الأخبار
أخبار إقليمية
تزايد حالات الجنون والأمراض النفسية وسط المعلمين : (المصابين جاءوا إلينا بحالاتهم الراهنة)
تزايد حالات الجنون والأمراض النفسية وسط المعلمين : (المصابين جاءوا إلينا بحالاتهم الراهنة)
تزايد حالات الجنون والأمراض النفسية وسط المعلمين : (المصابين جاءوا إلينا بحالاتهم الراهنة)


03-06-2014 01:06 PM
الخرطوم: ندى رمضان
أعلنت الهيئة النقابية الهيئة النقابية لعمال التعليم الولائية عن تطبيق لوائح وضوابط صارمة في تعيينات المعلمين لجهة حماية الطلاب والتلاميذ من التعرض للأذى في أعقاب تزايد حالات الجنون والأمراض النفسية وسط المعلمين وكشفت عن البدء في إجراءات عمليات حصر المرضى وفق إحصائيات دقيقة .

من جهته أقر الأمين العام عبدلله بابكر في تصريحات صحفية بظهور الحالات النفسية وسط المعلمين خاصة في التعيينات الجديدة للعام ( ۲۰۱۲ ۲۰۱۳ ) لافتاً إلى تمتع المعلمين في السابق بالسلامة العقلية نافياً علاقتها باكتظاظ الفصول الدراسية بقوله: (مدارسنا لا تسبب الجنون لأحد) وأن المصابين جاءوا إلينا بحالاتهم الراهنة مؤكداً أن الضوابط الجديدة للتعيينات تشمل بند وجود الطبيب النفسي باللجنة

الجريدة


تعليقات 13 | إهداء 0 | زيارات 4314

التعليقات
#934450 [الراجل]
5.00/5 (1 صوت)

03-06-2014 11:31 PM
انا قبل يومين قريت خبر بان وزارة التربية سوف تدخل الحاسوب فى المدارس بديل للحقيبة المدرسيةطيب الشفع القاعدين ديل زاتهم ما عندهم حقيبة حتدخلو ليهم بدل شنو اخبار زى دى مش تجنن المدرسين تجنن المجانين زاتهم بعدين المدرسة ماله عيبوها لى اول حاجة الرملة القاعدين فيها الشفع يدوها رشة تبقى بااااااردة لامحتاجين كراسى ولا مراوح ولامكيفات هو زاتو المراوح يركبوها وين سقف مافى بعدين مدرسة حديثة اولا هى مختلطة والزى غير موحد زيها وزى اى جامعة بعدين ست الشاى والبتبيع الفطور قاعدات جو الفصل التانى عشان الشفع وقت الفطور ما يطلعوا يقتشو سندوتشات بيرقر ولا هوت دوق يقوموا يتعرضوا لحادث لا قدر الله بعدين الاستاذ ده مدرس التربية الرياضية عشان كده هو قاعد على رجلينو ماتقولوا المدرسة مافيها كراسى فيا وزارة التربية والتعتيم سارعو بادخال الحاسوب لهذة المدرسة النوزجية


ردود على الراجل
United States [أبو مريم] 03-07-2014 10:20 AM
يا أخونا الراجل، القاعدين جو الفصل التاني ديل طلاب سنة ثامنة لأنهم ممتحنين عشان كده إهتمو بيهم و ختوهم في فصل منفصل عشان الباقين ما يزعجوهم
وضع مثل هذا الوضع مش يصيب المدرسين بالجنون فقط بل الوزير نفسه يصاب بالجنون و لو ما جن و ظل في كامل قواه العقلية يجب عليه أن يستقيل


#934384 [عصمتووف]
5.00/5 (1 صوت)

03-06-2014 09:18 PM
عينة الفصل الخرابة وحالة المعلم تقود ليس للجنون وحده بل الي الانتحار شئ مقرف ومخجل لا توجد حكومة محترمة تشاهد مثل هذا المنظر وتصمت الحكومة مستعده لشراء سيارة 2015 لوزير ولا وكيل ولا معتمد وبالملاين مستهده لتاثيث مكتب بتلفزيونة وبرادته الاسبيلت ولاجات تعج بما الذ وطاب والله حمام او بوفية الوزير افخم من اجعص مدرسة بولاية الخرطوم وغير مستعده لانفاق مليم احمر لا في مدرسة ولا مصحة ولا خدمة عامة لمواطن ف الله يستر ان لا تنتقل لوثة الجنون للتلاميذ هو الما جن منو كلنا مجانين ما عدا ناس الحكومة وقادة المؤتمر وقواعده واحزاب المرتزقة وسدنة البيتين الجعانيين هم العقلاء ونحن المجانين


#934374 [ود الدكيم]
5.00/5 (1 صوت)

03-06-2014 08:47 PM
إضافة جديدة إلى أنواع الجنون في السودان التي تعتبر من الإنجازات الحصرية للإنقاذ "جنون المدرسين"
ربنا يجيب اليوم ونقف لكم إجلالاً رافعين القبعات إن صح التعبير.


#934277 [عادل]
4.88/5 (5 صوت)

03-06-2014 06:13 PM
والله الصورة زاتهااااااا تجيب الهلوسة


#934263 [حد بيعرف احسن م الحكومه!!]
0.00/5 (0 صوت)

03-06-2014 05:47 PM
(1) يا عبدالله يا بابكر...اذا لجنة تعيين المدرسين فيها اخصائى مخ واعصاب ونفسانى المجانين اللى بتقول انهم جوك بحالاتم دى العيّنم منو؟ ومتين؟ وكيف ؟وليه؟ ما لقيتو واحدين نصاح؟ (ولآ انتو هل جنيتو ام عقولكم نصاح؟ هل اجريتو دراسه ليه المدرسين زمان كانو متمتعين بالسلامه العقليه وحسّا بقو مجانين؟
(2)موش جائز زمان نقابتم واتحادم كانوا بينتخبوهم باصواتم وما كانت قروشم بتنشال جزيه وهم صاغرين!
وكانت الدنيا بخيرا..وبيلقو تدريب وبعثات خارجيه وانتداب..وبيصرفوا مستحقات ترقياتم كامله وفى وكتا
(3)بعدين ايه دخل الهيئه النقابيه فى تعيين المدرسين؟ هو المدرسين بقوا موظفين عند الهيئه النقابيه عشان تطبق ضوابط صارمه على تعيينم؟
(4) وليه الفصول اصبحت مكتظه بالتلاميذ اكتر من المعقول؟ آل توجه حضارى !!
(5) وكمان قالو الوزيره ماعاجبنها المسؤولين الكبار الشغالين معاها فى الوزاره وما فيهم واحد مالى عينا ترقيهو من بينم وكيل! هل يعنى مافيهم من عندو دقن وصارّى وشّو زى ألأمين العام تعملو وكيل للوزاره .. قالو دايرالا وكيل من برّا الوزاره .. حميضه مالو؟ ماهو ديمه يتكشّم زى نار القصب ..هل كمّل كشّيمو؟ ولا خلاص اخد الحافز المليونى زى رفيقو ووزعو على المحتاجين والفقرا..ودايرلو استراحة محارب!!

*كسرتين كدا من "ابو على" (1) هل لا يزال وما ينفكّو المعتصم بن عبرحيم (صاحب الدكتوراه اللى ما ثبت شرعا انّو احرزها) هو لسّا نقيب المعلمين؟
(2)الا تزال وما تفتأ اللعنة السبدراتيه تحل على السنه "ألأثناعشريه" المنقوصه من السلم التعليمى ؟ وآدى سنتين اتنين ( من ابريل 2012 الى مارس 2014) مما صدرت التوصيه بعودتها سالمة الى السلم سواء فى اعلاه او فى اسفلو وهى محلك سرك..حصل شنو على آليه الحاج ساطور الله يطراه بالخير!


#934252 [ود تلودي]
0.00/5 (0 صوت)

03-06-2014 05:20 PM
اجر المعلم اليوم 20 جنيه بالقديم دي براها بتجنن كهكهكهكها


#934239 [فتى]
0.00/5 (0 صوت)

03-06-2014 04:58 PM
ودوهم لى بلة الغايب
اليشوفلهم علاج للجن دا


#934203 [محمد]
0.00/5 (0 صوت)

03-06-2014 04:13 PM
عليكم الله نحن بندرس في أي قرن


#934184 [هبار شروك الليل]
5.00/5 (1 صوت)

03-06-2014 03:48 PM
البجننو الراتب اقل من مصاريفو بفكر كتير لحدي مايفوت طارة انتو قايلين شنو الوضع الاقتصادي المزري يؤدي الي الاكتئاب النفسي عدم توازن الوضع الاقتصادي مابين غني فاحش وفقر مدقع علي الطلاق حكومة الكيزان دي تجنن الشعب السوداني دا كلو


ردود على هبار شروك الليل
United States [حليلو القام بي ليلو] 03-07-2014 02:33 PM
سلام
ياخي إنت هبار الشروك ولا هبار الشروق,مجرد ٍسؤال عشان ما يتلخبط علينا الإختساس يا هبرة.


#934147 [drnag]
0.00/5 (0 صوت)

03-06-2014 03:08 PM
عارفينو مجنون وتعينوه ليه


#934144 [انصاري]
0.00/5 (0 صوت)

03-06-2014 03:07 PM
كدي شوف الصورة دي.... المابجنن شنو !!...؟؟... دي حالة تجنن .. (بعشر) ..(حسبو)..الله يرحمهم..

خليك من جونا .. مجانين ولا نصاح..


ردود على انصاري
European Union [abonilla] 03-06-2014 04:38 PM
ولله يا انصاري الصوره دي تجنن الواحد عديل كده


#934137 [افتح يا سمسم]
5.00/5 (1 صوت)

03-06-2014 03:02 PM
هم المعلمين براهم البقوا مجانين ؟ والله انا ود اختي براهو كدا منو وليه اصيب بحالة نفسية اذا كان خمسة سنوات مما اتخرج ما لاقي وظيفة ولا حتى كمساري في بص


#934075 [دكوه]
5.00/5 (1 صوت)

03-06-2014 02:17 PM
طيب ممكن اكون سليم....ولكن ضغوط الحياه ....خاصه حال المعلم...اكيد قد تكون هي سبب تدهور الصحه النفسيه....وابن ادم مصاب....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة