الأخبار
أخبار إقليمية
قوات موسى هلال تستولي على سيارات وأسلحة قوات الشرطة والدفاع الشعبي.
قوات موسى هلال تستولي على سيارات وأسلحة قوات الشرطة والدفاع الشعبي.
قوات موسى هلال تستولي على سيارات وأسلحة قوات الشرطة والدفاع الشعبي.


هلال يرفض الحضور لمقابلة البشير
02-27-2014 02:26 AM
عبدالله الخليل


هاجمت مليشيات الجنجويد تحت قيادة (موسى هلال) طوفاً لقوات عسكرية مشتركة من الشرطة الموحدة والإحتياطي المركزي والدفاع الشعبي حول (جبل عامر) وتمكنت من الإستيلاء على جميع السيارت والاسلحة الثقيلة والخفيفة والملابس العسكرية لأفراد الطوف الذين إستسلموا دون مقاومة بعد محاصرتهم من قبل أعداد كبيرة من مليشيات الجنجويد، وقامت قوات الجنجويد بتجميع الضباط في سيارة واحدة وسمحت لهم بالمغادرة، فيما تعرض (العساكر) الذين يتجاوز عددهم المائة للضرب وتركوا في الخلاء هائمين على وجوههم.

وتعتبر هذه الحادثة الرسالة الاولى الأكثر قوة من قبل (موسى هلال) الذي رفض قبول دعوة البشير بالحضور الى الخرطوم ومقابلتة.

وكانت معلومات قد رشحت قبل مغادرة هذه القوة (الفاشر)، أنها ستتعرض للهجوم من قبل مليشيات الجنجويد، وأنه لن يسمح لأي قوات بالتواجد في مناطق " محلية كتم ومحلية كبكابية ومحلية مليط ومحلية سرف عمرة "تنفيذاً للوعد الذي قطعه (موسى هلال) بعدم السماح للوالي (كبر) بممارسة سلطاته في عدد من المحليات الغربية بشمال دارفور.





تعليقات 94 | إهداء 0 | زيارات 31249

صفحة 1 من 212>
التعليقات
#928827 [ابونديبو]
0.00/5 (0 صوت)

02-28-2014 01:13 PM
يا عالم ...ما تصدقوا انو موسي هلال ممكن يكون ضد الحكومة ...دي واحدة من خطط المؤتمر لضرب الحركات
المسلحة بعد ان يخترقها موسي هلال ...تبدأ الخطة بافتعال معارك وهمية ثم يطلب موسي هلال الاتحاد مع الحركات
ثم ينقض عليها هو والحكومة ......موسي هلال الذي باع ابنته الجميلة لادريس دبي سيبيع اي جهة واي فرد
وبثمن رخيص احذروا وتعلموا الدرس من عبارة (اذهب الي القصر رئيساً واذهب انا الي السجن حبيساً)


#928800 [كاره الكيزان الشايقى]
0.00/5 (0 صوت)

02-28-2014 12:05 PM
البرادو: انت رجل غبى وعنصرى وتافه .موسى هلال فى السماء وانت فى كراعو ياوسخ النوعك دا هدم السودان ودمرا . على دينار كان بسعى لخدم بيت الله الحرام تفانيا لوجه الله..وموسى هلال واتباعو يحرقون فى امه محمد التى حفظت القران ...قال عبد ود حرام (ودحرام هو )


#928665 [المنجلك]
0.00/5 (0 صوت)

02-28-2014 06:14 AM
اذا فشل البشير فى استيعاب قوات موسى هلال فلماذا لايتم استيعابه فى الجبهة الثورية على اساس ان يهتدى الرجل الى مافيه خير للوطن والرجل فى احاديث مختلفة يؤمن على الديمقراطية فقط عليه الخروج من مصافى الجهوية التى زرعتها الانقاذ والدخول فى العمل السياسى القومى فما حدث من فتنة تسببت فيها الانقاذ ويجب ان تحمل دماء الضحايا لعمر البشير شخصيا فهو من يصدر الأوامر.


#928612 [زول ساي]
0.00/5 (0 صوت)

02-28-2014 02:01 AM
الرحيفة تنقد ،لاخير في هذا(هلال) ولا ذاك(كبر
‏§بشكير) خلي ينضربو بعض علي أقل ينخفض عددهم.


#928508 [Ibrahim Mohamedin Mohamed abdallah]
0.00/5 (0 صوت)

02-28-2014 01:58 AM
التسوي بايدك يغلب اجاويدك


#928507 [nagatabuzaid]
0.00/5 (0 صوت)

02-28-2014 01:57 AM
ليه يا موسى تعمل كده تفك ضباطنا وتهين جنودنا بالشكل ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
موسى هلال شحن الضباط فى سيارة وفكاهم وضباط السجم والرماد فكوا البيرق تاركين جنودهم
موسى هلال جرد الجنود من السلاح وجلدهم ودقاهم دق العيش جنود السجم والرماد فى الحالة دى الموت وااااااااحد افرغ سلاحى فى الضباط الفكوا البيرق واكمل ذخيرتى فى موسى هلال وعواليقوا والله اموت دون سلاحى اخلى راجل يضربنى لا بالله الا كان اخليه يجرى حده على عثمان فى الخرطوم او اوصلهم نسيبهم فى تشاد اما مسخرة
اتمنى ان اقراء فى الراكوبة خبر تمرد المجيشيين فى الاحياء ومزروعين وسط المواطنين من المؤتمرجية والمؤتمرجيات اما مهزلة


#928497 [الجعلى الحر]
4.25/5 (3 صوت)

02-28-2014 01:46 AM
موسى هلال سيتحرك للابيض لاستلام مستحقاته كما استلم من قبل عميد جنجويد حمدتى 3 ملاين دولار امريكى نقدا


#928597 [الريس]
1.00/5 (1 صوت)

02-28-2014 01:45 AM
دي الرجاله ارموا قدام واي زول داير حقو يعمل كده


#928553 [DAFURI]
0.00/5 (0 صوت)

02-28-2014 12:40 AM
موسي هلال رئيس ليه لا هو البشير أحسن مني في شنو


#928548 [البعبع شيخ ضلال]
0.00/5 (0 صوت)

02-28-2014 12:35 AM
انفلب السحر علي الساحر


#928533 [ابكر اسماعيل]
5.00/5 (1 صوت)

02-27-2014 11:49 PM
هذا فخ خطير جدا لتدمير دارفور الى الابد ولربما موسى هلال نفسو ما فهم هذا التريك ولا حتى الحركات المسلحة قد لا يعلمون تلك الخطة لان الحكومة تريد ان تسلم سلطة دارفور للجنجويد بطريقة فنية وتقوم الحركات المسلحة بالاشتباك مع الجنجويد وتصبح الحرب قبيلة بحتة وترتاح الحكومة المركزية من مشاكل دارفور للابد


#928528 [المنجلك]
0.00/5 (0 صوت)

02-27-2014 11:36 PM
اها اها الصوملة بداءت ناس مع موسى وناس مع ثورية وناس مع انقاذية وناس مع جعلية وشايقية الوطن امانة فى رقابكم ونطالب موسى هلال بأن يثبت للكل انه ليس جهويا ولا سلطانيا انما سودانى يبر بوطنه وينظر للجميع اخوة فى المواطنة والمصير.


#928517 [المرضى]
1.00/5 (1 صوت)

02-27-2014 11:07 PM
(كبر) (هلال)انتو لمتين ولاحقين وين منعقل شوية ياسادة مشاكل السلطة دي تحلوها هناك في المركز عاملين انتو سيادا ليه مدفعين المواطن الغلبان التمن من رعب وهلع ماكفايه الغلاء وسوء المعيشة الاحن فيهو والله .............


#928444 [ود السريف]
0.00/5 (0 صوت)

02-27-2014 08:13 PM
فى سوق محلية سريف بنى حسين هناك اشخاص اكدوا بانهم التقوا برجال فى الخلاء جوعى وعطشى وحفاه وبملابسهم الداخلية فقط


ردود على ود السريف
United States [الهادى] 02-27-2014 11:02 PM
مثل عملية ليبيا لما كش المغتربين السودانين وبملابسهم الداخلية فقط الى مطار الخرطوم


#928348 [مندي]
0.00/5 (0 صوت)

02-27-2014 06:02 PM
هههههههههههههههههه لو مشيت كتلت البشير زاتو ليس عندنا ماك تصفيات يا كتال الابريا يا كافر بيس ما سماك اسم النبي


ردود على مندي
[nagatabuzaid] 02-27-2014 10:19 PM
مندى انت زعلان شديييييييييييييييييد من المدعو موسى هلال ربنا يغطس حجرو هو وعلى عثمان فعلا هم قتلو فجرة


#928338 [عود عُشر]
5.00/5 (1 صوت)

02-27-2014 05:51 PM
شالوها زنديه وضرعانيه وحمرة عين والتسوي كريت في القرض تلقاهو في جلدلها يا حكومه !! وبقت عليكم حكاية مجير أم عامر . إستأسدتم علي إهلنا بالجنجويد شذاذ الآفاق قاطعي الطرق علي الآمنين مغتصبي الحرائر نهابي أموال المساكين . ولآن جاء الدور عليكم يا حكومه والبولد المحن لا بد يلولي صغارهم والنار تأكل بعضها إن لم تجد ما تأكل . نعم أنا شمتان علي هذه الحكومه . لأن الحكومة أنشأت ما يعرف بالجنجويد وأمدتهم بالسلاح والآليات ذات الدفع الرباعي فتاريخياً كان الجنجويد مجموعات متفلته تسرق الرعاه وبعض القري النائيه فإحتضنهم الحكومه ومولتهم بالسلاح والمال وإستخدمتهم لتحقيق برامجها وأطلقت أيديهم ليرهبوا المواطنين الآمنين في دارفور وجنوب كردفان ورعي كل واحد من كبار الانقاذيين مجموعه فمجموعة موسي هلال داعمها الرئيس ونافع ومجموعة حميدتي راعيها المحامي علي عثمان ولربما غارت مجموعة موسي هلال من المبالغ التي إستلمتها مجموعة حميدتي وأرادت أن تثأر لنفسها إذ تعد مجموعة هلال هي الأولي وهي أم لكل المجموعات الجنجويديه العلنيه والمغموره فحميدتي ومجموعته كان نصيبهم من حملتهم علي جنوب كردفان 2 مليون دولار!!!!! صدق أو لا تصدق يعني بقت عندنا شركات تقاتل بالنيابه عن الحكومه !!! ألم أقل لكم إن الانقاذ إستحدثت من الفظائع ما لم يسبقها عليها أحد!! والآن سيجنوا ثمار غرسهم النكد (( والبلد الطيب يخرج نباته باذن ربه والذي خبث لا يخرج الا نكدا كذلك نصرف الايات لقوم يشكرون )) وصدق الله العظيم.


ردود على عود عُشر
[nagatabuzaid] 02-27-2014 10:24 PM
وسبحان الله هذا الموسى هلال دخلوه القصر مستشارا مثل اركو مناوى واتقلبوا عليها وقالوا ليها يا حكومة السجم يا بليدة تعالى النوريك الاستشلرة الما بتعرفيها


#928266 [حران أحمد]
5.00/5 (1 صوت)

02-27-2014 04:30 PM
ياكيزان يا أولاد الــ ............................... ألله لا كسبكم ....


#928259 [معاذ ود العمدة كجرت]
5.00/5 (1 صوت)

02-27-2014 04:25 PM
هذه نتيجة التجيش الغير مدروس مهما اختلفت المسميات جنجويد ,دفاع شعبي ,شرطة شعبية , اخوات نسيبة (ياقرنق ياجبان اخوات نسيبة في الميدان )
بلاد العالم كلها لاتعرف الا جيش واحد لحماية الحدود والزود عن حمى الوطن لكن في السودان الامر اختلف تماما قوات اكثر من ما يتصور العقل حتى انه صارت تتناحر فيما بينها اي تاكل بعضها بدلا عن قتال العدو واصبح السلاح في يد الجميع حتى مجرد شجار عائلي ينتهي بالقتل رميا بالرصاص الحي
لان السلاح الناري في ايدي الجميع


ردود على معاذ ود العمدة كجرت
[nagatabuzaid] 02-27-2014 10:26 PM
ماذا تنتظر من الغباء الانتكاسى الكارثى


#928248 [ali tah]
0.00/5 (0 صوت)

02-27-2014 04:17 PM
سبحان الله مغير الاحوال ...............
دولة داخل دولة انظروا الي وجه السفاح موسي هلال ماذا تروا هذا كله ارواح الناس .....
اللهم أضرب الظالمين بالظالمين ........


#928212 [جهينة]
0.00/5 (0 صوت)

02-27-2014 03:23 PM
هلال اكبر غواصة للانقاذ ( اعملو حسابكم من اسع )


#928203 [نتمناك موحد]
5.00/5 (1 صوت)

02-27-2014 03:17 PM
والله اصبح الدم السودانى مباح ماتت قيمنا التى كنا نفاخر بها ماتت ابتسامة الرضا والعفة وحسن الخلق من وجوه اعمامنا واهلنا فى دارفور
تشرد الاطفال ةالنساء ومات القران الذلى كان منارة درافور
نتحدث عن فلسطين ولدينا فلسطين
دارفور هى التى اتت بالاستقلال من دبكة ومادبو وبحر الدين والشرتاى حسين
انا لا انتمى لها ولكن انتمى لهذا البلد وكم درسنا على يد اح ابنائها





سلام اهلنا فى دارفور


#928202 [albrado]
0.00/5 (0 صوت)

02-27-2014 03:17 PM
مافي اي شئ غريب راجل ود رجال

زوج بنته لمصلحة السودان ودارفور وضحي بالغالي والثمين

والحكومة مفضلة الوالي كبر علي موسي هلال وعايزين موسي هلال

وجماعته يكونوا تحت جزمة الوالي كبر والاخوان المسلمين والشيخ

موسي هلال شيخ عرب مستحيل يقبل يتهان وما طلب من الحكومة شئ مستحيل

او ما حق مكتسب ليه ولجماعته ومثل ما قال شيخ موسي اذا ما اخر الزمن

يحكمونا فروخ الحرام ؟؟؟؟؟؟؟؟؟؟؟؟؟

طال الانتظار للعدالة والحقوق واظن كفي .. يروح السودان ولا يروح دارفور

ما في شئ اغلي من عزة وكرامة الانسان


ردود على albrado
[nagatabuzaid] 02-28-2014 01:41 AM
اولا بالتبادى غير اسمك من البرادو لاسم عربية موسى هلال عربية الموت ذات الدفع الرباعى ما بعرف اسمها شنو ؟؟؟ ثانيا بعد التبادى يعنى انتوا علشان موسى هلال قال عبارتوا الوقحة (اخر الزمن يحكمونا الفروخ اولاد الحرام )حسب ماذكرت بتغتصبوا الحرائر علشان تكتروا من النوعية دى ثالثا وختاما يطرشنى انا واهلى وجيرانى وكل اهل السودان ما سمعنا بشيخ عرب مرتزق

[هيكل] 02-27-2014 11:32 PM
اسلوبك يدل علي عجزك وتمرس العنصريه فيك زيك وزي الجنجويد والحكومه واحد قتله وعنصرين تف عليكم

United States [محمد عبدة] 02-27-2014 08:22 PM
اسلوبك عاجز قبحك الله وقبح اكتر منك السفاح موسي هلال وقبح اكتر منكم الاتنين سفاحكم الاكبر البشير

European Union [الجعلى الحر] 02-27-2014 08:18 PM
موسى هلال الامى لا يصلح الا لرعى الابل

European Union [حليلو القام ب ليلو] 02-27-2014 07:25 PM
والله يا البرادو طب ماقصرت يروح السودان بكل تأريخه ودارفور بكل إرثها ومجدها من أجل زعيم قبيلة ومليشيا؟؟

European Union [صديق الشيخ حمد النيل] 02-27-2014 04:01 PM
كان الله فى عونك ياسودان


#928196 [واحد من النـــاس]
5.00/5 (2 صوت)

02-27-2014 03:13 PM
هو انتوا ,,, انقرعوا ،،،، الشي دا واااااااااضح زي الشمس ترا ناس الحكومة ديل عاوزين يدو موسى هناي دا الكروزرات دي فعملوها كدي نظام حركة في شكل وردة ،،، ترا كان ادوها ليه ساي بفقدو الحنك مع ناس الميعارضة الهني يعني الترابي وابو دقن محنن والحاج الختمي داك ابو عمة وبقية الفكة ،،،، ترااااا الحكاية مكشووووفة بس نحن بنضحك زي الحضرناها لاول مرة


ردود على واحد من النـــاس
European Union [الرطاتى] 02-28-2014 02:06 AM
نعم قرائةجادةوتحليل حقيقى لاسلوب تمويل الحكومة لملشياتها والذى تستخدم فيه تكتيكات لايهام العوام .ولكن الامر المستفذ حقيقة انه يتم عبر من يدعون حماية الارواح والممتلكات بشرف وامانة لا ادرى كيف سلموالهولاء القتلة سلاحهم وولوا الادبار لك الله ياوطن إ

European Union [ودالرطانة] 02-28-2014 02:02 AM
نعم قرائةجادةوتحليل حقيقى لاسلوب تمويل الحكومة لملشياتها والذى تستخدم فيه تكتيكات لايهام العوام .ولكن الامر المستفذ حقيقة انه يتم عبر من يدعون حماية الارواح والممتلكات بشرف وامانة لا ادرى كيف سلموالهولاء القتلة سلاحهم وولوا الادبار لك الله ياوطن إ

[saleh] 02-27-2014 06:52 PM
تقليد غبي للهجه من لهجات غرب السودان


#928194 [Keemo]
5.00/5 (2 صوت)

02-27-2014 03:12 PM
كون ان موسي هلال، رجل الحكومة ورجل ما يسمي بالمؤتمر الوطني، هذا امر لا يتناطح بشانه ثوران. كذلك وجوده هناك وبهذه الصورة، امر متفق عليه. ويؤدي مهامه وفق تكليف محدد من الخرطوم. يجب ان يفهم الناس ذلك. وما حدث، لا يعدو ان يكون الا عملية توصيل مؤن وعتاد لقواته ولكن بطريقة درامية، أيضا متفق عليها. هذا كل ما في الامر.
لذلك، فاحاديث مثل (كيدهم في نحرهم واللهم اشغل اعدائئ بانفسهم و ....)، مثل هذه الاحاديث ما هي الا امنيات لا تغير من واقع الامر شئ. دارفور باتت عبارة عن مسرح عريض، كل يؤدي عليه دوره المرسوم له وفق السناريو الموضوع. وما يفعله موسي هلال، هو أداء دوره في المسرحية المقتبسة من فكر الاسلاميين المبني علي الغش والخداع والكذب لتنفيذ اجندة (الجماعة). وهي اجندة معلومة، كل الشعب يعرفها وخاصة اهلنا في دار فور. هذا هو موسي هلال وسبب وجوده في دارفور بهذه الصورة التي تبدو غريبة نوعا ما علي المشهد السياسي هناك.


#928180 [زول وطني غيور]
5.00/5 (1 صوت)

02-27-2014 02:53 PM
يجب أن نقف جمعيا ضد المليشيات وضد إي قوات عسكرية غير نظامية خارج قيادة وسيطرة القوات المسلحة السودانية أن الذين يعتمدون على المليشيات مثلهم مثل الذي يلعب بالنار فلآبد أن تحرقه تلك النار يوما ما, نعم يجب أن تكون الجندية مبنية على الكفاءة والإحترافية ويجب أن لا نسمح بوجود إي مليشيات أو قوات متفلتة في ظل سودان مابعد الإنقاذ, ويجب أن لا ننسى أن أول من بدأ فوضى السلاح وإنتشاره وفوضي تواجد القوات العسكرية غير النظاميةهي الإنقاذ بعد أن أنشاءت قوات عسكرية سمتها قوات الدفاع الشعبي وهي بلا شك أم المليشيات !!


#928168 [jungle,slion]
0.00/5 (0 صوت)

02-27-2014 02:45 PM
الزول ده لابس غويشة و لا شنو الانقاذ اتفتنوا فى بعضهم و انعدم حجازهم و هذة نبوه و هم يعرفونها و لن تقوم لهم قائمة ابداً


#928163 [محمد سليمان]
5.00/5 (1 صوت)

02-27-2014 02:39 PM
دارفور أصبحت دولة داخل دولة أى حكومة داخل حكومة بالواضح كدى حكومة التجمع العربي داخل حكومة الموتمر الوطني.

أيها القاري الكريم

و حتى يتبين لك الصورة الكاملة لمشكلة دارفور و من الحكام الحقيقيين هناك؟
و إليك بعض عناووين الأخبار و تفاصيلها تدمع القلوب و تقشعر الأبدان .
وهناك مصطلحات يجب تعريفها ***
قوات حرس الحدود = مليشيات تابعة للحكومة قامت بالقتل و حرق القرى هي قوات نظامية و لهم رواتب ثابتة و زي معين
قوات أبو طيرة = مليشيات تابعة للحكومة قامت بالقتل و حرق القرى هي قوات نظامية و لهم رواتب ثابتة و زي معين
قوات الدعم السريع والمعروفة محليا بمليشيات الجنجويد بقيادة حميدتى= قوات نظامية و لهم رواتب ثابتة
قوات الشرطة = قوات نظامية و لهم رواتب ثابتة و زي معين

************* ***************** ****************
1)اشتباكات عنيفة بين الشرطة والمليشيات في بندسي تؤدى الى اغلاق السوق وجميع مؤسسات الدولة.
2) المليشيات الحكومية تقتل شرطيا وتنهب اسلحة وذخيرة نقطة شرطة محلية مكجر.
3) 6 قتلي بينهم زعيم مليشيا في نرتتي و 2 من الشرطة بوادي صالح في حادثين منفصلين بولاية وسط دارفور.
4) قتل 7 من قوات الشرطة ومهندس في كمين نصبه مليشيات بالقرب من نيالا.
5) المليشيات الحكومية تنهب مقر منظمة اطباء بلا حدود في مدينة طويلة وتهاجم جهاز الامن بالقرانيت والرشاشات.
6) مصرع (شرطيان) وجرح 3 اخرين ونهب عربة بسرف عمرة من قبل مليشيات حكومية.
7) مليشيات حكومية تنهب استراحتين للصليب الاحمر بمدينة نيالا واطلاق سراح (6) من مختطفي الصليب بنيرتتي.
8) مليشيا حكومية تنهب رواتب بعثة اليوناميد من بنك الخرطوم بنيالا.
9) هددت مليشيات حكومية باقتحام وحرق المعسكر ما لم يدفع النازحين مبلغ 750 ميلون جنيه كدية لمقتل اثنين من اتباعهم
10) المسلحون الحكوميون يطلقون سراح الرهائن (7) نازحين من معسكر مورني بعد دفع الدية الاجبارية.
11) المليشيات تعتدي على المواطنيين وتمنعهم من الزراعة وتحرق منازلهم بمحلية وادي صالح بوسط دارفور.
12) المليشيات الحكومية تهدد بحرق معسكر (مرو) بسرف جداد وتجلد وتنهب النساء في محلية سرف عمرة.
13) اصابة عدد من طلاب خلوة قرآنية بمعسكر بير جداد ونهب ممتلكاتهم من قبل مليشيات حكومية.
14) شهود في منواشي ومزارعون يشيرون الى تورط المليشيات الحكومية في الهجوم على قوات اليوناميد.
15) رئيس مجلس شوري الرزيقات يقر بتسليح الحكومة بعض القبائل في دارفور.
16) (172) الف نازح ونازحة يرفضون تخطيط معسكر مورني وسلطات الامن تعتقل شيخا بالمعسكر
(17نازحو معسكر الحميدية بزالنجي يعيشون الهلع باطلاق الاجهزة الامنية الرصاص الكثيف قي الهواء
(18 اغلاق سوق بندسي وفرار المواطنين لدخول الاجهزة الامنية بالسلاح واطلاق الرصاص
(19 اطلاق سراح امام مسجد كلا غرب كبكابية بدفع فدية (30) مليون جنيه للمليشيات الحكومية
(20قتلى وجرحى ونهب وحرائق في تجدد القتال العنيف بين المسيرية والسلامات في ام دخن ونزوح الى تشاد
(21 احمد هارون يعترف بفظائع الجنجويد المرتكبة في الابيض ويعتذر لمواطني شمال كردفان
22) المليشيات تقتل (شخصان) وتنهب عربتان تجاريتان وممتلكات الركاب قرب قريض وبركة سايرة
23) حريق يلتهم ( 335 ) منزلا و20 متجرا بمحلية ميرشنج ومليشيات تنهب مواد اغاثة من معسكر فتابرنو
24) مليشيات تقتل جنديا من القوات المسلحة وتنهب محتويات بوابة بانتيو العسكرية جنوب كبكابية
25) سوق طويلة مغلق لليوم السابع والمليشيات تطوق المدينة ومعسكري رواندا وارقوا
26) (5500) من مليشيات الجنجويد تم تدريبهم بالخرطوم برعاية شخصيات نافذة بالدولة لقتل الابرياء
******************

هذه دولة داخل دولة أى حكومة داخل حكومة = ( حكومة التجمع العربي داخل حكومة الموتمر الوطني).
إذا كان القاري أو الكاتب يحتاج لمزيد من المعلومات الرجاء الإتصال
www.darfurna.com
www.radiodabanga.org

********
اللهم إنزل للسودان رحمة من رحمتك و بركة من بركاتك نوحد بها كلمتنا ونحفظ بها سوداننا و لا
تسلط علينا بذنوبنا من لا يرحمنا يا أرحم الرحميين.
سلام.
أخواني في كتم قالوا لي: أستعمار رسمي من قبل الجنجويد و لا يوجد شرطة ولا جيش و لا قضاءو لا امن و منذ سنتين ..... و أين عثمان كبر ؟؟ و قالوا لي ما في كبر هنا ّ!!!!!!!!!!!!
محمد سليمان


ردود على محمد سليمان
United States [salah] 03-01-2014 03:03 PM
عليك باجاده صياغة اللغه العربيه اولاً وذلك فى قولك(فشل )وليس فشلت ومن ثم انتظر الامانى للعام 2020 لكى تتهنأ بدوله التجمع العربى (هى البلددى مسجله بجنسية منو فيكم يامرتزقه

[محمد سليمان] 02-27-2014 11:07 PM
لصلاح:
لماذا أنت غضبان .....
هل فشلت مخططاتكم البغيضة ؟ منذ 1987 الى 2020
هذه هي الخطة و الهدف لإقامة دولة التجمع العربي في دارفور .....
لماذا أنت غضبان ... لانه فشلت المخطط .
أذا تريد ادلة فأسأل.....

[salah] 02-27-2014 04:45 PM
دى العنصريه التى جعلت التورا بورا واذيال التمرد والمعارضين الذين اغتصبوا النساء وهتكوا الاعراض ودنسوا دور الدين والعباده وهدموا المساجد حتى سلط الله لهم المجاهدين امثال الشيخ موسى هلال والذى كل من يتكلم فيه لايسوى غرزه فى نعله والذين ليس لهم سوى العنصريه البغيضه فكان لابد ان يحكموا بالسيف حتى يعودا الى الاسلام طائعين


#928155 [دارفور كادقلى]
0.00/5 (0 صوت)

02-27-2014 02:30 PM
القريب في الامر بعد الاستيلا على السلاح والعربات والملابس ما معروف هل ملابس العساكر ولاملابس اخرى تم ترك العساكروسمح للضباط بالذهاب (اههههها ياجماعة الموضوع ده مافيه انننننه)وبعدين الضباط ديل لمن يمشوا للقيادة (حايقولوا شنوووو )ررراجل ياهلاااال


#928126 [دارفور كادقلى]
0.00/5 (0 صوت)

02-27-2014 02:00 PM
اللهم اجعل كيدهم في نحرهم( لان بعد الحصل ده سوف تأتى المتحركات وذاد المجاهد وهاك يادواس وكدى النشوف موسى هلال فارس هلاله حا يسوى شنو)


#928103 [المفجوع]
0.00/5 (0 صوت)

02-27-2014 01:43 PM
؟؟؟؟؟؟؟؟؟؟ الخبر بيقول سلمو من دون ان يطلقوا طلقة واحد. ثانيا عملوا حسابهم للضباط لان كلهم لديهم قروون كبار امك موسى حرش منهم و بعد التعليمات الجنود سلموا اسلحتهم و بعد ذالك تم مرمتتهم. امك دا كان راجل كان حاجم حامية كبكابية او كتم حتى من مليط تم تردهم كالجرزان. امك الوهم دا داير يرسل رسالة للحكومة من دون ان يخسر نقطة دم هههههههههههها و الله وريتينا.
خلي شغل الحريم دا و ابقى راجل ذي الرجال و ادخل الفاشر عشان الشعب السوداني يعرفك انت في ياتوا صف....


#928075 [الحسن]
0.00/5 (0 صوت)

02-27-2014 01:08 PM
الخطــــــــــــــــوة الجاية انا بتوقع موسى يعمل انقلاب
لانو الحكومة ميتة ^_*


#928066 [بعيشيم الحريق]
4.50/5 (3 صوت)

02-27-2014 01:01 PM
كلب ومرفعين كم إتلاقو... بخت ارنب (لكن أرنب السودان دا ماااااااااااااااااعندو بخت...لاااااااازم الإسلاميويين يوصلوها حدها...فلترق كل الدماء)


#928062 [sanmka]
0.00/5 (0 صوت)

02-27-2014 12:55 PM
حاجة غريبة وبلد عجيبة


#928056 [الممغوص]
3.00/5 (1 صوت)

02-27-2014 12:52 PM
طالما جعل الله كيدهم في نحرهم نطالب المجرم موسى هلال بأن يكمل شرّه و يطيح لينا براس الخيبان كبر و بالمرة يعرج على قائد قوات الأغتصاب السريع الكلب الإسمو حميدت أحمد هارون و يمرمط بيهم الأرض. هيا يا هلال شعب السودان المتفرج في إنتظارك


#928028 [ودالبلد]
5.00/5 (1 صوت)

02-27-2014 12:29 PM
انقلب السحر على الساحر


#927992 [Baher dirar]
5.00/5 (1 صوت)

02-27-2014 12:05 PM
لا ادري لماذا يصر السيد هلال على هذه المسرحية المكشوفة ؛ وهل القاري السوداني بهذه الغباء حتى تقول له ان الجنود استسلموا من غير مقاومة وتم جمع الضباط في عربة واحدة وتم اطلاق سراحهم اما الجنود تركوا في الغلاء يهيمون على وجوههم ؛ عد يا سيدي الي قصرك الشاهق هذه المسرحية صعبة التنفيذ


ردود على Baher dirar
European Union [عمدة] 02-27-2014 08:33 PM
ليه مسرحية؟مش ممكن إستسلموا لأن القوة المهاجمةاكبروحاصرتهم؟وهلال يريدإرسال رسالة من دون سفك دماء ورسالته وصلت!يأس من الوضع (النهب والقتل من الجماعات المسلحة ومن إفتراء كبر).تقول رسالته:إذا ما قادرين تحمونا أدونا سلاحكم&والبلد المحن لابد يلولي صغارها.


#927991 [شعفوفه]
0.00/5 (0 صوت)

02-27-2014 12:05 PM
ووين الكانوا بيحتفلوا وبيرقصوا الاسبوع الفات فى الضعين
لموهم مع بعض وخلونا نتفرج فى المهازل دى..


#927984 [جنوبي]
5.00/5 (1 صوت)

02-27-2014 12:01 PM
بن لادن .. امريكا
موسي هلال .. المؤتمر الوطني
والتاريخ يعيد نفسه ...
لا الحكومة اتعظت بأمريكا ولا موسي اتعظ ببن لادن !!


#927976 [الدم والدهب]
5.00/5 (1 صوت)

02-27-2014 11:58 AM
الدورى بدأ... النار ولعت... اللهم اجعل بأسهم بينهم شديد.


#927957 [سيمو]
5.00/5 (1 صوت)

02-27-2014 11:52 AM
صفعة جديدة من السعودية،،

وصفعات متوالية من الدول الغربية،،

وصفعات داخل الوطن بصورة يومية،،

ولا أمل فى إصلاح،ن

متى يعلنون وفاة السودان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


ردود على سيمو
European Union [السنجاوي] 02-27-2014 03:27 PM
السودان شبع موت من زمان
منذ أن استولى الأبالسة على الحكم حيث ذهب شيخهم حبيساً إلى السجن
والفريق المؤدلج إلى القصر


#927931 [المقهورة]
3.00/5 (1 صوت)

02-27-2014 11:37 AM
دائماً ما يدور في ذهني هذه الأسئلة:
ما الذي يحدث في السودان وما أسباب هذا التدهور المريع؟
أليس من حقنا أن نتقدم مثل بقية الشعوب؟
هل كانت الساحة السياسية، قبل يناير من العام 1956، مهيأة وبكفاءة
للاستقلال وإداره شئون البلاد؟
هل وضع السودان، في كل مناحي الحياة، كان أفضل قبل الاستقلال أم بعده؟
لماذا تنتهي الديموقراطية في السودان بتسليم الحكومة السلطة طوعاً
لأفراد في الجيش؟ أهو نتيجة لعدم النضوج في ممارسة الديموقراطية أم
لتقديم المصلحة الذاتية على حساب الوطنية عند الشعور بأن نواب
المعارضة سوف يسحبون الثقة منها؟


#927926 [موجوع وطن]
5.00/5 (2 صوت)

02-27-2014 11:34 AM
السيناريو واضح فالمسألة لا تعدو أنها عملية تشوين و إمدادات عسكرية إستعداداً للمرحلة القادمة تفاوضاً كان أم ترميم أوعية الجنجويد و إعادتها سيرتها الأولي فشرنقة مليشيات موسي هلال في دورة ناقصة تدار بخيوط بيدي منتجيها تنتهي إلي أحضانهم أو إلي حركة مسلحة وفق ما تقتضي مصلحة المنتج.


ردود على موجوع وطن
European Union [الماموجوع] 02-27-2014 04:32 PM
لماذا حلال للجميع التسليح وتكوين الحركات المسلحة وحرام علي فئة معينة؟هل هي ماركةمسجلة تخضع لقانون الملكيةالفكرية؟ مافيش حد أحسن من حد.توقف الحرب ويجمع السلاح من الجميع أو يتسلح الباقون للدفاع عن أنفسهم،خير مثال مايتعرض له المسيرية في أبيي لم ينفعهم إلا سلاحهم من الإبادة.


#927922 [particular]
5.00/5 (1 صوت)

02-27-2014 11:33 AM
انا اعتبر هذه مسرحية دراماتكية ان كنتم يا ابو طيرة ومليشيات كبر دورياتكم فى جبل عامر للمراقبة والحماية لماذا لم تدافعوا عن انفسكم اولا ؟؟؟!!!!! بل اتيتم الى جبل عامر لحراسة آبار المدعو كبر فقط والله لا ارى خير فى كبر ولا طاغوط العصر المدعو موسى هلال كلاهما صعاليك وعنصرين pastard fatherless just they want to be famous for rape cases ,killing,kidnapping and segregation .Any how , I personally, dis agree bout their bad activities against our beloved darfur nations.
Ihope so called Musa and Kiber both in the helfire.


#927920 [محمود]
5.00/5 (1 صوت)

02-27-2014 11:31 AM
ياالبشير بصراحة كدة موسي معاك ولا ضدك


#927919 [ودتاج الدين]
5.00/5 (1 صوت)

02-27-2014 11:29 AM
للاسف قضية دارفور تخطفتها ايادي خبيثة ووسخة همها الاول هو السلطة والثراء الحرام حتي وان كان تحت جثث الاطفال والنساء ....!!!!
فعن اي خق يتحدث المدعو موسي هلال الرجل المجرم الذي اراق دماء اهلنا في دارفور وساء في الارض الفساد ..لكنه مثل رئيسه السفاح يحاربون بحثاً عن سلطة تحميهم من المحاكم فموسي هلال بعد ان تاكد له ان الانقاذ ساقطة ساقطة وان ثوار الجبهة الثورية سوف يقيمون الهدل علي منتهكي الحقوق في الاقليم يريد الان ان يبحث له عن مكان في المرحلة القادمة ولكن هيهات فالدماء التي اراقها والجرائم التي ارتكبها موسي هلال لم ولن لن تغتفر ابداً******** الثورة مستمرة والنصر حليف الشعب


#927911 [ابراهيم كاوسة]
3.50/5 (2 صوت)

02-27-2014 11:23 AM
السلطة السودانية لا يدري من هو موسي هلال لقد تجاهل عن معرفة اصل وفصل هذا الشخص ولذا يتحمل ما اخترفه البشير ونتائج هذا سيكون دامية علي سلطة الخرطوم .
اعتقد بان هلال حس بعدم مكافة له وفضل كبير وبعض اعيان دارفور علي ادارة شئون الاقليم الذكور عانفا . االبشير لن يكون يدري بان قوته الان بات يضعف وعلي الشيخ هلال ان يستغل فرصة لماذا لا احكم البلاد انا بدلا من هذا الذي لا يستطيع عن يحكم قبضته علي السلطة .


ردود على ابراهيم كاوسة
[salah] 02-27-2014 05:06 PM
يأخي ياكاوسة ان الزعيم موسي هلال هلا قبل الانقاذ بعقد من الزمان وهو زعيم اهلي علي شهرة اكبر مما كان علية الان ولكن للاسف كثير من الناس لايعلم يفتكر ان الانقاذ هي التي صنعت الشيخ هذا قول خاطئ انما الزعامه كانت صنيعة اهلة وعشيرته وكان البشير يعلم ذلك قبل نشؤ الصراع في دارفور


#927907 [idriss suliman]
4.63/5 (4 صوت)

02-27-2014 11:22 AM
مائه مرة قلنا توزيع السلاح من قبل عصابات المؤتمر البطن علي القبائل والمليشيات عمل مشين وضد القانون الدولي سلاح من الدوله يوزع لافراد وقبائل بغرض ان تبيد بعضها البعض وخارج اطار القوات النظاميه للدوله عمل عصابات وليس عمل حكومة مسؤله ولكن في سبيل السلطه والثروة هم المؤتمر البطني الاول والاخير ضاعت البلاد والان جاء دور الحصاد حصاد مازرعه المؤتمر البطني علي مدي ربع قرن من الاقصاء والتهميش والتمكين والتجنيب وفقه الستره وتهميش النائب العام والمراجع العام والاعتماد علي حمايه المليشيات للسلطه والثروة لافراد ومجموعات المؤتمر الاثني التمكيني ولا زال اجهزه اعلامه يديرها جهاز الامن اللاوطني حتي الجيش فقد وطنيته ووظيفته واصبح لحمايه السلطه وثروة افراد المؤتمر البطني وقتل وسحل المعارضين وليس لحمايه حدود البلاد هذا هو المشروع الحضاري لبناء الاماره الاسلاميه وسياسه الارضاء لكل من حمل السلاح في وجه النظام الذي نخر الفساد في عظامه باعتراف عرابه د حسن الترابي رحم الله رجال الوطن المسحولين والقابعين في السجون بسبب مطالبتهم للحريه والعداله


#927898 [ودالحسن]
3.00/5 (2 صوت)

02-27-2014 11:19 AM
طز فيك يا موسي والله سوف تاتي يوما صاغرا يا نسيب الاوباش


ردود على ودالحسن
European Union [alomda] 02-27-2014 12:30 PM
حسن ألفاظك ياحيوان .. بعدين يجي صاغراً لي منو للبقرة الراقصة

[jas] 02-27-2014 12:06 PM
يا ود الحسن يبدو الموضوع اكل معاك شوية لكن دي عادي لانو السويتو فينا ناس الخرطوم لسة جايكم في محلكم والله الموفق


#927884 [عبادي]
3.00/5 (1 صوت)

02-27-2014 11:08 AM
تقول لي عبد الواحد ومني عاوزين يحكمو دار فور
جاكم السم القدر غداكم تضربو نضرب
تهبدو نهبد تقصفو نقصف
دى دار فور لا مكان الا للاقوياء


#927879 [انين الصمت]
4.50/5 (2 صوت)

02-27-2014 11:07 AM
العنصرية والتعالي وضياع قيمة الانسان ..استخدام موسي هلال الجنجوييدي لابادة شعب دارفور السكان الاصلين للاقليم يجب ان يؤدي الي ما الت الية الامور ...للاسف البشير الخائن هو من صنع هذا الوحش ولكنة سيفترسة..لان دماء الغلابة لن تروح هدرا..ودعوات المظلومين تملا السماء ...سيقتص الله له


#927874 [موسى محمد]
1.63/5 (4 صوت)

02-27-2014 11:06 AM
مبروك.
موسى هلال رجل المرحلة والقائد المرتقب لدار فور.


ردود على موسى محمد
United States [المفجوع] 02-27-2014 01:47 PM
ههههههههههههها قائد شنوا ....
الخبر بيقول سلمو من دون ان يطلقوا طلقة واحد. ثانيا عملوا حسابهم للضباط لان كلهم لديهم قروون كبار امك موسى حرش منهم و بعد التعليمات الجنود سلموا اسلحتهم و بعد ذالك تم مرمتتهم. امك دا كان راجل كان حاجم حامية كبكابية او كتم حتى من مليط تم تردهم كالجرزان. امك الوهم دا داير يرسل رسالة للحكومة من دون ان يخسر نقطة دم هههههههههههها و الله وريتينا.
خلي شغل الحريم دا و ابقى راجل ذي الرجال و ادخل الفاشر عشان الشعب السوداني يعرفك انت في ياتوا صف....

European Union [ودتاج الدين] 02-27-2014 11:20 AM
نعم هو رجل مرحلة التدمير والخراب
موسي هلال مجرد جرثومة ممرضة لا يعيش الا في وجود الجروح المتعفنة...!!!
هذا زمانك يا مهازل فامرحي ***** امثال موسي هلال مكانهم الزنازين والمشانق اذا كانت هناك عدالة في الارض .... لكن سنقولها واضحة انه اذا كان للعدل في الارض وجود فليكن دمنا هو المقياس *********** الثورة قاااااااائمة رغم انف الانتهازيين والماجورين ومصاصي الدماء من امثال موسي هلال وكل شلة المؤتمر الوثني المجرمين


#927860 [مدحت عروة]
1.00/5 (1 صوت)

02-27-2014 10:52 AM
قبل الانقاذ وفى عهد الحكومة الديمقراطية البيعتبروها ضعيفة كان يقدر ابن مرة يعترض قوات نظامية ويستولى على سلاحها ويهين الضباط والجنود؟؟؟؟
طبعا انا ما بتكلم عن حركة جون قرنق وده موضوع تانى وقتال بين جيش وحركة مسلحة وفيه موت واسر الخ الخ!!!!
بالله عليكم الله شوفوا ثورة الخراب اللاوطنى وصلت السودان لى وين ؟؟؟؟؟
طبعا الآن فى عهد حكومة الانقاذ او الخراب فى كم حركة مسلحة متمردة ومع الحكومة وكم ولاية فيها حروب واهلها فى معسكرات نازحين ده غير انفصال الجنوب وموضوع المسيرية اما الوضع الاقتصادى والسياسى والامنى والاجتماعى والصحى والتعليمى وتآكل اطراف الوطن والجنود الاجانب كلكم عارفنه!!!
انحنا هسع لو دايرين نرجع السودان لوضع ما قبل 30 يونيو 1989 ما ح نقدر وهو وضع احسن مليون مرة من الوضع الآن وعلى الاقل الناس كانت متجهة لحوار قومى ووقف عدائيات مع حركة تمرد واحدة والحريات كانت مكفولة للجميع حتى للحركة الاسلاموية بت الكلب وبت الحرام ووالله انى لاعتذر اشد الاعتذار للكلب وبت الحرام لتشبيههم بهذه الحركة الواطية!!!!!!!


ردود على مدحت عروة
United States [حليلو القام ب ليلو] 02-27-2014 07:32 PM
إتو دايرين شنو أخو محجوب ولا الفاتح عروة دايرين تناسبو ولا يناسبكم؟ أرد ليكم: لا تسألوا عن أشياء تبدو تسؤكم وخلو الزول في حالو وبلاش أسئلة غبية!!!!!!!!!!!!!!

European Union [ساب البلد] 02-27-2014 01:22 PM
******* لا دا اخو "محجوب عروة" هع هع هع ******** مجرد اجابة *******

United States [سامر المدنى] 02-27-2014 11:46 AM
انت اخو الفاتح عروة ؟ مجرد سؤال


#927851 [البديري]
3.50/5 (2 صوت)

02-27-2014 10:48 AM
عشان كده أنا حبيتو. الله ينصر دينك يا موسى هلال. يا ناس ! موسى هلال كان في الخرطوم و شاف بعينو و شهد على كل السرقات و ليس من رأى كمن سمع. نحن معاك يا هلال. حل الهلال حلا أهلاً به و سهلاً


ردود على البديري
[حليلو القام ب ليلو] 02-27-2014 07:38 PM
أولا هلا وليست حلا!إنت عجمي ولا شنو؟ثانيا قبليتك غير مرحب بها وهي ما زرعته الإنقاذ مثل جعلي وشايقي وغرابي وغيرو..هداكم الله وأصلح من حالكم.

United States [المفجوع] 02-27-2014 01:55 PM
؟؟؟؟؟؟؟؟؟؟ الخبر بيقول سلمو من دون ان يطلقوا طلقة واحد. ثانيا عملوا حسابهم للضباط لان كلهم لديهم قروون كبار امك موسى حرش منهم و بعد التعليمات الجنود سلموا اسلحتهم و بعد ذالك تم مرمتتهم. امك دا كان راجل كان حاجم حامية كبكابية او كتم حتى من مليط تم تردهم كالجرزان. امك الوهم دا داير يرسل رسالة للحكومة من دون ان يخسر نقطة دم هههههههههههها و الله وريتينا.
خلي شغل الحريم دا و ابقى راجل ذي الرجال و ادخل الفاشر عشان الشعب السوداني يعرفك انت في ياتوا صف....


#927850 [شخلول]
5.00/5 (6 صوت)

02-27-2014 10:48 AM
وهل رضى الضباط النجاة بانفسهم وتركوا جنودهم فى الخلاء؟ هوان على هوان


#927847 [محمد محمدود]
5.00/5 (1 صوت)

02-27-2014 10:47 AM
كتمت


#927838 [habbani]
4.63/5 (4 صوت)

02-27-2014 10:39 AM
الحل بسيط يخرج كبر بى أسلحة ومعدات ومعاه ناس المؤتمر الوطنى المؤيدين والمريدين والمسترزقين فى فزع عشان إجيبوا موسى هلال من أضانه ..والغنائم ليهن ما عدا السلاح .
البخاوى الذئاب بياكلو ولو بعد حين ..الله إلعنك يا عمر البشير .


#927828 [المسطح في المترو]
0.00/5 (0 صوت)

02-27-2014 10:31 AM
نرجو من المتداخلين اعادة القراءة والتفكير قبل التعليقات.


#927817 [ود جبل حلة]
0.00/5 (0 صوت)

02-27-2014 10:22 AM
طيب خلي البشير يمشي ليهو في جبل عامر
مى هو الريس؟


#927806 [أبورناد]
0.00/5 (0 صوت)

02-27-2014 10:18 AM
معقووووووووووووووووووووله ده يسموه إيييييييييييييييييييييييييه


#927781 [خريج قرفان]
5.00/5 (4 صوت)

02-27-2014 10:04 AM
الجماعة عايزين يصفوك ياموسي هلال كان ركبت الطيارة بتلحق ابراهيم شمس الدين وكان ركبت العربية بتلحق مجزوب الخليفة غايتو كان ماشي الخرطوم الا تركب ليك كارو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة