختطاف، إلا أن الرسالة وجدت التجاوب من مطار القاهرة، والذي تلقاها وقام بدوره بإبلاغ الجهات المختصة، مما مكن من توفير الأجواء المناسبة للتعامل مع هذه الحالات.

لكن المصادر أكدت أن مراقبة مطار الخرطوم للأسف عجزت فيما يبدو عن رصد الرسالة أو حتى التعرف عليها، الأمر الذي يكرس مدى التدهور الذي بلغه المجال الجوي السوداني في الرقابة أو حتى توفير البيئة المناسبة لمرور الطائرات في أجوائه، خاصة أنه من المفترض في حال مرور الطائرات في المجال الجوي لأي دولة أن يتم رصدها بدقة لحين خروجها من الحدود.

وكانت طائرة أثيوبية طائرة البوينغ 767 تعرضت للاختطاف حيث أرغمت على الهبوط في جنيف بدلا من روما، في الخامسة فجرا بتوقيت جرينتش، في وقت أكدت المصادر أن الشرطة قبضت على الخاطف مساعد قائد الطائرة الذي سلم نفسه للجهات المختصة طالبا اللجوء السياسي.

image

image
تنزيل الطائرة الاثيوبية خلال وصولها الى مطار جنيف - وكالات


تعليقات 58 | إهداء 1 | زيارات 21999

التعليقات
#918888 [مراقب جوي]
1.00/5 (1 صوت)

02-18-2014 08:32 AM
بقدر ما ضحكت من تعليقات البعض وتهكمهم , بقدر ما اسفت علي جهل وغباء وسطحية البعض الاخر ..
نصرالدين ...


ردود على مراقب جوي
United States [مراقب جوي] 02-20-2014 02:34 AM
Thank you my dear brother (Abu) .. First , I said that there are (some) stupid comments, not all .. thank you also for your Respectable and sophisticated style in response to what I have said... In short , when the pilot announces the case of the intervention or interference through the development of a specific code .. shows that figure on the radar screen in red with a beep .. Therefore, it is not reasonable that the air traffic controller does not know this emergency situation.
As you know, dear brother, that the field of aviation of the most dangerous field . The work is done in accordance with the rules and regulations .. you can not drift away from that . Therefore, all employees in a high level of efficiency and accuracy .. As the air navigation center in Khartoum in a high level of development and progress. ( number three in africa )
What I would like to say to those who have (stupid) comments to ask first about the nature of the work of air traffic controller and then judge .. again .. Thank you.

United States [Abu] 02-18-2014 07:32 PM
Thank you Mr نصرالدين
for taking the time to label us the “commentators” as myopic and narrow-minded, and as you’re claiming that you’re an ATC, so we had the hopes that you will be kind enough to enlighten us we the {Ignorant, Stupid, and ingenuous} ? Sure during this dark era, in that poor place any “idiot” could claim (Ingenuity & Cleverness)
No sense indeed in keeping in going in this path, hoped you would be kind enough to tell us the full story? Assuming there was even a story beside the total failure of Air-traffic controllers to pick the SOS signals from the Ethiopian aircraft?

[abuali] 02-18-2014 02:15 PM
القاهرة 17 فبراير 2014
صرح إيهاب محي رئيس مجلس ادارة شركة الملاحة الجوية بأن سلطات الطيران المدنى السودانية أبلغت المراقبة الجوية المصرية بوجود طائرة تابعة للخطوط الجوية الأثيوبية وطرازها بوينج 767-300 مقلعة من مطار أديس بابا ومتجهة الى مطار روما (ايطاليا). وفى طريقها لعبور الأجواء المصرية فتحت الطائرة الأثيوبية كود الإختطاف.
وأضاف محي أنه قد تم التعامل مع الطائرة خلال عبورها الأجواء المصرية ومتابعتها حتى خروجها من المجال الجوي المصري ولم تطلب الهبوط في أي من المطارات المصرية، وأبلغنا السلطات الليبية بالمعلومات اللازمة . وغادرت الطائرة الأجواء المصرية متجهة الى المجال الجوى الليبى وتم متابعة الطائرة الى أن هبطت بمطار جنيف بسويسرا.

.

[ركاب سرجين] 02-18-2014 10:26 AM
شكراً،، شكلك مراقب عمال.


#918830 [المغترب أب رياله]
3.50/5 (2 صوت)

02-18-2014 04:02 AM
يعنى يا الراكوباب طلعتوا أى كلام, عمركم شفتوا زول بيسمع بعيونو ؟؟؟
بالعربى الفصيح الجماعه قالوا ليكم فى السودان المراقبه بالنظر , تقولوا لينا إستغاثه بالسمع . هـــــــــوى يا جماعه الكلام واضح شوف عين بس قوالات ما معانا.

بعدين الطياره لو ضربت بورى فوق مطار الخرطوم زول بجيب خبرها مافى ...أمشوا نوموا وغمضوا إضنينكم وافتحوا عيونكم !


#918809 [معقوله بسسسس]
4.50/5 (2 صوت)

02-18-2014 02:57 AM
مركز الملاحة الجوية شرق المطار على عبيد ختم قد كلف الكثير.. برامج حاسوبية فقط ب 23 مليون يورو غير الأجهزة و التركيب من الشركات الفرنسيه و السويدية و تكلفة المباني و كل الموظفين تم اختيارهم من خلفيه تنظيم سياسي و تم تدريبهم في جنوب افريقيا و اوروبا. .. حدث ذات مرة أن المراقب الجوي سأل أحد الكباتن المحلقين عن موقعه!!!! بعض الموظفين و بعد أن صرفت عليه الدوله لم يواصل العمل بالمركز.


#918797 [تينا]
0.00/5 (0 صوت)

02-18-2014 02:15 AM
قصة غريبة ومطار فى قمة الفوضى يا (((نجاة)))اختى ... الزول دا فعلا بكون مهربنو ... الحمد لله الماطلع تفجيرى ... صحى كنا وين نلقاك ... مفرداتك المتخصصة فيها الما أيى زول بعرفها بتعجبنى شديد ... ربنا يخليك ودائما منورة لينا الراكوبة انشاءالله ... تحياتى...


#918747 [مجنون ليلى]
5.00/5 (1 صوت)

02-18-2014 12:29 AM
قالت السلطات السويسرية إن مساعد طيار طائرة الركاب الاثيوبية الذي غير مسارها إلى العاصمة جنيف سلم نفسه للسلطات في محاولة لطلب لجوء سياسي.

وكان المساعد الرئيسي غير مسار الطائرة التي كانت في طريقها من العاصمة الاثيوبية اديس ابابا الى روما عندما ترك الطيار كابينة القيادة للتوجه إلى الحمام، بحسب بيير غرانغين المتحدث باسم الشرطة.
وقال غرانغين في مؤتمر صحفي إن مساعد الطيار لم يكن يحمل أي سلاح ولم يلحق الأذي بأي شخص في الطائرة، مضيفا أنه ترك الطائرة فور الهبوط عبر نافذة كابينة القيادة.
وقال الخطوط الجوية الاثيوبية في بيان إن ركاب الطائرة وطاقمها هبطوا بأمان.
وكانت شركة الطيران قالت إن احدى طائراتها من طراز بوينغ 767 "أجبرت على التوجه الى جنيف."
وأكد ناطق باسم هيئة الطيران السويسرية في وقت لاحق انه تم اغلاق مطار جنيف عقب هبوط الطائرة.
وهبطت الطائرة في الساعة الرابعة و15 دقيقة بالتوقيت المحلي.
واعلن لاحقا ان قوات الامن السويسرية اعتقلت شخصا واحدا هو الخاطف وانه طلب "حق اللجوء" في سويسرا.
وأصدرت الخطوط الجوية الاثيوبية في وقت لاحق بيانا أكدت فيه انها تجري الترتيبات اللازمة لنقل ركاب الطائرة الى وجهاتهم.
يذكر ان الخطوط الجوية الاثيوبية شركة مملوكة للدولة الاثيوبية، وهي اسرع شركات الطيران الافريقية نموا.


#918741 [Abu]
4.00/5 (1 صوت)

02-18-2014 12:22 AM
ود الدكيم ردود على
Undisputable what you have said is the most crucial and vital (with all due respect to all other commentators?). With what is taken place in that disastrous country, I doubted very much if even the shift at ATC, at that precise moment are aware of what the S.O.S. single is, or even what the Morse code itself is??
Human factor is the most indispensable factor in any development. As you have mentioned all could be bought, in terms of technology and infrastructure, but from where could we get the humans who are supposed to tackle all that? Sudan by every meaning was the most CURESED country in human history I came to know about. I do winder often what kind of people we are? Quintessential example of what is a “Failing State” is, from the start 1956. Needless we to mention what the last 25 years have brought that country. Havoc the way I see it unfortunately is beyond repair, and getting that place to stand on it is feet is almost a miracle, and sure we all are aware that miracles days are over!! The hijacked incident sure a trifle and not more than the ice tip in this huge iceberg. As long as this mob regime is in power, sure nothing could be doing? After the eradication sure the journey will be long as hell to reconstruct the place and sure top in the list will be the Sudanese themselves, and later the other assets comes??


#918725 [تينا]
0.00/5 (0 صوت)

02-17-2014 11:56 PM
صدقتى يا(((رانيا))) اختى حيسيبوا كلو شيىء واقبلوا علينا ... مانحن حيطتهم القصيرة عاد ... تحياتى.


#918691 [nagatabuzaid]
0.00/5 (0 صوت)

02-17-2014 11:03 PM
حصلت حكاية غريبة فى مطار الخرطوم قبل سنوات قليلة عند رجوعى من الاجازة وعودتى لحيث انا ممتطية الجواد الحديدى المسمى بالطائرة كنت مسافرة على طائرة دولة افريقية للترانزيت بدولة تلك الطائرة ومن ثم امتطاءصهوة جواد اخر السفر من الخرطوم كان ليلا لاحظت ان هناك شاب ظهر فجاءة بسرعة البرق لم يخرج معنا من بوابة المغادرة ما بعرف جاء من وين خرج من باطن الارض عليمكم الله هبط من طيات السحاب عليمكم الله وبينما المسافرين يصطفون للتعرف على حقائبهم قبل رفعها ( شركة طيران واحدة كانت تفعل ذلك ) الشاب لم يتوقف مثلنا وبسرعة الصاروخ زنننننن تسلق السلم وذاب داخل الطائرة الحكاية دى غريبة وللان محيرانى لانه عدد المقاعد معروف وبعد استقرار الركاب فى مقاعدهم ياتى من يتفقدهم وكنت راخية اضانى عسى اسمع دوشة او كفشة للشاب ووصلت الى ما يشبه اليقين ان الشاب هارب وان هناك من هربه الحمدلله ماطلع تفجيرى او اختطافى هسع كان يا حليلى تانى تشاكلوا منو ومنو البشاكلكم فى الراكوبة وهذا يؤكد ان مطارنا المجهجه منتهى الفوضى


ردود على nagatabuzaid
[nagatabuzaid] 02-18-2014 08:09 PM
الله يكرمك يا ابو نفوس شرقتنى بمرورك وعطرت الراكوبة

United States [ابونفوس] 02-18-2014 07:44 AM
ههههههههههههههههههههههههه انتي ظريفه جدا الاخت نجاة.....لك التحيه


#918652 [ود الدكيم]
2.00/5 (3 صوت)

02-17-2014 10:00 PM
قال أبو الطيب المُتنبي هاجياً كافور الأخشيدي الذي تسلط على رقاب أبناء مصر ...

نامـت نواطيـر مصـر عـن ثعالبهـا *** فقـد بشمـن ومـا تفنـى العناقيـد.

النواطير جمع ناطور وهم الحراس ويريد الشاعر أن يقول لقد سرق حكام مصر ثرواتها وخيراتها حتى درجة البشم وهو الشبع الزائد عن الحد ولكن خيرات البلد لن تفنى ولن تنضب وهذا ما ينطبق على السودان الآن فهو غنيٌ بإمكاناته ومقدراته وما سرق يمكن أن يعوَّض فيمكن شراء أحدث أساطيل الطائرات والأجهزة بعد زوال اللصوص ولكن السؤال الذي يبقى من أين لنا أن نأتي بإنسان السودان الكفوء الذى سوف يدير هذه التقنيات بعد أن شُرِد وفُرِق أيدي سبأ أو تقطعت به السبل وهرم وهرم وهرم....!!!


#918636 [fm3]
0.00/5 (0 صوت)

02-17-2014 09:45 PM
ناس المطار فاضيين هم تلاقيهم من ناس الجمارك وبرج المراقبة شغالين فينا نحن السودانيين بس الخارج من البلد والداخل ليها على امان يفلفوا شنطك ما يخلوا ليك حاجة المكوه الشايلة الابره الشايلة جماك بس والحريم الدهب ان كانت طالعه من المطار رجعى طالعه بيهو وين وما نستغرب ساعة الطائرة الاثيوبية ناس برج المراقبة لانهم فاقد تربوى وكادر ماسونى هم فاضيين
لان السودان ده مهما غلطتا وغلطتك قاتلة فى فقه الستره وهى لله
وبصمتنا نحن اها انفصال الجنوب ده ما غلطة عاد كدى منوا فينا القال بغم والجاى اعظم
احنا والله ام ورثنا من الاستعمار سيستم جاهز السودان ده كان لاتوجد له وجود
اهى ذى دى ما فايح وكل يوم عوراتنا تظهر بدل المكابره وقوة الراس كان يمشوا للامريكان ياخدوا دورات بدل ما شابكننا فى الظاهر عداوه للامريكان وتحت تحت من شيخوا الترابى لى اصغر جربوع يبوس الارض البتمتشى عليها امريكا
والله الخوف من حاجة وااااحده ان ناس المافيا سمعوا بى ببلد اسما السودان ام فكوااا ذى ده على امان الله يبيعونا جملة وقطاعى لى دول العالم
العالم اتطور وبرج المراقبة بى كلوا الى فى الى ونحن لسه مع ناس الوالى
شعب جعان لكنوا جباااااااان


#918541 [ashref]
4.50/5 (16 صوت)

02-17-2014 07:21 PM
ياجماعه الغلط من العمل الاستغاثه

كان مفروض يكنتك بالنور ويولع ويطفى الكشافات مرتين

لكن عملها تلاته مرات عشان كدا بتاع البرج قايلو غايز يتخطا الطياره القدامو

سوء تفاهم يعنى عادى مافى حاجه

هسه الشعب السودانى ده كلو طلع فى سمبتمبر يستغيث فى زول سمعوا

بركاتك يا عمر رقصه كدا للحبايب


خيبه وفشل بعد فشل


ردود على ashref
[هندسة] 02-17-2014 09:45 PM
شكلك سواق كريز ... او جوكي ركشات وشتات خالي محطات


#918531 [داوودي]
5.00/5 (6 صوت)

02-17-2014 07:02 PM
والله الواحد بستغرب من تعليقاتكم كانكم منتظرين موقف غير دا ، عادي واتوقعو الاسواء كمان .


#918519 [murtada eltom]
5.00/5 (2 صوت)

02-17-2014 06:55 PM
That means Suan is unsafe for overflight...international safety flight organization should invistegate and conclude safety report for this event to under line the direction of the ERROR...


ردود على murtada eltom
[هندسة] 02-17-2014 11:46 PM
مادام بتعرف انقليزي قدردا وعرفت انو مافي امان فور اوفر فلايت ابقى جاهزوتعال راجع السودان كداري


#918505 [المزور]
4.00/5 (1 صوت)

02-17-2014 06:38 PM
اولا الحبش ديل مالهم يا اختطاف يا اغتصاب ..بعدين في زول في الدنيا ماعارف مشكلتنا مع الطائرات وابراج المراقبه...دا انحنا عادي يضربنا صاروخ ونعرف بيهو في قناه الجزيره....البلد كبيره يا جماعه ونحنا ابراج مراقبتنا دي مكان ونسه وشاي...حدها في السمع والشوف والتقاط الاشارات داخل البرج نفسه...دا اذا اتخيلنا البرج دا حاجه زي الركشه كده...بس نحنا ما نظلم الجماعه بتاع البرج لانو يمكن كان قايلين فيها البشير ..يمكن


ردود على المزور
United States [nagatabuzaid] 02-17-2014 10:27 PM
وازيدك الى جانب القهوة والشاى فرش البضاعة الجابوها من مصر ودبى حريم ورجال ومشغوليييييييييييييين طيارة اثيوبية يخطفوها مش مشكلة بس المهم معسل الشيشة المجلوب للبيع ما يضيع وسط زحام البضاعة المفروشة برج مراقبة قال


#918501 [ياسر نورى]
5.00/5 (2 صوت)

02-17-2014 06:36 PM
حكمة اليوم/ الفشل فى كل يوم يشهد الفشل. عبد لرحيم محمد حسين


ردود على ياسر نورى
European Union [الكلس] 02-17-2014 09:58 PM
ههههههههههههههههههههااااااااااي


#918499 [الصاحب]
2.00/5 (1 صوت)

02-17-2014 06:35 PM
يا جماعة الناس دى كانت فى عزاء اوافطار جماعى وماشافوا الطيارة مع وجود جيش من الموظفين ذو البصر الحاد الذى صار من اساسيات التعين عشان الدفاع بالنظر وكده


#918483 [kalifa ahmed]
5.00/5 (1 صوت)

02-17-2014 06:23 PM
يا حبة بتاع الوردية كادر دفاع شعبي.....مالو ومال S.O.S


#918467 [سرالختم الامين]
1.00/5 (1 صوت)

02-17-2014 06:12 PM
الناس دي كانت بتصلي فى العشاء.. معذورين


#918440 [fahmi gafar]
5.00/5 (3 صوت)

02-17-2014 05:46 PM
الله يرحمك يانميري زي بتاع البرج دا كان كفتو ورفدو لكن الان البلد فاكه مافي زول بحاسب الله يرحم السودان كان زمان


#918426 [تينا]
4.50/5 (3 صوت)

02-17-2014 05:38 PM
بختكم ياالمصريين امكن الموقف دا يشفع ليكم فى موضوع سد النهضة ...


ردود على تينا
[عمرو ود بمبه الحلبي] 02-18-2014 05:13 AM
ههههههههههههههههههههه
يا حبيبي السد ده منهار يعني منهار ,, بس المشكلة لما ينهار ,, هههههههههه
انا خايف على الخرطوم واهل الخرطوم بس
هههههههههههههههههههههههههه ارجوك تحضر العوامه والمايوه

United States [رانيا] 02-17-2014 08:23 PM
هههههههه في الأخير حيطلعونا إحنا الكعبين


#918423 [واحد]
5.00/5 (1 صوت)

02-17-2014 05:35 PM
المشكلة الطائرة بوينج والسودان مقاطع من امريكيا وأجهزة أستقبال مطار الخرطوم تحتاج لفك الحظر, قوموا تظاهروا ضد امريكيا عشان تنقذوا أي مستغيث, وكمان ما تنسوا في ناس ما لاقين ادوية منقذة للحياة وهي توجد بامريكيا. يعني الحصار الاقتصادي بيلعب دور كبير هنا.


ردود على واحد
United States [واحد] 02-17-2014 08:51 PM
مالك الحزين يا شطوري المقصود الاجهزة مش الشفرة؛ أنت أقعد في قصيمك ونظري لينا، الله يقصم ظهرك.

[مالك الحزين] 02-17-2014 07:08 PM
أمريكا ليس لها أى علاقه بالموضوع يافالح لان الشفره نظام عالمى متفق عليه وليس حكرا على أمريكا تعطيها لمن يشاء ,, والشفره دائما موحده في كل أنواع الطائرات في العالم ,, المشكله في بتاعين برج المراقبه الما مؤهلين ,, أو تلقاهم لسه ماجو من بيوتهم ,, ما أصل الحكايه طالقه طالما وزير دفاعك عنده نظريه الدفاع بالنظر ,, والطياره جات وكت العشاء طافيه النور ,, الله يطفى بصيرتك


#918416 [حد بيعرف احسن م الحكومه!!]
3.00/5 (1 صوت)

02-17-2014 05:30 PM
الفضيحه الأكبر ان البشير (وكمان معاه الغنضور) ساعة الحادثه موجودين فى اثيوبيا .. التشير مشى لحضور احتفاليه ما!! ان ما يكون كالعاده كب الزوغه وغادر اثيوبيا قبل بداية ألأحتفاليه اللى كان ماشى يحضرها!!!
يا شماتة ابناء بمبه فيكم يا اهل القبله (بالقاف المكسوره)..
هل ناس المطار والطيران المدنى حتلحقهم ايد النائب ألأول قبل ألأطاحة بهم ؟" مجرد سؤال وليس تمنّى"!! الناس فى انتظار بيان التبريرات .."طبعن" ما حدش بيعرف احسن م الحكومه!!


#918414 [ديامية عايشة في الامارات]
4.38/5 (4 صوت)

02-17-2014 05:29 PM
هو السودان كلو برسل بما يسمى برسالة استغاثة اختطاف الشافو منو والسامعو جات على الطائرة الاثيبوية يكون قاعد وخالف رجل في رجل ويشرب في القهوة يقول خلي يخطفوهم هي البلد ناقصة حبش هههههههههههههه بلد شوية وحتتمحي من خارطة العالم والله كريم


#918411 [العبيدي]
4.50/5 (4 صوت)

02-17-2014 05:27 PM
الغريبة يدعي "خبراء" المجال الجوي بأن السودان به اكبر مركز مراقبة للحركة الجوية (فى الناحية الشرقية من مطار الخرطوم) الثاني فى افريقيا بعد جنوب افريقيا. وقد صرفت فيه البلايين من مال الشعب وكثير من
المراقبين الجويين طلعوا دورات خارجية تدريبية. مبني فخم فعلاً واجهزة "عجيبة" لكن الظاهر كلها مضروبة
زي توربينات سد مروي (معجزة القرن).
والله الواحد ما عارف ذاتو يعلق يقول شنو، فقط نقول "كل ما بني علي باطل فهو باطل" وحقيقة فاقد الشيءلا يعطيه، والمثل قال: "ادي العيش لخبازه حتى لو يأكل نصفه" فما بالكم بمن ليس "خبازاً" ويأكله
كله ويعدموا نفاخ النار ثم يرقص على أشلائه ويدعي "هي لله" ... الله لا كسبكم ولا جعل فيكم بركة


ردود على العبيدي
United States [nagatabuzaid] 02-17-2014 10:35 PM
المضروبين هم الموظفين وليس الاجهزة التعيين واسطة التدريب داخليا وخارجيا باسطة واصلا الكيزان مخهم تخين مع الباسطة زائد الواسطة طلعوا هبنقات


#918409 [زول]
4.00/5 (1 صوت)

02-17-2014 05:25 PM
ابراج المراقبة فى السودان مسيطرين عليها كيزان لا دراية لهم البتة وهذا يوضح الدرك السحيق الذي وصلت اليه الخدمة المدنية


#918406 [Quickly]
4.00/5 (1 صوت)

02-17-2014 05:19 PM
المراقبين الجويين في عهد الانقاذ فاقد تربوي تعينوا بالواسطة كالعادة ضمن سياسة التمكين في كافة اجهزة الدولة والمكاتب الحكومية وغير الحكومية في السودان
وتعينات سياسة التمكين من اهم شروطها هي ان الشخص المتقدم للوظيفة يجب ان يكون كوز قاطع تابع للمؤتمر الوثني او كوز تابع لفرع الترابي كخيار ثاني واخير
والكفاءه والامانة غير مطلوبة ويجب ان يكون حرامي وبتاع لف ودوران وسبهللي للطيش
هذة هي اهم مواصفات موظفي الدولة والمناصب الحساسة في دولة المشروع الحضاري ودولة ( وهي لله لا للسلطة ولا للجاه)


#918405 [حزب الراكوبة]
4.75/5 (3 صوت)

02-17-2014 05:19 PM
حقيقة S.O.S جات ونحن كنا بنصلي


ردود على حزب الراكوبة
United States [comba] 02-17-2014 06:20 PM
and also there was no lights all of them off.


#918398 [مواطنx]
0.00/5 (0 صوت)

02-17-2014 05:13 PM
تعبير جغرافي يقطن به بسطاء ليس أكثر،فلم لا يكون مستباح هذا المجال الجوي،بل قل ممر جوي وأرضي وبحري مباح.

رصد استغاثة قال!!


#918379 [القادمون الجدد]
4.22/5 (12 صوت)

02-17-2014 04:50 PM
الحمد لله الما عرفوها كان نزلوها ونهبو ما بداخلا من امتعة المسافرين


#918372 [سمعتو ولا جابو ليكم]
4.74/5 (7 صوت)

02-17-2014 04:43 PM
بس نفسي اشوف ناس الطيران المدني يقولو شنو؟ بس سالتكم بالله يا ناس الطيران المدني القبر قدام والكذب حرام تقولوا الحقيقة (سمعتوا ولا جابو ليكم) والان تلقى ناس الطيران المدني يعدوا في البيان يصلحوا ويمسحوا واحتمال يطلع بيان بعد عشرة يوم ولكن اغلب الظن انهم لن يطلعو بيان


ردود على سمعتو ولا جابو ليكم
United States [nagatabuzaid] 02-17-2014 10:37 PM
الجماعة ديل كلهم فى دبى بشتروا بضاعة وكلقوا عاملة النظافة مراقبة اجهزة المراقبة


#918369 [ود كترينا]
4.88/5 (5 صوت)

02-17-2014 04:40 PM
*** أجهزة المراقبة الجوية السودانية لاتلتقط الا اشارات الطائرات الحديثة التى تخترق حاجز الصوت ولا يمكنها رصد أى طائرة تحلق على ارتفاع دون مليون قدم...ودى طيارة اثيوبية هكرة ومكركبة...بس عايزين تكرتكسو بدون سبب!!


ردود على ود كترينا
[هندسة] 02-17-2014 09:52 PM
الغريبه انو الطائرات الحديثه الذكرتها دي جات وخبتتك في راسك فس اليرموك وفي بورتسودان وبرضو ما رصدتها تكون عاوز يخبتوك بي احدث منها برضو !!!!


#918368 [taher]
4.50/5 (2 صوت)

02-17-2014 04:40 PM
الله يطول في عمر البشير الذي ترككم تتهكمون علي حكومته ووفر لكم وسائل التواصل الحديثة


ردود على taher
United States [اشاشا] 02-18-2014 12:44 AM
اهبل من رئيسك اهبل

United States [اشاشا] 02-18-2014 12:42 AM
بالجد اهبل من عمر البشير

European Union [المستعرب الخلوى] 02-17-2014 07:50 PM
البشير منو اللى وفر وسائل الإتصال الحديثة يا اهبل ..
لو فرضنا وفرها للصامدين جوة البلد برضو وفرها للناس الطلعوا خلوا ليهم البلد ؟
أما غنك أهبل بصحيح ..

European Union [ashref] 02-17-2014 07:28 PM
ادعي ليو انت

مش بديك مرتب عشان تكتب ده ياكوز

احنا حندعى ليو بطوله العمر عشان نشوفو بتعذب قبل مايموت زى ماعذب الناس


#918367 [موسى محمد]
4.00/5 (9 صوت)

02-17-2014 04:38 PM
دي تعينات الواسطة الوصلت البلد إلى هذه المرحلة من التدهور.
كلهم فاقد تربوي.


#918365 [سوداني وافتخر]
4.75/5 (8 صوت)

02-17-2014 04:36 PM
كل أجهزة الامن والاتصالات مسخرة لمتابعت وخدمة القطاع السياسى للمؤتمر الوطنى واجتماعات مكتبه القيادى ومجلس شوراه حتى ساعة متاخرة من الليل والتي حضرها كل الناس بمافيهم طه ونافع الحمدلله البركه في الحضرة واسفى على بلدى كما قال الشريف الحسين الهندى


#918362 [ابضلعا حديد]
4.94/5 (13 صوت)

02-17-2014 04:30 PM
ياناس نحن الطائرة الجات ضربتنا ما رصدناها لايمننا علي الطائرة الحبشية المخطوفة دي!!!!


#918361 [AMEN_OA]
4.75/5 (4 صوت)

02-17-2014 04:30 PM
الاخوة اللذين سبقوني بالتعليق المعلومة الصحيحة انو الاجهزة المستخدمة في الطائرة هي اجهزة قديمة لا تتوافق انظمتها مع الاجهزة الحديثة التي يعمل بها برج المراقبة لدينا والتي هي مستخدمة في قليل من المطارات ذات لاسمعة الكبيرة كمطار هيثرو بانجلترا ومطار كيندي بامريكا والتي اصبحت تعمل دون تدخل من احد وهنا تقوم بعمل مراقبة ذاتية(بالنظر) وتقيم الحالة وبما انو الطائرة قادمة من اثيوبيا فالجهاز لم يرمي لها بالا وقال احنا في شنو والناس في شنو ✈✈✈✈😁😁😁


#918355 [ابودليبه]
5.00/5 (14 صوت)

02-17-2014 04:24 PM
انتو ماعارفين الحاصل موظف البرج من ناس التمكين والحبشي الكبتن اتكلم انجليزي مافي زول فهمو وحبشي مافي زول فهمو وبتاع البرج نزل لست الشاي الفي البوابه جنب ناس البريد السريع عشان تجي تترجم له ولما طلعت البرج الطايره كانت بالقرب من حلفا والكبتن كان بكورك وموظف الاستقبال بلعب بالمبايل قالو والحبشيه ست الشاي انقذت الموقف بس الطياره كانت سريعه حبتين


#918350 [راجع للوطن]
4.00/5 (2 صوت)

02-17-2014 04:20 PM
التوقيت مهم...الاستغاثة بالنهار ولا بالليل والكابت قال يابو مروة ولا قال sos save our selfبتفرق كتير


ردود على راجع للوطن
[سودانى طافش] 02-17-2014 06:15 PM
أصلا مافى إستغاثة لأن الخاطف هو مساعد الطيار وأغلق باب الكابينة عليه بعد ذهاب الكابتن إلى الحمام .. مافى SOS ولاحاجة ... وبعدين دى لو طائرة سودانية كل الركاب سوف يطلبون اللجوء السياسى فرصة و( سويسرا ) كمان ..!

[ود الدكيم] 02-17-2014 05:42 PM
SOS: SAVE OUR SOULS
لما ترجع بالسلامة وترجع أيامنا الجميلة


#918348 [أب قرن]
3.69/5 (5 صوت)

02-17-2014 04:19 PM
افتكروها صوت حفلة في جبرة !!!!


#918336 [الفنجري]
4.50/5 (3 صوت)

02-17-2014 04:04 PM
يا شباب الناس ديل مما مسكوا البلد أعلنوها صراحة بأننا حنفوق العالم اجمع وهسة دا الحاصل في الهباله والفساد والانحلال والتنكيل بالشعب وعييييييك هسه عليكم الله دفاع بالنظر زرقاء اليمامة ذاتها قالتو ومكنه لحام الخضر ولسه الجاييكم كتير انبطحوا اقصد اركزوا


#918330 [عصام بيرم]
5.00/5 (5 صوت)

02-17-2014 03:57 PM
نحن ما طيارتنا قامت من بدري...من الكيزان ديل جو ركبنا التونسية هههههههههههها


#918318 [ابراهيم جكسا]
4.75/5 (3 صوت)

02-17-2014 03:45 PM
مجالنا الجوي مستباح من فترة ليست بالقصيرة حيث لم يتمكن سلطات مطار الخرطوم من رصد ومتابعة الطائرات التي تعرضت للكوارث الجوية في الفترة الاخيرة وحتي سلاح الجو السوداني بحاجة ماسة للتطوير حتي يواكب العالم في الملاحة الجوية وغيرها بعد اعتماد الدولة رسميا لنظرية اللمبي أو نظرية الدفاع بالنظر إكتفت استراتيجيات الدولة بهذه النظرية حتي اشعار آخر وبالله التوفيق


#918317 [كفاية]
4.63/5 (4 صوت)

02-17-2014 03:44 PM
كانت طافية نور والناس في صلاة العشاء


#918310 [Gogomri Salim KOKO]
4.63/5 (4 صوت)

02-17-2014 03:37 PM
لكن ما باللغة الانجليزية ؟ بتع الوردية بتكلم عربي سوداني يفهم كيف؟ وثانية للطيارة دي اختطافوها الساعة ٢ صباحاً فيى سوداني صاحي في الوقت دا ؟ ولا حفر المحروقات قفلوها؟ ما علينا لوم ابدا


#918307 [Ibrrahim Mhmd]
5.00/5 (3 صوت)

02-17-2014 03:34 PM
شنو الما انتهي في هذه البلاد في عهد الغساد الاسلامولي


#918304 [الكليس]
5.00/5 (11 صوت)

02-17-2014 03:32 PM
امكن بالليل والناس كانوا نائمين , والسواق مادق بوري .. ولا صاحبنا نظارتو ماكانت جنبو


#918302 [الممغوص]
4.50/5 (3 صوت)

02-17-2014 03:32 PM
يعنى السفاح جلّى من هذا الأختطاف بساعات فقط. إن شاء الله يا سفاح يختطفوا طائرتك و تتوقف الطائرة بلاهاي


#918301 [سمسم]
4.98/5 (8 صوت)

02-17-2014 03:31 PM
لكن المصادر أكدت أن مراقبة مطار الخرطوم للأسف عجزت فيما يبدو عن رصد الرسالة أو حتى التعرف عليها---أكاد أجزم بأنه لم يكن هناك موظف على برج المطار فى ذلك الوقت - و هذا أكيد نظرا للتسيب واللآمبالاة الضاربة أطنابها هناك فى كل مرافق مطار الخرطوم - يا جماعة نحن بلد زبالة و حكومة زبالة و أحوالنا كلها متردية و يا ريت يشطبونا من العالم - والله المستعان .


#918291 [faisalmukhtar]
4.50/5 (2 صوت)

02-17-2014 03:28 PM
ربما النظام المستخدم لالتقاط مثل الاستغاثات نظام مشابهه لنظام المراقبه بالنظر لذلك لم تتمكن الجهه المسئوله من التقاط الاستغاثه والتعامل معها او تم التقاطها وتم التعامل معها بالباب البجيب الريح سده واستريح ودقي يامزيكه


#918278 [ود الدكيم]
4.94/5 (11 صوت)

02-17-2014 03:19 PM
إمكن الدنيا كانت ليل والطيارة طافية أنوارها والكهرباء قاطعة في مطار الخرطوم.

يعني الناس تتقطع ليكم ولا يعملوا ليكم شنو؟؟


ردود على ود الدكيم
[كتاحة امريكا] 02-18-2014 11:11 AM
إمكن الدنيا كانت ليل والطيارة طافية أنوارها



ابو رياله.


#918276 [أكامبو]
4.99/5 (11 صوت)

02-17-2014 03:17 PM
البلد عبارة عن زريبة كبيرة!!! و الله هذة الطائرة لو نزلت فى مطار الخرطوم لماعرف بها أى مسؤول يا أخى فاضين من السرقة و أذية خلق الله الله يضرهم.


#918274 [بت قضيم]
5.00/5 (4 صوت)

02-17-2014 03:14 PM
يا جماعة الخير من زمان انتهى موضوع برج المراقبة واستقبال الاشارات عبر الاجواء السودانية الشغلة بقت بالنظر الدفاع بالنظر رصد الاشارات بالنظر يعني لازم نكرر الكلام كل شئ بقى بالنظر عليكم الله يا جماعة الخير بطلوا الشمارات دي


ردود على بت قضيم
[julgam] 02-17-2014 04:39 PM
طيب يابت قضيم ماتخلى عندك نظر وخلى العايز يشمشر يشمشرعلى مزاجه...


#918271 [الجــــزيرة ابا]
4.50/5 (4 صوت)

02-17-2014 03:12 PM
الدفاع بالنظر ... الخواجات ديل يعنى ما عارفين انه السودان ام فكو ؟!!


#918262 [زكى]
4.94/5 (8 صوت)

02-17-2014 03:04 PM
ههههههههه يا اخونا الناس دى شغالة شنو ؟؟ طيارة ضربت مصنع الشفاء لم يراها احد .. طيارة ضربت بورتسودان لم يراها احد .. طيارة ضربت التصنيع الحربى لم يراها احد .. طيارة مخطوفة لم يسمع اثتغاثتها احد .. كما عودنا اللمبى دوما تتم مراقبة الطيران بالعيون .. كالذى يراقب سرب الطيور المهاجرة .. ههههههههه


#918255 [لاات]
5.00/5 (5 صوت)

02-17-2014 03:00 PM
عشان كده نحن بنكورك ومافي زول سامعنا


#918239 [أسمر جميل فتان]
4.88/5 (7 صوت)

02-17-2014 02:50 PM
انتو ما عارفين؟؟؟؟ الجماعة ديل عندهم مراقبة جوية بالنظر!!!!!

اهه الطائرات الاسرائيلية قلتو حديثة "للغاية" وما استطاعت الرادرات كشفهاورصدها لانها قديمة اهه دي طائرات ركاب وتحلق على ارتفاع اكثر انخفاضا .... وينك يا عبدالمعين....

الصالح العام والمضايقات المباشرة والغير مباشرة شردت الخبرات والكفاءات خارج السودان...
والجالسين الله يحفظهم بس ... لانهم فقدوا بغباء السلطات الادارية تبادل الخبرات والاجيال فهنالك خبرات تراكمية مهما اخذ الموظف دورات تدريبية لن يتقنها ... ولكن يتقنها من الذي هو اكثر خبرة منه في التعامل مع الاجهزة والحالات الطارئة وهي تاتي بالمشاهدة والاحتكاك....
ودمتم


ردود على أسمر جميل فتان
United States [نوبى] 02-18-2014 06:13 PM
( الطائرات الاسرائيلية قلتو حديثة "للغاية" وما استطاعت الرادرات كشفهاورصدها لانها قديمة اهه دي طائرات ركاب وتحلق على ارتفاع اكثر انخفاضا .... وينك يا عبدالمعين....)

اّاّاّخ الطائرات الاسراءيلية دى قالوا كانوا سايقنها بنااااااااااااااااات !!!!!!!

Hong Kong [أسمر جميل فتان] 02-17-2014 11:30 PM
متعك الله بالصحة والعافية يا اخي العزيز عزالدين محمد عثمان ...وربنا يجمعنا في ساعة خير
واشكرك على مرورك واقتطاعك لجزء من زمنك لتكتب التعليق الجميل

ان ماذكرته في الفقرة الاخيرة بكل اسف ليس فقط قاصرا على قطاع المراقبة الجوية وانما على كل قطاعات الخدمة المدنية !!!!
فكل باسف عهد التمكين والذي اعترف به الرئيس "بكل بجاحة" عن نهايته وانو ما فرق ما بين اولاد المصارين السود واولاد المصارين البيض!!!!!!دمر البلاد ومازال يدمر فيها!!!!!
لان من اسوء الابتلاءات على الدولة ان ينحصر الولاء لحزب واحد لان في ذلك ضياع للمصلحة العامة وفيه يكون الانحياز لصالح الحزب لا سيما اذا كان لهذا الحزب علاقات باحزاب اخري في المنطقة تحمل نفس التوجه!!!! انظر للمبالغ المالية التي صرفها السودان وهو يدعم بطريقة مباشرة او غير مباشرة الحركات الاسلامية في المحيط الاقليمي والدولي....
وبعد ان تفرقت بهم السبل واختلط الحابل بالنابل الان اصبح الولاء الان اكثر اختزالاً لانه اصبح ولاء "لافراد" داخل الحزب (( ده زولي ود ما زولك واعمل حسابك ده زول فلان وهكذا)) (((وانت غتي وانا اغتي ليك وانا ماسك عليك بلاوي وملفات توديك في ستين داهية وانا ماسك ليك وهكذا)))والخاسر الوحيد هو السودان فهذه السياسات - التمكين - اخرجت خبرات سودانية في جميع المجالات خرجوا وهم ناقمون على تلك الحكومة واصبح بنا الحال كما تري!!! وهذه الخبرات السودانية التي خرجت - يمكن حصرها بين اعمار 32 وحتي 65 سنة تقريبا- هي خبرات السودان احوج اليها الان فصرنا نرجع الي الخلف في كل المجالات دون استثناءات!!!!
واخيرا
بعد 25 سنة انتبه الرئيس فجاءه!!!! الي انو البلد اصبحت وسخانه!!!! ولازم ينظفها قبل ما يسلمها الي الرئيس من بعده ولم ندري هل "نصفق له" ام "نبكي على حالنا"!!!
اصبح السودان حقل تجارب يعيد فيه البشير حساباته ويصحح اخطاءه كل 25 سنه .... نحن ناسف فليس لدينا 25 سنة من اعمارنا لنعطيك اليها مرة اخري!!!

الحل
لابد من "كنس" هذا النظام والكنس يعني النظافة اولا وناتي باشخاص وطنيين فقط همهم السودان فقط لنتقدم الي الامام على الاقل نرجع لنقطة "الصفر" قبل 25 سنة !!!!!
ودمتم

[مراقب جوي بالمعاش] 02-17-2014 06:09 PM
الاخ اسمر جميل انت الوحيد الكلامك صحيح..اولا برج المراقبة لا دخل له بالموضوع البرج مسئول من الحركة الجوية الخاصة بالمطار فقط ام الاجواء فمسئول منه مركز المراقبة الجوية..الخبر عن انه المراقبه الجوية لم تفهم الاشارات فهذه مبالغة ومغالطه لان الخبر لمك يحدد هل الاشارات كانت نداء استغاثة بالكلام ام بالاشارات المعروفه في حالة المراقبة الجوية بالرادار لان لكل مقام منهما مجال للتعرف على الاشارات والتعامل معها..انا موجود في كندا ولذلك لا املك كل المعلومات ولكن اذا تمكنت الراكوبه من الاتيان بكل الملابسات عندها يمكنني ان احدد اين الخطأ بكل سهولة..ماذكره المتداخلون عن المراقبين بصورة عامة وبالبرج بصورة خاصة عار من الصحة..فهم يعملون في ظروف صعبة جدا واتحدى اي طيار يقول انه اتصل بالبرج في اي وقت ولم يتم الرد عليه مباشرة فهم متواجدون 24 ساعة ولذلك لمسئولياتهم الجسام تجاه سلامة الحركة الجوية وللاسف دائما تلصق بهم التهم عن حوادث لا علاقة لهم بها واعني انها ليست نتيجة خطأ منهم ..وفي حالة اختطاف الطائرات حسب ما درسنا ونتاج خباراتنا ان الطيار سيحاول ان يوصل لك رساله بطريقه غير مباشره انه مختطف وعليك ان تتجنب الرد عليه مباشرة انك فهمت الرسالة حتى لايشك المختطفون بذلك وتكون كارثه ولذلك ارجو ان تصلنا كل المعلومات حتى نفصل في الحادث..
عزالدين محمد عثمان


#918215 [AburishA]
4.94/5 (5 صوت)

02-17-2014 02:34 PM
ياخي هنا لو اختطفوا ركشة ماشة في الواطا ما يجيبوا ليها خبر... تقول لي طيارة في السماء!!!


ردود على AburishA
United States [nagatabuzaid] 02-17-2014 10:45 PM
الركشة بتخطف ما بخطفوها


#918211 [zool]
4.88/5 (5 صوت)

02-17-2014 02:32 PM
ولنفترض أن سلطات الطيران المدني بالسودان رصدت الإستغاثة ماذا كانت حتفعل لاأعتقد أنهم مدربون على التعامل مع مثل هذه الحالات
هذا أشبه بالجبان الذي سمع إستغاثة جاره ليلاً وخوفامن عدم تمكنه تلبيه نداء الواجب عمل نائم وأقسم تاني يوم أنه لم يسمع نداء الإستغاثة


ردود على zool
United States [اشاشا] 02-18-2014 12:44 AM
نظرية

United States [ابن الشذاذ الأفاق] 02-17-2014 05:03 PM
انت صح .. الجباااااان صح لسانك يا زول



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة