الأخبار
أخبار إقليمية
أكثر من735 مليون دولار عائد السياحة بالبلاد العام الماضى
أكثر من735 مليون دولار عائد السياحة بالبلاد العام الماضى
أكثر من735 مليون دولار عائد السياحة بالبلاد العام الماضى


03-05-2014 11:06 PM

الخرطوم (سونا) بلغ عدد السياح الوافدين للبلاد خلال العام الماضى 591 ألف و350 سائحا باجمالى إنفاق بلغ 735,501 مليون دولار.
جاء ذلك فى اجتماع اللجنة الفنية لقطاع التنمية الاقتصادية اليوم بفندق كورال بالخرطوم باعتباره احد الصروح السياحية بالخرطوم حيث ترأس الاجتماع السيد يوسف عبد الله الحسين وكيل وزارة المالية والاقتصاد الوطنى وذلك بغرض الوقوف على المعوقات التى تعترض الفنادق والسياحة والعمل على تذليلها.
كما ناقش الاجتماع تقرير أداء وزارة السياحة والآثار والحياة البرية للعام 2013م، الذى قدمه د. على محجوب عطا المنان وكيل الوزارة، واشتمل على عدد من الانجازات فى محاوره المختلفة فقد شهد العام انطلاقة المشروع القطرى فى مجال الحفريات والسياحة الاثرية.
وأوصى الاجتماع بالاهتمام بالترويج ووضع التشريعات اللازمة لحماية المحميات الطبيعية والعمل على ازالة المعوقات التى تعترض قطاع السياحة.
وكشف التقرير عن تأهيل عدد من المناطق السياحية فى بعض الولايات والطواف الميدانى على (15) ولاية بغرض معرفة المعوقات والوقوف على الاحتياجات التدريبية بالولايات .
وأشار التقرير الى الإحاطة بأعداد العمالة الأجنبية فى مجال السياحة وضبطها وتنظيمها ومتابعة إحلال العمالة الوطنية مكانها .
وأوضح التقرير إقامة أول معرض عالمى للسياحة بالسودان وعدد من المشاركات الداخلية والخارجية لنشر ثقافة السياحة والتعريف بامكانيات السودان السياحية .كما أبان التقرير إعداد خطة تفصيلية لإدارة المحميات الطبيعية .


تعليقات 8 | إهداء 0 | زيارات 1928

التعليقات
#934312 [عطوى]
5.00/5 (1 صوت)

03-06-2014 07:05 PM
ههههه والله دى كزبة ابريل نفسها لو قالو 200 نفر او تلتمية شوية بنصدق وبتكون منطقية بس الرقم دا الا طان قاصدين جيوش الامم المتحدة من الحبش وبورما ...

دا منو المجنون البجى يتفسح فى السودان عشان لما يجى خاشى الفندق يلقا العساكر بحمرو لية كانو متهم او جاى يرتكب جريمة ويرجع .. تلقا الفنادق قداما عساكر برتب مختلفة شى ابوطيرة وشى استخبارات وشى مراقبة اجانب وشى حرس حدود وشى شرطة عسكرية وامن وطنى ومباحث ؟؟؟

يااخ دى فنادق ولا غرف عمليات حربية الله يمرضكم يا كيزان يامنافقين ..


#934304 [منصور محمد صالح محمد صالح]
0.00/5 (0 صوت)

03-06-2014 06:54 PM
لا ادري مالذي فعلته حكومة الإنقاذ حتي تقابل بكل هذا العداء ،،،بحسي الوطني وبحبي الشديد للسودان أؤمن إيمانا قاطعا ويؤمن الكثير من السودانيين ان هذه الحكومة الموجودة الان هي حكومة وطنية عملت لخير السودان ،،المواطن العادي يؤمن إيمانا قاطعا لأمراء فيه ان حكومة عملت لخير البلاد والعباد ،،، لو ذهبنا الان لسكان مرزوق وامبدات والقماير والعشش والحاج يوسف وكل سكان الأحياء العشوائية وسالناهم عن ماذا قدمت هذه الحكومة لقالو بصوت واحد ،،،قدمت لنا هذه الحكومة السكن الكريم ،،،ان الديمقراطية لم تقدم لشعب السودان شي يذكر ولم تخطط لهم السكن العشواى ،،كان الناس قبل الإنقاذ يشترون الماء من بائعي الحمير ،،بل وسط الخرطوم كان الناس يشربون من الجرادل وبالكوز ،،،الف نفر من الناس كانو يشربون بالكوز الواحد ،،اسألوا سكان القماير ومر زوق هل كانو يعرفون ماهي الكهرباء ،،!!!وماهي الحنفيات ،،دعونا نترك الدين جانبا،،،في الحقيقة ان مانجزته هذه الحكومة في بلادي يعتبر ثورة في عالم الإنجازات ،،والإنجازات هي التي تتحدث عن نفسها ولا ينكرها الا مكابر ،،،تحدت الحكومة الحصار الامريكي والخليجي والتفت عليه بما لها من ذكاء وتلاعبت مع المجتمع الدولي بنفس طريقته،،،حقيقة لقد مللنا ومل كل الشعب السوداني من تغيير الحكومات ،،،أدرك الشعب السوداني الواعي ان تغيير الحكومة تلو الحكومة لا يفيده في شي ،،،لذالك صبر وصابر ورابط ،،،حقيقة ،،،استمرار الحكومة إبداءها الحالي أفضل كثير من ديمقراطية اللهم جرا التي عجز الصادق المهدي فيها من ان يشق طريق واحد من داخل الجزيرة أبا الي الطريق العام ( ربك) بل شارع الإذاعة بالملازمين لم يستطيع رصفه ،،،،صراحة الشعب السوداني ليس في حاجة الي ديمقراطية ،،،فقط يحتاج الي حكومة قوميه وطنية رشيدة فقط....


ردود على منصور محمد صالح محمد صالح
European Union [سوداني متابع] 03-06-2014 10:30 PM
أي انجاز تتكلم عنه ؟ . نبدأ بالأرض و لا بسكانها زي ما قلت , الأرض الاتقسمت نهاراً جهاراً و مشي تلتها و سكانها جونا يدينهم فاضية ؟ . ولا حلايب و الفشقة الضاعت رجالة حمرة عين , ياتو سودان الانت قاصدو ده يا أخوي . أما عن السودانيين !!! ياتم القاصدهم ديل ناس دارفور ؟ و لا ناس النيل الازرق و لا ناس جنوب كردفان و لا ناس شرق السودان محل تجارة الاعضاء البشرية . أما عن ناس أمبدات القلت عليهم ديل و ناس الخرطوم كم منهم ماتوا في جهاداتنا المقدسة و كم من كتلو الجوع بعد الصالح العام و وين قاعدين يتعالجوا هسه لو مرضو .

لو انت مجرد واحد مكابر يبقي مافي داعي واحد يرد عليك لن لو انت داير الحق بالجد هاك :

قلت في كلامك السودان محتاج حكومة قومية يعني انت ذاتك مقتنع انه مبدئياً لازم قومية !!! خلينا نعرف ليك قومية دي يعني شنو , قومية يا سيد مش يعني حكومة فيها دينق و ملوال و السنجك و أدروب لا يا سيد , قومية دي يعني انها بتحقق تنمية ناس أدروب و تخليهم ما محتاجين يجو الخرتوم عشان يشوفو النور و الاسبتاليا و الباسطة .
قومية يعني مشاريع حقيقية أول ناس يستفيدوا منها ناسها مش زي حكاية المناصير !! قومية يعني لمن ناس يكون عندهم راي طالما هم مواطنين تسمعهم في برلمانهم ما تنتظر يشيلوا بندقية و يتفاهموا معاك بعد داك . قومية في التنمية و الانتماء و الثقافة و الهوية , أساسها المواطن السوداني , كدي شاحدك بالله عاين في الحكومة كم واحد عندوا جواز أجنبي !! . كم واحد منهم استثماراته ( قوول حلال ) حايمة في شرق اسيا !! اولادهم بيقروا وين ؟ وطنية شنو الانت بتتكلم عنها دي ؟ .
أديك كلام يريحك , ما كل الفي المؤتمر الوطني أصلاً علي قلب رجل واحد , الناس ديل مخترقين من مختلف مخابرات العالم , و انت المعاهم ده بكرة بجي البصفيك و الجابك بتفرج عليك , صحيح في ناس ما ممكن الواحد يقول عنهم أي حاجة , زي مثلاً مكاوي بتاع الكهرباء زمان عمل الحاجات الأنت عايز تخرم بيها اضانا بيها , طيب مكاوي ليه مشي و المشاه منو و أسامة بعده عمل شنو ؟؟ لا خلاص الكهرباء رخصت ؟ يا أخوي سيب المكابرة ساكت كل المشاريع الكبييييييرة جابت شنو غير صفت دمنا و اتصفت , وين الجزيرة و سودانير و وين سد فائدة سد مروي وووووو , أنحنا دايرين حاجة مدنية نضيفة كدة فيها حساب لي زي العفن البين الكيزان ديل القاعدين يوسخوا ماعونهم بينهم قبل ما يسروا ليهم غيرهم , حاجة فيها القانون سيف علي الجميع , حارس مش جلاد , و حتي الناس العملوا الفظائع دي ما نتمنا شكل الحصل في ليبيا لكن عايزينهم يفهموا حساب البلد الديقراطي كيف راقي في محاكمه و في قانونه و في تطبيقه , نتمنا ما يشوفوا أي بيوت أشباح و لا الورونا ليه ده , دايرين القاتل يطلع المقصلة يتشنق و هو فاهم انه خلص كل فرصه قانونية , لكن يا سيد زي نوعك ده هو البخلي الحكاية ما تتحلا الا بي بندقية و ناس ديلك هم ناس الاعواد ما ناس الدولة المدنية و ناس الحضارة , فهمت و لا أزيدك .

الله يهدي قلوب الناس و يحق الحق ان شاء الله


#934102 [شروم كداد الدوم]
0.00/5 (0 صوت)

03-06-2014 02:37 PM
من اين جاءوا بهذه الارقام ؟؟
كذب وتضليل


#934005 [أب قرن]
0.00/5 (0 صوت)

03-06-2014 12:58 PM
سياحة إيه يا عمي إذا كان كورنيش النيل يستخدم لغسيل السيارات ؟؟؟


#933875 [المعلم]
0.00/5 (0 صوت)

03-06-2014 10:55 AM
يجب أن أحيي "الراكوبة" لنشرها هذه الصورة مع هذا الخبر وواضح أن الصورة مقصودة لتبيان مخاطر هذا النوع من "السياحة" حينما تكون بلا رقيب وبلا ضابط. ولتوضيح المفارقة الصارخة بين عنوان الخبر ومضمونه عن تطوير السياحة وما يجري فعلاً على أرض الواقع. لن تقوم أي قائمة للسياحة في السودان طالما أن "العقلية" السياحية السودانية على هذه الشاكلة وطالما ظلت مقومات الحياة الحرة الكريمة للمواطن نفسه معدومة ... وباختصار طالما ظل "هؤلاء" في الحكم!


#933868 [المعلم]
5.00/5 (1 صوت)

03-06-2014 10:49 AM
السياحة في السودان!! تبدو عبارة في غاية الغرابة! إذ كيف تتوفر مقومات للسياحة في الوقت الذي لا تتوفر فيه مقومات للحياة! لا أدري عن أي سياحة يتحدثون؟ أتمنى لو إن هذا الخبر أعطانا تفاصيل هذا العدد من السياح ... من أي الدول؟ وأي غرض أو نوع من السياحة؟ ويا ليته كذلك أخبرنا عن نسبة الإشغال بالنسبة للفنادق وعن الفترة -أو الفترات التي قدم فيها هؤلاء السياح؟ وإلى أي الأقاليم السودانية اتجهوا؟ أخشى ما أخشاه أن يكون كل هذا العدد أو معظمه من هواة سياحة "الصيد" من السعودية ودول الخليج الأخرى والذين يأتون فقط لـ "قتل" الثروة البرية لاشباع متعتهم بلا رقيب أو حسيب -بل وأحياناً- بمباركة ودعم وحماية مِن مَن يفترض أنه الرقيب والحسيب!!!


ردود على المعلم
United States [رانيا] 03-06-2014 01:34 PM
فعلا هم بيجوا عشان ( القنص ) وبيوفروا للزائر عسكري دليل يرشدهم لمكان تواجد الطريدة .


#933866 [عبدالرحيم العمده]
0.00/5 (0 صوت)

03-06-2014 10:46 AM
بالله عليكم شوفو السياحة بتعاتنا ... اهدار لموارد البلاد .. من اين جاء هولاء ( صدقت يا الروائي الجميل )..!!


#933801 [المعلم]
3.00/5 (2 صوت)

03-06-2014 09:54 AM
الصورة المنشورة أعلاه لا تبشر بخير أبداً. إذا كان هذا هو "نوع" السياحة "والسياح" في السودان فلا مرحباً بها و لا بهم وهم يدمرون التوازن البيئ ويعرضون الثروة الحيوانية البرية النادرة للانقراض وبترخيص من الحكومة أو عبر الفساد برشوة أفراد حماية الحياة البرية وغيرهم. من المفارقات إننا من الدول القليلة -وربما الوحيدة- التي بها شرطة خاصة بحماية الحياة البرية ومع ذلك حال الحياة البرية عندنا ربما يكون الأسوأ في العالم كله قياساً بغنى البلد بالكثير منها.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة