الأخبار
أخبار إقليمية
نائب البشير : وثبة البشير خلال اسبوعين
نائب البشير : وثبة البشير خلال اسبوعين
نائب البشير : وثبة البشير خلال اسبوعين


03-05-2014 01:10 AM

قالت الرئاسة السودانية إن آلية الحوار الذي دعا له الرئيس عمر البشير، بين الحكومة والقوى السياسية ستعلن خلال أسبوعين. وأكدت جديتها في إجراء حوار وطني صريح مع كل الأحزاب السياسية وحاملي السلاح ومنظمات المجتمع المدني.

وأعلن نائب الرئيس حسبو محمد عبدالرحمن، في لقاء جماهيري بمدينة الجنينة بولاية غرب دارفور، يوم الثلاثاء، أن الدولة ستمد أياديها بيضاء لكل القوى السياسية بما فيها حاملو السلاح بهدف إجراء حوار وطني صريح بين كافة مكونات المجتمع.

وفي الخرطوم شدد النائب الأول للرئيس بكري حسن صالح، على أهمية تحقيق الإصلاحات والوفاق الوطني عبر تطبيق ما جاء في خطاب الرئيس الخاص بالإصلاح.

وقال صالح خلال اجتماع مع مساعد الرئيس عبدالرحمن الصادق المهدي، إن الدولة تسعى سعياً حثيثاً لإشاعة السلام والأمن في ربوع البلاد، تحقيقاً للتنمية المستدامة وإشاعة الوفاق، بما يرضي تطلعات الشعب السوداني .

وأوضح عبدالرحمن المهدي، في تصريحات صحفية، أن اللقاء شدد على أهمية خلق علاقات وطيدة مع دول الجوار والمجتمع الدولي، بما يحقق المصلحة الوطنية، والدفع بما جاء في خطاب الرئيس للإصلاحات لتوحيد الصف الداخلي .

وأشار المهدي إلى أن النائب الأول دعا لتجميع كل المجهودات المبذولة لحل قضية دارفور، والدفع بها للأمام لتحقيق الاستقرار المنشود في الإقليم، وتحقيق الرفاهية لمواطنيه.

اليوم التالي


تعليقات 5 | إهداء 0 | زيارات 3783

التعليقات
#933084 [ودالشريف]
5.00/5 (1 صوت)

03-05-2014 10:41 AM
حوار شنو بدون حرية راى وصحافة ده حوار طرشان انتو النقاذيون ديل مفتكرين اهل السودان لسة بريالتهم ولا شنو قال حوار عالم ماتستحي اخجلو ومرة واحد ابقو رجال انتو قايلين الرجالة قوة سلاح الرجالة مواقف وانتو ياكافى البلاء موقف رجال واحد من سرقتو السلطة ماعندكم بس تذكرو ارادة الشعوب تنتصر وان طال الزمن


#933031 [ahmed//]
5.00/5 (1 صوت)

03-05-2014 09:04 AM
وقال صالح خلال اجتماع مع مساعد الرئيس عبدالرحمن الصادق المهدي، إن الدولة تسعى سعياً حثيثاً لإشاعة السلام والأمن في ربوع البلاد، تحقيقاً للتنمية المستدامة وإشاعة الوفاق، بما يرضي تطلعات الشعب السوداني .

________

وتعلمون تمام العلم أن الشعب السودانى ليست راضى عنكم لابعد السلام ، ولا قبل السلاموانتم لستم جديرين بإرضاء تطلعات الشعب السودانى لأنكم شعرتم بالضعف وعرفتوا أن الله حق فالشعب السودانى ليس فى حاجة لكم الآن بعد ذاق منكم الذل والهوان طوال عهدكم المشئوم


#932971 [fm3]
5.00/5 (1 صوت)

03-05-2014 03:19 AM
القفزة ان شاءالله ح تكون من كرسى السلطة الحكومة وقعت ياناس قوموا تموا الناقصة
خلاص وقعت وفلست(افلوسوا البلد ونهبوها وحولوا الدولارات الى الخاج)
اصحوا قوموا منتظرين شنوااااا

شعب جعان لكنوا جباااااااااااااااااااااااااان


#932955 [عادل]
5.00/5 (1 صوت)

03-05-2014 02:24 AM
لا ادرى عن اى وثبة يتحدث زعيمنا الخالد عن ايقاف البنوك فى عدد من دول العالم عن تعاملها مع بنك السودان وبالتالى عن بدات صعوبات استيراد الدواء على بعض الشركات المستوردة للادوية .
اما وثبة الجنجويد بقيادة المدعو موسى هلال صنيعة الانقاذ لقتل ابناء جلدته ومهانة قيادة القوات المسلحة بما يسمى بالجنجويد قتلة ابناء السودان مهما كان المسمى ياادم محمود جار النبى النبى ياابن الدفعة 31 وحامل سيفها هل هانت على القوات المسلحة ان تحتمى بالهباتة واللصوص ومغتصبى النساء.
اما وثبة حرية الصحافة ظاهرة للعيان فى المحاكمات ومصادرة الصحف وخروج الارزقية من الاعلام الاصفر فى وقفات تضامنا مع قناة الجزيرة
عن اى وثبة تتحدثون وثبة الفقر والجوع وانعدام الدواء
لعلها وثبة فشل المفاوضات فى اديس ابابا عنوان الوثبة الاكبر وسيناريو الانفتاح القادم


#932946 [سليمان]
5.00/5 (1 صوت)

03-05-2014 01:47 AM
يا جماعه انتو ما حاسين انو الموضوع دا طول حوار دا ولا لعب عيال كل مره تاجيل لاسبوع مره لاسبوعين مره ما عارف منو ما جاء ومره الزول دا كذاب ومره الحكومة تقول النقاش يكون في جزء ويخلو جزء ومره.............الخ كرهتونا زاتو الحوار دا
يا حكومة الحوار لازم يكون سريع عشان نلحق السودان قبل ما تموووووووووووووووووووووووووووووووووووووووووووووووووووت
لانو لو ماتت ((ممكن تصومل)) وكان دا حصل الحوار بعدين ما بينفع
انتو البديتو وقلتو دايرين الحوار وسويتو خطاب طووووووووووووووووووويل زول فيهم منو حاجه مافي وحددتو مواعيد والناس جات وانتو ما جيتو قمتو اجلتو اسبوعين وتاني قلتو النقاش في موضوع معين والمعارضه قالت لا النقاش في كل مشاكل السودان وعملتو جرجره تاني وفي النهاية اصلا انتو ما دايرن حوار انتو دايرين جرجره عشان تعمل صيفكوم الحار الابا يسخن نهائي
عليكوم الله فكونا من الحوار دا يا تعملو يا تسكتو



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة