الأخبار
منوعات سودانية
المنتخب الكيني يرفض آداء مباراته الودية ضد السودان ويغادر الخرطوم مساء اليوم
المنتخب الكيني يرفض آداء مباراته الودية ضد السودان ويغادر الخرطوم مساء اليوم
المنتخب الكيني يرفض آداء مباراته الودية ضد السودان ويغادر الخرطوم مساء اليوم
رئيس البعثة-يسار-يتابع حديث القنصل الكيني


03-05-2014 09:56 PM



شهدت أزمة المنتخب الكيني بالخرطوم لآداء مباراة ودية دولية مع نظيره السوداني والمخطط لها غدا بمدينة الفاشر بغرب السودان تطورات جديدة وسريعة افضت إلى إلغاء المباراة بسبب رفض المنتخب الكيني لكرة القدم السفر إلى الفاشر وآداءها رغم كل الخيارات التي قدمت له من إتحاد الكرة السوداني وتدخلات مباشرة من والي ولاية شمال دارفور والأمين العام للإتحاد السوداني وسكرتير الإتحاد أيضا.

وكان "" قد نشر خبرا نهار اليوم ببداية تفاصيل الأزمة برفض قائد المنتخب الكيني دينيس أوليتش السفر إلى الفاشر مسنود بدعم من لاعبي المنتخب الكيني في أوروبا حيث تعذر بسفره فجر غد الخميس, ليطالب المنتخب الكيني بآداء المباراة عصر اليوم والعودة مباشرة بعدها من الفاشر.

وجاءت تطورات الأزمة اللاحقة بإنسحاب أمين صندوق إتحاد الكرة السوداني أسامة عطا المنان من مشهد الأحداث بفندق أبَّشر الذي يقيم فيه المنتخب الكيني بعد الساعة الواحدة والنصف ظهر اليوم لبحث إمكانية أن تقوم طائرة الهيلوكوبتر بالذهاب بالمنتخب الكيني للفاشر اليوم والعودة به من هناك بعد نهاية المباراة مباشرة, وبعد الساعة الثانية ظهر اليوم دخل الأمين العام للإتحاد السوداني الدكتور حسن أبوجبل معترك الأزمة وبدأت مفاوضاته مع البعثة الكينية وقدم لهم عدة خيارات أولها السفر إلى الفاشر اليوم والعودة بعد المباراة, ثم السفر إلى الفاشر غدا والسفر منها مباشرة إلى كينيا بتأكيدات من والي شمال دارفور عثمان محمد يوسف كبر, ولكن رئيس بعثة المنتخب الكيني أمكولي رفض كل العروض وتمسك بوجهة نظر فحواها أن المباراة كان يجب أن تلعب في الخرطوم واليوم وليس غدا.

وعندما وصل ابو جبل معه لطريق مسدود تدخل والي شمال دارفور شخصيا وتحدث لرئيس البعثة عبر الهاتف وقدم كل التسهيلات والتطمينات لآداء المباراة اليوم بالفاشر بدلا عن الغد, ولكن الرجل رفض, ثم تدخل سكرتير الإتحاد السوداني مجدي شمس الدين المحامي ولم يتزحزح رئيس البعثة عن موقفه, وفي خضم تلك المفاوضات أطل على الفندق بصورة مفاجئة قنصل كينيا بالسودان أنتوني بيجون وجمع كل البعثة من حوله وقال انه تابع مشكلة عدم سفر المنتخب للفاشر عبر وكالة أنباء عالمية ولكنه لم يمكث معهم طويلا بعد ما أقنعوه بوجهة نظرهم في الأزمة فغادر.

وحينما مال الوقت نحو الساعة الخامسة وأمام حالتي الشد والجذب تحدث حسن ابوجبل بلهجة صارمة مع رئيس البعثة الكينية وطالبه بإتخاذ أحد قرارين قائلا :"إما السفر للفاشر بسبب أن كل دقيقة إنتظار للطائرة بالمطار لها تكلفة بالعملة الصعبة, أو عدم لعب المباراة".

وأضاف موجها حديثه لرئيس البعثة :" الإتحاد الدولي علم بمشكلة هذه المباراة وطالب تسليمه قرارا, إما أن تلعب المباراة أو لا تلعب, وأنها مدرجة ضمن برنامج فيفا للمباريات الدولية الودية".

لينحاز رئيس البعثة للخيار الثاني, وهنا قال له أبو جبل :" إعطني قرارك الذي إتخذته مكتوبا".
ولكن الرجل رفض كتابة قرار رفض السفر وآداء المباراة رغم كل محاولات أبو جبل معه, وهنا قرر أبوجبل وبعد التشاور مع المسؤولين بإتحاد الكرة السوداني بأنهم لن يكون لهم في هذه المباراة.

وإستنطق "كووورة" مدرب المنتخب الكيني جميس ناندوا حول مساندته قرار عدم آداء المباراة غدا فقال:" لدينا تسعة لاعبين من ناديي ليبوردز "الفهود" وقورماهيا اللذان يشاركان في بطولتي دوري الأبطال والكونفيدرالية, بالإضافة لعدد من المحترفين في أوروبا وسوف نعرضهم لخطر كبير مع أنديتهم وسوف يتسبب المنتخب الكيني في مشكلات للاعبين مع تلك الأندية التي تشارك أفريقيا خلال الايام الثلاث القادمة, ولهذا لن نلعب المباراة غدا".

كما تحدث للموقع حصريا ل"كووورة" رئيس بعثة المنتخب الكيني أمكولي الذي قال:" الخطاب الذي أرسل لنا حول تاريخ هذه المباراة هو أنها سوف تلعب بالخرطوم بإستاد الفاشر, ولم نكن نعلم أن الفاشر مدينة ولم نخطر بأمر السفر عبر الطائرة لمدينة أخرى".

وأغلق الأمين لإتحاد الكرة السوداني ملف المنتخب الكيني بالخرطوم ووجه الموظفين المسؤولين عنهم بمتابعة أمر عودتهم إلى بلادهم, في وقت أعلن فيه رئيس البعثة أن المنتخب الكيني سوف يغادر إلى كينيا مساء اليوم, لكن الغريب أن المنتخب الكيني قد طلب عند العودة لبلاده الحجز له لمغادرة السودان يوم الجمعة القادم...!!
كووورة


تعليقات 15 | إهداء 0 | زيارات 8727

التعليقات
#934523 [أسمر جميل فتان]
0.00/5 (0 صوت)

03-07-2014 01:47 AM
في راي توجد ثلاث نقاط في الموضوع ده:
1. عدم الاتفاق الواضح على يوم وموعد المباراة هل هي يوم 5 او 6 مارس.
2. عدم التحديد الواضح لمكان المباراة؟ استاد اسمه الفاشر!!! ام بمدينة الفاشر بولاية سمال دارفور!!!
3. المجاملة بتاعت اسامة عطا من زيادة الافراد 25 لرفعه الي 29 شخص

من الواضح انو في عدم صياغة واضحة في عملية الاتصال والتواصل بين الاتحاد السوداني والاتحاد الكيني مما تسبب في سوء الفهم بنفس الطريقة بتاعت خالد الاعيسر قبل كده "انجليزي الخرطو"م وكده!!!

بالنسبة للنقطة الثالثة اقول لاسامة المجاملة ما في ليها داعي 25 شخص يعني 25 ينقصوا ولكن لا يزيدوا لان الزيادة بترتب عليها تبعات مالية سيتحملها الاتحاد السوداني يعني فلوس الشعب السوداني - يعني بالعربي كده ما دافعه من جيبك- وهم اذا كانوا في مكانك انا متاكد انهم ما حايوافقوا؟؟!!! واذا وافقوا فشئ يخصهم المهم نحنا طالبين 25 شخص فقط وبس .....وشوية اعتذار مؤدب وانتهينا !!!

النقطة الثانية يا اتحاد السودان الدقة مهمة جدا في عملية تحديد المكان لان الناس التانيين بتحسبوا لكل حاجه وكل الامور عندهم موزونة حتى "الاكل البيكلوه بيكونوا عارفين انو بيطلعوا فين ومتين!!! لا مؤاخذة"!!! لانهم محترفين عارف يعني شنو محترفين!!! يعني ممكن توضيح انو المبارة حاتقام في استاد الفاشر بالفاشر وهي مدينة تبعد حوالي كذا ساعة بالطائرة من الخرطوم وعلى بعد كذا كيلومتر من الخرطوم ودرجة الحرارة فيها كذا وكل التفاصيل الدقيقة لهؤلاء الناس!!! لانهم محترفين وما ادراك ما الاحتراف!!!
وبعدين يا اتحاد السودان الناس ديل حاتركبوهم هليكوبتر يا اخي هزات الهلكوبتر ما زي هزات الطائرات الايرباص بتفرق وبتاثر فيهم صحيا يا شطار لانهم محترفيييييين!!!
وبعدين في سؤال بيطرح نفسه ما هو الهدف من اقامة المباراة؟؟؟ هل الهدف هو اقامة مباراة ودية تفيد المنتخب السوداني في مشواره القادم؟؟؟؟ ام الهدف توضيح للعالم الخارجي بانو مدينة الفاشر وشمال دارفور تعيش في سلام ووئام لدرجة انهم بيلعبوا كورة وبيشجعوا منتخبهم؟؟!!! لخبطة الكيمان وعدم تحديد الاهداف !!!دي زاتا المطلعة زيت البلد دي وزيتنا انحنا زاتو !!!!

النقطة الاولي لغاية هسع محتار فيها فمهما كان الانجليزي بتاع الاتحاد السوداني دراب ومهما كانوا تعبانين في اللغة فكتابة الرقم 5 و 6 واضحة تماما وشكلوا انو في البداية اتفقوا على يوم 5 وبعدين الاتحاد بتاعنا كتر خيروا قال يوم 6 مارس والجماعة ديل ما عندهم وقت يضيعوه في التصوير والسياحة جايين عشان يلعبوا وراجعين الساعة كدا لانهم مفروض يرتاحوا كذا ساعة... ومرتبطين في فرقهم!!!! ولو تاخروا يوم بيتعرضوا لخصومات مالية ولعقوبات فردية ممكن تحسب عليهم في المستقبل وهم ما مجاملين زي اسامة عطا جاملهم بزيادة اربع اشخاص!!! وما جاملوه بساعات!!! لانهم محترفين الواحد فيهم سيارته بيكون موقفها في موقف المطار وحاسب انو حايجيها الساعة الفلانية لانهم محترفين يا اتحاد يا سوداني!!!! وما مستعدين يضحوا بمستقبلهم الاحترافي عشان خاطر عيون الاتحاد السوداني!!! وعيون عثمان كبر!!! بعدين لا سمح الله لو حصل للناس ديل حاجة البيتحمل المسئولية بتاعتهم!!! والتعويضات المالية بتطلع من جيب ابوكم!!! يا اخي ما تخاف الله في قراراتكم الفطيرة دي!!!!

ما حدث فضيحة ونقطة سوداء في تاريخ هذه الدورة للاتحاد السوداني ومفروض اذا في اي خسائر مالية يتحملها افراد الاتحاد السجمان ده!!! "ويتخاتتوها" ومعاهم عثمان كبر زاتو!!! تكاليف الطائرة وتكاليف البنزين ماشي جاي للمطار اضافة الي تكلفة جلوسهم في الفندق لهذه الساعات!!!

عشان الواحد فيكم لما يعمل اتصال مع اتحاد تاني يفتح عيونوا كويس ويكبر صلبه في الكرسي ويصلح انجليزته!!! وبعدين يكتب!!!
ودمتم


#934423 [زاىد]
0.00/5 (0 صوت)

03-06-2014 10:35 PM
حتى الخمج فى الرياضة دى اتحاد شنو


ردود على زاىد
United States [sasa] 03-07-2014 08:54 AM
هل نحن دولة هل نحن نحترم انفسنا هل نحن نحترم كلمتنا هل نحن لنا كلمة ... من نحن ؟؟؟ من اى طينة بشرية نحن !!! افيدونى ياكرام المعلقين


#934345 [أحمد هوربا]
0.00/5 (0 صوت)

03-06-2014 07:55 PM
ياخي والله فضيحة بجلاجل كيف تتفقوا مع ناس في الخرطوم وتحاولوا تتلاعبو عليهم وتلعبوهم في الفاشر منتهي الفوضي واللاادرية الله يرحم حليم ياخي شي محرن أنتو قايلين الكينيين سجمانين زينا والله ديل تربية خواجات يودوكم البحر ويجيبوكم عطشانين قال الفاشر قال ديل ناس منظمين ومرتبين في كل شي والداير يعرف قدر الكينيين يمشي نيروبي عشان يعرف الله واحد كل شي منظم لغاية ما تحس بانك في اندن اي والله تشعر انك في بقعة ما بتمت للقارة الافريقية بصلة التظيم طال كل شي الشوارع نضيفة ما بتسمع بوري ما بتلقي زول ببول في الشارع ما بتلقي زول ببصق ما بتلقي زول بتكلم بي صوت عالي النضمي الشديد في شكل همهمات غير مسموعة المدخنين عندهم أماكن تدخين تقول نحن هم رضوا بالهم ولكن الهم حاول يتلاعب بيهم


#934260 [الزوووول]
0.00/5 (0 صوت)

03-06-2014 05:32 PM
اذا دخلت السياسة فى الرياضه فسدت السياسة وانهارت الرياضه وهذا ماحدث فى السودان
عايزيين يقولوا للعالم شوفوا دارفور أمنة ومافى مشاكل وهم عارفين الحقيقة غير كدا
وتدخل السياسيين فى الرياضه اصبح فاضح --- قلبى عليك ياوطني


#934126 [محسن ابوحراز]
0.00/5 (0 صوت)

03-06-2014 02:53 PM
حتي الرياضة في بلادى ؟؟؟؟؟؟اصبحت مسيسة حسبنا الله ونعم الوكيل فيك يا عثمان كبر واتحاد الكرة


#934116 [غريب ديار]
0.00/5 (0 صوت)

03-06-2014 02:47 PM
ههههههههههههههههههههههههه اتحاد كوره زي العسل طظ طظ طظ


#934095 [شروم كداد الدوم]
0.00/5 (0 صوت)

03-06-2014 02:32 PM
بدل ما تقعدوا تحنسوا فى الكينيين , مش كان احسن ليكم اتليتكو مدريد
تجبروا بى خاطرو بعد ما المريخ اعتذر ما يلعب معاهم ... ترم ترم تررررم


#934081 [مسكين]
0.00/5 (0 صوت)

03-06-2014 02:21 PM
00
سياسة التحانيس التي مل منها البشر السوداني


#934032 [فطيره بى لبن مشتهيها لى زمن]
0.00/5 (0 صوت)

03-06-2014 01:29 PM
عشوائية فى كل مؤسساتنا.. لف ودران ..ما تلعبو معهاهم مش قالو ليكم الخرطوم ..لو ودوكم ام درمان ما تلعبو .. استهبال ده وكلام فارغ .. خرطوم يعنى خرطوم ..شنو اللف والدوران ..جوديه هى ولا سمايه :قولو خير ..صلو على النبى ..على الحرام ..حرم تجو حرم ما بنجى ..طلق تلعبو طلق ما بنلعب ..خير ..عديله ا ناس , انتو ناس وهم , وين انتو .وبالمناسبه الفاشر ما اااامنه ولو عملتو فيها كاس العالم ما حا تغطو على جرايمكم والقتل والتشريد لناس دارفور..عواليق. بلا يخمكم


#933904 [سالم السالم]
0.00/5 (0 صوت)

03-06-2014 11:21 AM
اول مرة اسمع باستاد الفاشر في الخرطوم
يا ربي دا بيكون جهة الكلاكلة


#933621 [saleh]
5.00/5 (3 صوت)

03-06-2014 03:24 AM
وفشل آخر يضاف لصحيفه اتحاد الكره المثقلة بالسقوط ..


#933600 [مجروس ق ش م]
5.00/5 (1 صوت)

03-06-2014 02:18 AM
مع السلامة اصلو منتخب اﻻرجنتين .مبارة مع منتخبات وسط وشرق افريقيا تحصيل حاصل وﻻ فائدة فنية منها واﻻنحاد يسعي لإحراز انتصارات وهمية وعندما نواحة منتخبات قوية من شمال إفريقيا وغربها ينفضح المستور


#933563 [nagatabuzaid]
4.75/5 (5 صوت)

03-06-2014 12:43 AM
ياروح ما بعدك روح برافو قائد الفريق الكينى كبر ايه وضمانات ايه ؟ موسى هلال خلاه يتراجف زى نار القصب مطير ليه النوم من عينه قال كبريقدم ضمانات اضمنسلامة مواطنيك اولا وسلامة بت ام روحك


#933530 [اسامة على]
5.00/5 (6 صوت)

03-06-2014 12:00 AM
اعتقد كل الموضوع مسرحية سمجة سيئة الاخراج لاظهار ان الفاشر بلد امنة بدليل اقامة مباريات دولية فى الوقت الذى يصرح فيه والى الولاية على رؤوس الاشهاد ان كل مواطن فى ولايته مسؤول عن حماية نفسه نسبة للانفلات الامنى المطلق


#933520 [كومبارس]
4.00/5 (1 صوت)

03-05-2014 11:50 PM
سياسة حقيرة ورياضة فطيرة ...اقترح سودان من غير كرة ومسيقي وغناء وافلام ومسلسلات شعر ورقص وهرج مورج ...والله تقوم لنا قيمة وسط الناس وتصبح امور الناس في ايدينا بدل ماهى بالعكس امورنا في يد كينيا ويوغندا واثيوبيا !! واحسن للناس عشان تجد نفسها وسط هذا السخم والخداع.... شغلونا بالفارغة والمسدودة وحتي دي مانافعين فيها!.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة