الأخبار
أخبار السودان المحلية
جهاز أمن حزب البشير : رفضنا استقبال "سفينة الصواريخ" بتوجيهات صارمة.
جهاز أمن حزب البشير : رفضنا استقبال "سفينة الصواريخ" بتوجيهات صارمة.
جهاز أمن حزب البشير : رفضنا استقبال


03-13-2014 02:30 AM
الراكوبة في مؤشر علي ضغوطٍ تمارس على الحكومة السودانية من اطراف خارجية عاد احد المسؤولين الامنيين ليتحدث عن ملف السفينة الايرانية التي وصلت المؤاني الاسرائيلية الاحد الماضي وتم ضبطها قبل اكثر من اسبوع.

وبتكتيك تشتيت الانتباه، ركز المتحدث الاعلامي لجهاز الامن في تصريحات اعلامية نقلتها عنه (الشروق) علي كشفه عن توجيهات "صارمة" للموانئ البحرية السودانية كافة، بعدم استقبال السفينة التي قال سلاح البحرية الإسرائيلية إنه أوقفها بالمياه الدولية بالبحر الأحمر.

حيث أنه وبدلاً من ان يكشف جهاز الامن كما تجري العادة في مثل هذه المواقف – وكما تقتضي عبارة الكشف – عن ملابسات الحادثة وكيفية وصول السفينة الايرانية لمياه السودان وماكان بداخلها والاختراق الاسرائيلي لحدوده المائية مع ارتريا ..الخ.

بدلاً من ذلك اوردت شبكة (الشروق) خبراً عن كشف جهاز الامن لتوجيهات صارمة من قيادته بعدم استقبال السفينة! ووضعته عنوانا رئيسياً يلفت إنتباه القارئ : السودان رفض استقبال "سفينة الصواريخ" !.

ورفض استقبال امرٌ معلومٌ بالضرورة لاسباب متعددة يعلمها الجميع ولاتحتاج لكشف او لذكرها في الاعلام : حيث لاترتبط الدولتان بعلاقات والسودان في حالة حرب مع اسرائيل، والصيد الايراني الثمين لايتحمل المقامرة بادخاله لمؤاني بلد مثل السودان تتواجد داخله ايران، ولان الناقلات الاسرائيلية من المؤكد انها لاتحتاج للتزود بالوقود من السودان ولديها خيارات متعددة هذا اذا كانت تحتاج للتزود بالوقود اساسا لرحلة ثلاثة ايام.

هذا إلا اذا كانت السفن الاسرائيلية تتزود من قبل بالوقود في المؤاني السودانية وهو إحتمالٌ لايبدو بعيداً ايضاً في ظل الانتهازية التي تميز الاداء السياسي لنظام البشير وتقلباته وإختراقه من دول عديدة.

في السياق ذاته، أكد جهاز الأمن التزام السودان وحرصه على السلام والاستقرار بمنطقة البحر الأحمر ودوره الكبير والمشهود في مكافحة أشكال الجريمة العابرة كافة وتهريب البشر والإتجار بالأسلحة وقال مدير إدارة الإعلام بالجهاز، في تصريحات صحفية، إن تحريات الجهاز الدقيقة توصلت إلى أن حمولة الباخرة لا علاقة لها بأي طرف سوداني، منوهاً إلى أن وصول أي باخرة إلى ميناء بورتسودان يُعد أمراً طبيعياً لكون الميناء مفتوحاً لكل السفن (عدا إسرائيل).

غير أنه وكشأن كل الاعمال التي تشترك فيها وتديرها العصابات فمن المعروف ان السفن المحملة بالاسلحة والممنوعات لاتتجه لميناء بورتسودان وإنما تفرغ شحناتها في مراسئ تحيط بالميناء بعيداً عن اجهزة الدولة الرسمية مثل الشرطة والقوات المسلحة وبإشراف مباشر وتسهيل من جهاز الامن.

وفي المرات التي قصفت فيها الطائرات المجهولة شحنات الاسلحة لم يكن ذلك داخل الميناء نفسه وإنما في مؤاني اخري صغيرة مجاورة.

وفيما يتعلق بتجارة البشر فقد بات من المعترف به ان السودان واحد من اكبر الدول التي تتم علي اراضيها هذه التجارة وبات يتلقي دعما دولياً لمساعدته في تحسين كفاءة قواته لمواجهة التجارة.

ويرفع المجتمع الدولي في الجهة الاخري العصا في مواجهة الحكومة السودانية التي يتورط مسؤولون فيها بأنشطة التجارة، حيث صدرت عدد من التقارير المتتالية العام الماضي والحالي تتهم الامن السوداني بالتورط المباشر في التجارة ذات العائد المالي الضخم وان المسؤولين يتقاسمون الارباح مع التجار.

وذكر المسؤول الامني ايضاً أن الميناء يعد محطة مهمة لأعمال الصيانة والتزود بالوقود، مشدداً على أن التزام السودان بواجباته القانونية الدولية ليس محل مزايدة، مشيراً لالتزامه الصارم بمكافحة الأنشطة غير المشروعة كافة، والمناهضة للمواثيق الدولية.

وقال مدير الإعلام بالأمن السوداني، إن حرص السودان يأتي في سياق مسؤولياته الكبرى الملقاة على عاتقه كبلد قائد وله مساهماته في مكافحة الإرهاب ودعم السلام العالمي، مشيراً إلى أن الأجهزة الأمنية تعي دورها جيداً فى تحقيق الأمن والسلم الدوليين.

ولايحتاج الزعم الاخير لكثير جهد لنفيه فالسودان مع دول قليلة في القائمة الامريكية لرعاية الارهاب، وله صلات معلومة بكل الجماعات الاسلامية المتطرفة في العالم وحتي بجماعات ارهابية اخري مثل (جيش الرب) تهدف لابادة كل من هو غير معتنق للديانة المسيحية وفق تعريف وتفسير قائدها جوزيف كوني.

وتعتبر قوات البحرية السودانية من اضعف نظيراتها الموجودة في الاقليم وهو مابات يؤدي لتحول الساحل السوداني البالغ طوله 820 كلم لملاذ آمن لعمليات التهريب وتجارة الممنوعات والصيد الجائر ومكباً للنفايات الدولية والاقليمية.


تعليقات 28 | إهداء 0 | زيارات 12521

التعليقات
#941885 [abusafarouq]
0.00/5 (0 صوت)

03-14-2014 07:39 AM
هل أسرائيل تأخذ إذن من حكومة السودان أذا أرادة الدخول الى موانىء السودان أو أى مكان فى داخل السودان من أجل مصالحها . وهل التهمة والشبهة للسودان فى دعم الارهابين والتعاون معها يحتاج الى أدلة. والدليل القاطع أن السودان دعمت الحركات الاسلامية فى ليبيا وجماعات أخوانية علنا بلا خجل بالسلاح والرجال تم تسليم الاسلحة فى الصحراء الليبية مع حدود السودان ودعمت الحركات الارهابية فى مالى ونقلهم الى السودان بعد ضرب مخططهم الاجرامى فى الدول الافريقية وأشعال نار الفتنة فى دولة أفريقيا الوسطى ومن قبل جلب شتات عرب الجنجويد من الدول الافريقية الاستعانة والقضاء والابادة على شعب دارفور المسلمة وتشريدهم الى أقصاء العالم والدول المجاورة . والتعاون مع مهربى الاسلحة والبشر عن طريق صحراء سيناء . وضرب أسرائيل للغوافل قبل وصول أهدافها فى داخل أراضى السودان . لماذا لم تتقدم السودان بشكوى لمجلس الامن إن لم تكن متورطة فى تلك الجرائم .نقول حكومة المؤتمر الوطنى فى السودان ملجىء وبؤرة للإرهابين بالصرف وإنفاق كل دخل الدولة السودانية بلا حدود للجماعات الارهابية فى العالم حتى أصبح بلاد السودان والفرد السودانى من أفقر الامم فى العالم رغم ثرواته الكثيرة وإبتلائه بحكومة غير رشيدة تعمل لمصلحة غيره ويدعم الاجانب بهبات الاموال والاراضى يعنى بالعربى حكومة الانقاذ جاء لحكم السودان لخدمة الاجنبى وإذلال المواطن السودانى فى أرضه وسكنه ورزقه..


#941736 [كوري]
0.00/5 (0 صوت)

03-14-2014 12:07 AM
والله لكن الكيزان الاغبياء اتكشفوا هههههههههههههه
تاني البعوض حيراقبكم هههههههههههههه
عاوزين تحسموا الجبهة الثورية هههههههههههه
الاغبياء الدول تديهم سلاح يقتلوا بيه اولاد بلدهم العندهم ومعاهم الحق في اي حاجة بنادوا بيها
وهؤلاء الشواذ من الكيزان ليست لهم غير الباطل لانهم باطلين كلهم وخولات
اها ياكيزان الصيف عدى والخريف قرب والجبهة الثورية الرجااااال دخلوا مليط وعلى مشارف الفاشر
والشعب منتظر الدقسة ويحشر ليكم والسعودية ودول الخليج بي جهة ومحكمة العدل بي جهة والظروف الاقتصادية كمان حكاية بعد شهرين مرتبات ماحيكون في ،الموت البطئ والزنقة والكتمة كبست
انصحكم تغنوا بالمقطع بتاع وين حنهرب منو وين !!
مع الاعتذار للاغنية


#941666 [جنرال زمان]
0.00/5 (0 صوت)

03-13-2014 10:05 PM
هسع دي وداد شمس الدين ولا فطومة أم الفقراء الجارة بشة دا من فنلته؟؟؟؟


#941469 [رانيا]
5.00/5 (1 صوت)

03-13-2014 05:19 PM
لكن يا Keemo تعليقك يفطس من الضحك. . . الله يجزاك خير.


ردود على رانيا
United States [Keemo] 03-13-2014 07:32 PM
تسلمي ...... نعمل شنو!! شر البلية ما يضحك. يقولو الكلام هسسسسسسسسي، بعد شوي يلحسو!!


#941425 [علي جرقندي]
0.00/5 (0 صوت)

03-13-2014 04:21 PM
آخر الزمن العوين يخوفو الرجال زى الفي الصورة دي ده لو شنقلها ورقد فوقها كان عرفت شئ


ردود على علي جرقندي
[الليل] 03-13-2014 10:32 PM
الفي الصوره دي اسرائيل
والمجرور معروف لان دفاعو بالنظر والمعني واضح


#941366 [Keemo]
5.00/5 (3 صوت)

03-13-2014 03:18 PM
والصوارمي ما قال أصلا لا في سفينة لا صواريخ، ولا في بحر ولا في بورتسودان.!!
حقة تشوف، قندراني ما تشوف!!


#941294 [الأحنف بن قيس]
4.50/5 (4 صوت)

03-13-2014 02:17 PM
أصلو ياجماعة الخير الصواريخ دي شارياهم إسرائيل، والسفينة جات عن طريق باب المندب، وعشان البحر الأحمر مافيه لوحات إرشادية والدنيا ليل وظلام قامت السفينة راحت ، وفجأة وهي تايهة البحارة شافوا ليك واحد من جماعة الدفاع بالنظر مولع ليه بطارية في الساحل ونورها قالب ليل البحر ده نهار قالوا بس فرجت ، نصل سيد البطارية ده ياوصلنا ياوصف لينا الدرب ويورينا نحن وين ، لكين الإسرائليين ديل شداد خلاص إتوقعوا السفينة تضهب تقوم تقع ليها في إيد ناس حبرتجية الصواريخ تروح شمار في مرقة واليوصفة مايتوصف ده لو ما الحبرتجية باعوها لي حماس . طوالي الإسرائيليين طاروا ليك طيران للسفينة لحقوها في آخر لحظة وكان مانور بطارية زول الدفاع بالنظر ماكان شافوها. طوالي كوركوا ليك فيها ياجماعة ده ما الدرب تعلوا ورانا حتي السفينة تبعتم لي حيفا. الدخل السودان في الموضوع هسي شنو


#941224 [الدم والدهب]
5.00/5 (1 صوت)

03-13-2014 01:27 PM
ما تستغربوا....الكيزان ديل لابخافو الله ولا بخافو العيب (مابخجلو) بالاضافه لى ده هم اغبياء جدا عشان كده ممكن يقولو اى حاجه ذى كلام الوهم بتاع جهاز الامن ده.


#941205 [الممكون]
5.00/5 (1 صوت)

03-13-2014 01:12 PM
داير يكحلا عماها ..

قايل نفسو فسى لكن ما عارف إنو أسهل عديل لمن ريحة لباسو المبلول المعفن طقت..وناس الشروق الهبل من غير مهنية، شروا لباسو سارية فوق قبة خبوبهم وإعلامهم المقنع.


#941203 [سيمو]
5.00/5 (2 صوت)

03-13-2014 01:10 PM
بلاش لف ودوران شحنة الأسلحة كانت متهجة للسودان، وسواء كانت لصالح السودان أم حماس كان من اللازم نزولها فى السودان أولا وبعد ذلك تذهب لصالح الجهة المستفيدة لكن أرجح أن الشحنة كانت لصالح الحكومة السودانية لأن تهريب صواريخ عبر مصر وسيناء تحت الظروف الحالية فى مقام المستحيل،، فالحكومة السودانية عايزة الصواريخ بشدة أكثر من حماس لضرب معاقل الجبهة الثورية وحسم حملة الصيف الساخن كما تدعى،،،،


#941189 [مالك الحزين جدا جدا]
5.00/5 (1 صوت)

03-13-2014 12:58 PM
للاسف الشديد هذه الحكومه ضيعت الوطن ,, فصار الوطن مهيص الجناح ,, لايعمل له أى حساب بل صار ملطشه ,, وقد أصبنا بالهوان ,, حتى أضعف خلق الله يستهزأ بنا ,, دولة إثيوبيا ,, يقول مسؤول في الحدود السودانيه الاثيوبيه ( السودان دائيف !!) والدوله لاتزال ترسل الشباب إلى دولة إيران في دورات تدريبيه ,,خربنا علاقاتنا مع كل دول الجوار من أجل الايرانيين ,, الذين سوفيودونا في ستين ألف داهيه ,, والحكومه لايهمها سوى المكاسب الماديه التى تدخل في حساباتهم في البنوك الاجنبيه ,, والله المستعان


#941130 [المشتهى السخينه]
5.00/5 (3 صوت)

03-13-2014 12:06 PM
كل العمليات التى قامت بها اسرائيل ضد حكومة الجبهة الاسلاميه من اغتيالات الى تدمير مصنع اليرموك الى قصف قوافل السلاح هى معلومات صادرة عن اجهزة امنها المخترقه لانها تنفذ انتقامها بدقة متناهية .


ردود على المشتهى السخينه
United States [الليل] 03-13-2014 10:39 PM
كان سكتو كان احسن مافي حد جاب ليهم سيره .
لكن الفي قلبه حرقص يقوم ...
قال بكحلها عماها.بورتسودان شنو .
هي فعلا ماشه وين ومنها لوين معروف لكن مافي حد مشي ابعد من ذلك.لان الضرب علي الميت حرام.


#941083 [ابراهيم كاوسة]
0.00/5 (0 صوت)

03-13-2014 11:26 AM
.


#941057 [أدونيس الكديس]
5.00/5 (2 صوت)

03-13-2014 11:09 AM
يعنى بعد ما نفيتوا الخبر و نكرتوهو و قلتوا لا علم لنا جايين تؤكدوا الخبر أكثر مما أكدوهو بنو صهيون؟ آمنت بالمثل بتاع الخواجات البيقول: he was caught with his pants down و معناهو يا كلاب الأمن قبضوكمم و إنتو "منزلين البنطلون" و دا إنتو طبعا ما بتسموهو شروع بل بتعبروهو "إيلاج" عديل يا كلاب سيدكم الكلب الرقاص


#941051 [راجع للوطن]
5.00/5 (2 صوت)

03-13-2014 11:05 AM
دى زى حكاية الهندى عز الدين مع رفيدة ياسين لمن زرته:-
قال انا مارسلت ليها رسالة...وجهاز مخابراتنالمن زروه يقول : السفينة دى ماجايانا نحن العنوان غلط بتعليمات صارمة.


#940971 [idriss suliman]
5.00/5 (1 صوت)

03-13-2014 10:18 AM
نسي او تناسي المتحدث الاعلامي لجهاز الامن ان يذكر انهم يديرون الاعلام بكفاءه منقطعه النظير حمايه للنظام والفساد وان لهم مليشيات بازي المدني متخصصه في تصفيه الطلاب بالجامعات والمدارس وان لهم بيوت اشباح لامثيل لها بالعالم الحر وانهم يكملون درو الدوله البوليسيه الارهابيه بجداره وكفاءه عاليه وانهم جهاز تمكيني وظفت له الكثير من امكانيه الدوله وهوحصريا لايدخله او يعمل به الا المخلصين من افراد تنظيم الاخوان المسلمين الذي صنف ارهابيا بحمد الله اخيرا من دول الخليج ---- عليك ان تفهم ان دول الخليج تعلم تماما ان الاجهزه الامنيه كلها بالسودان تم تصفيتها وانها الان اجهزه خاصه بتظيم الاخوان المسلمين وهذا الكلام ذكره عليه رحمه الله في حياته الامير نايف ولو ساءلت عسكري بسيط بدول الخليج تجده يعلم هذه الحقيه فاذا كانت الوظائف المدنيه وبحكم سياسيه التمكين التي انتهجها النظام لاربع قرن من الزمانكلها خاصه باهل الولاء واعضاء تنظيم الاخوان المسلمين فمابلك يارجل بالاجهزه الامنيههل ياتري لم تري التمكين سياسه الدوله الرسميه ام تحسب ان اهل الخليج من الغباء لهذه الدرجه لو كان بالبلد جهاز امن وطني لما وصلت البلد لما وصلت اليه ولكنكم بكل اسف جهاز لحمايه السلطه وتصفيه الخصوم وحمايه الفسادولا تتورعون عن اي نوع من الجرائم وشهد لكم بذلك اعمالكم وانجازاتكم وكثيرا من الناس وابشرك تنظيمكم الي زوال ولكن السودان الاسير لن يزول


#940802 [زول نصيحة]
4.94/5 (5 صوت)

03-13-2014 08:17 AM
باللللللللله قوم لف ........الكديس لمن مالحق اللحم قال عفن اصلا الشحنه جاييكم انتو تقول مابنستقبلا والدليل المخنث اللى اسمو محمد عطا كان فى العراق قبال يومين من وصولها بورسودان

وهمممممممممممم ياكروووووووووووووور انتو قايلين نفسكم اشطر من الموساد بس فالحين فى صلاح سنهورى واولاد جامعه الخرطوم العزل لكن صبرا ليكم يوم ...........


ردود على زول نصيحة
European Union [مدحت عروة] 03-13-2014 10:21 AM
وبرضه فالحين فى مراقبة الصحافة والصحفيين!!الموساد واجهزة الامن فى الدول الديمقراطية بتشتغل لمصلحة اوطانها وامنهاى القومى وليس لمصلحة حزب او افراد!!!!


#940757 [KJD]
5.00/5 (1 صوت)

03-13-2014 06:53 AM
هل باع نظام الإنقاذ ايران وشكل تحالف سري مع إسرائيل ؟, هذا بالضبط ما يفهم من صياغ هذا الكلام


ردود على KJD
United States [baher] 03-13-2014 11:45 AM
ماذا يستفيد اسرائيل من السودان حتى يتحالف معه


#940746 [saleh]
5.00/5 (1 صوت)

03-13-2014 05:39 AM
وأكد جهاز الأمن التزام السودان وحرصه على السلام والاستقرار بمنطقة البحر الأحمر ودوره الكبير والمشهود في مكافحة أشكال الجريمة العابرة كافة وتهريب البشر والإتجار بالأسلحة.

من اجمل ما يتميز به الكيزان انهم يظنون في انفسهم الانفراد بالذكاء والحصافه وحسن التقدير مع ان الواقع قد اثبت لنا العكس تماما ، والكل يعرف ان النظام الحاكم يمثل خميرة عكننه في المنطقه ولا يصدر غير الاذي لجيرانه والذلّ والمهانه للمواطن ، ويتحمّل المسئوليه بالكامل في تدهور الاقتصاد والعلاقات مع الدول المحيطه تاره لمحاولاته السيطره علي حكومات وتاره بالتمويل والاسناد لدول تحكمها مجموعات تتوهم القدسيه والقرب من الله مثلهم . كان الله في عون السودان الذي تحكمه جماعه لصوص وقطاع طرق يعيشون في وهم انهم اتقي خلق الله رغم مخالفتهم لكل اوامره .


#940728 [aliali7488]
5.00/5 (3 صوت)

03-13-2014 04:38 AM
كيف يعني الميناء مفتوحة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وكيف تعليمات صارمة !!!!!!!!!!!!!!!!!! الفهم يفهمني.الله ينعل الكيزان دنيا واخره


#940726 [elhadi abdalla]
4.00/5 (2 صوت)

03-13-2014 04:34 AM
يبدو ان الشينه منكوره ومن خاف سلم يا اهلنا من زمان قلن البصاره ولا الشطاره


#940713 [شهيد اركان حرب معاش]
4.25/5 (6 صوت)

03-13-2014 04:10 AM
و ناس جهاز عطا المولي ديل ، كيف عرفوا انو السفينه دي محمّله باسلحه .. أها ورّونا .. نحنا بريالتنا وقانبيرنا .. مساكين ما بنفهم ؟؟؟


#940709 [ساب البلد]
4.88/5 (4 صوت)

03-13-2014 03:59 AM
********* هع هع هع هعععاااااي ****** احسن تعليق علي الخبر ده ****** الصورة الفوق ***** اخونا دا يمثل حال بني كوز الان ******


#940700 [Abuali]
5.00/5 (7 صوت)

03-13-2014 03:31 AM
انتو قايليين كضبكم دة حا يمشى على المجتمع الدولى و اجهزة المخابرات الدولية المخترقة حكومتكم من راسة لى كرعينة... اقعدوا كضبواقاليانوا زى كضبكم القاعدين تكضبوا على الشعب المسكين دة


#940694 [أبو رياله]
5.00/5 (6 صوت)

03-13-2014 03:17 AM
يكاد المريب أن يقول خذونى.....ما هذا الغباء ؟!

كيف عرف السودان حمولة الباخره ؟ حتى يُصدر توجيهات "صارمة" للموانئ البحرية السودانية كافة، بعدم استقبال السفينة لأنها تحمل صواريخ إلى غزة !!!

اليس هذا اعتراف ضمنى و صريح بتورط السودان فى الأمر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#940692 [AburishA]
5.00/5 (4 صوت)

03-13-2014 03:16 AM
دب كمان نسميها ** وثبة جهاز الامن ** كلام ما ليهو معنى !!!

احسن منو اغنية... حرامي القلوب تلب ....


#940690 [الجــــزيرة ابا]
5.00/5 (3 صوت)

03-13-2014 03:11 AM
البكضب ما بغطى دقنو


ردود على الجــــزيرة ابا
[علي جرقندي] 03-13-2014 04:22 PM
المثل اتغير بقي العندو دقن بشيلو متر افهمها انت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة