الأخبار
منوعات
المريخ يعتذر عن مواجهة أتلتيكو مدريد ويدرس عرض مواجهة البارسا بفرنسا
المريخ يعتذر عن مواجهة أتلتيكو مدريد ويدرس عرض مواجهة البارسا بفرنسا
المريخ يعتذر عن مواجهة أتلتيكو مدريد ويدرس عرض مواجهة البارسا بفرنسا


03-05-2014 12:08 AM

الخرطوم – وائل السر

تقدم المريخ باعتذار رسمي لنادي أتلتيكو مدريد الأسباني عن عدم قدرته على أداء المباراة الاحتفالية التي كان مقرراً لها في شهر مايو المقبل لتكريم قائد المريخ السابق فيصل العجب الذي كان قد توصل لاتفاق مع المجلس باعتزال كرة القدم نظير إقامة مهرجان ضخم لتكريمه التكريم الذي يليق بما قدمه للفرقة الحمراء من عطاء ثر على مدى سنوات حافلة بالبذل والإجادة, ولم يبرر مجلس المريخ اعتذاره عن مواجهة الفريق المدريدي بمواصلة العجب لمشواره مع نادي مريخ الفاشر الذي يعتبر الملك حالياً هدافه الأبرز وأحد أميز نجومه بل برر عدم أداء المباراة الاحتفالية بالخرطوم لانشغال الفريق بمبارياته في مسابقة الدوري الممتاز, وعلى صعيد متصل تلقى مجلس إدارة نادي المريخ دعوة رسمية من إحدى الشركات المنظمة للمباريات لمواجهة برشلونة بفرنسا في موعد يحدد لاحق, ووعد مجلس إدارة نادي المريخ بدراسة العرض خلال الاجتماعات المقبلة للرد عليه بصورة رسمية ومن المرجح أن يوافق المريخ على مواجهة البارسا بفرنسا نظراً للكسب الإعلامي الكبير الذي تحقق له من المباراة التي لعبها أمام بايرن ميونخ الألماني التي جعلت المريخ على كل لسان.

اليوم التالي


تعليقات 16 | إهداء 0 | زيارات 8202

التعليقات
#935113 [حريكة]
0.00/5 (0 صوت)

03-07-2014 09:19 PM
والله لاعبي المريخ ديل يصلو فرنسا كلهم ماتلموا فيهم تاني لجؤ سياسي
ههههههههههههههههههه بالزات بلة جوز والزومة


#933560 [ودالبدري]
0.00/5 (0 صوت)

03-06-2014 12:35 AM
يا امه ضحكت من جهلها الامم
اتليتكو شنو يا جماعة ومريخ شنو كمان يعتذر ؟؟
والله اعلامكم سبق اعلام المصرين في الكذب
واتليتكو دة ما شاف الاهلي القاهري والا الترجي
ما لقي الا ناس قريعتي راحت ديل ؟؟؟
والله انا لو عندي سلطة اجيب الوالي دة وابطحوا علي
بطنو في السوق العربي وادي ليك مية جلدة...
قال عالمي قال .


#933495 [خالد]
0.00/5 (0 صوت)

03-05-2014 11:04 PM
ترفضوا تقابلوا اتليتكو وتفكروا في قبول عرض ملاقاة برشلونة بفرنسا !! نمشي و اللا لا ؟؟ رهيب يا مريخ ، يا بطل الأندية الأفريقية 3 مرات متتالية و4 مرات بالمنفرد ، عجيب يا بطل كأس السوبر الأفريقي ويا ممثل أفريقيا الدائم بكأس القارات ، أصلي يا الدرست الألمان و الروس فنون الكورة بالدوحة ، يا الطرت من التمهيدي عشان تتفرغ للمباريات الودية الدولية ، المريخ على كل لسان بعد ملاقاة البافاري !!!!!!!!!!!!!!!!!!!!!
بالله يا بشر سألتكم بالله ، الزول الكتب الكلام الفارغ ده في (اليوم التالي ) ما يستاهل الشليت ؟؟


#933260 [جاكوما]
0.00/5 (0 صوت)

03-05-2014 04:36 PM
والله لو كنت مسئول فى البلد الهاملة دى لعلقت جمال الوالى من عرقوبه
فى كشافات استاد المريخ !!


#933216 [ماسورة]
5.00/5 (1 صوت)

03-05-2014 02:55 PM
فولة وانقسمت نصين

(وينو بلة) !!


#933211 [ماسورة]
1.50/5 (2 صوت)

03-05-2014 02:50 PM
يمة الليلة يوم فرحي يااايمة
يمة الليلة يوم فرحى


بدورك انت يا الوالى
تسرق ديمة
من مالى
تحقق ليا
آمالى
فكرك يا جمال
عالى
لا تمهيدى
لأ (مالي)
نسافر نمشى لباريس
نلاقى البرشا
طوالى...

يايمة


يمة الليلة يوم فرحى


ردود على ماسورة
United States [ودام درمان] 03-05-2014 03:39 PM
انتو ياجماعة ناس مزمل ديل العبض بتاعهم دة مادايرين يخلوه ولا شنو؟والله اجمل حاجة قالها الاعيسر فى حق هيثم كابو.قال دى صحفى بتاع رقصات وفنانات.والله لو كان ادو مزمل مداخلة ما عارف كان قال عليهو شنو؟والله يا مريخاب تقرو الصى وايوم التالى والله السنة الجاى التمهيدى ما تلمو فوقه.قال عالمى؟ ٌقال برشلونة؟ على الله عين للصورة دى ساكت وقارن


#933140 [السنجاوي]
5.00/5 (1 صوت)

03-05-2014 12:31 PM
أجمل ما في الخبر الصورة التعبيرية والابتسامة لمسي وبله جوز
ياعالم اصحوا شوية كل ما المريخ يطير من التمهيدي يحاولوا الهوا جمهوره بموضوع زي ده مرة مقصورة ومرة انظموا سيكافا ومرة دورة حوض النيل والمرة دي جابت ليها اسبان
عالمي ولا تكمبلني هههههههههههههههه


#933103 [حسن]
0.00/5 (0 صوت)

03-05-2014 11:20 AM
برشلونة مرة واحدة
أنا لسة مش مصدق إنو المريخ لعب مع بايرن ميونخ
كمان فيها برشلونة
ياخي طخ


#933101 [دكوة]
0.00/5 (0 صوت)

03-05-2014 11:16 AM
ههههههههه والله دى اجمل نكته اسمعه.....خخخ


#933022 [خاتي اللوم]
0.00/5 (0 صوت)

03-05-2014 08:27 AM
يخلق من الشبه أربعين


#933016 [مجنون ليلى]
5.00/5 (4 صوت)

03-05-2014 07:36 AM
والله ديل تودوهم فرنسا ما تلمو فيهم تاني .

اشك في صحة هذا الخبر ، لانو ما ممكن يا جماعة البرسا يلعب مع طيش التمهيدي ، ما راكبة ...

الظاهر كلام اخونا ( مجروس ق ش م) صحيح ،الصحفي ده بكون راكبلو فيلا كبيرا ..


#932995 [ALI]
0.00/5 (0 صوت)

03-05-2014 05:35 AM
يا جماعه واحد انزل لينا ضخكه السر قدور اكون ما قصر


ردود على ALI
United States [موردة حضارة] 03-05-2014 07:25 PM
hhhhhhhhhhhhhhhhhhhhhhhhhhhhhhhhhhhhhhhhhhhhhhhh


#932972 [Abo duraih]
5.00/5 (2 صوت)

03-05-2014 03:20 AM
هههههههههههه فريق فشل في تخطي الدور التمهيدي في دوري أبطال افريقيا ويتكلم عن إعتذار لنادي أتلتيكو مدريد الذي ينافس على صدارة الدوري الأسباني. لا وكمان داير يعلب مع برشلونة؟؟؟؟
يا جماعة الخير خلوا النفخة الكدابة زي ما بقولوا المصريين وأتركوا تععظيم الذات ، فريق المريخ شأنه شأن كل الفرق السودانية والكره السودانية المتدنية فريق متواضع لو ينافس في الدوري الإسباني الدرجة الرابعة ما حيفوز بالدوري.
أتركوا عنكم هذه الأناة وتضخيم أنفسكم. نحن في الكرة متدهورون جدا ومستوانا لا يرقي لهذه الأندية فبلاش الحركات دي.
عجبي لفريق طار من الدوري التمهيدي وأكرر التمهيدي ويقول الكلام ده أستحوا ياخي.

ثم أني عندي رأي في المريخ الذي راعاه المؤتمر الوطني في إطار إلهاء الشعب عن ما يفعله هذا الحزب الفاسد بل أن رئيس وقبل أعوام قليلة لم يكن ذكرا مذكورا فما في داعي للريط والمريخاب يقوموا يهيجوا بدافع التعصب للمريخ.
على فكرة ليس لدي ميول كروية وأنما أرى حال الرياضة في بلادنا واضحك من هذا الخبر
قال إعتذر لأتليتكو مدريد قال
بكره أتليتكو مدريد حيصدر بيان يعبر عن أسفه لرفض المريخ ويترجاه للموافقة في مناسبة أخرى

أصحوا يا عالم ده حالنا في السياسة برضو


#932943 [خريج قرفان]
3.00/5 (3 صوت)

03-05-2014 01:39 AM
عالمي لا تكلمني


ردود على خريج قرفان
United States [شطة] 03-05-2014 01:22 PM
عالمى,,, لا تكمبلنى


#932938 [yahoo]
5.00/5 (2 صوت)

03-05-2014 01:27 AM
ههههههههههههههههههههههههههههههههههههههههههههههههههههههههههههههههههههههههههههههههههههههههههابتسامتك عجيبة ياميسي


#932926 [مجروس ق ش م]
5.00/5 (5 صوت)

03-05-2014 12:33 AM
الخرمجة في هذه الشتلة باينة كيف يعتز المريخ ﻻتلنكو مدريد هل كان العجب ﻻعبا في مدريد واحنا ما عارفين وهل اتلتكو مدريد قدم الدعوة للمريخ ﻻجل تكريم العجب .دة باين علية صحفي ﻻبس عراقي هباب وراقد في عنقريب في الحوش وراكب لية فيل ضخم ما ﻻقي موضوع يكتب فية قام كتب موضوع خارم بارم


ردود على مجروس ق ش م
[صخر عيسى] 03-05-2014 01:20 PM
الفرق الكبيرة عايزة تلعب مع المريخ ليسي حبا فيه ولكن ما دام هناك فريق من العالم الثالث يدفع المليارات من أجل أن يشتري سمعة له حتى يصبح عالميا فليس مستبعدا أن تطلب برشلونة أو ريال مدريد اللعب معه من اجل أموال الوالي الذي يدفع طوالي من غير ان يكون عندنا والي في بلد يقبع تحت خط الفقر يسأل عن هذا العبث والأموال المهدرة في لا شيئ والملايين يتضورون ويموتون جوعا. اليس هذا عبثا ان يلعب فريق خرج من دور قبل التمهيدي بعدد مربعات الشطرنج ال64 مع اساطين الكورة العالمية نحيا ونشوف

United States [همر جي إل] 03-05-2014 08:04 AM
يا مجروس أنت مخك في ساقك ولا شنو؟
المريخ أصلا كان متفق مع أتليكو مدريد على قيام المباراة لتكريم العجب والكلام ده تم الاتفاق عليه قبل ستة شهور ، الان المريخ قرر إلغاء المهرجان فقدم خطاب اعتذار للنادي الاسباني واعتبار الاتفاق السابق ملغي .

European Union [yasir] 03-05-2014 04:02 AM
ههههههههههههه ... يا اخونا هو مزمز حوووووووصه ده بعد الكمبله دى بقى راكب ليهو زرافه عديييييل .. خخخخخخخ قالوا الزراف ركوب الجن خخخخخخخخ



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة