الأخبار
أخبار إقليمية
اليوم السعودية : الأردن تعتذر عن استقبال الرئيس السوداني
اليوم السعودية : الأردن تعتذر عن استقبال الرئيس السوداني
اليوم السعودية : الأردن تعتذر عن استقبال الرئيس السوداني


03-11-2014 08:02 AM

اعتذرت الأردن عن استقبال الرئيس السوداني عمر البشير، الذي كان ينوي إجراء زيارة للعاصمة عمان، انسجاما مع قرار اعتبار جماعة الإخوان المسلمين ارهابية.

وقال مصدر دبلوماسي أردني رفيع، لـ«اليوم»، إن «وزارة الخارجية أبلغت السلطات السودانية، عبر سفارة السودان في عمان، اعتذارها عن استقبال الرئيس عمر البشير». وبين المصدر، الذي رفض الإفصاح عن اسمه، أن السلطات السودانية أبلغت نظيرتها الأردنية، عبر سفارة الخرطوم في عمان، نية الرئيس البشير زيارة الأردن للقاء الملك عبد الله الثاني وإجراء فحوصات طبية».
وأشار المصر إلى «ارتباك» شهدته أروقة وزارة الخارجية الأردنية، «استدعى استطلاع مرجعيات عليا في الدولة الأردنية»، أسفر عن «الاعتذار عن استقبال البشير».

اليوم

يمكنك الاطلاع على :

http://www.alrakoba.net/news.php?action=show&id=139999

http://www.alrakoba.net/news.php?action=show&id=140000


تعليقات 75 | إهداء 0 | زيارات 22009

صفحة 1 من 212>
التعليقات
#940159 [ابونصر]
0.00/5 (0 صوت)

03-12-2014 03:39 PM
عندو حلين يمشي يتعالج في اثيوبيا او تشاد اصلوا ديل الباقين ليهو


#940031 [الكيزان من بغايا الأندلس]
0.00/5 (0 صوت)

03-12-2014 01:43 PM
أمشي كوس ليك رقية شرعية من عبدالحي الراجل الني...


#939483 [الجراي]
5.00/5 (1 صوت)

03-12-2014 04:29 AM
والله يا ناس السودان جاتكم (سااااقطه) .
(قطر) وخنقوها ليكم .. بنوك الكيزان المضروبة (ضربوها ) ليكم .. وحظروا (الإرهابيين)
وأها (الاردن) اول من تنفّذ الحظر .. في (العوقا) ..

يا شعب السودان .. راجين شنو ؟؟؟
أمرقوا ..


#939276 [عادل السناري]
4.00/5 (3 صوت)

03-11-2014 09:47 PM
لو صرغت 10% من الاموال الضاعت قي الحروب العبثية خلال 24 سنة كئيبة لو صرفتها
قي الصحة و تاهيل الكوادر الصحية من اطباء و فنيين و معدات و اجهزة طبية حديثة و تاهيل بقية الكوادر الصحية المساعدة لكانت مستشغيات السودان من ارقي المستشفيات في العالم --- و ما عرضت نغسك للذلة و المهانة .
بقيت زي الكلب الاجرب الكل يتبرأ منك .
تتعذب في الدنيا بمرض السرطان و لا تجد العلاج و انت تملك مليارات الدولارات
يمهل و لا يهمل


#939268 [المتعافن بياع الطايوق]
5.00/5 (3 صوت)

03-11-2014 09:38 PM
أها خموا وصروا بعد كده مصطفى عثمان اسماعيل مخ الجدادة علا يجيب ليكم مستثمرين من بنغلادشَّ "بالفتحة لأنها ممنوعة من الصرف"


#939256 [ود الدكيم]
5.00/5 (6 صوت)

03-11-2014 09:20 PM
إن الله يمهل ولا يهمل إنها لعنات الأطفال المروَّعين في كهوف جبال النوبة ودعوات الأرامل في دارفور والثكالى في كجبار وأرواح الشباب القتلى في بحر العيلفون والجوعى في كل مدن السودان وقراه وقنوت الشيوخ الساجدين.

إن الأردن قطر صغير لا تتعدى مساحته مشروع الجزيرة ولكنه دولة مؤسسات ولا يتخذ فيه القرار اعتباطاً وكل شيء بعد دراسة وتمحيص وحساب.كل شيء خاضع للدراسة الدولية والإقليمية وما تقتضيه مصلحة الأردن فمثلاً لن يسمحوا بزيارة عمر البشير ليغضبوا السعودية أو دول الخليج.

لاحظوا صناع القرار لدينا هنا على مر ال 25 عاما العجاف وصناع السياسة الآن:بكوري ،اللمبي،غردون،مصطفي اسماعين مخ الجدادة، عبدالعاطي الواطي، هاج ماجد سوار ، كرتي بتاع المغلق،وهكذا "دوالبك".

المسألة ما مسألة دلوكة وعرضة ونقزي ورقيص يا جهلاء الجهالة الجهلاء والغي الموفي بأهله الى النار.


#939252 [نص صديري]
5.00/5 (2 صوت)

03-11-2014 09:19 PM
قلتوا احسن تزوغوا من الموضوع وتنفوا انكم مصدر الخبر في اول الامر؟
يوم حاتجيكم ضربة قوية اصلو سمعتكم بقت زي خريات واسم النطاق بتاعكم ثمنوا خطاب محامي رسمي لي قو دادي!!

اتعظوا وبطلو لعب الشفع ضيعتوا سمعة الاعلام السوداني وشوية سمعة المعرضة الاتلطخت بيكم


#939246 [جاكومه]
5.00/5 (2 صوت)

03-11-2014 09:11 PM
عشان الخبر يكون واضح ما تقولو ( اليوم السعودية)قولو جريدة او صحيفة اليوم السعودية !!


#939148 [Zuhal]
5.00/5 (1 صوت)

03-11-2014 06:56 PM
كتمت كتمت, ترقبوا تصرف مماثل من ابو النسب ادريس دبي


#939082 [yousif]
0.00/5 (0 صوت)

03-11-2014 05:36 PM
بدل الذهاب للاردن للمعالجة والاهانة ، نحن مستعدون إستقباله فى سلارا عاصمة الجبال الغربية الدلنج المنطقة التى تم تدمير مدارسها أكثر من 70 مدرسة إبتدائية وتشريد حوالى 15000ألف تلميذ أقول صادقاً مستعدون لمعالجته حيث يتواجد هنا أكثر من 310 دكتور ذوى تخصصات عالية فى كل المجالات الطبية جاء أغلبهم من أوروبا وإمريكا .....


#939079 [ياسر نورى]
5.00/5 (2 صوت)

03-11-2014 05:33 PM
الاردنين عارفينو اهبل وحا يقوم يركب طيارة اجرة وفجاة يظهر ليهم فى الاجواء الاردنية ويدخلهم فى احراج.احسن ليهم يتكافو شرو دا اصبح مشبوة


#939075 [AburishA]
4.94/5 (5 صوت)

03-11-2014 05:31 PM
بدل التعب ده كلو.. وكت الناس أبونا... وأبوا باسبتالياتهم
*** عندنا اتنين من ارقي المستشفيات في السودان ممكن يتعالج فيها الرئيس**


نمرة واحد...مستشفى التجاني الماحي...
نمرة اتنين.. مستشفي بعشر

اذا ده كلوا ما نفع ممكن يدقّوا ليهو ( زار )..


ردود على AburishA
[AL KIRAN] 03-11-2014 07:18 PM
And .. don't forget; birth and women department. that's his place inside the "Clinic" to stop talking or dancing like a woman


#939044 [سودانى ساكت]
5.00/5 (1 صوت)

03-11-2014 04:46 PM
هو عمكم دا ماله وعنده شنو؟ما شايفه باكل كوييييييييييييييييييس..


#939034 [AL KIRAN]
0.00/5 (0 صوت)

03-11-2014 04:29 PM
Ok .. my dear president !? where can we do now .. can you just wait for me to stack it in my stick before are you dying ,, to the hell forever dump president. nobody will cry for you even your wives ,, and mom,, amen


#939024 [dax]
5.00/5 (1 صوت)

03-11-2014 04:15 PM
هذا طرد وليس اعتذار


#939013 [منشى]
5.00/5 (1 صوت)

03-11-2014 04:05 PM
الزول دا خلاص مدتو انتهت و غير صالح للاستهلاك الرئاسى expired product


#939004 [تينا]
4.00/5 (1 صوت)

03-11-2014 03:59 PM
مبالغة ...وصلنا مرحلة متأخرة من الذل والهوان ... لا نحن انتهينا خلاص ... الله المستعان ...


#938971 [معاذ ود العمدة كجرت]
1.60/5 (6 صوت)

03-11-2014 03:30 PM
السودان ارض المليون ميل سلة غذا العالم منبع الحضارة بلد الكرم والجود ارض السخاء والعطاء الغير محدودعلى مر التاريخ طبعا قبل الانقاذ الان يستجدي ويستعطف رئيسها الاردن لماذ؟؟؟؟؟؟؟؟؟؟
ليسمح له بالزيارة لماذا ؟؟؟؟؟؟؟؟؟؟؟؟؟؟ لتلقي العلاج
والله قمة المهزلة والاهانه لهذا الشعب العظيم نعم عظيم واعني ما اقول
ماهي تلك الدولة التي تعرف جغرافيا بالاردن؟؟؟؟؟؟؟؟؟ وكم تبلغ مساحتها ؟؟؟؟؟؟؟؟؟؟؟؟؟؟؟
مقارتا مع القطر الشاسع الواسع المتحضر منذ فجر التاريخ الاول الســــــــــ ودان
على الشعب السوداني ان يتحرك ليرد اعتباره لنفسه


ردود على معاذ ود العمدة كجرت
United States [عدو الكيزان النازي] 03-11-2014 05:09 PM
رد الاعتبار اخي الفاضل ... بتغيير نظام الجبهة المتأسلمة الاستبدادي

هو من ضيع قيمة السودان والسودانيين

وما قيمة السودان والسودانيين لدى الامم الاخرى مادام حاكمنا اشتر واخرق التصرفات

تصرف المملكة الاردنية الهاشمية تصرف طبيعي ونبيل جداً ... انهم لا يسمحون لمن دمر شعبه وبلاده واستباح ارض المليون ميل 24 سنة بان تطأ اقدامه النجسة اراضيهم


#938937 [عدو الكيزان النازي]
4.99/5 (12 صوت)

03-11-2014 02:51 PM
ماشي تتعالج بره ... ؟؟؟

اخير ليك تموت موت طبيعي بدل تموت بعود القزافي

الكتاحة جاياك ... شيل شيلتك وابقى مارق ... تمرق روحك من جسدك المكلوج ده

ملعون ومنبوز ... رئيس عره


#938936 [مقداد الشيخ]
4.94/5 (9 صوت)

03-11-2014 02:50 PM
ايامك يا بشه تاني الا تسافر تشاد وارتريا اتقفلت عليك تتقفل في سجن لاهاي انشاءالله


#938932 [heema]
5.00/5 (5 صوت)

03-11-2014 02:46 PM
اصبح هذا الطاقيه مثل الكلب الاجرب يفر منه كل حوله من رؤساء الدول المحترمه .... انا اثني على كل المعلقين وماف واحد مدافع لهذا الاجرب ..... بس نحن ياخواني والله العظيم فترنا من الغربه وفترنا من المساسقه بين البلدات .. وروحنا اتشحتفت .... والله العظيم بقيت بحلم باليوم النرجع فيه لماقبل 89 .... وبقيت اتمني من الله نرجع اولاد مزارعيه ورواعيه .. تاني من الاول ... لانت .. ولا بترول .. ولا حضارة .. ولا تنميه مستدامه ... خلونا في زراعتنا ... ورعينا .. بس .. والله العظيم خلاص الوسيعة ضاقت بينا .. والغربه الكدروميه ضجت بينا ... بعد ماقامت الثورة الاخيرة وقلنا خلاص كمل الشيل ... جو اولاد الكلب ..قمعوها ... ومن الابرول ابت تطلع .. وحتي من الشباب ابت تطلع .... ان شاء المرة دي تجيهم من بره .. طاويه حبالا وشايله عيالا .. لاتبقي ولا تزر منهم احدا ..... وتشتت جمعهم الفضل بددا ... شاحدك ياكريم ... لا تحصل خراب ولا نرجي يوم وديرا ....


#938930 [المهندس سلمان إسماعيل بخيت على]
4.97/5 (8 صوت)

03-11-2014 02:45 PM
هل علم الرئيس البشير بوفاة اللواء معاش طيار صديق عبد الحفيظ
وهل علم بأن صديق عبد الحفيظ كان آخر ضحايا مستشفيات الإنقاذ
تخيلوا زول حاكم بلد ربع قرن مايقدر يسوى مستشفى واحد يتعالج فيه هو وكمان يتحدث عن النهضة الصحية والتعليمية والجامعات التى فجرتها الإنقاذ
طيب أكان كدى لا داعى للسفر وإتعالج فى مستشفياتك التى لاتميز بين الحمى المالطية والسرطان لحد مافقدنا أفضل وأشرف وأنبل سودانى عرفه كل تاريخ السودان القديم والحديث - أتريدون معرفته - قد لايعرفه كثيرون منكم ولكن لابد أن تحكوا عنه كثيرا من هذا اليوم وصاعد - أنه اللواء شرطة معاش طيار صديق عبد الحفيظ - قتلته مستشفيات السودان حيث أمضى عدة شهور يعالج بشبهة الحمى المالطية وحين وصل لقطر كانت الأورام قد إنتشرت فى كل جسده حتى وصلت للكلي وعطلتها - شهداء مستشفيات مأمون حميدة آخرهم كان طيار مميز من أبناء الخرطوم ولا أدرى لأى قبيلة كان ينتمى ( الجموعية أم الدوباسين ) المهم هو سودانى من الطراز الأول متصوف حمامة مسجد - أنا أعرف أعداد تقدر بالملايين من أهل السودان ولكن لا أعرف سودانى واحد فى قامة وأخلاق وأدب وسماحة وتدين وتواضع صديق عبد الحفيظ - هو طيار مميز ولكن يجلس فى أى مجلس تجده يعاشر العامة والدهماء من بنى وطنه ويخاطبهم بلغة يفهمونها - كنت متوقع أن أقرأ أو أطلع على نعيه على جميع الصحف والقنوات الفضائية
لا أحد يجزم أو يقر بأن فلان من أهل الجنة ولكن أشهد بأن صديق عبد الحفيظ بإذن الله من أهلها ، فكانت أرملته الأستاذة بخيته الفراش تداعبه وتقول له ياصديق أن جريك للمساجد دا أنا عارفاه لى شنو ، فقال لها لى شنو ؟ قالت له : عشان الحور العين
طيب مالو - يعنى يا صديق حتتزوج على من الحور العين
قال لها بأدبه وتواضعه الجم ( لا )
يا صديق عبد الحفيظ نحن الذين نعرفك نشهد أنك كنت بيننا الأفضل على الإطلاق ونسأل الله أن يتقبلك ويجعل الفردوس مثواك وإنا لله وإنا إليه لراجعون


ردود على المهندس سلمان إسماعيل بخيت على
[المهندس سلمان إسماعيل بخيت على] 03-11-2014 06:42 PM
والله يا أخى ( سيد الإسم ) خلال 66 عام هى كل عمرى الحقيقى تعرفت على الملايين من البشر داخل وخارج السودان لم أتعرف على شخص يشكل نسبة 10% من خصال هذا الرجل ونسأل الله أن تكون شهادتنا هذه فى حق أخينا لواء شرطة معاش طيار صديق عبد الحفيظ شهادة صدق وحق وجواز سفر يعبر به السراط المستقيم مستقرا فى أعلى الجنان بإذن الله
عليه الرحمة فقد لايعوض إلا أن قول الرسول ص ( الخير فى وفى أمتى الى يوم القيامة ) يطمئننا وقد يكون فى هذه الدنيا الفانية أكثر من صديق لم يقدر لى أن ألتقيه

European Union [سيد الاسم] 03-11-2014 04:18 PM
رحمه الله وأسكنه اعالي الجنان. كأننى وانا اقرأ كلامك عنه أعرفه. انه رمز لسوداننا الذى دمره البشير ورهطه. انه رمز لانسان السودان العظيم الذى يصمد فى وجه المحن ويصبر على عاديات الزمن. مرفوع الرأس، مترفعا عن الصغائر والمحن. كانه يتمثل قول الشاعر: وهامتي بالموت محنية لأنني لم احنها حية.
رحمه الله ، وأعان اهلنا الطيبين فى مقاومة طاغوت العصر وهزيمته واستعادة كرامة هذا البلد الطيب وأهله.


#938905 [نيل]
5.00/5 (1 صوت)

03-11-2014 02:25 PM
اللهم لا شماتة ولكن عندما تسمع صوت الحق الملك العدل يتردد صداها بين الجبال والاودية لايسعك الا الفرح والامتنان فالشكر والحمد لك لاشريك لك يا الله يارب اللهم لاتخرجهم من هذه الدنيا الا وهم ازلاء ضعفاء فقراء فقد طلبو العزة في غيرك وطلبو الغنا في المال والجاه في السلطة اللهم انهم قد ازلو العباد وافسدو البلاد الهم لاتجعلنا من اهل القرية وخذهم عنا بلطفك ورحمتك فانت بنا عليم فاشملنا برحمتك يارحمن ياحليم ..... امين


#938899 [jakoma]
4.88/5 (6 صوت)

03-11-2014 02:20 PM
لقد اذل الناس فاذله الخالق فاصبح كلبا اجربا تتجنبه حتي الكلاب،،،هيع،هوع،هاع،كع تليها ضرطة جهادية


#938884 [راجع للوطن]
5.00/5 (2 صوت)

03-11-2014 02:09 PM
عشبة بن على اليمنى...من أكبر الانجازات الصحية لحكومة الشعو


ردود على راجع للوطن
United States [المهندس سلمان إسماعيل بخيت على] 03-11-2014 06:36 PM
كدى يا ( راجع للوطن ) إنمهل شوية ما تستعجل الرجعة
تانى هام الجماعة لمان كانت دولارات بترول الجنوب والمال المجنب بالمليارات جارى فى إيديهم كانوا بيأكاوا المحمر من صدور وأفخاذ الفراخ المعطون فى عسل النحل الحضرمى حتى صارت وجبه خاصة بهم ويتفاخرون بها ولمان سألنا قالوا بترم عضم الراجل العندو من الزوجات مثنى وثلاث ورباع لكن جماعة التوحيد زينا نحن ناس رب واحد ودين واحد ورسول واحد وزوجة واحدة وبيت واحد وسيارة واحدة وجلابية واحدة لا نحتاج لرمة عضم وبكسرة ومفروكة بلا سلطة بنمشى حالنا
اليوم الجماعة حالها يغنى عن سؤالها وربنا جاب ليها عشبة بن على اليمنى وأنصحكم ماتكتروا منها بتعمل فشل كلوى - كل الأدوية البلدية بتناول الأعشاب البرية تعالج مشكلة وبها مكونات أخرى تخلق مشكلات جديدة بما فى ذلك الحرجل والحمريب والسنمكة


#938871 [المشتهى السخينه]
4.00/5 (3 صوت)

03-11-2014 01:58 PM
بكره الرئيس لو مات بسبب السرطان ..حيطلع الشعب السودانى كله يولول ويكب التراب فى راسو .ولن استغرب لو رأيت ضمن المشيعين اخوان الشهيد مجدى محجوب واهل الشهيد دكتور على فضل واهل شهداء هبة سبتمبر واهل شهداء كجبار وبورتسودان .. شعب عاطفى .


#938849 [Mohammed]
4.75/5 (5 صوت)

03-11-2014 01:38 PM
نهر النيل
عاشق السودان
***************


يا أخواني واخواتي النقة الكتيرة مابتنغع نظموا صفوفكم فالوقت قد حان لكنس الكيزان.
استعينوا بالله واطردوا الخوف وتناولوا التمر مع الماء اثناء ثورتكم الظافرة بعون الله ..
الحقوا بهم الهزيمة النكراء وألحقوهم جميعاً بعدالة القصاص.
الثورة إندلعت ولاتراجع حتى النصر.


#938846 [alakrory]
5.00/5 (1 صوت)

03-11-2014 01:36 PM
الى متى هذا الذل والهوان ايها السودانيين ...هولاء الذين يحكمون السودان اليوم ويحتلون المناصب المصيرية فى السودان معظمهم اتوا من القرى وكانوا يتبرزون ويتبولون فى العراء ولا يرون غير برازهم وبولهم ..قلوبهم الملئية بالحقد والكراهية لكل شئ جميل لما شاهدوه عندما اتى معظمهم الى المدن وشاهدوا كيف يعيش اهل المدن ...كيف لانسان نشأ وترعرع على مشاهدة برازه وبوله ان يكون رؤوفا على رعيته..قارنوا مدننا وعواصمنا قبل ان ياتى هولاء الى سدة الحكم ..لقد كانت جميلة ونظيفة وكان العرب فى دول الخليج يوظفون السودانيين فى المحليات لتطبيق ما فعلوه فى مدن السودان ..اليوم العاصمة وكل مدن السودان عبارة عن كوش وزبالة مثل الذين يحكمون السودان


ردود على alakrory
[mohamed bandi] 03-11-2014 08:50 PM
والله انت زول مسكييييين ومريض, الله يشفيك, اهو دا حالنا بسبب الهبل الزييك ديل,

European Union [ود الدكيم] 03-11-2014 07:46 PM
زول اصيل و سرالختم الامين

لا تلتفتوا لهذا المدعو كاروري فما هو إلا جدادة إليكترونية قصدها الفتنة.

European Union [ابو حليمة] 03-11-2014 06:10 PM
يالسمووك كاروري وانت جاي من وين ؟ اظنك تكون جاي من كوكب اخر , قبل بضع اعوام في بريطانيا العطمي الناس ما كانو يستخدمو التواليت ,السودان كلو عبارة عن قرية كبيرة, ويكون في علمك الافندية استخدمو الجرادل في التبرز ويوجد الي يومنا هذا في بعض المدن السودانية ,

European Union [زول اصيل] 03-11-2014 03:20 PM
وانت من اين اتيت اسال ابوك اين اصلك على الاقل اهل القرى عندهم مرؤة وكرم ودفاع عن المحارم وفيهم ابومروة انتم اهل المدن من فيكم كل واحد قافل بيتو على نفسه اخوه لا يعرفه وجاره لا يعرفه فيهم قسوة القلب والبخل والجبن عند اللقاء امش القرى وشوف الكرم والشهامة يا ضائع

United States [سرالختم الامين] 03-11-2014 02:38 PM
والله ياكاروري اسلوبك تعبان جداً واضح أنك عندك عقده من ناس القري.والله ناس القري البتتكلم عنهم ديل ماسالين فيك واحلي ناس في التعامل لو قلت فراسه ولو قلت كرم ولو قلت تضحيه.. بعدين قصه التبول دي انا ود قري وفي نفس الوقت ود مدن ماسمعته بيها الا عندك ... الله يهديك


#938845 [ود الريف الحرف]
5.00/5 (2 صوت)

03-11-2014 01:35 PM
قبل يومين كنت أستمع لحوار يدور بين معارضين للنظام الجزائرى وآخر مؤيد ينتمى لما يعرف بحزب جبهة التحرير، (الحزب الحاكم )...وأثناء الحوار قال أحد المعارضين ..هذا الرئيس تسنم سنام السطة منذ أكثر من خمس عشرة سنة ، ولا يجد ما يتعالج به داخل وطنه فيهرول نحو فرنسا .... تذكرت هذا الموقف وأنا أقرأ العنوان أعلاه ....رئيس البلد المنكوب حكم ما يقارب الخمس وعشرين سنة ولا يجد ما يتعالج به داخل بلده ... يا ليت الأمر توقف عند العلاج لغالبية الشعب المعطوب ، بل حتى جرع الدواء المر تلاشت من على رفوف الصيدليات ..وإذا وجد فلن تستطيع الغلبة الغالبة من الكادحين الدفع بالجنيه المتردى إقتصادياً والمترنح قيمة أمام عملات الدول الشامخة ....
بعد ربع قرن من الزمان ،النظام البائس يتحسس المخارج عن طريق سلالم اللئام . فيما مضى كان البعض يعطونه من الفتات كى يقتات ... الان حتى ما ياقذف به فى حاويات النفايات من فضلات اللئام . يتعذر الحصول عليه ....
نحن// نحن // حنفوق العالم أجمع
نحن // نحن // أمريكان ليكم تسلحنا
نحن // نحن // الآن تشلعنا
نحن// نحن// أمريكان ليكم تسولنا وبيكم توسلنا
نظام منافق من أعلى رأسه حتى أظافر قدميه
ماهو المخرج من هذا المأزق الحالى .؟؟؟....
دول الخليج ما عدا قطر ... تشد التروس وتربط الحبل على رأس النظام المدعوس


ردود على ود الريف الحرف
European Union [زول اصيل] 03-11-2014 03:22 PM
رد ايه كان يرد على الجبهة الثورية وموسى هلال ودينكا نقوك


#938810 [radona]
1.50/5 (4 صوت)

03-11-2014 01:10 PM
هذه اهانة بالغة من الحكومة الاردنية في حق الشعب السوداني
وكان يجب تحري الدقة لان الاخوان المسلمين بالسودان غير الاخوان المسلمين المصريين المعنيين برعاية الارهاب
اخواننا المسلمين في السودان لا ينتهجون منهج اخوان مصر
والله هذه اهانة لرمز السيادة السودانية واسد افريقيا وحاميها وبذلك ستتم مقاطعة الاردن ولن يسمح للمرضى السودانيين الذهاب للاردن للعلاج
وعلى اهلها جنت براقش والسودان يحتفظ بحق الرد في الوقت والمكان والمناسب


ردود على radona
[الصوت] 03-11-2014 08:28 PM
يا شباب الاخ رادونا يمزح ويتهكم على ما يبدو ..فرفقاً ....

[ودالباشا] 03-11-2014 08:01 PM
حلوة اسد افريقيا وحاميها

كدى خليوه اول يحمى بلده الحمى اظاهر طالعه ليك فى راسك

[بادي] 03-11-2014 07:50 PM
كآآآآآآآآآآآآآآآآآآآآآآآآآآآآآآآآآآآآك كآآآآآآآآآآآآآآآآآآآآآآآآآآآآآآآآآآآآك

[TIGER] 03-11-2014 05:16 PM
سجم أمك عايزهم يقرضو كلهم وما يمشو الاردن

[مراقب] 03-11-2014 04:21 PM
اسد عليك يا لبوة

European Union [baker] 03-11-2014 03:38 PM
ها ها ها
والبقتل في الناس في دارفور ده منو ؟؟؟؟؟
وبعدين اسدك ده خلي يرجع لينا حلايب وشلاتين اول

[بلاك بلوك فرع السودان] 03-11-2014 02:35 PM
طبعا عايز كنت اسب ليك واتلفظ عليك بس لقيتك ما بتستاهل الواحد يعمل ليهو ذنب بي سببك .. بس للاحتياطي كده .. قوم لف

European Union [احمد] 03-11-2014 02:15 PM
والله ضحكني تعليقك , اسد شنو و حق رد شنو , انت و امثالك هم البرجعو البلد دي لما قبل العصور الوسطي .

European Union [مفجوع] 03-11-2014 02:07 PM
أن كان رمز فهو لك وحدك فأكيد أنت تستقي من ضرع السلطة ..
أما أسد إفريقيا فكذبت فهو هر إفريقيا وحمار السودان ..
أذاق الكل الجوع والفقر والهوان ودمر الصناعة والزراعة والتجارة وسرق ونهب وقتل وعذب هو وجماعته كل موارد البلد ..
بالفعل أنت الصادق فماهو وزمرته بمسلمين فالمسلم لايسرق ولايكذب ولاينم ..
ماهي إهانة للسودان وأهله بل هي إهانة للكيزان ياكوز ..
نسأل العلي القدير أن يرينا فيهم اليوم الذي يجلسون فيه في قفص الإتهام ...


#938804 [خليك رايق]
5.00/5 (3 صوت)

03-11-2014 01:05 PM
يشلح في المستشفيات الوطنية وهو يذهب إلي العلاج خارج السودان نسأل الله أن يذلك أكثر من ذلك.


#938790 [بتول الحلوة]
5.00/5 (3 صوت)

03-11-2014 12:56 PM
كُر على ,لا لا لا دى عايزة ليها كراااااات مش كر واحدة
تانى والله الا تمشى الكريمت تشوف الكى
بعدين الكى لعلاج السرطان لازم يكون فى بكان الخلايا السرطانية يعنى بالعربى الا تِتّشّى فى جُرْقُومَتك, وممكن كمان تاخد تشة فى ركابينك ممكن ينعدلو شوية
هاك اللعلعة دى.هاك التِّفِدّع دا.
اقلك حاجة امشى جوبا اعمل KNEE REPLACEMENTو TRACHEAL REPLACEMENT وانصحك بركبة او جربوكسى كلب لانو يوم الجرى والفزيز قرب


ردود على بتول الحلوة
European Union [ابوريدة] 03-12-2014 09:04 AM
إنتي الظاهر عليك تربية حبوبات وقديمة زي الكومر .

European Union [ود الدكيم] 03-11-2014 09:31 PM
مافي BRAIN REPLACEMENT يا بتول؟؟؟

United States [fato] 03-11-2014 06:52 PM
ضحكتينى.ده لاكى بينفع فيه ولا يحزنون.ده بتمرمط بسرطانه ده لحدى ويتعذب بيه ﻷنه ربنا سبحانه وتعالى سوف يذله ويعذبه بمرضه هذا وهوحى حتى يأخذ روحه عشان يشوف عذابه لشعبه.كلهم الكيزان اﻷنتقام الألهى سوف يطالهم فى الدنيا فبل الآخرة.

[tarigalboshra] 03-11-2014 01:37 PM
هههههههههههههههه ليه يابتول


#938776 [بدر نورالدائم]
0.00/5 (0 صوت)

03-11-2014 12:47 PM
لاحوله ولاقوه الابالله اين الاحساس صرنا مهزله وحديث الساعه اتمنى من الاخ البشير ان يدرك الموقف قبل اندلاع الشراره وان يحفظ لسانه من التصريحات والاساءه ان يلتفت الى الدبلوماسيه وتعين وزير خارجيه يقدر على تصحيح العلاقات الخارجيه وخاصه مع الجيران وبعدين يبعد من ناس حماس وحزب الله ديل اسباب المشاكل ويعالم بكره اش بصير كل اسبوع البشير فى الحبشه والاسبوع الاخر فى ارترياء واخرى تشاد اورباء مافى دول الخليج مافى


#938744 [shah]
5.00/5 (1 صوت)

03-11-2014 12:30 PM
يعنى شنوكان منعوهو يتعالج فى الأردن ولا غيرها؟ بلة الغايب يعالجو تمام التمام.


#938743 [سيمو]
5.00/5 (2 صوت)

03-11-2014 12:30 PM
ما أحسن ليهو يمشى مستشفى الزيتونة لصاحبها الجبهجى مأمون حميدة عشان يشلحوه أسبوعين تلاتة يسلم بعدها الروح،، وبالعدم هناك مستشفيات أخرى مثل ساهرون وعابدون وتائبون فى داعى للسفر،،

والله عجبتونى يا الأردنيين،، رئيسنا صار كالجرب يفر كل الناس منه،، والغريق لقدام،، مستشفى لاهاى ولو طال الإنتظار،،


#938737 [ابومحمد]
5.00/5 (1 صوت)

03-11-2014 12:28 PM
استقيلوا يرحمكم الله
الان ... الان
والا فلن يعصمك من الطوفان جبل
انج بنفسك
اني لك ناصح امين


#938689 [العريان]
5.00/5 (1 صوت)

03-11-2014 11:55 AM
بسيطة خليهو امشى تشاد اصلو العلاقات سمن على عسل


#938663 [البطحاني عمر]
5.00/5 (2 صوت)

03-11-2014 11:43 AM
اقبل وين واسوي شنوو


ضاقت الارض بمارحبت...يمهل ولايهمل


#938644 [عاشق السودان]
5.00/5 (1 صوت)

03-11-2014 11:35 AM
فضحونا الكيزان في كل مكان


#938638 [معاويــــــــــــــــــــــــــــــــــة]
5.00/5 (1 صوت)

03-11-2014 11:30 AM
ربنا ينتقم منك ان شاء الله زى ما عذبت الشعب السودانى ياحقير يا مهزلة الامم تفو عليك حقير منحط ما عندك كرامه


#938634 [سوداني غلبان]
5.00/5 (1 صوت)

03-11-2014 11:28 AM
حسبي الله فيك ياسفاح الابرياء ان شاءالله تمشية جنازة


#938621 [وطني وأحب بلدي]
0.00/5 (0 صوت)

03-11-2014 11:19 AM
دب


#938614 [دكوة]
5.00/5 (2 صوت)

03-11-2014 11:17 AM
رمز السياده بقى رمز الاهانه للسودانيين ...


#938605 [وطني وأحب بلدي]
5.00/5 (1 صوت)

03-11-2014 11:15 AM
يا كلب الكلاب مصير دولة السودان العظمى في يدين30 شخص يحدودو مصير السودان وإنفصال الدولة تقدر ي بشير ي واطي البرطوش والبرطوش أحسن منك ي كلب تقدر ترجع بن عمي القتلتو في الجنوب بضلالة الدين والجهاد والدين بريئ منك ي كلب ي راجل ي كذاب ي كذاب ي كذاب ي جبان ي وسخ الطبع انت قايل نفسك راجل لمن تدكتر ي طاغية في شعبك يعني خايفين منك ي رقاصة لا والله الناس إتكتفت لظروف الحياة وأشان عيالا يعيشو حياة كريمة وفي سلام انت ي كذاب ي وسخ السودان دا حق أبوك ولا وارث فيهو ربنا ينتقم منك بقدرة جبار أحد في السويتو فينا وفي شعبنا وفي بلدنا وفي هيبتنا بعد ان كنا مرجع العالم بهيبتنا وجامعة الخرطوم ثالث أقوى جامعة في العالم بعد هارفد وإكسفورد


#938586 [الرشيم الاخضر]
5.00/5 (4 صوت)

03-11-2014 11:06 AM
سبحان الله المواطن السوداني رغم ضنك العيش لكنه يمتلك امتيازات حرية التنقل بين الدول بجوازه الاخضر المتسخ بالغبار والعرق والريس بجوازه الدبلوماسي الانيق واسطوله الجوي الخاص مقيد الحركه ومحروم من السفر ،،،،


#938584 [ممغوص من الكيزان]
5.00/5 (1 صوت)

03-11-2014 11:05 AM
الحلقه تضيق وستضيق كل يوم علي الكيزان وبشكيرهم المهترئ .... اللهم عذبه بكل ما أقترفته أياديه الأثمه في حق الشعب المسكين هو وعصبته الكيزانيه الحقيره


#938580 [ود الريف]
5.00/5 (1 صوت)

03-11-2014 11:03 AM
انصحك تشوف ليك عطرون زغاوة تغرغر بيهو حلقك ؟ الله يستر من الزهايمر المبكر؟


#938569 [أبو أهل الكيزان]
5.00/5 (2 صوت)

03-11-2014 10:54 AM
أخيرا إرتدت كلمات السفاح إليه في نحره, أو قل إرتدت إلى حلقومه, هاهم الأعراب واحدا تلو الآخر يقولونها له صراحة: يا سفاح السودان المتأسلم إنت تحت جزمتنا.. أرجا الراجيك يا سفاح السودان و الجميع يحضر في أعواد أكبر من عود القذافي


#938563 [الليل]
5.00/5 (2 صوت)

03-11-2014 10:51 AM
ماقلتو الصحة تمام
خلاص طرتو الكفاءات وبقيتو تلحقوهم
مالو فضيلي عيبو؟
مالو الزيتونه عيبو؟
ما اكثر المستشفيات الخاصة عندنا عيبها لي؟
ولا الحكاية تانية؟


#938549 [أســامة الكردي]
5.00/5 (3 صوت)

03-11-2014 10:43 AM
ما قلنا ليك مصيرك في الأنفاق يا شذاذ الآفاق .
عذبت وشردت وقتلت أبنـاء الوطن الشرفاء الأحرار ودمرت المراكز الصحية وعايز تتعالج إنت بالخارج بأموالهم يا سفاح يا هارب .
أعوذ بالله منكم .


#938534 [habbani]
4.63/5 (4 صوت)

03-11-2014 10:27 AM
يا تقالة دمك ياخى .. لا عامل لى نفسك قيمة ولا لى وطنك قيمة ولا لى شعبك قيمة ..الرفض إساءة ليس لك وحدك رغم إنك السبب الرئيسى .. ياخى الإسلام العامل فيها إنت حامى حماه وعامل نفسك أمير مؤمنين مستنسخ يدعوك أن تكون لك كرامة ولشعبك ولبلدك ولدينك ..
دا كله كوم وأن ترسل خادمات سودانيات ليعملن فى منازل الخليجيين كوم .. وتقول جعلى ؟
مما قمنا لقينا أنحنا السودانيين بغنو لينا يا مقنع الكاشفات !!!! إنت كشفت المقنعات الله إنتقم منك بحقهن أولا وحقنا ثانيا ..


#938521 [سودان جديد]
4.63/5 (6 صوت)

03-11-2014 10:19 AM
ما قلتوا عملتو تنمية وطورتوا البلد طيب ما تتعالج في بلدك الطورتها دي . البسمعكم تتكلموا عن التنمية وتطويركم للبد يقول ناس الاردن والسعودية هم اليحضروا للسودان بغرض الاعلاج وليس العكس


#938503 [جركان فاضى]
5.00/5 (1 صوت)

03-11-2014 10:10 AM
حظكم يا ناس العلاج بالاعشاب...مافيش دواء غير اعشابكم...من الرئيس للغفير الكل مابقى ليهو غير اعشابكم...المؤتمر الوطنى كلى سوف يتحول للاعشاب...اطلعوا من الاحياء الشعبية وتعالوا كافورى والرياض والطائف...اصبح لكم زبائن كتار فى هذه الاحياء...والرئيس فى اشد الحاجة ليكم بعد ما منعوه من زيارة الاردن


#938490 [ابو شهاب]
1.88/5 (4 صوت)

03-11-2014 10:05 AM
لقد اخطاتم فى نقل الخبر ليه لان الاردن ليست دوله ذات سياده فمظم اهلها والذين يحملون الجنسيه الاردنيه فانهم فلسطنيين صرف قامت اسرائيل لقيامها حتى تتقوى شرور الفلسطنين وتم تهجيرهم الى سميت الاردن وبعدين الملك حسين معروف بانه عميل اسرائيلى وكونهم يمنعوا الرئيس البشير فلا حرج فى ذلك لانهم ليسوا هم اصحاب القرار فان القرار امريكى صهيونى وهو منو المشى يتعالج فى الاردن الا رجع فى تابوت غير الفنانه القديره متعها الله بالصحه والعافيه فايزه عمسيب

وكويس انهم رفضوا مع اننى على يقيين ماتعودنا عليه من بعض الخونه بان هذا ليس حقيقه ولكن اخذنا الخبر حسب ماورد

واقولها لكم صراحه ان الطب والاطباء فى السودان لايعلوا عليهم احد بس الناس المغلباهم قروشهم هم الذين يبحثون عن العلاج فى الخارج

فاين ماكنتم فانكم ميتون ولو كنتم فى بروج مشيده


ردود على ابو شهاب
European Union [خال مزن] 03-12-2014 01:49 AM
حكومتك ياسيد من اكبر العملاء في المنطقه للامريكان ان كنت تدري فتلك مصيبه وان كنت لاتدري فالمصيبه اعظم من المعروف الاخوان ومن شايعهم كلهم عملاء للامريكان

European Union [بادي] 03-11-2014 07:58 PM
لا بتعَالرف عربي لا قرآن ؟؟؟ أرزقي طبّال

كآآآآآآآآآآآآآآآآآآآآآآآآآآآآآآآآآآآآك كآآآآآآآآآآآآآآآآآآآآآآآآآآآآآآآآآآآآك

[مفجوع] 03-11-2014 02:26 PM
إايتو بشيرك بعد دا إلا يقع الدواء البلدي وأماني زي البشكير دا مابيتعذب في الدنيا قبل الآخرة فماهو بقاتل روح واحد بل آلآف نسأل الله أن يصيبه بمرض عضال يموت فيه كل لحظة ويمد في أيامو عشان يتعذب أكثر وأكثر ...
اللهم ياناصر الضعفاء عليك بالكيزان فقد أذاقونا العذاب اللهم شتت شملهم وأنشر البغضاء بينهم

European Union [ود النيل] 03-11-2014 12:57 PM
من شدة إضطرابك يا ابا شهاب ،، تخلط الحابل بالنابل والطين بالخرا

تقول يا شهاب ان الاردن ليست دوله ذات سياده فمظم اهلها فلسطنيين وأن الملك حسين معروف بانه عميل اسرائيلى ( بمعنى أنهم فلسطينيين فى أغلبهم ويحكمهم عميل إسرائيلى ) وتقول ان منع الرئيس هو قرار امريكى صهيونى ،،، طيب نفس الأمريكان هم الذين يحمون الرئيس ويرفضون الإنقلاب عليه ،،، نفس الأمريكان هم الذين يشرفون على إنتخابتكم المخجوجة ، نفس الامريكان أنتم عملاء لهم فى جبهة مكافحة الإرهاب الدولى وإمتدحوا تعاونكم فيه ،، وقدمتم لهم ملفات الأخوان والقاعدة ،، أنتم أفضل عملاء للأمريكان ،،

European Union [ود البلد] 03-11-2014 12:35 PM
يا ابو شهاب القلتو كلو ماك مواخز فيهو بس اكتب و اقرا القران صح

European Union [العلماني] 03-11-2014 12:18 PM
كاااااااك ، يا عمي اتلهي رقاصك وعصابتوا اليومين ديل مزنوقين شوف ليك شغلة كلامك دا ما بيعجبهم ،امشي كسر ثلج في البارات .
كمان عايز تقبل على ناس الأردن الاشراف ؟ جاتك داهية تخمك يا جاهل .

European Union [عشم بعشوم] 03-11-2014 12:13 PM
البشير مجرم مطلوب دوليا وهارب من العدالة ولا يمكن لدولة مثل الاردن ان تتستر لمجرم هارب

[الدنقلاوي النوبي] 03-11-2014 11:58 AM
مع الاعتذار يا ابو شهاب، إلا ان كلامك كله صفر على الشمال.
الاردن دولة ذات سيادة بالمقاييس والمعايير الدولية رغم انف من يزعم غير هذا.
وان صح الخبر فإن البشير لم يفعله به ذلك إلا لأن رائحته أصبحته نتنة، نحن السودانيون مجبرون على تحملها ولكن غيرنا ما الذي يجبره على ذلك.

ومثل ماكان كلامك صفر على الشمال، فإن الطب في السودان صفر خارج الصفحة. ومن يبحث عن العلاج خارج الوطن هو رئيسك نفسه.

سؤال... هل عندما منعت السعودية مرور طائرة البشير فوق اجوائها قلت عنها انها دولة بغير سيادة؟؟؟

United States [ابوشهاب الفارة] 03-11-2014 11:58 AM
حرقك وين يافارة احى احى المنعوا منو ياناس المنعوا منو احى احى صلاح الضى
ان شاء شهاب التقد بطنك ياعرة

[القرفان] 03-11-2014 11:44 AM
دي شنو اللخبطة والحقلبة دي كلها يا ..
جوطة وكركبة شديدة ..مالك ودخلك شنو ومنو اللزاك تدلفع عن البمجرمين والفسدة ..
يا وهم انتبه بقيت برااااااك القاعد تدافع بعد ما كل الامنجية والنبيحة اتواروا وفتشوا ليهم جحور ..امشي فتش ليك حجر احسن ليك لان قيامتكم قربت ..
وبعدين ( بس الناس المغلباهم قروشهم هم الذين يبحثون عن العلاج فى الخارج)
قصدك انو الرقيص بتاعك قروش الحرام النهبها مغلباهو ؟؟

United States [سعيد لورد] 03-11-2014 10:57 AM
ورينا مين غير الكيزان بحقق الأهداف الإسرائلية.
تقسيم السودان وصمة عار في جبين الكيزان ( الجرذان )

[المتغرب الأبـدي] 03-11-2014 10:48 AM
تصحيح الآية ..
(أينما تكونوا يدرككم الموت ولو كنتم في بروج مشيدة)

United States [سعاد خيرى] 03-11-2014 10:33 AM
خلاص اليوم الاردن بقت يهوديه , ولايملكون قرارهم ,, عشان منعوا الرئيس ,, طيب لما المريض البيمشى الاردن بيرجع في تابوت ,, المودى زولك ده شنو ؟؟ ولا عايز يرجع في تابوت ؟؟؟؟ولما الطب في السودان لايعلى عليه ,, مالوا بزوزى من السعوديه للاردن ؟؟؟ ولا قروشه مغلباتنه ؟؟؟ يأخى إستحى على دمك وخلى شهاب يفتخر بأن أبوه راجل مش عره زيك !!!


#938473 [ريري]
5.00/5 (4 صوت)

03-11-2014 09:54 AM
انت شخص غير مرغوب فيه انت ما بتفهم انت قيادي فاشل..... انت ارهابي انت مجرم انا ما عارفة انت بتكابر على شنو انت فاشل فاشل خلاص سلم امرك انت انتهيت كمان ماشي تعمل فحوصات لا عليك الله السودان مالو اعمل فحوصاتك فى بلدك مش الامكانيات موجودة والا انت شايف شنو الله يبليك بالمرض زيادة كمان


ردود على ريري
United States [اميرة] 03-11-2014 10:40 AM
ريري ممكن تراسليني في الفيس بوك
[email protected]


#938464 [ابو عمر]
5.00/5 (7 صوت)

03-11-2014 09:50 AM
يا بشه كفاية مهازل انت رئيس رفضوا استقبالك وراعي غنم يكرموه في السعوديه لامانته
ياخ اتعلم من الرعاة


ردود على ابو عمر
United States [الاعزب] 03-11-2014 10:52 AM
صدقت ياابوعمر كفايه مهازل


#938462 [علي باحش الدكوك]
5.00/5 (2 صوت)

03-11-2014 09:49 AM
كل من شاهد أخبار الفضائيات السودانية يوم الأحد 09 مارس 2014، شاهد الحالة النفسية السيئة للمشير عمر البشير ، وكان لافتاً حالة الإعياء والشرود الذهني البادية على هيئة.

الرئيس البشير يمر بحالة نفسية قاسية جراء إستيلاء البحرية الأسرائلية على السفين "كلوس سي"، وعترته حالة من التشكيك في كل من حول من كبار الساسة والقادة العسكرية وضباط الأجهزة الأمنية. ولديه قناعة تامة، بأن المعلومات عن جدول رحلة هذه السفينة ومحتويات الشحنة العسكرية تم تسريبها من داخل الأجهزة العسكرية والأمنية التابعة للبشير نفسه.

وتأتي قرارات الإحالة لصالح لعدد من ضباط وقادة الجيش والشرطة، كردة فعل لحادثة السفينة "كلوس سي".


ردود على علي باحش الدكوك
European Union ["ضابظ "صحة] 03-11-2014 09:26 PM
ياخي "الضباظ" لو بيفهموا كلام قدر ده ما كان حالنا.

United States [nagialzubair] 03-11-2014 03:34 PM
والله لو كلامك ده صح معناتو انو حتي ولو جات حكومة جديدة نصهم حيكونوا خونة وعملاء لانو مستحيل أي حكومة جديدة لو جات تقدر تستغني عن كل شرطة النظام او امن النظام او جيش النظام معني كلامك انو لاذم كل افراد الجيش والامن والشرطة لازم يتغيروا

United States [اللحوي] 03-11-2014 10:49 AM
الضباط السودانيين ليس لهم علاقة بهذه السفينة ولا يعرفون بأن هنالك سفينة إسمها (كلوس سى) ولو سألت أيا منهم ماهي (كلوس سي) يقولوا ليك ده يمكن معجون أسنان ولا إسم دواء ... !!! ديل مافاضين من السرقة والبدلات .. الواحد هموا كلوا من مايقوم من النوم أن يجد ليهوا هبرة من تسهيل أة رشوة أو صفقة مناقصة حكومية .


#938460 [خالد]
5.00/5 (2 صوت)

03-11-2014 09:47 AM
اليوم السعودية : الأردن تعتذر عن استقبال الرئيس السوداني

الحمد لله - لو يعلم الرئيس ما المقصود من هذا الرفض لقدم استقالته ؟؟؟


- حتى يعلم ان الناس سواء امام الله - وهو صاحب المشروع الحضاري هي لله ( لماذا يسارع الرئيس واسرة الرئيس ومعارفه للعلاج خارج السودان ؟؟؟ الا يستحي اين العدالة والاسلام وووو

- ليعلم ان رفض اي دولة استقبال رئيس لاي غرض هذا مذلة ما بعدها وانحطاط لشانه وبلده - حتى الاردن ؟؟؟
- لا عذر لمن انذر وسوف يكون عليه عدم الخروج من منزله قريبا فالدولة الافريقية ودول الجوار ليست في حاجة لمعاداة المجتمع الدولي .

ايران ليست بالحليف الذي يعول عليه - لماذا لا يتعالج في ايران - لان ايران سوف ترفض وهي تريد التطبيع مع امريكا وغباء المؤتمر الوطني ان يصدق انها حليف له


ردود على خالد
European Union [ابو طارق] 03-11-2014 12:00 PM
وهل يا اخى توجد مذله اكثر من ضرب بورتسودان 5 مرات واليرموك اخير

European Union [اللحوي] 03-11-2014 10:42 AM
ده يقدم إستقالتو ... ؟ ده عكليته .... ده ممكن من حوش بانقا يدير الحكومة.


#938451 [Miedo]
4.75/5 (4 صوت)

03-11-2014 09:44 AM
عقبال كل الدول العربية...


#938449 [شهاب]
5.00/5 (1 صوت)

03-11-2014 09:43 AM
ان شاء الله يالبشير تمارس هذه الضغوط على اثيوبيا
واريتريا والخرطوم ما تقدر تفوته الاالى لاهاى
وحتى ولايات السودان يجب على الشعب ان لايخرج لاستقبالك
فيها



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 212>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة