الأخبار
منوعات سودانية
المريخ يقيل مدربه الألماني كروجر ويعيد اتوفستر لقيادة الفريق
المريخ يقيل مدربه الألماني كروجر ويعيد اتوفستر لقيادة الفريق
المريخ يقيل مدربه الألماني كروجر ويعيد اتوفستر لقيادة الفريق


كلف إبراهومة مؤقتا
02-23-2014 09:48 PM

قرر مجلس إدارة نادي المريخ، ظهر الأحد إقالة المدير الفني الألماني مايكل كروجر من منصبه، وتم تكليف مساعده الوطني إبراهيم حسين إبراهومة بالإشراف على الفريق في مباراته المهمة أمام الخرطوم الوطني المقرر لها مساء الأربعاء في الجولة الرابعة من مسابقة الدوري الممتاز باستاد الخرطوم.

وجاء قرار الإقالة بعد أن رفض المدير الفني كروجر قرار مجلس إدارة النادي القاضي بتخفيض راتب المدرب واللاعبين الأجانب عقب خروج الفريق من الدور الأول من بطولة أبطال إفريقيا.

وأشارت تقارير إلى أن الألماني مايكل كروجر كان قد وقع عقداً مع نادي أنبي المصري لقيادة تدريبات الفريق خلال الفترة القادمة دون علم مجلس إدارة نادي المريخ الأمر الذي عجل بإنهاء عقده مع المريخ بالتراضي.

وأجرى نادي المريخ فور قرار إقالة كروجر اتصالات مكثفة مع مدرب الفريق الأسبق الألماني اتوفستر لقيادة الفريق وربما وصل اتوفتسر إلى الخرطوم خلال الأسبوع المقبل.

كووورة


تعليقات 20 | إهداء 0 | زيارات 7388

التعليقات
#925133 [اب جاكومة]
0.00/5 (0 صوت)

02-24-2014 06:03 PM
يا اخوانا انا عايز اعرف جمال الوالي دا حكايتو شنو مع القروش الكتيرة دي ؟
الزول دا بجيب القروش دي من وين .؟
ماتقولو الحكومة . لانو القروش العندو اكتر من كدا .
الزول دا يحير .
قبل عشر سنوات تقريبا كان يعمل مع صلاح ادريس .
اسي بقي يشتري صلاح ادريس .
ويا ادريس جيب الكيس
اديهو لي الوالي
يملاهو ليك فلوس
تبرع . تكريم . لاعب قديم .
المهم يكون للوالي .
والله يالوالي حيرت العالم


#925124 [الحاج عبدالله محمد]
0.00/5 (0 صوت)

02-24-2014 05:53 PM
انا ارى ان من مصلحة المريخ اقالة المدرب لاسباب منها :
ان مدرب عجز عن تخطي الدور الاول من مسابقةالانديه الافريقيه ومن فريق مغمور لا يستحق ان يكون مدرب للمريخ.المريخ كبير ويجب ان يكون كبير والي متي الانتظار والصبر .
التحيه للقائد الهمام الدكتور جمال الوالي الذي ظل يتحمل ويصبر علي النتائج المخيبه للامال طوال تلك السنين ويقدم ويعطي دون كلل او ملل فله التحيه وهو اهلا لهذه الابيت التي صغته في شخصه الكريم وهي بعنوان زول سوداني

زول سوداني



زول سوداني مامنكور
علم بارز وفينا نقول
ود بلدفارس حير فينا عقول
شهامه وجود وبالكرم مخبور
الفارس سيد البلد ليك سلام
افعالك تشهد تدينا نحن هيام
في دربك الساير ابدافي يوم مليت
لا قلت تعبت من العمل عانيت
لا بتعرف هوان ولا في يوم بتخازل
سيد الكرم والجود تشهد ليك منابر
وماظن في الكون زول يماثلك حاضر
وابدا ماغريبه عليك الصفات الحلوه
من بلد الكرام الجزيره الغره
الطيبه والاخلاق والعشره فيهم ثره
مشهودين بالكرم والشهامه الحره
ودناس عزاز فيهم مكارم الحله
والجود بفتخر بنسبو فارق الزله
الوالي سيد الاسم اديتنا انحن مكانه
في عصرك الذهبي مريخنا اصبح بانه
رصعت العقد بالجوهر والمرجان
واصبح حديث الناس والكل في الميدان
مريخ الوالي ليه التحيه سلام
زول سوداني مامنكور
ود بلد فارس حير فينا عقول
شهامه وجود وبالكرم مخبور



الحاج عبدالله محمد 0900633343


#925012 [كفاية]
0.00/5 (0 صوت)

02-24-2014 03:50 PM
مشكلتنا ليست مدربين وانما سوء ادارة كيف يتم الاستغناء عن مدرب تم التعاقد معه مرتين هو مادام تمت اقالته من قبل لماذا تعاقدت معه مرة اخرى ؟
طلب كروجر لاعبا اثيوبيا بالاسم قامت الادارة بتسجيل اثيوبي آخر طلب كروجر الابقاء على لاعب وطني فقامت الادارة بشطبه في المريخ تقوم الصحافة الرياضية بعمليات الشطب التسجيل وتغيير المدربين انه الفشل الاداري انه الفشل الاداري هو المشكلة التي يعاني منها المريخ وكذلك الهلال


#924997 [الوليد]
0.00/5 (0 صوت)

02-24-2014 03:33 PM
من الاغاني الجميله والتراثيه في بلدنا الهامل الماعندو وجيع اغنيه الساقيه لسه ولسه لسه مدوره
ساقيه او صينيه او طبق كسره المهم الناس دي قاعده تلف وتدور وترجع تااااني لنقطه ماقبل التاريخ
حتي السياسه السودانيه تدور في نفس الصينيه والساقيه والطبق الاخرق المقدود ...نبدا بانقلاب ... نعمل انتفاضه... نجيب ناس الصادق والميرغني وتلك الوجوه العكره ...يقوم انقلاب يجينا عسكري ولسخريه القدر ...برضو ما بيولد ...تقوم انتفاضه ...يجونا تاااااني ناس المهدي والميرغني واتباعهم وهكذا .... هسع البشير عشان يخلص البلد من مشاكله حسب فكروا هو رجع تااااااااااااااااني للترابي وووووووب علينا
الكوره والله نفس الشي نفس المدربين اتوفستر ... ريكاردو ...وغيره وغيره يتبادلو مابين الهلال والمريخ في صينيه وحلقه مفرغه لاتقدم ولكنها تخرخر وتؤخر
اللاعبين نفس الشئ فيصل العجب وهيثم طمبل وهيثم مصطفي وعلاء الدين
القصه شنو ياخواننا والله راسي داش
لا حححححح حوله


#924912 [صلاح الدين محمود اسحق]
0.00/5 (0 صوت)

02-24-2014 01:52 PM
والسنة الجاى كمان لو إتغلبتو فى التمهيدى حتفسخوا عقداتوفيستر وتتعاقدوا مع ميشو


#924796 [gasim]
0.00/5 (0 صوت)

02-24-2014 12:07 PM
بداية تخبط جديد وعهد انتكاسة اخرى


#924748 [كبر دماغك]
0.00/5 (0 صوت)

02-24-2014 11:33 AM
للمعلوميه اتوفيستر لم تتم اقالته من المريخ بل وجد عرضاً افضل لتدريب المنتخب الكميروني . يعني هو الذي ترك المريخ وليس العكس


#924728 [Kamal Mustafa]
0.00/5 (0 صوت)

02-24-2014 11:12 AM
المراحل السنيه المزعومه يتحدث عنها المدربون والمسئولون منذ أكثر من عشرين سنه مجرد كلام في الهواء لانه الدوله مامستعده تنقص فلوس نصابينها عشان تطور الرياضه وأي حكومه ومنذ الاستقلال لم تفعل شي للرياضه والحل الوخيد هو الطريقه الماشيه الان احينا نصل للنهائيات واحيانا لا والفرق
احيانا تصل الادوار النهائيه وأحيانا لا وهو حال الرياضه السودانيه وعلي الناس فقط الان الدغاع عن الساحات والميادين والقتال من أجلها وعدم السماح للحكومه بالتصرف فيها حتي لا تصبح الرياضه وبالذات كرة القدم للاغنياء وسارقي اموالنا فقط ميادين بعيده غير متاحه للفقراء مثل ميدان الغولف الذي تم بناؤه في أحسن منطقه سكنيه للفقراء ودقي يا مزيكه


#924675 [بكرى عبدالماجد]
0.00/5 (0 صوت)

02-24-2014 10:27 AM
اتوفستر اكبر من مدرب يونايتد الذى توقف عن التدريب بسبب السن رغم انه افضل مدرب فى العالم لو استعنتو بميشو كان افضل حيث انه خبر الكرة الافريقية والسودانية


#924629 [عبد المنعم فرحان]
0.00/5 (0 صوت)

02-24-2014 09:45 AM
الأموال التي تصرف على المدربين الأجانب واللاعبين الأجانب من مخلفات الأندية الأخرى .. هذه الأموال لو وظفت بطريقة صحيحة بحيث يتم عمل قاعدة من الفرق السنية في كل المجالا ت الرياضية كما يحدث في مصر القريبة دي لما أصبح هذا حال الكرة السودانية .. ولكن غياب المؤسسية في كل أمورنا جعلنا نقف محلك سر ونتجرع الحسرة عاماً بعد عام ...


#924600 [ابو العوض]
0.00/5 (0 صوت)

02-24-2014 09:19 AM
كل لحم ينمو من سحت فالنار اولى به ... اجارنا الله واياكم من النار وغضب الجبار


#924597 [داوودي]
0.00/5 (0 صوت)

02-24-2014 09:13 AM
انتو الالماني اتوفستر مش كان اعتذر انو ما بقدر على السفر للولايات عشان العضمة كبرت !!! هههههه


#924542 [سيف الدولة عباس]
0.00/5 (0 صوت)

02-24-2014 07:05 AM
تجيبوا كروكر والا ميسي والا جورديولا , كرتكم دافورية دافورية ومحلية


#924539 [انوار]
0.00/5 (0 صوت)

02-24-2014 06:53 AM
ياجمال شوف لينا زول قلبوا على المريخ كابتن بشاره ماقاعد بس المشكله تقوموا تشيلوا بعد شهريين وهو زول مغترب


#924409 [حد بيعرف احسن م الحكومه!!]
4.00/5 (4 صوت)

02-24-2014 12:23 AM
ويعنى زمن اوتوفيستر كان بيدرب المريخ .. المريخ ما اتغلب ابدا .. واللاعبين الدائرين يخفضو مستحقاتم
موش تم تسجيلم بعقود ممهوره بتوقيع الولاة .. ان كان جمال او عبرحمن .. يكونش العقودات بامضاء رئيس لجنة احتفالات القلعه باكثر رؤساء ألأنديه الرياضيه شعبيه (وزير لستثمار) او يكون موقع عليها "عبصمض" رئيس بعثة فريق "الفايتمين سى" الى اتحاد محمد سيداحمد بتاع استاد بورسودان!!


#924383 [أبوعلي]
5.00/5 (2 صوت)

02-23-2014 11:32 PM
جمال (المالي)
ملايين الدولارات منهوبة توزع في كلّ إتجاه في دولة مفلسة ومنهارة اقتصاديّا
ويجاريه بالهلال ولي العهد البشير2 صرفا وبعثرة بالمليارات
ناديّا (اللّمة) أصبحا مركز ثقل للكيزان بأموال المواطن الجوعان المريض


#924376 ['طائر الفينيق]
5.00/5 (2 صوت)

02-23-2014 11:23 PM
+ اقالة المدربين عقب كل خسارة مهمة خطأ كبير ودليل تخلف كروي اداري.. لو كان المجلس يفهم جيدا ويستفيد من دروس الماضي لجدد لكروجر واحتفظ به لزمن طويل بغض النظر عن النتائج العابرة مثلما احتفظ مانشتر يونايتد بمدربه العجوز السير ِفيرجوسون لربع قرن من الزمان !!

+ كما أن تخفيض الراتب اثناء سريان العقد أمر غريب للغاية ويفتقد للحصافة الاخلاقية قبل القانونية !!
+ سيقوم الهلال أيضا باقالة النابي في حال عدم تأهل الفريق للدور الثاني من المسابقة الأفريقية .. مثلما يحدث دائماً.. واتوفستر ألم يقيله المريخ من قبل ؟؟؟ وليس من المستبعد أن يقيل المجلس العجوز اتوفستر اذا خسر الفريق أمام الهلال في الدوري.. ويقوم باعادة كروجر مرة أخرة .. أي فوضى هذه وأي تفكير ؟؟؟


#924353 [مسكين]
5.00/5 (6 صوت)

02-23-2014 10:55 PM
000
سيناريو كل سنة معاد -زي نشرة الساعة ثمانية
دخلت نملة وأخدت قشة وطلعت


#924351 ['طارق صالح]
4.88/5 (5 صوت)

02-23-2014 10:52 PM
يا جماعة الخير من الذي اقال اتوفيستر ؟؟؟؟ ولماذا اقيل اصلاً ؟؟؟ وكيف يعود مرة اخرى ؟؟؟ شن جده على المخدة التنجيد والله الكيس الجديد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#924335 [عوض الامين]
0.00/5 (0 صوت)

02-23-2014 10:30 PM
بالله عليكم ... كيف تتطور الرياضة فى السودان وهى تدار بهذا الفكر المتخلف .
كيف بعقل ان تخفض راتب لاعب واو مدرب وهو محترف وتريد منه ان يحقق لك انجاز؟
هذا التفكير الذى جعلنا محلك سر . لا نتطور كروياً.
ان اس المشاكل فى نادى المريخ العظيم هو!!
هو السيد/ جمال الوالى.


ردود على عوض الامين
United States [Abu Areej] 02-24-2014 10:07 AM
لما يخفضوا راتب المدرب او لاعب هذا يعني اتوكل على الله ومع السلامة (بالبارد) .. يعني هو كروجر ده اصلاً عمل حاجة للمريخ ؟؟ مجلس الادارة أخطأ في اعادته مرة اخرى لتدريب المريخ !! لاعبي المريخ الاجانب لم ولن يقدموا شيء للمريخ لان اختيارهم كان عشوائياً ..

صحيح لن يتطور ما تبقى من رياضة في ظل اختيار المدربين واللاعبين بالطريقة العشوائية وغير المدروسة ..

United States [مدحت عروة] 02-24-2014 09:27 AM
بل كيف يتطور السودان؟؟؟
هى الرياضة براها الفيها سوء ادارة؟؟؟
ما البلد كلها فيها سوء ادارة!!
اى حاجة غير الديمقراطية زى بتاعة الانجليز والهنود وبنكهة سودانية ما بتنفع وزبالة وحثالة!!

['طارق صالح] 02-23-2014 11:03 PM
اس المشكلة المال الذي ينفقه الوالي وهو مال - اقل ما يقال عنه - مال مجهول المصدر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة