الأخبار
أخبار إقليمية
البحرية الإسرائيلية تحتجز سفينة أسلحة إيرانية بالقرب من المياه الدولية للسودان
البحرية الإسرائيلية تحتجز سفينة أسلحة إيرانية بالقرب من المياه الدولية للسودان
البحرية الإسرائيلية تحتجز سفينة أسلحة إيرانية بالقرب من المياه الدولية للسودان
صورة من الارشيف - سفينة ايرانية ببورتسودان


هل رصدها الدفاع بالنظر.. أم كانت ليلاً ودون إضاءة ؟
03-05-2014 04:16 PM
الراكوبة - وكالات اعلن الجيش الاسرائيلي انه اعترض صباح اليوم في البحر الأحمر، بالقرب من المياه الدولية للسودان وأريتريا، إعترض سفينة تحمل "شحنة ايرانية من الاسلحة المتطورة" كانت موجهة لما وصفها بالجماعات المسلحة الفلسطينية في قطاع غزة.

وقال المتحدث باسم الجيش بيتر ليرنر "خلال عملية معقدة وسرية للبحرية الاسرائيلية في ساعات الصباح الاولى، قامت القوات الاسرائيلية بالصعود على متن سفينة شحن تحمل شحنة اسلحة ايرانية موجهة لقطاع غزة، في المياه الدولية بين السودان واريتريا




تعليقات 24 | إهداء 0 | زيارات 15063

التعليقات
#933943 [وين سودان العز]
5.00/5 (1 صوت)

03-06-2014 12:02 PM
ديل المرض وحكومه فاشله وحقت فتن ومشاكل والعياذ بالله لزومو شنو تشتري ليك سلاح وشعبك جيعان

دل المثل البيقول لابس طاقيه بدون سروال


#933756 [locolo]
5.00/5 (1 صوت)

03-06-2014 09:23 AM
الاسلحه كانت فى طريقها الى جبال النوبة و النيل الازرق و دارفور لقتل لاباده ما تبقى من المواطنين فى تلك المناطق ،،


#933650 [esan salih]
0.00/5 (0 صوت)

03-06-2014 04:39 AM
والله ده ياهو ذاتو البسموهو اللعب بالنار , إيران دى لييه العرب كارهنها و بحاربوها لأنو فيها شلة مهاوويس هوايتهم القتل و الدم و التفجيرات و الأسلحة لدرجة أفقرت الشعب الإيرانى الذى صار يتسول طعامه رغم غنى أرضهم بالبترول و جماعتنا ديل ما عارفين المصريين نوى يمسحو من الأرض حاجة إسمها أخوان و هم عارفين الأسلحة البتتهرب بواسطة الأنفاق لحركة حماس و التى إتضح أنها أخوان مسلمين , غايتو الدنيا مولعة و البعملوهو الكيزان ده إسمو لعب بالنار و المصيبة إنها ح تحرقنا معاهم.


#933624 [hassan]
0.00/5 (0 صوت)

03-06-2014 03:32 AM
اكيد‏ ‏الاسلحة‏ ‏المتطورة‏ ‏دي‏ ‏متوجهة‏ ‏الى‏ ‏السودان‏ ‏لدعم‏ ‏اخوان‏ ‏مصر‏ ‏واخوان‏ ‏غزة‏ ‏واخوان‏ ‏السودان


#933551 [Amin]
4.50/5 (3 صوت)

03-06-2014 12:22 AM
كان ربطوها وجروها من ميناء بورتسودان ده ..عبدالرحيم ما عنده ليهم شيء


إلا كان يحتفظ بحق الرد في الخزانة المليانة ديك


#933515 [fm3]
5.00/5 (4 صوت)

03-05-2014 11:44 PM
نفايات نووية وبعدها امراض تفتك بالسودانيين ورئيس السجم يرقص
بواخر دولية تحمل اسلحة مؤامرات دولية تضر بمصالح اهل السودان ورئيس السجم يرقص
دعم الارهاب واخوان الشيطان وحماس وشعب السودان يباد ورئيس يرقص
جوعت الناس يارقاص وشعب صامت
الشعوب عرفت مصالحها وثارت على حكومات اللصوص وشعبنا صااااامت
شعب جعان لكنوا جبااااااااااااااااااااان


ردود على fm3
United States [jah] 03-06-2014 09:53 AM
صدقت وحاتك
شعب جبان
شعب مهان
شباب كسالي جبناء لا طموح لديهم
شعب وامه خنوعه ارتضت الذلة والمهانه وانا واحد منهم
بجد نحن شعب جبان بقينا نخاف من البوليس وم بنقدرنتحد ونتفق ونكون يد واحده ف وجه الطغاة

[الشاويش] 03-06-2014 09:37 AM
والله الشعب عمروا ما كان جبان بس مغلوب على امرو ؟


#933504 [الــســيــف الــبــتــــــار]
4.00/5 (2 صوت)

03-05-2014 11:26 PM
تدمير قافله محمله بالاسلحه و البرادو والسوناتا واليرموك وبرضوا ما بتتعظ وتترك الاسرائيلين فى حالهم و شوف مصالحط وين و مصالح المواطن البسيط و المسكين البقيت راعى الرعيه بتاعوا قسرا واتحملك ربع قرن من عمره والعشم كبير فيكم كان الغذاء و الدواء و التعليم و الكهراء و الماء النظيف وفرص عمل لاولاده و اولاد اولاده وكلنا عيال تسعه وما فى شىء بميزك من عسكرى فى القصر لكن ابليس عليه اللعنه سلمك الجمل بما حمل و قال ليك دلدل كرعيك لما اطلع من السجن واستلم الرايه؟
اها يا شاطر انقلبته عليه وركبته رويسك الكبير دا الفاضى وبقيت الحاكم بأمره و الفهم كمل و بقيت كل يوم تطلع لينا بنظرية او موضوع ويطلع كضب يا كضاب ؟
جربتا فينا كل ما يخطر ببالك وزبانيتك مشروع حضارى و الوثبه بالعالى و اللعب دافورى و العجله والركوبه سدارى وكل ما جاب مريسة تامزينو ؟
عايز ترجع الى ابليس بعد أن حار بيك الدليل واصلوا انتا ما عندك القدرة على شغل ذى دا تحكم ليك بلد ثلاث ارباع شعبها سياسى وثورى ؟
لكن الحصانه و الحماية المسلحه ليك و لنظامك هى السبب فى بقائك الى ليوم ؟
انتا يا جنا العربى الوحيد فى العالم العربى و الافريقى و فلسطين دى امرك بهمك اكثر من اهلها لصايعين و الضايعين و لمتجنسين بجنسات عدوهم ويفتنوا فى بعض و نايمين فى لعسل وانت يا سجم الرماد شايل همهم و متجزم و متلزم و عايز تحررها ؟
خلى العالم فى حلها و شوف نفسك و السويتوا فى الشعب المسكين دا و ناسى انو هناك حساب و عقاب و الله اكبر عليك واليوم الراجيك بين يدى المولى عزوجل .


#933423 [ودبري]
4.50/5 (4 صوت)

03-05-2014 08:41 PM
أكيد ديل الأريتريين يا جماعة .. الحمد الله بقت بين السودان وأريتريا عشان نلقى طريقة نزوق هههههههههههههههههههههههههههههههههههههههههههه


#933419 [عصمتووف]
5.00/5 (2 صوت)

03-05-2014 08:39 PM
متي نشاهد او نسمع بالقيام بعملية تستهدف الاوغاد بالداخل ما دخلنا بفلسطين وبيت المقدس نحن حجة او عمرة قريبة الي المشاعر المقدسة بجدة فشلنا بالحصول علي تذكرة باخرة دعكم من الطائره نمشي للقدس لنصلي هم اصحاب الجلد والراس باعوا القضية نحن مالنا والعداء المستحكم بين السنة والشيعة منذ الخلافة لم ولن ينتهي لا اري سببا لتوريط العباد لطلعات والغزوات الليلية للنسور الاسرائيلية بيوتنا كالبسكويت اختراق الحاجز الصوتي كافيا لهده قوق رؤسنا ونحن نيام والنظر ضعف


#933405 [خالد حسن]
5.00/5 (4 صوت)

03-05-2014 08:22 PM
وين الحاج ساطور
اجري شيل ساطورك وحصل اليهود في يورتسودان قبل مايمشو .. يامتخلف
وزرقاء اليمامه ابورياله ماشافهم قبل مايصعدو السفينه
تمام وسير سير يانتنياهو
التحيه للجيش الاسرائيلي ذو الذراع الطويله
وياجيش الخنا اسد علينا وعلي اسرائيل والمصريين والحبش نعامه


ردود على خالد حسن
United States [jah] 03-06-2014 09:59 AM
صباحك خير
جيش وينو الجيش البتتكلم عنه او البوليس السوداني ههههه
ديل لو لقوك مطرف بجريمة صغيرة كان شارب او معاك بنت طوالي بكابسوك وبغتصبوها وبغسلوك وبشيلو تلفونك
الناس تعترف انو تسعين ف المية من منسوبي البوليس فاسدين واولاد حرام ونهابين والامر والمبكي انو بنياتهم الجسمانية هزيلة لا تترتقي الي انهم يكونو افراد شرطة ديل بس الخوف الدخل ف قلوب المواطنيين بقاهم زى الاساطير
خالد حسن كلامك حلو شديد
لكن الشباب بتاع الجيل الحالي لا تتوقع منو انو يقوم بثورة او حاجه كده
البنقو والمخدرات بقي اهم حاجه عندهم خلاص انسي امر السودان
انا لله وانا اليه راجعون
مرحلة الياس المحمود
سلام


#933397 [mon]
5.00/5 (2 صوت)

03-05-2014 08:09 PM
ايوة موساااااااااد يا كوز يا جزمة. ..عندك اعتراض؟


#933385 [شارون سوداني]
3.00/5 (3 صوت)

03-05-2014 07:52 PM
لو كنتا رئيس للسودان كنتا بتحالف مع الشيطان لو انها بتحقق الرفاهية لوطنا السودان


ردود على شارون سوداني
[شارون السوداني] 03-06-2014 02:21 PM
يا JHA
شفتا وزاره المالية الملاصقه للقصر الجمهوري بحولوا إلي سفاره إسرائيليه

United States [سودانى ساكت] 03-06-2014 12:54 PM
قديمة يانشرة تسعة..دى سواها زماااااااااااااااااان.. وقنع من الشياطين ..وفى االنهاية عمل ليهم فتنة وخلاهم فى حروب اهلية..شوف غيرها..

United States [شارون السوداني] 03-06-2014 12:23 PM
أخي كومبارس لماذا الغضب !
والعياذ بالله أن أتحالف مع الشيطان المعني بالقرأن (الشيطان الرجيم)
وعلي ما إعتقد انتا أذكي بإدراكك ان المقصود بالتحالف هو مع إسرائيل
وأمريكا بما يحقق مصلحة مواطني بلدنا الذين أرهقهم الفقر.

والنبي الكريم (ص) كان يتعامل مع اليهود وتزوج من أبنتهم كما تعلم.
وما المانع ف التعامل معهم ..
وإذا ضايقك إسم شارون السوداني .. فأنا معجب بشارون الذي ضحا من أجل
شعبة بشبابه ولم يقتل ويسرق شعبة وهذا ما يعجبني ف شخصيتة.
إذا أحببت الإبتلاء كحب فهذا خيارك.
ولك الإحترام ف رأيك

United States [jah] 03-06-2014 10:16 AM
الكومبارس ده تعليقو شوية غريب
شارون قاصد كلام معين ومحدد واستعاض بكلمات رمزية
انت شكلك كومبارس بجد
ولا فائدة من التعليق الطويل عليك
واكيد حتهاجمني
شكلك سوداني حقيقي ملئ بالاحقاد ولا تري الصورة الجميله
بس برضو يومك سعيد

United States [jah] 03-06-2014 10:14 AM
الله عليك ي شارون اولا اسمك حلو وعجبني بس انا متفتح اكتر منك
اولا
لو بقيت رئيس السودان شوف خيالي وعلق عليهو
حاتصل باسرائيل واعرض عليهم تطبيع وانشاء تبادل ف كل المستويات وارسل واعمل سفارة واخليهم يختارو اي موقع ويعملو فيه سفارتهم واي سوداني يتكلم طوالي بقطع راسه بحد السيف وليس الاعدام
وبرسل لامريكا اي سوداني من زمرة الكيزان لو كان ابوي زاتو
وحافتح باب الهجرة لاي شاب سوداني وحاجبر السفارات الاوروبية انو يسهلو اجراءات التاشيرات منعا لشباب بلدي يموتو ف بحر ليبيا او يموتو من التهريب عبر اندنويسيا او تركيا
حافتح البلد علي مصراعيها وحتكون المنافسه وبضرب بيد من حديد علي الاجرام والبنقو والدعارة عشان لمن الدعارة تنتشر اكيد الشباب م حيعرسو لكن لمن اطبق احكام رادعه وحتي الشرطة تكون مراقبة بيد قوية اكيد بقدر اطبق قراري ده لانو ف حاجه مهم خالص انو الدعارة بقت ظاهرة منتشرة بغض النظر عن سببها لو اى شفت قدر يعرس بتكون ظريفة \
حاعمل جامعه امريكية جامده للدين
حاخلي الخرطوم طاردة عشان اسعار الاراضي الخياليه ترجع لوضعها الطبيعي
الزراعه حاضربها ليكم لمن تتكيفو وما كلام
التعليم حيكون تعليم حقيقي ما اي كلام زى حق الكيزان الضيعونا وطلعو صليبنا
حرام عمرنا كلو خنوع وذلة وقاعدين ضيوف وسط العالم المتحرك المتسارع من حوالينا
وكمان دقيقة شفتو الاحزاب الوهمية حقت الفارات الانتو عارفينهم حاتجاهلهم ليك لمن ينتحرو
اه اجيب ليكم اسرائيل وامريكا حاعوض عليكم
حاهتم بالرياضه الجري كرة القدم
حرام افريقيا كلها عندها محترفين ف كرة القدم ف اوروبا ونحن شبابنا قاعدين ف الجبنات والشيشة وشراب الشاشمني وافلام الهناي
انا حتحالف مع شياطين الكون موش الشيطان المسكين ي شاروووون
يومك دسيس ي شفتتون

[كومبارس] 03-05-2014 10:41 PM
السودان ليس في حوجة بان يحكمه فاسق محكوم من الشيطان متلك انت لا تستحق حتي التعليق هنا واقول لك اذهب انت وشيطانك ومن معك وابحثوا عن سعادتكم فنحن اخترنا سعادة الاخري ورضنا ببلاء الدنيا التي بها امتالك ولاتحلم بحكم السودان فامتالك لا يعلون علي همم رجال السودان واذا حصل فحينها قل انا الذي تحالف مع الشيطان فحينها ستري كم من سيف سيوف يبغي قتلك واولهم سيفى خيرا لك ان تترك المعصية وتوب الي ربك عساه ان يهدك الي سراطا مستقيما وهو الغفور الرحيم ورحمة الله علي والديك اذا ماتوا وانت علي هذا الحال وانت ابنهم الوحيد فلن يجدوا ابناصالحا يدعوا لهما عليهم رحمة الله والله يهديك


#933362 [علي باحش الدكوك]
5.00/5 (6 صوت)

03-05-2014 07:25 PM
يبدو انو الجناح المناؤي للتعديلات الأخيرة في مراكز القوة داخل المؤتمر الوطني: العسكريين المؤيدين لـ علي عثمان، عوض الجاز وكمال عبد اللطيف، بدأوا مرحلة الضرب تحت الحزام.

هذه العملية الأستخباراتية الكبيرة والناجحة لسلاح البحرية أسرائيلي، يبدو أنها أنطلقت من معلومات أستخباراتية دقيقة ومفصلة ... الشحنة كبيرة للغاية والحكومة السودانية ومليشياتها العسكرية كانوا في أنتظارها بفارغ الصبر.

بعد أنتشار خبر أستيلاء الجيش الأسرائيلي على شحنة الأسلحة القادمة من أيران، لا أستبعد مطلقاً بأن يكون الرئيس البشير شخصياً قد باشر سلفاً أتصالاته بعد ظهر اليوم مع الرئيس/ ثامبو بيكي رئيس الالية الافريقية رفيعة المستوى، مطالباً بالبدء الفوري للمفوضات مع الحركة الشعبية.

الجيش الحكومي والمليشيات العسكرية المتحالفة معه في جبهات القتال مكشوفة الظهر وضعيفة التسليح، وسلاح الطيران منهك من معارك كردفان الأخيرة، والكل كان بأنتظار السفينة المختطفة.


#933358 [هبارشروك الليل]
5.00/5 (1 صوت)

03-05-2014 07:09 PM
مادام مادخلت الحدودالسودان برئ منها .نحن ولو حكومتنا ما فكتنا من حماس وايران دي الشعب السوداني ما بضوق الرفاهية الناس كلها عرفت مصالحها الا نحن


ردود على هبارشروك الليل
[كومبارس] 03-06-2014 02:51 AM
شكلك ياهروب ادبار الليل انبطاااااحي للاخر وفي انبطاحتك راسك واصل لحدي تل ابيب واضانك مدلية في مقر الاسياد اقصد الموساد !!اتقي الله وقوم انفض يديك واسحب راسك واضنينك عليك وادعدل واقف واجمع مراكيبك عليك وفك البيرك ومانشوفك تاني حائم هنا


#933354 [ود المسالمة]
4.25/5 (4 صوت)

03-05-2014 07:01 PM
لو لاحظتو قبل يومين كان رئيس الامن السفاح محمد عطا موجود في العراق وكمان رئيس وفد قالوا اقتصادي عشان يجيب دعم من العراق , شفتوا الدعم بدل بترول طلع سفينة سلاح دة دليل كبير على تورط الكيزان ديل في قصة السلاح دي وكلو بي تمنو وفي النهاية يموت الشعب ويفضلوا هم ويتحالفوا مع ايران وماشايعهم من مجرمين .
حسبنا الله ونعم الوكيل فيهم ومن يشايع البسبو الرسول الكريم صلى الله عليه وسلم وبسبوا صحابته هو مثلهم واسوا منهم . فليذهب البشير واذنابه للجحيم ولا يمكن الشيعة في بلادنا , وكمان في انهيار اخلاقي للمجتمع كلو بي سبب الكيزان الوسخ ديل .


ردود على ود المسالمة
[ود المسالمة] 03-06-2014 09:46 AM
يا الصادق كااااك , اول اتعلم اكتب واقرا وتعال علق لينا زي ما قال esan salih وظاهر انك من ارزقية نظام الضلال , وعمرك دة نحن قضيناهو كلو نضال من اجل الشعب السوداني وما زلنا والحمد لله اخلاقي ما تصل لي مستواكم وانا بدافع عن الرسول الكريم وانت بتشكك في اخلاقي وفي وطنيتي , وانتو الفصلتو البلد وعذبتو اهلها في كل مكان من السودان وبعتوها لملالي ايران .

United States [esan salih] 03-06-2014 04:07 AM
رد للصادق
أسمع أنا لو كنت جدادة زيك كده كنت أول حاجة بمشى آخد لى كورس فى الكتابة و القراية على حساب الشعب الفضل ده و بعد داك حتى أجى و أبدا الجهاد الإلكترونى.

[الصادق] 03-06-2014 12:13 AM
وانت فضلته ولا انتهيت واخلاقك بقت كيف حافظته عليها ولا انهارت وهو انت بتحلم الفينة دي طعم والاسلحة دخلت بدون ما يشعر المساد بتاعك ده يا نايم


#933331 [علي باحش الدكوك]
5.00/5 (8 صوت)

03-05-2014 06:30 PM
ناس دارفور وكردفان والنيل الأزرق ربنا قد تقبل منكم التضرع وصالح الدعاء.

هذه الأسلحة ليس كلها مرسلة إلى حماس، بل جزء كبير منها، خاصة القنابل البرميلية مرسلة إلى كردفان ودارفور لوقف مد الثوار في جبهات القتال .. وكانت الحكومة بتنتظرها على أحر من الجمر. وما المفوضات قبل أيام مع الحركة الشعبية في أديس أبابا إلا تكتيك وكسب للوقت إلى حين وصول القنابل البرملية المجهزة في الأيران والتي أثبتت فعليتها في سوريا.

عليه، واصلوا في دعاءكم وتضرعكم للمولى عزا وجل .. ربما لن تصمد الأنقاذ حتى وصول شحنة جديدة من أيران.


ردود على علي باحش الدكوك
European Union [ساب البلد] 03-05-2014 09:35 PM
******* فعلا هذه الاسلحة لاتمام الصيف المهبب بتاع الكيزان ***** لانو قبيل كانوا بتبجحوا و الناس في المفاوضات كانوا حارين الاسلحة الجاية ******


#933322 [الكاهلي]
5.00/5 (2 صوت)

03-05-2014 06:14 PM
اللّهم إنّا نشكو إليك ضعف قوّتنا، وقلّة حيلتنا، وهواننا على النّاس يا أرحم الرّاحمين، إلى من تكلنا اللهمّ إنّا توجّهنا إليك بضعفنا وفقرنا وحالنا، فارحمنا برحمتك يا أرحم الرّاحمين
الذين طغوا في البلاد فأكثروا فيها الفساد فصب عليهم ربك سوط عذاب


ردود على الكاهلي
European Union [الكردفاني] 03-05-2014 08:46 PM
اللهم اجب دعا المظلومين في كل مكان لو كلنا المعلقين هولا بدعو مثلك في تعليقاتهم لفرج الله كربنا من تجار الدين الحراميه قاتلي الشعب فعلي كل الاخوه التوجهه الي الله بالدعا عليهم فان الله قادر علي ان يخلصنا منهم وياتي بخير منهم .اللهم شتت شملهم تجارالدين
وولي فينا من يصلح


#933312 [mon]
4.50/5 (3 صوت)

03-05-2014 05:59 PM
Mabrooooooooook


ردود على mon
European Union [ابوريدة] 03-05-2014 06:15 PM
ناس الموساد ظهروا ، إنت من عملاء جدعون ولا شنو ؟؟


#933308 [مالك الحزين جدا جدا]
3.00/5 (2 صوت)

03-05-2014 05:52 PM
والله إيران دى تغطس حجرنا ,, ابعدوا منها


ردود على مالك الحزين جدا جدا
United States [ساب البلد] 03-05-2014 09:30 PM
******* هو نحنا لسه "حجرنا" ما غطس ؟؟؟؟ ***** ده اختفي عديييييييييل كده ******


#933304 [الحاج]
4.99/5 (9 صوت)

03-05-2014 05:52 PM
ياخي الاسرائليين ديل ما بسمعو الكلام
الحاج ساطور مش قال ليهم تاعلو لينا بالواطه
تاني جايين بالبحر


#933297 [انصاري]
5.00/5 (1 صوت)

03-05-2014 05:39 PM
.. نظر جوز لا يخسر..!!؟؟ عبدالرحيم محمد حسين (ريل)..!!


#933294 [جبل البركل]
4.82/5 (6 صوت)

03-05-2014 05:33 PM
الخبر الذي تناقلته وكالات الانباء العالميه ان هذه السفينه كانت تحمل سلاح من دمشق ومنه لطهران ثم نقل من هناك الي ميناء بندر عباس في العراق ثم ميناء ام قصر وكانت السفينه التي تحمل علم بنما في طريقها لبورتسودان عندما تعرضت لها سفينه حربيه اسرائيليه

صعاليك الانقاذ ما زالوا يمارسون سياسة الهرجلة واللا مبالاة ضد بلدنا وشعبنا وادخالنا في متاهات وماْزق لا يمكن الخروج منها ,, ومن اجل من كل ذلك,؟؟ نعم من اجل هنيه ومشعل وارهابيي حماس الذين لا يهمهم سوي وجودهم ولن يذرفوا الدمع علي هلاك السودان وضياعه لان هولاء القوم جبلوا علي حب انفسهم فقط

لعنة الله علي تنظيم الاخوان العالمي الذي اصبح يتحكم في كل ما يجري في السودان بموافقة البشير وزمرته الانجاس


#933291 [الشايل المنقة]
4.88/5 (6 صوت)

03-05-2014 05:23 PM
...يعنى نظام دقستونا وكدة,بنعاين ليكم بى فوق تقوموا تجونا بالبحر ؟,ما مشكلة يا اولاد الهرمة,المرة الجاية ح نشغل ليكم النظريتين معا ,بالنظر والدفاع بالسمك ..ابقوا رجال وتعلوا لينا بدرب تانى لو لقيتوا درب تانى..!!


ردود على الشايل المنقة
[الطاهر] 03-05-2014 05:52 PM
بالغت عديل كدة هههههههههههههههه
الدفاع بالسمك دي حلوة


#933285 [AHMEDJALAL]
4.94/5 (7 صوت)

03-05-2014 05:13 PM
يا جماعة الوزير وضح ان اي عملية ليلية هو مامسؤول عنها زول ضو ساي


ردود على AHMEDJALAL
United States [المهرج] 03-06-2014 12:43 AM
فضل فيها سمك ديل نشفو اى حاجه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة