الأخبار
أخبار إقليمية
مع حسين خوجلي (3) كل يوم تتاكد فصامية حسين خوجلي الذهنية
مع حسين خوجلي (3) كل يوم تتاكد فصامية حسين خوجلي الذهنية
مع حسين خوجلي (3) كل يوم تتاكد فصامية حسين خوجلي الذهنية


03-03-2014 11:14 AM
د. محمد حسن محمد


محاور حلقة الاحد

- القذف في المراة
- نقد الانقاذ الايجابي ونقد المعارضة السبي
- تخذيل الجماهير في احزابها وفي المعارضة ككل

نعم يا حسين لا يفتى ومالك بالمدينة ولان اصحاب الفتاوى لايحبون مالكا فقد عملوا على نفيه بالامصار فالتحف ارصفة المواني
وخلا الجو لعلماء السلطان يقذفون في الشعب السوداني الفضل يرمونه بكل قبيح ويفصلون الفتاوى وفق الهوى ويكفي انك في برنامجك هذا كنت تسخر منهم وحتى يستقيم العود لابد من جلد النظام الانقاذي كله فهو جسم واحد نتن ولايمكن للكفاءات المهاجرة طوعا والتي تم تهجيرها قسرا ان تعود لمجرد ان حسين خوجلي يبشر بسودان جديد
وزي ما انت بقيت تكرر في الحكايات انا كمان اكرر ليك حكاية المغترب الذي التقيته ونحن مارقين من جهاز المغتربين وكنت اجلس بجواره في الحافلة وهو سارح وشايل كمية من الورق فقلت ليه براحة ( تلتلوك) وكأنه كان ينتظر كبسة زر فانفجر يحكي عن انو الوزير الفلاني جاهم في الامارات وغنى ليهم عن العودة الطوعية وانهم محتاجين للكفاءات وانو مسهلين ليهم كل السبل للعودة قاال يا مصدق قمت قلت مادام بلدي بتسهل لي كسب العيش الجابرني على الغربة شنو وطوالي جمعت اطرافي وعملت خروج نهائي وعندي عربية كورولا قيمتها تعادل 19 الف درهم في ذلك الوقت وجيت السودان لافاجأ بالمعاناة واولها الجمارك لعربتي بما يعادل 20 الف درهم وقدر ما حاولت افهمهم اني جيت نهائي وانو الوزير قال في اعفاءات الخ والخ ولا حياة لمن تنادي المهم في الاخر اصريت اقابل الوزير وبعد لاي ومجاهدة تمكنت من مقابلته وقلت ليه يا سعدة الوزير انت جيت وقلت لينا كذا وكذا واعفاءات وانا على ضو كلامك جيت . تخيل الوزير قال لي شنو ؟ قال لي كلامي القلتو ليكم هناك انا لحستو. اها عايزنا نرجع ونلقى عصابة الانقاذ سلبتنا كل جهدنا ولمن نجيك حتقول لينا كلامي القلتو في القناة لحستو فالشبل من ذاك الاسد .لن تكون هناك عودة وهذا السرطان موجود لابد من بتره وانت شيخ العارفين يا حسين آخر العلاج الكي
اما حديثك عن الانقاذ وانها كانت محاربة من كل الجهات ياخ يا اما انت خفيف الدم او خفيف العقل
بدت الانقاذ اول ما بدت بامريكا روسيا قد دنا عذابها
يا الامريكان ليكم تسلحنا
يعني الانقاذ هي التي بادرت بالعداوة
اما بيوت الاشباح فقد بدت مع بدايات الانقاذ، أي لم تكن نتيجة لما قامت به الحركات المسلحة فيما بعد يعني يا حسين بدءا من مجزرة رمضان وحتى 96 الانقاذ سحلت الشعب السوداني واذاقته الويل في عيشه وفي عافيته وفي ادميته الى ان اعلن الرئيس صراحة نحن لا نتفاوض الا مع من يحمل السلاح
وقال : نحن الحكومة حبناها رجاله والعايز يشيلها يشيلها مننا رجالة . وبالتالي الحكومة هي من اعلنت الحرب على الشعب السوداني والحرب اولها دماء والحرب اخرها هواء ده منطق البارود ومازالت الانقاذ تستمريء الدم السوداني
اما مصر فيكفي يا حسين ان حسني مبارك هو من سوق لحكومة الانقاذ بين الحكومات العربية وبالتالي جلب لها التاييد
وكانت كل الدول العربية تشمل الانقاذ بالتاييد والدعم طيب الحصل ايه
كانت الخطيئة الاولى محاولة اغتيال حسني مبارك والتي قلبت كل موازين التاييد
ثم تلتها بفتح الباب لكل الاسلاميين في العالم بدءا باسامة بن لادن مرورا بالغنوشي وانتهاءا بالافغان العرب
وكانت ثالثة اثافي الخطايا تاييد صدام حسين ولن ينسى لكم الشعب العربي هتافاتكم ( اضرب اضرب يا صدام بالكيماوي يا صدام)
ورغم هذا كانت الدول العربية والخليجية في وفاق معكم والتي توجت بمبادرة شيخ زايد والتي كان رسولها المرحوم الزبير
فتمت مكافاته بحادثة الطائرة المشئومة
ياحسين ده تاريخ نحن معاصرينو فما تحاول تبرر لانو الانقاذ محاربة والعلاقة مع امريكا عسل ويكفي ان وزير خارجية السودان بعد ان سلم امريكا ملفات القاعدة في السودان وفي تصريح له قرأته بالشرق الاوسط قال ( نحن الان اصبحنا عين واضان لامريكا في القرن الافريقي)
وحاولت الدول الخليجية ان تستثمر رساميل ضخمة في السودان ولكنها فوجئت باكبر جسم حكومي فاسد في تاريخ الشعوب
وقبل هذا كان من اول المستثمرين الراجحي والخريف والاخير اضطر في الاخر ان يقوم برفع دعوى قريتها بعيوني البياكلهم الدود في الصحف السودانية وانت تعلم يقينا ماذا حدث لاموال كثير من الخليجيين وكثير من اموال شركة وادي العقيق
فما تحاول ان تجمل للانقاذ وجهها . الانقاذ في فتوتها لما كانت صبي يمكنه ان يتزوج اربع نساء مارست ابشضع انواع التعذيب والاذلال والقهر للشعب السوداني
ثم انت تنتقد المعارضة انها ما عندها فكر
مين قال ؟؟
ارجع اقرا مقالات د. كبج وارجع لما طرحه السيد الصادق المهدي في مبادرة اهل السودان
وارجع لمبادرة الاتحادي في القاهرة بل وحتى مقررات اسمرا للقضايا المصيرية اخدتها الانقاذ وشوهتها باتفاقية نيفاشا الهشة وارجع لمقابلات الراحل فاروق كدودة وارجع للمقابلة الوحيدة التي اجراها التلفزيون القومي مع الراحل النزيه نقد
ورغما عن كل الإعلاميين مدجنين الا ان كثير من الافكار النيرة من المعارضة تسللت الى وسائل الاعلام المرئية والمسموعة والمقروءة ، قل لي بربك يا حسين ماذا فعلت الحكومة والانقاذ حيالها
المعارضة لديها رؤى وحلول لمشاكل السودان
الانقاذيون الاسلاميون اتضح بعد 25 سنة يا حسين وليس 24 انهم ما عندهم التكتح غير الشعارات ويكفي انو خطيب المسجد يوم الجمعة قال الحكومة القومية تعني فصل الدين عن الدولة ياخ هو ذاتو الدين وينو ؟ عليك الله يا حسين مش اكلو الدودو؟
قال الانقاذ محاربه
الانقاذ دي لمن ما لقت تزول تحاربه حاربت نفسها
الشهيد الزبير
مجذوب الخليف
طون اروك طون
ابراهيم شمس الدين
كما تقول الشائعات
وخلي الشعب يمارس حقه الديمقراطي ونشوف هل حيقبل بالاحزاب دي والا لا
عارف يا حسين الشعب السوداني ده ذكي ممكن ينتقد ليك الاحزاب دي ورموزها في سوء ادارتهم
لكن عارف بقول على المتاسلمين شنو؟
حرامية
ما بقولوا الصادق حرامي او اولاده او الميرغني حرامي
لكن بقولو على كل رموز الانقاذ انهم حرامية
وهنا يكمن فرق كبير يا حسين
والسلام عليكم ورحمة الله
[email protected]


تعليقات 26 | إهداء 0 | زيارات 7716

التعليقات
#932446 [الممغوس من عودة الضرائب]
1.00/5 (1 صوت)

03-04-2014 12:28 PM
بمناسبة المغتربين ، امس ذهبت الى السفارة السودانية لتجديد جواز السفر ، فاذا بي افجأ بان المحاسب فى السفارة طلب منى تسديد ضريبة عن سنة 2013 فقلت له الضريبة دي ما إتلغت لها كم سنة قال لي رجعوها تاني .
بالله عليكم باي حق دولتنا ترجع الضريبة على المغتربين مرة ثانية بدون سابق انذار ولا حتى توضح الكيفية التى يتم بها حساب الضريبة على المغترب ومن المتعارف عليه بأن مثل هذا النوع من الضرائب يجب ان يصدر به قانون رسمي وهذا لم يحدث ... ويدل هذا على ان الحكومة لا تضع اي اعتبار للمغتربين وظروفهم ولا للاجهزة المعنية بالمغتربين مثل جهاز السودانيين العاملين بالخارج ، ويا جهاز ويا لجان المغتربين اين رايكم في هذا الامر .

ولا كن لا نملك الا ان نقول ( حسبنا الله ونعم الوكيل ... انشاء الله تدخل عليكم بالساحق والبلي المتلاحق)


#932411 [الحالم]
1.00/5 (1 صوت)

03-04-2014 12:02 PM
حسين خوجلي تدعي انك محنك وخفيف الظل وسريع البديها لمواجهة الخصوم واذكرك بحادثة عندما كنت طالبا بجامعة الخرطوم واتهمتك احد الفتيات بأنك روتها عن نفسها ولم تنكر قلت نعم ولكنها وافقت انت تربيت على يدي الاسلاميين وما وصلت اليه بفضلهم وانت ليس مؤهل لانتقادهم لانك منهم وان ادعيت غير ذالك فصوتك سيرتد عليك الصدي


#932399 [محمد]
1.00/5 (2 صوت)

03-04-2014 11:51 AM
ماقيمة التاج المرصع حينما -----يطوى على وهم ورأى فاسد



فعلام تصدمنا بشر بضاعة ---------- معروضة فى سوق وهم كاسد


#932040 [شعبان]
1.00/5 (1 صوت)

03-04-2014 01:27 AM
قال مظفر فى وصف احد الثوار الذين حكموا ..... ثم انستهم نعمه الحكم كل الثوريه

تكرش حتى صار بلا رقبه


#931744 [moh]
5.00/5 (2 صوت)

03-03-2014 05:35 PM
هذا رجل اهبل ويدعي المعرفة ولكنها تتبرأ منه ألا يستحي حسين خوخلي من شخصه وهو لايعرف مقامه


#931734 [احمد خضر ساتى]
3.00/5 (2 صوت)

03-03-2014 05:23 PM
سلام للجميع
فقط أريد أن أضيف بأن ماوجده برنامج مع حسين خوجلى من تجاوب وحضور كبير سببه الرئيسى ، هجومه الواضح والصريح لحال البد الان ، دى حقيقة لازم يعرفها اخونا / حسين والجميع ، كشف الحال بهذه الصراحة وبالبساطة دى وباللغة الدارجية التى اعتاد عليها شعبنا الطيب هو ماجعل الجميع ينتظر لحظات بدء البرنامج ، ومحالة الاستاذ / حسين خوجلى تجميل نقده القاسى والواقعى للانقاذ لن تفيد فى شىء ، المهم أصبح الناس يستمعون كل يوم لماساة الوطن ولحال البلد من واحد لايشك أحد بانه يؤلف او يكذب لكى يوضح حال البد وماوصلته من تدهور مريع فى جميع المجالات ، وهذا مايشكر عليه ود خوجلى ، فقط ينقصنا كمشاهدين الاعتذار الواضح منه على مشاركته ودوره الكبير فى تثبيت ونجاح انقلاب الانقاذ!!وأيضا كشف هذا البرنامج القصور الكبير فى دور احزاب المعارضة من ناحية اعلامية حيث لاقناة ولاصحيفة حزبية واحدة بالساحة لكى تكشف بنفس اسلوب وبساطة هذا البرنامج حال البلد ،. وربنا يلطف ببلادننا ، ويجمع الشمل لخير البلد ويستر من التشتت والتمزق والحروب .


#931686 [Amin]
0.00/5 (0 صوت)

03-03-2014 04:43 PM
شكراً لك


#931605 [زول وطني غيور]
5.00/5 (2 صوت)

03-03-2014 03:10 PM
ذات مرة كانت هنالك مناظرة في الثمانينات بجامعة القاهرة فرع الخرطوم بين السيد/ ياسر عرمان والسيد/ حسين خوجلي وكان حسين خوجلي يتمشدق في الكلام كعادته وجعل من نفسه متحدثا بإسم الشعب السوداني وكان يقول الشعب السوداني فعل كذا والشعب السوداني يفعل كذا فماكان من السيد/ ياسرعرمان إلا أن قال له ماذا تعرف أنت عن الشعب السوداني كل ما إزادت عمك طولا إزدادت معها معاناة الشعب السوداني الآن إزدادت عمة السيد/ حسين خوجلي طولا وعرضا حتي بلغت الثريا وإزادت أوداجه إنتفاخا وإزدادت كذلك إردافه غلظة.... ياهذا الحسين خوجلي نقطنا بسكاتك أسكتك الله..


#931604 [ثورة محمية بالسلاح ( كاودا وبس)]
5.00/5 (2 صوت)

03-03-2014 03:09 PM
بو الشيماء دجاج الكتروني مقزز ومعفن

أنت من المنتفيعن والمتزقة الانقاذية وخايف على القروش الحرام الخميتها انتظر نحن عارفنك تمام وحسابك عندي يا ابو العفين ... اخجل مما تقول ... هل ضميرك كان موجود وانت تحاول تجمل وجه الانقاذ القبيح التي خربت البلد من الداخل وفصلت الجنوب وأشعلت النيران في النيل الازرق ودارفور وجنوب كردفان ... أمس السفير السوداني في جنيف باع بيت السودان ... وتم بيع بيوت السودان في لندن ... وتم بيع خط هيثرو في مطار هيثرو في لندن ولا ما عندك خبر يا كوز يا معفن ... تقول هي لله وجيبك مليان قروش حرام ... هل فكرت في الحساب وعذاب القبر ... جاوب على السؤال ...


ردود على ثورة محمية بالسلاح ( كاودا وبس)
United States [مستغرب] 03-03-2014 09:10 PM
سؤال الى حسين خوجلي في بداية عام 2000 م الم يسكتوك ناس البشير وزمرته بمطابع الوان الجديدة وبالله كم كلفت ( مليار جنيه ) في عام 2000 - رجع فلوس الشعب وبعدين تعال اتكلم ن الفساد يا ....


#931599 [خالد حلفـا]
5.00/5 (2 صوت)

03-03-2014 03:03 PM
السيرة الذاتية لمسيلمة الفاتيــة

رحم الله عوض دكام .. القائل :-
( بجـي الخريف واللواري بتقيف !!! )

كان منفياً ومطروداً من المكان .. وكان منبوذاً من الزمان .. وكان منذ كان .. يمارس التحنيس والتبخيس .. والتهويش باللســان .. وكان جاهـزاً .. عل مدار الوقـت .. كامل الأوصـاف والألـوان .. يفهم من اشـارة ماذا يراد منـه .. في الحين .. وفي الأوان .. وكان قواداً رساليـاً .. يشيع الخمر والأفيـون والادمـان .. وكان دائماً يجيد الرقص والتهريـج ... أو غنـاء ارخص الأغـان ..وهكذا صار يجالس الصغار والكبار.. يروي لهم سواقـط القول .. وآخر النكـات والأخبـار .. وهكذا ظن الشقي .. أنه صار من الكبــار .. ومرت الأعوام .. تلو العام .. بعد العام .. فصار من بطانة الحكام .. وصار اقرب المقربين للنظام .. وصار مثلما وكيفما يشــاء .. يسرق وينهب ما يشـاء .. يقول ويفعل ما يشاء .. يبتز خلق الله .. يبتز دين الله .. يمارس التهديد للبنوك .. والوعيد للتجـار .. في وضـح النهار .. وصار عند الناس كالقضاء .. ينقض حينما وحيثما يشـاء .. ويشتم الأحياء والأموات .. ويهتك الأعراض والحرمات .. وصـار اسمه (فاتية النظام) .. وصار رسمه (المهرج الشتام) .. يشتم من فجاج الأرض .. حتى زرقة السماء .. يشتم من صباح الخير.. حتى هدأة السمـاء لم ينـج أحـد .. من الشتائم السوقية البلهـاء .. لم ينـج حتى الله .. لم ينج حتى أنبياء اللـه .. لم ينج حتى صحبة الرسول .. لم ينج وطن ولا شعب ولا مسؤول .. من رجس هذا المرض اللعــين .. هذا الذي يسعى على ساقــين .. مصلوبين تحت قبة عجفــاء ! ..وهكذا صار مسليمة الجديد .. حامي حمى الاسلام .. وأصبح المنظر الرسمي للبلاد .. وأصبح المفتي الذي يفتي شئون الدين والعبـاد .. يا سادتي الكرام .. أن مسيلمة هذا .. أخطر من مسيلمة القديم .. فمسيلمة هذا .. ليس له من الاسلام غير ركعة السجود .. ولا يعشق في الدنيا .. سوى الركوع والسجود .. لكن .. لغيـر الله ! .. كان يمارس الدعارة الجسدية وصـار الآن .. سلطان الدعارة الفكريـة .. كان له رأس مسفلت .. كان مفازة جرداء .. فليس تنمو فيه عشبة .. وليس فيه قطرة من ماء .. وظل حول خمسين سنة .. يدس تلكم الصحراء .. في عمامة بلهـاء .. يسعـى بها .. من دغش الرحمن حتى آخر المساء .. يمشي الى الحمام ... بالعمامة البلهاء .. يسامر العشاق ... بالعمامة البلهاء .. يمشي الى سرير النوم بالعمامة البلهاء .. ويصلي الصبح – ان صلاه – .. بالعمامة البلهاء .. فأي رجل .. هذا الذي يندس في عمامة بلهاء واي فكر سوف يأتي من عمامة كسشوار النسـاء .. تداخت في عصره الأشياء .. فأصبح الرجال كالنساء .. الى متي يا وطني .. يا ايها الطيب .. والمتعب .. الصبور ..الى متى يهين وجهك الكريم .. ذلك المهرج المذكور .. الى متى يبول في عينيك هذا العاجز العجوز والمكسور .. الى متـى .. تختلط الأمور .. حتى يصبح المأبون سيد الأمورالى متى .. يظل الفكر فاجراً .. كأنه ضرب من الفجور .. الى متـى يموت الناس بالجوع .. ويتخم السارق والفاسق والمحظور الى متـى .. يبرطع السوقي والدعي والمخصي والموتور .. وكل رأسماله .. طفولة مريضة مشحونة بشبق مسعور.


ملاحظة: هذا المقال منقول وأعتقد أن كاتبه هو الحردلو .. والله ما متأكد .. بس مسح بحسين خوجلي الواطه .. وهذه هي حقيقة حسين خوجلي


ردود على خالد حلفـا
[ود ابو زهانة] 03-03-2014 07:52 PM
هذه ليست مقالا وانما قصيدة كتبها المرحوم الشاعر سيداحمد الحردلو فى هجاء حسين خوجلى فى اوائل تسعينات القرن الماضى ولم تكن وسائط الاتصال وتقنية المعلومات منتشرة كما هى اليوم لذلك لم تجد القصيدة حظها من الانتشار فى السودان وكمنها كانت متداولة بكثرة بين السودانيين بالخارج آنذاك

European Union [اللحوي] 03-03-2014 05:52 PM
يا أخ خالد أنا لست مع النظام الحاكم ولكن هذا المقال لايمت لحسين خوجلي بصلة والرجل وبرغم إنه يتبع للإنقاذ ولكنك لا تعرفه حق المعرفة .... هذا الحسين ضوء قبيلة.

United States [ماسورة] 03-03-2014 05:09 PM
شكرآ خالد حلفا
مقال اكتر من رائع
حاجة ممتعة جدآ
وراقية ودسمة
وافية ومعبرة
وعذرآ للواطة المسحوها ب حسين
شكرآ تانى خالد وتحية لصاحب المقال الحردالو او غيره


#931582 [shah]
5.00/5 (1 صوت)

03-03-2014 02:42 PM
يا ناس ... يا ناس ... الجابركم شنو تشاهدوا المخلوق ده بكامل إرادتكم؟ ... هل هو "كاتبكم" بى فكى؟ ... أم جنيتوا؟ أم ماذا دهاكم؟
فقط إتخيلوا إنو إنكم بتشاهدوهو وهو ما لابس هدوم و شوفو كان بطونكم ما طمت.


#931579 [ربك ابا كوستى]
5.00/5 (1 صوت)

03-03-2014 02:37 PM
كل ما اشوف ليك حسين خوجلي دا اضحك واتذكر نكتة المسطول القالوا ليه كل اجزاء الجسم عندها وظيفة الا الصرة ماعندها وظيفة قال ليهم القال ليكم منو كدى جيب مفك نجمة وحلها شوف الجعبات دي كان ما وقعت ...... وانا متخيا انه راح تتم التجربة دي في حسين هذا ..
قال ايه قال الاسلام محارب وان الذين قتلوا في ظل الحرب الدائرة في جنوب كردفان والنيل الازرق يموت اعضاء الموتمر الوطني (الاسلاميين ) يا راجل انت اهبل ولا شنو قال اسلاميين قال وينو الاسلام دا انت لسة مصدق الهطرقة دي ديل والله العظيم لو عاد ابن سلول لتبرأ منهم لانهم قد فاقوه تدليس ونفاق


#931578 [ثورة محمية بالسلاح ( كاودا وبس)]
5.00/5 (1 صوت)

03-03-2014 02:37 PM
يا كوز يا حرامي من أين لك هذه الممتلكات :
1- قناة أمدرمان الفضائية
2- جريدة ألوان
3- إذاعة أمدرمان المسائية
4- شركة ألوان للطباعة والنشر
5- أخذت قرض من الصندوق القومي للتأمين الاجتماعي ولم تسددة ... ومصطلح قرض هو بس يعني تقنين للسرقة يقول قرض ويعمل نايم ... قابلت كوز شغال في الضرائب (سمين) قال لي أمورنا مشاه تش عرست وبنيت بيت في سنتين بس وقلت ليه جبت القروش من وين ... قال نحن في الضرائب نجمع القروش ونزعها في شكل قروض غير مستردة يعني اسم بس ونعمل أي حاجه عايزنها ... وأقل مبلغ 50 ألف جنية شيلها وأعمل نايم والكل بياخد من المدير للغير ...

تعليق:

الكيزان فكروا في مصطلحات لسرقة المال العام ومنها ما يلي :

1- المال المجنب بالدوائر الحكومية ... حكى لي صديق مقرب جدا ولصيق بكبار الحرامية زي أخوان البشير وتحديدا المدعو علي وعبد الله وكذلك وزير الدفاع ووزير الداخلية والكلام ده مؤكد 100% عمل ليهم شغل بتاع اتصالات للوزارات المعنية فقال عبد الرحيم وزير الدفاع بالنظر والواطة كانت ضلمة قال جنب لي 2 مليار في حسابي في دبي وادي علي اخو البشير عربية مرسيديس أوتوماتيك ... وفي ضابط في وزارة الداخلية مجنب مبلغ بسيط 15,000 جنية قال دي قروش الشاي والقهوة ... بالله شوف شاي وقهوة بــــ 15,000 جنية في الشهر ... طبعا أي واحد مؤتمرجي يسرق زي ما عايز وبعدين الكيزان شايفين ان البلد دي حقتهم براهم عشان كده شردوا الكوادر المؤهلة حتى لا تسألهم ونسوا سؤال الخالق ... مجموعة شركات زواي يمتلكها علي عثمان ... ونافع بقى تاجر مواشي في البطانة وفنادق في ماليزيا ... المتعافي والخضر كلهم حرامية ... مجموعة صيدليات كوينز يمتلكها علي اخو البشير من أين له هذه الاموال ... البشير من أين المزارع والفلل والشقق وغيرها ... جمال الوالي هو الاسم الحركي لوداد ... وحضرت له لقاء في النيل الازرق سأله المذيع كيف كونت هذه الثرو الطائلة فقال : القروش دي ما تعبت فيها جائتني ساكت ... كنت موظف بسيط واحلامي بسيطة وفجأة جائتني القروش ... جاتك من وداد يا حرامي ... وداد عندها عمارة في الصافية في 3 طوابق ومشاريع وشركات في دبي وذهب مدكن في خزائن بنكية في لندن ...


ردود على ثورة محمية بالسلاح ( كاودا وبس)
European Union [الزير] 03-04-2014 04:33 AM
القناة ليست لحسين (جوقلي) هذا ، بل هي لجهاز الأمن و ما صاحبكم الاّ موظف عند عطا المولي .
وهو بيأدي دوره ، فاعذروه ، لانو ناس (خلوّها مستورة) ما سكين عليهو شيكات .. وحاجات تانية ..


#931574 [ابو الشيماء]
0.00/5 (0 صوت)

03-03-2014 02:31 PM
يا دكتور كلامك هو صحيح لكن للاسف مغلف بحيث يبهر السامعين والقارئين
كان يجب عليك ان تكون اميناً وانت تتصدي لحسين خوجلي ذاكرا بعض الحقائق المدبجة بزخرف القول والغرور وبعض الافك
اما الحقائق المغلفة فهي تتمثل في (مصر هي التي سوقت لحكومة الانقاذ ......) نعم هذا صحيح ولكن لم تذكر كيف انقلبت مصر علي الانقاذ عندما ادركت تماماً انها لاول مرة تنخدع في السودان الذي كان هو دائما الحديقة الخلفية لمصر وهو السامع المطيع لمصر والذي لا يجري فيه امر والا كان لمصر في ذلك يد وهذه تحسب للانقاذ حينما خدعت بالحق مصر ووكلاء مصر والامبريالية في المنطقة (هذه محمدة )وقس علي ذلك
الانقاذ لم تقف مع صدام الا لان موقفها هو الحق بعينه (الانقاذ قالت انها ضد احتلال الكويت وعلي صدام الخروج من الكويت ولكن ذلك في الاطار الاقليمي والحل العربي وعدم اتاحة الفرصة لا ي تدخل اجنببي) وكم كانت رؤية الانقاذ ثاقبة وصائبة والدليل الان ما يحدث في العراف وفي غير العراق والذي لا يعلم له احد نهاية الا الخالق
اما الافك (الخلاص من الزبير وابراهيم شمس الدين وارورك وغيرهم ) هذا لا يقبله عقل انسان واعي ومدرك ولا حتي مثل هذه الامور يصدقها الدهماء


ردود على ابو الشيماء
European Union [الطوبجي] 03-04-2014 04:40 AM
يا دجاجة ..
لا تتّور نفسك ساكت ، داير تقنع منو أنت ؟؟؟
اذا حريص على راتبك ومخصصاتك فنحن نشّد على يدك لانك (نيران صديقة)
مع انو ما عايزين نفتنك مع اولياء نعمتك
ولو انت مخدوع و (لسّه) بنعذرك .. وبنشفق عليك ..
يا سيدي .. زمن (الإفك) والطبل الفارغ قد مضى ،
زمن (الغشامة) قد ولى الى غير رجعه في هذا البلد المنكوب ..
حتى الموالين لمجرمي الحرب والحرامية هؤلاء قد (فرّوا) من أوساخهم ..

أصحاا ..

European Union [الكاجن الفي الطاجن] 03-03-2014 03:36 PM
لكن حرامية ............. وبعدين اي زول دافر دردقة مش بسيط عارف حوادث التصفيات الدبرتها الانقاذ ومن الله ما شقق عينيك شفت ليك زول ببيع البول غير تجار الدين يا عايشين علي بول الناس وتتبجحوا .

United States [ثورة محمية بالسلاح ( كاودا وبس)] 03-03-2014 03:09 PM
بو الشيماء دجاج الكتروني مقزز ومعفن

أنت من المنتفيعن والمتزقة الانقاذية وخايف على القروش الحرام الخميتها انتظر نحن عارفنك تمام وحسابك عندي يا ابو العفين ... اخجل مما تقول ... هل ضميرك كان موجود وانت تحاول تجمل وجه الانقاذ القبيح التي خربت البلد من الداخل وفصلت الجنوب وأشعلت النيران في النيل الازرق ودارفور وجنوب كردفان ... أمس السفير السوداني في جنيف باع بيت السودان ... وتم بيع بيوت السودان في لندن ... وتم بيع خط هيثرو في مطار هيثرو في لندن ولا ما عندك خبر يا كوز يا معفن ... تقول هي لله وجيبك مليان قروش حرام ... هل فكرت في الحساب وعذاب القبر ... جاوب على السؤال ...

European Union [مدحت عروة] 03-03-2014 02:54 PM
يعنى يا ابو الشسيماء كونه الانقاذ تخدع مصر او امريكا وتقعد 25 سنة ما تسقط هل هذا ذكاء او انجاز مثلا؟؟؟
الانجاز فى نظرى حتى لو عملت انقلاب وكان ممكن ان يغفر لها ذلك اذا حققت وحدة وطنية ولمت شمل الوطن وعملت استقرار سياسى ودستورى وتداول سلمى للسلطة وتنمية مستدامة واصلحت التعليم والخدمات الصحية وتنمية الريف ودولة الحريات والمؤسسات والقانون ومستحيل يكون الشعب كله بفكرواحد لازم يكون فى اختلاف بين الناس لكيفية خدمة السودان لكنها عملت عكس ذلك تماما وهى اصلا عملت انقلابها لتعطيل الحوار الوطنى وتمكين الحركة الاسلاموية التى اتضح بعد انقلابها والله على ما اقول شهيد انها بت كلب وبت حرام من السلطة والثروة وباسم الدين وشرع الله شرعهم بلا يخمهم فردا فردا وبدون فرز ووالله انهم لاقل قامة من الاقزام!!!


#931543 [عائشة الفلاتية]
3.50/5 (2 صوت)

03-03-2014 01:53 PM
المهم في الاخر اصريت اقابل الوزير وبعد لاي ومجاهدة تمكنت من مقابلته وقلت ليه يا سعدة الوزير انت جيت وقلت لينا كذا وكذا واعفاءات وانا على ضو كلامك جيت . تخيل الوزير قال لي شنو ؟ قال لي كلامي القلتو ليكم هناك انا لحستو. ليه ما ذكرت اسم الوزير ده ؟؟؟؟
يعني بي لحسة كلام يضيع جهد غربة ويضيع مستقبل اطفال ويعرض رب اسرة للبداية من جديد في بلد ما فيها اي ادارة او مسؤؤلية او محاسبة !!!!!!!!!!


#931537 [usama]
5.00/5 (1 صوت)

03-03-2014 01:46 PM
حسين خوجلي دا عاوز بس الإنقاذ هي الحكومة يعني مثلا يمشي نافع يجي غندور وهكذا يكون غير النظام ههههههههه دا عبيط بشكل يعني تغير انقاذي بانقاذي ... القادم مثلا غازي وهو كان في الإنقاذ عمر جيل الشباب الان وعاوز يأتي بطريقة الإصلاح هههههههه الكلام شي والواقع شي كل الشعب السوداني حفظ وسمع كلام الحكومة لكن الواقع مر غلا وفساد وجريمة .. الشعب عارف خوجلي كوز فهل النفاق هو مخرجك


#931536 [الولايات المتحدة السودانية]
3.00/5 (1 صوت)

03-03-2014 01:45 PM
ود أمونة (أحد شخصيات رواية الجنقو مسامير الأرض للمبدع بركة ساكن ) , ليست شخصية خيالية داخل رواية!! إنه كائن حى يمشى على قدمين ,, فى كل الحكومات والمؤسسات والبوادى والحلال !!


#931526 [عادل]
4.50/5 (4 صوت)

03-03-2014 01:30 PM
والله اى واحد يحضر حلقة كاملة لحسين خوجلى وما تجيهو جلطة ولا ضغطو يرتفع يستاهل جائزة


#931500 [ابوالفياض]
4.00/5 (2 صوت)

03-03-2014 12:57 PM
كان ياما كان في سالف عهد الانقاذ القرييييييب ده حاجه اسمها مؤتمر الحوار الاستراتيجي دعي له كل الوان الطيف السياسي ورعته رئاسة الحمهورية دي ذااااتها وصرفت عليه مليارات وبسبب تصديق القائمين عليه من بعض ضباط الامن ومشاركتهم غير المحسوبة في مداولاته تم فصل احدهم لتفووهه بجملة محتواها (لو ان المؤتمر اوصى بفصل الدين عن الدولة لاصبح ذلك ملزما)....
على العموم ماتمارسه السلطة الآن ومن حولها ومشجعيها لايخرج من توصيف الازمة الشاملة والتي تصل باللاعبين الاساسيين فيها لدرجة (الدوشة الشديدة) بحيث لايرى ولايسمع ولا يتذكر .. انا مستغرب في الناس الكبااار الصدقوا قصة الحوار دي !!!!


#931476 [ثورة محمية بالسلاح ( كاودا وبس)]
5.00/5 (2 صوت)

03-03-2014 12:32 PM
يا خي حسين خوجلي ده حكـــــــــــــــامة يعني بعمل شغل حريم وهو ليس برجل ويطبل للبشير حتى يمد في عمره وهو يلهط ويلحس كوعو ويلحس كلامو ... اذا لم تستحي افعل ما تشاء ... الزول ابو كشة ده ما عنده زول ينصحو ويقول له ان الشعب السوداني بضحك عليك ومستغرب فيك ... الانقاذ قسمت البلد وسرقت المال العام وأغتصبت ودمرت وحرقت ولا تزال تقتل ... والبشير المتخلف العواليق وكمان نافع قليل الادب قالوا نحن شلناها رجاله والداير ياخدها رجاله ... ده اسلوب ... يا حسين من أين لك وانت مجرد صحفي أنت تمتلك قناة فضائية وصحيفة وشركة طباعة والباقي الله يعلم ... بس لانك حكامة ... وأنت الان بتلمع في وشع البشير الملطخ بالدماء .. يا كوز يا معفن ... صدق المرحوم محمود محمد طه حين قال قولته المشهورة:
لابد أن يكحم الكيزان السودان قيل لماذا ... فقال حتى يعرف الشعب السوداني سوء أخلاقهم وفجورهم وعفنهم وحرمنتهم ... فقال سوف يحكمون السودان ولو على ظهر دبابة ... وفعلا حصل ... وسوف يذيقون الناس الامرين ... وحصل ... ولن يستطيع الشعب اخراجهم من الحكم ولكن تقع فتنة بينهم ثم تنقلب عليهم الدائرة وينتهون للابد ... ولن تقوم لهم قائمه ... لأن الناس عرفتهم وخبرتهم ... فليس لهم مكان بيننا ... باي باي يا كيزان للأبـــــــــــد من بلاد السودان أنتم عفن وسرطان ...


#931469 [ابوغتاته]
5.00/5 (2 صوت)

03-03-2014 12:22 PM
والله كفيت ووفيت ,, وما قلت إلا الحقيقه,, شكرا لك


#931467 [ابو احمد]
0.00/5 (0 صوت)

03-03-2014 12:22 PM
مقال جيد بس يحتوي اخطاء إملائية كثيرة .



#931450 [Quickly]
3.00/5 (2 صوت)

03-03-2014 12:06 PM
انت يادكتور تخصص حسين خوجلي ولا شنو؟؟ بس تمام ايو كدا خلوهو يكره البرنامج بتاعوا ويقطع وشو وخلقته


#931447 [القشاش أب دقن]
5.00/5 (2 صوت)

03-03-2014 12:04 PM
والله انا مستغرب هو حسين ى فاكر النا س هبل ولا بتهابل عليهم ...


#931414 [أبو أواب]
5.00/5 (3 صوت)

03-03-2014 11:39 AM
والله يادكتور

الزول ده دقيتو بي مقالك ده دق تمام

دقو دقاهو بلا يخمو

ده أرزقي

والله ده لو قعد ينبح في برنامجو ده مية سنة

ما ح تتغير نظرتنا ليه ولا لأي كوز مصدي

ديل يا دكتور مهما تسوء الظن بهم، تأكد أنك قد أحسنت الطن بهم

أو كما قال ...


#931407 [توتال]
3.00/5 (2 صوت)

03-03-2014 11:28 AM
حقيقة هذا الشاب مفكر ومثقف جدا ومن ينكر ذلك فانة حقود لكن لم تعطية الانقاذ فرصة حتى يبدع


ردود على توتال
United States [الراجل] 03-03-2014 09:53 PM
يا (القرفان) ده حركات ل.......ه ساكت هههههههههه

United States [زول وطني غيور] 03-03-2014 03:55 PM
إذا كنت تقصد السخرية أقول لك أنت محق في ذلك أما إذا كنت تعني ما تقول أقول معليش أنت غلطان إي مفكر هذا الذي يسخر قلمه وفمه لخدمة الأنظمة الديكتاتورية القمعية ، هل هذا مفكر ؟؟ أم إنتهازي ؟؟

United States [القرفان] 03-03-2014 01:19 PM
هههههههههه مين الشاب !!
انت يظهر عليك كتكوت لزوك هنا
ياخي دا جدي اصغر منه ..ما تتخم باللمعة والتمسح دي حركات ل.... ساكت

United States [سودانى ساكت] 03-03-2014 12:36 PM
اشترى ثلاثة حوالات بلح لكبرى مؤسساته امدرمان اذاعة المساء الوان..دا الظاهر بس بالمناسبة..فرصة اكثر من كدا يعطوه السودان كله؟

United States [ثورة محمية بالسلاح ( كاودا وبس)] 03-03-2014 12:32 PM
يا خي حسين خوجلي ده حكـــــــــــــــامة يعني بعمل شغل حريم وهو ليس برجل ويطبل للبشير حتى يمد في عمره وهو يلهط ويلحس كوعو ويلحس كلامو ... اذا لم تستحي افعل ما تشاء ... الزول ابو كشة ده ما عنده زول ينصحو ويقول له ان الشعب السوداني بضحك عليك ومستغرب فيك ... الانقاذ قسمت البلد وسرقت المال العام وأغتصبت ودمرت وحرقت ولا تزال تقتل ... والبشير المتخلف العواليق وكمان نافع قليل الادب قالوا نحن شلناها رجاله والداير ياخدها رجاله ... ده اسلوب ... يا حسين من أين لك وانت مجرد صحفي أنت تمتلك قناة فضائية وصحيفة وشركة طباعة والباقي الله يعلم ... بس لانك حكامة ... وأنت الان بتلمع في وشع البشير الملطخ بالدماء .. يا كوز يا معفن ... صدق المرحوم محمود محمد طه حين قال قولته المشهورة:
لابد أن يكحم الكيزان السودان قيل لماذا ... فقال حتى يعرف الشعب السوداني سوء أخلاقهم وفجورهم وعفنهم وحرمنتهم ... فقال سوف يحكمون السودان ولو على ظهر دبابة ... وفعلا حصل ... وسوف يذيقون الناس الامرين ... وحصل ... ولن يستطيع الشعب اخراجهم من الحكم ولكن تقع فتنة بينهم ثم تنقلب عليهم الدائرة وينتهون للابد ... ولن تقوم لهم قائمه ... لأن الناس عرفتهم وخبرتهم ... فليس لهم مكان بيننا ... باي باي يا كيزان للأبـــــــــــد من بلاد السودان أنتم عفن وسرطان ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة