الأخبار
منوعات سودانية
حوار مع حرم السفير السوداني بالصين
حوار مع حرم السفير السوداني بالصين
حوار مع حرم السفير السوداني بالصين


02-01-2014 11:35 PM

حاورتها ببكين: أحلام الطيّب :

لقاء مع حرم سفير السودان بالصين السيدة أمل محمدين العبيد في منزل السفير عمر عيسى داخل مقر السفارة السودانية ببكين، حيث استقبلتنا حرمه السيدة أمل ببشاشة السودانيين التلقائية واحتفت بنا أيما احتفاء وقدمت لنا كل ما هو سوداني حيث تصدرت مائدتها قائمة الطعام السوداني بذات نكهتها بعد أن مللنا الأكل الموجود هنالك.. «آخر لحظة» التقت حرم السفير وقلبت معها وضع الملفات الخاصة والعامة وأجابت عليها بصراحة بالغة تخللها شرب الشاي السوداني بالنعناع.. فإلى مضابط الحوار:

٭ مدام مرحباً بكم؟

- أهلاً وسهلاً بصحيفة «آخر لحظة»، أنا أمل محمدين العبيد من كردفان منطقة أم دم حاج أحمد التي تقع بالقرب من زريبة الشيخ البرعي، جعلية من حجر الطير وأبي من الأعيان المعروفين ولد بكردفان وأمي شايقية، ولدت في كردفان من أسرة «الزاكي» حافظ الشيخ الزاكي المحامي المشهور، وزوجي السفير من كردفان أم روابة وأسرتي تقطن الآن في ضاحية الفتيحاب مدينة النخيل بأم درمان، لدي أربعة من الأبناء: أحمد الأكبر يبلغ من العمر(15) سنة، ثم أسامة (13) سنة وسارة (11) سنة ثم أنس آخر العنقود (9) سنوات.

٭ أهم ما يميز أمل؟

- أحرص على لبس الثوب السوداني خاصة في المناسبات الوطنية التي تتطلب لبسه، كما لدي علاقات حميمية جداً بزوجات سفراء المجموعة العربية، أما المجموعات الأوربية تجمعني بهن المناسبات وعلاقتي جيدة بحرم سفير دولة جنوب السودان ببكين.

٭ هل وجدتِ صعوبة في تعلم اللغة الصينية؟

- عندما قدمت لأول مرة للصين وجدت صعوبة في باديء الأمر خاصة سماعها لأول مرة صعب الفهم فقررت الالتحاق بمعاهد لتعليم اللغة الصينية من أجل التحدث وليس كدراسة، وأنا أتحدثها الآن بطلاقة، تخرجت في جامعة الخرطوم كلية الآداب قسم اللغة العربية وعلم نفس.

٭ كيف التقيت والسيد السفير عمر عيسى؟

- التقيته بعد تعيينه سفيراً للسودان لدى الصين.

٭ ما هي أهم الصعوبات أو التحديات التي تواجه زوجة السفير عموماً؟

- أولاً الغربة.. والغربة صعبة جداً خاصة لمن يكون قادماً من السودان لأول مرة، وعندما قدمنا لم تكن الأوضاع في الصين سهلة كما هي عليه الآن، كان التواصل عبر الاتصالات صعباً جداً مقارناً بالوضع الراهن، وأنا الآن أعرف أوضاع أهل البيت بسهولة كاملة كأنني موجودة معهم في البيت يومياً دون أية صعوبة، وأيضاً من الصعوبات التي واجهتنا فرق الزمن بين الخرطوم وبكين، وكما عرفتِ نحو (5) ساعات وكنت أترقب موعد اجتماع الأسرة كلها لنتكلم عبر التلفون، وكنا نذهب إلى البوسطة لنتمكن من إجراء مكالمة للاطمئنان على الأهل بالخرطوم أو الحصول على كرت شحن لتحقيق ذلك، أما الآن فقد أصبح الوضع أسهل عقب توفير شركة زين للاتصالات، فهي خدمة جيدة وسهلة تتمثل في أن تشحن كروتاً من السودان أو إرسال رصيد برقم زين، وأصبحنا الآن نعمل مسكول عشان ناس السودان يتصلوا بينا.. والحمد لله توجد هنا مجموعة كبيرة من الجالية السودانية، هنالك سودانيات عاملات بالسفارة بجانب الطلبة والعلاقة بينهم حميمية جداً والناس مع بعضهم البعض في الأفراح والأتراح.

٭ لكن زوجة السفير هي التي تحضن كافة أفراد الجالية؟

- طبعاً وأنا من أولوياتي أن أتفقد أفراد الجالية كلها وزيارة المرضى ولو حدث أن هناك شخصاً مريضاً يستلزم ذلك تسجيل زيارة له في المستشفى ثم نسأل عنه عبر التلفون وحتى لو كنا في السودان علاقاتنا مستمرة، والسودانيون علاقاتهم مترابطة ووثيقة جداً وما بقصروا مع بعضهم البعض، وتوجد جمعية لنساء السلك الدبلوماسي مقرها بوزارة الخارجية السودانية.

٭ هل تطبخين أكلاً سودانياً؟

- كل الأطباق السودانية خاصة القراصة بالتقلية والكسرة بالبامية حتى طريقة الشية السودانية وكمان السلطة وكافة الأكل السوداني متوفر في مطبخ السفير.

٭ متى تتـذكر أمل السودان؟

- السودان لا يغيب خالص عن ذاكرتنا لكن الواحد عندما يشتاق شديد للسودان ويسمع أخبار محزنة «بيبكي» والواحد يشتاق للأهل وعندما يسمع أن هناك مناسبات سعيدة ومهمة ينقلوها لنا حية.

٭ هل لديكم نشاط اجتماعي في الصين؟

- نحن أسسنا جمعية تحت مسمى «الجمعية الخيرية السودانية النسوية ببكين»، وأنا رئيس الجمعية وقد تمت تسمية الأدوار في كافة اللجان ومارست الجمعية نشاطها رغم أنها لم يتم تسجيلها رسمياً في السودان، وقامت بنشاط حول استقلال السودان والهدف خيري وتدعم الجانب الاجتماعي بالسودان سواء كان للأطفال أو المرضى باسم الجمعية، وسنشرع في النشاط فور التأسيس رسمياً إن شاء الله في بداية هذا العام سنبدأ فعلياً في النشاط.

٭ كلمة أخيرة؟

- لكل الأهل في السودان نحن مشتاقين ليكم كتير والحمد لله بسلام وأمان وموعدنا معاكم قريباً في الإجازة.

اخ لحظة


تعليقات 22 | إهداء 0 | زيارات 6320

التعليقات
#931138 [أبو مونتي.]
0.00/5 (0 صوت)

03-03-2014 12:48 AM
عليك ألله جيبي لي معاك عروس
صينيه مولوده في ماليزيا جدها سوداني
تكون رشيقه ماسمينه عمرها ثمانيه عشر سنه
بس ،،،بشرط الكلام ده،،،ماتسمعه أم مونتي لأنها
الأيام دي،،،بتتمرن ملاكمه .


#931071 [اقول ليك واقول ليكم]
0.00/5 (0 صوت)

03-02-2014 11:07 PM
صفاقة ووقاحة يعني شنو ماذا نستفيد من هذا القئ ي صحيفة خمج وشئ مقفرف ومخجل من المؤكد انكم تتقاتلون في التنقلات للخارج تتنظرون الكشف بفارق الصبر زوجك كان طالبا بالصين وعمل سكرتير ثالث الي ان بلغ مرحلة سفير ورثة السفير السابق ميرغني محمد صالح هل يعقل ذلك يا قاطني الراكوبة لو عاوزه المزيد ممكن اكشف لكن غالبية زوجات السفراء والدبلوماسيون يديرون السفير والسفارة علي حسب معلوماتي الدقيقة واللصيقة زوجات السفراء الواحده فيهن تتسوق في ابعد مكان وليس الاقرب لو عاوزه ليها دجاج مثلا تمشي سوق ليبيا وهي تسكن مايو ولا السلمة من اجل تظهر نفسها راكبة عربة السفارة ي جماعة انا ادعوا اي حكومة قادمة تمنع عوائل موظفي السفارات السفر مع الزوج جواز واحد لعضو البعثة دبلوماسي فقط تتخيلوا السفير لو اتنقل لسفارة يكلفل الدولة تذاكر سفر بدل وزن عفش بالملايين وتجده مسافر بشنطة هاند باك غير الامتيازات هناك قروشنا ضائعة لو كان مثل هذا القرف يعكس افكار وتوجهات السفراء وعوائلهم مافيش فائده بلد لا فيها رئيس ولا وزير يسال ويحاسب


#931056 [سودانى أصييييييييييل]
0.00/5 (0 صوت)

03-02-2014 10:44 PM
قال (ص) : أطلبوا العلم ولو فى الصين......بس فى زمنا البمشى ببقى جهوى ومكمن محسوبية وعقليتو تبقى جهوية بحتة ؟؟؟؟؟؟؟؟؟؟ دا كلام شنو؟ بس قولى لى يا أمولة!!!


#930962 [الأبراهيمي]
0.00/5 (0 صوت)

03-02-2014 08:04 PM
المناضلة الجسورة فاطمة احمد ابراهيم تفكر في إيواء أطفال الشوارع المشردين ..

وإجابة زوجة السفير في هذا اللقاء :
هل تطبخين أكلاً سودانياً؟

- كل الأطباق السودانية خاصة القراصة بالتقلية والكسرة بالبامية حتى طريقة الشية السودانية وكمان السلطة وكافة الأكل السوداني متوفر في مطبخ السفير.


#930884 [kokab]
0.00/5 (0 صوت)

03-02-2014 06:13 PM
قالت ابوها جعلي وامها شايقية يعني شنو في المفهوم الجديد للوطن ؟؟ انشري يا راكوبة غسيل القبلية التى باعت الوطن وهجرت ظلال الراكوبة وفضلت العيش في ابراج ماليزيا واندونيسيا .


#930838 [ياسر نورى]
3.00/5 (2 صوت)

03-02-2014 05:42 PM
اتزوجها بعد ما بقى سفير السودان فى الصين وولدو البيكر عمرو 15 سنة؟يعنى دا سفيرنا فى الصين قبل بناء سور الصين العظيم ولا كيف؟


#930792 [ود النور]
0.00/5 (0 صوت)

03-02-2014 05:03 PM
انتي و السفير بتمثلوا السودان سيبينا من جعلي و جن احمر انتو بلغتكم دي فاشلين


#930790 [kafoury]
0.00/5 (0 صوت)

03-02-2014 05:03 PM
معظم الراسماليين الجيل الاول والثاني كونوا ثرواتهم من المناطق المهمشة في السودان في دارفور وكردفان والنيل الازرق ومن بعد ان راكموا الثروات تارة باسم الدين باعتبارهم من الشرفاء من آل البيت ولعبوا دور الشيوخ وتارةباسم التجارة الاحتكارية [المحتكر ملعون والمدير مرزوق ] والمضاربة وفي الاخير تنكروا للمناطق المذكورة ولاهاليهم وليس هناك من رق قلبه بثرواته الطائلة ان يبني مدرسة او شفخانة او بناء جسر لفك العزلة في تلك المناطق التى تسمى بالمقفولة ...بمعنى يغتربون داخل السودان ويستغلون سذاجة الآخرين ..الى ان جاء الانقاذ وزعت الفتنة باسم القبلية ليقتل الكل وينهب الناس وكل الناس ويجسم على صدر السودان الممزق ويحمي مصالحها الشخصية لان مفهوم الوطن عندهؤلاء هو بان الكل في السودان رعاع في خدمة الاسياد الوافدين من الجزيرة العربية والسودان عبارة عن ضيعة... و بهذا المفهوم انعدمت التنمية وتدنى مستوى التعليم والصحة لانهم يعلمون اولادهم في المعاهد والجامعات الغربية ويتعالجون في ارقى المشافي الاروبية فشقوا الطرق من ابراجهم المشيدة الى المطار وتركوا المواطنين يموتون في الطرق الغير معبدة بحوادث سير مروعة عندما يفكرون ان يوصلوا ارحامهم في ربوع السودان الفسيح الخالية من التنمية والنموء وفي احيان اخرى يتعرضون الى النهب المسلح لان الحكومة حريصة على حماية من ينتمي اليهم وليس من ينتمي الى الوطن ؟؟؟؟؟


#930685 [Elssamani]
0.00/5 (0 صوت)

03-02-2014 03:26 PM
رغم اعجابي اضيف لوماً لعدم تعريفك لقبيلة السيد عمر عيسي ولانه من دار حامد وتعز علينا تلك القبلة اكثر من غيرها ...


ردود على Elssamani
United States [سمير أسطافنوس] 03-02-2014 04:52 PM
أبوي من وين وخالى من وين وعمي من وين

ده كلام شنو يا ناس

وإنت هوووووووي يا بتاع دار حامد قوووووووووم لف بلا زفت بلا حامد بلا عبدالله بلا خراء معاك .


دار حامد مش إنت أهل سيء الصيت والسمعة الطيب سيخة ! يلا لمو خراكم و أمشوا بعيييد .


#930622 [بيكانتو]
5.00/5 (2 صوت)

03-02-2014 02:26 PM
لقاء مع ( حرم سفير السودان بالصين السيدة أمل محمدين العبيد في منزل السفير عمر عيسى ) ليه ما مشيتوا ليها فى بيتها


#930289 [مشاري الضاري]
5.00/5 (1 صوت)

03-02-2014 12:54 PM
أم دم حاج أحمد التي تقع بالقرب من ((*زريبة الشيخ البرعي، *)) ((*جعلية *))من حجر الطير وأبي من ((الأعيان المعروفين ))ولد بكردفان وأمي ((شايقية))، ولدت في كردفان من أسرة «الزاكي» ((حافظ الشيخ الزاكي المحامي المشهور))،


لا تعليق




٭ كيف التقيت والسيد السفير عمر عيسى؟

- التقيته بعد تعيينه سفيراً للسودان لدى الصين.

لدي أربعة من الأبناء: أحمد الأكبر يبلغ من العمر(15) سنة، ثم أسامة (13) سنة وسارة (11) سنة ثم أنس آخر العنقود (9) سنوات.

علي حسب معرفتي المؤكدة تم تعيين هذا السفير قبل عام واكبر اولادهم( 15و13و11) بعد كل سنتين تضع شبلان وشبلة هل كان زواجكم عرفي


ردود على مشاري الضاري
European Union [احمد] 03-02-2014 11:17 PM
حسب علمي السفير كان طالب في الصين وتم تعينه في السفار ايام السفير علي يوسف ثم اصبح مدير المركز التجار ايام السفير مرغني (لواء في جهاز الامن) والان هو السفير السفير ع.ع لم يعمل في الخارجي ولا يوم واحد من تعين محلي ل سفير


#930286 [توتال]
0.00/5 (0 صوت)

03-02-2014 12:53 PM
حقيقة الكردافة ديل طيبين شديييد وانا عاشرتهم كثير وناس صادقين صراحة وناس شهامة ونخوة قل ما تجد فيهم زول بخيل او جبان وهذة للاماااانة


#930275 [كركدي وما عرفت ليه]
5.00/5 (1 صوت)

03-02-2014 12:48 PM
قلترلي من ام دم حاج احمد، طيب ابو اللول ببقي ليكم معناها والله كان كده صاحبي دا طلع مرطب


#930246 [خضر حبيب الله]
0.00/5 (0 صوت)

03-02-2014 12:28 PM
سلام يا عمر والاولاد على اللقاء الجميل و ربنا يرد غربتكم و غربتنا ونلتقى فى ساعه خير.

أخوك خضر حبيب الله بشاره - الولايات المتحده


#930485 [تاج السر]
0.00/5 (0 صوت)

03-02-2014 12:17 PM
ناس ام دم ديل كلهم اسكافيين يعني شغالين نقالة الاحذية القديمة منتشرين في كل انحاء السودان


#930401 [Kabashi]
0.00/5 (0 صوت)

03-02-2014 11:08 AM
Shakia/Galia I was born in Kordofan? that is racism methods. thank Dar-Hamid for protecting her from Boko-Haram...according to the Deoxyribonucleic-Acie ......////She isF-2


#930226 [شكبزور]
5.00/5 (2 صوت)

03-02-2014 08:59 AM
وهو لاصق في كرسي السفاره قبل مايتزوج ؟ وولدو الكبير عمرو 15 سنه !!!!


#930209 [الغاضبة]
5.00/5 (2 صوت)

03-02-2014 08:46 AM
آخر لحظة ماذا يستفيد القارئ من مثل هذه الحورات السمجة والكلام الفارغ...!!!


#930194 [الغاضبة]
0.00/5 (0 صوت)

03-02-2014 08:33 AM
يعني هسع يا أخر لحظة نحن نستفيد شنو من الكلام الفارع دا......!!!!!!


#930170 [الحزين]
5.00/5 (4 صوت)

03-02-2014 08:15 AM
ان تقوم صحيفة ما باجراء حوار مع هذه المرأة ، وهي زوجة موظف حكومي حالها حال الآف في بلادي فهذا امر غير مفهوم ، لكنه اصح معتادا (وبعض الصحفيين ينشر لأسباب معروفة لاصلة لها بالمهنية والاحتراف).... ومن شكل الصورة والقعدة في الكرسي وفشخرة الجوال والدهب والحوار الفاضي وعديم االفائدة والمكرور فأن الامر لا يتجاوز ونسة نسوان صحاب
اما ان يأتي هذا الحوار في الراكوبة فهذا هو غير المفهوم، والسيدة حرم السفير أخذت اكثر من حقها بكثييييييييييييييير دون داع


#930157 [ابراهيم قرية ودرزوق المغاربة]
5.00/5 (3 صوت)

03-02-2014 07:47 AM
في زمتك ماشفتي الصينيات ديل رشيقات كيف



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة