الأخبار
منوعات سودانية
صفعة لوالدة عروس تنهي مراسم زواج بأم درمان
صفعة لوالدة عروس تنهي مراسم زواج بأم درمان
 صفعة لوالدة عروس تنهي مراسم زواج بأم درمان


03-08-2014 12:43 AM

الخرطوم: مجدي تيراب :

في حادثة غريبة من نوعها تحول حفل زواج «عرس» بأم درمان إلى يوم حزين، وشهد الحفل أسرع حالة طلاق بسبب صفع والد العريس لوالدة العروسة على خلفية نشوب خلاف بين المعازيم واحتجاجهم على التقصير في عشاء المدعوين للفرح،
وعلى الفور تدخل والد العريس وصفع والدة العروسة عقب دخولها في مشادة كلامية أدت إلى تطليق العريس للعروسة قبل اتمام مراسم الفرح.

آخر لحظة


تعليقات 22 | إهداء 0 | زيارات 8767

التعليقات
#935978 [العازة بت ود المساعد]
4.00/5 (2 صوت)

03-08-2014 09:56 PM
والله يا السودانيين قصصكم عجيبة/ أنتو ما عارفين ( إنو الشيطان في العرس السوداني يكمن في العشا) نصيحة لكم / أهل العروس كتروا العشا كان ما عاوزين بتكم تتطلق / أهل العريس خلوا عندكم ذوق /كان العشا ما حقكم - البطن ما حقتكم ؟ / والغريبة القصص دي بتحصل دايما خلوا بالكم منها وخلونا نركز في الحكومة المهببة دي نقلعا كيف ؟؟؟؟؟/ ولكم الود يا نساء السودان في عيد المرأة


#935918 [Wadalfa7al]
4.00/5 (2 صوت)

03-08-2014 07:54 PM
مع كل الاحترام لي كل الشخوص في التقرير ده..لكن في هيافة حاصلة..دي قصص ما بتحصل إلا في مجتمع فارغ ومتواضع الإمكانيات العقلية والثقافية ..وللأسف بقت حاجات زي دي يومي بتحصل .. طلاق لأسباب فارغة ..زواج بالمزاجية ..تعدد زوجات..تعدد علاقات عاطفية ..بنات يبيعو الرجال ..أولاد يلعبوا بعواطف البنات...قصص تشيب يا ولدان


#935805 [سومي العسل - الدمام]
5.00/5 (1 صوت)

03-08-2014 04:54 PM
> و { تينا } اثنياتكم تعجبني تعليقاتكم لايكات عليكم ..
وبالنسبة للموضوع انا ارى بكل ما حصل فيه ارجعه للقسمة والنصيب
وربنا يسهل عليهم ويعوضهم خيراً ~~


#935664 [تينا]
5.00/5 (5 صوت)

03-08-2014 02:11 PM
كلامك صحيح ((( ساب البلد ))) اخوى ... لكن قصة مشاكل الأكل دى دائما بتحصل فى الأعراس قدر ما الناس يأكلوا لازم تلقى واحدين يقولوا ليك ما أكلنا ... وصدق مرات كتيرة جدا بجوا ناس كتيرين بكونوا متابعين الأعراس بس والغريبة يجوك قاشرين ااااخر قشرة ويقعدوا ليك بكل ثقة مع انو المفروض الحرامى فى راسو ريشة ههههههههه وأهل العروس بفتكروهم من أهل العريس ويقوموا يتكبكبوا فيهم ويكرموهم وبسببهم الأكل بقصر ويكون فى كثير من المعازيم ما اتعشوا ... لكن أكتر شيىء مضحك كان فى زواجى ... أهل زوجى قدروا لينا معازيمهم وقدرنا معازيمنا نحن والطباخ عمل التوتال للصحون أصرت أمى الله يديها العافية اصرار شديد انو يزيدوا الصحون قالت الظروف ما معروفة ... المهم الناس ماقصرت ان شاء الله ينفعهم بس المضحك بعد العرس انتهى ناس كتار قالوا لينا ما اتعشينا واللذيذة شكلهم زعلانين ونحن زعلنا جدا لعدم عشاءهم وأمى قالت أنا زدت الصحون عشان خايفة من جنس دا واستغربنا لأنو العشاء كان زايد من عدد الناس ... لكن لما ظهر شريط الفيديو صدق الناس القالوا لينا ما اتعشينا كلهم ظاهرين فى الفيديو ((( يكوضموا كوضام شديد ))) ههههههههه والتقول بتاع الفيديو كان عارفهم حاينكروا ركز عليهم تركيز شديد غايتو ضحكنا جنس ضحك لما شفنا الشريط ... عشان كدا المعازيم هم سبب خراب البيت دائما بيسببهم فى أكلنا وما أكلنا بتحصل المشاكل ... يا ناس انوا جايين تشاركوا الناس الفرحة ولا تكوضموا وكمان تسبوا مشاكل ؟؟؟ ... تحياتى ...


ردود على تينا
European Union [Wadalfa7al] 03-08-2014 07:48 PM
تشكرات يا تينا علي التعليق الجميل..امكن كانوا المعازيم مبسوطين عشان حضروا زواجك وشكله الأكل كان لذيذ خلاهم يكوضموا ..بالهناء والشفاء ليهم وليك برضو يا رائعة ..

European Union [ساب البلد] 03-08-2014 05:37 PM
********* اختناالعزيزة "تينا" حياك الله و ابقاك ***** ضحكتيني بالجماعة "البكوضموا" و ينكروا عفيت من المصور فضحهم فضيحة السواد يا يمة ***** و الله انا شايف الوضع بقي صعب شديد الفترة الاخيرة لو الناس اختصرت "حق" العشاء و الصالة يمكن العرسان يستفدوا منه انشاءالله في شهر العسل ***** بدل الجوطة و المشاكل ***** فعلا قصة الناس البيجوا العرس ما معزومين زمان كان بسموهم "الضهب" اتخيلي زمان زمن الدنيا بخير كان موجودين هسي معظم الناس ما لاقين ياكلوا وجبتين في اليوم اكيد فرصة زي دي ما بفوتوها السنين الاخيرة يمكن يكون عددهم اكبر من ناس العروس و العريس ***** لو العرس بقي زي حق الخواجات الاسرة بس يكون افضل ****** جعل الله ايامك سعادة و هنا *****


#935650 [m]
5.00/5 (1 صوت)

03-08-2014 01:55 PM
ان معظم حالات الطلاق سببها ام الزوجة والحالة المذكورة اعلاه ليست اول حاله ثم ان ابو العريس صفعها نتيجة متراكمات والعشاء هو القشة التى قصمت ظهر البعير والحقيقة ان وراء كل طلاق بااهانة ام الزوجة ثم انه دائما تحاول ام الزوجة لوى يد اهل الزوج والنتيجة طلاق باهانة كرد فعل


ردود على m
United States [ابوالتيمان] 03-08-2014 08:20 PM
السلام عليكم بالله ياالجافي ما تفي بجهاله في الدين وتكون زول جاهل وتكسب وزر بجهالتك للامور الشرعيه

United States [الجافي] 03-08-2014 03:37 PM
حسب قانون الاحوال الشخصية السوداني طلاق الزوجه غير المدخول بها يعتبر طلاق بائن بينونه كبري . يعني لا تحل له حتي تنكح زوحا غيره . ما كان يتسرع و يطلقها.


#935638 [عصمتووف]
5.00/5 (1 صوت)

03-08-2014 01:47 PM
دي البداية لو تم الزواج ومنحناهم(الاسرتان) فرصة لمدة 90 يوما بدل الصفع والشتم هل كانوا يستعملون الاسلحة النارية اعتقد والله اعلم الاسرتان لا ترضيان بهذه الزيجة الفاشلة اصلا في كره واحتقار ودونية لاحد الاسر يعني اسره فوق واخري تحت والنهاية الحتمية الحماقة


#935621 [جنوبي]
3.75/5 (3 صوت)

03-08-2014 01:31 PM
هو ذاااتو المعازيم ديل الطفاسه الليهم شنو !؟ هم جايين يباركوا ولا جايين ياكلواشان يقعدوا ينقنقوا في الاكل ؟ اكلت اكلت ما اكلت بارك وامش اكل في بيتك !


ردود على جنوبي
European Union [Wadalfa7al] 03-08-2014 08:58 PM
دا كلام صااااااح..أحييك في بعدي يا جنوبي يا أصلي


#935599 [سعيد]
4.25/5 (3 صوت)

03-08-2014 01:11 PM
للاسف والد العريس جبان اذا الاكل قصر كان هو فعلا رجل يتمه من جيبه . جبان وسخ يعتدي علي امأة بالضرب , لكن خير للعروسة قبل ما تقع الفاس في الراس , نسابة فشنك , اذا اردت ان تتزوج لا تنظر للبنت بل انظر للاسرة


#935527 [barca 4 eva]
5.00/5 (1 صوت)

03-08-2014 11:58 AM
هو اللي طلق منو ؟ ابو العريس ؟ ولا العريس ؟ حتى الاعراس بقت هلال مريخ !!!صالات فانتازيا !!وبذخ فظيع !! وكلها ساعتين بس !!!والمصيبة كل الاستراتيجة عند ام العروس !!والمادة هى الحكم !!وياحليل عرس الكوره !!


#935520 [أب قرن]
5.00/5 (2 صوت)

03-08-2014 11:50 AM
يقال أن أحد الطفليين متعود يدخل قاعات الأفراح ويجلس بين المعازيم حتى يظنه أهل العريس أنه من أهل العروس ويظنه أهل العروس أنه من اهل العريس والحكاية مشت معاه سمن على عسل وفي إحدى المناسبات سأله أصحاب الدعوة هل أنت معزوم معنا فقال له مرتبكا نعم انا من أهل من العريس ثم سأله آخر هل أنت معزوم معنا فقال له نعم انا أهل العروس في هذه الأثناء قام الناس لتناول العشاء وقالوا له تفضل يا أخونا على العشاء وبعد العشاء أخذه كبيرهم على جنب وقال له شرفتنا يا اخونا لكن هذه ليست بدعوة زواج وإنما تجمع للعائلة نقيمه بين فترة واخرى والله يستر عليك !!!


#935514 [ابوريدة]
5.00/5 (1 صوت)

03-08-2014 11:45 AM
أما راجل خيوبة بشكل


#935478 [سناري]
5.00/5 (1 صوت)

03-08-2014 11:08 AM
احيك ياساب البلد علي كلامك الموضوعي دا واثني رايك (ومنعول ابو البلد البسيبوها الزيك يارائع)


ردود على سناري
[ساب البلد] 03-08-2014 05:26 PM
******* اخوي "سناري" حبابك عشرة ***** شكرا علي مرورك الكريم ***** بلدنا مسكينة ما ليها ذنب ****** الله يلعن الكان السبب في خراب و دمار السودان و اذلال الشعب العظيم ****** لكن لابد لليل الظلم ان ينتهي و لابد لشمس العدل ان تشرق و ان طال ليل الطغاة ***** سعدت بمرورك يا رائع ***


#935475 [nezo]
5.00/5 (1 صوت)

03-08-2014 11:04 AM
والله جد حركه جبانة بس ابو العريس ماكان امد يدو لى مرةومفروض ادخل زول من ناس العروس قبل ماكان الامور تصل لمرحلة نقاش وضرب


#935469 [عبود]
5.00/5 (2 صوت)

03-08-2014 11:00 AM
اول مرة اسمع بوالد عريس يحشر نفسه في موضوع عادة يتم النقاش و البت فيه بواسطة النساء في السودان.
لماذا لم يتحدث مع والد ,عم او خال العروس أذا كان لابد من الحديث اساسا في هذا الموضوع النسائي الخالص . ياعالم استحو!!!


ردود على عبود
United States [الراجل] 03-08-2014 12:11 PM
كلامك صاح 100 فى ال 100 لكن الموضوع بيكون فية خلفية ومشاكل قبل قيام الزفاف بين الاسرتين ولم يحسم يعنى هذا التصرف ليس وليد اللحظة لان السبب غير كاف ومقنع حتى يصفع عمك الحاج الحجة ويفرتقو الزواج طيب الاولاد ديل ذنبهم شنو وشى عادى فى اغلب مناسبات الافراح الناس بتشكو من تقصير ما وده بيكون سؤ فى تنظيم الحفل لكن لا يصل لهذة المرحلة الحزينة والبأسة بعدين يا عالم ده زواج ونسب واسرة ومستقبل واولاد مش صحنى فية باسطة وانت صحنك مافية طعمية ياخوانا والله حقو نبسط مواضيع الزواج يعنى يكون فى عقد يعدين صحن مرطبات خفيف وتجيبو واحدة اوواحد ومعاهم واحد باورغ فى البيت يهرجو ليكم شوية والناس تقعد تبرطع ومع السلامة مع السلامة ياحمامة


#935438 [بريش منصور]
5.00/5 (1 صوت)

03-08-2014 10:34 AM
يا جماعة أبو العروس وينو ؟؟؟ بس ما أصول رجل يضرب إمرأة !!! ومن ؟؟؟ نسيبة ولده !!أم العروس!! عيب عليك يا.......


#935409 [ود امدر]
3.00/5 (2 صوت)

03-08-2014 10:16 AM
ربنا يهدي الجميع إن شاء الله *** وياريت الناس ترجع لعرس زمان ويكون العرس بسيط وما فيهو تكاليف كثيرة وزي ماقال رسولنا الكريم عايه افضل الصلاة والتسليم اقلهن مهراً اكثرهن بركة *** وكل شي قسم ونصيب بس حاجة زي دي غريبة وياريت ما تنتشر بين السودانيين *** وربنا يعوض العريس والعروس .


#935332 [wa ibrahim]
4.00/5 (3 صوت)

03-08-2014 08:46 AM
انتو يا ناس العروسة جابين العشاء شوية ليه و كمان توزعو العشاء لناسكم ليه.. عيب عليكم العريس دا ما جاب حاجات كاملة عاملين مفتحين ... اها العروس رجعهوها لكم .. و اﻻيام دي عرس مافي.. كان تسترو حالكم وتكونو كريمين حتي لو عريس تعبان ما جاب شي ... ناس عروس ديل نازحين لمدرمان ما امدرمانين ﻻنو ناس امدرمان عيونهم مليانة وناس كرم


ردود على wa ibrahim
[غايتو] 03-08-2014 11:51 AM
غريبة والله ..... رجال العيون المليانة بتدق الحريم . غايتو !!!!!!


#935321 [الفحل]
5.00/5 (1 صوت)

03-08-2014 08:14 AM
ردود علي ساب البلد
دا و الله ارقي تعليق قراءته اليوم في الراكوبة و لو الناس اتبعوه لكان افضل
احييك للمرة الثانية" يمكن الاستخارة نجحت"


ردود على الفحل
United States [ساب البلد] 03-08-2014 05:21 PM
******** الاخ "الفحل" حبابك عشرة ود الرجال ******* الكثير من الناس يتجاهل "الاستخارة" في مواضيع مصيرية مثل الزواج و العمل و الهجرة الخ **** ما خاب من استشار و ما ندم من استخار *** نسال الله ان يهدي النفوس **** يجب علينا ان نتحلي بالصبر في مثل هذه المواقف ****** اشكرك جزيل الشكر نسال الله ان يجعل ايامنا سعادة **********


#935258 [بت ملوك النيل]
5.00/5 (1 صوت)

03-08-2014 03:00 AM
معاهم الف حق ناس الانقاذ يحكموكم


#935253 [sudani]
5.00/5 (1 صوت)

03-08-2014 02:47 AM
والد العريس يفترض يكون اكبر من كده اما انو يمد يدو علي مراة هنا فقد رجولتو


#935250 [sky painter]
3.00/5 (2 صوت)

03-08-2014 02:36 AM
العشاء ما كان متناسب مع القروش الدفعها العريس,,,هههههههههههه,في داعي لمثل هذه الفضائح ؟,كلما اختصرت مراسم و طقوس الزواج كان انفع و افيد و اقرب للتقوى


#935227 [ساب البلد]
4.88/5 (7 صوت)

03-08-2014 01:38 AM
******** لا حول و لا قوة الا بالله العلي العظيم ****** هسي العريس و العروس ذنبهم شنو ؟؟؟ ***** انا شايف انو اهل العريس و اهل العروس اي ناس يعملوا "عزومة" منفصلة تماما ***** تكون مختصرة جدا الاسرة و الجيران علي كده الموضوع ينتهي ******* اما حكاية النادي عشيتوا ناسكم ابيتوا تعشوا ناسنا و هاك يا كلام و مشادات و مشاكل حتي لو ما انتهت بطلاق في اللحظة زي الخبر دا **** بتسبب طلاق في المستقبل بسبب التراكمات بين الاسرتين ***** ما عايز اظلم ام العروس لكن غلطانة اكيد يكون رفعت صوتهاعلي الراجل "ابوالعريس" ****** حتي لو هو غلطان كان هي مفترض تحترمه من باب النسب ***** علي العموم الحصل لخير ***** يمكن العرسان ما استخاروا **** يمكن الاستخارة نجحت **** في النهاية قسمة و نصيب **************************************************


ردود على ساب البلد
United States [ساب البلد] 03-08-2014 05:17 PM
********* الاخ "الفحل" شكرا علي مرورك الكريم ****** نسأل الله ان يصلح الحال ***********

******** الاخ "محمود الجديد" شكرا جزيلا علي مرورك ******* نسال الله ان يصلح الحال و نسيب الغربة ******** و نرجع لحضن الوطن **********

United States [MAHMOUDJADEED] 03-08-2014 12:04 PM
تعليقك جميل . لكن انت تسيب البلد والعريس يسيب العروس , الأمور تمشي كيف ؟ . رغم أنني سبت البلد برضو قبل 30 سنة لكن لأسباب ربما تختلف عن أسبابك والنتيجة واحدة .

[الفحل] 03-08-2014 08:26 AM
تعليقك رايع جدا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة