الأخبار
أخبار إقليمية
"الشروق" تعتذر عن قصة الراعي السوداني
"الشروق" تعتذر عن قصة الراعي السوداني



02-17-2014 05:45 PM

تود قناة "الشروق" أن تعتذر لجميع مشاهديها ومتابعيها عبر موقعها الإلكتروني "الشروق نت" عما بدر منها جراء تقديمها شاعر الدوبيت علي جاد الرب على أنه الراعي المقصود في شريط الفيديو الذي تداوله عدد من وسائط التواصل الاجتماعي أخيراً.


وتؤكد القناة أن مسعاها كان في إطار دعم وتعزيز قيم الصدق والأمانة الراسخة لدى السودانيين.


وكانت هناك بعض الدلائل تشير إلى أن الراعي السوداني الذي يجري البحث عنه لمعرفة موقعه توطئة لتسلم جائزته المقدمة من شركة الحصيني السعودية عاد للسودان، وذلك من واقع اتصالات والي الجزيرة وسفارة خادم الحرمين الشريفين بالخرطوم به.


وتبين لاحقاً أن الشخص الذي قدمته الشروق على أنه الراعي المقصود لم يكن هو، لكنه كان شخصاً أميناً وشجاعاً عندما رفض تسلم الجائزة أو إدعاء أنه الشخص المعني.


وتعود الشروق وتجدد إعتذارها للجميع إن كانت أقدمت على تقديم أي مادة دون تثبت منها، لكنها في ذات الوقت تؤكد حسن نيتها عند التناول وستعمل جاهدة على تقديم صورة موثقة عن هذا الموضوع قريباً.


شبكة الشروق


تعليقات 48 | إهداء 0 | زيارات 16224

التعليقات
#919315 [تينا]
5.00/5 (2 صوت)

02-18-2014 03:29 PM
الشكر الجزيل لك أخى (((ابو ريشة)))... نعم اخى تحدثنا عن ثقافة الاعتذار ونبهتنى لشيىء فعلا قد يكون ضغط قراء الراكوبة أحد الأسباب ... وكما قلت نعتبر قبوله مبدأ... ولك الشكرأيضا أخى (((معمرحسن)))على المعلومة ... اتاريهم الناس ديل زى ما بقولوا(((كاتلين الجدادة وخامين بيضا )))ويقولوا شمس السودان التى لا تغيب ؟؟؟ سبحان الله ... تحياتى لكما ...


#919276 [سودانيييييييييييييييييييييييييييييييي]
5.00/5 (1 صوت)

02-18-2014 02:38 PM
تفوووووو : تعتذرو ؟ قايلين الشغلة ما بتنكشف لانو الشغل كلو ما مهني ولا احترافي ,تلملمو الفاقد التربوي وتعملو منهم اعلاميين وهم ما من الاعلاميين ولا من اي شئ ,زي جماعة برج المراقبة في مطار الخرطوم فضيحة جديدة تضاف الي الفضايح المفروضة علينا بسبب الكيزان وفي النهاية تعتذروا يا قناة الشروق


#919270 [انين الصمت]
0.00/5 (0 صوت)

02-18-2014 02:32 PM
وذلك من واقع اتصالات والي الجزيرة كذبة ومنافقين والوالي اكبر منافق زيكم ما فاضل الوالي الا ان يقول انا الراعي ...شوهتو صورتنا حتي الجائزة عايزين تخدوها32


#919239 [الدنقلاوي النوبي]
0.00/5 (0 صوت)

02-18-2014 01:55 PM
هذا ليس اعتذارا حقيقيا، به شيء من المكابرة وعدم الاقتناع وعدم الاعتراف بالخطأ. والا ماهو الداعي لجملة (وتؤكد القناة أن مسعاها كان في إطار دعم وتعزيز قيم الصدق والأمانة الراسخة لدى السودانيين)


#919218 [rudwan]
0.00/5 (0 صوت)

02-18-2014 01:34 PM
نصابيييييييييييييييييييييييييييييييييين


#919162 [الباز الأشهب]
5.00/5 (1 صوت)

02-18-2014 12:49 PM
‏ أنا ما قاعد أشاهد تلفزيون الشروق لأن الله أنعم علي بخذفها من الدش ولله الحمد لأن الطالح للطالح ياكذابين هو وين الأعلام تاني كلهم بنات عندهم كم كلمة من ( بالتأكيد ‏‏) وكم كلمة ( يلا‏) وكم كلمة من ‏‏(بعد الفاصل ورجنا ليكم )مع إبتسامة قبيحة وهبلة وميكياج مخلبط عشوائي ‏..حقيقة هي شمس السودان اللي غابت بالحقيقة ‏..خسئتم أيها الأوغاد السفلة ‏..


#919066 [ابو سيدة السودانى]
0.00/5 (0 صوت)

02-18-2014 11:25 AM
الرسول صلى الله عليه وسلم كما قال (( المؤمن لا يكذب )) انتوا يا عصابة قناة الشروق راجعوا ايمانكم لو كان عندكم حبة دم ؟؟؟ الحاجة التانية انا اصلا ما كنت بشاهد هذه القناة المصنوعة من دم الغلابة وبهذه السقطات الاعلامية الفضيــــــــــــــــــــــــــــــــــحةإزدادتقناعتى بعدم مشاهة هذا الزفر المسخ ؟؟؟


#919053 [idriss suliman]
0.00/5 (0 صوت)

02-18-2014 11:12 AM
لا بارك الله في اعلام يديره جهاز حمايه الفساد (جهاز الامن سابقا)ولا بارك الله في نظام التمكين وكل المطلبين له


#918912 [محتار فى خلق الله]
5.00/5 (1 صوت)

02-18-2014 09:04 AM
الحمدلله الذى فشل مكركم وا صبحتم عديمى المصداقية


#918843 [امل]
0.00/5 (0 صوت)

02-18-2014 06:08 AM
لهوجة كيزان ساى دى


#918834 [ود قبوره]
5.00/5 (1 صوت)

02-18-2014 04:43 AM
الشروق الى غروب و المخروق ما بتنفعو الرتوق !!!


#918755 [غالى ديكور]
0.00/5 (0 صوت)

02-18-2014 12:56 AM
يا جماعه من منا بلا أخطاء فكلنا خطاون وخير الخطاطون التوابون


#918743 [الهادي بورتسودان]
4.00/5 (1 صوت)

02-18-2014 12:23 AM
الإعتذار عن واحدة باقي اتنين ... يوغندا وحقت السنتاور .. بعدين الأعتذار ما كلمة لازم تتبعه مواقف واستقالات زي ما بنشوف في كتير من وسائل الأعلام المحترمة ... ولا ياربي الكلام يكون زي ما قال كوز القضارف المسؤول عن أرواح الحجاج الشهداء بإنه الإستقالة صنيعة غربية وما من الاثر الأسلامي


#918735 [احمد هاشم]
5.00/5 (3 صوت)

02-18-2014 12:11 AM
الشروق شمس الكيزان التي غابت و سوف لن تشرق فضيحتين في غضون اسبوع واحد و المستور لا عد له اللهم لا تدعها تشرق مرة اخرى


#918733 [انصاري]
0.00/5 (0 صوت)

02-18-2014 12:05 AM
مجبر أخاك لا معتذر..!!


#918710 [تينا]
0.00/5 (0 صوت)

02-17-2014 11:35 PM
الأخ (((ياهو الفضل ))) شكرا على مرورك ...أنا معاك المفروض الشروق تعتذر لأهالى أحداث سبتمبر لكن لو لاحظت لتعليقى قلت فيه كل شيىء بيدربه يعنى أنا شكرتهم عن الاعتذار فى موقف أخونا الراعى الأمين فقط لأننى حزنت منهم فى الأول لموقفهم تجاهه ...ولا كنت أدرى أن اعتذارهم كان استهبال كما قلت ... على العموم هم ونيتهم مع الله وأنا ونيتى مع الله ... تحياتى ...


ردود على تينا
United States [معمر حسن محمد نور] 02-18-2014 08:03 AM
ازيدك من الشعر بيتا. فاحد مواطني حلفا ذهب الي الخرطوم مشاركا في احدي جمعات سبتمبر وفوجئ عند حضوركاميرا قناة الشروق ان احد حاملي الكاميرا كان مدير الامن الذي نقل من حلفا قبل عام .وناداه باسمه لانه كان يعرفه حق المعرفة.


#918694 [ابوريدة]
5.00/5 (1 صوت)

02-17-2014 11:14 PM
لو قناة محترمة فعلاً كان إدارتها تجري محاسبة لمن تسببوا في هذه الفضيحة العالمية ولكن من وين تلقي الاحترام ، وحتي الإعتذار مدغمس وفيهو لف ودوران .


#918686 [mohd]
0.00/5 (0 صوت)

02-17-2014 10:56 PM
وماذا تسمي الشروق ما حصل في يوغندا؟

ومنعها لقناة النيلين من بث المباراة رغم العقد الموقع مع يوغندا

ولماذا يتدخل الاهبله الاسمه السفير هناك لصالح قناة الشروق ؟

هل هذه امانة السودانيين يا الشروق ولصوصها الكبار؟

قاتلكم الله يا منافقين يا مدمرين

اها الله فشلكم وفضحكم وسط العرب والعجم

يا حقيرين


#918659 [nagatabuzaid]
5.00/5 (1 صوت)

02-17-2014 10:16 PM
اها ده ما سفه اعلامى يا الوزيرة الجديدةلنج ؟؟ اها جيبى ليك حصا وعدى من يوم تصريحك السفيه كم سفه اعلامى وقع حتى الان ؟ غايتوا نجمتك غابت


ردود على nagatabuzaid
[nagatabuzaid] 02-18-2014 08:12 PM
نسلم يا ابو ريشة ولسسسسسسسسسسسسسسسسسسسسسسسسسسسسه يا ما نشوف

United States [AburishA] 02-18-2014 01:44 AM
ديل يا بت ابوزيد كلما كثرت اخطاءك وسجمك ورمادك كلما سطع نجمك... نجاحهم كلو (بالماينس) لك الود..


#918653 [kassalwy]
5.00/5 (1 صوت)

02-17-2014 10:00 PM
مستعجلين للكضب و النفاق اتحقق من المادة الاخبارية - بس جاريين - الله يخيبكم


#918624 [Ahmed]
5.00/5 (2 صوت)

02-17-2014 09:32 PM
كان تعتذروا
عن قصة الدكتور ارباب المضروب
اللي ادعى انه اكتشف علاج السكري

حاجة عجيبة قناة تلفزيونية تنشر الاكاذيب


#918621 [mada1966]
0.00/5 (0 صوت)

02-17-2014 09:28 PM
علها.ماشرقت.بعد.


#918603 [ابوجمانة]
0.00/5 (0 صوت)

02-17-2014 08:41 PM
القنوات المحترامة تتثبت من المعلومة قبل ان تنشرها الي اذا كان لقناة الشروق شي في نفس يعقوب


#918601 [ممكون وصابر]
5.00/5 (2 صوت)

02-17-2014 08:39 PM
اعتذارك ما بفيدك العملتو كان بايدك


#918594 [AburishA]
5.00/5 (4 صوت)

02-17-2014 08:31 PM
أنا بقبل الاعتذار بشروط (لأني بموت في الشروط) وهي كالتالي:
**نمرة واحد: تشغلوا الراعي الامين الجبتوه من عندكم دا معاكم.. وأنا عندي خمسة عيال وتلاتة بنات كلهم خريجين وواحدين عندهم ماجستير وقاعدين عطااالة بالسنين تشوفوا ليهم طريقة شغل.. لو ما في التلفزيون بتاعكم في اي واحدة من شركاتكم الما معروف ليها اسامي دي.او عند شركات نسوانكم!!
**نمرةاتنين: تبلشوا حركات المؤتمر الوطني البتعملوافيها دي وتلفزيونكم ناسو لازم يكونوا ملونين ..احمر وازرق واخدر وخاتف لونين ..مش لون واحد بس!!!
**نمرة تلاتة: تعرضوا لينا كل يوم فيلم ديجانقو وشامي كابور...ومصارعة حرة ( ما نسائية)!!!!

** بعد تنفيذ الشروط نرجو مراجعتنا لاستلام شهادة قبول الاعتذار.. وشكرا..


ردود على AburishA
United States [كاره الشيوعيين والكيزان] 02-18-2014 03:49 PM
أعتذر لك أخي AburishA لقد كان ردي مودجهاً إلى ZOAL

United States [كاره الشيوعيين والكيزان] 02-18-2014 08:29 AM
عوير إنت يا AburishA الراجل قال دعابه بفرج عن نفسه ما يلقى إلا خلقتك التسد النفس

[AburishA] 02-18-2014 01:33 AM
انا معترف بنفسي اعور من العوارة زاتها.. لك الود

European Union [Z0AI] 02-17-2014 11:00 PM
انت عوير ولا شنو


#918592 [هري]
0.00/5 (0 صوت)

02-17-2014 08:31 PM
قناه فاقد للمصداقيه


#918589 [هدهد]
0.00/5 (0 صوت)

02-17-2014 08:28 PM
الشروق شمس السودان قال التى لا تغيب !!!! الجابركم شنو على الكذب ومتى تكون المصداقية فى اعلامكم حتى القصص البسيطة ما قادرين تكونوا صادقين فيها 1!!!! صراحة الناس ديل لو ما كذبوا لن يرتاحوا فدعوهم يكثروا من اللغط والغلط كما يشاءون او كما يفعل العواس الحكواتى حسين خوجلى ما صدق لثى ليهوا قناة يتكلم براحتو الراجل دا جاء يحاكى غلب كنا مندهشين من الصحفى المصرى هيكل وكلامه الكثير والذى لار ينقطع لكن جاء هذا الحسين بأكبر منافس فى عالم الكلام . السواى ما حداث البرميل الفارغ اكثر ضجة ياراجل شيل حيلك شوية .


#918554 [حلفانكيل]
5.00/5 (5 صوت)

02-17-2014 07:35 PM
صحيفة تبوك اثيتت وجهكم القبيح ايها المتاسلمين

حتى تركو ليكم البلد وهاجرو عايزين تلهفو عرقو

القصة لو كانت داخل السودان كان الموضوع مشى عادي ولو الراعي المزيف ظهر كان صفيتو
يا حثالة المسلمين


#918553 [ساب البلد]
5.00/5 (7 صوت)

02-17-2014 07:35 PM
************ الاعتذار لازم يكون عبر الفضائية في برنامج ****** زي البرنامج الفضيحة ***** ما عبر الموقع اللاكتروني لانو رواد القناة التابعوا اكتر من الرواد البدخلوا الموقع عبر النت ****** يجب تعويض جاد الرب للضرر النفسي و المعنوي ******** لان الراجل مسكين قاعد جيبتوا ليهو الاساءة **** الناس طلعتوا محتال و كذاب ********** اخيرا شفقة التاية دي خلوها *********


ردود على ساب البلد
[AburishA] 02-18-2014 01:39 AM
لك التحية اخوي ساب البلد.. انا اقترحت يشغلوه عندهم ويعوضوني انا كمان يشغلوا لي تمانية..لك ودي.


#918552 [الضرغام]
0.00/5 (0 صوت)

02-17-2014 07:35 PM
مال حرام يا جماعة


#918551 [faisalhadra]
0.00/5 (0 صوت)

02-17-2014 07:34 PM
ومتى تعتذر (الشروق) عن نقلها لترجمة غير رسمية لتقرير كارتر حول رحلته الى دبي والخرطوم،نشرتها اولا في صفحتي على فيسبوك وسودانايل والراكوبة في نفس الوقت.ولم تشر القناة الى المصدر.


#918524 [samisuh]
0.00/5 (0 صوت)

02-17-2014 06:58 PM
هذا الرجل مثل الرجل المقصود والسودان لا زال فيه الاخيار بس أبعدو منهم الجربندية


#918522 [كتاحة]
5.00/5 (2 صوت)

02-17-2014 06:57 PM
"وتؤكد القناة أن مسعاها كان في إطار دعم وتعزيز قيم الصدق والأمانة الراسخة لدى السودانيين"

بالباطل والكذب وتلفيق وتذوير الحقائق ؟؟؟؟


فهموني ليها دي كيف دي !!!!!؟؟؟؟؟؟


#918512 [الكرباج الحار]
0.00/5 (0 صوت)

02-17-2014 06:45 PM
الاعتذار من شيم الشجعان وثقافة الاعتذار لا يتقنها الا القلائل


#918507 [بلبل الشرق]
0.00/5 (0 صوت)

02-17-2014 06:39 PM
ملقوفين بس .. الله يكفينا شركم


#918506 [تينا]
0.00/5 (0 صوت)

02-17-2014 06:38 PM
تصحيح ...أأسف أخطأت فى كلمة فضلاء أقصد الاعتذار من شيم الأفاضل ...


#918500 [تينا]
0.00/5 (0 صوت)

02-17-2014 06:36 PM
والله يا جماعة أن تأتى متأخرا خير من أن لا تأتى ... كل شيىء بيدربو يجب أن لا نبخس الناس أشياءهم والاعتذار من شيم الفضلاء ... نشكر لكم اعتذاركم ...


ردود على تينا
[AburishA] 02-18-2014 02:03 AM
لك التحية تينا.. عندما اعتذر اخونا الكاتب الطاهر ساتي..استغربنا عدم اعتذار الشروق بل تحدثنا كثيرا عن ثقافة الاعتذار.. وما دام هناك اعتذار يعني ان هناك خطأ.. لعل ضغط القراء في الراكوبة كان احد اسباب هذا الاعتذار.. لذا نعتبر قبول الاعتذار (مبدأ) بالرغم من اني لا اشاهد قنوات سودانية ولو بنوع الغلط..لك الود..

United States [يا هو الفضل] 02-17-2014 10:06 PM
صحيح يا تينا الاعتذار من شيم الفضلاء ولكن يكون في وقته وليس مجبراً عليه وفي هذه الحالة لا يكون دا اعتذار هناك فرق بين الاعتذار والاستهبال والضحك على الدقون ولو كانوا عايزين يعتذروا بنفس السرعة التي جابوا بيها الراعي الامين جاد الرب كانوا يعتذروا لأنهم عرفوا الاخبار دي قبلي وقبلك لأن شغلتهم الاخبار وشغلتهم تتبع الاخبار .. وليس يأتوا بعد ثلاثة ايام من اكتشاف الحدث للإعتذار فإعتذارهم جاء على مضض ومتى والشروق هي تمثل الحكومة في كل شئ فمتى اعتذرت الحكومة للشعب؟ حتى نقول ان قناة الشروق اعتذرت؟ ولعلمك فإن قناة الشروق لم تعتذر للشعب السوداني ولكن لأنها تلقت اشارات سالبة جدا من الصحف السعودية خاصة وانها تدعي انها قناة اخبارية رصينة وهي تغلف السم في الدسم للشعب السوداني ولو كانت فعلا تدعي الرصانة فقد قتلت الحكومة اكثر من 80 شخصا (حسب رواية الحكومة) في احداث مظاهرات سبتمبر فإذا كان الشروق قادرة على الاعتذار خليها تفتح ملف احداث سبتمبر على الهواء وتعتذر للأمهات الثكالي والأباء المكلومين الذين فقدوا فلذات اكباده وامل المستقبل المرتجي على ايدي قوات الأمن الكيزاني.. ونحن يا تينا (رجل او امراة) والله نقبل الاعتذار لكن موش الحقارة والاستهبال...


#918494 [ابومشعل]
0.00/5 (0 صوت)

02-17-2014 06:29 PM
وتؤكد القناة أن مسعاها كان في إطار دعم وتعزيز قيم الصدق والأمانة الراسخة لدى السودانيين.


وهل دعم وتزيز قيم الصدق والامانة يكون من خلال الكذب وانتحال الشخصية ؟؟؟؟؟؟؟؟؟؟؟؟؟ والله عايزين تطبقوا المثل البقول ( قلفاء وشايله موسا تطهر ) تحروا الصدق في انفسكمااولاً .


ردود على ابومشعل
United States [جعفر النميري] 02-17-2014 07:53 PM
النساء والبنات والصبية يتصفحون الراكوبة فهي ليست مقتصرة على أمثالك ، يجب أن تكون محترم أو لاداعي لمثل هذه الأمثلة. حتى اللغة العربية أصبحت تشتكي منكم (القاف بدل الغين والغين بدل القاف والزاي بدل الذال والعكس وألف الجماعة أصبح لا وجود له.


#918487 [كاكووووووووووووم]
0.00/5 (0 صوت)

02-17-2014 06:24 PM
اتصالات والي الجزيرة وسفارة خادم الحرمين الشريفين بالخرطوم به.

الاثنان اخبارهما ضاربة - زمبة زمبة زمبة


#918471 [HAMID BARGO]
5.00/5 (1 صوت)

02-17-2014 06:13 PM
أرجو ان يكون هذا مدخلا للاعتذار عن جميع الجرائم التي ارتكبتموها بحق الشعب السوداني لأكثر من عقدين و مازلتم ترتكبون .

سفارة المملكة لن تتصل الا بتكليف من الخارجية السعودية ، السعودية دولة مؤسسات منضبطة و ليست مثل دولتكم . و من المؤكد انها لم تتصل.
اخشى ان تخرج السفارة غداً ببيان تنفي فيه اتصالها بالراعي الثاني و تزدادون فضيحة على الفضيحة.

والله الا كان بحسن النية


#918470 [البعشوم]
5.00/5 (2 صوت)

02-17-2014 06:12 PM
الاعتذار في الشاشة مش الانترنت يا جبناء


ردود على البعشوم
United States [الحازمي] 02-17-2014 08:13 PM
الاعتذار على الشاشة و ليس الانترنت يا كيزان السجم
الاعتذار على الشاشة و ليس الانترنت يا كيزان السجم
الاعتذار على الشاشة و ليس الانترنت يا كيزان السجم
الاعتذار على الشاشة و ليس الانترنت يا كيزان السجم
الاعتذار على الشاشة و ليس الانترنت يا كيزان السجم


#918468 [kalifa ahmed]
5.00/5 (1 صوت)

02-17-2014 06:12 PM
قومو لفو ....متين كان عندكم مصداقية ياقناة الأمن الكيزاني !!!!!!!!!! فاقد الشئ لا يعطيه يا وهم ...!!!!!!!!!!!!!!!!!!!!!!!!!!!!!!!!!


#918465 [واحد]
0.00/5 (0 صوت)

02-17-2014 06:10 PM
يا الشروق فاتتكم الطائرة وليس القطار. غايتو أنت واصلو علي برنامج الشروق مرت من هنا.بس ما قولتوا لينا جار الرب هو السع ليكم ام أنتم من سعيتم اليه؟ القصة عايز تفسير بس ما تكضبوا علينا.


#918458 [بت الخرطوم]
5.00/5 (1 صوت)

02-17-2014 06:03 PM
غرييييييييييييييييييييييييييييييييييييييييييبة الاعتذار دا ما حقكم عملتوها كيف ساتى يعتذر شئ طبيعى ومتوقع قناة الشروق تعتذر شئ غير طبيعى وغير متوقع


#918456 [علي باحش الدكوك]
4.75/5 (3 صوت)

02-17-2014 06:02 PM
ومتي ستعتزر قناة الشروق عن موضوع مؤامرة إلغاء نقل مبارة المريخ وكمبالا سيتي؟؟
أعملوا أي حاجة الود السفير عادل شرفي أموروا باظة أووووووي أووووي


#918454 [بت قضيم]
4.00/5 (1 صوت)

02-17-2014 05:59 PM
بعد ايه اعتذارك ما بفيدك وقروشك ما بتعيدك العملتو كان بايدك ان ما لي ذنب فيه ( مهداء للوالي ) مع الاعتذار للفنان الفقيد الاستاذ محمد وردي


#918452 [ودالناموسيه الغرباوى]
5.00/5 (1 صوت)

02-17-2014 05:57 PM
مفروض ياناس الشروق تحفظو جادالرب على امانتة برضو اثبت انه سودانى اصيل


#918443 [الساكت]
5.00/5 (1 صوت)

02-17-2014 05:51 PM
هذا كلام طيب رغم أنه جاء متأخراً إلا أنه يشبه الإعلام النظيف.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة