الأخبار
أخبار إقليمية
السودان: قرار جمهوري بإحالة قائد الفرقة السادسة مشاة بالفاشر إلى الصالح العام
السودان: قرار جمهوري بإحالة قائد الفرقة السادسة مشاة بالفاشر إلى الصالح العام



على خلفية خلافه مع الوالي (كِبر) وبعد هزائم القوات الحكومية أمام الحركات المسلحة
03-09-2014 06:10 PM
الراكوبة الفاشر: ع. ح.

أصدر رئيس جمهورية السودان قراراً بإحالة قائد الفرقة السادسة مشاة بالفاشر، إلى التقاعد (الصالح العام) وتم اجلائه بطائرة خاصة ليلة أمس.
تأتي هذه الخطوة على خلفية الخلاف الذي نشب بينه ووالي شمال دارفور عثمان كبر، وذلك بعد استيلاء حركة العدل والمساواة وجيش تحرير السودان على مناطق في شمال دارفور بما فيها منطقة الطويشة مسقط رأس الوالي وإعلانها مناطق محررة.

وأدى الخلاف حسب شهود عيان إلى حدوث ملاسنات بين الوالي عثمان كبر والقائد المحُال بسبب عدم جاهزية الجيش لصد أي هجوم على الولاية.


تعليقات 16 | إهداء 0 | زيارات 13019

التعليقات
#938077 [عثمان غبوش]
0.00/5 (0 صوت)

03-10-2014 10:06 PM
حادثات الدهر تأتي بالبدع __ ترفع العبد وبالحر تضع ++++++ دنيااااااااااااااااااااااااااااا


#937443 [ابولكيلك]
0.00/5 (0 صوت)

03-10-2014 11:04 AM
يذهب كل السودان ولا يذهب الكيزان ( كبر صفارة الانذار المبكر للهروب الكبير ).


#937389 [عزوز بن علس]
0.00/5 (0 صوت)

03-10-2014 10:30 AM
أنا مستغرب جداً من هؤلاء الدجاليين الذين يتشدقون بفوز كبر وآخرين في إنتخابات حرة الكل يعلم علم اليقين الإنتخابات الماضية من رئاسة الجمهورية وحتي مجالس الولايات مزورة ومخجوجة ومدفوعة الثمن مقدماً بالله عليكم الله كونوا صادقين ولا تفقعوا مرارتنابذكر الإنتخابات وبرضو نفسياتكم فاتحة لإنتخابات 2015م من المغفل البنزل معكم الإنتخابات ليأتيكم الشرعية وللسفاح مطلوب العدالة الدولية يا ترضوا بحكومة إنتقالية وعندها يحصل تحول سلمي أو نصتف مع الثوار وندخل الخرطوم بالقوة وعندها يحصل للسفاح ما حصل لملك ملوك إفريقيا القذافي والعاقل من .....


#937370 [سامي]
5.00/5 (1 صوت)

03-10-2014 10:17 AM
انتو السودانيين ديل وانا منكم كل واحد فيكم عاوز يبقي رئيس وعندما مايبقي رئيس يطلع فاشل همه يسكن فى عمارة ويسوق عربية فاخرة . نحن من زمن الانكليز الله يطراهم بالخير اي واحد جاء مانفع معاكم حتي المرحوم ازهري رحمه الله قلتو عليه ( ابو الزهور الخرق الدستور )للذين عاشو فى ذلك العهدوخلافه وخلافه ونميري ربنا يرحمو طلعتو حرامي والمسكين مات ماعندو قرش وبعده السيد / الصادق المهدي قلتو جاب المجاعة والفيضان ولم تحمدو الله وجاء عهد الانقاذ وشفتو مالم تشوفوه من قبل من فساد دا كلو لانك مابتحمدوا الله . الحلل بتاعكم شنو ماعارفين ؟ فى واحد عندو حل . والله نرجع للاحزاب احسن . اطرحوا حلول والسياسة لعبة قذرة؟


#937209 [caeser]
0.00/5 (0 صوت)

03-10-2014 08:18 AM
كل إ ....... ينقلب........


#937056 [اسامة على]
5.00/5 (2 صوت)

03-10-2014 12:48 AM
ولاية شمال دارفور اكثر الولايات توترا باسباب الازمة الدارفورية
الوالى كبر للاسف على راس الولاية رغما عن كل ماطالها من بلاوى
هو باق فى مقعده وقد اطاح بعدد 9 قادة عسكريين
معقول ديل كلهم غلطانين وهو الوحيد الصاح؟؟


#936990 [شليل]
4.75/5 (4 صوت)

03-09-2014 11:28 PM
الجاب الضيق شنو ؟ قائد منطقة أحالوه للتقاعد نتيجة قصور واضح في شقوط هذه المناطق ، و هو ليس بأفضل من اؤلئك الارجوزات الذين احيلو للتقاعد أو الطرد و هم 3 برتبة فريق و 14 مكررة من لواء و عميد و عقيد !! سيجني التعساء قادة الاجهزة النظامية حصاد خنوعهم و تسبيحههم بحمد الدكتاتور ، سيسقطون كالدمى و بنهاية مخزية كما رأيتم .


#936956 [ابوريدة]
5.00/5 (1 صوت)

03-09-2014 10:15 PM
الوالي رئيس لجنة الامن وهو المسئول الاول من الامن بالولاية .


#936942 [الكباشى ود العوض]
3.00/5 (4 صوت)

03-09-2014 09:57 PM
اقتباس (وذلك بعد استيلاء حركة العدل والمساواة وجيش تحرير السودان على مناطق في شمال دارفور بما فيها منطقة الطويشة مسقط رأس الوالي وإعلانها مناطق محررة.) الاخ ناقل الخبر انت راميك جمل ولا شنو الاسبوع الفات دا كل حركة مناوى كل ليلة يبيت فى بلد جديد فى شرق دار فور واخواننا ناس العدل والمساواة ضاربين طراوة فى جنوب كردفان ، والمقومين القيامة اليومين ديل فى دار فور هو الرجل الخطر ابو العيون الحمر زى بتاعين الديك المسمو مناوى ومعاه برضو قوات على كربينو لكن ناس العدالة ديل لسع فى كردفان ، لكن والله ولصالح الثورة لو دكتور جبريل ومناوى نسقوا تنسيق قوى فى اسبوع تلقى الولاة الخمسة ديل سافروا الخرطوم بلا عودة
ويا الله يا جبهة ثورية الخرطوم جوا


ردود على الكباشى ود العوض
United States [المفجوع] 03-10-2014 03:54 PM
يا كباشي ابو العيون الحمر دا اصبح قائد قوات المقدمة لشيخ الجنجويت موسى هلال. فقط بمهد بينظف للجنجويد الطريق لان المناطق الشرقيه هي المناطق الوحيدة التي لا تستطيع الجنجويد التواجد هيها و يوجد فيها قوات الدفاع الشعبي و كلها من ابناء المنطقة اذن تركت مناطق دارفور دا كلها و جيت الشرق ليه, وليه بص في الزمن دا بالذات و انت عارف في مشاكل بين كبر و مليشياته و موسى هلال و جنجويده, انت الدخل لصالح الجنجويد شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#936907 [أبراهيم]
5.00/5 (2 صوت)

03-09-2014 08:58 PM
كبر ده يا أخوانا ،، خط أحمر ،، البقصد كبر ،، بيقصدنى أنا شخصياً (من أقوال السفاح)


#936897 [عصمتووف]
4.75/5 (3 صوت)

03-09-2014 08:45 PM
من هو الرجل الذي يشرف المنصب

المسؤلية الاولي والاخيره تقع علي عاتق الوالي و هو الذي يستحق العزلوليس قائد المنطقة العسكرية شخصيا تهمني الضربات والصفعات والشلاليت لكل القوات النظامية بمسرح العمليات الغربية وهو راي اتخذته مجبرا ومكرها لانة لوكان لدينا جيش لحمي المواطن في تلك الاصقاع للاسف جيوش الانقاذ تقود حروب البشير العبثية وهي المنوط لها حماية الشعب والدستور وتنفيذه بتنا نشهد العكس لو كانت لتلك القوات يوما كرامة لوجهت سلاحها المدرع والطائر لدكت القصر دكا دكا وي لشرف ورجولة الجندي في الزمن الاغلف تدك الكراكير والقطاطي والرواكيب والصريف والبهائم والاطفال والعجزي جوز غرابان الموت كبر وهارون ليس لدي شئ اقوله لهم لانهم لا يستحقون لانها حياتهم اصلا


#936875 [الحازمي]
5.00/5 (1 صوت)

03-09-2014 08:07 PM
اذا لم تتحرك المعارضة و تسعى الى ادراج كيزان السودان فان الكيزان كالحرباء يتبدلون بألف لون
و على استعداد لبيع كل شئ , كل شئ, كل شئ!!!!


#936842 [‏ * الفن و الادب *]
5.00/5 (1 صوت)

03-09-2014 07:20 PM
الحركات الآن قادر على خلط كل اوراق الجيش مع الدكتاتور الهارب والجيش غير قادر على حماية قواعده ناهيك ان حماية مناطق تبعد مسافات لذا على الجيش اعلان التمرد على الدكتاتور الهارب وتسليمة للجنائية في لاهاي من اجل وقف نظيف الدم وحلحلة المشاكل عن طريق بناء دستور يحفظ كرامة الامة السودانية حول العالم


ردود على ‏ * الفن و الادب *
United States [سوداني] 03-10-2014 10:39 AM
الحركات قادرة
من اجل وقف نذيف الدم

European Union [aboahmed] 03-10-2014 08:41 AM
يا جماعة والله بسال عن استاذى محجوب محمد الحسن (محجوب اليمنى )من بربر على ما اعتقد لاقول له بارك الله علمتنا الاملاءاشياء اخرى كثيرة


#936822 [اسامة الكردي]
4.69/5 (5 صوت)

03-09-2014 06:50 PM
لا يوجد لدى جمهورية السودان الحرة رئيس منذ اكثر من 24 سنة بل يوجد رقاص وسفاح هارب من العدالة وكيزان تجار دين سوف يتم قريبا بإذن الله إدراجهم في قائمة الارهابيين من قبل سلطات المملكة العربية السعودية ودولة الإمارات العربية المتحدة وجمهورية مصر العربية وسوف يتم مصادرة أموالهم وممتلكاتهم العقارية في دبي وماليزيا تركيا وإنجلترا .
لذلك يا بشبش بدلا من ان تبعبث بطائرة خاصة لأفراد عصابتك يجب عليك ان تبحث لمن سوف يرسل لك طائرة خاصة لتهرب بها الى ايرااااااااااااان .


#936814 [كابلي]
4.50/5 (4 صوت)

03-09-2014 06:47 PM
الحل في تولي هلال ولاية شمال درفور


ردود على كابلي
United States [على خالد] 03-09-2014 09:22 PM
منو القاليك كده، ماتجى تهضرب لينا ساى هنا، كبر والى منتخب جاء عبر صندوق الانتخابات معبرا عن ارادة شعب شمال دارفور. الانتخابات الجاية قربت خلى موسى هلال يترشح فيها ويقوز، لانو احتمال يدوهو الولاية هسى يجى كبر يشيلا منو فى الانتخابات القربت دى بعدين برضو يجى زى الشافع الصغير بى مليشياتو يبكى ويقول انا داير ابقى والى ولا شنو؟

United States [صاروخ] 03-09-2014 09:10 PM
هلال مجرم ومتخلف وامي , يا خيخة انت..قوم لف يلف رقبتك


#936812 [habbani]
5.00/5 (2 صوت)

03-09-2014 06:45 PM
هو الوالى دا ما قال كل واحد إحمى نفسه السلاح موجود والزى العسكرى موجود .. تقدير الموقف العسكرى عند الوالى ول عند الجيش .


ردود على habbani
European Union [ابوالجنيد] 03-10-2014 12:33 AM
السيدعلي خالد عملتها واضحة ونحن عارفين كبر خالك وباكل فيك لو ما سوق المواسير هل يفوز كبر خليهو يحرر الطويشة من مناوي اذا كان هو والي زي ما انت بتقول وشيخ موسي حاكم قبل الانقاذ ومعروف قبلها اين كبر وقتها انت خايف يعفو كبر وما تلقي البتاكلو الرزق من عند الله وليس عند كبر كم تعتقد



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة