الأخبار
منوعات سودانية
"نايل" يتأهل في "the voice" ويشعل السودان
"نايل" يتأهل في "the voice" ويشعل السودان



03-02-2014 04:23 PM

الخرطوم - أنور بدوي

عمّت الفرحة عدداً كبيراً من السودانيين المتابعين لبرنامج "the voice" الشهير على قناة mbc داخل وخارج البلاد، عقب إعلان حصول المتسابق السوداني "نايل" على أعلى نسبة تصويت في مجموعته خلال حلقة البرنامج مساء أمس السبت، وتأهله للمرحلة القادمة.

وصعد السوداني "نايل" لهذه المرحلة من السباق بعد أن استطاع أن يهزم خصمه "أيوب"، وتألق بشكل لافت للغاية في تجربة الأداء الأخيرة حيث "سيطر على المسرح" مثلما وصفه المطرب العراقي كاظم الساهر، الذي ولأول مرة يعلن صراحةً مساندته لمغن من خارج مجموعته.

ومن جهتهم، أشعل كثير من السودانيين مواقع التواصل الاجتماعية وصفحات الإنترنت بتعليقات الإعجاب وعبروا عن سعادتهم بهذا الإنجاز. وتناقل ناشطون على الإنترنت تعليقات إعجاب رئيسة فريق "نايل"، المطربة المصرية شيرين عبد الوهاب، خاصة تلك التي قالت فيها: "أنا أحبك للأبد يا نايل يا بن النيل".

وانتشرت بشكل كبير صور ومقاطع فيديو لحظة إعلان فوز المتسابق نايل. كما دارت نقاشات واسعة حول مشاركته في البرنامج، وتباينت آراء الكثيرين حول الطريقة التي غنى بها المتسابق وأداءه للأغاني الأجنبية بدلاً من العربية.

وعاب كثير من السودانيين على نايل أداءه للأغاني الإنجليزية وتجاهله للأغنيات السودانية، وعبر أحدهم عن ذلك بقوله: "إنجليزيته أفسدت طعم السودانية.. فوزه لا يعني الغناء السوداني في شيء". بينما عبرت غالبية التعليقات عن الإعجاب بأداء "نايل"، معتبرةً أنه رفع رأس السودان في البرنامج الذي يشاهده ملايين العرب.

ويعتبر "نايل"، هو المشترك السّوداني الأوّل والوحيد في "the voice" في موسميه الحالي والسابق، وهذا ما جعل مجموعات كبيرة من الشباب السودانيين يتبنون حملات على الإنترنت تحث على التصويت للمتسابق كي يفوز بهذه النسخة من "the voice".

العربية


تعليقات 29 | إهداء 0 | زيارات 16823

التعليقات
#946173 [khalid Ali]
0.00/5 (0 صوت)

03-18-2014 02:19 PM
نايل فنان وأراد أن يوصل رسالة في مثل هذا البرنامج العالمي والمعروف بأننا نحن كسودانين موجودين ... يستحق الدعم والوقوف معه لأنه فعلاً رفع راسنا وشرفنا جداً.


#932035 [المتفائلة جدا]
0.00/5 (0 صوت)

03-04-2014 01:16 AM
شكرا نايل ومزيدا من النجاح يكفى إنك قلت أنا سودانى فلو غنيت بأى لغة لايهم يكفى إنك غنيت بإسم السودان ..


#931830 [تينا]
2.50/5 (3 صوت)

03-03-2014 07:02 PM
هوى يا شيرين شنو ماسكة لينا الولد دا كدا بطلى حركاتك دى ... نحن ما عندنا الحركات دى ... دى عندكم انتوا هناك فى بلدكم ... مع تحيات شيخ دفع الله حسب الرسول ...


#931669 [Quickly]
5.00/5 (1 صوت)

03-03-2014 04:22 PM
الغناء الغربي والاروبي والاسيوي والافريقي معظمه سلم خماسي يعني مثل السوداني
ويقال ان السلم الخماسي هو اللحن الطبيعي الاقرب الى الاذن البشرية وتغني بها الام الى طفلها منذ ولادته

اما العرب ومعظم شعوب الشرق الاوسط زي تركيا وايران فهم يتبعون الى السلم السباعي الغير منتشر وهو سلم مستحدث بالحانه التى تبعث على الكئابه


#931472 [يسقط البشير!]
5.00/5 (2 صوت)

03-03-2014 12:25 PM
شكرا جزيلا نايل ! على الاقل اثبت ان الشباب السودانى لايقل موهبة وتمكن مثله ومثل بقية الشباب فى المنطقة حتى ولو كان فى مجال الغناء بلغات اخرى! رجاء من النامين والساخطين بلع اصواتهم حتى يتسنى لهذا الشاب تحقيق اقصى مايمكنه! لاتستكثروا السعاده على شعب يبحث بضراوة عن اشياء تسعده وتوحده حتى لو كانت تافهة فى نظركم! يكفى نايل ان السودانيين من شرقهم الى غربهم ومن شمالهم الى وسطه وجنوب وسطه صوتوا له بدون اى عقد او عنصريات او جهويات!! برافو نايل ربنا يوفقك


#931465 [كاره العرب]
3.50/5 (4 صوت)

03-03-2014 12:18 PM
هو الموديه يشترك مع العرب الجرب ديل شنو عشان يجيب لى روحه الكلام العرب ديل وسخ العالم نحن افارقه مسلمين ونفتخر مالينا علاقه بالعرب الارهابيين لقينا منهم شنو غير كل ذله واساءه وعنصريه حتى فكر الاخوان اللذى دمر السودان اتى الينا من مصر افريقيا فيها مسلمين كتير شفتو ليكم تنظيم اخوان فى واحده من الدول الافريقيه بلا عرب بلا قرف


ردود على كاره العرب
European Union [عمدة] 03-03-2014 11:58 PM
اقول لسارة كلامك ذكرني لقاء مع فنان قامة كنت احبه منذ الصغر ولايُدانيه عندي آخر،اللقاء كان في قناة إيبوني الجنوبية قال:نحن اجبرونا في الإذاعة نغني بالعربي(يعني فرضوه علينا فرض قالها ممتعضا) والغريب في الأمر انه هو والمذيع كان حوارهم بالعربي.ملحوظة:المذيع والفنان والقناة،ثلاثتهم غير عرب واللقاء بالعربي!أستعير رد سارة:بتكلموا بالعربي ليه طالما بكرهوا العرب!!!.وهذا ما اسقطه في نظري حتي كفنان.

United States [Sara] 03-03-2014 04:04 PM
طيب كاتب بالعربي ليه؟!!


#931434 [عصام]
5.00/5 (3 صوت)

03-03-2014 11:51 AM
برافو يا نايل و الى الامام , ربنا يوفقك و يكفيك شر صابر و عاصي و شر نقة قراء الراكوبة , عليكم الله يا جماعة خلو الزول ده في حالو يغني اجليزي يغني تلياني المهم انو بيمثل السودان و نجح في تمثيل السودان ادعو ليه بالتوفيق بدل النقة الفاضية بتاعتكم دي


#931399 [نتشه]
0.00/5 (0 صوت)

03-03-2014 11:23 AM
يا اخوانه رانيا لا تجادلوها ففاقد الشيء لايعطيه. وتخيل كيف يكون الحال لو ما كنت سوداني اعطوها اي معنى ونفخر بسودانيتنا واسألوا الله الرحمة ببلدنا.


#931372 [موسي محمد]
5.00/5 (3 صوت)

03-03-2014 11:00 AM
الي كل متخلف وعنصري ومتعصب ان الغناء والموسيقي لفه لاتعرف اللغات اصلاّ فارجو من امثال هؤلاء ان يسموالي ادني درجات الانسانيه ونبذالجهويهو العصبيه النتنه التي لاتضيف للحضاره الانساني شئ.


#931355 [العكليت]
5.00/5 (8 صوت)

03-03-2014 10:44 AM
نايل ، فنان عندو رسالة ومنحاز للذين يعانون من ويلات الحرب ، وعندو أغنية على اليوتيوب "the revolution song " منذ سنوات أغنية معبرة جداً لمن أرخي السمع وعندو ضمير ، ونجاحو بالطريقة التى اختارها قطع شك نجاح لكل سوداني وعلينا الوقوف بجانبه وخاصة مع صورتنا الكارثية على مستوى العالم بأفاعييل العصبة الحاكمة ، وتدميرهم كل ما كان جميلاً فينا . مطالبته الغناء بالعربية ، كلام لا يستقيم مع الاذن العربية المبرمج على الممابو أو البمبو السوداني ، ولم يكن ليستمر حتى هذه المرحلة على وقع السلم الخماسي... وهناك من امثالنا شركاءكم في الوطن، تجد العملاق محمد وردي لا يطربنا إلا عندما يغني بالنوبية .
والله صحي.
اغاني الحقيبة عندو من لا يقبل له بديل وعندنا مجرد بكائيات امدرمانية ، أغاني الحماس في السودان هناك من يخرجون عن وقارهم لدي سماعها ... عندي مجرد عنتريات فارغة تزيف الشعور والوعي " دخلوها وصقرا حام" أو النار ولعت بقلبي بطفيها" وخلافة .
الفن رسالة : إنجاز ، للجمال ، للطبيعة ، للقيم الإنسانية الجامعة وأفضله مرتبة ذاك المنحاز للغبش والمسحوقون تحت اقدام الفيلة المكنكشيين على أهداب السلطة من ذو النفاق الحضاري، أو المتاجرين بقضايا الهامش أو المتكسبين من عذابات الناس.

لنتواضع واحد وصل لمرحلة التصفيات في المسابقة وفق معاييرهم نجي نحن نقول لو عمل لو فعل... وردي مع كل تراثه لم يستطع الوصول للأذن العربية وغيره من عملاقة الفن السوداني كثر.

كامل تضامنا مع نايل وامنياتنا له بالنجاح والتوفيق باللون الذي اختاره لنفسه.


ردود على العكليت
[الهادي بورتسودان] 03-03-2014 12:44 PM
كلامك جميل جداً يا عكليت في أجزاء كتيرة منه ولكل زول ما يحب ولكني من ناحية شخصية .. اسكر طربا مع نايل و بغناءنا البجاوي .. والاثيوبي ويشجيني النعام آدم والكاشف وهذه موروثه .. وكل غناء الحقيبة وغناء أهلي الهوسا ببورتسودان حيث ولدت وتربيت وعدم طربك لنوع محدد من الغناء لا نقص منك ولا منه
أعتقد إن الطرب بما أعتادت الأذن سماعة.. ولاحظ ان الغناء النوبي يعجبك


#931329 [الخنساء]
5.00/5 (6 صوت)

03-03-2014 10:17 AM
مبروك لنايل من نحن حتى نجبر شخص ليغني عل مزاجنا الخاص المهم في الامر ان نايل موهوب في لون معين من الغناء اجاده ولديه الشجاعة ان يقدم موهبته و لم يتدثر بالخجل السوداني المعروف في غير محله. نحن مع كل نجاح سوداني في كل المجالات المحترمة لاننا نحتاج لبعض الفرح و ما التصويت الخيالي من الشباب الا توق للنجاح والفرح


#931288 [فارس عبدالرحمن]
0.00/5 (0 صوت)

03-03-2014 09:38 AM
الناس فى شنو والحسانية فى شنو


ردود على فارس عبدالرحمن
European Union [هجو نصر] 03-03-2014 03:32 PM
اها وانت الما حساني في شنو ؟ ياهن الستة كلمات بتاعتك الفي الراكوبة ديل ؟


#931241 [علي خميس]
5.00/5 (1 صوت)

03-03-2014 08:27 AM
الناس دي جادة !!!!!!


#931207 [سومي العسل - الدمام]
5.00/5 (5 صوت)

03-03-2014 04:32 AM
بالمختصر المفيد وخليكم من صرف العربي الكثير ده وانتو مشهورين بيهو
الراجل في النهاية فاز وما نقدر نقول غير
مبروووووووووووووووووووك
والأجدر والأفضل هو من فاااز


#931196 [اقبضو السفاح الهارب من العدالة الدولية]
4.96/5 (8 صوت)

03-03-2014 03:40 AM
الواحد بيلاحظ في بعض التعليقات في ناس عايزين يثبتو للعرب انو الغنى السوداني افضل من الغناء العربي او على العرب ان يستمعو الينا ومن ثم منحنا شهادة
هل يحتاج الفن السوداني الى شهادة او اشادة من العرب؟؟؟
الفن السوداني يا سادة فن عظيم وله جمهور يقدره يكفي اننا نمتلك جمهور عريض في القارة الافريقية وخاصة دول غرب افريقيا ودول شرق ووسط افريقيا رغم اننا نغني باللغة العربية
لماذا نبحث للفن السوداني شهادة عربية
انا افريقي انا سوداني
نعتز بافريقيتنا وبابناء القارة الافريقية الذين منحونا شهادة افريقية من دون ان نبحثها


ردود على اقبضو السفاح الهارب من العدالة الدولية
United States [خالد السوداني] 03-03-2014 08:57 PM
نايس يمان كلام حكيم جدا والله العرب غير النفاق ماعندهم حاجه والحمد لله انو انا سوداني

United States [سامي البارودي] 03-03-2014 10:58 AM
هذا هو الكلام ولكن ماذا نفعل لمن لايرو إلي بعين واحدة بلا عرب بلا لمة سوداني افريقي ولساني عربي ولاهجتي افريقية مافي اجمل من كده

United States [مدحت عروة] 03-03-2014 10:18 AM
والله تعليقك احسن تعليق واوافقك الراى فى كل ما كتبت!!!
فعلا انا افريقى انا سودانى وبس وكفى!!!!


#931153 [الفنجري]
5.00/5 (10 صوت)

03-03-2014 01:21 AM
خلاص يا نايل برد بطن الخلق دي والمرة الجاية دي غني ليهم دخلوها وصقيرا حام .


ردود على الفنجري
[الباشا] 03-03-2014 04:02 AM
بايخة


#931091 [امين القارات]
4.94/5 (6 صوت)

03-02-2014 11:31 PM
الحمدلله لم يغني اغنية سودانية لكان من اول فاصل خرج


#931059 [الهادي بورتسودان]
5.00/5 (10 صوت)

03-02-2014 10:48 PM
نايل أشاد بصوته موقع ميوزك أورد الشهير .. نايل يغني "أنا سوداني " بأسلوب يأثر الوجدان واتمنى أن يغنيها في المنافسة .. نايل هاجم المؤتمر الوطني وعمر البشير بأغنية وطنية حزينة وشهيرة ...؟؟؟ نايل شاب مننا ولو كانت إشتراطات المنافسة ما تتيح ليه فرصة للتعبير ... ويا أدمن حقو نعد عن ملف متكامل .. ولا عايز يخموه ناس السمؤل خلف الله وابو هريرة وعمهم الوالي ؟؟؟
دي "سيدي الرئيس - أغنية ثورية "
على الرابط : http://www.youtube.com/watch?v=0QxWn_kmKx0

كلمات أغنية

Mr. president
won't u tell me why
do i have to put
up with all the lies
Promises you made
for a better life
they were all in vain
i see my people die

good days are gone
what are you waiting for
why can't we we stop
this never ending war
tell my brothers rise
cuz we're moving on
we'll together sing
revolution songs

*****

I look around
i see a part of me
went the other way
independently
tell me what's it like
to be an NCP
wanted by the ICC
provoking animosity
there's no CPA
and now the fight is on
what does it really take
for us to get along
tell my brothers rise
cuz we're moving on
we'll together sing
revolution songs

*****

I'll fight i'll fight with all i got
I'll never ever gonna stop
god knows that i've been through a lot
not anymore, not anymore
now that i got a chance to tell the world
ana Sudani


#931055 [sood zac]
3.25/5 (4 صوت)

03-02-2014 10:42 PM
كل من ينتغص من قدر الاغنية السودانية كلمات اولحنا او أداءاً كان . ده انسان سفيه لا اكثر ولا اقل .


ردود على sood zac
European Union [حلال عقد] 03-29-2014 04:07 PM
يااخى اتعلم تكتب عربى صاح بعدين تعال علق قال(ينتغص)قال

European Union [هجو نصر] 03-03-2014 03:04 PM
اخر حاجة قالها نايل هي :
الاّن لدي الفرصة لاقول للعالم
انا سوداني
اترجمها للذي من الراجح انه مادام انه لا يعرف العربية لغة امه وابيه لا يعرف الانجليزية ويتفلسف كمان !

United States [good guy] 03-03-2014 12:19 PM
دا علي اعتبار انو الاغنية السودانية منزلة من رب العباد يعني وللا شنو؟؟؟ زول مبدع وفنان ان شاء الله يكون بكون بغني بلغة اهل المريخ مش سوداني؟ ندعموا طوااااااالي.

United States [ibn farouq] 03-03-2014 07:27 AM
حلوة ينتغص دي. ربنا يدينا الصبر

[سودانى طافش] 03-03-2014 01:55 AM
وكل من يكتب كلمة ( ينتقص ) خطأ فهو أيضا سفيه لاأكثر ولاأقل وجهلول !


#931010 [الكوز الفى الزير التحت الراكوبه]
5.00/5 (16 صوت)

03-02-2014 09:50 PM
يا جماعه ماتحملوا المسأله اكثر مما تحتمل , هذا الشاب شجاع قدم نفسه بالطريقه التى تتناسب مع أمكانياته وليس مفروض عليه أن يغنى بالضروره أغانى سودانيه بل يغنى ما يتناسب مع امكانيات صوته واللون الذى يحبه ومن أراد أن يغنى سودانى أو زنزبارى فعليه أن يذهب الموسم القادم الدنيا ماطارت.


ردود على الكوز الفى الزير التحت الراكوبه
[عادل] 03-03-2014 10:06 AM
صراحة اول مرة اشوف كوز عاقل ومنطقى


#930965 [hafiz]
3.25/5 (5 صوت)

03-02-2014 08:11 PM
نتوقع من نايل .. فى خواتيم هذه المنافسة أن يشارك بأغانى سودانية ، ولدى يقين أنها ستكون مدهشة للجماهير العربية، وتزيد من حجم المصوتين السودانيين ، ونرجو ان يختار اغانى ذات كلمات واضحة ومفهومة والحان راقية ، سيفجر المسرح ... كما ان لدى احساس ان الأخ/نايل لو استمر بهذه اللونية الإنجليزية ليخسر كثيرا وتكون النتائج غير متوقعة ، وهذا لسبب واحد فقط أن الجمهور فقد حاسة الدهشة التى كانت فى بداية ظهور نايل كلونية جديدة وخاصة فالإستمرار بذات النمط يضعق الحماس ، والدهشة تكون فى التغيير المفاجىء والذى يفوق توقعات المشاهدين والمستمعين ... كن ذكياًيا نايل ... حتى تظفر بالقلب ...


ردود على hafiz
[عكاشه] 03-03-2014 11:07 AM
الافضل يواصل بالانجليزية لان غننا العرب ديل ما بيفهمونا
قلوبنا معاك يا ابن بلدى


#930897 [عادل]
5.00/5 (21 صوت)

03-02-2014 06:30 PM
والله شعب ما يعرف يفرح زى البشر

ياخى يغنى هندى يغنى عربى يغنى انجليزى المهم فاز فى المرحلة دى

مبروووووووك يابن النيل


ردود على عادل
United States [تاج السر] 03-02-2014 11:31 PM
كلامك صاح ياعادل لانو العرب ديل اصلا ما بفهموا الاغاني السودانيه والف مبروك لنائل وربنا يوفقه خطوه كبيره للسودان


#930892 [كوكاب]
5.00/5 (8 صوت)

03-02-2014 06:23 PM
مبروك يا نايل والشعب السودانس كله معاك لو داير تبقى فنان عالمي ابعد من الغنى بالعربي عشان تبقى زي اخوانك الافارقة الامريكان وممكن تكون اضافة حقيقية لموسيقى الجاز العالمية امثال مايكل جاكسون ولك التوفيق .


ردود على كوكاب
European Union [عمدة] 03-02-2014 09:56 PM
الليلة اعلنتها عديل كدا؟


#930860 [رانيا]
5.00/5 (13 صوت)

03-02-2014 05:55 PM
ألف مبروك لنايل .. الشاب الرائع المتميز .


ردود على رانيا
European Union [قرفان من رانيا] 03-03-2014 10:55 PM
طممتي بطني بعد سبك للفن السوداني والظاهر انتي عندك عقده عرب مسكينه الله يشفيك قال فننا **** وكلماته بسيطه التقول العرب بغنو للمتنبئ وطه حسين وطز في العرب لو ما سمعو غنانا نحنا افارقه سودانين وبس

European Union [عمدة] 03-03-2014 09:43 PM
حملتُ نفسي حملا للرد،اُغنية الدُود قرقر وبعض النمازج الاُخري الَتي ذكرتيها في موقع آخر تُسمي بالأدب الشعبي او أغاني التراث ،وإذا تيسر لكِ الإطلاع علي آداب الشعوب الأخري(أشك في ذلك) لوجدتِ ماتسخرين منه عند كل شعوب العالم{لو سمعتِ أغاني عجائز الروس عن الحرب العالميةالثانية اوأغانيها/أي الحرب/عند الفرنسيين أو في الأدب الإنجليزي لعرفتِ أن الشعر الغنائي الشعبي وشعر الحماسة شيئ له مواصفاته الخاصة من بساطة التعبير وعامية(دارجية)الكلمة الّتي تُخاطب العامة وليس نُخب بعينها.


#930859 [مهند النعمة]
4.88/5 (6 صوت)

03-02-2014 05:55 PM
كنت أتمني أن يشارك الفنان نايل بالأغاني السودانية باللغة العربية واللهجة المحلية الدارجية ، ولكن ثقوا تماما لو تغني بالسوداني ماكان في حد حيعبره ربما كانوا ضحكوا عليها وشمتوا كما فعلت نانسي عجرم مع الأخت السودانية من قبل ، لذلك كان نايل زكي جدا في إختيار هذه اللونية ، لأن العرب الصغار عندهم عقدة الإنجليزي ، لو لاحظتم جيدا تجدون ما يسمي بعاصي الحلاني ، لم يرضي ابدا بأداء نايل ولم يقول في حقه ولاكلمه واحده ، كأن هذا النايل مفروض عليه ،، بصراحة هي عنصرية اللبنانيين


ردود على مهند النعمة
United States [رانيا] 03-03-2014 05:13 PM
نهديكم أغنية تصلح للعرب وللناطقين بالعربية حتطّير عقولهم عند سماعها لأنه كلماتها متفرّدة
ونادرة وحتخليهم يصوتوا لأي سوداني يشترك في مسابقة !! أهديكم ... (الدود قرقر )
الدود يا عيال دود الخلا القرقار ............... وعجبي !!

United States [ماسورة] 03-03-2014 03:57 AM
اختنا رانيا
معليش ..لكن انتي جرحتى (وطن)

وسخرتى من تاريخ فنى عظيم ودستى على وجدان امة

لما وصفتى غنانا بالتافه.

هل تعلمى انو نحنا الأوائل فى افريقيا

ولأ يضيرنا ولأ يزعجنا اذا كانت الأعراب لأ تستسيغ

او تفهم او تحس بكلماتنا وموسيقانا.

وكما قال (عمدة) المعلقين : (انت مثال للأستلاب الفكرى
والأنسلاخ عن الوطن).

الاستعلاء انعكاس لعقدة (نقص)

ويبدو يا اخت رانيا عندك احساس عميق (بالدونية) أمام العرب .(ربنا يشفيك).


لو اخوك (فنان متمكن) لأزم يكون الأن (هاوى) على (رقبته)خجلآ منك.

United States [رانيا] 03-02-2014 11:40 PM
أولا أحب أشكركم لأنكم شمّتوا الراجل فيّ وقاعد يضحك علي وبصوت عالي كمان .. المهم تاني بشكركم على كلامكم الجارح لشخصي المتواضع وأحب أؤكد على إني ذكرت (إلا من رحم ربي) وأقصد بها العمالقة المعروفين للجميع وطبعا إنتوا أغفلتوا العبارة دي ... وأنا عند كلمتي وما حأتراجع عنها فعلا يوجد كميات من الهيافة في كلماتنا شاء من شاء وأبى من أبى !! يعني عايزين الواحد يغني أغاني المهرجانات العندنا (الليل أنا يل بالعصر مروره )ولاّ (بجرّ القول والذكر للباسل بابكر) ولاّ (ما بنقدر أخوي السيل المنحدر )وأزيدكم مرة جابو لقاء مع إماراتي في قرية التراث حقتهم وطلبوا منه يغني أي أغنية سودانية وبعد صعوبة قال: الليلة مسافر أنا أنا مع جبر الخاطر وما كملها !!
إنتوا شتمتوني وما قصرتوا وشكرا لكم أنا أختكم سودانية منكم وفيكم وألقى الإساءة دي كلها وبعدين يا
SOOD ZAC أنا ما إتكلمت في القرآن والسنة عشان توصمني بأني سفيهه .. على أي حال بعد ده كله أدوني( خمسة أغنيات )يقدر نايل يغنيها تكون كلماتها فخيمة ذات ألحان رائعة مطربة خالية من الحزن والشجن وممكن تنافس أغنيات لفطاحل الفن في لبنان ومصر أو الخليج وتحرّوا الدقة لأني عندي أخ فنان متمكن أي نعم هو هاوي لكن
حأستشره في نوعية الأغاني الحتختاروهم وهل تتوافق مع نايل وطبقة صوته ولا لأ ؟؟! إذا ما رديتوا علي تبقوا خسرتوا وأنا أكسب ...

United States [moha] 03-02-2014 11:17 PM
الاغاني السودانية ما عندها رواج زي بضاعتنا اخير صاحبنا غير شوية

United States [جدودنا زمان] 03-02-2014 11:16 PM
(في المجمل الأغاني السودانية كلماتها تافهة وهي الأنسب لرقيص العروس وألحانها تعبانة لا ترقى للمستوى المطلوب ..)


بالغتي يا رانيا
بالغتي
تعرفي انه مافي ارقى من كلمات الاغاني السودانية
ولا اجمل وفيها كلمات لو قعدو العرب ديل من زمن عمرو بن كلثوم
ما يكتبو زيها
كدي بس شوفي الحقيبة

بس لاختلاف السلالم الموسيقية لا يستطيع الكثير من العرب
التجاوب مع الاغنية السودانية- وهنا بنقول دي مشكلتهم
ولو حلوها تاني ما حا يسمعو غير غناء سوداني

United States [ابو خنساء] 03-02-2014 10:15 PM
(بصراحة ومن دون زعل اللبنانيين ليهم حق إنهم يتعنصروا لأنهم أصحاب تاريخ عظيم وقديم في الفن . عندك أنا سودانية ولا أطرب للغناء السوداني)
رانيا .. اشك في انك سودانية

European Union [عمدة] 03-02-2014 10:10 PM
لا اريد ان اذكر اسمك ،يا هذي ان الفن يعبر عن الشعوب فان كان راقيا فهو دليل علي رقيها وإن كان تافها يعبر عن تفاهتها.فوصفك للفن السوداني بالتافه مردودٌ عليكِ.فأنت مثال للإستلاب الفكري والإنسلاخ عن الوطن(يمكن تكوني كمان سالخةوشك/وليس وجهك)بالمناسبة كيف تنطقين حرف الجيم(ج)؟

United States [رانيا] 03-02-2014 07:54 PM
بصراحة ومن دون زعل اللبنانيين ليهم حق إنهم يتعنصروا لأنهم أصحاب تاريخ عظيم وقديم في الفن . عندك أنا سودانية ولا أطرب للغناء السوداني إلا من رحم ربي وكنت مستاءة لمن راحت فهيمة وعملت حفلة في بيت السفير السوداني بلبنان وعزموا ناس كبارات ما فهموا ولا عجبهم نوع غناءها ولا أسلوبها ..في المجمل الأغاني السودانية كلماتها تافهة وهي الأنسب لرقيص العروس وألحانها تعبانة لا ترقى للمستوى المطلوب ..
على فكرة عاصى ما أهانه ذي صابر أول مرة قال له بالواضح إنت ممتاز لكن شكلا أنا ما عايزك في جروبي !!
لذلك أتفق معاك إنه إتميز بلونه وإستحق الإشادة لكن تفتكر شيرين حتتصرف كيف بعد ما بقت المنافسة بين السودان ومصر ؟!

European Union [ABOALKALAM] 03-02-2014 07:20 PM
اخي مهند نتيجة لتجربتي الشخصية مع الشعب البناني فاليك التالي

البناني المسلم عنصري بخيل غني وغير متعلم غالبا

اللبناني المسيحي غير عنصري غني كريم جدا جدا جدا ةخالبا متعلم جدا جدا


#930823 [ودبري]
5.00/5 (2 صوت)

03-02-2014 05:29 PM
يا جماعة الخير أي حاجة تفرحنا وتطلعنا من الهم والغم والفشل الزريع على جميع الأصعدة سياسي إقتصادي إجتماعي أخلاقي وهلم جرااااااااااااااااااااااااااااااا تحية للصادق المهدي


ردود على ودبري
United States [شطة] 03-03-2014 05:47 PM
اعلان: كوهين ولدومات ويصلح ساعات

[جاسفا] 03-02-2014 11:21 PM
يا السموك رانيا انتي اكيد مولودةخارج السودان ولاتفقهي شيئا في الاغاني السوداني ياخي معقولة تقولي كلمات اغانينا تافهة والحان تعبانة الاغاني العربية او الخليجية وغير ذلك البتسمعيها دي ماعندها اي معاني كل الاغنية لاتتعدي سطرين وكلمات اغلبها هابطةالا ماندر


#930806 [الولايات المتحدة السودانية]
5.00/5 (8 صوت)

03-02-2014 05:14 PM
نايل فاز ,, أييييووووووووي يوووووى يوووووى !! وإنطلقت الزغاريد من الخرطوم ودارفور والنيل الأزرق وحلايب وشلاتين والفشقة !! وتوحد السودان ولبس حلة زاهية الألوان تمثل علم البلاد!! حمداً لك يا الله على هذا الفوز الغالى رغم مكايدات الصهيونية والعملاء الأمريكان وحسبو نسوان ,, إنه النصر لاريب فى ذلك ,,, نفحات وكرامات تترى ,, قبلها وداد فازت والراعى الأمين فاز وهسة نايل !! أفراح أفراح أفراح !!! شعب لا يلين ولا ينكسر يهزم الصعاب إنه شعب المستحيل !!


#930779 [كاجا]
4.91/5 (6 صوت)

03-02-2014 04:51 PM
احسن يغنى بالانجليزى لو غنى بالسودانى مابيقدر ينافس مع ناس راجل المرا ناس عوضية الخور وهنو كوارع ومن ديلك ناس اولاد منو بنات
-الود متمكن واصلا السودانين البره بقو اكير من الجو فيغنى ليهم انليزى وخلاص


ردود على كاجا
[ابومرام] 03-03-2014 05:17 PM
يعني العرب بفهموا الاغاني باللغة الانجليزية؟ والله كلهم مسطحين حتى شيرين


#930764 [عمر]
5.00/5 (3 صوت)

03-02-2014 04:40 PM
العينات دى كتيره فى السودان ما عارف اسود علينا وخارجيا نعام ولا السلم الخماسى عزل الفن السودانى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة