الأخبار
أخبار إقليمية
مع حسين خوجلي .. الفكر الذي فقد ظله
مع حسين خوجلي .. الفكر الذي فقد ظله
مع حسين خوجلي .. الفكر الذي فقد ظله


03-02-2014 03:46 PM
د. محمد حسن محمد

لظروف قاهرة لم اتمكن من مشاهدة حلقتي الاربعاء والخميس المنصرمين

ونشوف ما حدث في حلقة السبت

لن اتحدث عن البطالة العطالة السياسية والمتبطلين السياسين حيث ان المنابر الورقية والاسفيرية ملأى بها ويكفي اننا دخلنا موسوعة جينيس
للارقام القياسية في عدد التنفيذيين في بلد شحيح الموارد وشخصي الضعيف قبل كده في حوش بكري كتبت الاتي

[QUOTE]الاتحاد العــــــــــــــام للــوزراء الــسودانيين

وانا افكر في الحال المايل للسودان ( كيلو الطماطم بي 30 ريال) وكيف ممكن انو الحال ينعدل ، اكتشفت الحقيقة الكانت غايبة علي الا و هي انو كل سنة تتخرج دفعة يشوفوا منو الكان عضو لجنة تنفيذية في الاتحاد العام للطلاب السودانيين طوالي يغزوهو وزير ولائي او وزير دولة . اما المخضرمين فديل طوالي وزراء تحت الكشافات او مستشارين في القصر الجمهوري . يعني عشان تضمن مستقبلك الوظيفي اول ما تدخل الجامعة تووووووووووووووش ادخل الاتحاد واللجنة التنفيذية ، تتخرج بي هنا ، تتوزر بي هنا لا لجنة اختيار لا اسئلة تعسفية
المهم
لازم في الاول عشان نعدل الحال نعمل اتحادات فرعية لانو حسب الولايات حيكون عندنا 25 اتحاد فرعي

بالاضافة للاتحاد العام في المركز وبكدة بالاسليب المعروف يكون الاتحاد ضمن الدورة القادمة براااااااااااااحة ، ولو ما فازو في الاتنخابات كعادتهم يعملو اتحاد موازي ويسموه الاتحاد العام للوزراء السودانيين بس المرة دي حيحصل كالاتي

1- الجنوب حيعمل اتحاد وزرا لوحده

2- الشرق والفشقة حيتحدو مع الحبشة

3- اتحاد دارفور حيتقسم لي 3 اتحاد حينضم مع ليبيا عند منطقة عوينات واتحاد حيمشي لي تشاد واتحاد حيبقى حايص
4- النوبة وحلايب حيتحدو مع مصر

اها اتحاد الوسط والجزيرة حيبقى ده الوحيد بتاع الاتحاد العام للوزراء السودانيين

وككل عام وانت بخير[/QUOTE]

وقبلها كتبت

الاتحاد العام للوزراء السودانيين يرفع مذكرة للسيد رئيس الجمهورية

[QUOTE]رفع الاتحاد العام للوزراء السودانيين مذكرة احتجاج للسيد رئيس الجمهورية بعد ان صرح سيادته بانه سوف ينظر للدستوريين الماعندهم شغلة وييستغني عنهم لتعيين الاطباء
وقد برر الاتحاد العام للوزراء بان هؤلاء الدستوريين في مهام جهادية مقدسة حيث انهم ومنذ ان كانو بالاتحاد العام للطلاب السودانيين ما عندهم شغلة سوى القيام بالمهام الجهادية وتمرير الحسابات والدخول في السوق لمنفعة الاتحاد العام للطلاب والان لمنفعة الاتحاد العام للوزراء
ولانها لله فانهم ياملون من السيد رئيس الجمهورية عدم اتخاذ اي اجراء
اما بخصوص تعيين الاطباء فقد اقترح الاتحاد العام وضع دمغة على المعاملات تسمى دمغة طبيب يكون عائدها لصالح مرتبات الاطباء
وفي الختام شكر الاتحاد العام رئيس الجمهورية واعلنو انهم عضد للانقاذ زنقة زنقة وحارة حارة
[/QUOTE]


الاغرب من كده انو هذه الطفيليات بعد ان مصت ما تبقى من مال الشعب السوداني ليتها استثمرته في الداخل وقللت من نسبة العطالة ولكنهم حولو كل مالهم المكتسب الى خارج السودان
في البنوك الاسيوية
يعني ميته وخراب ديار
لكن عجبتني ايمانك بنظرية المؤامرة
لاني بتفق معاك
بس انت ما حتقدر تقول المتآمر منو
المتآمر على الشعب السوداني يا حسين هو الحركة الاسلامية ومن شياعها من الانتهازيين والمتسلقين وغاسلي الاموال
اي ثالوث الشر
لان هذا التدهور بدأ منذ يوم 30/6/89 حيث بدأنا نتدحرج للاسفل بسرعة الصاروخ
والانقاذ هي التي اجبرت الكوادر للهروب من جحيمهم
ولصالح من يتامرون
لصالح اسرائيل
شئت ام ابيت
تخريمة
هزيمة 67 الناصرية
توجت بانتصار اكتوبر الساداتي بالجيش العربي الناصري
والسلام عليكم ورحمة الله

dr.mohammedhanak@gmail.com


تعليقات 5 | إهداء 0 | زيارات 6070

التعليقات
#931431 [ادم هرون]
0.00/5 (0 صوت)

03-03-2014 10:49 AM
انت حرقق ويين مالك ومال حسين خوجلى انت لو راجل اعمل ليك قناة خاصة بيك واتكلم فيهاالمانع شنو


ردود على ادم هرون
United States [خالد] 03-03-2014 12:53 PM
يا ادم هارون حسين خوجلي عمله من وين ما تقول لي وارث النفيدي كله سرقة في سرقة من الوان الى القناة الفضائية - انا ما بخاف من الجبهجي لكن البخوفي الجماعة المدعين انهم جبهه لان الاسلاميين لا ينكرون الفساد والسرقة في كل مرافق الدولة وتشريد الكفاءات اغرب حاجة يجي واحد خاشي غلط ما عارف خلفية حسين ويدافع عنه

European Union [مدحت عروة] 03-03-2014 11:58 AM
هى الحكاية ما رجالة!!!
الحكاية انك لو عملت صحيفة او قناة تلفزيونية وجهاز الامن او الحكومة يعنى ما راضين عنها لا صحيفة ولا تلفزيون ح يشتغلوا!!
انت قايل فى حرية اعلام ولا شنو؟؟؟؟


#931388 [انا بكره الكيزان]
0.00/5 (0 صوت)

03-03-2014 10:17 AM
سالته احداهن عن اسم الكريم الذى يستخدمه والذى جعل جسمه نايرا ووجهه هكذا .. فقال لها والله بتوضأ كتير .. فقالت له : يعنى على الحاج دا بتيمم ؟؟؟؟!!!!!!!!!!!!!


#931352 [bullet ant]
0.00/5 (0 صوت)

03-03-2014 09:42 AM
لن يعترف بالخطاء و سيناور و يناور حتى يكون لة وجود فى الاعلام
حسين خوجلى يحب الاضواء و سيفعل كل شئ و اى شئ ليظن الناس ان هنالك روح فى هذا الخواء


#931284 [سرالختم الامين]
0.00/5 (0 صوت)

03-03-2014 08:36 AM
انتو في كيلو الطماطم ,, أم مزارعي مشروع الجزيرة المصيبتهم مصيبة بجلاجل .. بداية الموسم لايظهر عليهم مدير ولاخفير ترع ولا اي شخص عشان مشاكل المياه .. وتمر الايام والشهور ويجي الحصاد وبعد كده يظهرو الشفاته ناس الضرائب (المويه) وناس الزكاة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
غبن في غبن


#931268 [وحيد]
0.00/5 (0 صوت)

03-03-2014 08:11 AM
حسين خوجلى؟ هذا الرجل فقد ظله بعد ان فقد مصداقيته و قبلها اخلاقه .... كل عمليات التجميل و مساحيق المكياج التي تطلي وجهه السمين لن تخفي مخازيه ... و منذ ايام الديمقراطية كان بجريدته خضراء الدمن يمارس كل انواع العهر السياسي و الفحش ، و وصفناه مرة بانه مثل " الفاتية" حيث يختفي خلف الاسوار ثم يرفع عقيرته بالسباب و المنابيز ....حسين خوجلي و شيخه هم جزء من النظام الفاسد الذي يحاول ان يخدعنا بنقده هذه الايام ... و شاركوا في كل البطش و الظلم و الفساد و تدمير الوطن و لن يستطيعوا انكار ذلك ....
دعوا ذلك " الرجل" المربرب الممكيج فانه لا يستحق عناء الرد عليه


ردود على وحيد
United States [عبيد الله] 03-03-2014 10:35 AM
وجهه السمين . المربرب . الممكيج .! انت شكلك فاقد هذه الميزات وحاسد وماعندك موضوع . حرام عليك السكوت من ذهب .اين تقوى الله .لقد اهديته حسناتك ياهذا . واخذت من سيآته .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة