الأخبار
منوعات سودانية
ينتظر تصويت الشعب السوداني مساء اليوم...نايل.. حكاية (الأسمر) الذي خطف (قلب) شيرين!
ينتظر تصويت الشعب السوداني مساء اليوم...نايل.. حكاية (الأسمر) الذي خطف (قلب) شيرين!
ينتظر تصويت الشعب السوداني مساء اليوم...نايل.. حكاية (الأسمر) الذي خطف (قلب) شيرين!
نايل وشيرين


03-01-2014 06:20 PM

الخرطوم : أحمد دندش
إطلالته الأولى على مسرح برنامج المواهب الاشهر في الوطن العربي (ذا فويس) كانت إطلالة ذات بعد خاص، ووجدت بالمقابل هوىً خالصا كذلك في قلوب كل السودانيين الذين تناقلوا خبر مشاركته في البرنامج بشيء من الاهتمام المتعاظم، خصوصاً والفتى الاسمر النحيل يعلنها بكل صدق: (اتيت للمشاركة لرفع اسم السودان عالياً) ولعلها عبارة تكفي لأن يحرك كل الشعب السوداني اصابعه للتصويت لـ(نايل) خلال المواجهة المباشرة التي ستدور رحاها مساء اليوم.
معاوية و(نايل)!
المعلومات الاساسية لـ(نايل) تقول بأن اسمه الحقيقي هو معاوية أحمد خالد وهو من ولاية الجزيرة وتحديداً من مدينة ودمدني، عشق الغناء والعزف منذ الصغر وكون في المرحلة الثانوية مجموعة لعزف موسيقى الهيب هوب واسماها (دوز)، كما انه كان بارعاً في عزف الكثير من الآلات الموسيقية وبارع جداً في التلحين وكتابة الاشعار.
اولاد النيل
عاش نايل في الامارات العربية المتحدة واستطاع أن يحقق بعض احلامه هناك، لكن حلمه الاكبر والذى كان يراوده في كل مكان، هو أن يُسمع صوته لكل العالم، وأن يقول بأن هنالك مواهب سودانية تستطيع أن تنافس وأن تقدم الكثير من الابداع والامتاع اللذين يمكن أن يصلا لحد الاقناع، وهو ما تحقق له من خلال مشاركته في (ذا فويس)، حيث تمكن من اجتياز مرحلة الصوت واستطاع اقناع ثلاثة من المدربين بالالتفات اليه وطلب وده، لكنه اختار شيرين معلقاً على الامر بأنها (بت النيل) التي لا يرد لها طلب، وفي ذلك اشارة واضحة لعمق العلاقة ما بين الشعبين السوداني والمصري.
اعجاب كبير
بالمقابل وجدت شيرين سعادة كبيرة في اختيار نايل لها، وصرحت كثيراً بأنه صوت مختلف يغني بإحساس عميق ومختلف، وهو الامر الذي ساهم في اختيارها له خلال التصفيات، الامر الذي دفع كثيراً بنايل الى المرحلة القادمة والتى سيكون فيها حديث آخر وتكون فيها حسابات اخرى يتقدمها خيار التصويت.
مواجهة مصيرية
مساء اليوم سيطل نايل من جديد، وسيقدم نسخة جديدة ومحسنة من الابداع السوداني المتدفق، وعلى كل الشعب السوداني أن يقف خلفه وان يقوم بدعمه حتى نمتلك ولو مفتاحاً واحداً لفتح ابواب العالمية التي استعصت علينا زمناً طويلاً، فهل يتحقق الحلم..؟ ويعود (نايل) للسودان كـ(احلى صوت)..؟؟... هذا ما ستسفر عنه جولة اليوم المصيرية.

السوداني


تعليقات 21 | إهداء 0 | زيارات 10040

التعليقات
#944006 [سلوى]
0.00/5 (0 صوت)

03-16-2014 02:44 PM
مافى شئ جايبنا في الاخر غير تنظيركم ده كل العليك صوت عسى ولعلى نكون في المقدمة وفى شئ بعيد اوبا بقى رئس لامريكا بى التصويت


#933214 [عصمت الحاج]
0.00/5 (0 صوت)

03-05-2014 02:53 PM
اسمر جميل شارب مويه النيل ..يا اخوانا بغض النظر عن خلافاتنا مع مصر والكلام الفاضي دا ..يكفي انو انو احد فنانات مصر تعشق السودان واهلو ..الفنانه شيرين بتحب اللون الاسمر ودا يكفي


#930143 [اش]
0.00/5 (0 صوت)

03-02-2014 07:30 AM
100 ميه مبروك وربنا يوفقك في طريقك............ماشاء الله


#930137 [ibn farouq]
0.00/5 (0 صوت)

03-02-2014 07:12 AM
..



اسمعوا غنيتو دي والله انا احترمتو اكتر


#930100 [علي هاشم]
0.00/5 (0 صوت)

03-02-2014 03:41 AM
لا تعليق


#930051 [bent alnil]
0.00/5 (0 صوت)

03-02-2014 01:19 AM
مبروك لنايل نتمنى له التوفيق وصوله لهذه المرحلة نجاح في حد ذاته اكسبته جمهور و حاجه مفرحة وجود سوداني في هذه المنافسة .... و جميل جدا ان يتنافسوا بعيدا عن الآراء السياسية .... مزيد من النجاح نايل


#930012 [Hamid Musa]
0.00/5 (0 صوت)

03-02-2014 12:12 AM
Mabrook Nile has won


#930008 [أحمد هوربا]
5.00/5 (2 صوت)

03-02-2014 12:05 AM
غايتو زولنا تعبان وبنفخ في قربة مقدودة لأنو السلم الموسيقي الخماسي سيقف سد منيع حقو الناس تسال نفسا ليه سلمنا خماسي وسلم الأشقاء سباعي ما شغلة السلم بتاعنا دا ما جات من فراغ وهي مستوحاة من الإرث الثقافي الذي يوضح شخصية البلد كما قال دكتور النور فيا جماعة ما في داعي للمكابرة


ردود على أحمد هوربا
European Union [ساب البلد] 03-02-2014 04:45 AM
******** يا "هوربا" انا سمعت الزول دا بغني غربي "انجليزي" ما غنا سوداني *********


#929969 [الهادي بورتسودان]
0.00/5 (0 صوت)

03-01-2014 11:09 PM
الرجاء يا شباب نايل وطني غيور .. وثوري لآخر مدى ... غير أحساسه العالي .. أرجو من الأدمن أعادة نشر أغنية مستر برزندس- أغنية ثورية وطنية Nile - President - ( Revolution Songs ) غناها ايام الهبة الأولى في 2012 ايام جمعة الكتاحة و الكنداكة ولحس الكوع ... رغم قيود البرنامج ما يستبعد يسجل موقف ضد الكيزان .. زي ما عمل هشام الجخ في القصيدة الشهيرة " مسقط راسي من ميدان التحرير "
ودي الغنية يا شباب
http://www.youtube.com/watch?v=0QxWn_kmKx0


#929968 [رانيا]
0.00/5 (0 صوت)

03-01-2014 11:04 PM
ألف مبروك لنايل الخطوة دي . .عقبال النهائي. . .شفت الحلقة وكان متألق ماشاءالله.


#929928 [عشم بعشوم]
0.00/5 (0 صوت)

03-01-2014 10:02 PM
الخرطة ما ظاهر فيها حلايب عشان خاطر شرين


#929923 [هجو نصر]
0.00/5 (0 صوت)

03-01-2014 09:59 PM
When from the muddy Nile
Crept a crocdile
Oh ahlan wa sahlan
-----------------------------------
Ahlan wa sahlan (Nile) Ahlan wa sahlan (Shereen) and politics aside


ردود على هجو نصر
European Union [هجو نصر] 03-01-2014 11:13 PM
correction : a crocodile to place the wrong spelled corcdile out of absent-minding


#929907 [رانيا]
4.75/5 (3 صوت)

03-01-2014 09:19 PM
حقيقي نايل ممتاز وسمعت له أغنية إسمها مستر بريزيدانت .. كانت رائعة


#929891 [ابوفارس]
2.13/5 (5 صوت)

03-01-2014 08:49 PM
لن يفوز .. ولن يتقدم الى مرحلة اخري الا اذا وجدت القناة من الاتصالات ما يدر لها الملايين .. وفي نهاية الامر سيخرجونه من المنافسة وحتى ان كان يتمتع بكل مواصفات المغني الممتاز لان نجم العرب يجب ان يكون شاميا .. او مصرياً .. او خليجيا .. هذا هو قانون المنافسة ..,,,


ردود على ابوفارس
United States [ابوفارس] 03-02-2014 06:17 AM
[ جساس بن مره ] .. ياخي لو مخك تخين انا ذنبي شنو ؟؟!!! كدي ارجع اقراء كلامي ده تاني يمكن تفهم ..,,

European Union [جساس بن مرة] 03-02-2014 01:00 AM
زول حاقد بس ... الجنه فاز ودخل المرحلة الاخيره


#929883 [د محمد]
5.00/5 (2 صوت)

03-01-2014 08:28 PM
خبر لا فيه البرنامج اسمه شنو ولا في ياتو قناه ولا الساعه كم. بلاي دا شعب يرفعو ليو علم


#929878 [يا حليلو بلا]
5.00/5 (3 صوت)

03-01-2014 08:14 PM
ياخي انتو لاقين واحد بمثلكم عالميا ماتحترمو نفسكم تعليقات زي وشكم


#929843 [وليد]
5.00/5 (3 صوت)

03-01-2014 07:28 PM
يا جماعة الزول دا بيغني بالسوداني والا بالمصري والا بالخليجي ؟

انا والله ما سمعتو لكن ما عاجباني الصورة الخايبة الفوق دي

الاخيب منها صياغة الخبر في جريدة السوداني !

المصريين يحتلو بلدك وانتو تجو تقولو بت النيل وبت الكلب ؟

ياخي اختشوا !


ردود على وليد
United States [جاكومه] 03-01-2014 09:53 PM
المرة الجاية ناس الراكوبة حيركبو ليك صورة النائب البرلمانى ( حسب الرسول دفع الله )بى مكناتو .

United States [عبقرينو] 03-01-2014 08:32 PM
احلي تعليق ياوليد الزول دا بغني انجليزي


#929830 [ودتاج الدين]
0.00/5 (0 صوت)

03-01-2014 07:00 PM
نحنا معاك يا NILE


#929828 [walid]
5.00/5 (1 صوت)

03-01-2014 06:55 PM
خيبنة وكلام فارغ !


#929824 [مندكورو]
5.00/5 (1 صوت)

03-01-2014 06:49 PM
لكن شيرين بالغت (عمك بكون نسو التصويت ذاتو)


#929816 [الكاهلي]
4.75/5 (4 صوت)

03-01-2014 06:42 PM
ابواب العالمية التي استعصت علينا زمناً طويلاً، ؟

العالمية بالغناء ياسبحان الله كفاية نجوم الغد


ردود على الكاهلي
European Union [هجو نصر] 03-02-2014 12:06 PM
العالمية ما قدرتوا تعملوها في أي مجال ! جاياكم بالغنا كمان ما عايزنها ! غير المساخة والفقر ديل شنو الودانا التوج !



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة