الأخبار
أخبار إقليمية
مستشار البشير ينفي اعتذار السعودية والأردن عن استقبال البشير
مستشار البشير ينفي اعتذار السعودية والأردن عن استقبال البشير
مستشار البشير ينفي اعتذار السعودية والأردن عن استقبال البشير


قال : البشير في صحة جيدة ولا يحتاج لمراجعة الطبيب
03-10-2014 05:01 PM
الخرطوم ـ

نفى عماد سيد أحمد، المستشار الإعلامي للرئيس السوداني عمر البشير، بشكل قاطع الأنباء التي ترددت عن أن المملكة العربية العربية السعودية والأردن قد اعتذرتا عن استقبال الرئيس البشير للعلاج، وأكد أنها "إشاعات لا نصيب لها من الحقيقية".

وقال سيد أحمد : "الرئيس البشير في صحة جيدة ولا يحتاج لمراجعة الطبيب، ولم يحدث أنه تقدم بطلب لزيارة السعودية ولا الأردن بهدف العلاج، وبالتالي لا أصل لكل ما روجته بعض المواقع الإخبارية على الإطلاق".

وأشار سيد أحمد إلى أن الرئيس البشير يمارس مهامه بشكل اعتيادي، وأنه التقى اليوم رئيس المجلس الوطني في السودان وعددا من رؤساء البعثات الدبلوماسية في الخرطوم، وأنه يعتزم السفر بعد غد الأربعاء (12|3) إلى العاصمة الاثيوبية أديس أبابا للمشاركة في قمة الإيقاد التي ستناقش سبل تحقيق السلام في جنوب السلام وإنهاء الخلافات بين الرئيس سيلفاكير ميارديت ونائبه السابق رياك مشار، على حد تعبيره.


قدس برس


تعليقات 30 | إهداء 0 | زيارات 10713

التعليقات
#939012 [معاذ ود العمدة كجرت]
0.00/5 (0 صوت)

03-11-2014 04:04 PM
السودان ارض المليون ميل سلة غذا العالم منبع الحضارة بلد الكرم والجود ارض السخاء والعطاء الغير محدودعلى مر التاريخ طبعا قبل الانقاذ الان يستجدي ويستعطف رئيسها الاردن لماذ؟؟؟؟؟؟؟؟؟؟
ليسمح له بالزيارة لماذا ؟؟؟؟؟؟؟؟؟؟؟؟؟؟ لتلقي العلاج
والله قمة المهزلة والاهانه لهذا الشعب العظيم نعم عظيم واعني ما اقول
ماهي تلك الدولة التي تعرف جغرافيا بالاردن؟؟؟؟؟؟؟؟؟ وكم تبلغ مساحتها ؟؟؟؟؟؟؟؟؟؟؟؟؟؟؟
مقارتا مع القطر الشاسع الواسع المتحضر منذ فجر التاريخ الاول الســــــــــ ودان
على الشعب السوداني ان يتحرك ليرد اعتباره لنفسه


#938688 [brins]
5.00/5 (1 صوت)

03-11-2014 11:55 AM
اشوف فيك يوم ..


#938686 [الاعزب]
4.00/5 (1 صوت)

03-11-2014 11:52 AM
ان شاءالله يكون كلامك صاح


#938487 [دارفور كادقلى]
5.00/5 (1 صوت)

03-11-2014 10:01 AM
انتوا يا جماعة الخير الرئيس في الصورة دي خاتى ليهو(دقار_سفة) ولاشنو؟


#938368 [عودة ديجانقو]
4.25/5 (3 صوت)

03-11-2014 08:19 AM
كفاره يا ود هديه وشعبك كله كرامه تمشى وتجيهم راجع بالسلامة وتلقاهم واقفين ليك طابور فى المطار ويقولوا ليك

هشتكنا وبشتكنا يا ريس
إنت رئيس والنعمه كويس
يا مخشلعنا يا مدلعنا
قول لعدوك قوم إتليس


#938164 [زغلول]
5.00/5 (4 صوت)

03-10-2014 11:56 PM
لا دخان دون نار .. بكرة عمك يتكلم بلغة الاشارة .


#938146 [Amin]
5.00/5 (4 صوت)

03-10-2014 11:41 PM
النفي من عندكم يعني التأكيد

لكن يالبشير ....إنتهيت

زمان زي قرار البنوك السعودية دي كان :
يبلوه ويشربوا مويته
وتحت جزمتي
ونحن ياجماعة ما في زول بملا عينّا

ورقصة

هسي ما دايرين يصحلوا ليك حنجرتك عشان تجوعر بيها


#938141 [العصيان المدنى]
5.00/5 (6 صوت)

03-10-2014 11:37 PM
والله ياعشم وانت الصادق قالوا دكاترة لاهاى ديل شطار خلاص حقوا الزويل دا يمشى ليهم بعالجوا تب.


#938132 [nagatabuzaid]
0.00/5 (0 صوت)

03-10-2014 11:22 PM
قبل فترة بالصدفة شاهدت شاب لا ادرى الناطق باسم المؤتمر الوطنى ام مستشار اعلامى لا اذكر اسمه ولكنه كان على غير ما تعودناه من الجبهجيه كان متحدثا زرب اللسان فهمان فاستمعت اليه وقلت يا خسارة تكون مع المخلوقات دى ان شاء الله ربنا يتوب عليه


ردود على nagatabuzaid
[nagatabuzaid] 03-11-2014 06:29 PM
السلام عليك يا حنين مالك طممت بطنى لكن كونوا يتكلم واحد فيهم بدون شتائم واستفزاز دى برااااااااها معجزة وكان عملوا ليهم ناطقة حرمة كان افضل حريمهم متكلمات اكثر من رجالهم

يا حنين يا اخوى راكوبتنا فى الخريف مكربة وتمام التمام بوجودكم وراكوبة الجماعة مشلعة ومكعكعة ( طبعا هم نسوا الراكوبة وبقوا جماعة هول وحاجات زى كدة ) ا

European Union [حنين] 03-11-2014 02:44 PM
نفس الشخص انا شفته فى الBBC ينبح زي .....مدافعاً عن حزبه .كان الناطق الرسمئ باسم المؤتمر الوطنى وبعد اسابيع قليله سمعت انه اصبح وزير .اسمه ياسر وزير دوله بوزارة الاعلام .
ياختى ديل كلهم طينه واحدة ما تشكرى لى الراكوبه فى الخريف .


#938127 [nagatabuzaid]
3.00/5 (1 صوت)

03-10-2014 11:16 PM
اكيد لا السعودية ولا الاردن لن يرفضوا دخوله للعلاج فهم مسلمون حقيقة وكرام والاردن هى الدولة العربية الوحيدة التى من بنى هاشم ( هسع جماعة هوس العروبة ينسلبطوا ويقولوا حبوبتهم بت جد الملك حسين ) وعندما منعت السعودية البشير من العبور ذلك لانه ذهب متلصصا سارقا المجال الجوى السعودى عابرا لدولة يعرف ان الود بينها والسعودية مقطوع بل معدوم سمعنا مقولة كان سرقت اسرق جمل المخلوق ده سرق مجال جوى كامل بطوله وعرضه ( جنس ده سمعتوا بيه ؟؟ برى يطرشنا ما سمعنا بيه ) شخصيا لا لى تعليق على المرض


ردود على nagatabuzaid
United States [رانيا] 03-11-2014 03:38 PM
ههههه ضحكتيني لكن هو ما كترا وبعدين ما محترم نفسه هو لو بيحترم نفسه ما كان وصلنا المواصيل دي لكنه جلف ولسانه طويييييييل ومتحدي !


#938065 [هجو]
0.00/5 (0 صوت)

03-10-2014 09:50 PM
في هذه الصورة يعض البشير علي شفته السفلي وهو متجه الي قاعه مفاوضات وتعني هذه الإشارة في لغة الشفوت ( البل ) فهل يا تري يخاف البشير من ال....


#938051 [Rebel]
3.50/5 (5 صوت)

03-10-2014 09:24 PM
* طيب.. خلاص صدقناك يا عماد سيد احمد، بس سؤال بسيط: يعنى، إفتراضا، لو البشكير احتاج يمشى السعوديه و لآ الأردن بدل اديس ابابا، تفتكر فى رايك بدوهو بسمحوا ليه؟
* ياخى السعوديه رفضت مجرد عبور السفاح اجواء المملكه، تجى انت تقول لينا الطياره فيها بورى؟ ياخى داهيه تاخدك و تاخده و معاكم جميع المجرمين الفاسدين المتاسلمين تجار الدين، قول آمين.


#938050 [القعقاع الفي القاع]
4.75/5 (5 صوت)

03-10-2014 09:23 PM
"قال ما أظن أن تبيد هذه أبدا"
بختك يالسفاح قالوا في صحة عال عال و لم تمرض و لم تطلب إذن ممارضة عند من غفروا لك إساءتك المتكررة لهم و توسلت إليهم ليعالجوك عندما قامت ليك حبة في حلقومك. و أهو دا كمان مستشارك اللمّيع ما فضل إلا أن يقول إنك حي دائم. يخرب بيتك و بيت الحرامية المعاك و البيعبدو فيك ليل نهار


#938043 [عصمتووف]
0.00/5 (0 صوت)

03-10-2014 09:11 PM
نعمل ليه شنو ونحن مالنا


#938037 [المغبون من الاسلاميين]
0.00/5 (0 صوت)

03-10-2014 09:05 PM
مرضك نفسي يا سفاح من ارواح الناس


#937973 [بتول الحلوة]
5.00/5 (15 صوت)

03-10-2014 07:49 PM
اردن شنو وسعودية شنو خلى وداد تبل ليه قرض وتمسحو بزيت سمسم دافى وتفرش ليه طرق النيم وتغملو ببطانيةوبعد ساعتين تغلى ليه ام غليلة مع الحلبة يشربها وعقبها يسف كمون مسحون
دا علاج مجرب بعد ما يوقر بشم العافية
بس تفتح الشبابيك عشان وقروا ما يكتم وتخليه عكس الهوا اصلو مال السحت عفن خلاص.
لو احتجتى اى وصفةودو انا جاهزة ما تخجلى


ردود على بتول الحلوة
United States [المحسي] 03-11-2014 05:23 PM
حبيت أسأل (بتول الحلوة) (والعازة بت ود المساعد)

هل وصفاتكم دي مجربة وأي كلام لاننا عايزين وصفات تكون مجربة وتجيب خبرو في نفس اللحظة قبل ما يفكر يمشي السعودية ولا الأردن (لأنو بيني وبينكم لو وصل هناك بعالجوهو تب)

European Union [هدهد] 03-10-2014 10:29 PM
حلو ام غليلة دى .... انشا الله تجيب خبرو وتريح العباد منه ، البعرفو انا طرق النيم دا وعليه البطانية تكتم نفسو لمن روحو تمرق ونكون ارتحنا من المسلسل الكئيب دا .

United States [ابونور] 03-10-2014 09:51 PM
الله يقطع شيطانك يا اختنا بتول والله مت من الضحك من وصفتك المفيدة للبغل بشبش بس وداد اسماء الاعشاب فى وصفتك المحترمة لمن كانت فى الكمر الجعليين بتعرفها كلها لكن لمن لغفت قروش بنك امدرمان الوطنى بتكون نست الاسماءوفاطمة خالد لمن كانت ساكنة حوش بانقا برضو بتكون عارفاهم بس لمن سكنت كافورى مسحتهم. الحل مرسال سريع لحوش بانقا وعربات الفيستو حقاتها كتار مشوار ماشى جاى مجان لحسابها عشان اجيبوا وصفتك المجربة دى ما مشكلة المشكلة فى الوقر العفن البطلع من بطن بشبوش والخوف يصاحب الوقر اصوات فتح الشبابيك بكون فضيحة هههههههههه

United States [العازة بت ود المساعد] 03-10-2014 09:28 PM
والله يا بتول يا اختي أنا عندي وصفة أحسن من حقتك دي / يخلي المرة الكبيرة - حاجة فاطمة تمشي السوق الشعبي أمدرمان أصلو وداد مفلهمة ما بتمشي --- أها تمشي تلقى واحد ببيع كرعين جداد . تشيل منها زي كيلو واحد ما تكتر وتقوم تسلقو ليهو مع شوية بصل ويشرب منها الصباح والمسا زي ما عملت الحاجة كلثوم الجابوها في البرنامج / كدي خلاص ببقى كويس.


#937972 [نورو ضووو]
4.50/5 (3 صوت)

03-10-2014 07:47 PM
يمرض الوطن وهو (متعافي؟)




الرئيس الخايب


#937948 [ود كترينا]
4.75/5 (6 صوت)

03-10-2014 07:18 PM
***الزول ده بقى شغال خط واحد...جاكسون...(الديم)!!!...(الديم)!!!جاكسون


ردود على ود كترينا
[ممغوس] 03-11-2014 09:33 AM
ههههههههههههه؛ تعرف الخطوط التانية كلها ايصالات وكشات..
كان عامل لينا فيها ود اللواء!!!!!!


#937941 [Abdu]
4.38/5 (5 صوت)

03-10-2014 07:10 PM
You build the greatest hospitals in Sudan and you have the best physicians who graduated from all the colleges after 1990 ,why you look for treatment out


#937931 [مهندس محمد الحاج]
4.75/5 (5 صوت)

03-10-2014 06:57 PM
الموضوع بسييييط جيبوا وسائل الاعلام ده وحاسبوها اذا كان كلامها دا بلبلة ساكت


#937928 [علي باحش الدكوك]
4.82/5 (6 صوت)

03-10-2014 06:56 PM
يبدو بائنا لجميع مشاهدي أخبار أمس الأحد بأن صورة المشير البشير تبدو باهتة وبدأ عليه الإعياء والأرهاق والشحوب والشرود الذهني واضحاً.
أغلب من شاهدو صورة المشير البشير أمس علقوا عليها، وعزا بعضهم حالة الرئيس للإحباط والشعور بالمهانة نتيجة إستيلاء سلاح البحرية الأسرائيلي على السفينة كلوس سي بكامل شحنتها من الأسلحة الأيرانية المرسلة إلى جيشه، خاصة الرئيس كان في أنتظار هذه الشحنة وقام بأستقبالها بنفسه لرد الأعتبار لقواته العسكرية التي منيت الأونة الأخيرة بهزائم سريعة ومتتالية من قوات الجبهة الثورية في ولاية شمال دارفور، بدءاً من اللعيت جار النبي، حسكنيته، الطويشة وكلمندوا العسكرية.

ولكن الأكيد بأنه ليس هناك دخان بدون نار


#937927 [كجكجا]
4.25/5 (5 صوت)

03-10-2014 06:54 PM
لا شماته في مرض المؤمن مصاب وإنا إلى ربنا لمنقلبون ثم يحاسب كل إنسان حسب أعماله وباب التوبة مفتوح.


ردود على كجكجا
European Union [خالد حسن] 03-11-2014 12:52 AM
لاشماته ياجداده
البشير واي كوز ملعون يمرض ولايموت نحن بنحمدالله ونفرح ونهلل
لمن مات الهالك شمس الدين حمدناالله وشكرناه
ولمن مات الهالك الزبير هللنا وحمد الله علي موت هذا الظالم الذي توعدنا بموت ثلثينا ليعيش الثلث والحمدلله الذي اخذه قبل ان يحقق فينا مبتغاه
وحين مات الهالك مجذوب الخليفه فرحنا وحمدنا الله علي ذهاب كوز اخر
وحين يموت الدجال الاكبر سنذبح ابتهالا وتقربا لله
من لايفرح لموت الظالم ماهو الابظالم مثله
والمرض قد يكون عقوبه ومرض الظالم رحمة من الله بعباده المستضعفين ومن يحزنه عقاب الله علي الظالم فهو يظلم نفسه
وقع ليك يا العامل لينا فيها مرشد

United States [تململ من العنصرية] 03-10-2014 08:06 PM
اي مؤمن تتكلم عنه يا كجكجا واي شماتة , دول يهود لا يمتون للاسلام يصلة هؤلاء قتلة لصوص سفلة يستحقوا كل اليجيهم , هؤلاء حتي اذا فتحوا لهم باب التوبة لم يتوبوا دول قتلوا اكثر من مليونين من الارواح , دول ربنا عمي بصيرتهم وسود الله قلوبهم وانت معاهم الله ينتقم منكم جميعا وليس ببعيد


#937922 [ساب البلد]
4.25/5 (4 صوت)

03-10-2014 06:48 PM
******** تاني يا بشه الا "الزيتونة" موته مضمونه ******** ولا خلي وداد تجهز ليك حلبة و حرجل و محريب لانك ح تحتاج ليها ***********


ردود على ساب البلد
United States [رانيا] 03-10-2014 08:22 PM
مع الأسف إنه ضيع بلده وإلا كان ممكن يتعالج فيها لكن ...


#937900 [خالد حسن]
4.99/5 (11 صوت)

03-10-2014 06:23 PM
لو كان ياعسكري ياسجمان ماطردت الاطباء بسبب تمكين الكيزان كان هسع لقيت ليك دكتور في السودان يعالجك
ولو كان ياعسكري ياسجمان مابعت المستشفيات كان ما اضطريت تتعالج بره
ولو كان ياعسكري ياسجمان ميزانية البلد بدل تصرفها في الحروب وعلي كلاب الامن صرفتها في التعليم والصحه والتنميه كان ما دخلت نفسك في الموقف المحرج ده
لكن مافهمك حده بوتك ياعسكري
اللهم شله واخرسه وعذبه قبل الموت هذا الظالم الجبار


ردود على خالد حسن
European Union [Rebel] 03-10-2014 09:09 PM
* آمين.


#937894 [خالد حسن]
4.94/5 (7 صوت)

03-10-2014 06:17 PM
يارب يتشلا ويرقد زي شارون ونجي ندخل ليه عود القذافي عشان تاتي مايحكمنا عسكري ابد الابدين
بلا يخمكم عساكر علي كيزان ضيعتوا البلد والناس


#937873 [ود الدكيم]
4.50/5 (6 صوت)

03-10-2014 05:59 PM
يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ (6) (الانشقاق)


#937854 [عدو الكيزان النازي]
4.75/5 (9 صوت)

03-10-2014 05:45 PM
بصحة جيدة ... ؟؟؟

زي المعتوه ده ما بيمرض ... بس بيمرضنا نحنا

اسال الله العلي القدير ... تمرض يا عمر البشير لما يحتاروا فيك الاطباء


#937852 [الأبراهيمي]
4.19/5 (6 صوت)

03-10-2014 05:37 PM
سم الله الرحمن الرحيم

"قل إن الموت الذي تفرون منه فإنه ملاقيكم ثم تردون إلى عالم الغيب و الشهادة فينبؤكم بما كنتم تعملون" صدق الله العظيم


#937841 [عشم بعشوم]
4.88/5 (4 صوت)

03-10-2014 05:27 PM
بعد دا يتعالج فى لاهى


#937836 [ارنستو تشي]
3.99/5 (7 صوت)

03-10-2014 05:25 PM
يا جماعة الشينه منكوره الرئيس البشير قدم الطلب
والأردن والسعودية رفضو
لكن دي مؤامرة من الامبريالية العالميه
لهدم الاسلام والتخلص من امير المؤمنين عمر بن حسن بن أحمد بن البشير السفاح لعنت الله عليه


ردود على ارنستو تشي
United States [رانيا] 03-10-2014 08:20 PM
ضحكتني شديد ههههههههه أنا من زمان بتغاظ من الإمبريالية العالمية البقولوها دي !



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة