الأخبار
أخبار إقليمية
بعد شروعها في دراسة حجب الواتساب والفايبر..مسار: الاتصالات دايرة ترجعنا للقرون الوسطى
بعد شروعها في دراسة حجب الواتساب والفايبر..مسار: الاتصالات دايرة ترجعنا للقرون الوسطى
بعد شروعها في دراسة حجب الواتساب والفايبر..مسار: الاتصالات دايرة ترجعنا للقرون الوسطى


02-27-2014 04:52 PM
الجريدة: الخرطوم:حوازم مقدم
اعلن المجلس الوطني رفضه التام لعملية التجسس علي الهواتف النقالة واشترط سن قانون يجيزه المجلس في وقت سخر رئيس لجنة النقل والطرق والاتصالات والاراضي بالبرلمان ورئيس حزب الامة الوطني عبد الله مسار من اتجاه هئية الاتصالات لايقاف خدمة(واتساب وفايبروتانغو) وقال (ماممكن نرجع الناس لعهد القرون الوسطي عشان نرضي شركات الاتصال) ووصف حديث الهئية بالوهمي وأضاف مسار ان لجنة الاتصالات ترفض التجسس الذي يمارس علي الاجهزة النقالة دون علم اصحابها واضاف طالبنا ان تتم الخطوة بقانون تصادق عليه الجهات المختصة واعتبر وسائل التواصل الإجتماعي الالكترونية حق اصيل للمواطن السوداني بجانب ان التواصل الاجتماعي عبر الاجهزة الذكية اصبح وسيلة سهلة وغير مكلفة مالياً وتساءل لماذا يتم حرمان المواطن منها فقط من اجل ارضاء شركات الاتصالات لتجنيبها الخسائر علي حساب المواطنيين

الجريدة


تعليقات 12 | إهداء 0 | زيارات 8303

التعليقات
#929284 [نص صديري]
0.00/5 (0 صوت)

03-01-2014 06:15 AM
كلكم انشغلتوا في موضوع الواتس اب رغم ان الخبر يحمل معلومة خطيرة حول تجسس الحكومة بدون قيود عليكم فعلا شعب بهائم


#928795 [kamal mohy]
0.00/5 (0 صوت)

02-28-2014 12:02 PM
السؤال المحير كم دفعت شركات الاتصالات لهذه الوزيرة علشان تقيف معها في صفها ضد المواطن وكأن هذا المواطن ليس اخوها او ابن عمها او خالها اذا كانت لها هذه النظرة. ثم ما هو دور الحكومة في توفير كل ماهو كريم ومتاح لراحة هذا المواطن الغلبان والمظلوم في وطنه؟ ام تريد هذه الحكومة أن تركع هذا الشعب في كل شي في حياته المعيشية والترفيهية الم يكفيكم ان حتى الحدائق المفتوحة في كل العالم للمواطنين جعلتوها بفلوس من اجل ماذا جئتم انتم؟ كيف تمثلوا هذا الشعب ؟ وانتم اعداء له واذا جاءت الانتخابات تباكيتم وقفلتم راجعين من اجل هذا الشعب قد جئنا ولنصرة هذا الشعب قد عملنا ارجعوا فقط للخلف قليلا لترونا كيف كنا نعيش وكيف نحن اليوم !!!! كفاكم عبثا ونفاقا.


#928791 [الصادق]
0.00/5 (0 صوت)

02-28-2014 11:51 AM
سبحان الله.....الشعب السودانى الى متى يعيش فى البهدله والمرمطه ؟ ياشعبنا ياشعبنا اصحو من النومه التى استرحنا فيها عقدين من الزمان


#928783 [هجو نصر]
5.00/5 (1 صوت)

02-28-2014 11:41 AM
ديل عايزين اصطادوا فيل بي نبلة ! خليهم ! وبالمناسبة الانترنت حيبقي مجانا السنة الجاية شهر 6 الحبابو عشرة .و شايف سوداني بقت زي الواتساب بي جنيه واحد تتكلم اليوم كله ! تحسبوا لعب !


#928452 [ابو مهند]
0.00/5 (0 صوت)

02-27-2014 08:20 PM
أكثر الناس استعمالاً لبرنامج الواتساب والفايبر هم المشؤلين الكبار دائماً تلاقاهم في مكاتبهم مشغولين بإرسال واستقبال الرسائل بالتالي لا يستطعون ايقاف البرنامج لانها في غير مصلحتهم


#928404 [daw]
0.00/5 (0 صوت)

02-27-2014 07:14 PM
هذا القليل من علم المولي عز وجل لماذا يحرم المواطن الغلبان من مواصلة اهله يا ناس صلة الرحم بقت واتساب لﻻسف


#928388 [كوكو]
0.00/5 (0 صوت)

02-27-2014 06:55 PM
ههههههه الحجرى


#928356 [ابكرونة عمدا يصرح من الوجع]
0.00/5 (0 صوت)

02-27-2014 06:20 PM
*** بالله يا مسار ؟؟ انته لى اسع ما عارف النقمة الساير بيها شنو ؟؟؟ بوريك ليها ود اكبر
متخصص فى الدلاليك سابقا ( بكوبر " وانداياتها " لما ناس السوارى كانو بيضربو الصفارة عند الساعة
الخامسة بعد الظهر ايذانا بانتهاء شراب المريسة ") انته الوكت داك ولدوك وله لا ؟؟؟
طيب بعد ده كله كمان بتشكى؟؟ ياخى ما تخليك مع النغمة ذى ما قلته لك " سير سير مع الحمير يا بشير"


#928329 [بيل جيتس]
3.44/5 (5 صوت)

02-27-2014 05:40 PM
دوام الحال من المحال جراء الطفرة الهائلة في عالم الاتصالات .. فقد ولي زمان قناة أمين عمر الاجبارية و محاربة انتشار الاطباق .. ثم ذهبت كابينة الاتصالات مع انتشار الموبايل .. و غدآ سيصبح الانترنت متاحآ للجميع دون قيود .. فدعكم من جاهليتكم الغبية و حماقة مناطحة الصخر .


ردود على بيل جيتس
[حليلو القام ب ليلو] 02-27-2014 11:09 PM
صدقت يا جيتس هناك مشروع لناسا الأمريكية بحلول عام 2017 لو الله أحيانا بأن يكون النت مجانا لكل العالم عن طريق الاقمار وذلك عن طريق الهواتف الذكية ويغطي القارات الخمسة وعندها شركات الإتصالات تشرب ما تروي وحتي الحكومات المتسلطة تروح عليهم قصة حجب المواقع.


#928325 [seek]
4.75/5 (4 صوت)

02-27-2014 05:36 PM
شكلها في مشكله كبيره من بعض القيادين الامنجيه. بفتكرو. انو اذا قفلو. الفيس والواتساب. انو الوضع الامني. سيهدا شويه. لسرعه تداول الاخبار. المسربه. عن الفساد. والبعض الاخر. بفتكر. الجماعه. ديل اذا قفلوا منهم الفيس والواتساب. الوضع سيزداد سوءا لانو الشباب سيصبح عندهم فراغ كبير ويشعروا. بالغبن والظلم. من. حرمانهم ويمكن يتحركوا ضد النظام. رالصراع. شديد. بين. الجناحين.


ردود على seek
United States [ودكترينا] 02-27-2014 10:12 PM
*** القصة بسيطة ياعلم الدين***بما انو زوكربيرج بتاع الفيسبوك اشترى الواتساب...نقوم نحنا وحكومتنا نشترى الفيسبوك يبقى كلو بعد داك تحت ايدنا ونبيع مجان واللا باليورو على كيفنا...انشاالله بالكسر ومافى ضرورة نعمل مشاكل بينا وشركات الاتصالات...!!!!!
***هسع مسار ده كان هو كان وزير الاتصالات...كان قال عكس الكلام ده...ماجربناهو فى وزارة الاعلام!!
***هو ياخ المركز القومى للاتصالات لقوهو مهكر وعمك الوزير السابق الله يطراهو بالخير عيسى بشرى نايم فى العسل...النشوف الدكتورة الماقدرت تقرا خطاب وزارتها قدام البرلمان... والنواب ناس عمك دفع الله يضحكو...عندها Social Phobia أو Performance Anxiety...أوعه من الأطباء المزيفين..ودوها لبلة الغايب أو أبو فؤاد الفلسطينى!!

European Union [alamadeen] 02-27-2014 07:00 PM
القصة بسيطة يا سيك ،،، فيسبوك إشترت واتساب ،،، وأدخل فيها خدمة المكالمات المجانية ،،، ودى عملت ململة كبيرة فى الغرب بسبب الخسائر التى ستلحق بشركات الإتصالات والتى تقدر بالمليارات ،،، الحكومة والحكومات خلت الشركات توفق أوضاعها بطريقتها ،،، أما فى بادية السودان فلازم يحموا شركاتهم على حساب المواطنين وبالتالى منع الواتساب وأخرى ،،،،


#928313 [بت قضيم]
3.75/5 (3 صوت)

02-27-2014 05:19 PM
القرار المقترح هو لحماية ما تتناقله هذه البرامج عن ما يدور خلف الكواليس من فساد ومؤامرات من حكومة الكيزان وقد اثبتت هذه الاجهزة فعاليتها في نقل كل مايدور من فساد من قبل الحكومة كما اثبتت سرعتها وتقنيتها في ذلك لدرجة انها نافسة اجهزة الكمبيوتر بانواعها التى اصابها الكساد


#928297 [عبدالله]
5.00/5 (3 صوت)

02-27-2014 05:04 PM
يعنى يا عبدالله قشار انت ما عارف ليه؟
ما عشان تلحسو منها!
والا عامل نفسك شريف وما ناقش حاجه.


ردود على عبدالله
United States [عباس] 02-27-2014 08:38 PM
الراجل بتكلم فى صالح المواطن رجاءا احترم نفسك وعلق تعليق محترم والله يكون شكلك من الناس الدايره تعلق فقط من غير ما تقرأ الموضوع .

United States [مرقنا... وادسينا تاني] 02-27-2014 06:10 PM
يا محترم
انت غريب فعلاً الراجل بيدافع عن حق دستوري للمواطن أو ما تبقي من حق
كلامك خشن وفعلك ما زين اعد حساباتك وتعليقك مردود عليك يا عبدالله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة