الأخبار
أخبار إقليمية
أضحك.. أو.. أنفجر.. إن شئت فاحزن قليلاً..! (صورة)
أضحك.. أو.. أنفجر.. إن شئت فاحزن قليلاً..! (صورة)
أضحك.. أو.. أنفجر.. إن شئت فاحزن قليلاً..! (صورة)


03-01-2014 11:18 AM
عثمان شبونة

* رغم التقتيل اليومي والمسغبة وهالات الجنون المرسومة على امتداد الوطن بـ(أذيال الحمير..!) فإنك لن تعدم جداراً تتكىء عليه وتنتزع من ذاتك ابتسامة (كالبكاء) هنا أو هناك..!
* وفي أشد (دمدماتك) قد تجد لنفسك المكلومة مبرراً لمجابهة الغم بانشراح لست مسؤولاً عنه..! فاختلاط اللحظة فيك بين الأمل واليأس داخل مكان يحكمه سفاحين و(عصبجية) قد ينتج مشاعراً قابلة للكسر مهما كانت صلابتك.. إذ ليس بمقدورنا مقاومة الخليط المتناقض فينا أحياناً؛ أو توجيهه ــ حسب الطلب ــ حين يتعلق الأمر بالبسطاء المغيبين.. مثل الذين يمسكون اللافتات الغريبة في أي مكان؛ تأييداً لحزبٍ يقتلهم؛ يجوعهم؛ يهينهم؛ أو يشردهم على أدنى فروض السلطة الملعونة..! وذا حال بعض الأهالي في كافة أنحاء السودان دون استثناء.. منهم بلا شك من يشدون قماش (المؤتمر الوطني) مؤملين أن ينعدل (ذيل الكلب).. وهيهات..!
* المشهد الذي دعاني للمقدمة الطويلة هو طيبة أهل منطقة (كابوس) الذين حملوا لافتة ظهرت هكذا: (المؤتمر الوطني كابوس) أضافوا لها جملة: (معاً لاستكمال النهضة)..! وكأن ثمة نهضة انطلقت أصلاً ليستكملها الحزب الذي يجيد التدمير لا أكثر..!
* المفارقة أن اللافتة التي كتبوها بعفوية جاءت معبرة عن الحقيقة؛ وهي أن المؤتمر الوطني فعلاً (كابوس).. بل كارثة..!
* من الحزن تحية لمنطقة كابوس بولاية جنوب كردفان؛ وعليهم مثل الذي علينا إذا أرادوا الحياة؛ وهو تمزيق وحرق كل ما يتعلق بحزب المؤتمر الوطني الذي لن يحصدوا معه سنابل؛ إنما (قنابل)..! يكفيهم أنه الكيان القذر الذي خرج منه ظلام الإرهاب؛ وتجاوز الحدود..! الحزب الذي أفلح في تهجين طيور (العنصرية والحقد) حتى قويت أجنحتها وملأت الآفاق.. الحزب الذي أباد أهلهم في الغرب والشرق والجنوب والوسط والشمال.. الحزب الذي جعل السودانيين في الخارج يقاومون عاره بأصلهم القديم "السمح" وتأكلهم (دابة) في القلب والروح كلما تذكروه..!
أعوذ بالله


تعليقات 44 | إهداء 0 | زيارات 19099

التعليقات
#932001 [صلاح إبراهيم]
4.00/5 (1 صوت)

03-04-2014 12:17 AM
ربما قام أحد السادة من أضافوا تعليقاً قد سبقوني في الملاحظة.. ألم تلاحظوا أن هناك اثنين من القوات النظامية (الجيش) يمين الصورة!!
يحشدون المساكين بقوة السلاح


#931323 [المشتهي الكمونية]
3.00/5 (2 صوت)

03-03-2014 10:15 AM
ما رأي أمير المؤمنين الخليفة عمر بن البشير في إستغلال هؤلاء البسطاء بهذه الصورة البشعة بينما طائراته تدك قراهم وتقتل شيوخهم وأطفالهم ، لا نامت لك عين يا عمر ولا رحمك الله ولا غفر لك


#931110 [هضربة]
5.00/5 (3 صوت)

03-03-2014 12:03 AM
الله يجازي محنك يا شبونة .. دخلت علي المقال و في بالي مسيرة للجبهة الثورية و كابوس الانقاذ !!!!!


#931109 [إسماعيل آدم]
4.00/5 (2 صوت)

03-03-2014 12:02 AM
عليكم بالتأكد من مصير الزول الكتب اللفته!تلقوهو راح في بيت أشباح - ده إذا لسع حي


#931087 [عابر طريق]
5.00/5 (5 صوت)

03-02-2014 11:27 PM
ديل من زمن النهضة ما سمعوا بي الوثية لسع


#930926 [عبدالله حقانى]
4.00/5 (2 صوت)

03-02-2014 07:05 PM
صورة فعلا مضحكة لكن ضحك من نوع تانى "شر البلية مايضحك" غايته صورة تطلق العنان للخيال المستوحى من واقع مرير.أكاد أرى خلف الجموع الغلبانة دى سمسار كرشو كبيرةوجيبو منفوخ دافع ليه نافع وقال ليه اديهم وشيل الباقىوالمابطلع معاكم أدبوه,طبعا أداهم حاجة بسيطةوسحت الباقى وطبعا عشان يعرفوا المطلوب منهم شنو أداهم الشجرة.وبالناسبة دى الشجرة دى كانت رمزه فى الانتخابات السابقة الفاز فيها. شوف بالله الناس الناس الما بخافوا الله فى الغلابة


#930868 [إلا الحقارة]
4.00/5 (1 صوت)

03-02-2014 06:02 PM
بعفوية جات مظبوطة اكيد كابوس
حقيقةعديل مافي الفوطة


#930652 [نوبه بس]
3.00/5 (2 صوت)

03-02-2014 02:51 PM
المؤتمر الوطني كرور
المؤتمر الوطني راس الشيطان
المؤتمر الوطني اطلع بره


#930571 [احمد بخيت]
3.75/5 (3 صوت)

03-02-2014 01:41 PM
..المواطن علي حسن سلوكة...المؤتمر الوطنى كابوس.(مخرج واحد)


#930569 [سوداني جد]
1.00/5 (1 صوت)

03-02-2014 01:40 PM
المؤتمر الوطني الاتشحت بالت هههههههههههههههههه


#930422 [انين الصمت]
5.00/5 (1 صوت)

03-02-2014 11:23 AM
كابوس حقيقي بل لعنة حلت علينا بل مصيبة كبري وفاجعة ودمار شامل ربنا يتولانا برحمتو تسلم شبونة ربنا يحفظك


#930412 [ابومحمد]
5.00/5 (3 صوت)

03-02-2014 11:12 AM
المؤتمر الوطني كابوس ( باللون الازرق)
دعكم منه
معا لاستكمال النهضة ( باللون الاحمر)
حلوة وملعوبة


#930228 [صالح]
4.97/5 (8 صوت)

03-02-2014 09:00 AM
ارجو شاكرا من سكان هذه المناطق ان يسمحوا لي برفع هذه اللافتات :
المؤتمر الوطني مرفعين
المؤتمر الوطني بعشوم
المؤتمر الوطني ابوشوك
المؤتمر الوطني غدار
المؤتمر الوطني جعيبات
المؤتمر الوطني مايل
المؤتمر الوطني هبيلة
المؤتمر الوطني كتم
المؤتمر الوطني ام دبة
المؤتمر الوطني شلعوها
المؤتمر الوطني المزموم
المؤتمر الوطني عفينة
المؤتمر الوطني حسكنيت
المؤتمر الوطني ضريطة
المؤتمر الوطني غبينة
والتحية و الاجلال لك اخي شبونة و ادامك الله صادحا بالحق لا تخشى ذئاباهي لاتأكل الا الميتة..اعوذ بالله


ردود على صالح
United States [كحل الشيخات] 03-03-2014 10:06 AM
المؤتمر الوطني قد الهبوب
المؤتمر الوطني الضليمة
المؤتمر الوطني العقدة
المؤتمر الوطني ابو شوك
المؤتمر الوطني العطش
المؤتمر الوطني الحفيرة
المؤتمر الوطني العترة
المؤتمر الوطني العويش
المؤتمر الوطني الخمجانة
المؤتمر الوطني الورطة

United States [جودة] 03-02-2014 11:48 PM
المؤتمر الوطني أبو رماد
المؤتمر الوطني الغدار
المؤتمر الوطني سلبونا
المؤتمر الوطني عد الغنم
المؤتمر الوطني كرور

United States [سوداني جد] 03-02-2014 01:42 PM
المؤتمر الوطني الاتشتحت بالت
ههههههههههههههههه

[اللحوي] 03-02-2014 10:56 AM
وماتنسى
الؤتمر الوطني أضان حمار
المؤتمر الوطني الغدا أم بلية.

قديما عندما زار طلعت فريد مدينة القضارف كان الشعار المرفوع :
طلعت ... طلعت روح الشعب ....
وبعدها تداركوا الأمر وغيروا الهتافات.


#930102 [ود تجملا]
5.00/5 (1 صوت)

03-02-2014 03:49 AM
كابوس هذه قرية تقع في ولاية جنوب كردفان محلية الرشاد تبعد منها تقريباً20كم بالقرب من منطقة تجمﻻ -تقريباً20كم- شرقاً


#929915 [عصمتووف]
3.50/5 (3 صوت)

03-01-2014 09:43 PM
المعنيين باستكمال النهضة جبهات المعارضة السلحة والسلمية لهذا الكابوس القبيح


#929912 [ود النوبة]
1.50/5 (2 صوت)

03-01-2014 09:36 PM
بسطاء شنو يأستاذ ديل مغفلين علي اليمين مافي شخص مضيع اهلناالنوبة الا النوبة انفسهم ماذا منحتهم هذه الحكومة حتى يهتفوا لها غير الذل و الهوان . ديل يستحقوا الجلد


ردود على ود النوبة
European Union [عصمتووف] 03-03-2014 12:01 AM
ي ودالنوبة ي اخوي لا تظلم النوبة فيكم البسطاء السذج الطيبين تاكل وتمسح يدك في طرف هدمة ولا يقول ليك تلت التلاتة كم لا نظلمهم (المؤمن صديق) وخليكم عنهم شوف المفتحين ناس البندر والمثقفون والرعاع والجهلة وكنت القول دائما الشعب السوداني شعب كل حكومات ف اعذروهم علي حسب فهمهم

European Union [عبدالله] 03-02-2014 12:03 PM
نعم بسطاء وضعاف تم استقلالهم بالشعارات الفضفاضة والمضللة


#929867 [الحازمي]
4.00/5 (1 صوت)

03-01-2014 07:53 PM
مليار تحية لك يا أستاذ شبونة
"كابوس" قرية في النيل الأزرق كبسها أبو كباس بتاع المؤتمر الوطني


ردود على الحازمي
European Union [ود سعيد] 03-01-2014 10:00 PM
التحية لك الحازمي.. هل تقصد يابوس في النيل الأزرق أم تشابهت علينا المناطق؟ الله يحفظ كابوس ويابوس.


#929808 [ساب البلد]
5.00/5 (5 صوت)

03-01-2014 06:33 PM
********* هع هع هع هعاااي ******* فعلا الموتمر الوطني كابوس ****** تسلم ايها السيف البتار ********


#929765 [منير سعد]
5.00/5 (1 صوت)

03-01-2014 05:27 PM
والحال كذلك. نستلهم معنى مقولة دكتورنا عبد الله الطيب- رحمه الله-. . . أخطأت كابوس حيث أصابت.


#929756 [رانيا]
5.00/5 (1 صوت)

03-01-2014 05:15 PM
فعلا هم يضحك وهم يبكي ..


#929742 [SESE]
5.00/5 (1 صوت)

03-01-2014 04:45 PM
صورة تشرف رئيس المؤتمر الوطني فهذا حال اتباعه بعد 25 سنة في الحكم. حتى الجبال اصبحت جرداء من الشجر واستكمال النهضة المذكور في اليافطة المقصود منه دخول هؤلاء البشر الى باطن التراب حتى تستكمل الصورة (لا شجر ولا بشر) والمؤتمر الوطني شعاره الشجرة....!


#929657 [ود كترينا]
5.00/5 (3 صوت)

03-01-2014 02:53 PM
***اللهم لطفك بعبادك المهمشين والمقهورين والجوعى والمظلومين والنازحين فى جبال التوبة وجنوب كردفان فى الكهوف والأحراش والمستنقعات وفى جنوب النيل الأزرق وفى صحارى دارفور ووديانها وخيرانها وجبالها وفى شرق السودان فى سهله وجبله وفى أقصى شماله وسهله...واللاجئين من السودانيين فى دول الجوار والمنافى فى لامبيدوزا وفى المحيط بين جنوب شرق ىسيا واستراليا
***اللهم ألطف بالمعتقلين والأسرى داخل سجون السودان ...اللهم فك أسرهم وانصرهم على من عاداهم وظلمهم واجعل العاقبة للمتقين من عبادك المظلومين
***ألا لعنة الله على الظالمين المتجبرين الفاسدين...اللهم أرنا فيهم يومك ووعيدك يارب العالمين وارحم شهداءنا وانزلهم منزل صدق عند مليك مقتدر...اللهم بيض وحوهم وسود وجوه من ظلمهم يوم تبيض وجوه وتسود وجوه...آمين


#929615 [المغتربة بت عد الغنم]
5.00/5 (2 صوت)

03-01-2014 02:18 PM
اهلى الطيبين فى عد الغنم
اكتبو يافطة قماش زى دى وقولو فيها المؤتمر الوطنى عد الغنم
وانا برسل ليكم قروش الخطاط بس ارسلها بى ياتو بنك ماخلاص بنوك السعودية سكر سكر كلو سكر


ردود على المغتربة بت عد الغنم
[رانيا] 03-01-2014 05:17 PM
يا حبيبتي شكلك ما عندك الأخبار .. حسه الإسم إتطور وأصبح (حضاري) .. بقى عد الفرسان !!

United States [كركاب] 03-01-2014 04:04 PM
ههههههههه
انتى فى كلام ميه ميه


#929609 [جركان فاضى]
4.50/5 (3 صوت)

03-01-2014 02:15 PM
المؤتمر الوطنى الغدار...المؤتمر الوطنى حريقة...المؤتمر الوطنى كرتوب...وهكذا دواليك


#929606 [radona]
4.50/5 (2 صوت)

03-01-2014 02:14 PM
لو اردت الضحك فان هنالك مايجعلك تنفجر من الضحك عبر كوميديا حقيقية مثلا :
بعد ان قام العدو الامريكي بقصف مصنع الشفاء للادوية خرج موظفي الدولة وتم حشدهم في مسيرات بطول البلاد وعرضها والكل يتسابق في اطلاق صوته عاليا في شتم امريكا والبعض كتب لافتات قماش ولكن كان اطرفها ما قامت به قريه فطيس بالجزيرة حيث علقت لافتة قماش في مقدمة دفار كتب عليها : فطيس تحذر امريكيا للمرة الاخيرة ... ياترى ماذا لو قامت امريكيا بقصف مصنع اخر ماذا ستفعل فطيس هل تعلق لافتة جديدة .. فطيس تحذر امريكيا للمرة جدا .. ام ماذا ؟ وماذا لو اخذ الامريكان تحذير فطيس بمحمل الجد وقرروا قصفها ماذا سيجدون غير 7 قطاطي وترعة مكسورة تصيب اهلها بالملاريا والدوسنتاريا ..
هناك شعار .. امريكيا وروسيا قد دنا عذابها .. لا ادري من صمم هذا الشعار وماذا يقصد به تحديدا هل مثلا كان يامل في اعادة عصر الفتوحات الاسلامية وعبور البحار والمحيطات لاحتلال امريكيا وروسيا وادخالهما الاسلام ام اجبارهم على دفع الجزية وهم صاغرون
هنالك شعار .. هي لله لا للجاه ولا السلطة .. وقد ثبت ان هذا الشعار هو عبارة عن فهلوة ولعبة ثلاثة ورقات فقد اعترفوا بالتمكين والفساد وتجنيب المال العام وطباعة علامة الصلاة ببعر الجمال بسوق ليبيا على جباههم فلو افترضنا ان الثورة القادمة رفعت شعار التطهير واجب وطني ولو حلق هؤلاء الدقون والشوارب وارتدوا البرمودة ماذا سيفعلون بعلامات الصلاة التي طبعوها فوق جباههم هل تنفع عمليات التجميل في هذه الحالة قطعا لا لانها ستترك اثرا مهما يكن من الامر لن تستطيع اعادة خلق الله الاول وفي هذا محك كبير لهؤلاء على ايتها حال
اضحك او ابكي او الاثنين معا كيفما تريد هذه يمكن وتلك ممكنة ايضا


ردود على radona
European Union [خالد حسن] 03-02-2014 08:22 AM
ضحكتني لاني اذكرته برضو ايام قصف مصنع الشفا
كان في اهالي قرية كتبوا شعار فيه ( اهالي قرية ام صفق عراض تحذر امريكا)
ماتعرف تضحك ولاتبكي علي جهل هؤلاء؟
احيانا تقول ديل بجم ساكت واحيانا تقول عليهم مساكين مغيبين وماواعيين
لكن باقي ليك بلد فيها بجم زي ديل ممكن تمشي بدون ثوره حقيقيه لفرض الوعي عنوة عليهم

United States [كوز كنافه] 03-02-2014 07:48 AM
كاب الدجاج تحذر امريكا

United States [ود فارس] 03-01-2014 04:30 PM
دقيس حقتنا ده
علشان كده امريكا اخذت التحذير عن جد و ما عملتها تاني


#929581 [الصليحابي]
5.00/5 (1 صوت)

03-01-2014 01:52 PM
لو تلاحظوا ، يافطة القماش النظيفة البيضاء جاءت جاهزة ومكتوبة بخط جميل ، يعني كتبها خطاط في مدينة ودفعوا قروشها ناس المؤتمر الموطني ، أما اليافطة المجارة أو الوسطى فهي قد تبرع بها أهل القرية المساكين الفقراء والدليل إنها خيشة قديمة من جوال سكر كنانة ، ثم لاحظوا الفرق في الخط ، أقول لإخوان الشياطين تجار الدين يا نس المؤتمر الوطني ( اخجلوا واستحوا من استغفال البسطاء ، الله لا كسبكم يا كذابين يا منافقين ، أهل كابوس ديل بتقتلو فيهم صباحا ومساء وتقصفوهم بطائرات السوخي ، وتكتبوا معا لاستكمال النهضة ) حرام والله حرام عليكم ، وربنا فضحكم لأن اسم القرية جاءت متوافقة مع معنى اسم المؤتمر الوطني ... المؤتمر الوطني كابوس .. فهو بحق كابوس جاثم على صور الشعب السوداني المغلوب عاى أمره..


#929563 [محمد علي]
4.50/5 (3 صوت)

03-01-2014 01:34 PM
الغريبه يا شبونه اكثر من يصوتون له حتى في الانتخابات هم من يتلقون النابل --------------- عليكم بتوعية الناس قبل الثوره


ردود على محمد علي
United States [صلاح إبراهيم] 03-04-2014 12:11 AM
سلم الوطن وسلمت يامحمد علي.. ده الكلام الصحيح. التوعية ثم التوعية قبل كل شيء.


#929560 [جنوبي]
4.00/5 (2 صوت)

03-01-2014 01:33 PM
مرات الخطأ بكون صواب !!
بس اصدق تعبيرين في الصورة دي هي اللافتة المكتوبة والشجرة الجرداء أعلي التل !!


#929553 [الكباشى ود العوض]
4.00/5 (2 صوت)

03-01-2014 01:27 PM
ارفع طاقيتى لاهلى فى كابوس ووالله انهم قصدوا ذلك ولكن بشكل ذكى احى من كتب هذه اليافطة الرائعة والتى قلبت المشهد الى تناقضات مضحكة ، "كابوس " ، "استكمال النهضة " ! واى نهضة يتحدث عنها المؤتمر الوطنى فى اقليم تخرج اليه عشرات الطلعات الجوية يوميا لدك قرى الامنيين وتقطيع اوصالهم
احييكم مرة اخرى يا اهل كابوس


ردود على الكباشى ود العوض
United States [عبدالرازق] 03-02-2014 02:12 PM
من الذي كتب هذه الجملة مجرد سؤال ؟


#929543 [بِسمان]
4.63/5 (4 صوت)

03-01-2014 01:19 PM
- اليافطة أم زييق الدمورية -

- الجابرية تحيّي السلطة -

كان ضحوية ...وكُنَا نسنِّد في المحروت
وفجأة يهّوي مَكبر صوت
قال : الريس مار بي فوقنا
من شغلتنا قلعنا عِروقنا
فكَينالُو حبل وآسوقنا
وإنماسكنا يطمّن روقنا
قمنا جميع الحلي مَرقنا ...
البيشوفنا.. يقول وآآ شوقنا
كان ضحوية ... وكانت عين شمس الله قوية
وكان الريس في عَربية ...
واقف طولو.. تحت شمسية
هللّنّالو ... هلّجنّالو ...لوّحنّالو بالطورية
فرَّ عبايتو.. وهزَّ عصايتو ...
وهزوا بنادقن الضابطية
صفقنالن.. صفقة قوية
زغردنالن ... يويا أيويا
هدّن عندنا خمسة دقائق
قدمنالو كتاب الله ...درقة وسيف ... تبروقة هدية
.. قـُـفّة تمودة .. وفاس دهبية
وكنا قبُل بيّتنَا النية ...
بين بتين علّينا اليافطة ...
اليافطة أم زيق الدمورية
وانعبينا هتافاً واحد :-
الجابرية تحيّي الثورة ...
دايرين بوسطة ومدرسة وسطى
الشفخانة وسوق منضبطة
قام الريس.. روّح باسم
وقام خاطبنا بنهج الثورة الصارم وحازم
أمّن.. لازم من شفخانة ومدرسة وسطي
والتعمير بالعون الذاتي
إلا البوسطة .. دي ينظر فيها
أما السوق ... السوق منضبطة
للتُجَار الأسعار واضحة
وللمستهلك باينة وواضحة ...
جاملتوهن تبقى الغلطة
وإنكفّينا
رفعنا إيدينا ...هزيناهن بالتأييد:
لا تفريط في قوت الشعب ...
سحقاً سحقاً للرجعية
الجابرية ضراع الثورة ...
بالإنتاج حنبني بلدنا
كانوا في جيهة .. وإحنا في جيهة
هن ينهبّبّوا بالكابات ...
وما همّانا الصيف وعَرقَنا
فات الريس وإنفّرقنا
إنفرتقنا على الجابرية
كنا ببنضم وما صدّقّنا
بالجابرية تجيها البوسطة
الشفخانة ومدرسة وسطى
قلنا يا ريت لو وصلوا فطور
وإنحزّمنا ضبحنا التور
كُنا أقلا ضِمّننِا النور
أو يا ريت لو زدنا الصفقة ..
وعاش ويسقط ويويا أيييويا
كُنا أقلا ضِمنا الموية
كنا بننضم بي إيدينا ...
دا أحسن ريس مَّرّْ علينا
ومن الله خَلقنا وشفنا خِلقنا ...
دا أول ريس زاتو يجينا
وكونو يجينا
يقنّب بينا...
يشوف البينا .... كفاية علينا
آ الجابرية يجوكي الحُكَما
آ الجابرية تواصلي البرة
آ الجابرية ولادِك تقرا
نمشي الليلة نصاقر الرادي
نمشي الليلة نحضر النشرة
وكنا نرجِِّع في كلماتو
إلا في ستة من الجابرية ...
قالوا .. تعبكم خارم بارم
يذهب حاكم خلف الحاكم
والجابرية تظل في حالها ...
حِلّة حياتا تسُر الظالم
صُدفة تموت وتحَيا اطفالا
لا جلكوز لا تقرا رسالة
ولا .. راح يطلع منها عالم
ما بينصفكم إلا ضراعكم
عّبّوا ضراعكم يا رجّالة
وخَلّوا بصركم دغري وسالم
حُكم العسكر ما بينشكر
كلو درادر ... كلو مظالم
وما هو قدركن تَحيو همالة
مقصودين والقاصد فاهم
وقاطعناهن ...
حاربناهن..
تميناها البينا شتائم
حالتُن أحسن ناس في الحلة
إيدا نزيهة ... عقولا نبيهة
قلنا بَعرفوا ... وقلنا فواهم
يطلعوا فالصو.. وقٌطّاع رحَمة
عينة شماتة وخارم بارم
وإحنا القُصّر واثقين فيها
وقطّعناها معاهم جملة .. وقاطعناهم
صاروا في جيهة ... ونحن في جيهة
ومر اليوم ... الشهر ... الحول
والجابرية بلد في حالا
قواسي شيوخا ... مآسي أطفالا
عذابات ناسا
من القُرّاصة ولي قَرّاصا ...
... حلة تعافر ومقطوع راسا
عشرين كيلو من الجابرية ...
صِبية تساسق بي كراسا
آ الجابرية عذابك فينا ...
لاكي القرية.. ولاكي مدينة
وفد في وفد يقوم ويجينا
... دايرة دراسة وإجراءات
عون أمريكي وقرض ألماني وحاحاءات
وحد ما نشوفلنا مسعولين ...
مسعولين أو خواجات
نجري نلم قدحاتنا عليها ....
ترطن ترجع زي ما جات
الشفخانة وعايزة دراسة ...
مدرسة وسطى وإجراءات
ولما المطوحة طالت بينا
إنذكرنا العون الذاتي
إنحزمنا وقلنا برانا ... نبني نقوًم للشفخانة
طوبة في طوبة وقوّمناها
ويوما التمت .. جات السلطة ...
عربي وعجمي ومرة رطانة
الشفخانة دا ماهو بكانا
وهاك يا تلتلة هاك يا ورطة
وغصباً عنك يا الجابرية ...
وغصباً عنك يا أحوالا
وحُميّاتا وموت أطفالا
وحُمرة عينكن يا رجّالة
قوة انشكت بين النقطة
وفي الجابرية تحوم الشرطة
هووا كلاب الحلة وصنوا
ومن يوم داك ما شفنا السِتًة
................
وفد الحلة السافر جانا ...
قال إنأكد شاف الخرطة
ونحن بدل نبني الشفخانة ...
إنسرعنا بنينا النقطة
الشفخانة دا ماهو بكانا ...
وكانت غلطة انقلبت ورطة
إنفاهمتو مع المسعول ؟؟ ؟؟؟
إنفاهمنا مع المسعول
وقال حا يقوم للشفخانة
أو يدفعلنا حق اطيانا
مع إنو النقطة وكت بُنيانا ...
قوَمتوها بلا زنزانة
وفي تقديرنا كلام معقول
كونو يقوَم لي الشفخانة
حاجة تضحك
محرقة هانة
إنتو تقيفوا مع المسعول
وألا الكنتو تقيفوا معانا؟
قلنا:-
خفنا نفقِد الجاي ...
خفنا نفشّل باقي الخطة
هو فضل جاي ؟ ... هي فضلت خطة؟
وانفرتقنا على الجابرية ....
وانعلقنا
تجينا البوسطة ومدرسة وسطى
والشفخانة قصاد النقطة
تجينا ... تجينا ... وما أنيقننا
ناس إنولدو ... وواحدين ماتوا
لما الريّس ودوشتو فاتوا
وبعد خراج أرواح وعذاب
فاتوا العسكر وجو الأحزاب ...
ونفس الوجع اتجدد تاني
ونفس الحلم الراح تحتاني
حتلناهو ... جمعنا رفاتو
نفس اليافطة في نفس الحتة :
الجابرية تحيي الشعب
دايرين بوسطة ومدرسة وسطى
والشفخانة بديل النقطة
فينا انكلم شيخ الحلة
صنقع ...دنقر ... صلي وسلم
وكانوا كلاب الحلة يهووا
وقال كلمتنا تكون فد واحدي ...
شان ننقوى وما ننزلا
شان مشهادنا وعدل الحلة
نحن نفوّز شيخ البلة
وزاد هوهيو ... كلوب الحلة
وبعضنا عارض ... رده وفاوض
شيخ الحلة القام حمسنا ...
بلة الحمش الزول ما دلة
أول فاهم.. وقبلو ولدنا ...
وراح يحكملنا بشرع الله
هو .. هو ... هووا كلابنا
لما أستغرب شيخ الحلة
وإنفرقنا على الجابرية
إنفرقنا ويوم الليلة انجمعنا عموم الحلة
شيخ الحلة قرأ القرآن ...
صنو كلاب الحلة وهووا
وبلة إنقدم سمَّي وصلَّى ...
صنو شوية ... وهو هو هووا
قام وإنكلم ... عن ينكلم كان ينقسم
النسوان الجاي تتهامز
الصبيان الجاي تنغامز
وكان ينبسم ... وكانو كلاب الحلة يهووا
شكَّر وشتَّم ... هو هو هووا
حلَّل وحرَّم ... هو هو هووا
هوَّد وسابنا ... وفات ودانا الآخرة وجابنا
قاطعناهو وصوتو إنوطَّا
أصلاً واطي وتاني إنوطَّا
دايرن بوسطة ومدرسة وسطى ...
والشفخانة بديل النقطة
التموين وزيادة الحصة ....
كهربة موية وسوق منضبطة
بلة انبرع وقال ببنيهن ...
هو هو هووا كلابنا
واستغربنا قبل بالمرة
لامن نهتف ترسى كلابنا
لامن ينضم بلة يهووا
بلة انحمس وقال بسقينا ...
وبي إذن الله يضوى الحلة
هتف الشيخ وهتفنا وراهو :
لا تبديل لشرع الله .... هو هو هو
لا ولاء لغير الله ...... طاء طاء طاء
عاش الفارس أمل الحلة
بلة الطاهر علي حسب الله
عاش الفارس أمل الحلة
بلة الطاهر علي حسب الله
.....
بلة الطاهر علي حسب الله
كبَّر فينا وقام إندلي ...
ولسة كلاب الحلة يهووا ...
وزاد هوهيون كبشاً ضاع
من مرحاتو وصاقع باع
بلة الطاهر علي بلاّع
.........
بلة الطاهر علي بلاّع
كانت أول مرة نشوفو ...
يومنا الشفنا اللاندكروزر
اللونا مخطَط
والبنوت الراسا مرَبط ....
التنبوبر
لوري مكوَّش أقمشة ..سكر ...
حتى الفوفو ... وعتل تؤجر
وأمحي المنكر بي معروفو
بلة الطاهر علي بلاع ...
أكرمناهو .... أكرمن ضيوفو
يشبه مرت الشيخ في وشيهو ...
لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برانا نغيير قولنا
إلا كبار الحلة بقولوا ...
بلة دا هولنا
بلة دا أصلا من ها الحِلة
إلا أنربى وقرأ في الخارج
رافق جدو الفتح التركي
وسيرتو انقطعت في المهدية
وررَرَة سمعنا أستوطن برة ...
وقام إنزوج من مصرية
جابت علي ... علي جاب الطاهر
حتى الطاهر خلَّف بلة
جدو انشيطن أخير ما لانا
بلة أنسركن وبقي مولانا وجاء وبرانا
أقرب واحد لي حاج بلة ....
أقرب واحد شيخ الحلة
بلة الطاهر علي حسب الله
أول مرة يصلي معانا ...قدمناهو وقم أمَّانا
صوتو مرخرخ لامن يقرأ
يقرأ ويقطع .. زي البطرا
لامن يركع جسمو متختخ
عند السجدة سجودو ممخمخ
شيخ الحلة بقول عن امرو
زول غرقان في الدين من عمرو
ستة سنين .. قابض في جمرو
وما فكاهو طريق الله ...
صوتو وِدِر من كترة ذكرو
وجسمو التختخو.. شدَة صبرو
قلنا حقيقة الزول بي عذرو
وفتنا قناعة.. ومااااانا قناعة
إلا الستة.. الصاروا جماعة
قالوا .. دا زول تربايته مياعة
ما يشبهنا ورفعو وضاعة
زول زول دنيا ودنيا صياعة
قصة دينو ودقنو بضاعة
وإحنا أصواتنا ... يا إما مباعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ... ومدرسة وسطى
والشفخانة وموية ونور
كونو يجيبا دا ما منظور
وزيادة الحصة ... الزول زول سوق
زول من جدو يلف ويدور
ويا الجابرية دا مطلب عادل ...
كونو تطيبي ... تكاتبي وتقري
ضوك يشلع ... دشك يرشع
ونحن دفعنا ضرايب بدري
ولسه بندفع ... لسع ... لسع
بس يا جماعة ... إن قضينا حياتنا تباعة
وصنيت رادي ... وقول في الفاضي
خوفنا نقوم ما نلقى أراضي
ونحن أساسنا وراسنا زراعة
والجابرية إن دايرة شفاعا
ما بيشفعلها إلا ضُراعا
عبو ضراعكن يا رجَالا ...
وخلو بصركم دغري وسالم
عبو ضراعكن آ رجالا ...
شيخ الحلة أضلَّ وضلَّ
وأسألوا بُرَّة وحاجة السُرَّة
عن التيبان وحكاية الصُّرة
شن لمه بلة وشيخ الحِلة مع شرع الله
والناس ديل العارضين برة
جربناهن كمين مرة
وتاني نجرب شان ننضرَّ؟!
ويا الجابرية معاكي سلامة ...
كان الفوقك ما فات مرة
كان كلماتن ناشف ريقا ... كانت مرة
إلا حقيقة ... وغلبنا نطيقا ...
وين في الصُرمة ... وقِل القدرة
وسكتناهن بس ما صنو
وقاطعناهن تاني المرة
وما من واحد فيهن ترَا

وبلة
كان هو طريق الناس وخيارا
فوزناهو.. وجانا زيارة
كرمنالو التور وعرضنا ...
وخليناهم برة الدارة
دايرن بوسطة ومدرسة وسطى ...
موية وكهربا والشفخانة ...
زيادة الحصة وسوق منضبطة
وصدو كلاب الحلة يهووا ...
ينضم بلة يهووا معاهو
نهتف نحن يزيد هوهيوا
مافي شهر جاتنا الخرسانة ...
جانا السيخ ... الطوب ... الرملة ...
جا الأسمنت شكارة شكارة
عديناهن ألف شكارة
وكرمنالن خيرا جانا
وكل كلاب الحلة الهوَّن ...
طفشناهن بالجبخانة
وفي صنانا تدودي الزانة
إنغالطنا كتير في بعضنا ...
أولى المدرسة واللا البوسطة ؟
أولى المدرسة
والشفخانة ؟؟؟؟
الشفخانة محل النقطة
ونان النقطة؟؟؟؟؟..
.نحن أهالي ... وودنا صافي
بيننا معزَّّة جرائم مافي ...
وما بنحتاج لي شرطة ونقطة
تحصل عِلة في شيخ الحلة
ونان النقطة؟؟؟؟
نحن الإيدنا بنت للنقطة ...
والجيَرنا زبالة أطيانا
ناس السلطة إن دارو النقطة ...
يمشوا بكان أرض الشفخانة
وما طالبانا خلاف زنزانة
مدرسة بوسطة ... مدرسة بوسطة
ستين طلبة وعشرين أوسطى
شغالين ما ملَو سخانة
مدرسة بوسطة ...
وقلنا غُنانا:-
يا الجابرية الله أدّانا...
حاج البلة المبروك جانا
جاب المدرسة جاب البوسطة
وبكرة يرجّع للشفخانة
نصحى نصابح موية الدُّش
نمسي نلاقي الضوْ عمّانا
مدرسة بوسطة ... مدرسة بوسطة
وتاوق ... وتاوق ... وتاوق ...اخ
وفجأة تبين تتضخ الخرطة
وكب تنتصب الميضنة ...أخ
أخ من حظك يا الجابرية
سابع جامع في الجابرية
سابع جامع وبالجبرية
وصدوا كلاب الحلة يهووا ...
أخ يا الناس الحالن قطَا
في البلدان الحظها فاجع
بق يا الصاح الماك متراجع
وحرِّق دبش الدنيا الغلطة
بق وانفرَق في الجابرية
بق في أرحامنا في شافع نافع
ترفعو أمو في حيطة الجامع
يكتب .. (يسقط دجل السلطة (
ويسقط بلة وشيخنا التابع
كشّفناك وكشفنا الخطة
تحيا كلابك يا الجابرية
ويحيا ضراع الزيتن طالع
والبيصارع مُر الواقع
تحيا ترابك والطورية
الجابرية تحيي الشارع
دايرين كهرباء
دايرين موية
دايرين سلطة وسوق منضبطة
دايرن هسة زيادة الحصة ..
الشفخانة بديل النقطة
دايرين بوسطة ومدرسة وسطى
والله بنعبدوا في ايت حتة
دايرين بوسطة ومدرسة وسطى
والله بنعبدوا في ايت حتة


ردود على بِسمان
European Union [سوداني متابع] 03-01-2014 11:40 PM
ما شاء الله عليك يا بسمان .


#929538 [ودأبوريش]
3.50/5 (2 صوت)

03-01-2014 01:13 PM
هي عبرة لمن أراد الإعتبار ياأهل كابوس قدإستفاد من لافتكم هذه كل من له شئ في نفسه على المؤتمر الوطني يفسرالعبارة بالطريقة التي يريد ههههههههههههههههههههههههههههههه ضربتم عصفورين بحجر واحد.


#929522 [hafiz]
4.25/5 (4 صوت)

03-01-2014 12:56 PM
واناعلى مشارف المقال استرجع نظرى فى خطفات سريعة الى الصورة ثم اعود إلى المقال لأجد مقارنة فقط بين اللوحة وشعار الشجرة/ هل هؤلاء الأهالى منقسمين جزء مع الشجرة والجزء الآخر ضد الشجرة أم ماذا الأمر اللافتة واضحة بكل جلاء تنادى الشعب لإستكامل النهضة التى اوقف عجلتها الكابوس اقصد المؤتمر الوطنى كما جاء على اللافته وانا بين هذه الإستدراكات مابين الصورة والمقال إلى ان انجلت لى الحقيقة ، الحقيقة أن اهالى كابوس لا يرفعون هذه اللافته بإرادتهم ولو سألتهم منْ هو المؤتمر الوطنى لقالوا لك هو السودان ، ما لهؤلاء الناس لا يكادون يفقهون حديثا .. ولكن هو الحزن بعينه


#929510 [ابومحمد]
4.25/5 (4 صوت)

03-01-2014 12:46 PM
اليافطه دى أكيد عملها واحد مسطوووول لكن جات فى محلها والله ,, هههههههههه


#929466 [المغترب والمشترق كمان]
5.00/5 (1 صوت)

03-01-2014 12:05 PM
على بالطلاق كان ما شرحك ده أنا ظنيت أنو المؤتمر الوطني هو الكابوس لا الحلة المسكينة. بس إحترت من شبه الجملة"معا لإستكمال النهضة" ومن نضافة الدلقان وجمال الخط . بخت الخطاط العندو دكان ناصية في سوق أمدرمان. نقسم معاك؟


ردود على المغترب والمشترق كمان
[الصليحابي] 03-01-2014 01:53 PM
لو تلاحظوا ، يافطة القماش النظيفة البيضاء جاءت جاهزة ومكتوبة بخط جميل ، يعني كتبها خطاط في مدينة ودفعوا قروشها ناس المؤتمر الموطني ، أما اليافطة المجارة أو الوسطى فهي قد تبرع بها أهل القرية المساكين الفقراء والدليل إنها خيشة قديمة من جوال سكر كنانة ، ثم لاحظوا الفرق في الخط ، أقول لإخوان الشياطين تجار الدين يا نس المؤتمر الوطني ( اخجلوا واستحوا من استغفال البسطاء ، الله لا كسبكم يا كذابين يا منافقين ، أهل كابوس ديل بتقتلو فيهم صباحا ومساء وتقصفوهم بطائرات السوخي ، وتكتبوا معا لاستكمال النهضة ) حرام والله حرام عليكم ، وربنا فضحكم لأن اسم القرية جاءت متوافقة مع معنى اسم المؤتمر الوطني ... المؤتمر الوطني كابوس .. فهو بحق كابوس جاثم على صور الشعب السوداني المغلوب عاى أمره..


#929463 [EL MAHDI]
5.00/5 (2 صوت)

03-01-2014 11:58 AM
من الواضح أن من عمل اللافته رجل ذكي وانه كان يعني ذلك


#929459 [shah]
4.13/5 (4 صوت)

03-01-2014 11:55 AM
جعل الله أحلامكم سعيدة يا أهل كابوس.


#929458 [بت قضيم]
5.00/5 (1 صوت)

03-01-2014 11:53 AM
وقد جعل كيدهم في نحرهم على يد هؤلاء البسطاء الذين لا يدرون ما يفعلون


#929447 [الميج]
5.00/5 (2 صوت)

03-01-2014 11:37 AM
ههههههههههههههههههههه
ههههههههههههههههههههه
ههههههههههههههههههههه
هي لله هي لله الله اكبر



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة