الأخبار
أخبار إقليمية
الصوارمي : وحداتنا المراقبة لم ترصد دخول السفينة مياه السودان الإقليمية.
الصوارمي : وحداتنا المراقبة لم ترصد دخول السفينة مياه السودان الإقليمية.
الصوارمي :  وحداتنا المراقبة لم ترصد دخول السفينة مياه السودان الإقليمية.


قال : لا علاقة لنا بالسفينة المحملة بالصواريخ
03-06-2014 01:10 PM
الراكوبة - صحف نفى المتحدث الرسمي باسم القوات المسلحة العقيد الصورامي خالد سعد أن يكون للسودان أي علاقة بالسفينة المحملة بالصواريخ التي تدعي إسرائيل احتجازها على حدود المياه الإقليمية بين السودان وإريتريا وقال الصوارمي - الخبر يقول إن السفينة كانت في طريقها الى غزة ولا علاقة للسودان بها غير المرور عبر المياه السودانية مشيراً الى أن وحدات المراقبة لم ترصد دخولها مياه السودان الإقليمية. هذا وقد ذكر الناطق باسم الجيش الإسرائيلي أفيخاي أدرعي، أن سلاح البحرية الإسرائيلية أوقف فجر الأربعاء سفينة محملة بالأسلحة في المياه الدولية بالبحر الأحمر قرب الحدود بين السودان وإريتريا .


تعليقات 25 | إهداء 0 | زيارات 5360

التعليقات
#934343 [ود الدكيم]
5.00/5 (1 صوت)

03-06-2014 07:54 PM
هذا السؤال موجَّه للإستراتيجي والمفكر العسكري السيد الصوارمي.
تقسم المناطق البحرية Maritime Zones لكل دولة إلى ستة مناطق كالآتي:
1.منطقة الحدود البحري وهي تعبر عن الحدود المعنية المحيطة بالساحل والشريط الساحلي Territorial Sea baseline
2.منطقة المياه الساحلية Coastal Waters—منطقة تمتد مسافة 3 ميل بحري من الشريط الساحلي.
3.منطقة المياه أو البحر الإقليمي Territorial Sea —منطقة تمتد مسافة 12 ميل بحري من الشريط الساحلي.
4.المنطقة المجاورةContiguous Zone —منطقة تمتد مسافة 24 ميل بحري من الشريط الساحلي.
5.منطقة اقتصادية خالصةExclusive Economic Zone —منطقة تمتد 200ميل بحري من الشريط الساحلي باستثناء ألا تقل المسافة بين البلدين المتجورين عن 400 ميل بحري.
6.الجرف القاري Continental Shelf وهي المنطقة التي تمتد إلى ما بعد ال 200 ميل بحري.
أها يا سعادتك إنت مناطقك البحرية المعلن عنها عرضها كم وكم بإعتبار حتى المياه المجاورة مفترض بسط سيطرتك عليها.
ووحدات المراقبة بتاعتك لم ترصد دخولها مياه السودان الإقليمية طيب هل رصدتها في حدود المياه الأخري ولا الدنيا كانت ليل والكهرباء قاطعة برضو وطافية أنوارها.

"حدود المياه الإقليمية بين السودان وإريتريا" دي ما فهمناها إلا أللهم إذا كانت إريتيريا دي جزيرة في البحر أحمر تفصل بينها وبين السودان مياه مشتركة.
معليش يا سعادتك الموضوع صعب شوية وياريت واحد من جهابذة القانون البحري الدولي يفتي لينا عشان "لإنو" إسرائيل دي غير الكضب والصلبطة ما عندها شيء.


#934341 [Memo]
5.00/5 (1 صوت)

03-06-2014 07:53 PM
السفينة كانت طافية انوارها ... والدنيا كانت ضلمة... عشان كده ما استطاعوا يرصدوها ..... !!!


#934308 [حالم بوطن أحلى]
5.00/5 (1 صوت)

03-06-2014 07:00 PM
وأنتو متين رصدتو حاجة غير أهلكم اللي هلكتوهم


#934307 [حسبو نسوان]
5.00/5 (1 صوت)

03-06-2014 07:00 PM
المرة دي ماعندها راجل ولاشنو؟

(زح يدك ياابودقن)


ردود على حسبو نسوان
[قرقوش] 03-06-2014 08:51 PM
هههههههههههههههههههههههههههههههه ابو دقن شغال بعبصة,,,انت صعب يا حسبو


#934305 [yahoo]
5.00/5 (1 صوت)

03-06-2014 06:54 PM
يرصدك البلاء
فلاحتكم في الطلاب وبائعات الشاي


#934268 [Black african]
0.00/5 (0 صوت)

03-06-2014 06:03 PM
قال وحدات المراقبة قال , عندكم شنو عشان ترصدوا بيو


#934235 [حد بيعرف احسن م الحكومه!!]
0.00/5 (0 صوت)

03-06-2014 04:51 PM
ر


#934227 [وحيد]
5.00/5 (1 صوت)

03-06-2014 04:39 PM
" وحدات المراقبة لم ترصد دخولها مياه السودان الإقليمية " .... وحدات المراقبة بالنظر؟!


#934175 [هيثم الخلا]
4.00/5 (1 صوت)

03-06-2014 03:40 PM
يا الصوارمي شنو نظرية رصدنا وكدة دي ما خلاص بقت مفهومة، كان تفكروا في نظرية جديدة مثلا نظرية حوالنيا ولا علينا مثلا، المهم إسرائيل دي ساهلة، الكلام في السعودية البقت تدي في المليان وإن غدا لناظره قريب، ها تاني لو قطر دعته إلا كان يمشي برأس الرجاء الصالح، يمهل ولا يهمل، خلاص ضاقت عليكم.


#934171 [ابن الشذاذ الأفاق]
5.00/5 (2 صوت)

03-06-2014 03:36 PM
بس يا أخونا الصوارمي اليهود ديل بيقولوا أنه السفينة جاية بورسودان، مش ماشية ساي عابرة ساي، الله يعينا عليكم بس، انتوا ما فهمتوا شنو بيقول، والله أعتقد أنكم لا تعرفون أنها وصلت إلا بالنظر عندما تقول "توت" وتصل الميناء، خليها على الله، ترصدوا شنو يا أخي العملية أكبر من ناسكم بكثير، ديه استخبارات عالمية دايرين يثبتو على إيران وأثبتوها، أنت داير تنفي شنو ياخي، الله يهديك بس، ابعد اخير ليك.


#934160 [lالوثبة]
5.00/5 (7 صوت)

03-06-2014 03:24 PM
يا جماعة الشغلة بسيطة

السفية دي كانت متجهة الى أوكرانيا !!

بس قبطان السفية بعد طلع من إيران سمع ليك بموضوع ( الوثبة ) ده !!!

ففكر أنو يعمل ليهو ( وثبة ) !! وفجأة لقي نفسه بالقرب من بورتسودان والمارينز الاسرائليين طالعين ليهو في ضهر السفينة ...

وطيروا ليك ( الوثبة ) من راسوا عديل كده !! ..


ردود على lالوثبة
[زول معلم] 03-06-2014 11:57 PM
هههههههههههههه ده خيال واسع ياالوثبة


#934159 [خالد]
5.00/5 (2 صوت)

03-06-2014 03:24 PM
الناس ديل قايلين في زول بصدق تاني المسالة معروفة لكل العالم نشاط ايران وتحاف ايران ومصانع ايران في السودان للاسلحة - طيب ليه اسرائيل بتضرب فيكم يمن وشمال مرتين في الشرق ومرة في قلب الخرطوم - ليه شالوا قوش اكبر تاجر شبكة سلاح عندما انكشف المستور - قديمة يا الصوارمي العب غيره - ازيدك علم المصريين قبل يومين قالوا السودان اكبر مهرب للسلاح ومافي زول واحد رد عليهم- حتى السلاح يتهرب عن طريق البحر الاحمر ( تم ضرب شخص مجرد خروجه من المطار ) نذكر كويس الحادث
احسن تعرفوا قدر نفسكم لا قدر اسرائيل ولا امريكا ولا يران
ايران دولة شيعية كفاية العملته في سوريا وفي العراق حتى حزب الشيطان اللبناني الان في سوريا يحارب السنة .
السودان اصبح دولة شيعية ونخن ما عارفين . غير المشاكل والعداء مع الدول السنية ماذا استفاد السودان بسياسة الكيزان الكذابين - هي لله هي لله ويتحالف مع ايران الكافرة ضد السنة
اتقوا الله - الناس دي ما عندها رحمة - الله رحيم وخلق الرحمة لكن عصابة الكيزان الكذابين تجار الدين ما همهم الا السلطة


#934143 [أبوعلي]
5.00/5 (1 صوت)

03-06-2014 03:06 PM
أن وحدات المراقبة لم ترصد دخولها مياه السودان الإقليمية

مؤكّد، لأنّ ذاك الوقت كنتم كالعادة تأدون نهجكم المعروف في الشقق المظلمة


#934135 [المثقف]
0.00/5 (0 صوت)

03-06-2014 03:00 PM
مشيراً الى أن وحدات المراقبة لم ترصد دخولها مياه السودان الإقليمية>>>!!
دي الوحيدة الصدقت فيها .. موش لانه عندكم بالفعل وحدات مراقبة ..لكن عشان انت سمحتوا ليها بالدخول بحماية تامة منكم لانكم مشاركين في المخطط ..!!
سبحاااااااااان الله قال لم ترصد قال


#934133 [عدو الكيزان النازي]
5.00/5 (2 صوت)

03-06-2014 03:00 PM
الصوارمي يا صرمة ... خليتونا مهزلة الشعوب

روح الله ياخدك وياخد رئيسك الرقاص المكلوج ده ... خلاص قربتو يا رمم

والله لنبيدنكم عن بكرة ابيكم

وبعدها الى جهنم وبئس المصير

في الدرك الاسفل


#934129 [افتح يا سمسم]
5.00/5 (1 صوت)

03-06-2014 02:55 PM
وين الحاج ادم قال سوف نقتلهم بالسواطير ونقتل ناس الثورية بالسوخوي


#934113 [ودالباشا]
5.00/5 (1 صوت)

03-06-2014 02:46 PM
المشكلة الشعب اذكى واعمق رؤية فى شئون الدولة اكثر من الحكام والمسؤولين الاسلامويين !!!
امس بعض المعلقين وكان اخبر ظازج توقعوا اَراء جماعة الدفاع بالنظر واخوة الصرماية واحدهم قال الان هم يفكرون ليصيغوا لنا غدا مسخهم ومسخرة الاقوال


#934093 [ساب البلد]
5.00/5 (1 صوت)

03-06-2014 02:31 PM
******** ((( مشيراً الى أن وحدات المراقبة لم ترصد دخولها مياه السودان الإقليمية)))******* هع هع هع هع هع زرقاء اليمامة كانت نايمة **************


#934069 [osama]
5.00/5 (2 صوت)

03-06-2014 02:11 PM
نسخ مشيراً الى أن وحدات المراقبة لم ترصد دخولها مياه السودان الإقليمية
الدفاع بالنظر
ابداع فاق زرقاء اليمامة


#934060 [اسامه التكينه]
5.00/5 (3 صوت)

03-06-2014 02:00 PM
اليهود الصعاليك ديل ناويين يضربونا تاااااااني
جهزوا الصواطير
جهزوا الرادارات البشرية للدفاع بالنظر
حريقة تاخدنا وتأخد الكيزان


ردود على اسامه التكينه
United States [رد على اسامة] 03-06-2014 03:23 PM
ما معروف الصعلوك الحقيقي منو


#934052 [انصاري]
5.00/5 (2 صوت)

03-06-2014 01:54 PM
(وحدة الزرقاء للنظر المحدق)..التابعة للديش السوداني.. للمراقبة بالعين المجردة.."دي قوية شديد" يا صوارمي..


#934046 [radona]
5.00/5 (2 صوت)

03-06-2014 01:50 PM
اذن توقعوا ضربة جديدة من اسرائيل
مع اننا مازلنا نحتفظ بحق الرد على ضرب مصنع اليرموك
وبالتالي ستزداد السعودية غضبا على غضبها من سلوكيات الحكومة السودانية وكذلك الامارات
اللهم نسالك اللطف يبدو ان ريح صرصر قد بدات تهب بعنف


#934045 [عشم بعشوم]
5.00/5 (1 صوت)

03-06-2014 01:50 PM
الشينة منكورة


#934038 [سوداني والحمد لله]
4.50/5 (2 صوت)

03-06-2014 01:43 PM
ههههههههههههه والله كلام يضحك قال وحدات المراقبة لم ترصد دخولها مياه السودان الأقليمة طيب الضربت بوردان اكتر من مره رصدتوها ولا الضربت مصع الشفا رصدتوها ولا الضربت اليرموك رصدتوها ولا البتخش كل يوم وتطلع ضربتوها روح ياخ داهية تاخدك


#934025 [الكاهلي]
5.00/5 (1 صوت)

03-06-2014 01:22 PM
ياالصورامي كيف تدخل غزة لزم عن طريق بورسودان عبر الحدود المصرية الي عزة


ردود على الكاهلي
United States [حسكنيت] 03-06-2014 03:38 PM
الأخ مصطفى ..سوريا لا تحتاج إلى ضرب فهى مضروبة داخليا وحتى أسلحتها الخطرة أصبحت تحت يد الأمم المتحدة..أما السودان فطالما هو يتبع النظام الإيرانى فيستحق الضرب بالشلوت ، وهل سألت نفسك لماذا تضرب إسرائيل السودان وهو البعيد كل البعد ( جغرافيا) عن إسرائيل ، لأننا فى أشد حالات الضعف وندعم حماس بسبب القائد الملهم وتنظيم الزفت العالمى

European Union [مصطفى الرقيع] 03-06-2014 03:01 PM
الحكومة المصرية الحالية تراقب دبيب النملة على حدود عزة وقد منعت حتى الغذاء والدواء والمحروقات من الوصول لسكان غزة ؟ فكيف تسمح بوصول صواريخ لغزة عن طريق الحدود المصرية وجزيرة سيناء ؟؟ والنظام الحالى فى مصر هو توأم الروح للحكومة الاسرائيلية ومستعد لخوض حرب ضد غزة واجتياحها من اجل رضا اسرائيل ؟؟ ارحو ان تحترموا عقولنا !!! الخبر مفبرك من اوله لاخره وانشر الخبر بتفاصيله فى هذا التوقيت هو تمهيد لعدوان عسكرى اسرائيلى على شرق السودان او ضرب مناطق فى سوريا !!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة