الأخبار
أخبار إقليمية
رؤية حركة جيش تحرير السودان للحل الشامل للازمة الدائمة
رؤية حركة جيش تحرير السودان للحل الشامل للازمة الدائمة



02-28-2014 01:13 PM
انطلاقا من الجذور التاريخية للازمة التي صاحبت تكوين الدولة السودانية بأختلالاتها العرقية و الثقافية والاقتصادية والاجتماعية والدينية والجغرافية , وادارت البلاد صفوة المركز بانظمة حكم فاشلة انتهت بأستهداف حق الانسان في الحياة بالابادة الجماعية والتطهير العرقي واهانة كرامته الانسانية بأنكار المواطنة والحرية وتدميرالاقتصاد والروابط الاجتماعية وتقسيم البلاد والارض والانسان , وللوصول لحل دائم للازمة السودانية المتجذرة لابد من الاتي وعبر المراحل التالية : -
المرحلة الاولى :

1 ضمان حق الانسان في الحياة وضمان سلامته وذلك عبر تطبيق القوانين والمواثيق الدولية بالاضافة الي القرارات الدولية 1547 والقرار 1556 والقرار 1564 والقرار 1574 والقرار 1575 والقرار 1585 والقرار 1590 والقرار 1591 . وحماية موظفي المساعدات الانسانية وموظفي الامم المتحدة وفقا للقرار 1265 والقرار 1502.
2 ضمان عدم الافلات من العقاب وذلك بمتابعة التحقيقات وملاحقة مرتكبي الابادة والتطهير العرقي وجرائم الحرب والجرائم ضد الانسانية وتقديمهم للمحاكمة الدولية طبقا لقرار مجلس الامن 1593 وتوصيات وتقارير المدعيين العامين للمحكمة الجنائية الدولية .

3 وضع حد لعملية الاستيطان المستمرة وطرد المستوطنين من اراضي وحواكير النازحين واللاجئيين والمهجرين بوصفها مخالفة للقوانيين الدولية .
4 اتخاذ التدابير اللازمة لمحاربة الارهاب الدولي في السودان ووقف ايواء المجموعات الجهادية وابعادهم .
المرحلة الثانية :
الحوار السياسي القومي الشامل والحر الذي يضم كافة القوي السياسية والاجتماعية التي لم تتلوث ايديهم بدم المواطن السوداني والمفضي الي :-
1 وضع دستور انتقالي و تشكيل حكومة انتقالية توقف الحرب والابادة والتطهير العرقي وتبسط الحريات العامة وتضمن احترام جقوق الانسان وتوفر الخدمات الحياتية الضرورية وتعيد النازحين واللاجئين والمهجرين الي مناطقهم الاصلية وبدء اجراءات التعويضات الفردية والجماعية ومعالجة النتائج السالبة الحرب .
2 وضع استراتجية مستقبل السودان ببحث ومعالجة جذور الازمة ووضع اسس الدستور الدائم التي تضمن اقامة الدولة الديموقراطية العلمانية اليبرالية الفدرالية وفقا لمبدأ المواطنة المتساوية .
3 اجراء احصاء سكاني شامل باشراف دولي وانتخابات حرة ونزيهة وشفافة بمراقبة دولية .

هذه هي رؤيتنا الواضحة والصريحة للحل الشامل للازمة الدائمة في الدولة السودانية

حافظ يوسف حمودة
الامين السياسي لحركة جيش تحرير السودان


تعليقات 6 | إهداء 0 | زيارات 1861

التعليقات
#929227 [Abo duraih]
0.00/5 (0 صوت)

03-01-2014 01:41 AM
يا ريت لو تعيدوا قراءة التالي في البيان:

1- انطلاقا من الجذور التاريخية للازمة التي صاحبت تكوين الدولة السودانية بأختلالاتها العرقية و الثقافية
2- وضع حد لعملية الاستيطان المستمرة وطرد المستوطنين من اراضي وحواكير النازحين واللاجئيين
3- وبدء اجراءات التعويضات الفردية والجماعية
4- اجراء احصاء سكاني شامل باشراف دولي وانتخابات حرة ونزيهة وشفافة بمراقبة دولية

الأولى معناها المنطلق أجندة عنصرية

الثانية: معناها طرد القبائل ذات العربية وطبعا برضو أجندة عنصرية ومعناها حرب أهلية بلا شك.

الثالثة: تعويضات فردية وجماعية تدفع على أساس عرقي وبرضو أجندة عنصرية وبعدين منو المفروض يدفع؟؟؟؟

الرابعة: تحديد حجم المجموعات السكانية على أساس عرقي وبرضو الهدف عنصري

معالجة وضع متأزم أصلا بوجود عنصرية بطرح عنصري مضاد ،، يعني عملتو شنو؟ أنتم مثل المؤتمر الوطني وجهان لعملة واحدة واحد بذر العنصرية في السودان والتاني جايي يحل يكمل الباقي بعنصرية مضادة.
هذا ما ظللت أنادي به أن حركات دارفور والجبهة الثورية لن ترضي بالديمقراطية أبدا صدقوني لأنها تسعى للأنتقام ، نحن الان بين نارين نظام إستبدادي عنصري فاسد وحركات مسلحة عنصرية بإمتياز تسعي للثأر ليس فقط من النظام الحاكم بل من مجموعات سكانية بعينها
أعيدو قراءة البيان بناء على ما ذكرته وتأملوا وتفحصوا
نريد ديمقراطية حقيقية بإنتخابات حرة ونزيهة تشرف عليها جهة محايدة وعلى الجميع أن يقبل بالديمقراطية ويحتكم للصناديق . يجب أن تكف الحركات المسلحة عن تهديدنا بالثأر العنصري.


#929145 [osman]
0.00/5 (0 صوت)

02-28-2014 10:56 PM
انا اتمنى ان المفوضات التى نجرى الان بين الحكومة السودانية والحركة الشعبية قطاع الشمال ان تكون حلا شاملا و ليس جزئيا.


#928891 [سوداني متابع]
0.00/5 (0 صوت)

02-28-2014 03:10 PM
معاك انو حكامنا مرضونا و لازم قيام قيامتهم و المحاسبة علي فظائعهم فينا , لكن أنحنا خايفين الامال الطيبة دي يغلبكم تحققوها لو وصلتوا زيهم و زي ناس الحركة الشعبية و زي الأزهري و النميري و الصادق و الترابي و خليل ابراهيم و مناوي والشيوعيين و هيئة علماء المسلمين و كوووولهم , و أتحدي واحد يأبي كلامكم ( امانينا) السمحة دي لكن السؤال كيف ح تقدروا تحققوها دوناً عن سابقيكم (و السؤال لي اي واحد يمكن يمسك برضو رقابنا و يواصل مسلسل بايخ و مخزي لشعب طيب في كل السودان جنوب و شرق و غرب و شمال) .
لا يمكن اقامة وطن من دون دراسة مسبقة و علمية تورينا ح نعيش كيف و نأكل شنو و نشتغل شنو .

مافي وطن لمجموعة جياع !!!
مافي وطن لعراة !!!
مافي وطن لسكان العراء و المشردين و المغتربين !!
مافي وطن للمقتتلين !!!
مافي وطن لي شفع المايقوما و بنات الليل !!
مافي وطن لي شفع بدون مدارس !!

بما ينادي به السياسيين من دون حل مشاكل اقتصاد الوطن و المواطنين أحسن حاجه نكونها منتجع سياحي (لفرفشة )ناس الدول التانية !!! و بي أي سعر !!

الانسان اولاً يشبع ثم يأمن علي نفسه ثم علي أهله ثم بعد كده يمكن يشعر بذاته و عزته و يفكر في غيره , و أي حاجة بدون السلسلة دي كذب و استهلاك سياسي و أي واحد داير يقدم للسودان لا زم يفكر كيف ح يحل المشكلة دي !!


#928873 [سوداني متابع]
0.00/5 (0 صوت)

02-28-2014 02:48 PM
الكلام القولتو ده سمح بالحييييييل لكن ما ح يقدم أي حاجة و كل الفي الصورة السياسية قدونا قد بالكلام ده .


لازم يا جماعة يكون عندكم مشروع اقتصادي و تراجعوا جذور مشكلة الاقتصاد في السودان الحدي هسي مستمر في خطة المستعمرة البريطانية .
1 .بلد زراعي بيستورد حتي الخضار و من دول زي الاردن !!!!.
2.بلد من أغني بلاد الكرة الارضية بالما (أنهار و مياه سطحيه و جوفية ) و كلها عطش حتي في الخرطوم ؟
3.بلد الثروة الحيوانية و الضأن فيها أغلي من صحراء اسيا !!! و كمان رواعينا اغتربوا و قالوا علينا يا سلام أولاد فالحين !!!! . ( شنو الأصلاً خلا الناس تطلع بره اجراء ؟ )
4.بلد رجالوا من أشد الناس بشهادة العالم و البنغالة يتمخطروا فيها ؟؟ .
بلد علماءها في ناسا و بريطانيا و دبي و الخليج و كل بقاع الأرض و تعاني من منتهي التخلف ؟
بلد مواطنيها أصحاب رؤوس أموال ضخمة زي محمد ماو في اوروبا و عبد اللطيف جميل و تعاني من شح النقد !!! .
5. بلاد غنية بالمعادن من دهب و بترول و كل النفائس و الشعي عايش حالة نفاس ؟

ببساطة يا أخ حافظ كل النقة السياسية دي محتاجة بلد حقيقية باقتصاد حقيقي و ما ممكن تتعمل المثل الرفيعة دي في غابة بدون راس مال .

ياخي اتخيلوا اننا مشروع و عايزين تطوروهوا ماهي دراسة الجدوي الاقتصادية بتاعتك ؟ و كيف ح تصرف علي حقوق الانسان السوداني من تعليم و صحة و أمان و موية نظيفة للشرب و تنمية بشرية .....الخ .؟؟؟؟؟؟؟؟


#928841 [الكنزي]
0.00/5 (0 صوت)

02-28-2014 01:39 PM
في فقرة ضمان حق الانسان في الحياه الاشاره الي استردات حقوق من ذبحوا في سلخانات الصالح العام


ردود على الكنزي
United States [AburishA] 02-28-2014 03:51 PM
**** نوافق... بلا تحفظ.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة