الأخبار
أخبار السودان المحلية
تفاصيل جديدة حول فساد السفارة وبيع بيت السودان بجنيف.
تفاصيل جديدة حول فساد السفارة وبيع بيت السودان بجنيف.
تفاصيل جديدة حول فساد السفارة وبيع بيت السودان بجنيف.


03-08-2014 02:48 AM
الراكوبة استطاعت الراكوبة أن تنفذ الى معقل كبير من معاقل الفساد وتنفرد بنشر تفاصيل وصورة لجواز سفير دولة الفساد واسمه حمزة عمر حسن أحمد ،، تاريخ ميلاده 16 اغسطس1962 ،،محل الميلاد اربجي ،، رقم الجواز D002961

وكما كشف الاستاذ طه يوسف تفاصيل بيع بيت السودان (مقر المندوب الدائم لبعثة السودان) وبثمن بخس لاراضي السودان والتي يتعامل معها الانقاذيون كأنها ملك حر بالنسبة لهم وترك ابواب مقاضاة حكومة السودان مشرعا كما جاء في التقرير الضافي الذي أعده الصحفي طه يوسف المقيم في جنيف.

ونعود بالذاكرة الى شهر سبتمبر العام الماضي حيث شوهد السيد أحمد ادريس مسجل عام الاراضي في الخرطوم في جنيف, ويبدو أن تواجده في تلك الفترة له دلالات على أن الصفقة التي تمت كانت بمباركته باعتبار أن كل ممتلكات السودان من عقارات وسفن تعتبر تابعة جزء من أراضي جمهورية السودان, يذكر أن السيد احمد ادريس كان مقررا للمجلس الاستشاري لحقوق الانسان خلفا للاستاذ عبدالمنعم عثمان محمد طه (شقيق علي عثمان) والذي عين كمستشار قانوني لبنك السودان.

حاجز السريه والكتمان المضروبان حول وثائق وممتلكات الفاسدين والمفسدين ماعادت ذلك السر الدفين بل هي متاحة بفضل العناصر الوطنيه السودانيه وان حواء الوطنيه لازالت ولود.


تعليقات 39 | إهداء 0 | زيارات 32727

التعليقات
#937050 [مبارك]
0.00/5 (0 صوت)

03-10-2014 12:42 AM
يا جماعة كاتب المقال الاصلي الذي حاول النيل من سمعة أناس شرفاء من بعثة السودان في جنيف هو مندوب جهاز الامن في السفارة واسمه عبد الرحمن كرمكول.
وطه يوسف يدعي المعارضة ويعمل معه والا فمن اين لشخص لا يعمل في السفارة ان يعرف كل هذه التفاصيل مثل تواريخ الاجتماعات وتسلسل الاحداث التي خلطها ببعض الاكاذيب ليشفي ولي نعمته مندوب الجهاز شي من غليله وحقده الدفين على السفير الذي يعرف سيرته كل اعضاء الجالية في جنيف.
والشئ الاخير هو ان وزارة الخارجية قد نفت اليوم من خلال ناطقها الرسمي ان تكون هناك اي قضية مرفوعة ضد بعثة السودان في جنيف او ان تكون حصانة البعثة قد رفعت لان الحصانة لاترفع بهذه الطريقة حسب الاعراف الدلوماسية وانما تسبقها مكاتبات وتوافق بين الدولتين للجوء للقضاء . كذلك ذكر بيان الخارجية ان السودان لم يخسر فرنكا واحدا وكل ما في الامر انها محاولة لبيع دار السفير الحالية البعيدة من البعثة والصغيرة الحجم باخرى في وسط البلد على بعد ثلاثة كيلومترات من مباني الامم المتحدة وبعثة السودان لتوفير الوقت بدلا عن البيت الحالي الذي يقع خلف بحيرة جنيف،


#936944 [ابوعفاف]
0.00/5 (0 صوت)

03-09-2014 10:00 PM
الخارجية اليوم
علي ما اعتقد من السفير الي العامل يتم تعينهم عن طريق الوراثة من كان ساعيا او جرسونا بات موظفا اما كوتات الشحن الدبلوماسي حدث ولا حرج عملنا بها قبل 89 والحمدالله غادرناه اذكر سفراء من طبقة النبلاء كما كنا نسميهم المرحوم عزت الديب والزعيم الطيب حميده وعمر شونا ويوسف مختار وعبدالله علي جابر وعبدالهادي الصديق والنور علي سلمان وجاويش وسحلول وسيد شريف وعبيد وووو وشارلس ميانق والير دينق والرشيد نور الدين وماريو اطون قبطي كان وغيرهم غالبيتهم كانو ا يلاحظون ويدققون في ملابسنا الرسمية بدلة كاملة بحذاء وليس ب شبشب كما يحدث الان السفير والدبلوماسي يمتلك اقصي شئ بدلتان وكوم شبشب غير الروائح الطيبة وليس العرق والصنح تهذيب الشارب وعدم اطلاق اللحية والاظافر نحن الاداريون كنا وبيتنا الاول كان السفاره لم نرتشي او نسمح لزوجاتنا واولادنا بركوب عربات البعثة كان طبقة السلك يتم تعينهم من ارقي الجامعات العالمية اذكر دفعة عبدالهادي الصديق جلها من الخرطوم الجامعة كان اغلي شئ عندنا السمعة والسيره العطره نقدمها اولا نعم يوجد سفراء بموال البعثة شيدوا سفارات ومنازل هل تصدقوا بان السلطان علي دينار اهدي منزله بواشنطون لحكومة السودان وحاليا هو السفاره


#936263 [ahmed]
5.00/5 (1 صوت)

03-09-2014 09:48 AM
الى ابوالحسن الشايقى: كيف تصف شعب لة تاريخ بالهبالة لاتنسى انك من صلب ذلك الشعب


ردود على ahmed
European Union [ابوالحسن الشايقي] 03-09-2014 02:30 PM
ماقصدته يا اخ احمد انه بالرغم من كل هذا النهب الذي تتعرض له بلادنا من الانقاذ وكل رموزها وحوارييها مما انعكس علي شعبنا فقرا ومرضا ومع ذلك يصمت شعبنا علي هذه الحياه التي يفتقر فيها للغذاء والكساء والدواء بالله افدني انت اذا سلبت انا مالك وانت تراني استمتع بمالك هذا وتخافني ولاتثور من اجلك ان تسترد حقك الاتكون فعلا انت اهبلا مع تحياتي ونسال الله الخلاص لشعبنا العظيم.


#935953 [حسون]
5.00/5 (1 صوت)

03-08-2014 09:12 PM
طيب يا جماعة هسي البيحصل شنو الصفقة تمت وانتهت فاضل بس بيع الشعب السوداني ويتخلصوا من السودان ونرتاح من المشاكل والبلع دا


#935909 [ابوالحسن الشايقي]
5.00/5 (3 صوت)

03-08-2014 07:46 PM
شعب اهبل الساكت ليها شنو ماعارف والله انا خائف في تخطيطهم يبيعوا بيوت كل الناس في السودان ده لو ماباعوا الناس ذاتهم للعرب البجوا يستثمروا في السودان والله ياناس لو مالحقتوا نفسكم بعدين بدون ماتشعروا تلقوا نفسكم بقيتوا عبيد مدفوع ثمنكم لي ناس الانقاذ وبعدين الاشتروكم حايربطوكم بالسلاسل ويشحنوكم ذي البقر وقدامكم مافي خيار لانه ناس البشير بعد مايبيعوا كل شي طفشان وعيك علي ماليزيا وبعدين انتوا ياحليلكم اتحركوا قبل الفاس ماتقع في النافوخ.


ردود على ابوالحسن الشايقي
European Union [ابوالحسن الشايقي] 03-09-2014 05:57 PM
ياابومحمد منو القال ليك انا عاوزك تقرا تعليقي اعتبرو كلام فارغ وتعليقك كلام فارغ لكني ارد عليك لاعلمك كيف تتجاهل ما لايعجبك من تعليقات اذا كنت تري انها لاتستحق.

United States [ابو محمد] 03-09-2014 12:01 PM
وانت يا اهبل منظر شنو ولى مابتقدر وبتقدر على الفصاحة ساكت وتصف شعب كامل بالهبالة والله الهباله انو الناس تضيع وقت فى قراية تعليقك


#935883 [ساب البلد]
5.00/5 (12 صوت)

03-08-2014 07:08 PM
*********** بيع بيت السودان ب "جنيف" ******* بيع بيت السودان ب "لندن" ***** بيع بيت السودان ب "القاهرة" ******* بيع بيت السودان ب "جدة" ****** الحمد الله الكعبة "بيت الله" ما تابع للكيزان والا كان باعوه ***** اعوذ بالله من نفس لا تشبع *******


ردود على ساب البلد
United States [ساب البلد] 03-09-2014 09:06 PM
******* حسبي الله و نعم الوكيل يا "ابو خنساء" اخوي و الله دي جديدة ما سمعنا بيها ربنا ينتقم منهم ****** الحمدلله ما دام ذاكرة الشرفاء امثالك تحفظ جرائم بني كوز عليهم اللعنة ****

United States [ابو خنساء] 03-08-2014 09:58 PM
بيع مبنى سفارة السودان بنيجريا


#935881 [ود الدكيم]
5.00/5 (1 صوت)

03-08-2014 07:05 PM
يا سيد Ahmed M. Malik مع احترامنا الشديد لشخصك الكريم.
1.إنت ماسك في نشر الصورة والصورة لم تنشر لوحدهابل صاحبتها معلومات أخرى مفيدة.

2.أفرض نشروا ليك صورة الشيك وشهادة البحث بإسم المالك الجديد حتعمل شنو يا مولانا القاضي؟؟

3.إنك ترجو من ناشري الخبر أن يقدموا المفيد فما هو المفيد في نظرك؟؟ اليس المعلومة في حد ذاتها غير مفيدة؟؟ أفرض هناك لص سطا على منزلك ألا تريد أن تعرف من هو؟؟

4. يكفي أن يعرف السودانيون اسمه وبلدته وأهله عشان العار والفضيحة تكون مبارياهو هو وأهله وأولاده وزوجته عشان ما يجينا بكرة راجع يتبختر ويفرد لينا صدره في شوارع الخرطوم حتى لو لم يقدم إلى محاكمة؟؟

5.ياخي قول كلام معقول عشان ناس الراكوبة ما يشبكوك كآآآآآآآآآآك.......كآآآآآآآآآآآآآآآك أنا قلبي عليك يا سيد مالك.


ردود على ود الدكيم
United States [ياسر مكتوم] 03-08-2014 10:24 PM
يا ود الدكيم الراجل جوازه انتهى والبيت حقو وماشي خلاص عاوز يبيع نقول ليهو لا... بعدين طه دة حاسده وكان بحلم بي وظيفتو دي والشرفة واربجي يجمعهما ان ناس الجزيرة ما بعرفو يقسموا والا كان زمان طالبوا بالانفصال... موضوع فساد السودان فساد مواقع... ثم رابعا نحن الاشياء الاتباعت جوة السودان والجزيرة بتاعتهم ذاتها اتباعت ما سمعنا منهم بغم لي شنو... بعدين يا طه يا اخ فكنا من البيت بتاعكم دة وامشي حلها وديا مع الراجل وما تقول لي سويسرا ولا حجر الفار


#935850 [عصمتووف]
5.00/5 (2 صوت)

03-08-2014 06:08 PM
المهم ما وراء الخبر من هم خلف هذا التمساح لولا مسنودا لما كان فعل

هماااااااااااااالة وظيفة السفير بالله ده سفير اول مره اشوف لي سفير بالشكل ده وكمان حرامي ي حرااااااااااااااااااااااااااااااااااامي انا عاوز حقي


#935848 [شروم كداد الدوم]
5.00/5 (4 صوت)

03-08-2014 06:02 PM
الناس ديل ضمائرهم ماتت من اكل الحرام وجلدهم بفى تخين
سواء عليهم فضحتهم ام لم تفضحهم فهم سيلهفون وماهماهم
السودان والاخرة نسوها تب !!


#935845 [abusafarouq]
5.00/5 (2 صوت)

03-08-2014 05:58 PM
هؤلاء الانجاس باعو وفصلو ثلث الوطن ما يبيعو مقر فى جنيف ومن قبل بيت السودان فى لندن وخط طيران السودان لمطار هيثرو ومحاولة بيع ممتلكات منازل أثرية لمواطنى السودان بالمملكة العربية السعودية مكة والمدينة من ضمنها مقر القنصلية السودانية فى جدة كانت ملك للسلطان على دينار .الكيزان هم دابة الارض فى أرض السودان لن يتركو يابسا أو لينا إلا أكلوه وأدخروه لنفسهم الخبيث..


#935823 [المتغرب الأبـدي]
5.00/5 (1 صوت)

03-08-2014 05:16 PM
أعترف بأنني ما فهمت شيء ..
ما علاقة جواز السفر وصاحب الجواز ببيت السودان في جنيف ؟
معليش حبة حبة علينا عشان عندنا الزهايمر وكدا ..


ردود على المتغرب الأبـدي
European Union [ساب البلد] 03-08-2014 07:00 PM
******* يا "المغترب الابدي" حبابك الف **** دي قصة من منظومة الفساد الكيزاني **** هاك الروابط دي عشان تديك خلفية للموضوع **** وافر الاحترام **********


http://www.alrakoba.net/news-action-show-id-138974.htm


http://www.alrakoba.net/news-action-show-id-139501.htm


#935809 [AburishA]
5.00/5 (6 صوت)

03-08-2014 04:55 PM
نعم ... لقد
*** باعوا الميادين العامة.. والمنتزهات..
*** باعوا الفنادق.. والوزارات... والمستشفيات...
*** باعوا المؤسسات الحكومية والاهلية... والجامعات
*** باعوا المشاريع الزراعية..والالات..
*** باعوا املاك الشعب السوداني من أوقاف.. سفارات ..
*** لقد باعوا السودان ارضا.. جوا.. وبحرا... فماذا بعد ذلك...

وأخيرا... لقد باعوا كرامتنا..باعوا عزتنا.. باعوأ انسانيتا..باعوا سمعتنا...
باعوا نخوتنا.. وكرمنا.. وشجاعنا...
لقد باعوا رجولتنا..
فاصبح اطفالنا يتامي..نساؤنا أرامل وسبايا.. امهاتنا ثكالى..

** فاصبحنا عزيز قوم ذُل..

الى متى نخضع للخنوع..والاستكانة والاستسلام... علينا جميعا..

اعطاء الامر أولوية في التفكير...


#935804 [المتعافي]
4.50/5 (4 صوت)

03-08-2014 04:53 PM
مكان الميلاد عربجي كيف يعني؟ يكونو ملخبطين مع المهنة؟


#935652 [عادل دقنة ودمدنى]
3.00/5 (5 صوت)

03-08-2014 02:00 PM
سوف أحكى لكم هذه القصة التى حدثت قبل سنوات طويلة وقولوا عنصرى أو علمانى أو ما تريدون أن تصفونى به ... القادمون من شمال السودان هم أكثرهم إستغلالا للدين الإسلامى السمح ... ومستجدى نعمة ... كان يوجد فى وسط السوق الكبير بمدنى محطة وقود وبها موقف سيارات ( سنتر ) وذلك الموقع سال له لعاب ناس الشماليه وبطريقه ملتويه طلبوا من محافظ الجزيره الترخيص لهم ببناء مسجد وطبعاً إذا رفض المحافظ الطلب حا يقولوا عيه ( كافر !!! ) تمت الموافقة وتم بناء المسجد ( مسجد واحد قالوا عليه ( صائم ديمــه ) لم يتم بناء المسجد ( بيت الله ) فقط كما كان يحدث فى الماضى ... بل كان الهدف ( تجاريا ) المتاجرة بإسم الدين وفى بيت من بيوت ( الله سبحانه وتعالى ) تخيلوا تم بناء أكثر من ستون محلاً تجاريا حول الجامع الذى توارى تماما ولم يعد هناك مسجد ( فقط مدخل المسجد ) حيث كان الهدف تجاريا بحتا ... شفتو الشطارة كيف!!! وبإسم الدين يتاجرون ...


ردود على عادل دقنة ودمدنى
United States [zangazanga] 03-09-2014 08:14 PM
أنسونا من قصة الشيوخ دى ما كل واحد يبنى مسجد فى مكان عام ويسمى المسجد بإسمه ويتربع داخله ويمارس أشياء ليس من الدين فى شىء .التقى تقى النفس بين العبد وربه بأفعال وأقوال محددة لازيادة فيه لانقصان . المساجد لله هناك هيئة مسؤلة عن بناء المساجد وتمليك أهل الحى ليس بإسم شيخ يعمل شيخ على الناس رغم أنفهم طقوس وأشعار وعبادة ما أنزل الله بها من سلطان هذه ليس بعبادة بل دجل وشعوذة بإسم الدين .

United States [صالة المغادرة] 03-09-2014 01:54 PM
يا عادل ابو دقن انت وهابى حاقد شيخ دفع الله الصائم ديمة يعمل عمل الخير فى اى مكان وزمان والان مسيدو يعج بطلاب القران والعلم انتو قاعدين تكبروا كروشكم وتلمو ا قروشكم يوم واحد ما شفنا انصارى سنة كفل يتيم الله يعزبكم انتو والجبهجية يا تجار الدين يا اوغاد يا سفلة يا البوظتو سمعة دين السماحة وكريم الاخلاق.

United States [ودالباشا] 03-08-2014 11:08 PM
الحمد لله اولاد مدنى ردوا ليك وشرحوا بالتفصيل
افكاركم المريضة اخطر من الكيزان نفسهم

United States [yasser] 03-08-2014 09:00 PM
عليكم الله هل بناء المساجد اوقف اختصاب الاطفال هل اوقف الفساد هل اوقف سوء الاخلاق البلد ما متجاجة مساجد محتاجة مدارس ودور صحة وامن اماا المساجد فارض الله كلها مساجد وعدمها لله وكان اصلا ولو هدمت لن تمنع الناس من الصلاة لان الاسلام هو ديننا ولن نتوقف من االصلاة لعدم وجود المساجد

European Union [اسماعيل عبدالرحمن] 03-08-2014 06:34 PM
الاخ عادل دقنة اولا بالنسبة لمسجد الشيخ الصائم اتبنى قبل مجئ الكيزان ومنطقة المسجد كانت عبارة عن موقف المواصلات العامة السابق وانتقل الى الموقع الحالى وتم التصديق للمسجد والدكانين اللى حول المسجد اوقاف للمسجد علما بان المسجد هو الوحيد فى هذه المنطقة ولولا هذه الدكاكين لتم اغلاق المسجدلانه كهربة المسجد والموية وعمال النضافة والامام والمؤذن وشفط السايفون كله من الائجار لانه حكومة السجم حتى المساجد بقت تدفع الموية والكهربا بعداد الجمرة الخبيثة .ولعلمك اكبر مستشفى عيون فى مدنى شيدت فى زاوية الشيخ الصائم وبدعمه منهم فيااخى نحن اولاد مدنى ماجابتنا هبوب عارفين كل شئ فماتخلط الامور0000000000000000000

European Union [أسامة] 03-08-2014 05:59 PM
انت جاهل شكلك . لالالالالالالالالالالالا أنت غلطااااااااااان يا سالم السالم

[سالم السالم] 03-08-2014 05:35 PM
انت جاهل شكلك
مسجد الشيخ الصايم وسط السوق وطبيعي يكون حوله متاجر ، والشيخ دقع الله صايم ديمة بنى عشرات بل مئات المساجد في جميع مدن وقرى السودان بمساعدة اهل الخير ثم ثانيا ، ناس الشمالية منو المشو للمحافظ؟؟ والمحلات الحول الجامع حقت ناس الشمالية؟؟ امش شوف اشكالم دي اشكال ناس الشمالية كلهم بتاعين مراكيب اصلة ،

United States [Ana Sudani] 03-08-2014 04:47 PM
المسالة مش مسالة عنصري وعلماني كما تعتقد يا جاهل
المسالة أكبر من ذلك .. أنها الفتنة بعينها وامشي اقرا عنها ... وكل شاه مأخوذة من عرقوبها ... عشان ماتجي ناطي وتقول لي الكيزان هم أس الفتنة.. وما يلفظ من قول إلا لديه رقيب عتيد... وشوف بي كلامك دا ممكن تكون أثرت احتقان في كم نفس واسال الله ان يريك مكره الذي سعيت ان تفتن به أهلنا في روحك أولا وفي من تحب ... أمين يا رب العالمين


#935631 [Amin]
5.00/5 (2 صوت)

03-08-2014 01:43 PM
البشير هو المسؤول الأول.. وهو الذي أعطى الغطاء لكل المجرمين واللصوص والقتلة وسماسرة الوطن والدين.


هؤلاء هم يرقات تعيش في الماء الآسن الذي يحرسه البشير


#935616 [د.. محمد عبد الرازق سيد احمد]
0.00/5 (0 صوت)

03-08-2014 01:29 PM
ان شاء الله كل هذه تراكمات ستتم قريبا محاكمتها .. وحسب شعب السودان الصبر ..


#935516 [وداللواء]
0.00/5 (0 صوت)

03-08-2014 11:48 AM
يا اخوان عايزين مستند يؤكد الموضوع يعنى عقد بيع وشئ من هزاء القبيل


#935515 [زول وطني غيور]
5.00/5 (1 صوت)

03-08-2014 11:48 AM
قاتل الله الفساد والمفسدين ، إنتشر الفساد في البر والبحر وهلك البلاد والعباد ، كل إدارة حكومية بها جهابزة كبار من المفسدين والمرتشين وآكلي أموال الناس بالباطل ولكن الجديد في الموضوع أن الفساد الموجود داخل البلاد سافر منه جزء كمان لخارج البلاد وبقت الريحة العفنة مشمومة حتى بسفارات السودان بالخارج يالطبف الطف ....إني أرى بطونا قد إمتدت وتطاولت وأرى عمارات قد تكاثرت وإمتدت وتطاولت وإن الثورة القادمة إنشاء سوف تعيد تلك البطون إلى وضعها الطبيعي ولو بعمليات قيصرية !!! وتعيد لكل ذي حق حقه ....


#935505 [ود الدكيم]
1.00/5 (1 صوت)

03-08-2014 11:39 AM
"كعادت الأخوه في الراكوبه المدح أو الزم دون معرفة خلفيات الأمور"
إنت فاكر ناس الراكوبة ديل شغالين في الإنتربول ولا الأف بي آي ياخي ديل ناس عاديين ومظاليم وهم يقفون على الحقيقة عندما يختلف اللصان أو يعلق واحد مثلك عالم ببواطن الأمور.إنت وين من زمان يا osman


#935500 [صائد التماسيح]
5.00/5 (1 صوت)

03-08-2014 11:28 AM
قارنوا صورة الجواز المعروضة الآن مع صورة الأمس بتاعت التمساح النيلي Nile crocodile (Crocodylus niloticus) بعد الهبر والبلع ولاحظوا اتساع الحلاقيم والعلاعيل واللغود والزنود.لكنه مال سحت يدخل في جوفكم كشرر من نار جهنم يا مقاطيع.


#935488 [ود الدكيم]
5.00/5 (2 صوت)

03-08-2014 11:17 AM
يا محمد عبدالرحمن الشريف يا الكاتب اسمك بالكامل عشان توري قائد الكتيبة بتاعك الإليكترونية إنك نشيط وشغّال عشان يصلح ليك الأتاوات.

بعدين شنو نغمة الفيل وضل الفيل وضنب الفيل وط...الفيل الشابكننا بيها الجداد الإليكتروني اليومين ديل.

ياخي إنت رجل لبق وحصيف وشايف حيوانات الغابة كلها لكن في ناس مساكين ما عندهم في السياسة ومفتكرين الجبهجية ديل الذين أدخلوا الإسلام في السودان .أها زي ديل نحن دايرنهم يعرفوا حقيقة الكيزان شنو.

بعدين كشف مثل هذه السرقات سوف يؤجج نيران الثورة لدى أصحاب الحقوق ولا عاوز الجبهجية يبيعوا بيوتناالقاعدين فيها وتجي تقول مثل هذه المواضيع بتصرف الناس من القضية الأساسية لكن نحن بنفتكر كل سرقة وكل ظلم بالنسبة لنا قضية أساسية.

أين كنت أنت في سبتمبر عندما حُصدت 410 روح شباب ذكية وخذلهم المهرولون نحو فتات الجيِّف أمثال الصادق ومحمد عثمان وعمر البشير يسوقهم سوق النعاج.


#935481 [Abouzid Musa]
3.50/5 (2 صوت)

03-08-2014 11:08 AM
ونحن !!! مازلنا !!! ندين ونشجب !!! والجمل ماشي !!! وزواج
عتريس من كريمة باطل !!!!


#935473 [Ahmed M. Malik]
5.00/5 (2 صوت)

03-08-2014 11:02 AM
والله يا جماعة الخير أنا ما شايف العلاقة بين صورة جواز "السفير" وقضية الفساد التي يدور بشأنها الجدل.
أعتقد أن الشيء المفيد هو إثبات الجريمة "بيع بيت السودان في جنيف بثمن بخس" لمصلحة فردية، ونشر الوثائق التي تعضد هذا الزعم، بدلا من صورة جواز لا تقدم ولا تؤخر. اللهم إلا أن يكون هناك هدف آخر خفي للنشر.

مع قناعتي التامة بأن الكيزان مفسدين ويمكن أن يبيعوا ناقة النبي صالح، لكن أرجو من ناشري الخبر أن يحترموا عقولنا ويقدموا المفيد في مثل هذه المنابر. وأظن أن مثل هذه المعلومات البائسة لا تضر بالكيزان في شيء وانما تساعد في إطالة أمد حكمهم.


ردود على Ahmed M. Malik
United States [ساب البلد] 03-08-2014 07:16 PM
******** يا "احمد مالك" اخوي ما في شي ضيع البلد غير فقه الستره ******* يجب فضح المفسدين في كل مكان ******* يجب التشهير بهم حتي يكونوا عظة لمن يتعظ **************

European Union [عصمتووف] 03-08-2014 01:24 PM
لو كانت الصحافة تنشر الاسم والصورة لما كان هذا الحال ما كانت اموالي واموالك واموال جميعا الناس ضاعت مع الصاعين وانا من اشد الناس مناصره بل كشف علاقاتهم الخصوصية مادام توليت الامر العام فضائح برلسكوني وهولاند الفرنسي ما بعيد وكلنتون تجبرك امام شئيان الاستقالة او تخاف علي سمعة عائلتك انت طيب علي ما يبدوا السوداني كله ولا الفضيحة

European Union [بشار] 03-08-2014 12:59 PM
العبرة يا مالك تكمن في آخر الخبر .. أي ان حواء الوطنية ما زالت ولود .. و هي رسالة لكل مفسد تيمنآ بقول الشاعر : ( و مهما تكن عند امرئ من خليقة و ان خالها تخفي علي الناس تعلم )


#935436 [fitman]
2.50/5 (2 صوت)

03-08-2014 10:31 AM
متاحة بفضل العناصر زي الشري في القندول 45


#935424 [المتجهجه بسبب الانفصال]
4.25/5 (3 صوت)

03-08-2014 10:26 AM
الاجابة في السفر الخالد هذا،،


من أين أتى هؤلاء؟ - الطيب صالح

***
السماء ما تزال صافية فوق أرض السودان أم أنّهم حجبوها بالأكاذيب ؟
هل مطار الخرطوم ما يزال يمتلئ بالنّازحين ؟
يريدون الهرب الى أيّ مكان ، فذلك البلد الواسع لم يعد يتّسع لهم . كأنّي بهم ينتظرون منذ تركتهم في ذلك اليوم عام ثمانية وثمانين .
يُعلَن عن قيام الطائرات ولا تقوم . لا أحد يكلّمهم .
لا أحد يهمّه أمرهم .
هل ما زالوا يتحدّثون عن الرخاء والناس جوعى ؟ وعن الأمن والناس في ذُعر ؟ وعن صلاح الأحوال والبلد خراب ؟
الخرطوم الجميلة مثل طفلة يُنِيمونها عُنوةً ويغلقون عليها الباب ، تنام منذ العاشرة ، تنام باكية في ثيابها البالية ، لا حركة في الطرقات . لا أضواء من نوافذ البيوت . لا فرحٌ في القلوب . لا ضحك في الحناجر . لا ماء ، لا خُبز ، لاسُكّر ، لا بنزين ، لا دواء . الأمن مستتب كما يهدأ الموتى .
نهر النيل الصبور يسير سيره الحكيم ، ويعزف لحنه القديم " السادة " الجدد لايسمعون ولا يفهمون .
يظنّون أنّهم وجدوا مفاتيح المستقبل . يعرفون الحلول . موقنون من كل شيئ .
يزحمون شاشات التلفزيون ومكرفونات الإذاعة .
يقولون كلاماً ميِّتاً في بلدٍ حيٍّ في حقيقته ولكنّهم يريدون قتله حتى يستتب الأم
مِن أين جاء هؤلاء النّاس ؟ أما أرضعتهم الأمّهات والعمّات والخالات ؟
أما أصغوا للرياح تهبُّ من الشمال والجنوب ؟
أما رأوا بروق الصعيد تشيل وتحط ؟
أما شافوا القمح ينمو في الحقول وسبائط التمر مثقلة فوق هامات النخيل؟
أما سمعوا مدائح حاج الماحي وود سعد ، وأغاني سرور وخليل فرح وحسن عطية والكابلي و المصطفى ؟
أما قرأوا شعر العباس والمجذوب ؟
أما سمعوا الأصوات القديمة وأحسُّوا الأشواق القديمة ، ألا يحبّون الوطن كما نحبّه ؟
إذاً لماذا يحبّونه وكأنّهم يكرهونه ويعملون على إعماره وكأنّهم مسخّرون لخرابه ؟
أجلس هنا بين قوم أحرار في بلد حرٍّ ، أحسّ البرد في عظامي واليوم ليس بارداً . أنتمي الى أمّة مقهورة ودولة تافهة . أنظر إليهم يكرِّمون رجالهم ونساءهم وهم أحياء ، ولو كان أمثال هؤلاء عندنا لقتلوهم أو سجنوهم أو شرّدوهم في الآفاق .
من الذي يبني لك المستقبل يا هداك الله وأنت تذبح الخيل وتُبقي العربات ، وتُميت الأرض وتُحيي الآفات ؟
هل حرائر النساء من " سودري " و " حمرة الوز " و " حمرة الشيخ " ما زلن يتسولنّ في شوارع الخرطوم ؟
هل ما زال أهل الجنوب ينزحون الى الشمال وأهل الشمال يهربون الى أي بلد يقبلهم ؟
هل أسعار الدولار ما تزال في صعود وأقدار الناس في هبوط ؟ أما زالوا يحلمون أن يُقيموا على جثّة السودان المسكين خلافة إسلامية سودانية يبايعها أهل مصر وبلاد الشام والمغرب واليمن والعراق وبلاد جزيرة العرب ؟
من أين جاء هؤلاء الناس ؟ بل - مَن هؤلاء الناس ؟


ردود على المتجهجه بسبب الانفصال
United States [ياسر مكتوم] 03-08-2014 10:06 PM
الشكر متصل لك ايها المنفصل... لقد دغدغت مشاعرها التي دهستها اشياء كثيرة ومنها طه هذا الذي لم يقبض عمولة ولم يدخل في البيعة... ولو لا الإنقاذ لما عرف سويسرا في اي دولة من دول امريكا الشمالية الوسطى... فخار يكثر بعضه... ولكن عيونهم على مقاعد قادمة بخبرات انقاذية سابقة.... شكرا تالت مرة

United States [Abouzid Musa] 03-08-2014 11:35 AM
ما هؤلاء إلا .. كوابيس حلم طويل !!
يبدده ضؤ النهار بعد قليل !!


#935390 [جركان فاضى]
3.75/5 (3 صوت)

03-08-2014 10:00 AM
نفس حركات ناس ام درمان...يبيع بيته فى المهندسين ويشترى بيت اقل فى الريف الشمالى عشان يستفيد بفارق السعر...وبيت السودان الذى كان فى حى راقى فى سويسرا(كقاردن سيتى بلغة السودان) تحول الى حى شعبى( مثل دنقرو شوفو فى مايو) وذلك للاستفادة من فرق السعر


ردود على جركان فاضى
United States [ساب البلد] 03-08-2014 07:14 PM
******* يا "جركان" اخوي يا ريت لو زي ناس امدرمان زي ما قلت **** علي الاقل ناس امدرمان الواحد يبيع ملكه لظرف مادي **** اما الجماعة ديل الواحد بعين قوية يتصرف في حق الشعب التقول حق ابوه ***** مودتي **********


#935375 [إسماعيل آدم]
3.00/5 (2 صوت)

03-08-2014 09:39 AM
جواز السفر منتهي الصلاحية- أما الفساد و السرقة فهي أكبر من الحصر ! مصيبة كبيرة!


#935373 [تطابقت الاسامي والافعال!!]
4.25/5 (3 صوت)

03-08-2014 09:38 AM
مالخارجيه دي كان بيدحلوها اولاد الناس العينهم ملانه!!عشان ماتبيع بلد ولا عرضك!! اسه ذي ديل لازم اسرائيل تضربنه كل يوم!! لانهم الاولاد حرام!!! والا لما تجرؤا علي بيع وسرقة كل الوطن!!! الله لايكسبك ياترابي لميت شذاذ الافاق والسماسرة والمعاقين اخلاقيا ليدمروا الدين والدولة!!!!ارجوا الراجيكم اسؤاء من اخواتك في مصر!!!!لن ييتم حظركم الا في حظائر للحيوانات الضاره!!


ردود على تطابقت الاسامي والافعال!!
European Union [ابومصطفى] 03-08-2014 04:26 PM
يااخي المشكله مافي اولاد الناس العينهم ملانه المشكله لايوجدمبدا المحاسبه والعقاب--- ومن امن العقوبه ساء الادب


#935355 [محمد عبدالرحمن الشريف]
4.75/5 (5 صوت)

03-08-2014 09:19 AM
ما الجديد في الامر انا لا اعرف لماذا الفيل بائن والطعن في ظله اذ لا يخفي علي كل ذي بصيره ان الفساد يبدأ من البشير نفسه والامر لا يحتاج الي براهين فايقاف كل قضايا الفساد التي بدأ القضاء المتهالك التحقيق فيها رغم صوريتها يؤكد ذلك فانكم لم تروا من الفيل الا اذنيه


ردود على محمد عبدالرحمن الشريف
[ابو السيد] 03-08-2014 01:57 PM
يا جماعة مالكم قاعدين علي الهبشة كدا؟ الزول ما قال كلام كعب أصبروا شوية

European Union [Amin] 03-08-2014 01:38 PM
أتفق معك البشير هو المسؤول الأول.. وهو الذي أعطى الغطاء لكل المجرمين واللصوص والقتلة وسماسرة الوطن والدين
هؤلاء هم يرقات تعيش في الماء الآسن الذي يحرسه البشير

European Union [Hamid Musa] 03-08-2014 12:06 PM
ما الجديد في الامر ايها اللص ما انت الا دجاج الكتروني حقير تعمل لصلح كل من نهب هذا البلد عليك من الله ما تستحق

United States [خليك رايق] 03-08-2014 09:38 AM
يعني لو البشير فاسد - وهذا صحيحاً أتفق معك فيه - هل يترك المفسدين الآخرين..!!! لا بد من كشف فساد أكبر رأس وحتي أصغر عامل في المحليات واللجان الشعبية.
الجديد هو كشف مزيداً من المفسدين حتي لا يفلت أحداً منهم من العقوبة.


#935344 [الحقيقة اولا]
0.00/5 (0 صوت)

03-08-2014 09:03 AM
ما فهمنا حاجة


#935326 [الطيب الامين]
2.00/5 (1 صوت)

03-08-2014 08:32 AM
اذا كان المقصود تطابق الاسم مع الريس فهو كثير والآن معنا زميلنا يحمل الإسم رباعياً
يعني ما كل مرة ما سكين لينا في أشياء تافهة وناشرنها وما منها فائدة!,وإن كان المقصود شيء آخر متعلق بالفساد فهذا معروف ومنتشر نسأل الله أن يزيل عننا الفساد وأهله


ردود على الطيب الامين
European Union [بياع الجداد] 03-08-2014 11:47 AM
ما هي الأشياء التافهة؟؟المقال ليس فيه اشارة لتطابق اسم هذا اللص مع عمر البشير وإنما التعليق جاء من أحد المتداخلين ياصاحب الإسم الثنائي. كآآآآآآآآآآآآآآآآآآآآآآآآآآآآآآآآآآآآآآآآآآآآآآآآآك


#935316 [نبض التعب]
4.00/5 (3 صوت)

03-08-2014 07:52 AM
خمزة (عمر حسن أحمد) .. أخيراً ظهر إبن فاسد بـ(لبتبنّي) لراعي الفساد عمر خسن أحمد البشير .. وبدأت أركان دولة تتداعى وتتآكل وتتساقط .. نريد المزيد من المعلومات عن هذا السفير (إبن عمر حسن أخمد) .. وفعلاً (البطن بطرانة)!.


#935315 [كندمر]
4.88/5 (6 صوت)

03-08-2014 07:51 AM
ياجماعة ..أمكن (على عدمان) سجل البيت للجنوبين فى (نيفاشا)..وأمكن بيع لقسمة الثروة والسلطة..فالقانون من مستحقاتهم..لدرجة (ممارسةالتعذيب) والقتل..وزيتهم فى بيتهم ..و.ولذا حضر (الأخ)..واذا حضر (الأخ) بطل الوضوء...نحن رفاق الشهداء الصايرون نحن..


#935310 [كندمر]
4.91/5 (6 صوت)

03-08-2014 07:40 AM
بأذن الله.. من شيد (الراكوبة).. الظاهر حيشيد (عمارة)..عمارة (الوطن) النظيف الملتئم..أساسه(العقاب) أولا ثم (المحاسبة)..و(الإصلاح)..وشكرا(لنشر) بيانات..كل من أصطف فى ملفات (الفساد) و(التجسس) و(القمع) و(الجباية)..وبمناسبة (محطم) البلاد والقانون( بؤرةالفساد )على عثمان..صار لمنزلهم نصيب (الأسد)فى ( تدميرالقانون) فبجانب (أخيه) لديه (أخت) مستشارة قانونية لوزارةالتعليم العالى..تصدت فى أحدى قضايا التعليم..(للمغتربين) ودفعت بأنهم ليسوا (أولياء) على أبناءهم الطلاب لأنهم (راشدين)...هل علمتم من أين جاء (الهؤلاء)..اللهم (أرشد) جماهير الأنتفاضة المستدامة (الطريق) اليهم.ووفر لهم (المعلومة) الصحيحة.و(الوسيلة).لإسترداد (الحق)..و(العدل)..(قصاصا)..وكنسا..وثورة حتى (النصر)..نحن رفاق الشهداء ..الصابرون نحن..


#935306 [عمر تمبول]
4.13/5 (6 صوت)

03-08-2014 07:15 AM
خلاص ... انتهت الساحات العامة والمنتزهات والشوارع العريضة في العاصمة والمدن والقري ... كلها تم بيعها للموالين للفساد ... و إتجهوا الآن للخارج ... والله في بلاد الحرمين نفسها وبجوار المصطفي عليه الصلاة والسلام لم يتورعوا عن أكل أموال الأوقاف وإيجاراتها و يعرجوا بعدها علي البيت الحرام لأداء العمرة (مثل العاهرة التي تغتسل غسل جنابة بعد كل زبون ). اللهم طوقهم بها في نار جهنم يوم القيامة، وأنزع عنهم الملك وول من يصلح يا رب يا عزيز يا حكيم. أخيرا: أرجو من كل أصلع أن يلبس طاقية حتي لا تلمع صلعته ويراها من المسؤولين ، قطعا سيتم توزيعها قطع 300 ملم مربع وبسعر رمزي ..


#935303 [Sudani original]
3.00/5 (2 صوت)

03-08-2014 06:59 AM
Cheap bastareds this is the only woeds to descripe the kizan


#935288 [الكاتـــــــــــــــــــــــــــــــــــــــــــم]
2.00/5 (1 صوت)

03-08-2014 05:22 AM
من اربجى ؟؟؟؟ وافضيحتاه
واماساتى واذلييييييي
واحصاحيصتاه


#935266 [osman]
5.00/5 (4 صوت)

03-08-2014 03:45 AM
إذاء إختلف اللصان ظهر المسروق. عمل عظيم من طه يوسف. ونرجوا ان يواصل ويكشف المزيد. خاصة أن أنه ممثل مجلس حقوق الإنسان المعني والمذكور في الخبر والذي ظل يتستر علي ممارسات النظام كل تلك السنوات. الجدير بالذكر ان الصحفي طه يوسف هو شيق القنصل السابق الكوز محمد يوسف الذي كان قنصل السفاره السودانيه في أكثر فترات السودان عنفاً ودمويه. لذلك أحضر أخوه طه يوسف في وظيفة عامل منزلي بغرض الإقامه. ومن بعد صار طه يوسف هو مندوب الإزاعه السودانيه ومندوب التلفزيون ومندوب مجلس حقوق الغنسان ومندوب نقابة الصحفيين السودانيين. بل ان طه يوسف كان من اشد المعارضين للمعارضهومقاطع للمعارضين السودانيين. لإرضاء أولاياء نعمته الذين اوقفوا مرتبه الاَن. كعادت الأخوه في الراكوبه المدح أو الزم دون معرفة خلفيات الأمور. صحيح أن السفير فاسد و افسد لمدة اربع سنوات لكن ظل طه يوسف يفسد ويتستر علي الفساد لمدة 20 عاماً

ليس لدي تعليق إلا أن اقول سبحان الله


#935263 [رجعنا بعد فرقة]
2.00/5 (1 صوت)

03-08-2014 03:33 AM
فساد بلا أخلاق ياخي دي شماسى ومقطوع نسب ما بعملها


ردود على رجعنا بعد فرقة
United States [yasser] 03-08-2014 09:01 PM
عليكم الله هل بناء المساجد اوقف اختصاب الاطفال هل اوقف الفساد هل اوقف سوء الاخلاق البلد ما متجاجة مساجد محتاجة مدارس ودور صحة وامن اماا المساجد فارض الله كلها مساجد وعدمها لله وكان اصلا ولو هدمت لن تمنع الناس من الصلاة لان الاسلام هو ديننا ولن نتوقف من االصلاة لعدم وجود المساجد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة