الأخبار
أخبار إقليمية
حاج ماجد سوار يتسلم رسمياً رئاسة جهاز المغتربين
حاج ماجد سوار يتسلم رسمياً رئاسة جهاز المغتربين
حاج ماجد سوار يتسلم رسمياً رئاسة جهاز المغتربين


قال : سنعمل على استقطاب تحويلاتهم،
03-11-2014 12:21 AM
الخرطوم (سونا)- شهد وزير مجلس الوزراء احمد سعد عمر ووزيرا الدولة بالوزارة الاستاذ جمال محمود والاستاذ احمد فضل صباح اليوم بجهاز تنظيم شئون العاملين بالخارج مراسم التسليم والتسلم بين الامين العام السابق للجهاز د. كرار التهامي والامين العام الجديد الاستاذ حاج ماجد سوار.
وقال جمال محمود ان شريحة المغتربين وقضاياهم تمثل اهمية قصوى لبرامج الدولة في المرحلة القادمة . وامتدح الدور الذي إضطلع به د. كرار التهامي ابان توليه دفة قيادة الجهاز في الفترة الماضية .
من جانبه قدم د. كرار تنويراً حول أداء الجهاز والمشروعات التي تم انجازها خلال خطته الاستراتيجية التي طرحها خلال الفترة الماضية مشيرا الي أن الجهاز حقق نجاحات مقدرة في مجال الجاليات وذلك من خلال تأسيسه لأول كيان جامع للجاليات السودانية بالخارج وهو المجلس الأعلي للجاليات بالخارج .
الى ذلك قال حاج ماجد سوار الامين العام لجهاز تنظيم شؤون العاملين بالخارج " سنعمل على تحقيق رسالة واهداف الجهاز في ربط السودانيين بالخارج ونقل خبراتهم واستقطاب تحويلاتهم، لافتا الى أن هنالك مشروعات كبيرة وسيتم البدء فورا من اجل تطوير الجهاز. واضاف " سأبذل قصارى جهدي لتذليل كل العقبات، مؤكدا الدعم الكبير من الدولة ممثلة في رئاسة مجلس الوزراء.
واشار سوار الى اهمية الاستفادة من ابنائنا في الخارج في نقل المعرفة والخبرات وتحويلات عائداتهم المالية، داعيا للعمل سويا في ظل الحصار الذي يعاني منه السودان .


تعليقات 83 | إهداء 0 | زيارات 9779

صفحة 1 من 212>
التعليقات
#940029 [ابو ابراهيم]
1.00/5 (1 صوت)

03-12-2014 01:41 PM
يا حاج ماجد أنت فقدت وظيفتك كسفير بسسب دعمك للأخوان المسلمين بمصر وذلك إستنكاراَ من وزير الخارجية وهو من الإسلاميين فكيف تريد إستقطاب تحويلات المغتربين؟ هل أعلنت توبتك من دعم المعزول مرسي؟


#939994 [ود عثمان]
1.00/5 (1 صوت)

03-12-2014 01:16 PM
هذا المدعو حاج ماجد شخصية انتهازية من الطراز الأول ، وهو الذي إشتهر بحادثة إساءته ل د علي سليمان عميد كلية القانون في جامعة الخرطوم سنة 1987 ونحنا طلاب فيها و تسبب في إغلاق الجامعة لمدة قاربت العام. كما و أنه لمن لا يعرفه من الأجيال الجديدة صديق و شريك فيصل حسن عمر شقيق أمين حسن عمر، و قد قتل فيصل الطالب بشير الطيب رحمه الله في عام1989 داخل حرم الجامعة ثم فر الي ايران و رجع بعده اللسودان موفورابسبب الإنقاذ التي لم تحاكمه علي جريمة القتل.
أي خير يمكن أن يرجي من قاتل و لص و إنتهازي ؟؟؟ واضح ان الحكومة و التي لا تملك سوي المغتربين الآن ناوية عليهم نية زي الطين و حيعملوا الدايرنو طالما الناس ساكتين و راضين بمسؤلين من شاكلة حاج ماجد


#939891 [m.rashid]
1.00/5 (1 صوت)

03-12-2014 12:13 PM
تفاءلوا خيراً تجدوه :
إغترب والدي من عام 1964م إلى 1991م وتوفي عام 2010م ـ في عهد نميري حضرت إليهم في المهجر لجنة لتوزيع خطة سكنية ـ إستبشر وسدد الرسوم وقام بتعبأة النموذج ووصلت الأوراق إلى وزارة الإسكان وكان هناك عدد هائل من الملفات من جميع أنحاء العالم بأرقام متسلسلة فقط وبدون تصنيف بالدول ، قمت بمراجعة الوزارة عدة مرات وكان علي البحث بنفسي عن بيتنا (يعني الإستمارة) وفي إحدى المرات أبلغونا بأن الملفات تم نقلها إلى مبنى الحكم المحلي سابقاً بشارع النيل وهناك تم حفظ الملفات في مساحة ضيقة وعشوائياً بعضها على الأرفف وبعضها على الأرض وعلينا بالبحث بين هذه الأكوام ـ وفي مرة من مرات المتابعة أبلغونا بأن حريقاً شب في الطابق وأتى على جميع الملفات ( يعني حرقوها ) وعليكم البدء من الصفر بتعبئة نماذج من السفارات في الخارج ـ بحمد الله تعالى فإن والدي إمتلك مسكنه وإنتزع نصيبه من المليون ميل مربع ( آنذاك ) وهو ود اللحد الذي يرقد الآن ـ والحساب يوم الحساب .


#939431 [محمد ابوالقاسم حسن القاش]
1.00/5 (1 صوت)

03-12-2014 02:13 AM
ان للمغتربين ان يقفوا وقفه رجل واحد ويرفضوا هدا التعيين المدل ارضاء الاشخاص يجب ان لا يكون على حسابنا هدا الشخص غير مؤهلويجب ان يصل صوتنا واحدا قويا مجلجلا برفض هدا الشخص الموصوم بالفشل


#939350 [SESE]
0.00/5 (0 صوت)

03-11-2014 11:29 PM
الضرائب والتحويلات مقابلها تجديد الجواز ومن لا يحول او يدفع الضرائب لن يتم تجديد جوازه وهو الرهن الوحيد بين حكومة الانقاذ كما كان يحدث في السابق وقد كانت السفارات عبارة عن بيوت بكاء وكذلك دار المغتربين في الخرطوم اذ لم بالامكان منحك تأشيرة العودة ما لم تدفع ما عليك من متأخرات الضرائب والتحويل الإلزامي حتى ولو حضرت لموت ابوك وتركت بناتك وامهن في بلاد المهجر فلن تعود لهن حتى ولو تبكي وانت رجل بشوارب......

ان شاء الله الجماعة لن يجلسوا كثيرا حتى يعيدوا نفس مسلسل الاهانة والذل الهوان لأني شايف طيراتهم قامت وسيكون حاج ماجد سوار آخر انقاذي يتولى امانة شئون المغتربين ليس لاكثر من شهرين. نحمد الله ان السعودية اوقفت التعامل مع حكومة السودان ولن يقدروا يحولوا ريال واحد حتى ولو جمعوا الميارات إلا يهربوها في سراويلهم العفنة ديك.....

لبن كثير لكن درب مافي.........


#939272 [فقيه السترة]
5.00/5 (1 صوت)

03-11-2014 09:45 PM
بلد جبانة هايصة بلد الفاشلين واللصوص والقتلة ومصاصي دماء الشعب. هعراب فقه السترة ولص وزارة الشباب والرياضة ينتظر تحويلات المغتربيين يالك من لص جرئ لا يخل ماذا قدمت دولة الفساد للمغتربيين لتنتظر تحويلاتهم خسئتم وتبا لكم ايها ابفاسدين


#939261 [abdallah]
2.00/5 (1 صوت)

03-11-2014 09:24 PM
لعنة الله عليهم كلهم مافيهم فايدة ربنا ينتقم منهم دنيا وآخره - التكروني ده الله يفكنا منه


#939150 [مواطن غلبان]
5.00/5 (1 صوت)

03-11-2014 06:59 PM
انا في اشد الاستعجاب من المغتربين الذين يطلبون من جهاز المغتربين طلب اعفاء لسيارة ... انا واحد من المغتربين الذي فكرت في العودة للسودان مع اسرتي في عام 2010.. صدقوني انني لا اصدق انني نفذت بجلدي واسرتي بعد ان غادرناه مرة اخرى بعد عودتنا وكأني كالمحارب الذي يزحف هاربا مهزوما في حرب
صرفت كل ما ادخرته في سنين غربتي 20عاما في سنة ونصف فقط بالسودان ، ايجار لأني لا املك ارضا واكل وشرب ومصاريف مدارس وعلاج مكلف ودواء غير موجود اذا لم تكن مؤمنا صحيا على نفسك وافراد اسرتك .. وانتظر القادم اليك من مفاجآت في جهاز المغتربين من اذلال وتعب وابتزاز اذا لم يكن لديك واسطه تخارجك عند مغادرتك للسودان
السيارة التي تطلبونها لن تستطيعون ان تصرفوا عليها من غلاء قطع الغيار والبترول والزيوت وكأنك تصرف على بيت أو زوجة ثانية.. ثم ليس بمقدوركم ادخال غير موديل العام الذي تغادرون فيه للسودان
شيء آخر .. بعد عودتنا للسودان الكل كان يسخر منا بأن الناس تفكر في الخروج الي اي بقعة من بقاع العالم حتى لو كانت اسرائيل وانتم عائدون
انصحكم ان تفكروا جليا بعدم العوده والاكتفاء بإرسال ما ستصرفونه في قيمة التذاكر وتجراءات السفر الي اهاليكم فهم احوج اليه وانتم احوج الي دعاؤهم ان يفك غربتكم ويفرج همهم
العودة للسودان فيه مرارات كثيرة لا تحصي ولا تعد وليس بمقدوري احصاءها لكم الا ان تعايشوا ما عايشناه في عودتنا المريرة التي لم نستفد منها الا وداع الوالدين والأهل والأحباء لعل الله يجمعنا بهم مرة اخري بعد بزوغ الفجر الجديد


#939132 [سوداني قرفان]
0.00/5 (0 صوت)

03-11-2014 06:45 PM
هو الطرطور دا مش كان وزير الشباب والرياضه ولبع ليهو لبعه جامده تاني جابو هنا ولا انا غلطان الله المستعان


#939128 [عادل]
0.00/5 (0 صوت)

03-11-2014 06:43 PM
تحويلاتنا دى تشمهاااااااااااااااااا قدحة


#939123 [مجنون ليلى]
4.50/5 (3 صوت)

03-11-2014 06:39 PM
اخيرا ابتسمت يا حاج ماجد .

الزول ده قبل شهرين كان بفنجط وبيسكل زي العوين عشان ختوهو في الرف ، هسه عاين ليهو بيضحك كيف !

عالم بكاية بكاء . لمتين داير تلهطوا حقوق الناس ؟ لمتين ؟؟؟ جارين وراء الدنيا دي لغاية ما يوم تقعوا بوب كده ....


#939085 [زعيم الزهاجة]
0.00/5 (0 صوت)

03-11-2014 05:42 PM
انت يا ود الجزيرة خليك موضوعي شوية ،انا بتكلم عن المغتربين (المرتاحين) الله يزيدهم ،هؤلاء معظمهم عايشنها فشخرة ،وبعضهم ليه 40 سنة،ديل الانا قاصدهم ،اما انت لو كاسر ركبة ولا كفيلك قارصك ،ولا بطنك محرقاك ، ما تفكها فينا، الله يصلح حالك ،عشان ترسل لينابناطلين، وما تنسي الجلاكسي ،وسلم لي علي كفيلك ،كرهتونا الكجيك مع مكرونة الباشاميلي،


ردود على زعيم الزهاجة
United States [ودالباشا] 03-11-2014 08:40 PM
طيب المرتاحين ديل مالك معاهم الراحة نتشوفوها فشخرة الرزق من الله والله بدى الجنة


#939039 [د/سعد]
4.50/5 (2 صوت)

03-11-2014 04:37 PM
الله يكون في العون بس
من كرار لي سوار


غايتو سوار دة لمن دخلنا الجماعة كان مشهور بالولد الكفت عميد الكلية

الله يستر
قالو ما بعرف شئ غير الكفيت

وعلى فكرة راجل حقود جدا وما شفتو مبتسم الا في الصورة دى


#939030 [zaki]
0.00/5 (0 صوت)

03-11-2014 04:21 PM
لا تأكلوا اموال الناس بالباطل


#939021 [abu albra]
0.00/5 (0 صوت)

03-11-2014 04:14 PM
اولا التحية لكل معلق حسب رأيه ولغته . ثانيا نقول لحاج ماجد مبروك لان ده واقعنا في السودان في ظل حكم مصاصين دماء البشر والحمد لله يا اخي حاج ماجد كنت سفيرا قبل توليك المهام الجديد يعني ما غائب عن ما يعانيه المغترب في ديار الغربي بس أسألك بالله ان ترحمهم ان كان في قلبك مثقاله ذرة من الايمان وتراعي مشاكلهم واحتياجاتهم


#939003 [مفجوع]
5.00/5 (1 صوت)

03-11-2014 03:58 PM
كلهم حرامية ومحللين سرقة المال العام كغنائم بدر وحنين ..أنتو فاكرنهم معتبرين سرقة المال العام حرام ..لا .. والتمكين يطلع شنو ..؟
كان جابوا سوار كان خاتم ياهو بيلهط واللديح دا عينو طائرة عشان ضاق الذل والهوان والفقر أيام كان في الشعبي مع الترابي ..
تشوفو شكلو والسفاري الديمة لابسها ماتنقول وزير أو سفير هو أقرب لكلاب الأمن ..
كان الله في عون المغترب ونسأل الله ماتتهنا فيها ياسوار ويظهر أجلكم قرب فالبلد حالها وقف دت ..


#938995 [الصادق صديق الصادقين]
5.00/5 (3 صوت)

03-11-2014 03:50 PM
"واستقطاب تحويلاتهم" !!!!!!!!!!!
--------
وهو المطلوووووووووووب!


ردود على الصادق صديق الصادقين
European Union [ودالباشا] 03-11-2014 08:23 PM
هنا بيت القصيد


#938983 [prjct]
0.00/5 (0 صوت)

03-11-2014 03:41 PM
ظل جهاز المغتربين جهاز غير مسيس وبعيد عن الرشاوي وان كانت هناك بعض النواقص المهمة بالنسبة للمغترب :
نأمل ان يتم منح إعفاء بتوريد سيارة للمغترب وعدم ربط ذلك بالخروج النهائي حيث يكون المغترب قد زهد في السيارات وبدأ يتوكأ على عصا .
كما نأمل ان يتم تسهيل توريد أثاثات المنزل - أما مواد البناء فقد تم منعها من المصدر اذا كان الاغتراب بالخليج
كما نأمل التفكير في منح تراخيص استيراد وقتية للمغتربين لبعض السلع الاستراتيجية التي يتم تحديدها لهم فقد يكون في ذلك فك زنقة بالنسبة للكل . تقديرنا للادارة الذاهبة ونتمنى للادارة الحاضرة النجاح .


#938976 [الناس في شنو وهم في شنو ؟؟؟]
0.00/5 (0 صوت)

03-11-2014 03:34 PM
ثورة شعبية شاملة كاملة بالعصيان المدني دون سلاح او تخريب ويكون هناك تنسيق في كل ولايات السودان ةفي جميع مرافق الدولة دون اسثناء .. فقط لمدة اسبوعين وسترون ان هذا الكابوس قد انزاح .. ونأمل ان يأتينا كابوس اسوأ منه فالننتبه .


#938962 [المهندس سلمان إسماعيل بخيت على]
0.00/5 (0 صوت)

03-11-2014 03:18 PM
سأبذل قصارى جهدي لتذليل كل العقبات
عارف يا حاج ماجد العقبات التى تملأ السودان هى شنو
إنتو ديل وجودكم هو العقبة الكؤود أمرقوا منها كل العقبات تزول
إنتو يا حاج ماجد جماعة الأخوان تم تصنيفكم من قبل دولة فى قامة وحجم السعودية كجماعة إرهابية
يا حاج ماجد وجودكم مشكلة وتمسكم بالحكم يزيد المشكلة تعقيد
بس عاوزين نعرف متى ستزور الرياض عشان نحتفل بك
لكن قبل ماتقدم جوازك لزيارة السعودية تعمل بيان زى بتاع الداعية الأخوانى صفوت حجازى تقول أن حاج ماجد سوار لا علاقة له بجماعة الأخوان المسلمين الأرهابية وأنا شايف ماعندك مشكلة حلق دقن لأنها أصلا لا توجد
المهم العالم كله بيعرف أنت إعترضت على زيارة وزير خارجية مصر فهمى للسودان ورسلت خطاب لوزبر الخارجية كرتى تعاتبه كيف يقابل وزير خارجية حكومة السيسى التى عزلت مرسى ودا أعتبر تصرف من أخ مسلم متطرف ولا يشبه الدبلوماسية فى شىء عشان كده تم عزلك قبل شهور من موقعك كسفير للسودان فى ليبيا
سلموك الرياضة هزائم كثيرة حصلت
ودوك سفير لليبيا جبت ليهم النحس فأحرز الليبراليون غالبية مقاعد البرلمان وهزم جماعتك جماعة الأخوان وناس عبد الحكيم بلحاج اللى ربيتوهم وعلمتوهم فى الخرطوم وزودتوهم بدرجات جامعية عليا من جامعة أمدرمان الإسلامية
جابوك لجهاز المغتربين قبل ماتقعد فى الكرسى تم تصنيفكم كجماعة إرهابية من قبل السعودية والجهاز إعتماده بعد الله على 90% من مداخيله من مغتربي السعودية
عياركم طايش محل ماتقبلوا
ورينى وعدك دا
سأبذل قصارى جهدي لتذليل كل العقبات
حتنفذه كيف ؟ بالرموت كنترول - تواصل مافيش


#938960 [بيكانتو]
5.00/5 (1 صوت)

03-11-2014 03:16 PM
كدى اول شوفوا لينا طيارة نجى بيها


#938948 [ود فارس]
0.00/5 (0 صوت)

03-11-2014 03:05 PM
هو ده شنو لعبة الكراسى البتسوي فيهو الحيكومة ده
غايتو يا الداقي غرة الصلاة في جبهتك في سوق ليبيا بخمسة جنيه بختك جاك اللغف و اللهط و الهبر في خشم بيتك و كمان بالعملة الصعبة
يااااااااااا فكيك


#938926 [ابو خباب]
0.00/5 (0 صوت)

03-11-2014 02:41 PM
من كرار التهامى الى حاج ماجد سوار
كالمستجير من الرمضاء بالنار
اللهم الطف بالمغتربين


#938898 [أبو أهل الكيزان]
5.00/5 (1 صوت)

03-11-2014 02:20 PM
مبروك عليكم يا مغتربين جابوا ليكم الحرامي الصعلوك اللديح عديم الحياء عشان تاني تكونوا مطمئنين إنو قروشكم ملحوسة ملحوسة بدل الشائعات و التشكك


#938889 [Rebel]
5.00/5 (3 صوت)

03-11-2014 02:15 PM
* كلهم عصابه واحده من المافيا، تتبادل أدوار "اللصوصيه" و النهب و الظلم. فالعنوهم، لعنهم الله.


#938886 [mohd]
0.00/5 (0 صوت)

03-11-2014 02:14 PM
ومتى عبرت الحكومة عن تقديرها للمغترب، الحكومة كل همها حلب المغترب وحتى عندما تاتي وتطرح اراضي للمغتربين وتقدم المخططات وعندما يذهبوا للاستلام يجدوا ان الارض تم تغييرها بارض اخرى بعيدة مقطوعة عن المدينة والمدنية ، يعني اكبر نصاب وحرامي هي الحكومة والعاملين فيها

واصلا البلد ما فضل فيها اراضي عشان الحكومة توزعها كلها باعتها التقول وارثنها من ابواتهم اللصوص السفلة


#938883 [radona]
0.00/5 (0 صوت)

03-11-2014 02:09 PM
الزول ده بتاع المغتربين الجديد ده ما فاهم الموضوع ولا شنو
السعودية ودول الخليج منعت التحويل لدعم نظام الاخوان المسلمين واعتبر التعامل معهم ارهابا فاوقفت بنوكها من التعامل مع السودان
غايتو اظن اخينا بيفكر في عمل صرافة سوق سوداء في السجانة لاستقطاب تحويلات المغتربين
ودي عملية تجنيب للاموال واول بنود الفساد الذي عم البلاد والعباد ولا عجب
والاخطر من كل ذلك قادم ومازالت الايام حبلى وستدلهم الطوب قريبا
انتظروا تاملوا واتعظوا


#938868 [Kudu]
0.00/5 (0 صوت)

03-11-2014 01:54 PM
يجب ألا نرسل للسودان مليما واحد عن طريق القنوات الرسمية قللوا من الزيارات للسودان... جففوا الخزينة اكثر مما هي جافة ضيقوا الحصار الاقتصادي على حثالة بني كوز... الزارعنا في بلد الغربة غير الله اليجي يقلعنا.... تعالوا نمارس لعبة الوقوف حفاة في الرمضاء مع بني كوز وك,,,,,س ام البيقول واي....


#938862 [ود احمد]
0.00/5 (0 صوت)

03-11-2014 01:53 PM
وا اسفى على يوسف فشل في الرياضة ودوه سفير وفشل في السفارة جابوه جهاز المغتربين وكان حواء لم تلد غير هذه الوجوه التي لا تأتي بخير وكرهها الشعب وملها لأنها كاذبة ونهبت البلد وودته في ستين دهية الم تجدوا احدا غير هذا
اذا كان الغراب دليل قوم. دلاهم الي دار الخراب


#938860 [زول اصيل]
0.00/5 (0 صوت)

03-11-2014 01:49 PM
المغتربين الله يكون في عونهم ضرائب ثم خدمات ثم زكاة ثم دمغة جريح ثم دعم السلام ثم دعم الشهيد ما ذا بقي للمغترب واهله وهل تعلمون ما يعانيه المغترب من ذل وهوان واكل رواتب ومستحقات انا الان زازل السودان نهائي ولا املك شيء لا قطعة ارض ولا اعفاء من سيارة يقولن فقط اعفاء اثاث منزلي وهنا في السعودية 15 سنة غربة كفاية الواحد عساه يلقى شيء يستند عليه على الاقل اعفاء جمركي او قطعة ارض بدل الواحد ياخذذوه لحم ويرموه عظم نعم الوضع الاقتصادي في السودان صعب لكن الواحد يبحث عن اخف الضررين لان الغربة لها ثار سيئة


#938856 [ود نقد]
0.00/5 (0 صوت)

03-11-2014 01:45 PM
لا اله الا الله.......اللهم انا لا نسالك رد القضاء ولكن نسالك اللطف فيه.....امانى يا مغتربين ما تشوفو الويل!!!!!!!!


#938835 [محمد الصادق]
4.00/5 (1 صوت)

03-11-2014 01:31 PM
ذهب كرار وجا سوار
لا خير في هذا ولا ذاك
اغلقو جهاز المطففين هذا
اغلقو جهاز المطففين
واريحزنا واريحو العباد
نحن المغتربين نتعب وحوالي الفين من الشغالين في الجهاز يلقوها بارده
الناس الشغاله في المغتربين وضعهم احسن من المغتربين ؟؟؟
نسال الله ان ينتقم منكم اجمعين


#938828 [أبوعلي]
5.00/5 (1 صوت)

03-11-2014 01:26 PM
حاج سوار:ربط السودانيين بالخارج ونقل خبراتهم واستقطاب تحويلاتهم،

المغتربون موافقون على التحويل
استعجلوا إرسال إرقام حساباتكم في الخارج
وحدّدوا نوع العملة الصعبة واطمئنّوا
أمّ أولاد تطلب رقم وبنك حساب الودودة وداد


#938825 [الأبراهيمي]
4.50/5 (2 صوت)

03-11-2014 01:24 PM
ياخوتي لماذا تعليقاتكم كلها رجاء وعتاب وتوسل .
اعلنوا الاضراب عن دفع كل هذه الاتاوات الظالمة . وعدم العودة للسودان .
تجمعوا بعدد كبير وامهرو عريضة واتفقوا ان تعرضوا قضيتكم على لجنة حقوق الانسان {مفوضية الامم المتحدة) فسوف تمنحكم اوراق ثبوتية بديلا عن الجواز السوداني الذي اصبحت الحكومة تتاجر فيه بفرض ضرائب عقابية تقيد حرية الفرد وكما هو منصوص ومعروف عنه أن هذا الجواز يستخدم كأداة للتنقل والسفر فقط ولا ينبغي لاي نظام أن يصدر قرارات انتهازية يتم بموجبها امتهان حرية الفرد في التنقل وفرض أشياء ليس لها صلة بالجواز.
تقديم شكوي لوزارات الخارجية السعودية والامارات وسلطنة عمان والبحرين والكويت .


#938800 [ابولكيلك]
0.00/5 (0 صوت)

03-11-2014 01:01 PM
ما تخليك صريح يا حاج سوار وتكلمنا بلفة مفهومة يعنى حننهب حنستولى حنسرق .. حاجات زى دى اما لغة كل الناس دى يفهموها اكابر الانقاذ يا دباس .


#938796 [علي برقاوي]
0.00/5 (0 صوت)

03-11-2014 12:59 PM
الولد دة مش المطرود من السفارةالسودانية في طرابلس ولا واحد تاني؟؟؟؟؟؟؟؟؟؟!!!!!!!!!!!!!


#938761 [البعشوم]
0.00/5 (0 صوت)

03-11-2014 12:39 PM
ماجخ الحاج هرار جااااااااااااااااااكم يا مغتربين !!


#938734 [shah]
0.00/5 (0 صوت)

03-11-2014 12:27 PM
من سوار الدهب ... لى سوار المغتربين ... تطير عيشتنا.


#938730 [علي حسن]
0.00/5 (0 صوت)

03-11-2014 12:24 PM
نحن ما عارفين الجهاز ده ذاتو اتكون كيف. تقول لي مجلس أعلى !!!!!!


#938719 [قمر الزمان]
5.00/5 (1 صوت)

03-11-2014 12:17 PM
اتلم الرجا علي خائب الرجا جيت في النهاية خلاص حصار وحروب وعلاقات انتهت مع الخليج تاني مغترب راجع مافي لاطيران ولابحر خلينا السودان ليكم اشبعو فيهو هو الجهاز عمل شنو للمغترب غير الجبيات والضرائب ما استفدنا منو حاجه ابدا ابدا . اللهم لانسالك رد القضاء ولكن نسالك اللطف فيه


#938700 [adamo kenoor]
0.00/5 (0 صوت)

03-11-2014 12:04 PM
الحكومة دي ورثة ...... ولا الناس دي ماسكة زلة على البشير.... يكون البشير دا .... ولا البلد مافيها لامتعلم ولا مؤهل غير ناس ديلا ولا يمكن البشير عاوز ينتقم من المغتربين .... من اخوه وداه نادي الهلال الكورة خليناها وكمان حسع حاج ماجد من منصب لمنصب كأن البلد مافيها تكروني غيرو


ردود على adamo kenoor
[abdallah] 03-11-2014 09:34 PM
البلد حقتهم يا اخوي يعملو العايزنو فيها ولا نفتح خشمنا بكلمة لعنة الله عليهم كلهم مافيهم فايدة ربنا ينتقم منهم دنيا وآخره - التكروني ده الله يفكنا منه ويغطس حجره قبل ما يعذبنا


#938678 [خال فاطنه]
0.00/5 (0 صوت)

03-11-2014 11:48 AM
كالمستجير من الرمضاء بالنار


#938667 [السيد موسى البدرى]
0.00/5 (0 صوت)

03-11-2014 11:44 AM
يا رييس جهاز المغتربين اذا اردت النجاح تحفيز المغترب اعفاء السيارة مرة فى العمر ومتطلبات حياته الشخصية والسكن .


#938666 [Ahmed]
0.00/5 (0 صوت)

03-11-2014 11:43 AM
يا ساتر
حاج ماجد عديل كده
حنشتاق للامعات زي
ناس كرار التهامي
ده زوول حاقد و ****


#938664 [كمال]
0.00/5 (0 صوت)

03-11-2014 11:43 AM
ان شاء الله حصاركم يزيد و يزيد يا كوز يا زبالة


#938654 [ابو اية]
3.00/5 (1 صوت)

03-11-2014 11:39 AM
ماذا قدمت الحكومة للمغتربين حتى يحولوا قروشهم عبر البنوك ... الواحد فينا بدفع الضريبة مرتين مرة .. مرة بي اسم الضريبة ومرة بي اسم الزكاة لانك ملزم انت تدفعها حتى ان لم يبلغ النصاب ولم يحول الحول( وبرضو حكومة اسلامية ).. وكمان او مشيت السفارة تلقى الحكومة مرسله الحرامية والنصابين عشان يغشوا المغتربين ببيع اراضي في سقط لقط ( وبرضو حكومة اسلامية ).. وبعدين اي سوداني يمن الله عليه بنعمة الاغتراب اول شسئ تطالبوا بيهو الحكومة تقديم الاستقالة من عمله بالسودان يعني بالواضح كدا اذهب غير مأسوفاً عليك ( وتجوا تقولوا عايزين نحول ليكم .. كان ليكم ) .. في مصر القريبة كل المغتربين المصريين وظايفهم الكانوا عليها في بلدهم محفوظة طوال فترة الاغتراب ( يعني في امان وظيفي والحكومة قدمت ليهو حاجة) وكمان الفرق بين سعر الصرف في البنك والسوق الموازي يكاد لايذكر... قال نحول عبر البنوك ابيييييينا والله قصة .. انتوا منو البصدقكم تاني لو عندكم شغلة غير المغتربين شوفها ... اعوذ بالله من دي حكومة


#938649 [ابوريدة]
0.00/5 (0 صوت)

03-11-2014 11:37 AM
جاكم بلاء ... إستعدوا للتشريد


#938641 [ودالشريف]
0.00/5 (0 صوت)

03-11-2014 11:33 AM
كلو كذب فى كذب وتضليل اين هى الجاليات جاليات التعين والمحسوبية انتم تريدون سرقة المغترب لا اكثر وكل مايهمكم العملة الصعبة انتم لا تهتمون لقضايا المغترب ولا تقفون معه عن الشدائد نحن نحس وكاننا بلا دولة تحمينا وتحفظ حقوقنا لانكم ببساطة لا يهمكم المغترب بل جيب المغترب كلكم فاسدون اتركونا فى حالنا فالقد تركنا لكم البلد لانكم كرهتونا العيشة فيها كمان عايزين تلحقونا فى غربتنا حسبنا الله ونعم الوكيل فيكم


#938632 [kaaaak]
0.00/5 (0 صوت)

03-11-2014 11:27 AM
فعلا الحقيقة مــرة .. لكنها الحقيقة

السودان ما فيهو رجاله و لا نخوة كل الموجودون اليوم مجرد قطيع يشرب حيث يتبول كبيرهم و يضحك لضحكه و يبكي لبكاءه ... شعب فقد الثقة بنفسه لا يستحق الوجود... اللهم اجعلهم في اسفل سافلين

المدعو حاج ماجد سوار و غيره يتنقلون حيث يشاؤون من وزارة لاخرى و بقية الشعب يتفرج و يرجى الفتات... لا ادري علام الخوف و التوجس .... الحرب قامت في كل بقاع الوقت ما عدا بيت جحا.. وحتى لو اتت لبيت جحا سوف يدعى التساهل الا يركبه الخازوق... تقسيم : قد تقسمت البلاد و لسه سوف تقسم الى اصغر و ادق ما تنتظرون... انت ليستم مؤهلين لمتابعة هلال مريخ و لا حتى الحفلات الصاخبة التى ترتمونا فيها انتم و حريمكم و كأن الحال كما يرام ... امه لا تستحق ان تشارك المخلوقات الاخرى ما تبقى من اكسجين نقى على هذا الكوكب... لله في خلقه شؤون يجعل للبعض همم يسمونابها الى القمم و يجعل السودانين انضح انموزج للفشل و الخزى و العبر .. داهية تحرقهم


ردود على kaaaak
United States [sasa] 03-11-2014 03:06 PM
انت الصادق والمحق البلد مافيها رجال ونحن مارجال !!!! لقد بلغ السيل الزبى ونحن صامتين كل من ينظر وينتظر ان يتقدم الاخر لسحق وقتل ومسح وكنس هذا الظلام المسمى نظام!! انت انتم يارجال السودان الذى كان ن ن ن ؟؟؟ اليس فينا رجل السنا برجال لنخرج للشوارع ونقاتل هؤلاء الكلاب اى والله الكلاب مع احترامى للمخلوقات التى تعرف بالكلاب ... واأسفاه عليكم بنى وطنى الخانعين الخاضعين الذليلين الخائفين الجبانيين ؟؟

انشاء الله يحكمكم احفاد وداد الى يوم الدين


#938629 [دياب]
5.00/5 (1 صوت)

03-11-2014 11:24 AM
كل مانريده سياره واحدى من دون جمارك لكل مغترب تعدى العشر سنوات . او لو لازم الجمارك خلوها اقساط ماباقى الا نقول لكم سياره يامحسنين .


#938590 [مغترب]
5.00/5 (1 صوت)

03-11-2014 11:09 AM
اللهم لا حسد ، الزول ده أكتر واحد استفاد من سياسات التمكين للإنقاذ ، وده الزعل جماعات دكتور الطيب زين العابدين ، حسن مكى ، عبدالوهاب الأفندى ، والتجانى عبدالقادر ، و . هو شافع بالنسبة لهؤلاء وقدراته محدودة ، بس كان دباب ، عشان كده خلوه وزير للشباب ، ثم سفير ، ثم جابوه وزير للمغتربين .
أى مغترب ينتظر منه إصلاح ، بيكون عوير وأهبل . كرار التهامى الإغترب سنين ودنين ، لما قعد فى كرسى الوزارة نسى المغتربين ، وكرس جهده لنادى الهلال والاستثمار الشخصى . امل المغتربين للإصلاح هو ألغاء هذا الجهاز وإغلاق مكاتبه أينما وجد بالشمع الأحمر . ما دايرين حاج ماجد ، ولا حاج احمد، هم عبء مالى وادارى لا لزوم له . مصلحة السودان فى الغاء الجهاز . والمغتربين مستعدين يوصلوا التزاماتهم المالية لكل مرفق من مرافق الدولة .


#938544 [بت قضيم]
0.00/5 (0 صوت)

03-11-2014 10:37 AM
طبعا ماعندكم الا سياسة الاستقطاب والبلع اهو محظوظ ودوك في مكان فيهو استقطاب وبلع ولهط


#938543 [شهاب]
4.00/5 (2 صوت)

03-11-2014 10:36 AM
خلاص الحكومة اعلنت الجهاد ضد المغربين من ابناء الوطن
بتعينها هذا القاتل الامين العام(الحرامى) الجديد هاج ماجد
لكن الحمدلله زمن الزيارات لدول الخليج وجمع الهدايا والاموال
من السفارات والجاليات ولى ولن يعود بعد ان اصبح تنظيم الاخوان
تنظيماً ارهابياًو غير مرغوب فى اعضائه او من يوالونه بالدخول الى
دول مجلس التعاون التى تضم اكبر الجاليات السودانيه


#938540 [محمد عثمان]
0.00/5 (0 صوت)

03-11-2014 10:32 AM
عليكم الله الما بيعرف لغة عربية ما يكتب تعليق عشان ما يفقع فشفاشنا ويورمو اكتر مما هو متورم ...رجاء خاص


ردود على محمد عثمان
United States [ود الجزيرة] 03-11-2014 01:54 PM
يا دياب يا خوي كلامك ما صحيح لغة بالتاء المربوطة وليس الهاء ما تهاجم الزول ساي خلونا في كلامنا الدارجي ده ما تدخلوا في دهاليز اللغة .... الناس في شنو والحسانية في شنو ههههههههههههه قال بالهاء هههههههههههههههههههههههه قادر الله

United States [دياب] 03-11-2014 01:19 PM
يامحمد لغه بالهاء وليس بالتاء المربوطه .انت اولهم .خلينا سودانين وبس ولقد فقعته مرارتنا فى كلمة لغه .يا دكتور .


#938512 [ازرق اليمامة]
3.50/5 (2 صوت)

03-11-2014 10:13 AM
يعني نسوي شنو نحن

كمان لاحقيننا في قريشات الاغتراب

المغتربين ديل بقو شغالين بي بطنهم ساي

هو فضل فيها اغتراب


#938500 [سوداني ناصح]
5.00/5 (1 صوت)

03-11-2014 10:09 AM
يجب ان لا نستعجل بالحكم على الرجل ففي الفترة التي تولي فيها وزارة الشباب حقق انجازات على الاقل حرك ملف المدينة الرياضية وبدا العمل فيها وساند الفرق الرياضية وقدم لها دعم حقيقي .
جهاز المغتربين من اهم ركائز الاقتصاد لو ان استطاع اقناع الحكومة بتقديم ضمانات في استلام التحويلات بنفس عملتها وتقديم اراضي للمغتربين ومنح ابنائهم فرص متساوية في الدخول للجامعات السودانية والعمل على عكس امكانيات السودانيون من خلال الاعلام .
عموما دعونا نتسبش ببعض الامل في ان الرجل سوف يعمل لان يكون افضل من سابقه.


ردود على سوداني ناصح
United States [عباس] 03-11-2014 01:22 PM
كلامك عدل خلونا نحسن الظن فى الراجل جائز ربنا يهديه ويرأف بنا نحن المغتربين ويكفر بخدمتنا بعض زنوبه لانو المغتربين صراحة اغليهم بقو غلابه وبعضهم والله محتاج للدعم إيجارات ومصاريف طلبه ومصاريق اقامة وتجديد جوازات وفوق ذلك عشمانين فيه يدعم اقاربه ربنا يكون فى عون مغترب اليوم الكل طمعان فيه وهو حالتو حالة .

United States [علي حسن] 03-11-2014 12:20 PM
والله انت ما ناصح ولا حاجة. أخير تغير أسمك يا خي
والله الواحد فيكم ما بيتعظ. قرفتونا.

United States [مدني الحبيبة] 03-11-2014 10:58 AM
نستبشر خير كيف في انسان مطارد بملفات فساد ، غير انه يمتاز بتاريخ سيئ في جامعة الخرطوم واعتدائه بالضرب لاستاذه في سابقةخطيرة دخيلة على جامعة الخرطوم ، ياسوداني ياناصح نحنا امام منظومة فساد خطيرة هؤلاء يمثلون الركيزة الاساسية لذلك الفساد ، وربنا يعين المغتربين ، ونتمنى من الله قبل مباشرته لاي عمل تحصل مصيبة تخلصنا من هذا المهؤؤس وبقية حثالات الكيزان ،،،


#938493 [sudani]
0.00/5 (0 صوت)

03-11-2014 10:06 AM
فات علي ان اذكر في تعليقي بالامس بان الاستاذ سوار الثائر السابق في موضوع من الذي لهف اراضي واموال المدينة الرياضية حتي وصلت البرلمان وبعدها تم اخذه كقطعة الشطرنج الي سفارتنا في ليبيا وهنالك استنكر راي وزارة الخارجية حول مصر الشقيقة وتم استدعائه الي ان حل بشئون المغلوبين علي امرهم بالخارج وربك يستر الراجل يحاول ولكن هل سينجح ام سيتم اخذ قطعة الشطرنج الي واليا بولاية ما؟ الله اعلم ولكن كل الجماعة مسيرين وقرارهم ليست بيدهم حتي وان حاولوا الله يستر ما تنقلب علي المغترب


#938465 [ابوملاذ]
5.00/5 (1 صوت)

03-11-2014 09:50 AM
اهم حاجه تعملها ياسوار اعفاء جمارك سيارات المغتربين


#938461 [محروق الحشا]
0.00/5 (0 صوت)

03-11-2014 09:48 AM
المجلس الاعلى للجاليات بالخارج هذا من نجاساتك اى انجازاتك يعنى عملت لينا يافطه ماشاء الله
اها ياالسمح المجلس الاعلى ..قطعة ارضن بنسكن فيها ولا سيارة بنوصل بيها ابناؤنا الى المدارس...كلوا احتيال ونصب على المغتربين والمغتربين الوحيدين فى العالم الجواز سفرهم يتجدد كل سنتين لماذا؟ الهنود مدة الجواز سبعة سنين المصريون تسعون مليون نسمة جوازهم مدة التجديد سبعة سنوات ..نفاق وكذب وكل الهدف تحصيل اموالهم وقسمتها بين جمعية الاخوان المسلمون الخيرية امارة السودان..كفاية لعب على الذقون رغم انى حلفت مايكون عندى دقن الى يوم القيامة ..نفاق×نفاق


#938456 [وطني غيور]
4.00/5 (2 صوت)

03-11-2014 09:45 AM
حقيقة مره وواقع امر
كرار التهامي اهم انجازاته تجاه خدمة المغرب صفر
حاج ماجد سوار اهم طموحاته العودة العائدات الخبرات

السوال الذي ظللنا نطرحه منذ 30 سنة
مذا قدمت الدولة للمغترب متمثلة في هذا الجهاز ززززززززززز
لا اعتقد بان السماح للمغترب العائد عودة نهائية بان يعفي من جمارك العفش المنزلي هذا كل ما يقدم لهم
اللهم ارحم المغتربين واكفهم من شر هولاء الحراميه الكبار
خلاص شبع كرار التهام
والدور علي حاج ماجد سوار


ردود على وطني غيور
United States [سوداني حر] 03-11-2014 10:42 AM
معليش العفش المنزلي برضوا بدفع جمارك ودي حدثت للوالد بعد مدة اغتراب 31 سنة رجع شايل تلاجة وتلفزيون وبتوتجاز وغسالة ولكن للاسف دفع ما يعادل قيمة هذه الأشياء في الجمارك ودي حصلة سنة 2007م ومشى السفارة وكشف العفش واستلم منهم اعفاء ولكن كل جهة ليها قانونها واجراءاتها للاسف كل طرف داير يلحس بطريقتوا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة