الأخبار
أخبار إقليمية
طالع رد الحزب الشيوعي على دعوة حزب البشير
طالع رد الحزب الشيوعي على دعوة حزب البشير
طالع رد الحزب الشيوعي على دعوة حزب البشير


02-19-2014 06:27 PM
التاريخ 19/2/2014

السيد المحترم/ د. مصطفى عثمان إسماعيل
أمين العلاقات السياسية / حزب المؤتمر الوطني.
السلام عليكم ورحمة الله وبركاته
الموضوع: خطابكم بتاريخ 18/2/2014 حول مبادرة السيد رئيس الجمهورية للحوار الوطني.
إشارة للموضوع أعلاه، أرجو أن أنقل لكم شكرنا على دعوتكم لحزبنا للحوار مع حزب المؤتمر الوطني حول مبادرة السيد/ رئيس الجمهورية – رئيس حزب المؤتمر الوطني الحاكم.
لقد تمت مناقشة الرسالة في إجتماع المكتب السياسي بتاريخ 18/2/2014، وقد تقرر عدم تلبية الدعوة من منطلق موقفنا المبدئي الذي لايرفض الحوار كمبدأ، ولكن لايقبله بدون تهيئة المناخ لعقده والمتمثل في إلغاء القوانين المقيدة للحريات، ووقف الحرب في ربوع البلاد. عندها فقط يمكن الحديث عن الحوار بين مختلف القوى السياسية لحل أزمات الوطن في جوٍ ديمقراطي معافى، وهو ما نفتقده الآن.

وتقبلوا وافر الإحترام.
الحارث أحمد التوم
عضو سكرتارية اللجنة المركزية


تعليقات 25 | إهداء 0 | زيارات 6370

التعليقات
#921141 [الراجل]
0.00/5 (0 صوت)

02-20-2014 01:05 PM
100/100


#921138 [الزبير]
0.00/5 (0 صوت)

02-20-2014 01:04 PM
الدعوة الي الحوار حرية اكير من كل الحريات لماذا ترفضو قولو كلام الحريات المقيدة وخلافه ضمن الحوار لكن ان لا تاتي اصلا هذا لعمري لا منطق فيه اذهبو حاورو ورونا الافكار النقاط المتفق والمختلف عليهاعندها نقول انكم حضرتم واسمعتم صوتكم لكنالمضارة والرد هذا لا شي فيه عدم المنطق من الحجة


#920841 [أســامة]
0.00/5 (0 صوت)

02-20-2014 09:58 AM
رد وافي وشافي بس كان يكون أفضل لو لم يختم بجملة ( وتقبلوا وافر الإحترام ). وإن كان الخطاب رسمي ولكن الحقيقة هؤلاء القوم غير محترمين .


#920835 [احمد خضر ساتى]
0.00/5 (0 صوت)

02-20-2014 09:55 AM
رد مختصر ومقبول الا انى كنت أتمنى قليلا من شرح المطلوبات للحوار ماذا نعنى بالغاء القوانين المقيده للحريات أقصد شرحها للمواطن البسيط ماهى هذه القوانين وكيف يتضرر منها الشعب السودانى وتقف حائلا دون التطور الطبيعى لاى وطن تحديد هذه القوانين باسماء وارقام موادها ، ثانيا وقف الحرب كلمة جامعة ويمكن أن نقول مثلا وقف اطلاق النار من جانب الحكومة لابداء حسن النية للجانب الاخر فى الحروب الدائرة ، ثم اين طلب اطلاق سراح المعتقلين السياسيين وأين طلب حكومة انتقالية على لاقل البدء بقبول الحكومة مناقشة هذا البند ، أخيرا طلب موافقة الحكومة على مسيرة سلمية من الحزب لتقديم مذكرة للقصر الجمهورى بهذه المطالب وبعدها يبدأ الحوار بكل شفافية . واعتقد فى راى لو طلب من رئاسة الجمهورية مقابلة قيادة الحزب تلبية الدعوة فقط لتسليم مذكرة بماذكرته اعلاه لان مجرد الرفض والابتعاد عن الساحة السياسية يسمح بمجال واسع لنقد تصرف الحزب .


#920634 [ساب البلد]
2.00/5 (1 صوت)

02-20-2014 02:21 AM
******* موقف مشرف و بطولي ******* بس الجداد كرهنا الراكوبة ******* بعد ده الا نقفلها بشوك ******


#920617 [ود بورتسودان]
0.00/5 (0 صوت)

02-20-2014 01:34 AM
والله لاخير فى هاذا ولا ذاك


#920567 [lkarkaba]
4.75/5 (3 صوت)

02-19-2014 11:55 PM
هكزا دايما مواقف الحزب الشيوعي في جانب الشعب حزب غير قابل للرشاوي والانتهازية لايباع ولا يشنري


#920557 [AburishA]
5.00/5 (2 صوت)

02-19-2014 11:37 PM
نعم .. هو خير الكلام ما قل ودلّ.. موقف واضح وصريح..غير قابل للتأويل.. لكم التحية.. ان النظام يستخدم (الحوار) وهي كلمة حق اريد بها باطل.. هناك مستحقات ما قبل الحوار.. مفتكرين كلمة الحوار دي ستجلب الاخرين على عجل.. زي (موية السُكّر للحَمَام)!!!


#920554 [آدم القوي]
2.00/5 (3 صوت)

02-19-2014 11:26 PM
طظّ في الشيوعية و الشيوعين، فالإسلام هو دين أهل السودان.


ردود على آدم القوي
European Union [طائر الهوى] 02-21-2014 12:06 AM
هوى يا آدمو إنت بتعرف شنو عن الشيوعين . قوم شوف ليك جردلين

United States [واحد من الناس] 02-20-2014 05:08 PM
يا ادم ياخى اختشى على ضحالة وخواء فكرك ... كلامك ده على اساس انو الحزب الشيوعى السودانى تحديدا طارح نفسو كدين بديل للشعب السودانى ..
طيب ورينا طرحك وفق منظور دينى مع اصتصحاب (تجربة الاسلاميين 25 سنه) لحل القضايا الاتيه:
1 - الاقتصاد والتنميه
2- المواطنه والهويه
3- السلطه والدستور
4- الرفاه والتطور الاجتماعى

منتظر ردك يا القوى

European Union [عثمان حسن] 02-20-2014 03:56 PM
طز فيك يا دلاهه وفي شيعتك أشباه الرجال قوم لوط..

الاسلام دا حق أبوك، ولا نزل في حوش بانقا ..

هل الاسلام يدعو الى اللواط؟

European Union [أســامة] 02-20-2014 09:50 AM
تهذب يا أدم القوي المسلم

United States [مدني الحبيبة] 02-20-2014 09:23 AM
نوعك دا الكارثة على الاسلام والمسلمين ، الاسلام يدعو الى السلام والمحبة والعدل واحترام الاخر ، (((طظ)) اعوذ بالله من وساخة اللسان وسطحية فهم الاسلام ، حقيقة الاسلام يمر بمنعطف خطير جدا والسبب يرجع لجهل الذين يتحدثون عن الاسلام كشعار ، وبتحليل شخصي لمعظم من يتحدث عن الاسلام السياسي تراهم اصحاب سلوكيات منحرفة ومشاكل نفسية معقدة جدا ، حمانا الله وشفاكم ،،،

European Union [مسلم ملتزم] 02-20-2014 07:48 AM
عارفين الاسلام هو الحل بس خليك منصف وامين مع نفسك كلام جميل وموقف مشرف من الحزب الشيوعي

[المتغرب الأبدي] 02-20-2014 07:00 AM
أسأل الله يرزقك بعقل ..
منو القال ليك الشيوعيين ديل ما مسلمين ؟؟
ثم ثانيا المسلمين في نظرك ناس علي عثمان طه ونافع ألما نافع وعلي كرتي 24 سنة عملوا شنو بإسلامهم ؟؟
حصل يوم سمعت واحد فيهم قرأ آية ولا حديث ؟؟
طظ فيك وفي فهمك المكعوج دا ..

United States [عكر] 02-20-2014 04:00 AM
اتقارن ديانتك ... بالافكار او الفكر ...؟؟

United States [ساب البلد] 02-20-2014 02:18 AM
******* "طظ" في الكيزان تجار الدين ***** "طظ" في الدواجن و مشتقاتها ***** الدخل الدين و الاسلام هنا شنو؟؟؟ ****** و الله ما في زول كره "اهل السودان" الاسلام الا نوعك ده ****

United States [الجعلي ود المتمة] 02-20-2014 02:05 AM
لاحظ يا دجاجتي كاك كاك انك معلق تعليقين متناقضين عن نفس الموضوع في نفس الصفحة

United States [المثقف] 02-20-2014 02:02 AM
ههههههه وانت يا امي القرن الحادي والعشرين درسوك انو الشيوعية دين ينافس الاسلام ؟؟
ارجع الروضة وادرس من جديد احسن ليك عشان اولادك بس..


#920472 [باسطة]
4.50/5 (4 صوت)

02-19-2014 09:30 PM
تمام


#920470 [مؤتمر وطني قال]
4.50/5 (4 صوت)

02-19-2014 09:27 PM
يا الله علي المبادئ و التي فقدت في السودان تماماً و رينا يوفقكم لمافيه مصلحة الوطن مش ذي البقية الباقية و التي همها شيلني و أشيلك و حصتي و حصتك و كراع برة و كراع جوة و إدارة من لندن و ،،، و ،،، و ،،، الخ.


#920467 [الحاج]
4.00/5 (3 صوت)

02-19-2014 09:25 PM
السيد المحترم
المحترم دي اسحبوها


#920461 [آدم القوي]
1.00/5 (2 صوت)

02-19-2014 09:16 PM
الردّ لم يكن علي قدر المسؤولية الوطنية الحارنّها في الحزب الشيوعي.


ردود على آدم القوي
[ابو الليل] 02-20-2014 02:30 PM
الله يكفينا شر المنافقين أمثالك يا أبو وشين

أخجل شوية،،

تعليقين متناقضين في موضوع واحد وفي نفس الصفحة؟؟


#920460 [بجاوي]
4.50/5 (4 صوت)

02-19-2014 09:15 PM
احييكم واشد على ايدايكم الكيزان عايزين حوار مفتوح ومن عندهم اي رغبه في حل سياسي واسي بلعبوا بكلمة اصلاح لاطالة عمر النظام لانه عارفين الحال بينزر بنتفاضة تقتلعهم من جزورهم للابد ومافي حوار ثورة ثورة حتي النصر ودماء شهداء سبمتمبر باقية ومن قبلهم ال28 ضابط وشهداء الحركة الطلابية ومعسكر العيلفون وكل دم اريق بسبب طاغوت حكم الكيزان.


#920448 [الجنقوري]
4.50/5 (3 صوت)

02-19-2014 08:56 PM
دائما مواقف واضحه ومشرفه ،،، شكراً لكم ولو ان بقيه احزاب المعارضه تحمل تلك المبادئ والقيم والوضوح لما ظلوا جاثمين على صدورنا كل تلك السنوات


#920447 [عصمتووف]
5.00/5 (4 صوت)

02-19-2014 08:56 PM
ي رفاق لماذا الحوار اصلا صلاحيتهم بدايتها منتهية لا يصلح غير اهالة التراب عليهم وقبر جثتهم الموبؤة بكل الامراض لا نطيق وجودهم بيننا ولو ثانيةواحده يجب العمل علي حجرهم وحظر هم ف لنعيد التاريخ كما حلو حزبنا الشيوعي سابقا انهم اصحاب المؤامرات والغدر المدبرة ف انتم اقدم منهم كيف يجالس ويجاري الشريف السفية تعلمونهم هم السفهاء مهما طالت العمامة واللحية


#920442 [Moderator]
3.00/5 (2 صوت)

02-19-2014 08:51 PM
Now that's what I call professional
SHORT
PRECISE
DIRECT
wish all our communications had this level of profesionalisim, wish our aproachs to resolving our differencies and problems were as such.

LONG LIVE SUDAN


#920419 [MAHMOUDJADEED]
0.00/5 (0 صوت)

02-19-2014 08:18 PM
مساكين والله !!! أين الحزب الشيوعي ؟!!. وما وزنه الآن ؟!!.


ردود على MAHMOUDJADEED
[عادل] 02-21-2014 12:21 AM
الاسلاميين يعلمون وزنه تماما وانت كمان عارف الوزن وزياده

United States [ساب البلد] 02-20-2014 02:19 AM
******* كاااااااك ******


#920402 [loudly]
0.00/5 (0 صوت)

02-19-2014 07:51 PM
انتو لا عرفناكم في العير ولا في النفير. انضمو للجبهة الثورية عشان نتخلص من الكيزان ديل.


#920394 [خالد حسن]
4.75/5 (5 صوت)

02-19-2014 07:43 PM
حارنك نحن ودارنك المامن شعبنا مامنك
الحزب الشيوعي مواقفه كالذهب لاتصدأ ولاتتغير


#920379 [فريد]
4.75/5 (5 صوت)

02-19-2014 07:26 PM
حارنك نحنا ودايرنك

الما من شعبنا ما منك

عشقاً جوانا أتارنك

حزبًا فى القلب مضارنك

للشمس حنمشى مبارنك


#920376 [الما شيوعى]
1.00/5 (2 صوت)

02-19-2014 07:23 PM
اذا توقفت الحرب وتم الغاء القوانين الحريات ففيم الحوار ؟ وعم تتحدثون عن تقسيم الوزارات ؟


ردود على الما شيوعى
United States [Kabbashi] 02-19-2014 11:02 PM
يا ألما شيوعي أنا ما شيوعي ذيك. لكن كلام الشيوعيين دا عِدِل وكلام متحضر ناس المؤتمر الوطني ما بيفهموه بس لأنو ربنا بلانا بيهم وما خلق ليهم نافوخ يخليهم يرتفعوا لمستويات حضارية وفكريه ذي دي. وبعدين يأخي كيف تحصر لينا مشاكل السودان في تلاته مشاكل بس. مشاكل السودان يشيب لها الرأس لكن لن تحل ولا يكون الحوار ممكنا إلا بإلقاء القوانين المقيدة للحريات عشان نكون كلنا حتي الذين في السجون لنا الحق في التفكير. ولا يمكن لهذه القضايا أن تناقش من غير المشاركن في الحرب. ودا معناه بالعربي الفصيح المشاكل دي ما ممكن نحلها بواسطة الإمام الصادق ونسيبه الترابي. لأنه عندهم أهداف أخرى غير السودان. الأول عايز يحافظ على ممتلكاته وأولاده والتأنيث عايز يتلمه على على حيرانه. والإتنين عايذين يتكلموا على بعض لأنهم نسابه وكدا. الكلام دا وقع ليك؟ أنا ما قلت ليك السودان دا معادلاته صعبه. أن يخيل لي ناس الشيوعي ديل فاهمين العبه. الله يديهم العافية.


#920372 [ali murtet]
3.00/5 (2 صوت)

02-19-2014 07:16 PM
المختصر و المفيد بدون لت وعجن


#920371 [البعير]
4.00/5 (3 صوت)

02-19-2014 07:15 PM
مبروك ، الحوار مع هذه العصابة ضياع وقت ، والصادق المهدى والميرغني ، بنفخوا في قربة مقدودة .


#920360 [لن ترتاحوا يا لصوص]
5.00/5 (12 صوت)

02-19-2014 07:04 PM
خطاب كافى ووافى ومفيد والاجمل ما فيه ان الرد لمصطفى اسماعيل جاء من عضو سكرتارية الحزب !!وليس من السكرتير او احد نوابه ..



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة