الأخبار
أخبار إقليمية
هانى رسلان : تصريحات خارجية السودان عن الوساطة بين مصر وإثيوبيا موافقة غير معلنة على بناء سد النهضة
هانى رسلان : تصريحات خارجية السودان عن الوساطة بين مصر وإثيوبيا موافقة غير معلنة على بناء سد النهضة
 هانى رسلان : تصريحات خارجية السودان عن الوساطة بين مصر وإثيوبيا موافقة غير معلنة على بناء سد النهضة


02-21-2014 12:52 AM

قال الدكتور هاني رسلان الباحث المتخصص في الشئون الافريقية والسودانية إن تصريحات وزير الخارجية السوداني تعكس التحول التدريجي في الموقف السوداني بعد اعلانها القيام بدور الوسيط او المسهل للمفاوضات مشيرا الى أن التحول يسير بطريقة غير مباشرة الى موافقة غير معلنة على بناء سد النهضة الأثيوبي.

وأضاف رسلان في تصريحات لـ"صدى البلد" ان هذه التصريحات أرى انها تلاعب بالألفاظ ولا تعبر عن وقوف السودان الى جانب مصر ولا تؤكد انها تحول ايجابي في الموقف السوداني تجاه الأزمة .

وأعرب رسلان عن اعتقاده بأن السودان ستتخذ فى المرحلة القادمة شكلا آخر وهو التسويق والدعاية للموقف الأثيوبي لافتا الى ان الموقف السوداني حاليا يتجه الى تغليب الاعتبارات السياسية الخاصة بتوازنات السلطة القائمة وتحدياتها الداخلية دون النظر الى التغيرات الإستراتيجية في أوضاع المياه والأمن في النيل الشرقي .

وكان وزير الخارجية السودانى، على كرتى قال في تصريحات صحفية امس الأربعاء إن بلاده ستقف على الحياد التام تجاه أزمة سد النهضة الإثيوبى بين القاهرة وأديس أبابا، ونفى تعاطف السودان مع أى من الطرفين، مشيرا إلى أن الخرطوم تجمعها مصالح مشتركة مع القاهرة وأديس أبابا.

وأضاف كرتى ، أن الخلافات العالقة بين إثيوبيا ومصر لن تتم معالجتها عبر الصراخ الإعلامى والنظرة الدونية للآخر، على حد وصفه، وأن بلاده ستواصل جهودها لتقريب وجهات النظر بين إثيوبيا ومصر تجاه خلافات البلدين حول السد.

الموجز


تعليقات 16 | إهداء 0 | زيارات 2774

التعليقات
#922157 [عبقرينو]
5.00/5 (2 صوت)

02-21-2014 03:08 PM
ياهاني خلي الف والدوران السودان قالها اكتر من مرة هو ماعندو مشكلة مع بناء السد يغنوها ليكم ولا شنو


#922153 [الفنجري]
5.00/5 (2 صوت)

02-21-2014 02:59 PM
لو ضربتوا سد النهضة نحن أيضاً سنضرب السد العالي ... واحدة بواحدة... اتخيلوا نفسكم بعد انهيار السد العالي !!!


#922127 [الهمباتى الراقد تحت الشدرة]
5.00/5 (5 صوت)

02-21-2014 02:33 PM
مواااااااااااااااااااااااااااااااااااااااااااااااااااااااااااافقييييييييييييييييييييييييييييييييييييييين ياهاني رسلان وباصمين بالعشرة والله لو اثيوبيا اتنازلت نحن ما نخليها رايك شنو!!


#922071 [ود بري]
5.00/5 (4 صوت)

02-21-2014 01:33 PM
اثيوبيا دولة عريقة ولا تحتاج لكائن من كان ان يقف معها او ضدها. فهم ماضين في بناء هذا الصرح العظيم
لا يوج كائن في منطقة شرق افريقيا له المقدرة على إيقاف المشروع. وأي كلام بتقال هو كلام في ألهوا وخارم بارم لا يودي ولا يجيب
وهذه هي الأخبار السعيدة بالنسبة لنا


#922066 [رانيا]
5.00/5 (6 صوت)

02-21-2014 01:30 PM
الواحد بقى خايف يفتح الحنفية يطلع له هاني رسلان . . !


ردود على رانيا
United States [رانيا] 02-21-2014 10:35 PM
شكرا يا معجبين .. تسلموا إن شاءالله

European Union [khalid mustafa] 02-21-2014 08:06 PM
اجمل تعليق علي تصريحات هذا المافون هاني رسلان وانا في راي احسن مكان لهاني رسلان هو موية التواليت عشان يخش في بلاعات السودان لابد الابدين
الله يديك العافيه يا رانيا

European Union [ساب البلد] 02-21-2014 03:42 PM
****** هع هع هع ***** ح تجي وراه البت اماني الطويل الخبيره بتاعت شنو كده ما عارف ******** جمعة سعيدة ********


#922049 [سعد احمد]
5.00/5 (3 صوت)

02-21-2014 01:12 PM
ههههههه ياود رسلان اخر مرة في الجزيرة شايفك قربت تبكي
يامسؤل ملف السودان بمركز الاهرام للدراسات الاستراتيجي المخابراتي
واظن المخصصات الضخمة الشخصية لك والعمارة الفي الدقي والعزبة زات الفيلا
الفاخرة والعربات والبحبحة لو صرفتها مصر علي مشروعات مع اثيوبيا كانت
مانست الفضل عليكو يابيه------- السد قادم قادم واثيوبيا هي سي السيد
ياغبي عددالشعب الاثيوبي يساوي تعداد شعبك اهاااا قسمها
اتفاقية59بلوها من باقي الموية العندكم واشربوها سريع قبل ما تنشف---


#921977 [داوودي]
2.00/5 (3 صوت)

02-21-2014 11:53 AM
مفروض برضو نحنا نفكر في مصالحنا وناس اثيوبثا يخلو مهندسينا يراجعو اﻷنشاءات وما نتكلم بعاطفتنا بس ..


#921949 [بهاء الدين علي]
5.00/5 (4 صوت)

02-21-2014 11:13 AM
والله يا سيد هاني رسلان موافقة معلنة ولا مش معلنة السودان حر في مواقفه و حر في التحالف مع من يشاء و حر في فعل كل ما يشاء دون ادنى إكتراث او اهتمام بكم. انت و غيرك من "النخبة" الإعلامية المصرية تسببتم في قطع شعرة معاوية التي كانت تربطكم بنا و اقصد هنا الشعب و ليس الحكومة. لذلك و حتى لو تغيرت الحكومة غدا, لا تتوهموا انكم سوف تكسبون السودان و شعبه مرة ثانية بالكلام الفارغ عن العلاقات الازلية و وحدة وادي النيل و ما الى ذلك من الخطرفات.


#921837 [الثعلب]
5.00/5 (1 صوت)

02-21-2014 08:11 AM
عصابة الإنقاذ وعلى كرتيها دايما ماسكين العصاية من النص...لكن نقولها مدوية لأولاد بمبا نحنا مع أهلنا الحبوش مش لأننا بنحبهم وبحبونا فقط ولكن أيضا نسبة للجدوى الاجتماعية والبيئية العالية لسد النهضة والتي أثبتتها الدراسات العلمية الرصينة..يا أولاد بمبا أحسن ليكم ترعوا بي قيدكم!!!


#921811 [الساكت]
5.00/5 (3 صوت)

02-21-2014 06:14 AM
يا للعجب .. هاني رسلان يريد تطويع موقف السودان حسب مصالحهم دون الإعتبار لمصالح السودان .. وزير خارجية السودان يتصرف حسب مصالح بلده وليس حسب مصالحك أنت .. آن لنا أن نقول لكم لا


#921778 [halfaa]
5.00/5 (2 صوت)

02-21-2014 03:32 AM
كرتي هذا لازم يصمت لعنت الله عليه ايش فهمو في السياسه ولا عشان متزوج حلفاوية للمرة الخامسة


#921767 [النيل أبونا والجنس سودانى]
4.75/5 (3 صوت)

02-21-2014 02:50 AM
وااااااااااااااااااااااااااااى عصيدتنا حرقتنى نحن ماعايزين نقف مع مصر أنت مالك .ياهانى رسلان أتكلم زى ما عايز لأنه الكلام ما عليه جمارك و طالما العمل جارى فى سد النهضة تمام نحن مرتاحين 24 قيراط .

حسنه لله يا أهل السودان المحسنين أقيفوا معانا هههههههههههه.


#921746 [ساب البلد]
5.00/5 (1 صوت)

02-21-2014 02:21 AM
******** "مشيرا الى أن التحول يسير بطريقة غير مباشرة الى موافقة غير معلنة على بناء سد النهضة الأثيوبي" البشير قال ليكم هم مع قيام السد ****** اللياقة ليكم شنو ؟؟؟ ******



***** "ان هذه التصريحات أرى انها تلاعب بالألفاظ ولا تعبر عن وقوف السودان الى جانب مصر ولا تؤكد انها تحول ايجابي في الموقف السوداني تجاه الأزمة" ****** خلاص انت عايزين السودان يقيف معاكم بالعافية ***** انتو قولتوا ح تضربوا "سد النهضة" عسكريا **** عايزين موافقة السودان في شنو؟؟؟ ******



***** كسرة *******

****** السودان للمرة المليون "مُذكر" *******


#921730 [عماد ابونون]
4.50/5 (2 صوت)

02-21-2014 01:39 AM
رسلان وجويدة وهلما جرا اريد ان اتساءل ماذا يريدون منا اكثر مما اخذوا
كفاية عليهم حلفا ... هل مازالت فكرة ان السودانيين اتباع لمصر معشعشة
فى افكارهم بالله عليكم ايها السادة تحتلون ارضنا وتريدونا ان نساندكم ملعون
ابو النيل الذى تريدونا بسببه ان نصير عبيدا لكم .. تبا لاولئك الذين منحوكم
ارضنا من قبل وهجروا اهلنا من مناطقهم وقبضوا الهواء


#921709 [Hamid Musa]
5.00/5 (1 صوت)

02-21-2014 01:09 AM
نعم يا علي كرتي نحن مع بناء سد النهضة اقيفوا مع الرئيس هايلي ميريام كلنا ضد الغطرسة المصرية و الله سننسي مشاكلنا مع مؤتمر وطني و غيرو عشان كدة بقول ليك سخر كل مصانع الاسمنت بتاعتك و بتاعت غيرك ودوها اثيوبيا ابنو البتاع ده و القموا الفراعنة حجرا، المصريين ديل ما عندهم لينا ذرة احترام،، ده طريقنا للرد علي موضوع حلايب


ردود على Hamid Musa
United States [الكرار] 02-21-2014 12:28 PM
اضم صوتى الى صوتك ياود موسى نعم يمكن أن ننسى كل المشاكل ونقيف مع الحبشة لقيام السد لأان السد فية فائدة عظيمة للسودان وانسى المصريين لأن لخير فيهم للسودان وكلهم مؤامرات على كل دول حوض النيل آن للشعب السودتنى أن يلتفت على أخوانة الافارقة وبالذات الاحباش والارتريين لأانهم أقرب الشعوب للسودان دما وثقافة.
ياوزير الخارجية كل الشعب السودانى واقف معاك فى هذا الموقف الشجاع.


#921706 [بعاص]
3.00/5 (2 صوت)

02-21-2014 01:04 AM
الحاجه الوحيده البتلقى اجماع من كل الشعب السوداني قضية حلايب دي يا اولاد بمبه.....نحن مستفيدين من سج النهضه ده .وبعدين السد لو انهار خلونا النغرق مالم و مالنا.
الحاجه المفروض تعرفوها انو حلايب دي لو عملتوها زي دبى حاترجع لينا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة