الأخبار
أخبار إقليمية
ارتفاع جنوني في السيارات بكرين بحري
ارتفاع جنوني في السيارات بكرين بحري
ارتفاع جنوني في السيارات بكرين بحري


02-20-2014 12:44 AM

الخرطوم: سلوى حمزة
شكا عدد من تجار السيارات بسوق بحري )الكرين( من انعدام القوة الشرائية وتوقف حركتي البيع والشراء وركود السوق وانعدام السيولة بمعارض السيارات منذ (5) أشهر ماعدا الموديل الجديد.
وأكد تاجر السيارات ببحري علي القصير لـ(السوداني) ارتفاع الأسعار بسبب ارتفاع سعر العملة وارتفاع تكلفة الجمارك التي تتراوح مابين (300ـ 400ـ 500) ألف جنيه أي (3) أضعاف سعر السيارة، اذا كان سعر السيارة (50) ألف جنيه فإن جماركها تبلغ (200) ألف جنيه.
وقال القصير إن سعر لاندكرزور موديل 2013م يبلغ (350) ألف جنيه وارتفع سعر البكاسي دبل كاب من (160) ــ (250) ألف جنيه ويتراوح سعر لاندكروزر من (300ـ 350) ألف جنيه، مؤكدا أن سعر أغلى سيارة بالسوق يبلغ مليون جنيه، وأن هذا النوع من السيارات لا يشتريه غير الطبقات العليا والمسئولين، وأكد وجود مشاكل تواجه أصحاب السيارات منها ارتفاع تكلفة الجمارك وعدم استقرار سعر الصرف، مشيرا الى أن سبب ارتفاع السيارات وإيقاف العمل والركود ارتفاع الجمارك والعملة، وزاد: "حاليا مافي أي مواطن يستطيع شراء سيارة بسبب تضاعف سعرها يوميا"، مؤكدا أن فتح باب استيراد السيارات المستعملة لا يؤثر على سوق السيارات لأن المشكلة الأساسية الجمارك والدولار أي تعادل سعرها مرتين بمعنى أن الغلاء في محله.
وأشار تاجر السيارات محمد فضل الله بسوق بحري لـ(السوداني) إلى ارتفاع أسعار السيارات المستعملة حيث ارتفع سعر الاكسنت دبدوب من (90 ـ 120) الف جنيه وسعر الفيستو من ( 50ـ 85) الف جنيه مؤكدا انعدام القوة الشرائية بسبب الارتفاع الجنوني في الأسعار.
وقال فضل الله إن السبب الرئيسي في ارتفاع اسعار السيارات يعود للجمارك حيث يتم استيراد سيارة التوسان موديل 2014م بسعر (90) الف جنيه وتبلغ الجمارك (160) الف جنيه وسعر البكاسي دبل كاب (220) الف جنيه وقيمة الجمارك (285) ألف جنيه، والبرادو سعره (260) ألف جنيه وقيمة الجمارك (430) ألف جنيه وقال إنه يدفع جمارك سيارات إفراج مؤقت حوالي (15ـ 16) ألف جنيه شهريا، مؤكدا ارتفاع أسعار السيارات موديل 2014م حيث سعر التوسان موديل 2014م (245) ألف جنيه، الشكل القديم (230) ألف جنيه وسعر الآكسنت (215) ألف جنيه وسعر البكاسي ديل كاب (520) ألف جنيه، مؤكدا انخفاض القوة الشرائية مطالبا بتخفيض أسعار الجمارك وفتح باب استيراد السيارات المستعملة لخفض أسعارها خاصة وأنها تشهد ندرة حيث أن معظم معارض السيارات الآن (فارغة)، مؤكدا وجود بعض الاستثناءات.
السوداني


تعليقات 31 | إهداء 1 | زيارات 29313

التعليقات
#921668 [محمد الضو]
0.00/5 (0 صوت)

02-20-2014 11:57 PM
لعنت الله عليهم


#921667 [طائر الهوى]
1.00/5 (1 صوت)

02-20-2014 11:57 PM
إزا دعتك قدرتك على ظلم الناس فتزكر قدرة الله عليك .


#921593 [المزغلل]
5.00/5 (1 صوت)

02-20-2014 09:34 PM
والله في واحد اسمو ابو احمد بعلق في الراكوبة دي, والله وقت اقرا تعليقو بقرب استفرغ بالله الزول دة عايش معانا في السودان ولا عايش في كوكب اخر


#921563 [محمد الضو]
0.00/5 (0 صوت)

02-20-2014 08:43 PM
حا تمشو من الله وين يا كيزان ناسين الموت انتو حا يجيكم في كراسيكم


#921495 [الدبيب]
0.00/5 (0 صوت)

02-20-2014 07:11 PM
قبل اسبوع وصلت الى السودان وكنت ما خد عربية مارسيدس ML270 مستعملة موديل 2012 سعرها من المانيا 13 الف يورو ما يعادل 130 مليون ذهبت الى بورتسودان للتخليص فى المقام الاول موجودين 4 اشخاص عندما حضرت قالو لى انحنا منتظرنك من امبارح قلت انشاء الله خير قالو لى البجيب عربية محترمة لازم يكون محترم انا فهمتة الحاصل دفعتة 5 مليون قبل الكشف وبعد الكشف دافع 85 مليون جمارك فى الاجمالى 110 مليون حتى خرجت من بورتسودان يعنى انحنا الكادحين فى الغربة ما من حقنا نجيب سيارات الله يكون فى العون


#921344 [حسكنيت]
0.00/5 (0 صوت)

02-20-2014 04:27 PM
أنا بمشى السودان سنويا ، وكل سنة بجمركونى ( أستاهل)


#921279 [kamuzu]
0.00/5 (0 صوت)

02-20-2014 03:24 PM
قبل اربع سنوات احضرت سيارة فورد موديل 2007 من الاردن للسعودية دفعت عليها كامل الرسوم بما فيها الجمارك ما يعادل حاليا 4000 جنيه (اربعة مليون ) بس.... ولا زالت معي


#921236 [عصام كسلا]
0.00/5 (0 صوت)

02-20-2014 02:36 PM
مين كان يصدق فبل انقلاب الجبهة الاسلامية 1989 ان يصل سعر جالون البنزين الي 21 الف جنيه و سعر السيارة الي عدة ميئات من الملايين من الجنيهات السودانية الكيزانية الغير مبرئة للذمة ؟
الجنيه السوداني اصبح لا يستطيع ان يغطي قيمة تكلفة طباعته .
فالترق كل الدماء


#921095 [ودضكيرررر شاي العصر]
4.13/5 (4 صوت)

02-20-2014 12:36 PM
ياااااااجماعة اصبروووا شويه بعد التماسيح تشبع بعدها يرموا ليكم العظام لسه القطط السمان


لم تشبع وقرار رسوم الجمارك ده مش من بشه ده من ابووووو العفيين اعرفوا المعلومه دي


#921070 [هباش]
4.82/5 (5 صوت)

02-20-2014 12:26 PM
كل هذا يرجع فى المقام الاول الى كراهية السودانين لبعضهم البعضى اى زول فى اى مكان عايز يلهط على حساب اخوه التانى مادام هو عايش ومنقنق حريقه فى البقيه

خلو الناس تتمتع وتعيش من جيبها وما فى زول عايز منكم حاجه و لو قصدكم تحسين وضع الاقتصاد دخل العربات بسعرها من المنشا و باكبر كميه عشان تستهلك بترول واسبيرات وكيده تكون مستفيد اكتر من رفع الجمارك .


#921053 [امريكي]
4.75/5 (3 صوت)

02-20-2014 12:14 PM
تخيلوا معي يمكن لشخص ان يحضر عربة من امريكا ( أفخم عربة ) ب 20 ألف دولار اي مايعادل 160 ألف جنية سوداني ، ويجوا الحرامية ديل ويطالبوه جمارك بقيمة 150 ألف جنية سوداني اي ما يفوق ثمنها ، اي سرقة ونهب وأكل أموال الناس بالباطل أفظع من هذا ؟!


#921036 [الكردفاني]
4.00/5 (1 صوت)

02-20-2014 11:59 AM
ياجماعة انا عندي اكسنت 2014 عايز اوديها السودان لخدمة الوالد الكبير في السن حيدفعوني كم ؟؟!!!


ردود على الكردفاني
[الشرانى] 02-20-2014 02:40 PM
زى ما واحد من الاخوان قال ليك ودى ابوك وجيرانك كمان

European Union [gasim] 02-20-2014 02:39 PM
هههههههههههههههههههههههههه اسمع كلام الامريكى احسن ليك

European Union [امريكي] 02-20-2014 01:00 PM
اعكس الموضوع يا حبة .. بدل ما تجيب العربية ودي أبوك هناك !!!!

United States [عباس] 02-20-2014 12:58 PM
حا يدفعوك دم قلبك لاتحاول لانك حا تخليها ليهم فى المينا وتروح وهم ياكلوا شقاك بالبارد ديل ما بخافوا الله والما بخاف الله خاف منو .


#921017 [حمد]
5.00/5 (2 صوت)

02-20-2014 11:50 AM
الجمارك فى فلسطين المحتلة من اليهود ارخص من السودان
عشان تعرفو انو اليهود افضل من المجرمين الحاكمين وسارقين البلد
شوف فلسطين لما تجى فى التلفزيون مدارس وشوارع
يعنى ياريت اليهود كانو محتلينا
الواحد داير شنو من الدولة غير خدمات


ردود على حمد
European Union [السنجاوي] 02-21-2014 07:37 PM
يا أبو أحمد
النصارى بكتبوها كده فهمت؟
وترضى كده
وكفروا كده
أولئك كده
وما علاقة هذه الآيات بالموضوع؟

United States [حمد] 02-20-2014 06:40 PM
ليس على من يهودية اليهود من شى
كل نفس بما كسبت رهينة
يهمنى مالى فقط لا يأخذه حرامى مسلم او غير ذلك
عبدالمنطلب قال المال مالى وللبيت رب يحميه
وانا قلت افضل فى شنو الكلام كان واضح عن رسوم الجمارك فقط ولا تحمل الموضع اكثر من ذلك
وهل يحق للحاكم اذا كنت داير تورينا الدين انو اجيب ليه عربية مقابل عربيتى الخاصة
اى منطق واى دين يقول كدا
حمواربى فى قوانيونو ما كان كدا

[ابواحمد] 02-20-2014 01:13 PM
لن ترضي عنك اليهود ولا النصارة حتي تتبع ملتهم وربنا قال ان الذين كفرو من اهل الكتاب والمشركين في نار جهنم خالدين فيها اؤلئك هم شر البرية . تقول اليهود اخير قول الله يولي من يصلح


#921000 [حمدى]
2.00/5 (1 صوت)

02-20-2014 11:41 AM
دا البشير عندو سيارات واخوانو وحريمو والنواب والنائب السابق والحس كوعك وكل الجماعة بتاعين الحركة الاسلامية والانقاذ
ايه عايزين تانى
العائز سيارة يلحس كوعو


#920998 [ام كرتبو]
3.00/5 (1 صوت)

02-20-2014 11:40 AM
في سؤال غفل عنه الكثيرون وهو ..لماذا الجمارك في السودان تابعة وزارة الداخلية ومتعسكرة ؟!!!! وهل الجمارك في كل دول العالم تتبع وزارة الداخلية ويعمل بها عسكريوون افيدونا افادكم الله ...لان هذه التبعية هي المدخل للقلع بالعين الحمراء ...


ردود على ام كرتبو
[المشتهي الكمونية] 02-20-2014 12:56 PM
لا تنسي يا أم كرتبو أنك في السودان الحاكمنو الكيزان من زمان


#920970 [الــســيــف الــبــتــار]
3.00/5 (1 صوت)

02-20-2014 11:22 AM
النظام الضال و المضلل للمواطن و المستقل لخيرات الوطن ومال المواطن من أجل تسيير الدوله و سداد المستحقات من رواتب و بدلات و حوافز و اكراميات وسفر و اقامه و ضيافة الوفود الاجنبيه و المؤتمرات الاستعراضيه دون مخرجات لخدمة المواطن او المساهمه فى انعاش الاقتصاد ورفع المعاناة عن كاهله بل كسرة عظمه و سلبت لحمه و ذهب عقله وحفيت قدماه و هو يجول بين المصالح و الوزرارات والمصانع و الشركات بحثا عن وظيفه ليسد رمقه و يوفر الخبز لاسرته ؟
لسنا فى حاجة للسيارات الغاليه الثمن او الرخيصه ؟
الكدارى ارث الجدود و لكن التطور و الرفعه التى نراها فى بلدان العالم الثالث نتطلع اليها و لو بالقليل لكى نحس باننا شعب وله راعى الرعبه و الذى يهتم و يعمل من أجل هذا الوطن و المواطن طوعا وهو خادم لهذا الشعب باختياره و اتى بالدبابه او عبر صناديق الانتخاب ويعلم علم اليقين المسؤوليه التى سوف يتحملها والجهد الذى سوف يبذل و من تم اختيارهم ليكونوا عونا له ومساعدين فى ادارة هذه الدوله التى غيبت فى عهده و اصبحت مركز صراعات سياسيه و اثنيه و عنصريه و جهويه ولم يفطن و لن يتعلم و سوف تنهار و تتلاشى والمعارضه تبحث عن موقع فى القصر و كرسى فى البرلمان و منافق فى المجلس الترويعى لمذيد من الظلم و المعاناة و الاذلال ؟
الغذاء و الدواء و الماء و الكهرباء و التعليم فى الزمن الجميل لا الذى اسس له ابليس والدعول ولنظر الى الايام القادمه ورحمة ربنا وسعت كل شىء و ما بعد لضيق الا الفرج ان شاء الله .


#920967 [ابراهيم الفاضلابى]
3.00/5 (1 صوت)

02-20-2014 11:20 AM
والله حقوا يراجعوا موضوع الجمارك لانوا مبالغ فيه .وسبب اساسى فى حرمان كثير من الناس من اقتناء سياره


ردود على ابراهيم الفاضلابى
United States [عباس] 02-20-2014 01:00 PM
ما دام هم معاهم سيارات بقية الناس حريقه فيها لاتحاول ديل ما بينصلحوا خلاص ران على قلوبهم ما كانوا يكسب مثل ما قال ربنا سبحانه وتعالى فيهم .


#920947 [محموم جدا]
4.94/5 (5 صوت)

02-20-2014 11:09 AM
السؤال المهم جدا
هل السيارة في عالم اليوم ضرورة اساسية أم هي من الحاجيات الثانوية؟
أعرف أن الاجابة بديهية .. لكن من باب التذكير للمسئولين لأن الذكرى تنفع المؤمنين
تعالوا نجرد لي مواطن عادي كيف يمتلك سيارة !!
يشتري سيارة موديل السنة بوكس دبل كابين من الوكالة في الخليج بسعر 100 الف ريال سعودي و هي ما تعادل بالسعر في السوق الاسود 220 - 230 ألف ج سوداني جديد لنج و يدفع الترحيل + التامين ما يعادل 8200 ج س ج ج و يدفع جمارك 285 ج س ج ج لتصبح الجملة التقريبية على أحسن الظروف 523,2 الف ج س ج ج (ج س ج ج = جنيه سوداني جديد جدا) و يقوم صاحبنا يمشي يدفع التامين و الفحص الفني و الترخيص و الذي يشمل الضريبة و الزكاة و تعب الضباط بالمرور و لو داير يقي أهله و أطفاله شر ضربة الشمس فليظلل الزجاج لأن التكييف يكون أحسن و الكفاءة أقوى و الصرف يقل لكن عليه دفع رسوم التظليل أو فليتعلم كيف ينزعه أمام شرطي المرور على قارعة الطريق أو يعلم يده على دفع الرشاوي لإسكات فم الشرطي !!
سؤال آخر كيف تتعثر الدابة على الطريق في عالم اليوم يا عمر؟
الدابة هي البوكس المعروف لدى أهل السودان بسيارة المجتمع بكل المعنى العريض و الاسعاف في بعض الاحيان و سيارة الجنازة أحيانا و و و و .... و العثرة هي القوانين المجحفة من جمارك عالية جدا + رسوم خدمات الترخيص و التأمين + الزكاة و الضرائب هي العثرات التي تجعل المواطن السوداني المتعثر متخلفا عن سنوات التصنيع عشرات السنوات أما المتمكن فقد يجاري العالم في موديلات السنة و يصبح الشارع العام جبانة هايصةالكارو و الفار مع الموديل ابو خمسين سنة و الرقشة يضاحكو الموديل الجديد و يهددوه احيانا كثيرة فما هي النتيجة؟
الاجابة هي إجتماعية و سياسية و دينية و حقد و حسد و يطول التفصيل في هذا المقام!!
لكن ما نقول لما لم تسوي لها الطريق يا عمر ؟؟؟؟؟


#920939 [عبادي]
2.00/5 (1 صوت)

02-20-2014 11:01 AM
قبل سنتين او اقل اصدر وزير التجارة عثمان الشريف
امر بفتح اتسيراد السيارة القديمة تاني يوم عمر البشير شخصيا اوقف القرار
دى عصابة كبيرة ومنظمة وماسكة بخيوط اللعبة كلها
يعن يلمو الميارات دى من وين ما من الجمارك والميناء والجبايات التاينة دى
دى عصابة دى ما حكومة
وبعدي المعارض دى حقت مين ما حقتهم
والله حكاية غريبة
بوكس موديل 80 سعرو 200 مليون بجيب شنو دا اصلا
الله يصرفهم بس من الناس


#920938 [المشتهي الكمونية]
5.00/5 (4 صوت)

02-20-2014 10:59 AM
نحمد الله نحنا ناس مواصلات ساي ، أقصى طموحاتنا انو نلقى لينا مقعد فاضي في حافلة ، نعمة والله


ردود على المشتهي الكمونية
[الراجل] 02-20-2014 02:08 PM
انا جنى وجن كرسى النص فى الحافلة


#920935 [Mohamed]
4.91/5 (6 صوت)

02-20-2014 10:56 AM
الأخوة المغتربون: أما عن نفسي، فالحمد لله والشكر لله فقد إستغنيت تماما عن "أحلام" عالم السيارات وشؤونها وشجونها بالسودان، وتحررت من سخافة تملك سيارة هناك، بعد أن تحول الموضوع الي "عبط" و"سخف" و "عوارة" لا طائل من وراءها ولا منطق! فمن ناحية هناك "غول الجمارك" ممثل الدولة الجشع ووراءه ما وراءه من وحوش كاسرة تأبي إلا أن تملكها "سيارتان" إذا أغراك "الخبل" بمحاولة إمتلاك "سيارة واحدة" لنفسك! ومع ذلك فإذا طاوعت نفسك وقررت هدر أموالك في هذا "الروليت" المميت، فسوف تفاجأ بقائمة طويلة من الإلتزامات التي لا تنتهي أبدا، من شاكلة غلاء قطع الغيار، وغلاء أسعار الوقود وغلاء رسوم التسجيل وكثرة الحوادث ورداءة الطرق وضعف القوة الشرائية بالسوق وكثرة المحتالين، مما يهدد بتصفية "حلم إمتلاك سيارة" وتحويله الي "كابوس" رهيب!! وللعلم فالمواصلات البديلة رخيصة الثمن ومتيسرة، ولمن يرونها "مشينة" عليهم بلإيجار ولفترة مؤقته "عند الحاجة" وعدا ذلك ممارسة رياضة المشي!

قاطعوا السماسرة، قاطعوا غول الجمارك وقاطعوا الطمع "الطفولي" أو "حلم" إمتلاك سيارة فهو باب من أبواب تمكين دويلة الكيزان ونفخ جيوبهم التي لا تشبع.


#920933 [محجوب عبد المنعم حسن معني]
2.00/5 (1 صوت)

02-20-2014 10:55 AM
الحساب ده غلط


#920905 [سوداني]
3.50/5 (2 صوت)

02-20-2014 10:36 AM
يا اخوانا في نقطة مهمه
التاجر قال أغلي عربية قيمتها مليار ( بالقديم) ودي ما بيشتريها إلا الطبقات العليا والمسؤولين

طيب الطبقات العليا = المسؤولين
و المسؤولين = المسؤولين
وزيادت الجمارك من= المسؤولين
وشركات البلد كلها بتاعت= مسؤولين
والعائد كلو في جيوب = المسؤولين


احد الشباب المهاجر خلا لي صحبو رسالة قال ليهو
' عليك الله كلم الشباب قول ليهم آخر واحد يطلع من البلد ما ينسا يقفل تأمين الكهرباء وبلف المويه ويخلي المفتاح تحت كبري المك مر '


#920848 [علي]
0.00/5 (0 صوت)

02-20-2014 10:05 AM
سعر الكيا سبورتاج 2014 كم


#920789 [عصمتووف]
3.50/5 (2 صوت)

02-20-2014 09:22 AM
تهدي الحكومة سياره مقابلة سيارتك كيف يعقل هذا لو كان السودان مصنع سيارات سوف يزيدون اسعارها الي الضعف لو كنا نعيش في جنة الله سوف يفرضون تلك الضرائب دولة ميزانيتها قائمة علي عرق وجيب المواطن تعتبر فاشلة


#920746 [A BU ALI ALI]
5.00/5 (2 صوت)

02-20-2014 08:43 AM
يا جماعة كيف يكون سعر البيكاب دبل كابن ما يعادل 26 الف ريـال عماني حيث ان سعره عندنا هنا في سلطنة عمان جديد موديل 2014 يساوي 8 الاف ريـال عماني - عندي قصة شبه خيالية وغريبة شوية لقد تم منحني سيارة بيكاب هدية بلاش من الشركة التي اعمل فيها وقلت احسن اسفرها الى وطني السودان فوجد من الافضل ان ابيعها واشتري من السودان تكون الخسارة اقل نسبيا اي منطق هذا نحن عايشين فية مع هذه الحكومة التي مازالت مستمرة على اجسام كل الغلابة .


#920735 [111111]
4.50/5 (3 صوت)

02-20-2014 08:27 AM
الظاهر عليكم ما سمعتوا الحاج آدم نائب البشير السابق عندما سألوه عن اثر زيادة اسعار الوقود و قال انو السودانيين بيركبو الحمير و ماشين كداري


ردود على 111111
United States [المزغلل] 02-20-2014 09:38 PM
المخلوق دة وكت اشوف صورتو بس حساسيتي بتقوم علي طوالي...اعوذ بالله من الساطورالرجيم اقصد الشيطان الرجيم


#920729 [المتجهجه بسبب الانفصال]
3.00/5 (1 صوت)

02-20-2014 08:18 AM
اليابانيين والكوريين مستغربين من سعر السيارات في السودان ،، يبدوا انو بيظلوا يتورتوها لفترة ما قبل البيع مثل خراف الضحية لذا يرتفع سعرها ،، اين تذهب عائدات الجماراك ،،


#920720 [اوقفوا غول الجمارك فهي تسرق قوت الضعفاء]
2.32/5 (5 صوت)

02-20-2014 08:03 AM
معروف سلفا وقد اثبتت كافة الدراسات الاقتصادية بأن الجمارك هي مؤسسة تسرق قوت ورفاهية شعبها ..
وعندنا في السودان اصبحت مؤسسة الجمارك عصابة ذات قوة ضاربة ولا يستطيع اي مسئول التدخل في قراراتها لانهم اصبحوا يتجاوزن أعدائهم بكافة الوسائل الغير مشروعة والمحرمة . والكل يعرف ان موظفي الجمارك في كافة انحاء السودان اصبحوا مميزون ماديا وأثرياء في المجمتمع بسبب الفساد المالي والاداري الذي تتميز به مصلحة الجمارك ...... ولا يستغرب احد في ان هناك ايادي خفية وشركات وأفراد لهم مصلحة شخصية دونها والموت لرفع جمارك السيارات واستمرار حظر استيراد السيارات المستعملة للمواطن المسكين ، وقد اصبح جميع من حولنا في عالمنا يمتلك سيارة باقل ثمن ليسهل بها امور حياته البسيطة، لذلك يجب فك هذا اللغز وعزل جميع المسئولين القياديين في مصلحة الجمارك وإعادة صياغة سياسة استيراد السيارات من الخارج وفك الحظر بما يتماشى ومصلحة المواطن والوطن ..

اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.
اوقفوا غول وعصابة الجمارك وحاربوهم لانهم هم من يسرق قوت الفقراء والمساكين والاطفال والمرضى.


#920678 [Quickly]
3.50/5 (4 صوت)

02-20-2014 05:53 AM
البلد فوضي ماليها وجيع كيف يكون قيمة الجمارك ضعغين او ثلاثة اضعاف قيمة السيارة والله دي ماحصلت في الواغ الواغ
اضف الى ذلك مافي انتاج محلي للسيارات عشان نقول حماية و مبرر لرفع قيمة الجمارك للمستورد وعوائد الجمارك والضرائب مامعروفة بتمشى وين ماعارفين ,,,,,,, اي واحد مثقف ثقافة اقتصادية وبتابع نشرة اقصادية في التلفزيون بعرف الكلام دا خليك من يكون دارس اقتصاد
ومافي زول بسأل تقول حاكمين ليهم طير ياخي حتى الطير اذا اضايق في معيشتو بهاجر

ايهاالشعب الفضل في السودان اصحاب المروة واصحاب القلوب الحارة امامكم خيارين ياام تقلعوا الحرامية ديل وتنهوا حياة الذلة والعبودية العايشين فيها دي يا ام تهاجروا كلكم وتخلوا ليهم البلد ونحن اخترنا الخيار التاني من زماان
اما ناس لابتكلمو ولا بتنطقو ولابهببو ؟؟؟؟؟؟؟؟!!!!!!
شئ غريب والله لا حول ولا قوة الا بالله





الساكت عن الحق شيطان اخرس


ردود على Quickly
United States [كاكا] 02-20-2014 01:13 PM
في أغلب الدول الجمارك لكل شئ بما فيها السيارات 5 - 10% من قيمتها لتشجيع الناس على شراء السيارات الجيدة التي لا تسهلك اسبير ولم تشتكي هذه الدول من أن أعداد السيارات خلقت لها مشكلة ،، لهط ونهب كعادة المسئولين السودانيين يكرهون الخير لمواطنيهم بفرض الرسوم والجبايات والمكوس التي ما أنزل الله بها من سلطان.. كسرة: الحكومة السودانية هي سبب غلاء أي شئ في البلد برسومها،، حد يغالط،،

United States [حامد] 02-20-2014 11:55 AM
ولد سيدى بتاع لندن بيصرف مرتو من وين
ولا دايرين الحكومة تصرف عليهو من جيبا يعنى


#920631 [سليمان]
1.50/5 (2 صوت)

02-20-2014 02:14 AM
بصراحه دي ما حاجه جديده اصلا من زمان العريات دي موجودة عشان الكيزان والحراميه والبيعمل مشروووووع وينجح والله كاتب ليهو الرزق وبس



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة