الأخبار
أخبار إقليمية
السودان يتجه الى إعادة مواطنى الجنوب لأعمالهم بالقطاع الخاص السودانى
السودان يتجه الى إعادة مواطنى الجنوب لأعمالهم بالقطاع الخاص السودانى



السابقة قبل الانفصال فى القطاع الخاص ومناطق السكن كل حسب رغبته
02-26-2014 05:29 PM


الخرطوم (أ ش أ)

أكد مفوض العون الإنسانى سليمان عبد الرحمن، وجود ترتيبات لإعادة مواطنى جنوب السودان، إلى مواقع عملهم السابقة قبل الانفصال فى القطاع الخاص ومناطق السكن كل حسب رغبته فى الإقامة بأى من ولايات السودان، على أن تجرى معاملتهم كمواطنين وليس لاجئين بحسب توجيهات الرئيس عمر البشير فى هذا الشأن.

وأشار المفوض السودانى- فى تصريح اليوم الأربعاء - إلى تزايد تدفق أعداد النازحين الجنوبيين إلى الولايات الحدودية بالسودان جراء الحرب الدائرة هناك، لافتا إلى أنهم متواجدون فى ولايات "النيل الأبيض، وجنوب وغرب كردفان، وسنار"، كما لم تستبعد المفوضية، دخول أعداد من الجنوبيين لولاية الخرطوم بطرق فردية.

وأكد مفوض العون الإنسانى بالسودان، تقديم كافة الخدمات الإنسانية للجنوبيين بنقاط الاستقبال الحدودية عبر آليات من المركز والولايات، مشيرا إلى أن وحدات ونقاط من وزارة الداخلية السودانية تساعدهم فى ملء الاستمارات لتحديد رغباتهم، وشدد عبد الرحمن، على أن استقبال الجنوبيين لن يخضع لأى مساومات، وقال (رغم الظروف الاقتصادية إلا أن بركات السماء موجودة، وهم يأتون برزقهم).


تعليقات 16 | إهداء 0 | زيارات 3512

التعليقات
#927741 [عتمنى]
5.00/5 (1 صوت)

02-27-2014 09:49 AM
يمكن يكون فى اتفاق سرى بين البشير وسلفاكير لاعادة الوحده لان سلفاكير اقتنع بأن الشغلانيه ده مع النوير مابمشى لقدام.واول الخطوات اعادة الجنوبيون للعمل فى الشمال...واقول صراحه طالما هنالك دينكا ونوير فلن تقوم للدوله قائمه.


#927714 [منقو]
5.00/5 (1 صوت)

02-27-2014 09:29 AM
-قرار حكيم حتى و لو صدر من حكومة السفاح ... و يجب علينا الا ننسى ان الجنوبيين اخواننا وجدانيا و تاريخيا و انهم اكثر تعلق بالشمال من الجنوب و لذلك يجب علينا مساعدتهم في محنتهم بعيدا عن اصحاب الضغائن و الجهلة و العنصريين
- ان ما يجمعنا نحن و الجنوبيين اكثر بكثير من ما يفرقنا فنحن نكمل بعضنا في مجال الغذاء و الطاقة و الامن ز
- لعن الله العنصرية و غسل القلوب من الضغائن و المرارات و اطفأ نار الحرب في جميع ربوع السودان... اللهم امين


#927665 [عماد عثمان - جدة]
0.00/5 (0 صوت)

02-27-2014 08:56 AM
البلد دى حقت أبو منو فيكم عشان توظفوا و تسكنوا الجنوبيين الذين أختاروا الانفصال طواعية و بنسبة قاربت المائة فى المائة. أول شيئ وظفوا الخريجين العطالى و وفروا السكن لمن لا مأوى له من المشردين فى كل ولايات السودان و بعدين فكروا فى الجنوبيين.
لعنة الله على السياسة.


#927425 [متعجب]
2.00/5 (1 صوت)

02-26-2014 10:53 PM
معلقين لايعجبهم العجب ولا الصيام في رجب
انا كان مسكتا حكم السودان ده بفرتكو كلو تاني كل زول ياكل نارو ويعرف حجمو ومواردو وامكانياتو


ردود على متعجب
[مجنون ليلى] 02-27-2014 04:55 AM
لو كنت من الجنوب الجديد ح تأكل نيم ولو كنت من الغرب برضوا ح تأكل نيم وكذلك الحال لو كنت من الشرق نيم بس ، اما يا اخوي لو انت من الشمال نيم ذاتو ما ح تلم فيهو قرض بس ، تعرف القرض ؟

كلامك ده ما كويس تب ، راجع نفسك .


#927387 [توم احمد]
3.50/5 (2 صوت)

02-26-2014 09:43 PM
هذه اخلاق السودانيين فاتوا بمثلهم ان كنتم مستطعين يا سلفا


#927328 [علووب]
2.00/5 (1 صوت)

02-26-2014 08:29 PM
سلفا كيير (للبشير): والله ريك مشار ده عمل فينا عملية بطال خلاص .. حسع ناس ديل مساكين ذنبهم شنو قتلو فيهم كده ..

البشير : الله كريم.. ونحن اخوان وأي جنوبي يجي السودان مرحب بيهو لو عاوز يرجع لشغلوا ولا بيتو مافي أي مشكلة

سلفا كير : ان شاء الله بعد عشرة سنة تاني في وحدة

البشير : نحن بنجي جوبا نحتفل كلنا سوا، بس خمرة مافي شربووت بس

سلفا كير: كلوا فيه

البشير : بكري محمد صالح فيه


#927293 [خليك رايق]
4.75/5 (4 صوت)

02-26-2014 07:30 PM
للأسف حكومة الكيزان عايزه تتاجر بظروف هؤلاء المساكين :
- تريد تحسين صورتها في العالمين حتي يقال أن حكومة الكيزان رؤوفة ورحيمة باللاجئين.
- تريد الإستفادة من مواد الإغاثة التي تأتي لهؤلاء اللاجئين.
- تجنيد بعض هؤلاء- المتعلمين منهم- وجعلهم وجواسيس ومخابرات ضد حكومة جنوب السودان.
- ولا نستبعد أن يعطي هؤلاء الجنسية ومن ثم تكوين أجهزة وميليشيات أمنية منهم تتبع للحكومة كما نري الآن من جانجويد وماليين وأفارقة وغيرهم.

هنالك سؤال كيف يتم تعامل هؤلاء اللاجئين مع قانون النظام العام فيما يخص الزي والسكر وغيرها من الممارسات التي يقوم بها الجنوبيين ولا تعجب الحكومة علماً أنهم لاقوا الويل من جراء هذا القانون عندما كان السودان موحداً.
لست ضد هؤلاء اللاجئين لكن إن كانت هناك وظائف في القطاع الخاص وغيره أليس أحق بها أن تكون لأبناء السودان الشمالي ؟؟؟ ما الحكمة في أن ترأف الحكومة بشعب فلسطين وشعب جنوب السودان وتفتح البوابات مشرعة لدخول المصريين من دون مساءلة ولا تفعل شيئاً لأبناء السودان أصحاب الحق في كل شيء؟


ردود على خليك رايق
United States [Abu] 02-27-2014 01:56 AM
Justifiable questions indeed but only to this filthy mob government. If it is for the sake of argument, sure what you’re saying is not helping at all!!


#927284 [hazim]
3.00/5 (2 صوت)

02-26-2014 07:19 PM
عمر البشير سلم الجنوبين الجنوب بضغوط امريكية فيما عرفت باتفاقية نيفاشا الخائبة...و ها هو الان يحاول تسليم الشمال للجنوبين ايضا و بضغوط امريكية....هو اصلو السودان حق ابوهو؟؟؟ ملعون ابو الخوف من امريكا


#927282 [الحاردلو الحقيقة تسلو]
4.50/5 (2 صوت)

02-26-2014 07:17 PM
من الاول قلنا الانفصال كارثه



للشعبين


اهو اوغندا حتاخد الجنوب مجانا


هباله الكيزان مابسمعو الكلام

تصورو لو الجنوب ما انفصل كان المشاكل دي كلها مافي


اعتقد علي السودانيين الانفصال عن الكيزان وطردهم


ردود على الحاردلو الحقيقة تسلو
United States [Abu] 02-27-2014 01:50 AM
TOO LITTLE TOO LATE !!!! Damage now is almost beyond repair, At any rate let us all try to recover what we have already missed, Sure all conditioned by the removal of this filthy nasty mob ??


#927260 [الحاج]
3.00/5 (1 صوت)

02-26-2014 06:43 PM
شنو يعني القطاع الخاص
حتشغلوهم في شركات الكيزان بتاعة وداد واخوان البشير
ولا خلاص اولاد العرب ما بشتغلو طلب في المباني
عاوزينهم عبيد تاني
لعنة الله علي الكيزان
ما قلتو تاني ما في جنوبي ياخد حقنة
علي منظمات حقوق الانسان مراقبة الكيزان وتجارة البشر واستغلال ماساة الجنوبيين


#927240 [أسامة]
3.50/5 (2 صوت)

02-26-2014 06:08 PM
أنا وأخوي ملوال كل واحد قال مافي جنوب بدون شمال ++ ومافي شمال بدون جنوب .
البشير الرقاص االهارب السفاح يجب أن يثبت برائته في لاهاي وبعد ذلك يطلب اللجوء فيها .


#927223 [مجنون ليلى]
4.90/5 (9 صوت)

02-26-2014 05:50 PM
خطوة على الطريق الصحيح ....


ردود على مجنون ليلى
[الارنب نط] 02-26-2014 05:56 PM
اتفق معاك 100 100فى ال


#927213 [muslim.ana]
5.00/5 (2 صوت)

02-26-2014 05:46 PM
كلام سمح. بس ان شاء الله ما تلخبطوهو مع العاب السياسة او مشاكل البشير وسلفاكير الزي مشاكل الشفع بتقوم بدون بسبب وتنتهي برضه بدون سبب


#927211 [ابو طارق]
4.88/5 (6 صوت)

02-26-2014 05:45 PM
قرار صائب فهم اخوة لنا رغم الانفصال فنحن سودانيين وان تغيرت مسميات بلادنا اسال الله ان يرفع عنهم البلاء ويدمر مشار واموم


#927207 [كاهل ابوعرب]
2.00/5 (1 صوت)

02-26-2014 05:39 PM
هههههههههههه ........ الكيزان ديل اولاد كلب ... القصد من الشغله دي تجيف الجنوب من الجنوبيين ومن ثم العودة للمطالبة بالوحدة التى سوف يختارها الجنوبيين بكل اريحة ...


ردود على كاهل ابوعرب
United States [الزعلان] 02-26-2014 08:15 PM
انت ياارنب جاي ناطي -حكاية شنو كل تعليقاتك خطوة طيبة- عايزنهم يعملوا المريسة لجماعة - لان الوثبة دايرلو زولا ما هو واعي

[الارنب نط] 02-26-2014 05:57 PM
برضو خطوة طيبة


#927204 [بت قضيم]
2.00/5 (1 صوت)

02-26-2014 05:37 PM
الحاصل شنو يا ثعالب الكيزان ايه المحنة دي كلها يكون بعد ما تاكد لكم فشل مشروعكم المخطط في احداث الجنوب الحالية ناويين تبيضوا وشكم الاسود بالمحنة لتغطية افاعيلكم في الاحداث الجارية



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة