الأخبار
أخبار إقليمية
نظام البشير : لا علم ولا صلة لنا بصفقة البصات المالطية
نظام البشير : لا علم ولا صلة لنا بصفقة البصات المالطية
نظام البشير : لا علم ولا صلة لنا بصفقة البصات المالطية


02-21-2014 11:30 AM
الخرطوم
أعلنت ولاية الخرطوم أنه لا صلة ولا علم لها بما يتم التداول حوله بالمواقع الالكترونية عن صفقة تمت بين المواصلات المالطية وإحدى الشركات السودانية لشراء «80» بصاً ماركة مرسيدس مستعملة في طريقها للخرطوم، وأن الولاية لم تتفاوض أو تتفق مع أية جهة أجنبية أو سودانية بخصوص تلك البصات، وأنها اندهشت من أن البصات في طريقها للخرطوم.
وأكدت الولاية أن خطتها المعلنة في ما يلي البصات بوصفها واحداً من المواعين المطروحة للمساهمة في النقل، هي استيراد بصات جديدة، التزاماً بقرار الحكومة الاتحادية الذي يمنع استيراد المركبات المستعملة.

الانتباهة


تعليقات 21 | إهداء 0 | زيارات 7063

التعليقات
#922882 [marwan]
0.00/5 (0 صوت)

02-22-2014 12:13 PM
طيب مادام البصات دى رخيصه كده ما يقطعو النص الوراء ده ويقفلوهو انشالله بصاج اها والنص القطعهو ده ممكن نجرو بتركتر يعنى يبقى عندنا باصين بدل واحد بسعر 12000 دولار ولا اقول ليكم حاجه النص الوراء ممكن يقى مكتب او استراحه فى المحطات ولا رأيكم شنو ياشباب


#922504 [عصمتووف]
0.00/5 (0 صوت)

02-21-2014 11:50 PM
النصر له مليون اب اما بنت السفاح تولد من ابا مجهول


#922465 [يونس]
0.00/5 (0 صوت)

02-21-2014 11:05 PM
أعلنت ولاية الخرطوم أنه لا صلة ولا علم لها بما يتم التداول حوله بالمواقع الالكترونية عن صفقة تمت بين المواصلات المالطية وإحدى الشركات السودانية لشراء «80» بصاً ماركة مرسيدس مستعملة) بالله دي ولاية ولابيت سماية اي واحد يجي خاشي بالا عندو وطيب ايه قائدة الوالي وجكومة الولاية ان كانت ما عارفة الدخل فيها شنو لا احساس ولاشعور بس القلوس وكبر كروشوا


#922444 [بريمـــــــــــــو]
5.00/5 (1 صوت)

02-21-2014 10:33 PM
بصات مالطه ..؟
يا اخونا اذا كان مالطه عارضه ..
جواز سفرها لكل من يرغب في شراها ..
فمابالك با بصادراتها ..


#922367 [ساب البلد]
5.00/5 (1 صوت)

02-21-2014 08:05 PM
********* البص براهو عايز ليه 6 كماسرة هع هع هع ******* بكرة تنط اشراقة تقول ليكم وفرنا فرص عمل للشباب ***********


#922336 [المشروع]
3.00/5 (2 صوت)

02-21-2014 07:18 PM
الشينة منكورة ... وبعد فترة حا تقولوا اشتريناها من واحد اشتراها من مالطة


#922329 [مالك الحزين جدا جدا]
0.00/5 (0 صوت)

02-21-2014 07:03 PM
الشينه منكوره ,, وبكره المويه بتكضب الغطاس ,, والبصات بتجى ولاواحد حيقول بغم


#922300 [ذول مغترب]
5.00/5 (1 صوت)

02-21-2014 06:24 PM
حتمشي بالخلف عشان الابواب باليمين .خخخخخخخخخ


#922268 [ساب البلد]
5.00/5 (2 صوت)

02-21-2014 05:51 PM
********** بصات مالطية ******** دي حمي مالطية ******** حتي لو ما الحكومة يكون كوز اشتراها باموال الشعب و ح تشتغل في الخط ***** زي عربات النفايات بتاعت "المتعافن" ********


#922232 [الجعلي الفالصو]
5.00/5 (1 صوت)

02-21-2014 05:11 PM
عشان كده جماعتنا كرهوا مواقع التواصل الاجتماعي ، والإعلام الإلكتروني الحر النزيه ، لأن هذا الإعلام هو الذي يعريهم ويكشف سرقاتهم وصفقاتهم المشبوهة ابتداء من صفقة البراز اليوناني وانتهاء بالإسكراب المالطي ، يا جماعة كدة الست الوزيرة حترفع السماعة وحتقفل النت وتاني إلا تشتغلوا بتلفون الدلاقين


#922156 [القادمون الجدد]
5.00/5 (2 صوت)

02-21-2014 03:07 PM
طيب علاقتكم شنو بالحمه المالطيه


#922146 [الشاكووش]
5.00/5 (2 صوت)

02-21-2014 02:52 PM
حا تشوفوا،، البصات دى مملوكة لأحد لصوص المؤتمر الوطنى وحا تجى وتدخل بدون جمارك وضرائب وحا تنزل للعمل فى شوراع الخرطوم وأزقاتها ومن ينتقدها سيقولوا ليه أنت معارضة،، والوالى حيقول دة قطاع خاص ونحنا طبقنا سياسة السوق الحر،، وو وو وو ،، وحا تشوفوا،،


#922141 [الهادي بورتسودان]
5.00/5 (1 صوت)

02-21-2014 02:48 PM
مشكلة الترحيل من مالطا كانت حاتكون مكلفة وكمان نقلها الداخلي من بورتسودان كان حاتكون مشكلة للولاية 18متر يشيلوها كيف ؟؟ نسيتوا نقل اليخت الرئاسي ؟؟؟ و لا حا يختوها في عربيتين سكة حديد وبكده يكونوا عايزين 15قطر ...
التقرير الفني الصادر عنها الشهر الماضي (مشترك من حكومة مالطا وشركة أريفا) يحدد حرفيا انو فيها مشاكل في الكهرباء والتبريد و وتسريب الوقود وبصراحة البصات دي كفوه ومادة دسمة للأعلام من ما جابتها لندن في 2001م واتخلصت منها لمالطا في 2011 و... وفي مالطا السنة الفاتت حرقت 9 مرات - تقرير فني بريطاني في 2007 قال ما فيها مشكلة (حوادث منفصلة) وبعد داك تقول فيها شيطان هاك يا حرائق .. لحدي ما إتخلصو منها .. كان زملانا المعلقين في مواقع التواصل بسموها " مركبات النار "
وهي بالمناسبة سبب نجاح العمدة جونسون في 2008م لأنو قال اول حاجة حايعملها يقلع البصات دي من شوارع لندن ولما قلعها قال قوله شهيرة " هذه الحيتان الثقيلة التي كانت تتلوى في طرقاتنا قد ذهبت بغير رجعة "
نحن ما عرفنا الموضوع ده إلا لانها بصات جدلية وكفوة .. وأشير لحاجة مهمة ما في جهاز أعلامي أوربي ولا مسئول بقول عنها كفوة صراحة لأنوا شركة مارسيدس حا تبهدلو في المحاكم
بصراحة أكتر يا شباب عشان الكيزان ما يقولو نحن غوغائيين السعر المعروض يوضح إنو يمكن الكيزان يكونوا على حق .. ما معقول بص تمنو 200ألف يورو يبيعوهو بسعر 12 ألف
برضو ما تستبعد تكون مكنة من شركة أريفا لانو الموضوع ده سبب ليها ضغط .. وخصوصا في تقاير كتيرة بتتهم الشركة بعدم الوضوع


ردود على الهادي بورتسودان
United States [ساب البلد] 02-21-2014 05:47 PM
******** صدقا لكلامك يا اخوي ****** بالفعل البصات لندنية ***** لان السواق باليمين ******* والابواب بالشمال ***** دي ذااااتها مشكلة **** زي ما ذكر اخونا معلق امبارح **** الباب يفتح تلقي نفسك في نص الزلط ******* غير العيوب الفنية ****** البصات طويلة لا تتلائم مع شوارعنا الضيقة و محفرة ****** مودتي ******


#922128 [طارق الباز]
0.00/5 (0 صوت)

02-21-2014 02:33 PM
يعنى شنو لا علم لكم اذن كيف تمت الاجراءات ايها النصابون؟


#922108 [الهادي بورتسودان]
5.00/5 (1 صوت)

02-21-2014 02:13 PM
شكراً للأعلام الأثيري بس الواحد يتمنى أنو ما يكون المقدم دفع من جيب الشعب .. وبصراحة ظاهر إنو الصقفة دي وراها تجار خردة النحاس والحديد طمعوا الحكومة برخص السعر عشان تطمع وتشتري .. لان سعر البصات دي بسعر 3 بصات جديدة من نفس - طبعاً بعد داك المصاريف التانية من مناولة -


#922056 [abdo]
5.00/5 (1 صوت)

02-21-2014 01:20 PM
عملتوها شيييييييييييييييييييييييييييييييينة يا ولاية


#922017 [ABOALKALAM]
3.50/5 (2 صوت)

02-21-2014 12:32 PM
والي الخرطوم معروف افتخارا بين رجال عائلته بالناب الأزرق

ووللتسمية سبب

فالخرطوم لها فيل

والفيل له ناب

والناب يستخدم للقلع

وجمعة مباركة


#922011 [انقادى سادر فى فساده]
4.94/5 (6 صوت)

02-21-2014 12:27 PM
الاندبندنت البريطانية كضابة ونصدق الولاية مش عامل اللحام هو الدى احرق مصنع اليرموك


#922002 [بت قضيم]
5.00/5 (1 صوت)

02-21-2014 12:15 PM
يعني نفهم شنو يل والي بتدخل ولا ما بتدخل


#921984 [داوودي]
5.00/5 (3 صوت)

02-21-2014 11:57 AM
الجأب سيرة الحمى الماليطية منو هسه . . .


#921982 [EL MAHDI]
5.00/5 (2 صوت)

02-21-2014 11:57 AM
قاموا للنكران لمن الناس كشفوهم ...... هذا طبعهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة