الأخبار
أخبار إقليمية
بعد إهتزاز الثقة..أنباء عن إتجاه دولة الامارات إيقاف التعامل مع البنوك السودانية.
بعد إهتزاز الثقة..أنباء عن إتجاه دولة الامارات إيقاف التعامل مع البنوك السودانية.
بعد إهتزاز الثقة..أنباء عن إتجاه دولة الامارات إيقاف التعامل مع البنوك السودانية.


03-05-2014 02:57 AM
الراكوبة خالد أبو أحمد

أكدت مصدر وخبير مصرفي لـ(الراكوبة) بأن دولة الإمارات العربية المتحدة قد تعلن في الأيام القليلة المقبلة قرارها بايقاف التعاملات مع المصارف السودانية حاذية حذو المملكة العربية السعودية وعدد من المؤسسات المصرفية الأوربية، وقد اعتبر المصدر المصرفي بأن "خطوة الامارات العربية في هذا الشأن تعتبر قاصمة الظهر بالنسبة للنظام الحاكم في السودان، لأن دولة الإمارات الوحيدة بالنسبة للأِشقاء العرب التي تعاملت مع نظام الحكم في التحويلات المالية في أحلك الأوقات وأصعبها وكانت مصدر حل للكثير من الاشكالات المالية التي واجهها نظام الحكم".

وقد علل المصدر السبب الرئيسي في ايقاف دولة الامارات العربية المتحدة التحويلات المالية للمصارف السودانية يرجع إلى الحفاظ على مصالحها المالية بالدرجة الأولى لأن الثقة بالنظام المصرفي السوداني قد تزعزعت خاصة وأن حكومة السودان فقدت 70% من انتاج البترول الذي كان يوفر لها مدخولا كبير يعزز من ثقة المتعاملين معها ماليا.

وقال المصدر بأن المملكة العربية السعودية قد تأكد لها استحالة وفاء الجهات المصرفية السودانية بإلتزاماتها المالية بالنسبة للأوضاع الصعبة التي يعيشها الاقتصاد السوداني، ووضعية النقد الأجنبي في المصرف المركزي (بنك السودان)، وهو ما رأت فيه السعودية صعوبة في التعامل مع هذا الوضع الجديد وذلك حفاظا لمصالحها المالية، وأشار إلى أن الكثير من عمليات التمويل تتم عبر خطابات ضمان من بنك السودان، وهكذا كانت العمليات التمويلية التي لها علاقة وثيقة بأموال البترول وغيرها، وكذلك الأوربيين أيضا قد شعروا بأن الوضع الذي يمر بها الاقتصاد السوداني حاليا لا يمكن المصارف السودانية من الإيفاء بمبالغ الاعتمادات، وهي مبالغ كبيرة في كل الأحوال.

وأوضح بأن "شبهات الفساد المالي التي طالت وزير المالية الحالي بدر الدين محمود بالتورط في قضية فساد شركة الأقطان السودانية عندما كان يشغل منصب نائب محافظ بنك السودان، ونشرت في الصحف السودانية وعلى كبرى مواقع الانترنيت أسهمت بشكل كبير في زعزعة الثقة بالنظام المصرفي السوداني، نحن لا نتحدث عن مدير بنك، بل نتحدث عن شخص كان الشخص الثاني في قيادة البنك المركزي، ووزير المالية الحالي، هذا ما يعني الدولة في السودان فقدت الشخصية المرموقة ذات المكانة المصرفية اللامعة التي تعزز المصداقية، ولذلك كان طبيعيا أن يحدث ما حدث من انهيار للنظام المصرفي بعد خروج الكفاءات المالية والمصرفية الوطنية المعتبرة للعمل في الخارج"..!!.

الكذب الصريح..!!.
عندما تم الاعلان عن وقف المملكة العربية السعودية وعدد من البنوك في أوروبا لتعاملاتها مع البنوك السودانية كعادة المؤسسات الرسمية في النظام الحاكم كتب البنك المركزي السوداني بيانا صحفيا أكدت من خلالها على الفجيعة التي نعيشها وأكد كذلك على استمرار نهج الكذب واللف والدوران قائلا "إيقاف البنوك الدولية لتعاملاتها مع بنوك السودان بـ(الطبيعي) في المجال المصرفي".!!.

وكالعادة أيضا يلتف النظام الحاكم على كل الحقائق الواضحة مثل الشمس، ويحاول تبرير الإخفاق والفشل بينما افرازات السياسة النقدية على قفى من يشيل، وقد مللنا من ذكرها وتحديدها بالأرقام والمعلومات والبيانات، والخطوة التي قامت بها المملكة العربية السعودية وستلحقها دولة الامارات العربية المتحدة تعتبر وصمة عار في جبين النظام الحاكم الذي لا يدري عاقبة تلاعبه بالاقتصاد الوطني واستهتاره بموارد البلاد.



تعليقات 38 | إهداء 1 | زيارات 32009

التعليقات
#936467 [د.. محمد عبد الرازق سيد احمد]
1.00/5 (1 صوت)

03-09-2014 12:57 PM
اخي المحموم جدا ... سلمكالله وسلمني والاهل جميعا في السودان .. وحمي الصبر .. ان شاء الله ستفرز السرور اخيرا عندما تتحول الحمي الب بني كيزان ولا اقول بني حمار .. لان الحمار عنده مكانه عند الله تعالي وقد قال : ( والخيل والبغال والحمير لتركبوها وزينه ) شوف وزينه هذه ...سبحان الله .. اما بني كيزان فلاهم زينة ولاهم يتركون الشعب في سكينه .. ولو تعلم اخي .. انا اضطريت للهجره بعد ملاحقة امن الكيزان رغم انه ما عندي محبه للسياسه .. وكنت في المجموعه العليا الاولي .. والحمد لله وجدت في الارض مراغم كثيره .. وتمنيت لو يهاجر كل اهل السودان .. عشان نشوف الجماعه ديل سيحكموا من .. وسينهبون من ..وسيلاحقون من .. وبسجنون من .. كل هذه الافعال هي من خوفهم علي مستقبلهم .. والمحكوم عليه بالنهايه قريبا .. وتنتهي الحمه عند شرفاء ابناء السودان .. وتعود الطيور المهاجره .. وان غدا لناظره قريب .. ومن وسط الظلام والظلم اقول .. سيأتي اليوم الذي فيه تشهد مياديننا في السودان المحاكمات العلنيه وينال كل من ظلم حقه العادل عندما يري جيف الكيزان تنهشها الصقور معلقة في المشانق ..
وان كان الله يمهلهم فلن يهمل انهم تاجروا بدينه .. ابدا ...ابدا ... ابدا .. واصبر بحمتك عزيزي .. ويؤلمني هذا الذي هو حالي وحل كل اهلي ...


#934571 [المشتهي الويكة]
1.00/5 (1 صوت)

03-07-2014 04:22 AM
[علاء البدري]
انت يا زول بتقرأ بوين؟.
منو القال ليك الكتب فرحان ومنو القال ليك مبسوط
انت هسى خليت الموضوع وجيت تتكلم في الوهم
الكاتب قال كلامو والناس قالوا رايهم انت دحين رايك شنو؟.


#934521 [علاء البدري]
1.00/5 (1 صوت)

03-07-2014 01:45 AM
شايفك مبسوط يا خالد ود احمد كاتب المقال .... يعنى لا تهمك تحويلات المغتربين
لاهلهم واسهامهم في رفع معاناتهم من الغلاء وضيق العيش انبسط وانشرح ياود احمد غائب في الراكائب


#934467 [AburishA]
1.00/5 (1 صوت)

03-07-2014 12:05 AM
**** يا كافي البلا...اليومين دي الدول العربية واقعة فينا الا ( طلاق بالتلاتة)!!!!

ورررررطة....... يشوفوا (محلل) يأجروه بقروش*********قروش زاتها مافي*******

**********ورطة**** ادريس دبي قال جاي الخرطوم بكرة.... هيع هيغ هااااااع...


#934426 [أبوشنب]
0.00/5 (0 صوت)

03-06-2014 10:46 PM
.....

قبل ما تعملوا أي حاجة ياناس الامارات

دايرنكم تحققوا في عشرات الملايين من الدولارت اللي هرب بيها الى السودان الكوز الاخواني :

الوليد فابت محمد احمد فايت - سكرتير خرباش الخاص -

بعد إدانة وسجن هذا الاخير في الامارات


وياريت ضاحي خلفان يتصدر لينا المشهد.


#933564 [د. محمد عبد الرازق سيد احمد]
5.00/5 (3 صوت)

03-06-2014 12:51 AM
تحياتي لك اخونا الاستاذ ابو احمد ..

لكين ياخي والله انا عاتب عليك .. لاني شايفك ظلمت الحمار المسكين ده .. لعلك توافقني علي
انه الحمار .. مازال خير معين لاهلنا المساكين في الريف .. يعني شنوا يعني .. واللا عشان
ما عندك حمار مثلي .. معليش ما تزعل بكره الجعارين ديل بمشوا ..وبنفح سوا وانا وانت ممكن
نتشارك ونجيب حمار ولما الله يدل الحال انا واللا انت واحد مننا يشتري حمار ويخلي لي رفيقه الحمار
القديم .. ياهوا بينفع ,, ما اخير من الكان اسمه نافع .. وبعد عشرين سنه اكتشفوه ما ..نافع ؟!
خلي اولاد جهاز الامن الهوائي والانترنت الذين يصادرون الصحف .. يضحكوا شويه .. ويعرفوا انهم عاجزين ولانهم قريبا سيبكون كثيرا ..
والله قادر وينوا اعتي جهازامن في افريقيا .. جهاز المرحوم نميري ...وبالرطانه ( ترفكه ويقي )..
معليش اعذرني انا رطان .. لكين ما باسب الدين .. للما نافع القال لما ما لقوا حيله تجاه قوتنا .. بقوا ناس انترنت .. ويعد اسبوع بقي هو ذاته يفتش لنترنت وما لاقيه .. الله قادر ..


#933557 [د. محمد عبد الرازق سيد احمد]
5.00/5 (1 صوت)

03-06-2014 12:32 AM
ما باعلق علي احد... لكين بقول يبدوا والله اعلم انه الكيزان ديل عندهم بنك غير بنك السودان .. تماما زي الدفاع الشعبي ..طالما فيه عدد من التنظيمات العسكريه ..امن دوله - شرطه - شرطه موحده - احتياطي مركزي - جهاز امن - امن دوله - قوات مسلحه - شرطه شعبيه - دفاع شعبي .. حرس جمهوري .. حرس خاص لكل وزير ..ووراء كل مواطن فرد مباحث .. ياربي ديل كم .. وبعدين
بنك السودان المركزي .. وبنك الانقاذ الوطني ..وبنك الموؤتمر الواطي .. وبنك المؤتمر التحت تحت الشعبي .. الله لاكسبم .. لو الواحد فقد عقله .. مايتلام ..والمصيبه .. فتقوا الصحه النفسيه ..
والتيجاني الماحي بقت خرابه .. يااخوانا انا والشعب السوداني نمشوا وين ..؟؟؟!!!اخير نمزح..!!


ردود على د. محمد عبد الرازق سيد احمد
European Union [د.. محمد عبد الرازق سيد احمد] 03-09-2014 01:12 PM
ردي علي اخي الكريم المحموم جدا .. لك التحية والاحترام .. ان الحمي هي دليل عافيتك الوطنيه العاليه وبلا شك ضل الراكوبه ولا ضل حسين خوجلي .. هذا الحسين خوجلي هو احد تجار الانتهازيه الواقعة علي الشعب السوداني من كيزان الخمه الخمج .. فمثلا اذكر لك : انه كان يمتلك وكالة سياحه في مقر بك فيصل الاسلامي .. واعلنت وجود عقود عمل للسعوديه .. وذهبت لها .. ووجدت حوريات ما عارف جايبهم من وين .. المهم طلبوا اربعة صور فوتغرايه ومبلغ 50 جنيه رسوم تقديم والشباب واقفين صفوف .. ودفعتها ... يعني كنت مغفل ..وعلي ان اراجعهم بعد عشرة ايام وكان هذا الكلام يقال لكل مغفل وكانوا بالمئات .. وبعد عشره ايام عدت ووجدت المكتب مغلق .. ولم اجد تفسير لذلك سوي ان هذه لعبه من حسين خوجلي لجمع المال ولو باي وسيله .. الحرام ... واليوم يتقنطر في القنوات الفضائيه .. يريد ان يكون وزير خارجيه .. بدل بتاع الدفاع الشعبي هذا .. وصدقني بيوصل لكن قبل ان يوصل او بعد وصوله بقليل ستكون الطامه .. علي اللصوص ومن ينهبون الارض والشعب .. وما بنستغرب لما نشوفه معلق في ميدان ابو جنزير مع الجماعه وقد جهزوا الميدان بأ نفسهم وما يدرون .. وستكون المحاكمات في الجامع الكبير امامه والحكم فوري ان شاء الله .. ويومها بتنزل حمتنا ..

United States [محموم جدا] 03-06-2014 09:15 AM
ضل الراكوبة و لا حسين خوجلي


#933475 [nagatabuzaid]
5.00/5 (1 صوت)

03-05-2014 10:15 PM
تعليق على الصورة :

البيت ده جميل جدا ما يستاهلوه الجماعة مفروض زريبة مزروبة بالشوك يبرطعوا فيها هم والجداد بتاعم


#933471 [nagatabuzaid]
5.00/5 (1 صوت)

03-05-2014 10:09 PM
ده اليوم الدايرنو ليك يا الكويز مبروك عليك السعودية سوت قدرتا يا الكويز مبروك عليك
الامارات قامت لحقتا يا الكويز مبروك عليك النقدة يا الجداد كان ما عوعيتوا وكاكيتوا


#933457 [الارباب]
0.00/5 (0 صوت)

03-05-2014 09:48 PM
السعودية والإمارات والبحرين يسحبون سفرائهم من الدوحة (لدعم) الدوحة للإخوان والتنظيم!!
القرار الدولي (صدر) بتجفيف أموال وأعمال التنظيم الدولي للإخوان!!
والبنوك السودانية تستخدم في غسل أموال الاخوان.... تعثر البنوك السودانية ليس سوي غطاء (أخلاقي) لما سيتعرض له الشعب السوداني من معاناة !!
لا تضيعوها في التفاصيل الموضوع اكبر من ذالك بكثير!!


#933455 [adarro]
0.00/5 (0 صوت)

03-05-2014 09:41 PM
ان شاء الله والبقية باقة دول الخليج


#933430 [جركان فاضى]
0.00/5 (0 صوت)

03-05-2014 08:51 PM
الحمار دا مطلع راسو برة لى شنو...يا زول دس عليك راس حمارك مايشوفوه ناس الضرايب...كمان ممكن يكتشفوا المخبأ معاه...اكيد معا كم تقرة وسخل...ونعجة نعجتين...انت عارف ضرايبهم كم؟ وزكاتم كم؟ كمان معاها تهرب ضريبى...اسمع كلامى احسن ليك انا شغال فى الضرايب


#933426 [ياسر نورى]
3.50/5 (2 صوت)

03-05-2014 08:43 PM
يا معاين من الشباك يا احلى وزير شفناك.مع الاعتزار للشاعر فضل اللة محمد والموسيقار محمد الامين


#933361 [ريري]
5.00/5 (1 صوت)

03-05-2014 07:25 PM
خفت منك يا Abu Ahmed حاضر ماحاكتب فى الراكوبة مسكين انت والاشنو والا انت جاسوس من الوسخ ديل قول ما تخاف وتفووووووووووووووووو برضوا


#933357 [حلاق الكديسة]
0.00/5 (0 صوت)

03-05-2014 07:08 PM
**** البيتاوق بالشباك ده منو ؟؟ جنا عارفنو وله جنا جديد ؟؟


#933284 [samid]
5.00/5 (1 صوت)

03-05-2014 05:13 PM
بالله شوف المعجزه الحصلت ده . القى الناس فرحانه لما ينقطع تعامل الدول البره مع السودان . لانه الناس بقت عارفه انه دا ما في مصلحتها و لا في ضرها , لانه دا بيضر الحكومه و بس . الناس ما لاقيه قرش واحد من الحكومه و كلهم شغالين بي يدهم , الزمن دا عجيب جدا


#933282 [منصور محمد صالح محمد العباسي]
0.00/5 (0 صوت)

03-05-2014 05:11 PM
والله لوحسن اسلام الناس وازادت ايمانياتهم فلا شئ يضيرهم !!!!كيف والله سبحانه وتعالي يقول :ولو ان اهل القري امنو واتقو لفتحنا عليهم بركاتةمن السماء ،،الطامة الكبري هي اننا تركنا الله وراء ظهورنا واعتمدنا علي غير الله ،،الم يقل سبحانه ومن يتوكل علي الله فهو حسبه؟؟؟؟؟؟الم يقل الرسول ص ،لو توكلتم علي الله حق توكله لرزقكم كما يرزق الطير !!!!لاحل الا بالعودة الي الله ،،تذكرو ان ماو تسي تونغ اغلق الصينييين علي انفسهم ردحا من الزمن لا تصدير ولا استيراد والنتيجة كانت كانت ،،،اصصبحت الصين اكبر دولة مصدرة للعالم ،،،مع العلم انهم لايومنون الا ببوذا فكيف لمن يومن بالله ربا وبالاسلام دينا،،،والله لاتخيفكم مثل هذه الاخبار وقفو التعامل ام لم يوقفو ،،فنحن تعاملنا مع الله لايقف ولاحدود له ان ش الله ،،،يقيننا بالله قويا والحمد لله رب العالمين ،،،والسودان لن يمحي من علي ظهر الكرة الارضية،،،،


ردود على منصور محمد صالح محمد العباسي
European Union [ود جحا] 03-06-2014 06:54 AM
حبيبنا منصور وانت فاكر المعقبين او اعداء السودان والمتسودنين ديل مسلمين؟؟ ديل اغلبهم امهاتهم او الوالدين اما من الجنوب او تشاديين , والبعض من مخلفات اهل الجنوب

[قرقوش] 03-05-2014 11:57 PM
خلاس طيب نحن دايرين نؤمن بي بوذا حق الصين دة عشان كفرنا بدينكم انتو ديل,,,انت ما عارف انو بوذا حق الصين بيكتل في الرشوة و بيكتل في الاتجار بالمواد المدتا منتهية و بيكتل في الرشوة و الفساد,,,؟,,,,,,,,قد ياخ كرهتونا في الدين زاتو,,,كأننا اتولدنا كفار و عشنا كفار,,وبالمناسبة بوذا زاتو بيؤمن بالله

United States [nagatabuzaid] 03-05-2014 09:32 PM
والله يا منصور محمد صالح العباسى كلامك يحير الطير فى سماه وديتو بجاى ابا لى جبتو بهناك غلبنى محل ما وديتواما جاب نتيجة ولا عنده مفهوم يا اخى انت بتدينا درس عصر عن الايمانيات الشعب السودانى ده كان ما مؤمن كان الله قدروا واداه طاقة وقوة احتمال على جماعتك ديل ؟؟؟ والموضوع باقتصاد البلاد وموقف دولى واقليمى تقعد تقص لى فى قصة ماوتسى تونج والقال ليك ماو بوذى منو ؟؟ بركاتك يا شيخنا استغفر الله عليك الله الدروس الايمانية دى اديها لحكومتك لانهم بعاقبو عضويتهم بحفظ سورة قرانية خليهم يحفظوا سورة الزلزلة زلزل الله اقدامهم

United States [عكر] 03-05-2014 06:48 PM
تعامل الدول مع بعضها ليس له علاقة بالايمان ... فهو يخاطب ضمير الفرد و المكلف و حينها هو محاسب فلماذا نخلط دوما ما بين العقيدة و سياسات الدول التي هي بالاساس تعتمد علي مصلحتها و الاقتصادية المباشرة و الغير مباشرة من استراتيجيات التي تخدم المواطن و المواطنية بقصد التعايش و ياتي الضمير المكلف و المحاسب ضمن المكون الاساس للافراد عنصر البناء للمجتمع و بصلاحة عدد و قلبة تصلح الدولة (مجموع الفعل السالب الضئيل يوادي الي الكارثة و العكس بالعكس صحيح)..
فللاسف يا اخي تزداد دولتنا او بالتحديد النظام الحاكم يوم بعد يوم طغيانا و عسفا و دكتاتوريتا و تفرد بنظام الحكم حتي سقط الوطن في هاوئة الجهل و المرض و الفساد و الفاقة الاقتصادية جراء السياسات العدائية و التدخل في شوؤن الاخرين من دول عربية و افريقية و دول الجوار بالتحديد التي كانت تنظر الينا بعين الاعتبار و تعتبر السودان هو مفتاحها الي الترقي و نحن كان من باب اولي ان نكون منتجين و مصدرين... و لكن للأسف .. نراء انفسنا اليوم امة خلاف و اختلاف لا غير .. و حتما مكاننا محفوظ في مزبلة التاريخ.. الذي اصبحنا نستحقه بجدارة طالما يتمحور فكرنا في اطراب ما ( بين الذات المؤمنة و الاخري الكافرة )... فهل تحتاج مقولة ماركس (الدين افيون الشعوب ) الي تفسير ...!!!


#933254 [kori ackongue]
5.00/5 (1 صوت)

03-05-2014 04:15 PM
Abu Mohammed,

I salute you for this sounding splendid poem:

In early 2000s the Bank of Sudan issued a letter of guarantee to a false business company to rehabilitate the compounds of the University of Dilling, but that was not true to pay around Sterling pounds (100,000,000), for what was totally contrasting it that big smuggled amount.
My dear Abu Mohammed and that much to say about it as sharpened pens to write about the chronic down fall of our economic situation which had started from March – 1990. Yes, we are watching closely but the world has more advanced system to know every details of our financial system bankruptcy since then that the whole country and its dictator and the most thefts government known worldwide can avoid its finding out what secrets are there behind that the Sudanese in general who are in their deep sleep can’t discover them. Thank you all, for really we are and I am personally learning very much from your brighter ways of writings and comments. With that help of these world fetching economic short-falls institutions, we will smell good and healthy weather, the world financial systems, which they know better about our shames forgeries and corruptions in our banking systems, whether they are called Islamic Banking systems or the secular banking systems in Sudan. I think that by this the regime is put into either starting to fall times or total lost their trust on it, to automatically lose its balance for final sad end and shameful history of stealing Islam name to be number one corrupted system and the genocide committed criminals worldwide.


#933236 [أهل العوض]
3.00/5 (2 صوت)

03-05-2014 03:30 PM
الإمارات والسعودية والبحرين أعلنت اليوم في بيان مشترك قطع علاقاتها مع قطر وسحبت سفرائها من الدوحة بسبب دعم قطر لنظام الإخوان المسلمين المخلوع في مصر ونظام الإخوان المسيطر على السودان ومحاولاتها تشكيل خلايا للتنيظم الإجرامي داخل دول الخليج الأخرى الأمر الذي اعتبرته هذه الدول لعب بالنار وتجاوز لكل الخطوط الحمراء ،وكذلك بسبب دعم قطر لحماس في غزة وحزب الله في لبنان .ومن المتوقع صدور قرار إماراتي وشيك بوقف التعامل المصرفي مع نظام الإخوان بالسودان ولن تتأخر البحرين كثيرا في اللحاق بركب السعودية والإمارات لمحاصرة نظام الكيزان في السودان وخنقه ماليا،وتجي الخطوة بالتزامن مع قرار مصر يوم الثلاثاء وقف أنشطة حركة حماس داخل أراضيها وإغلاق جميع مكاتبها ومقراتها.
ومن المؤكد أن مقاطعة البنوك دوخت الكيزان وأربكتهم ولخبطت حساباتهم وأصبحوا كل يوم يفبركوا لينا سبب جديد. يوم ،إجراءات داخلية تخص البنوك السعودية، يوم حوسبة وحوكمة، ويوم امتداد طبيعي للحصار المفروض على السودان منذ العام 2008م،خلي ايران وحماس والتظيم الدولي للإخوان ينقذوكم من ورطتكم دي يا كيزان .

المهم نحن الشعب السوداني المغلوب على أمره مبسوطين 24 قيراط من كل إجراء أو خطوة تضيق الخناق على الكيزان، بل وقد طالبنا بالأمس كل دول الخليج ، (وقد استجاب الله لدعائنا)، باتخاذ قرارات مماثلة للخطوة السعودية وتشديد الحصار على نظام الإخوان المسلمين المتحكم في رقاب السودانيين والمدعوم دوليا من التظيم الإخواني الدولي ومن رأس الفتنة القرضاوي الذي رد عندما سئل لماذا تهاجم الانقلاب على نظام الإخوان في مصر ولا تنتقد انقلاب إخوانكم الإسلاميين في السودان على نظام ديموقراطي منتخب فقال لا فض فوه ان (انقلاب البشير سقط بالتقادم)!!!!. فتعجب من نفاق الإخوان الشياطين ومن تناقضاتهم في سبيل مصالحهم والتمكين لتظيمهم الإجرامي بالفهلوة والضحك على الذقون ومعادات من خالفهم الرأي حتى لو كان محقا وممالاة من تلون بلونهم وانضوى في تنظيمهم حتى لو كان كذابا أشر كالبشير.فعلى دول الخليج أن تعلم ان أي مساعدات اقتصادية لحكومة البشير أو دعم مالي أو تحويلات مالية عبر البنوك السودانية المهيمن عليها نظام الإخوان المجرم تذهب مباشرة لخزائن التظيم الدولي للإخوان المجرمين وفروعه الإجرامية في مصر وغزة وليبيا وتونس .كمالا يخفى عليكم تواطؤ النظام المجرم في الخرطوم مع كل التظيمات الإرهابية في المنطقة والعالم بأوامر مباشرة من التظيم الدولي للإخوان الشياطين ،ولا أظنكم تنسون أنهم حموا من قبل بن لادن والظواهري وكارلوس وغيرهم من رؤوس الإرهاب والفتنة في المنطقة والعالم كما لا تفوت عليكم ألاعيب نظام الخرطوم مع النظام الإرهابي في إيران الذي يتخذ من السودان جسرا لإيصال الدعم العسكري والمالي لحزب الله وحماس ونظام الأسد.


ردود على أهل العوض
United States [abdulleh babker] 03-05-2014 05:26 PM
كلامك صحيح ماية الماية اليوم انا سمعتو في الراديو وقالو بصريح العبارة لانو دولة قطر بتدعم دوله من دول الجوار وهي معادية لهم وانها بتخالف قانون مجلس التعاون الخليجي


#933209 [أابو عابد]
4.50/5 (3 صوت)

03-05-2014 02:46 PM
يعنى بعد دا نبكى مع الأنفاذ ونقول ( واى واى واى خلونى براى وبى موية وكملت وتانى نلحس من وين ؟؟؟!!الجمام نضب أتقفل ... ونرجع ونردد مع المتسلقين الجدد ونقول ( لكنى ما فاقد الأمل يمكن الخليج يحن يرجع يعووووووود )


#933203 [مدحت عروة]
5.00/5 (2 صوت)

03-05-2014 02:38 PM
ما تخافوا الدعاء المليارى هسع بيجيب ليكم مليارات الدولارات ويملا خزينة البنوك بالعملة الصعبة!!!
ما العالم كله شغال بالدعاء وليس بالتخطيط والادارة الرشيدة!!
واكان مكضبنى اسالوا النائب الثانى!!!
راح ابو ساطور جانا ابو دعاء مليارى!!
يا حليل ناس الشريف حسين الهندى ومبارك زروق ومامون بحيرى وصحبهم!!!
انها ثورة الخراب اللاوطنى!!
بالله ليهم 25 سنة حاكمين ولمن بترول الجنوب يروح يدقوا الدلجة؟؟؟
طيب وين الثورة الخضراء وناكل مما نزرع ونلبس مما نصنع لحد ما بقينا نضحك ونبكى مما نسمع؟؟؟؟
انا قلت ليكم بس بلة الغايب مافى غيره بيحل مشاكل السودان !!!!!


#933189 [شاكر]
0.00/5 (0 صوت)

03-05-2014 01:59 PM
المصيبة الناس ماشين لقدام ونحن راجعين وراء الله يكون في العون أنا عمري 42 سنة والله من يوم ما تولدت ولحد اللحظة ما شفت شيء يبرد القلب في السودان دائماً قاعدين في الكلام ،،،، عارفين يا أخواني نحنا كسودانيين مشكلتنا شنوا ما عندنا مواصفات رجل العلاقة (وزارة الخارجية هي الدنموا المحرك للدولة - وإذا صلح وزير الخارجية تأكد كل شيء خير) حيث العلاقات تمشي كل شيء ونحن حتى اللحظة نردد نحن زمان قدمنا للدولة الفلانية كذا وللدولة الفلانية كذا أما نحن والسودان راجعين للخلف وبقوة أصحوا يا ناس حتى اللحظة الناس بتتكلم لم يكون في نقاش بين سوداني وأي جنسية أخرى دائماً يحسس الطرف الآخر إنوا هو الفاهم ويحاول يثبت ذلك === مثلاً تلقي إثنين في شركة واحدة الجنسية الثانية بيتقدم ويتدرج في الوظيفة والسوداني يكون قدر أي واحد جديد يتوظف نحن شعب يبقالوا غربلة شديدة ونطلع من ثوب التعالي والنفخة الكذابة ونعرف كيف نتعامل مع الأخر وكيف نكسبوا ونعرف كيف يمشي المصالح بين الأشخاص والدول يا جماعة من المفترض الواحد يتعامل مع أي كان سوء دولة أو فرد أو منظمة للمصلحة ودائماً الإنسان الماعندو منطق في التفاوض والنقاش يشخصن المواضيع ،،، نعم الإنجازات كثيرة وباينة في السودان لكن لو علاقاتنا الخارجية بالذات مع أصحاب الثقل في العالم بالذات الدول العربية والله كان وضعنا وضع آخر وكان السودان ليه شعن كبير في العالم أجمع لكن وقت ما تدار الدولة بشخصنة مش بأسم الدولة ولمصلحة الدولة يكون الفشل لازموا حتى لو على جبل من ذهب الحياة قائمة على المصالح والتواضع أفهموا يا ناس ولسة الجاي كثير والله يستر


#933186 [الأبراهيمي]
4.00/5 (2 صوت)

03-05-2014 01:53 PM
وأوضح بأن "شبهات الفساد المالي التي طالت وزير المالية الحالي بدر الدين محمود بالتورط في قضية فساد شركة الأقطان السودانية عندما كان يشغل منصب نائب محافظ بنك السودان.

أغرب حاجة في الإنقاذ ترقية الحرامي ..
من منصب نائب شركة إلى وزير مالية !!
عجبي!!


#933185 [سرف]
5.00/5 (1 صوت)

03-05-2014 01:52 PM
ا/خالد وداحمد
(الكثير من عمليات التمويل تتم عبر خطابات ضمان من بنك السودان ..الخ)الخطورة ونكرر الخطورة في هذا النوع من الخطابات والتي تصدرها البنك المركزي يتم تحويلها مباشرة لمافيا ويطلق عليهم اسم (trader) واغلبهم في سويسرا لتشغيل هذا الخطاب ومن الارباح يعطي المستفيد نسبة معينة يغطي الاحتياجات المطلوبه ويطلق علي هذا الخطاب (BG)وهؤلاء القوم لديهم القدرة في اعادة حقوقهم في حالة فشل لاقدرة الله بنك السودان في تغطية الضمان (تخيلوا معي بنك السوان فشل بلايفاء بتغطية الضمان لاسمح الله ماذا يحصل للسودان) هذاالتزام علي السودان (شعب السودان)هذا نوع جديد من الاستعمار .....لاتبتعدوا كثيرا لاننا نحتاج لحل


#933161 [radona]
5.00/5 (1 صوت)

03-05-2014 01:13 PM
للعدالة
بدون معارضة مطلقة وبدون تاييد اعمى
فلناخذ وجهتى النظر ..
اولا:
وجهة نظر الحكومة بان ايقاف البنوك السعودية والاوربية هو محض ترتيبات وتغييرات في المراسلين وهو شئ .. طبيعي .. على حد قول الحكومة .. هنا يبرز سؤالين مهمين 1/ هل كل البنوك السعودية اجمعت على تغيير مراسليها ؟ 2/ وهل الاقتصاد السوداني معافى وجدير بثقة البنوك العالمية ؟
ثانيا :
وجهة نظر المعارضين للحكومة .. 1/ من المتضرر من هذه الاجراءات ومن يملك ثروة تجعله من رجال الاعمال الذين يقومون بتحويلات النقد الاجنبي ويفتحون خطابات الاعتماد ؟ هل فعلا ما تروجه بعض الجهات المعارضة للحكومة بان هذه اجراءات سياسية في المقام الاول وكيف ذلك والمملكة السعودية دولة اسلامية والحكومة السودانية اسلامية كيف ذلك نورونا نوركم الله ؟


ردود على radona
European Union [الاصلي] 03-06-2014 10:58 AM
بلاي السودان دولة اسلامية قول شعب شعب مسلم ماشي عليك الله الكيزان ديل شغلهم دا شغل مسلمين

United States [ساب البلد] 03-05-2014 02:24 PM
****** "كيف ذلك و المملكة دولة اسلامية و الحكومة السودانية اسلامية كيف ذلك ؟؟؟ "***** يا "رادونا" ايران حليف الحكومة السودانية و عدو السعودية برضو دولة اسلامية ما تنسي ******


#933097 [الحائر]
4.00/5 (2 صوت)

03-05-2014 11:09 AM
بسم الله وباسم الوطن نعم بالله وربنا يحمينا جميعا وفعلا هنالك اخطاء كثيرة في من هم ماسكي دفة السفينه ونتمني ان تتغير تلك الطقمة الطغاة وان يتغيروا بخير منهم اللهم امين ونحن نتمني ان يصلح الله بلدنا وكل ذلك من اجل المساكين داخل الوطن واطئ الجمره ولكن نرجوا من الاخوه ان يكون الرد بلباغه وليس كما ذكر اول رد بكلمة ياغبي دا مواطن ومن حقه ان يقول اي كلام ولكن ان ترد بهذه الالفاذ عيب عليك واكرر لازم ترد باحسن من ذلك او تصمت وشكرا


#933071 [الفجري داك]
4.50/5 (3 صوت)

03-05-2014 10:22 AM
للأسف كل صباح نقراء وكل صباح نراء وكل صباح بجديد الأنقاذ ،خمسة وعشرون عاماً نسمع إن الأنقاذ قد
حان زوالها وللأسف مازالوا يشعلون الفتيل والجبناء يرتعدون ،والبلاد جفت حتى النيل أصبح خاوي من عزبة الطعم ،والكفاءات غادرت ،والغلابة المساكين من شباب فى مخيلتى أصبحوا متسكعين ومحششين لامأواء لهم ،عقولهم خربت وتفكيرهم تشتت والكل حافى القدم جافه شفائه لايتحمل السير على قدمية يهرب من واقعة دون مبالاه .فيقول الموت أهون ،فكيف لأنسان أن يموت عدة مرات وهو سابح بتفكير الموت البطي ،فأهون أن نموت مره وأحدة أما جوعاً أو مرضاً أو برصاصة واحدة تكفيك شهيداً والشهيد من أجل وطنه فالجنة مسكنه وقد وعد الله بها .فكيف لنا أن نتصارع مع المفسد والذي يهلك النسل والحرث ويبطش ويقهر ولن يتقى الله فى رعيتة إنهم كاذبين مفسدين منافقين أكلي السحت لعنهم الله فى الدنيا والآخرة ،ليس هنالك مانخاف علية غير المكسب الكبير فداء الوطن فدا أبنائنا فداء السودان الغالي حريقة فى الأنقاذ والمؤتمر وبشيرهم فالثورة ثورة حتى النصر وحتى نقتلع هذة الزمرة الفاسدة وليس أن نتململ ونتعذب كل فجر وكل يوم ويتوعدوننفاقاً وكذب بدعاوي السلام والوئام وهم بعيدين كل البعد والشعب يغرق فى الدماءوالحروبوالجوع والمرض وخسارة العرض والشرف ،أين أنتم من شعب أكتوبر وابريل وشعوب المنطقة العربية التى أقتلعت الدكتاتورية فى تونس وليبيا ومصر .أين أنتم تنظرون فى مدنسي الدين وشرع الله جهاراً نهاراً أين أنتم معلمى الثورات أين انتم بعد أن دمروا تعليمكم وأكلوا حقوقكم أين أنتم ،،أين أنتم الأمة تبنيها شعوبا وليس حكامها أقيلوا ذلك الفساد فقد نفد الصبر وأصبح الوطن مهزله ومضحكة .


#933065 [ود الشمال]
4.50/5 (5 صوت)

03-05-2014 10:11 AM
اذا صح خبر قرار دولة الامارات العربية المتحدة ايقاف التحويلات المالية للمصارف السودانية ليست لها علاقة بالحفاظ علي مصالحها المالية ، ولا انعدام الثقة بالنظام المصرفي السوداني ولا بفقدان السودان 70% من انتاج البترول ، دولة الامارات والدول الخليجية تتعامل مع البنوكه السودانية قبل ظهور البترول في السودان وكانوا يتعاملون مع هذا النظام والنظام الاقتصاد السوداني الحالي كما هو الحال الان ، وفي ظروف اقتصادي للسودان أسوء من الظرف الحالي ، ولكن هنالك حملة تشنها الدول الخليجية وخاصة دولة الامارات العربية المتحدة والمملكة العربية السعودية علي الاخوان المسلمين في جميع انحاء العالم وهذا يعد خطوة من هذه الحملة والدليل علي ذلك اتهام تركيا لدولة الامارات العربية المتحدة بتخريب الاقتصاد التركي وتدخل دولة الامارات العربية والمملكة العربية السعودية ،في مصر لمحاربة الاخوان المسلمين ، وتقارب حكومة الخرطوم مع الجمهورية الاسلامية في ايران احد اسباب اتخاذ دولة الامارات العربية المتحدة ، والمملكة العربية السعودية هذه الخطوات اتجاه حكومة الخرطوم .


ردود على ود الشمال
United States [Abu Hawa] 03-05-2014 02:10 PM
دولة الامارات والدول الخليجية تتعامل مع البنوكه السودانية قبل ظهور البترول في السودان وكانوا يتعاملون مع هذا النظام والنظام الاقتصاد السوداني الحالي كما هو الحال الان ، وفي ظروف اقتصادي للسودان أسوء من الظرف الحالي .............




اخجلل! والله خجلت ليك يا سجم الرماد. في اي حقبة من حقب عمر الحكومات (من السلطان تيراب, عمارة دنقس, مرورا بالمك نمر و الامام المهدي و خليفته حتى الصادق المهدي بضعفه) لم يوصلونا الى ما اوصلنا اليه الاخوان المسلون


#933062 [أبو محمد]
4.88/5 (4 صوت)

03-05-2014 10:04 AM
هذه والله مصيبة كبرى تحل بهذا البلد وأهله .. وأذكر الصغار خاصة .. فنحن والحمد لله رأينا أياما طيبة ولكن ما ذنب هؤلاء الصغار يولدون ويشبون في بلد كله أزمات وحروب وجرائم وفساد وغلاء وجوع .. ؟ لقمة العيش في ضنك وعسر .. التعليم .. الصحة .. الزراعة .. الصناعة .. استحالت كلها هشيما تذروه الرياح! ومع كل هذه البلاوي يأتينا فيض الأكاذيب التي لا يكاد يصدقها طفل في الروضة.. كيف يعني مقاطعة بلد مثل السعودية لا تؤثر ؟.. كم لديك من مغترب هناك ؟.. كم أسرة هنا تعيش على عرقهم وكدهم..؟ كثيرا ما كانوا سندا لنا في أيام عصيبة خلت .. ساندونا بالبترول وبالمال وبالإغاثات ووفروا لأبنائناو إخواننا فرص عمل كثيرة .. بعد كل هذا تذهب وتأتي إليهم بإيران في حلقهم .. إيران الشيعة والمجوس ؟.. من من السودانيين أصابه خير من إيران؟ كم سودانيا يعملون هناك؟ كم أرسلوا من زكواتهم ومعوناتهم للسودان؟ من قبل صرح قادتنا الموكوسون دون أن ترمش لهم عين "إنفصال الجنوب لن يؤثر على الإقتصاد واتخذنا تدابير بديلة لدخل البترول" كذبة بلقاء مشهورة .. ممكن الناس تتحمل وتصبر على المر والأمر إذا كان القائد صادقا معايشا للناس في آلامهم .. كيف سوف تسير شئون تبادلك التجاري وأنت لا تجد من يعترف بك ولا بمصداقية أجهزتك المالية .. ونحن الآن .. والأمر لله من قبل ومن بعد .. نستورد كل شئ .. دقيق الخبز .. الأسمدة .. البترول .. الأدوية .. حسبنا الله ونعم الوكيل .. اللهم ارحمنا بصغارنا وبهائمنا فقد والله ظلمنا أنفسنا وخاننا زعماؤنا وقادتنا وسرى فسادنا في البر والبحر .. اللهم إليك المشتكى وأنت العليم بحالنا.. اللهم هيئ لنا من أمرنا رشدا ولا حول ولا قوة إلا بالله..


#933061 [ريري]
4.97/5 (7 صوت)

03-05-2014 10:01 AM
تفوووو ووووووووووووعليك يا البشير ياخ انت ما عندك كرامة ياخ انحنا ما عاوزنك ن ما شبعت من السرقة وسخت مع كل العالم انت ما بتشبع سرقة فضحتنا جرستنا خربت علاقاتنا مع العالم خليتنا ما نسوى بصلة مافى دولة بتحترم جوازنا ياخ اخجل من الراعي يا ريت لو الراعي كان رئيسنا الله يلعنك الله يلعنك يا جزمة


ردود على ريري
United States [جنرال زمان] 03-05-2014 03:55 PM
هو يا أبو أحمد ريري دا أو دي سفاهتهم شنو وهما ما قالا إلا الحق وبعدين بصراحة الألفاظ اللي استخدمت في وصف بشة الحرامي اﻷهبل الراقص والله إنها ﻷلفاظ مهذبة جدا مقارنة بما فعله بشبوشة في حق السودان وأهله! بعدين إنت زعلان عشان الراكوبة المهذبة ولا عشان الحيوان الرقاص دا؟ عالم عجيب والله!

[Abu Ahmed] 03-05-2014 01:50 PM
والله انك لسفية ,,, اهذا اسلوب تكتب بة فى صحيفة مثل الراكوبة
روح شوف لك مكان غير محترم واكتب ..

لا تكتب فى الراكوبة مرة اخرى .... سمعت ولا لا

United States [سيمو] 03-05-2014 01:11 PM
يا ريرى هو لو عندو كرامة كان حصل البيحصل دة؟ بدلا من أن يحزموا أمرهم ويبادروا بحل أزمات البلد صاروا يلوكون فى الفارغات مثل تكوين آليه الحوار بعد أسبوعين، تحديد مقابلة البشير والترابى، التفاوض حول المنطقتين قبل تناول القضايا القومية، لب لب،، لب لب،،، والوطن يتداعى والحصار يشتد والكفاءات تغادر الوطن لكل جهات العالم،،

والله الحمار المقفول فى الصندوق أعلاه أحسن من البشير،، على الأقل عندو فائدة وما بيأذى أى مخلوق،،


#933060 [Osama]
4.00/5 (3 صوت)

03-05-2014 10:00 AM
المملكة السعوديه دائما تتعامل بحكمة وبهدوء مثل طهي الطعام بنار هادئة . السعوديه هي مجرة في الشرق الاوسط ولها توابعها . الكيزان يتبعو ايران فسجم خشمكم شوفتو حاجه. لكن عندما المجرة تبتعد عنكم فانتم تسقطوا كالشهب او كويكب ضل طريقه فيقع ويحترق. السعوديه تعرف اين ضعفهم وسوف تنجض حجركم. والله كنت بتكلم مع صديقي وهويشتغل معهم حاجه كبيره في الامن ويقول لي هذه الوثبه والله الناس ديل مزنوقين زنقه ما عارفين يعملوا شنو اعترف بفساد واجرام هذا الجهاز من كل النواحي فقلت وانت قاعد تعمل ايه فسكت ووجدته انه يريد ان يتخارج ولا يريد اكل الحرام. لانه بسيط واعرفه جيدا. الان الخزينه فاضيه ولهم جيوش امن اذا استخدموها موسم واحد للزراعه والكديب فحصادها يؤكل السودان والدول المجاوره لسنيين.


ردود على Osama
[جركان فاضى] 03-05-2014 08:18 PM
يا osama يا حبيبى ...موية الزراعة وينا؟...خليهم ادونا الموية بس ونحن البنزرع ونكدب


#933047 [ابو محمد]
2.50/5 (2 صوت)

03-05-2014 09:41 AM
حديث النيل
يا نيل هل مرت عليـك حــوادث
وقد كنت عنـها غافــلا وجهــولا؟
مـا عهـدت مـذ خبـرتــك قابضـا
كفيك عـن وطــن الجمال فتـــيلا
وطن بــه بـدت المحاسـن جهـرة
بآيــات حســـن تنزلـــت تنــزيلا
كـل حسـن يدهشك حسن صـنوه
ولـن تلــقى لــه أو لـذاك بديـــلا
كـم تـأوه عنـــد شطــــك مدنـف
ولكــم آسيــت شاكيــا وعليــــلا
كنـت فـي دجـر الليالــي مؤانسا
لمن جـاء يشكـو وحشة وخليـلا
أما زلت في الصهد واحة ظامئ
أما زلت في سدف الدجى قنديلا
رويـت جدبـا بالنـدى فتمايلـــت
أفنانـــه ثمــلا ذللـــــت تذليـــلا
بكـل صـوب مـن نداك شواهـد
هــي للجمـال تمـــثلا ودليــــلا
سقـي بنوك مـن سلافـك نخـوة
وعـزة نفـس مـا لهــن مثــــيلا
غفـوت من طول المسير هنيهة
ام العشريـن كان وقعهـن ثقـيلا
فهـل بـك مــرت جحافل غـادر
أمسى عزيزهـا مدبـرا وذليــلا
إن مسنا ضـيم تدافعــنا صوبـه
أخـو المذلـة لا يعيــش طويـلا
الحق أن تحـيا الحيــاة بعــــزة
وألا تمشـي بيــن الأنــام قتـيلا
مـن أيــن أتــى هؤلاء تســاؤلٌ
أفـلا أجبـت سؤالنــا يــا نيـلا؟
حملناك بيــن الحنـايـا حقيــقـة
وهمسـات شعـر رتلت ترتيـلا
شمال يستنطـق التاريـخ رملـه
وباسقـات بـه كم رفـدن خليـلا
هل بكيت علـى جنوبنـا حسرة
وذرفت دمعـا مثخــنا وعويـلا
لما يمسك الشعـر عني حسانـه
وما غصت يوما بالعباب طويلا
وغربنا أبدى به الحسـن رسمه
به المكارم قــد عشقـــن حلولا
وشرقنا أيـات حسـنه أشرقــت
بها المحاســن بكــرة وأصــيلا
والجزيرة مــن نــداك فريـــدة
قد توشحت تيجان السنا إكليلا
مبسوطة الكفـين سائغة الجنى
نشوى تزين بالجميل جميـــلا
إن عتبـتُ فلا أخـلك زاجـــرا
وهل على وله المحـب سبيـلا؟
وهل رأيـت من بنيك على المدى
يجـر علـى أرض الكـرام ذلـيلا؟
يا نيل هــل مــرت عليك عمائـم
فأنكرت منـها التكبـير والتهليلا؟
هل أجيـبك ام تجبــني كأنــــــنا
أخذنا مـن جـلل المصاب ذهـولا
مــن أولاء؟ أهـم بنــوك حقيـقة؟
ام شابهـوا الأصل فأتقنوا التمثيلا
أمـا خبـرت فــي بنــيك سماحــة
وطهر نفــوس لا تحسـن التأويلا
مـا يجيــش علــى اللسـان سجيـة
ولا تعــرف الغدرات والتبديـــلا
أبنــاؤك در نضــــيد وجوهـــــر
صغارهـــم وشبابهـــم وكهـــولا
ما ينفع الناس يبقى الدهر خالـدا
ما ضـر ليـس له لعمري مقيــلا
يذهـــب الزبـــد جفــاء لعلــــــة
كيـف استباح شواطـئا وسهـولا؟
فاصفــر منـه بعـد ينعــه قضـبه
وافســد منـــــا أنفســـا وعقــــولا
فاقــد الشــئ لا يعطــــيه وإنمـــا
ينضـح الإنـــاء بمــا بـــه مجبولا
فان كـان ما فيــه طيـــب أذاعــه
إن خبــث بــات بأســره مكبــولا
يجهــد إخفــــاء القبيــح بإصـــبع
ويحسب الطـل مـن عمـاه سيـولا
يـرى انه الرأس فـي كـل موطـن
رجرجة مـا عـداه بـل وذيـــــولا
من ظن أن العلم أضحى برهــنه
لــم يــدر منـــه خوافـيا وفصـولا
نــور الحـــق لا يواريـه باطــــل
مهمـا تدثــر فـي الخداع طويــلا
يا نـيل لا تاســى سيقبـل جمعنا
ليدك مـن حصـن البغـــاة فلولا
لتهوي صروحا بنـوها بريــبـة
اخــذوا هنــاك وقتـلــوا تقتيــلا
كـم سقــوا بلـــد الكرام مذلـــة
بكـــيزان ســوء ملـؤهن غـلولا
لـم يرحموا منا صغيرا لضعفـه
ولا شيخا من مـر السنين نحيلا
اشـاعوا فينـا كـل خـبث ومنكـر
وفتـنا ما اسطاعوا لهــن سبيـلا
مقصدهـم تحطــيم كــل مورث
مــن المكـارم تالــــدا وجميـــلا
فــرق تســد اريقــوا كل دمائهم
فبتــنا بــين مشــرد وقتيــــــــلا
سرطـان شـــر احــاط بـــاذرع
من الازلام والتدليس والتضليلا
كـل جميـل فـي الحيـاة احــــاله
قبحا ومسخـا مشـوها مشــــلولا
يحلفــون على المــراء بجـــرأة
بل يبتدرون التحريــم والتحليلا
هل تناهى اليك وقــع حوافــــــر
سئمن مـن نصـب الخنوع طويلا
اما سمعت صهيلها عبــر المـدي
يزلزل من جمع الطغـاة قبيـــــلا
ما ألفـن سوى الجحاجيح صـحبة
وما خبرن سوى العصي نــزولا
رايــات ايمــان ترفـرف فوقـــها
المرســلات لا جورا ولا تبديـــلا
بالحـــق نطلقـــــــها ؟ الله اكبــــر
لا اله الا الله تصديـقا وتفعيــــــلا
سنهد قلاع الخـوف ليس يعيقنـــا
من الاراذل ترهيـــب وتهويــــلا
وتبلج الحق كالشمـس مســــفرا
تلجلج الباطـل راجفـــا مخـــذولا
ما النصر الا احتـــساب لساعــة
تنبـت فيهــا مـن الطغــاة ذيــولا
يعود للســـــــودان سابق عهــده
بعزم رجال ما بدلـــوا تبدـــــيلا
سحقا لقـوم يقتلــــون مكارمـــــا
ويدعون ذاك لجاجـــة تاصيــلا
****
ابو محمد


ردود على ابو محمد
European Union [osama dai elnaiem] 03-05-2014 07:01 PM
سحقا لقـوم يقتلــــون مكارمـــــا
ويدعون ذاك لجاجـــة تاصيــلا
بالحـــق نطلقـــــــها ؟ الله اكبــــر
لا اله الا الله تصديـقا وتفعيــــــلا
ارحتني اخي ابو محمد--- اراحك الله-- التقديم والتاخير في ابياتك هو تامل في حالنا وكيف اصبح التهليل والتكبير عندنا لا تصديقا ولا تفعيلا هو لجاجة وقتلا لمكارم الاخلاق--- اخي محمد صح بدنك واعدت في نفسي الاسئلة التي تطرحها نفسي لذاتي وتتلجلج الاجابة بين القلب والعقل -- كيف ببلد فيه هذا الشعب الذكي الطيب الشجاع يحكمه من يصعد علي دبابة في ليل بهيم يختصر كل مسارات ( عرك ) الرجال واختبار معادنهم ليصل الي الميس في ذلك الليل البهيم وتصبح ( الدارة) ملكه يقتل مكارم الاخلاق ويدعوها تاصيلا ويجانبه الصدق والفعل وهو في اطلاقه لقول الباطل الذي يراه حقا--- اخي لك التحية والشكر

European Union [Abu Ahmed] 03-05-2014 05:23 PM
لا والله .. لانا متالم اكثر منك ,, وموجوع اكثر منك
ولكنى والله يسامحك .. ماقلتة فقط للمزاح لا اكثر

كوز .. هو فى كوز .. ونحنا فى السودان ماتعلمنا من اهلنا وزوينا كلمة كوز ولكن
كباية ,,, كبابى ,, كوباتى .. كوبايتك .. كببابينا ..واخيرا كوباياتهم

مش ولا لا يا ابو محمد برضو احمد ربك وكتر الحمد انو عندك محمد

[ابو محمد] 03-05-2014 04:26 PM
رد على ابو احمد
انت لا تستحق الرد !! لانني اشتم فيك رائحة كوز مصقر !! واختصر الرد فيما يلي :
اذا كنت سوداني حقيقة وتحس بوجع اهلك في السودان لحركت فيك هذه الابيات شيئا من الحس او الشعور !! ولكن يبدو ان الانقاذ استطاعت ان تسلب البعض منا كل شئ حتى الاحساس بالالم !!

[Abu Ahmed] 03-05-2014 01:52 PM
ههههههههههههه بقيتو شعراء .. الانقاذ عملتكم شعراء .. ومداح

طيب احمدو الله


#933044 [ود الشمال]
3.50/5 (2 صوت)

03-05-2014 09:35 AM
اذا صح خبر قرار دولة الامارات العربية المتحدة ايقاف التحويلات المالية للمصارف السودانية ليس لها علاقة بالحفاظ علي مصالحها المالية ، ولا انعدام الثقة بالنظام المصرفي السوداني ولا بفقدان السودان 70% من انتاج البترول ، دولة الامارات والدول الخليجية تتعامل مع البنوكه السودانية قبل ظهور البترول في السودان وكانوا يتعاملون مع هذا النظام والنظام الاقتصادى السوداني الحالي كما هو الحال الان ، وفي ظروف اقتصادي للسودان أسوء من الظرف الحالي ، ولكن هنالك حملة تشنها الدول الخليجية وخاصة دولة الامارات العربية المتحدة والمملكة العربية السعودية علي الاخوان المسلمين في جميع انحاء العالم وهذا يعد خطوة من هذه الحملة والدليل علي ذلك اتهام تركيا لدولة الامارات العربية المتحدة بتخريب الاقتصاد التركي وتدخل دولة الامارات العربية والمملكة العربية السعودية ،في مصر لمحاربة الاخوان المسلمين ، وتقارب حكومة الخرطوم مع الجمهورية الاسلامية في ايران احد اسباب اتخاذ دولة الامارات العربية المتحدة ، والمملكة العربية السعودية هذه الخطوات اتجاه حكومة الخرطوم .


#933029 [الغاضبة]
4.88/5 (11 صوت)

03-05-2014 08:47 AM
ما يؤسفني هو ضعفنا نحن الشعب السوداني وهواننا ان ننتظر الآخرين أن يقوموا بدور إسقاط الكيزان نيابة عننا ونحن جلوس متفرجين.... وماذا بعد، هل سننتظر أكثر من هذا لقد حاصروها لكم من جميع الجهات والآن جاء دوركم، كم أتمنى من خالد أبو أحمد وكل الحادبين على مصلحة هذا الوطن أن يعودوا ويقودوا مواكب التغيير، انتهى عهد الكلام والمقالات والبيانات وقد جاء دور العمل والتنفيذ ...


ردود على الغاضبة
European Union [الغاضبة] 03-06-2014 08:56 AM
أخي هيثم بشرى، انا مستعدة ومش عندي عشرة أشخاص عندي كتيبة كاملة بس كيف الناس تكون جادة ومنظمة ويكفي اننا قدمنا شهيد شاب من العائلة في هبة سبتمبر ، ولا يزال جرحنا ينزف لفقده وللحال المزرية التي نعيشها، حاليا خارج الدولة بس قريبة جدا وتصور اني احتفظ بجزء من اجازتي السنوية في كل عام انتظارا للثورة يعني ليس هناك ما يمنعني من العودة إلى وطني في أي وقت ليس بعد زوال الانقاذ لكن للمشاركة في إزالتها، لكن يبدو ان انتظاري سيطول وانني في كل عام اتلقى رسالة من مديرتي خدي باقي اجازتك لانها ح تضيع .... وما يؤلمني حقا اللامبالاة التي استشعرها من بني وطني الا القليلين الذين ينامون ويصحون على هم الوطن الممزق، نحتاج إلى قائد همام وعمل دؤوب لتحرير الوطن وخلق وطن من العدم لانه أصبح عدم وكما أضافت استاذتنا نجاة ابوزيد في مرورها (وما نيل المطالب بالتمني) وهذا ما أصبح عليه حالنا أختي نجاة، أسال الله أن ينصرنا على القوم الظالمين وأن يحرر بلادنا ...

United States [nagatabuzaid] 03-05-2014 09:59 PM
وما نيل المطالب بالتمنى ولكن تؤخذ الدنيا غلابا

United States [هيثم بشرى] 03-05-2014 12:57 PM
الناس كلها منتظره زيك ما في اي واحد متخذ خطوه جاده لإسقاط النظام الأحزاب التقليديه كل يلعب لصالحه وليس لمصلحة الشعب ونجحت الحكومة في سياسة فرق تسد بالإضافة الى تكسير اي محاوله مقاومه حتى لو كانت سلميه.
الحل على ما اعتقد إعادة الثقه عن طريق طرح فكر وروئ جديده من خلالك ومن خلال كل إنسان يستطيع خدمة بلده بمعنى إذا استطعت إقناع فقط عشرة أشخاص بأفكارك وإستطاع هؤلاء العشره ايضا إستقطاب عشره في هذه الحاله للن تصمد دولة الكيزان ولن تستطيع التغلغل عبر المنتفعين وازلامهم
هي فكره أتمنى أن تجد القبول


#933018 [ود احمد]
4.91/5 (8 صوت)

03-05-2014 07:45 AM
هذه نتيجة حتمية لما تمارسه هذه الحكومة من ابشع انواع الاستهتار واللا مبالاة فهؤلاء غيروا العملة ثلاث العملة يلاث مرات وتلاعبت حتى بالوقت الذي يخضع لحسابات خخطوط الطول عالميا فهذه حكومة غير مسؤولة ويجب ان تذهب اليوم قبل الغد لان الفساد تعدى الحدود


#932999 [بت البلد]
4.00/5 (4 صوت)

03-05-2014 05:59 AM
خلاص انكشف الملعوب وتاني مافي خم في الجيوب ولو ما سلمت نفسك يا البشير هذا أكبر العيوب ... لو كنت فاكر الخم شطارة فالتسليم أخف خساره ..


ردود على بت البلد
[من البداوة إلى الحضور] 03-05-2014 12:04 PM
يا سلام عليكي ... وعلى أمثالك يا [بت البلاد] ... لقد سجعتنّ راجل فاطنة ثمّ وداد ... بألسنةٍ حٍداد ... برغم أنوف وقداديم هذا الجداد ... الإلكتروني ... التي فرعنت الرجل ... وقسّمت البلاد وحرقّت العباد ... ؟؟؟


#932994 [القائد هوت دوق]
4.94/5 (10 صوت)

03-05-2014 05:33 AM
الاعتماد على الجنجويد( قوات التدخل السريع) لحسم تمرد البنوك العالمية


ردود على القائد هوت دوق
[nagatabuzaid] 03-05-2014 10:02 PM
( دى قلبت فيها الهوبا) واضيف المحاصرة الجنجويدية لهذه البنوك واجب وطنى مؤترى وشعبى

United States [القريش] 03-05-2014 11:08 AM
والله انت ساخر خليتنى اضحك حد الاستلقاء لك الشكر ياقائد الهوت دوق حتى اسمك يعتبر منبع السخريه!


#932970 [منصور محمد صالح محمد العباسي]
2.81/5 (10 صوت)

03-05-2014 03:16 AM
خلاص يعني هذه نهاية السودان والطامة الكبري عليه،،،لا والله ان ابواب السماء مفتوحة ولن تغلق ابدا ،،،وسترون العجب العجاب عما قريب ،،،نحن وانتم والزمن طويل،،،ان للسودان رب يحميه.


ردود على منصور محمد صالح محمد العباسي
[ابومصطفى] 03-05-2014 05:08 PM
كسيرتلج صاح ------ وكاتب اسمك بالكامل عشان تثبت لي اسيادك انك بدافع عنهم--- نعم للسودان رب ىحميه من اللصوص والقتله وتجار الدين وامثالك

United States [ساب البلد] 03-05-2014 02:37 PM
********* متوقع رياح "يورو" عاصفة تضرب اجزاء واسعة من الاقتصاد السودان ربما تتسبب تشكيل سحب "دولارية" ماطرة تستمر عدة سنوات ***** حيث تبلغ نسبة الانتعاش 9 ملم **** هع هع هع هعااااي ****

[شطة] 03-05-2014 02:32 PM
ابواب السماء مفتوحة ولن تغلق ابدا,,, لكن ابواب البنوك فى السعودية والخليج وبقية العالم ستغلق فى وجه الكيزان والمؤتمر الوطنى. وكان عندك فلاحة افتحها او ارفع يدك شوف كان تنفتح يالذى ماكله حرام وملبسه حرام ومسكنه حرام وترفيه حرام ونساءه حرام.
انتو قايلن الله سبحانه وتعالى مؤتمر وطنى ولا شنو؟ ( تنزه سبحانه وتعالى عن ذلك) يا قتلة وسفاحين سارقى قوت الشعب.

United States [هيثم بشرى] 03-05-2014 01:03 PM
يعني داير ربنا يحمي الظلم والفساد والاضطهاد ياخي خليك إنسان عندك ذره من الإنسانيه لو كنت بتعرف ربنا عن حق كنت حاتكون أول المعارضيين كفايه لوم الغير فما ارتكبته حكومة الكيزان أكبر من الوصف والتزلف الواقع المعاش يفرض على الجميع الوقوف ضد الطغمه الحاكمه

United States [mohamed] 03-05-2014 10:28 AM
يا منصور للاسف يبدو انك لم تقرأ القرآن,وإن قرأته مثل الكثير لم يفقهوه.فإن من يتقي الله يجعل له مخرجا ويرزقه من حيث لا يحتسب.فكيف يكون لكم مخرجا ومن يحكمونكم يقتلون ويظلمون ويأكلون أموال الناس بالباطل ويتبعون السحر والشعوذة.والكثيرون يهللون ويكبرون خلفهم بلا وعي.فأني يكون لكم المخرج؟ نصيحتي أن لا تلهثوا وراء هؤلاء حتي لا تكونوا شركاء في هذه الجريمة.ولا تتبعوا ساداتكم.وإن أبواب السماء مفتوحة للذين يتقون الله. لا للذين ضل سعيهم في الحياة الدنيا وهم يحسبون أنهم يحسنون صنعا.وربنا يحفظ السودان ويبعد عنه المنافقين وتجار الدين.إنك سميع مجيب.اللهم امييين.

European Union [kaaaak] 03-05-2014 10:23 AM
كلامك يناقض تصرفك ... نعم للسودان رب يحميه... ومافي داعى للتزلف يعني يا أمن يا كيزان شوفوا اسمي الكامل ده و خلونا في البال .. مابرضو لأولاد الشريف العباسي رب يحميهم...

-من واحد جدو العباسي زييك لكنه لا يتزلف للطغاة و لا للمجرمين

[osama dai elnaiem] 03-05-2014 09:48 AM
البشير رب الابل( السودان) وهو المفروض ان يطعم هذا الشعب من جوع ويأمنهم من خوف ولكنه ( سب) ابا الاخرين فسبوا ابو السودان وياليتنا فعلنا مثل الجزائر التي وقفت حرائرها بالامس القريب احتجاجا علي ترشح بوتفليقة لانه رجل عجوز مريض غير قادر علي ادارة البلد بينما بشيرنا مريض ومطلوب دوليا وتاثيره سالب علي حركة البلد وهو اختطف امة بكاملها واحتوي في حماها لينجو بنفسه من العقاب-- دعك من الجزائر فلنفعل مثلما فعلت مصر السيس التي قذفت بحركات الارهاب خارج ديارها ليخلو الجو لاهل البلد لادارة شانهم بدلا من تحكم حركات ارهابية في ادارة المال والبشر عن طريق تبييض الاموال وتهريب السلاح من ايران وتهريب شذاذ الافاق من كل حدب وصوب---- نعم للبشير والانقاذ رب لا تخافه - والعياذ بالله-

United States [رد] 03-05-2014 09:08 AM
ده إنت غبي وغبي كمان باسمك الطويل ده!!!!!

European Union [تمساح] 03-05-2014 08:42 AM
حقا ما قلت ،، أبواب السماء مفتوحة ،، وسترون العجب العجاب عندما تعود نشوب ثورة الشعب السودانى فى وجه الكيزان ،،، أو عندما تدك الجبهة الثورية حصون الخنازير فى الخرطوم ،، حسنا قلت ،، أبواب السماء مفتوحة ولن تغلق أبدا

United States [محروق الحشا] 03-05-2014 08:37 AM
نعم يااخى منصور ان ابواب السماء مفتوحة وكل اللذى يحدث عبارة عن ضغوط تمارسها السعودية والامارات لنكون بجوار مصر وهذا لن يحدث ابدا نحن مع مصالحنا ومصالحنا مع اثيوبيا ويجب الان نعلن انسحابنا من جامعة الدول العربية والتعامل مباشرة مع اسرائيل وفتح سفارة لها فى الخرطوم فورا وكفاية كذب ونفاق نحن افارقة..

[المتجهجه بسبب الانفصال] 03-05-2014 08:22 AM
يا منصور محمد صالح محمد العباسي لا هذه ليست نهاية السودان ولكن نهاية النظام الذي أصبح فساده كتاب مفتوح وأسأل شيخ قوقل ببوح،،، ثم نعم نحن نعلم أن أبواب السماء مفتوحة للبشر منذ أيام أجدادنا القدماء لا مع مجيء الانقاذ ولكن الله رب السماء يقول : واتقوا فتنة لا تصيبن الذين ظلموا منكم خاصة" ابحث عن الفساد المالي في البنوك وستعرف ،،، ماذا تريد من السماء أن تفعل ومال اليتيم منهوب ومال الزكاة منهوب ومال المشاريع منهوب والبنوك منهوبة والعصبة الحاكمة يتفاخرون بالقناطير المقنطرة من الدولارات والسيارات الفارهات والارصدة الاجنبية التي لم تمحى من عيني ملامحو،، أما اذا كان فهمك للدين والحياة قدري أو بويهمي أو أردت من قولك هذا استخدام المصطلح المقدس للتخدير فلا تنسى أن السماء تكره الفساد والظلم وكم من قرية أهلكتها السماء بما ظلمت، وأما إن كنت تعتقد أن سبب أن إيقاف التبادل المصرفي معالبنوك السودانية مؤامرة فتلك كرة خاسرة وقراءة للأحداث فاشلة،، السبب هو فقدان الثقة في هذه البنوك وفساد القائمين عليها وعدم الثقة فيهم وسط المجتمعات المصرفية العالمية فالعالم أصبح قرية ،، ويكفي رجوعنا القهقرى أن مسئول اللجنة الاقتصادية يوسف حجر علل الموضوع بكلام الطير في الباقير عندما قال ستقوم وزارة المالية والبنك المركزي بحل هذه المشكلة بنهج " الاستضافات"،، وب يأتي آخر ويقول نهج " البركات" وهو ذات اشارتك التي قلت فيها إن أبواب السماء مفتوحة ولن تغلق متناسيا الاسباب والمسببات وأن الله حرم الظلم على نفسه،،،

United States [محموم جدا] 03-05-2014 08:21 AM
السودان و الشعب السوداني فلهم رب يحميهم و أما الحكومة و وزارة ماليتها و بنكها المركزي (يجيبوا الهوا من قرونهم)..كتب البنك المركزي السوداني بيانا صحفيا أكدت من خلالها إيقاف البنوك الدولية لتعاملاتها مع بنوك السودان بـ(الطبيعي) في المجال المصرفي .. قبلها كانت كذبة عوض الجاز وكان وقتها وزيرا للمالية و من على منبر سونا(نحن في السودان لا نتاثر بالازمة المالية) فانظر ماهي الآثار المترتبة على تلك القرارات و الترتيبات المبنية على الكذب انهيار كامل في كل ما يحتاج للأسبيرات الامريكية على طائرات سودانير الى آخره و انظر الى قيمة الجنيه من ذاك الوقت الى وقتنا الحالي .. كيف نتأثر و استعدادنا ليكم ياالأمريكان رضي بأن تأخذوا مننا ما يهمكم من الصمغ العربي و تطردونا من التعامل مع شركاتكم العابرة للقارات و الحقيقةهي أن علاقاتنا مع الامريكان كما نقول (لا بدورك و لا بحمل براك) و هل هي مبنية على فهم حقيقي لمصالحنا الاستراتيجية أم هي مبنية على سياسة هاك الويها و التي تعبر عن كبر النفس مع الانهزام الداخلي و التي تذكرني بقصة العريس و الحرامية في الغابة.. الدول من حولنا لها علاقات استراتيجية مع كل دول العالم الكبرى و الصغرى إلا مدلينة علي كرتي الشرق أتى و لم يأتي و الغرب أتى و لم يأتي و بدات يشتد علينا الخناق من إخوتنا و أقرب الاقربين .. دي يحلها الشربكها..

United States [kartgi] 03-05-2014 08:15 AM
نعم للسودان رب يحميه ولكن ليس للمجرمين رب يحميهماتمنى من دولة الامارات ان تفعل ذلك اليوم وليس غدا لحماية اهل السودان من هؤلاء المجرمين111

European Union [أســامة] 03-05-2014 07:58 AM
هذه ليست نهاية السودان بل ناية الكيزان ونعم بالله أبواب السماء مفتوحة ولكن ليس للمنافين تجار الدين الفاسقين .... ونعم ان للسودان رب يحميه منهم وأن ورقاصهم الهارب السفاح قريبا بأذن الله سوف سوف يتم تسليمه إلى لاهاي وزج كل عصابته إلى مزبلة التاريخ .

European Union [البدرابى] 03-05-2014 07:52 AM
أين أنت من إعقلها وتوكل وأعلم أن الله لا يغير ما بقوم حتى يغيروا مابأنفسهمووهذه أمور لا يفهمها على حقيقيتهاويدرك مدى خطورتها إلا من كان مصرفيا ذو بصر وبصيره وسوف تنعكس هذه الاّثار على أهلى وأهلك الغبش عندها ستعيد النظر فى رأيك هذا.

United States [قرد الطلح] 03-05-2014 07:37 AM
يعنى نتوقع الدولارات تنزل من السماء بدل المطر هذا الخريف دة ياهو العجب العجاب بتاعك يا راجل اصحى من الافيون البتتبخر بة دة

United States [شلاخخي] 03-05-2014 07:00 AM
الله لا يحمى الظلمة القتلة سفاكين الدماءالكذبة المنافقين المغتصبين اللصوص المرتشين خائنى الامانة يا صديقى

European Union [هدهد] 03-05-2014 06:59 AM
ابواب السماء فاتحةياشيخنا للحكومات التى تحكم بالعدل والصلاح وليس لدولة الفساد والمحسوبية والعنصرية .دولة الكفر العادلة ولا دولة الاسلام الظالمة الفاسدة .

[محمدأحمد] 03-05-2014 06:13 AM
هذه نهاية الكيزان و الفساد المالي. أبواب السماء غير مفتوحه للقتله



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة