الأخبار
أخبار إقليمية
الخرطوم تفتتح أطول جسر بأفريقيا نهاية العام
الخرطوم تفتتح أطول جسر بأفريقيا نهاية العام
الخرطوم تفتتح أطول جسر بأفريقيا نهاية العام


02-18-2014 04:30 PM
أعلنت حكومة ولاية الخرطوم، أنَّها ستفتتح جسر الدباسين الذي سيربط المناطق الجنوبية الواقعة على ضفتي النيل الأبيض في مدينتي الخرطوم وأمدرمان نهاية العام،ويعد الجسر هو الأطول من نوعه بأفريقيا بطول 1670 متراً وعرض أكثر من 18 متراً.


وتبلغ كلفة الجسر حوالى 45 مليون دولار بعد إعادة تصميمه بمواصفات روعي فيها تحمل الجسر للأحمال الثقيلة.


وفرغت الجهات المختصة بإنشاء الجسر من العمل الخاص بالمنشآت الخرسانية، ويجري العمل حالياً في تركيب الأجزاء الحديدية التي سيكتمل العمل فيها بنهاية أبريل المقبل.


وعزا مسؤول الطرق والجسور بالولاية م. عبد لقادر همد للشروق، توقف العمل بالجسر لأكثر من مرة في السابق لأسباب فنية.


وقال إن هذا التوقف كان سانحة لإعادة تصميم الجسر من جديد بتدعيم القوائم الخرسانية لدواعي حركة النقل في السودان، إضافة إلى أنه تم توطين العمالة وسودنتها بعد توقف العمل فيه في السنوات الماضية.


وأوضح همد أنه تم توفير اللازم لربط الجسر بالشوارع الرئيسية غرباً وشرقاً، مشيراً إلى أن الجسر سيرتبط من الناحية الغربية بشارع المطار الجديد الذي يجري إنشاؤه في المناطق الجنوبية لمدينة أمدرمان وشرقاً بشارع محلية جبل أولياء عبر كبري طائر.


وأكد أن المشروع يمثل إضافة كبيرة لحركة النقل في ولاية الخرطوم، معتبراً أن الجسر سيكون متنفساً حقيقياً لوسط العاصمة.


شبكة الشروق


تعليقات 22 | إهداء 0 | زيارات 15459

التعليقات
#920539 [فتح الرحمن علي]
0.00/5 (0 صوت)

02-19-2014 10:59 PM
ربنا يزيد ويبارك يارب


#920294 [bullet ant]
0.00/5 (0 صوت)

02-19-2014 05:38 PM
كبرى طويل و سخيف و مافى داعى ليهو يصل الاماكن الفارغة فقط


#920259 [جمال مظفر]
0.00/5 (0 صوت)

02-19-2014 04:46 PM
دي علي وزن ( انا زمان شعري كان طويل)


#920228 [ابورعد]
0.00/5 (0 صوت)

02-19-2014 03:57 PM
يا جماعة الخير استبشروا خيرا واطلبوا المزيد عليكم بالنقد البناء ويوجداكبر مطار بافريقيا سوف يتم تنفيذه نشرت الخبر قناة العربية والبناء يبدا من طوبة وهلم جرا


#920114 [العنطـــــــــــج]
4.88/5 (4 صوت)

02-19-2014 01:48 PM
كلامك صاح يا القريش. الكيزان ديل داقين سياج حول السودان و لامين في الناس كضب و شابكين الناس اطول بتاع في افريقيا, اجمل ما عارف شنو في افريقيا, اقدم فرتكان في افريقيا و وووو.
انتو افريقيا دي قايلنها شنو؟؟ طبعا اي زول ما مرق من حوش السودان بكون فاكر افريقيا عباره عن ادغال زي الكانو بجيبوها ناس العيدروس في برنامج ساحات الفداء, و عشان الشعب انطباعي و بموت في الصور النمطيه, الكيزان لقوها شماعه كل ما يصحي والي ولا رئيس من نومو يشبك ليك الجمهور ما عارف تم انشاء اكبر بتاع في افريقيا و الجماعه يشبكو ليك طرقرقرقرقرقرقرق!!!
يا اخوانا افريقيا دي فيها حاجه اسمها ساوث افريكا, و في حاجه اسمها كينيا و تنزانيا و غانا و و و و عييييييييك صحصحو معانا خشو قوقل و اجتهدو شويه ما تسمعوا كلام الفارات ديل بضيعوكم و الله.

طبعا تعليقي ده اجمل تعليق في افريقيا هههههههههههه!


ردود على العنطـــــــــــج
United States [جكسا] 02-19-2014 04:33 PM
ياااااااخ فارات بس الفار بقرم وبجرى .. ديل شغالين لهط لهط يعنى جقور محسنه يبلع وما يتلفت لولا يجرى


#920025 [القريش]
5.00/5 (2 صوت)

02-19-2014 12:19 PM
حكايه اطول جسر بافريقيا ارجو شاكرا اعاده النظر فيها ممكن يكون اطول جسر بالسودان بعد جسر كوستى مقبوله ومهضومه!!


#919936 [ابكررر]
5.00/5 (1 صوت)

02-19-2014 11:02 AM
ده على وزن ... جامع الخرطوم ثالث جامعة في العالم

كان ممكن يقول اطول جسر في شرق افريقيا


#919704 [عصمت الوكيل]
0.00/5 (0 صوت)

02-19-2014 05:34 AM
اين هذا الجسر من جسور القاهرة عابرة الاحياء و المحافظات..مثلا الجسر الذي يبدأ من مدينة نصر بمحافظة القاهرة مرورا بالعباسية و رمسيس الي المهندسين بمحافظة الجيزة..


ردود على عصمت الوكيل
United States [سوداني] 02-19-2014 11:17 AM
يا عصمت يا عصمت


#919593 [سبف الدين الجهادي]
5.00/5 (2 صوت)

02-18-2014 11:14 PM
طبعآ اي واحد مشرف على اي كبري بيقولوا عمود يصب في النيل وثمن عمود في الجيب عشان كدا مركزين على الكباري ﻻن الكومشن بتاعها نصف التكلفة .طيب طريق الانقاذ الغربي 25 سنة ما تم ليه . مﻻحظة : هم عايزين يقولوا اطول من كاريكا فقالوا افريقيا فنعتذر للقراء عن هذا الخطأ.


#919574 [Bashirzamano]
5.00/5 (3 صوت)

02-18-2014 10:20 PM
رد علي ابو طارق

ياشاطر اللى قدامك ده كم كيلو ......حول المترات الى كيلو مترات معك اله حاسبه ...بس تشخبطو بدون ما تفكروا

يا فالح بقوليك يوجد جسر في نيجيريا طوله 11 كيلو متر يعني يساود 11000 متر
اما كوبري الدباسيين فهو اقل من 2 كيلو متر يعني 1670 متر

شفت كيف يا ابو طارق إنت بتفكر كيف وكمان بتنتقد في الناس

.
.
.
.
،


#919565 [شمال و جنوب فى محنة]
0.00/5 (0 صوت)

02-18-2014 10:00 PM
ايهم اكثر حوجة للمواطن مجاري و لا كبري المراكب مالها ما بتحل أي مشكلة و لا ما فيها مأكلة
هذه الفلوس كان ممكن توجه لعمل مجاري تعود بريع طيب للولاية بس الكسب السريع هو ديدنكم و دينكم


#919562 [الميج]
5.00/5 (1 صوت)

02-18-2014 09:52 PM
حلم في حلم: كضب في كضب :سرقه في سرقه :وهم في وهم


#919558 [مقداد الشيخ]
5.00/5 (5 صوت)

02-18-2014 09:48 PM
الكبري ما تامي 2 كيلو كيف يكون اطول جسر في افرقيا اتنو بتضحكو فينا


#919554 [ماف]
0.00/5 (0 صوت)

02-18-2014 09:40 PM
واللة يا ابو طارق براك البتشخبط من دون الة حاسبة


#919553 [الهوت دوق ساكن فوق]
5.00/5 (1 صوت)

02-18-2014 09:39 PM
تلاشت عبارات الرد الرد السد السد ..!!!
مطار صالحة الجديد ..!! متى ينتهي ؟
الانقاذ دي مكنات ساكت ..مكنات تحصد لا شئ

الله لاكسبكم دنيا وآخرة ياكيزان.


#919493 [منصور محمد صالح محمد العباسي]
0.00/5 (0 صوت)

02-18-2014 07:17 PM
ربما يكون هذا الجسر عنوان صارخ للفساد كما قال الراصد!!!!!ولكننا نفرح لكل شي جميل في السودان،،،


#919479 [سيمو]
5.00/5 (8 صوت)

02-18-2014 07:03 PM
عاصمة قذرة عفنة وسخة وساخة الكيزان،،

المعلمة البريطانية بمدرسة الإتحاد التى إتهموها بالإساة للنبى (ص) زورا قالت أن الخرطوم عاصمة تنبعث منها روائح كريهة،،

الدبلوماسى البريطانى فى الأردن قال أن مطار الخرطوم أكثر مطار متخلف رآه فى حياته،،

بالله حاول إستعمال أى مرحاض فى مطار الخرطوم،، بطنك يقوم،،

عاصمة كاملة ما فيها مجارى صرف صحى و90 بالمائة من البيوت تستعمل الحفر،،

والخريف قرب،، والمجارى مقفولة وأعملوا حسابكم من الآن،، ويا ناس نفير إستعدوا والكويت والسعودية عليكم الله ما ترسلوا مواد الإغاثة للحكومة،، ناس المؤتمر البطنى وقفوا الصليب الأحمر وناوين نية بطالة للإغاثات القادمة،،


ردود على سيمو
European Union [mansour] 02-19-2014 09:26 AM
ياود ربك بالله عليك واسأل اهلك الكبار ايهم دمروايهم عمر البلد الاستعمار ولا المؤتمر الوطني وشوف الاستعمار سلمك بنيه تحتيه وخدمه مدنيه تتحدث عنها كل الدول المتحضره وشوف الكلاب ديل وصلوا البلد لي وين

[منصور محمد صالح محمد العباسي] 02-18-2014 08:40 PM
ما معني بطنك يقوم !!!!!!؟؟؟؟؟؟؟بالله اشرح يا اخا العرب!!!

United States [عبدالله ربك] 02-18-2014 08:18 PM
(( لا حول ولا قوة الا بالله )) يا سيمو بالله عليك لا تزيد قلبنا وجع . كدى انظر للجميل الاتى وهات من بنات افكارك للنهوض بهذا البلد , بدلا من الاستدلال بالزفت الخواجة دول الم يكونوا مستعمرين السودان ؟ لماذا لم يعملوا بنيات تحتية مثل جنوب افريقيا مثلا


#919444 [مالك الحزين]
0.00/5 (0 صوت)

02-18-2014 06:18 PM
كده أخبار تفتح النفس ,, يلا عمروا البلد ,, كفايه شبعتوا عمارات ودولارات


#919437 [هباش]
5.00/5 (1 صوت)

02-18-2014 06:10 PM
الى الامام يابلادى


#919434 [مندكورو]
5.00/5 (5 صوت)

02-18-2014 06:08 PM
يعني ناكل كباري


ردود على مندكورو
United States [كلمة حق] 02-20-2014 01:41 AM
عادي ما هو ماكلين زلط خلينا نحلي كباري.. ونهضم بيهو الهواء الاكلناه قبل الزلط..


#919416 [ahmed]
5.00/5 (5 صوت)

02-18-2014 05:48 PM
أطول جسر موجود في نيجريا ، طوله أكثر من 11 كيلو.


ردود على ahmed
United States [moy ako] 02-18-2014 11:12 PM
http://en.wikipedia.org/wiki/Third_Mainland_Bridge

European Union [هجو] 02-18-2014 10:12 PM
رد علي ابوطارق
انت ياكافي البلاء! لا حساب لا خشيت الكتاب 1760مترتساوي اقل من 2 كيلو متر وكبري نيجريا 11 كيلو الفرق اكتر من تسعه كيلو لصالح نيجريا فهمت ولا...........

[ود كترينا] 02-18-2014 09:17 PM
***لا حول ولا قوة الا بالله...استغفر الله العظيم من كل ذنب عظيم...يا (شيخ)أبو طارق...ده حالك انت...أمال طارق يكون كيف؟؟؟الله يكون فى عونه!!!ماقلنا أكبر مدمر للبلد دى ابراهيم أحمد عمر صاحب (ثورة) التعليم العالى...!!
***لأ...أحمد ماعندو آلة حاسبة...انت دى محتاجة عندك آلة حاسبة؟؟؟؟
***قول وراى يا أبو طارق...قول...الكيلومتر يساوى ألف متر...كررها عشرة مرات...أيوة كدة...لالا ...الكيلومتر مافيهو (بالقديم) أو (بالجديد)...داك الجنيه الفيهو قديم وجديد
***العلم (نورن)!!!كدى ولا ما كدى...بكرة ياطارق تجيب أبوك ده ندخلو معاك يشف منك!!!جهل وعنطزة!!!استغفر الله العظيم

European Union [Al Kallas] 02-18-2014 09:00 PM
جسر لاغوسيصل جزيرة لاغوس النيجرية بالبر الرئيسي، ويُعد أطول جسر من هذا النوع في العالم، تم افتتاحه في 1990 ويصل طوله إلى 11.8 كم. ,اخونا الساقط فى الحساب دة قول ليهو ال(1670متر) بتساوى ميل واحد وبتساوى كيلومتر ونص و170متر والحكومة مش خلقت منكم جهلة كمان مكابرين.

United States [ابو طارق] 02-18-2014 06:27 PM
ياشاطر اللى قدامك ده كم كيلو ......حول المترات الى كيلو مترات معك اله حاسبه ...بس تشخبطو بدون ما تفكروا


#919398 [الراصد]
5.00/5 (4 صوت)

02-18-2014 05:23 PM
هذا الجسر عنوان صارخ للفساد واللامسئولية فقد زادت فترة انشائه عن عشرة اعوام...تنقلت فيها عقود الانشاء من شركة الي اخري والولاية بمسئوليها تحمل الف تبرير لكل انتقال...ضاعت فيها اموال الشعب دون حسبيب او رقيب...وكانت اخر تصريحات مسئولي الولاية ان الجسر سيفتتح في ابريل من هذا العام وهاهو موسم افراحه يرحل الي نهاية العام...تري كيف يطلبون منا ان نثق فيهم او نصدقم !!?? ولاية متسخة قذرة..ودعايات مسمومة تتحدث عن عبدالرحمن الخضر باعتباره (باعث نهضة العاصمة) ومعتمده نمر لايترك صفحة من جريدة او ملصق حائطي الا وضع عليه صورته !! هل هناك اكثر من انكم تديرون اقذر العواصم من سبب اخر يجعلكم تستحوا لتستقيلوا !!؟؟ .....ااااه كم يوجعني منظر الخرطوم......



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة