الأخبار
أخبار السودان المحلية
غالط حقيقة توتر علاقات حزبه مع السعودية بغباء..نافع على نافع يسئ لاهل الكتاب من ضيوفه في وجوههم
غالط حقيقة توتر علاقات حزبه مع السعودية بغباء..نافع على نافع يسئ لاهل الكتاب من ضيوفه في وجوههم
غالط حقيقة توتر علاقات حزبه مع السعودية بغباء..نافع على نافع يسئ لاهل الكتاب من ضيوفه في وجوههم


03-12-2014 06:06 PM
الراكوبة نفى القيادي في المؤتمر الوطني د.نافع علي نافع شروع المملكة العربية السعودية ودول الخليج في مقاطعة السودان وقال وفقاً لتصريحات نقلتها عنه صحيفة (الجريدة) ان تلك آمال يتمناها الكثيرون واضاف: (تلك أمانيهم واماني أهل الكتاب).

وكان نافع يرد علي اسئلة الصحفيين من داخل قاعة يعقد فيها مؤتمر للاحزاب الافريقية التي يعتنق جزاءً مقدراً منها الديانة المسيحية المعنية بوصف (اهل الكتاب).

ووردت الآية القرانية بمقصد آخر في القران بعيداً عن جدل – ودجل – السياسة وفي خضم نقاش بين مسلمين ومسيحيين في عهد النبي (ص) حول أيهم سيدخل الجنة فوضع القران حداً للجدل بمخاطبة الطرفين وربط دخول الجنة بمعايير وليس بالانتماء فقط لدين أو حتي نوع محدد وهو مضمون الآية الكريمة ﴿لَيْسَ بِأَمَانِيِّكُمْ وَلَا أَمَانِيِّ أَهْلِ الْكِتَابِ مَنْ يَعْمَلْ سُوءاً يُجْزَ بِهِ وَلَا يَجِدْ لَهُ مِنْ دُونِ اللَّهِ وَلِيّاً وَلَا نَصِيراً (123) وَمَنْ يَعْمَلْ مِنَ الصَّالِحَاتِ مِنْ ذَكَرٍ أَوْ أُنْثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ وَلَا يُظْلَمُونَ نَقِيراً (124)﴾.

وكان مجلس الاحزاب الافريقية قد تكوّن العام الماضي بمبادرة من المؤتمر الوطني يقودها د.نافع ويضم في عضويته عدد من الاحزاب الافريقية اغلبها تحكم بلدان غير ديمقراطية او من الاحزاب الصغيرة التي تعتمد في وجودها علي تحالفها مع الاحزاب الحاكمة.

ويوجِّه معارضون انتقادات لمثل هذه المنابر والتجمعات التي لايستفيد منها السودان وتثقل كاهل مواطنيه بانفاق ملايين الدولارات في وقتٍ يعاني فيه أهله من انتشار دائرة الفقر والمجاعات والامراض.
ويبدو حديث د.نافع عن عدم مقاطعة السعودية الاقتصادية للسودان مغالطة تفتقر للذكاء وتتعارض مع كل الوقائع الرسمية المعلنة وهي نتيجة منطقية للسياسة الخارجية للمؤتمر الوطني.

فقد وصل السودان مرحلة استضافة بواخر ايرانية عسكرية علي موانئه المواجهة للسعودية وهي خطوة في العرف الدبلوماسي لا تقل عن إعلان الحرب بالنظر لحالة العداء المستحكم والصراع السعودي – الايراني المعلن الذي يتم تصفيته عسكرياً في دول مثل سوريا ولبنان.

كما يرتبط السودان بعلاقات وثيقة مع حركة الاخوان المسلمين الذين اعلنتهم السعودية جماعة ارهابية وحزب المؤتمر الوطني فرع من فروع الجماعة وعضو في التنظيم العالمي للاخوان المسلمين عبر الحركة الاسلامية، بجانب علاقات السودان الوثيقة مع قطر.

واكتفت السعودية طوال العامين الماضيين بايقاف دعمها المالي المباشر للسودان ولكن مع توجهاتها الجديدة للدخول في مواجهة مباشرة مع حركة الاخوان المسلمين وايران وقطر من الراجح انها ستتجه لتضييق الخناق الاقتصادي والسياسي علي السودان وبيدها خيارات اخري متعددة لتحقيق ذلك.


تعليقات 38 | إهداء 0 | زيارات 18103

التعليقات
#941442 [محمد حسن]
4.00/5 (1 صوت)

03-13-2014 04:38 PM
انتو بس تخيلو الكلب ده مسئول بالسودان والله حتى وصفه بالكلب اهانه للكلب لان الكلب وفى يجماعه دايرين نعرف بس الناس ديل نعمل فيهم شنو يوم النهايه واليوم شكله قريب اذا قلنا نكتلم دى تعتبر رحمه بس ورررررررررررررررونا نشفى غلليلنا كيف


#941237 [عمر]
3.00/5 (2 صوت)

03-13-2014 01:35 PM
لاخلاف في بذاءة نافع وقلة ادبه وعدم احترامه للآخرين سواء ان في المعارضة او الحكومة .ولكن اختلف معكم في عنوان المقال حيث ان نافع لم يسئ لأهل الكتاب وقد اورد الكاتب آية قرآنية كريمة استعار منها نافع عبارته .
بغض النظر عما قاله نافع فإن كراهية كاتب المقال لنافع جعلته يترصد كلامه واعتبر ان مجرد الاقتباس من آية في القرآن تشير الي اهل الكتاب وذكرها اماممهم فهو اساءةلهم .
لا والف لا فأنت بذلك (قد ) تجرم من يقرأ القرآن في حضور اهل الكتاب لانه يحتوي علي اوصاف لهم ذكرها المولي عز وجل في كتابه الذي لاياتيه الباطل من بين يديه ولاخلفه وقد يصل ذلك للتشكيك في القرآن ارضاءء لاهل الكتاب ونكاية في المتأسلمين امثال نافع .


#941221 [منشى]
0.00/5 (0 صوت)

03-13-2014 01:24 PM
يا ناس الزول دا بيترأس مؤتمر لأهل كتاب و بيقول انو موضوع مقاطعة السعوديه للسودان دا امانى اهل كتاب , طيب هو لاميهم عشان يحقق ليهم امانيهم و لا شنو ؟؟؟ يا جماعه كلام فالح افندى دا مفهوم ؟؟؟؟!!


#941219 [وحيد]
5.00/5 (1 صوت)

03-13-2014 01:24 PM
نافخ ما زال يعيش في وهم انه يمكن حل المشاكل و معالجة الكوارث بالكذب و طول اللسان و تاويل القرآن بما يهوى ....
ما زال نافخ في غيه و على قول المثل " ديل الكلب عمره ما ينعدل" .... و طبيعة الانقاذيين ان السنتهم تسبق عقولهم و يستعجلون لسئ القول .. فرمى قوله دون اعتبار للمرتزقة الذين جمعهم في مؤتمره


#941213 [كيزان بني كلاب]
5.00/5 (1 صوت)

03-13-2014 01:16 PM
فى القيادي في المؤتمر الوطني د.نافع علي نافع شروع المملكة العربية السعودية ودول الخليج في مقاطعة السودان....

لا حول ولا قوة الا بالله العلي العظيم....
إن لم تستحي ففعل ما تشاء .....
كمان بتكضب..... الله يلعنك ويخزيك يا نافع الكلب... تفووووو


#941194 [أبو سامي]
5.00/5 (1 صوت)

03-13-2014 01:01 PM
لو قلبنا حروف إسم نافع وأعدنا قراءتها من اليسار لليمين ينطبق عليه المعني (عفان)بس يمكن يحتاج إضافة تاء مربوطة لإكتمال إنتشار الرائحة على الراكوبة وبقية المواقع الإلكترونية


#941170 [اب شنباً كليقة]
0.00/5 (0 صوت)

03-13-2014 12:40 PM
عندما يتكلم القبحاء فتأكد ان السودان في خطر
اسكتوه


#941168 [ابو صادق]
1.00/5 (1 صوت)

03-13-2014 12:38 PM
الكلام على قوله تعالى: {ليس بأمانيكم ولا أماني أهل الكتاب من يعمل سوءًا يجز به}:


في سبب نزولها ثلاثة أقوال أحدها أن أهل الأديان اختصموا فقال أهل التوراة كتابنا خير الكتب ونبينا خير الأنبياء وقال أهل الإنجيل مثل ذلك وقال المسلمون كتابنا نسخ كل كتاب ونبينا خاتم الأنبياء فنزلت هذه الآية رواه العوفي عن ابن عباس رضي الله عنهما والثاني أن العرب قالت لا نبعث ولا نحاسب ولا نعذب فنزلت قاله مجاهد والثالث أن اليهود والنصارى قالوا لا يدخل الجنة غيرنا وقالت قريش لا نبعث فنزلت هذه الآية قاله عكرمة وقال الزجاج اسم ليس مضمر والمعنى ليس ثواب الله بأمانيكم وقد جاء ما يدل على الثواب وهو قوله تعالى: {سندخلهم جنات تجري من تحتها الأنهار} وانسوا المعاصي والجزاء واقع بالعاصي.
أخبرنا ابن الحصين قال أنبأنا ابن المذهب أنبأنا أبو بكر بن جعفر حدثنا عبد الله بن أحمد حدثني أبي حدثنا وكيع حدثنا ابن أبي خالد عن أبي بكر بن زهير الثقفي قال لما نزلت ليس بأمانيكم ولا أماني أهل الكتاب من يعمل سوءا يجزبيه قال أبو بكر يا رسول الله إنا لنجازي بكل سوء نعمله فقال رسول الله صلى الله عليه وسلم يرحمك الله ألست تنصب ألست تحزن أليس تصيبك اللأواء فهذا ما تجزون به وأخرج مسلم في أفراده من حديث أبي هريرة رضي الله عنه قال لما نزلت {من يعمل سوءا يجر به} بلغت من المسلمين مبلغًا شديدًا فقال رسول الله صلى الله عليه وسلم قاربوا وسددوا ففي كل ما يصاب به المسلم كفارة حتى النكبة ينكبها والشوكة يشاكها واعلم أن المؤمن إذا جوزي بذنب عجل له جزاؤه في الدنيا


#941161 [رمضان كريم]
0.00/5 (0 صوت)

03-13-2014 12:33 PM
لك الله يابلادي
طبعا هم فاكرين نفسهم اذكياء حيضحكوا علي اخزننا اهل الخير بكلام معسول وضحكات وكلام فارغ اهلنا في الخليج والمملكة اصحاب فكر نير والحمد لله وبعد نظر
سوف نطلب من اهل الخليج الدفعة الثانية من التضييق اغلاق الحسابات الشخصية للحرامية ومدراء البنوك والانظمةالمعلوماتية متوفرة عند كل القادة من اهلنا في المملكة والخليج حيجوا يقولوا الناس تعبانه في السودان حيكون الرد فلان عند رصيد قدره (000)مليون درهم وفلانة عندها(000)مليون دولار وزعيط (000)مليون ريال وستتعاون البنوك مع البنوك الاجنبية في انجلترا وفرنسا واسبانيا وجزر الكاريبي والجزر المنسية اسمهابأيقاف حساباتهم
الحل الوحيد ارجعوا فلوس الشعب السوداني للسودان بعدين تعالوا نديكم قروض
والله ياخواني صارت عندي احلام والله من القهر


#941135 [Garfan]
0.00/5 (0 صوت)

03-13-2014 12:13 PM
مهما حاولت يا نافع تانى السعودية والامارت تشمهم قدحة وتشوفم فى الاطلس بس


#941113 [jackssa]
5.00/5 (3 صوت)

03-13-2014 11:55 AM
... أبوالعفين ... الاستحوا ماتوا... ماذا تظن انك بمخاطب ,,, الأحزاب الأفريقية ؟ ومتى كانت لأفريقيا أحزاب جلها دول ديكتاتورية وشموليه وهي عباره عن ديكور, أم تظن انك تخاطب الشعب السوداني ?. متى تنزاح من وجهنا ايها الكالح الوجه والقبيح اللسان والحاقد القلب , انت يا أبو العفين شيطان في شكل انسان ويهودي مدعي الايمان ..


#941096 [عطوى]
5.00/5 (1 صوت)

03-13-2014 11:34 AM
يتحدثون باسم الله هذى هى حال الاسلامويين فى كل زمان ومكان .. يعتقدون بانهم وكلاء الله والمتحدثيين الحصريين باسمة .


لعنة الله عليكم يا زنادقة ..


#941041 [عبدالباقي القدال]
3.50/5 (2 صوت)

03-13-2014 10:58 AM
ياشباب إلا دول الخليج إذا قلنا اكثر من ثلث سكان السودان في دول الخليج فهناك اكثر من الثلث يعيش في كنف الثلث المغترب
لازم الحكومة تحسبها صاح إذا الشعب صبر اكثر من 25 عام فهذا لا يعني الخوف ابدا أعزائي والله لولا الخوف من مصير الصومال لثار الشعب منذ فترة طويلة لكنا شعبنا العاقل يري الربيع العربي ماذا فعل في تونس ومصر وليبيا واليمن واخيرا سوريا
ولكن إذا احس الشعب المغتربين أو الذين في السودان بان الحكومة لا تهتم بمثل هذه الأمور فيجب ان يعلم الجميع هذا خط احمر دول الخليج شئنا او ابينا هي عماد اقتصادنا من تحويلات وهدايا ومبالغ ضخمة تضخ سنويا يجب ان تنظر حكومتنا ما هي مصلحتنا في اخوان مصر او رافضة ايران كفانا هوان وكفانا ذل بسبب مصر فقدنا جزء عزيز من سودانا الحبيب وبسبب مصر خسرنا الكثير
لا توجد اي مقارنة بما يمنحة الينا اخوانا في دول الخليج ومصلحتنا مع ايران ارجو إحترام هذا الشعب الغلبان والنظر في مصلحتة ولو لمرة واحدة وابعدوا في مهاتراتكم ضد اخوانا في دول الخليج الذين يعاملوننا احسن معاملة وبل يكرموننا ويميزوننا عن جميع الجاليات
اخير ارجو شاكرا ان نلتف جميعا ونكتب وبكل احترام حتي يصل صوتنا وسيصل انشاء الله


#940872 [مدحت عروة]
5.00/5 (3 صوت)

03-13-2014 09:19 AM
اتحدى قراء ومعلقى الراكوبة ان يطلعوا لى واحد واحد بس فى الانقاذ او الحركة الاسلاموية بيفهم فى الدين او السياسة او ادارة الدول والتنوع واحد بس ؟؟؟
انا غايتو شخصيا ما شايف لى ولا واحد فيهم!!
ديل اصلا قايمين على فكر غلط جانا من شمال الوادى واقصد مصر الجانا برضه منها تنظيم الضباط الاحرار الواطى القذر الجاهل الدلاهة الخلى الدول العربية الانقلابية غير مستقرة سياسيا او اقتصاديا وشعوبها جهلة ودلاهات وريالتهم كآبة فى الامور السياسية ناس الديمقراطية ما بتنفع وما بينفع الا حكم عسكرى قوى قمعى او عقائدى وهلم جرا!!!
عليكم الله عاينو للهند وقارنوها مع الدول العربية الانقلابية العواليق الدلاهة الهند التى لم يحكمها انقلاب عسكرى ابدا وبقت الممارسة الديمقراطية ثقافة شعب وامة عندهم رغم ما اعترضها من مشاكل وعقبات لكنهم اصروا عليها والقانون هو البيدير البلد والجيش محترف ومحترم يقوم بمهامه فى خماية البلد ووضعها الدستورى!!!!!
الف مليون تفوووووا على اى انقلاب عسكرى او عقائدى سودانى عطل التطور الديمقراطى والف مليون تفووووا على السياسيين والمدنييين الساعدوهم فى ذلك ووالله انهم لدلاهات وجهلة وفشلة اصلا ما اقبل اى غلاط فى ذلك !!!!!


#940748 [abass]
5.00/5 (2 صوت)

03-13-2014 06:24 AM
اغالط نفسي باصرار ههههههههههههههههه
هذا هو ديدن هذا خروف الانقاذ
طيب خد يا قحف يا بليد
---------------------------------------


وصلت ذورتها بالقرار السعودي الاخير بوقف التعاملات المصرفية مع السودان

03-13-2014 01:50 AM
الراكوبة اعترف حزب المؤتمر الوطني الحاكم بوجود ازمة بين السودان ودول الخليج العربي وشكل الحزب "خلية أزمة" لمعالجة الامر . وانخرطت امانة العلاقات الخارجية بالمؤتمر الوطني في اجتماع طارئ لبحث تطورات الموقف.وقال امين العلاقات الخارجية بالحزب الدرديري محمد احمد في تصريحات صحفية بالمركز العام امس "الاربعاء". ان المؤتمر الوطني يسعى لاعادة المياه لمجاريها بعد الازمة التي ضربت العلاقة بين السودان ودول بالخليج العربي ، والتي وصلت ذورتها بالقرار السعودي الاخير بوقف التعاملات المصرفية مع السودان.

في سياق ثان قال الديريري ان اجتماع الامانة الخارجية ناقش تطورات الاوضاع في افريقيا الوسطى باعتبار ان مايحدث هناك يؤثر على السودان لجهة الحدود المشتركة بين البلدين.


#940683 [الجيعان وبحب السودان]
5.00/5 (3 صوت)

03-13-2014 02:51 AM
تفوووووووووووووووووووووووووووووووووووووووووووووووووووووووووووووو علي وشك ياحقير ياقذر يامبتكر بيوت الأشباح


#940639 [بكري الصائغ]
4.88/5 (6 صوت)

03-13-2014 01:36 AM
كم هو مسكين هذا النافع موظف المجلس الوطني!!
يحاول جاهدآ وبكل الوسائل الممكنة ان يجد له مكانة في الساحة السياسية علي حساب التصريحات المثيرة للجدل بغرض لفت الانتباه، وانه مازال حيآ (يفرفر)!!...


ردود على بكري الصائغ
United States [بكري الصائغ] 03-14-2014 03:15 AM
أخوي الحبوب،
حفار القبور،
تحية طيب، وارجو ان تراجع تعقيب اختنا احسان صالح، فهي قد فهمت ماالقصد من كلمة "مسكين" والتي تعني احيانآ الشفقة والرثاء.

أختي الحبوبة،
esan salih- احسان صالح،
لك كل التحايا القلبية وسعدت بزيارتك وبتعقيبك الواعي. وعلي العموم حال النافع بعد طرده من القصر اصبح اكتر من مزري، وبقي "مسكين" "مسكنة" تحنن العدو والحبيب!!، ولو لاحظتي شكله بامعان تجدينه فعلآ عليه امارات البؤس والتعب!!

United States [esan salih] 03-13-2014 07:49 AM
يا حفار القبور ما تحرجنا مع ناس الفهم فالمعلق يقصد الإستهزاء و السخرية بكلمة مسكين.

European Union [حفار القبور] 03-13-2014 04:39 AM
والله نافع ما مسكين ..
واحد وظيفتو يطلع كل يوم يفك ليها كم شتيمه في الهوا ويمشي بيتو ينوم .. ويآخد على كدا راتب شحمان ومخصصات ، مسكين كيف ؟؟
في أسهل من كدا .


#940619 [mohammed]
1.50/5 (2 صوت)

03-13-2014 01:09 AM
ووردت الآية القرانية بمقصد آخر في القران بعيداً عن جدل – ودجل – السياسة وفي خضم نقاش بين مسلمين ومسيحيين في عهد النبي (ص) حول أيهم سيدخل الجنة فوضع القران حداً للجدل بمخاطبة الطرفين وربط دخول الجنة بمعايير وليس بالانتماء فقط لدين أو حتي نوع محدد وهو مضمون الآية الكريمة ﴿لَيْسَ بِأَمَانِيِّكُمْ وَلَا أَمَانِيِّ أَهْلِ الْكِتَابِ مَنْ يَعْمَلْ سُوءاً يُجْزَ بِهِ وَلَا يَجِدْ لَهُ مِنْ دُونِ اللَّهِ وَلِيّاً وَلَا نَصِيراً (123) وَمَنْ يَعْمَلْ مِنَ الصَّالِحَاتِ مِنْ ذَكَرٍ أَوْ أُنْثَى وَهُوَ مُؤْمِنٌ فَأُولَئِكَ يَدْخُلُونَ الْجَنَّةَ وَلَا يُظْلَمُونَ نَقِيراً (124)﴾يا أخي لا تجادل في الدين دون علم ودون معرفه أكتب عن نافع ما شئت ولكن من قال أن دخول الجنة بمعايير وليس بالانتماء فقط لدين فقد ختم الله رسالاته بالاسلام وكتبه بالقران وليس بعد الإسلام دين وليس بعد القران كتاب فلا يدخل الجنة من أهل الكتاب ألا من عاش قبل الإسلام وامن بما أنزله الله علي رسله ادم وعيسى أما من أدرك الإسلام ولم يؤمن بما أنزل على محمد فلا يدخل الجنة مهما كانت معايرك التي ذكرتها يقول الله تعالى
(إِنَّ الدِّينَ عِندَ اللّهِ الإِسْلاَمُ وَمَا اخْتَلَفَ الَّذِينَ أُوْتُواْ الْكِتَابَ إِلاَّ مِن بَعْدِ مَا جَاءهُمُ الْعِلْمُ بَغْياً بَيْنَهُمْ وَمَن يَكْفُرْ بِآيَاتِ اللّهِ فَإِنَّ اللّهِ سَرِيعُ الْحِسَابِ (19) فَإنْ حَآجُّوكَ فَقُلْ أَسْلَمْتُ وَجْهِيَ لِلّهِ وَمَنِ اتَّبَعَنِ وَقُل لِّلَّذِينَ أُوْتُواْ الْكِتَابَ وَالأُمِّيِّينَ أَأَسْلَمْتُمْ فَإِنْ أَسْلَمُواْ فَقَدِ اهْتَدَواْ وَّإِن تَوَلَّوْاْ فَإِنَّمَا عَلَيْكَ الْبَلاَغُ وَاللّهُ بَصِيرٌ بِالْعِبَادِ (20) إِنَّ الَّذِينَ يَكْفُرُونَ بِآيَاتِ اللّهِ وَيَقْتُلُونَ النَّبِيِّينَ بِغَيْرِ حَقٍّ وَيَقْتُلُونَ الِّذِينَ يَأْمُرُونَ بِالْقِسْطِ مِنَ النَّاسِ فَبَشِّرْهُم بِعَذَابٍ أَلِيمٍ (21) أُولَـئِكَ الَّذِينَ حَبِطَتْ أَعْمَالُهُمْ فِي الدُّنْيَا وَالآخِرَةِ وَمَا لَهُم مِّن نَّاصِرِينَ (22) أَلَمْ تَرَ إِلَى الَّذِينَ أُوْتُواْ نَصِيباً مِّنَ الْكِتَابِ يُدْعَوْنَ إِلَى كِتَابِ اللّهِ لِيَحْكُمَ بَيْنَهُمْ ثُمَّ يَتَوَلَّى فَرِيقٌ مِّنْهُمْ وَهُم مُّعْرِضُونَ (23) ذَلِكَ بِأَنَّهُمْ قَالُواْ لَن تَمَسَّنَا النَّارُ إِلاَّ أَيَّاماً مَّعْدُودَاتٍ وَغَرَّهُمْ فِي دِينِهِم مَّا كَانُواْ يَفْتَرُونَ (24) فَكَيْفَ إِذَا جَمَعْنَاهُمْ لِيَوْمٍ لاَّ رَيْبَ فِيهِ وَوُفِّيَتْ كُلُّ نَفْسٍ مَّا كَسَبَتْ وَهُمْ لاَ يُظْلَمُونَ (25) قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء وَتُعِزُّ مَن تَشَاء وَتُذِلُّ مَن تَشَاء بِيَدِكَ الْخَيْرُ إِنَّكَ عَلَىَ كُلِّ شَيْءٍ قَدِيرٌ (26) تُولِجُ اللَّيْلَ فِي الْنَّهَارِ وَتُولِجُ النَّهَارَ فِي اللَّيْلِ وَتُخْرِجُ الْحَيَّ مِنَ الْمَيِّتِ وَتُخْرِجُ الَمَيَّتَ مِنَ الْحَيِّ وَتَرْزُقُ مَن تَشَاء بِغَيْرِ حِسَابٍ (27) لاَّ يَتَّخِذِ الْمُؤْمِنُونَ الْكَافِرِينَ أَوْلِيَاء مِن دُوْنِ الْمُؤْمِنِينَ وَمَن يَفْعَلْ ذَلِكَ فَلَيْسَ مِنَ اللّهِ فِي شَيْءٍ إِلاَّ أَن تَتَّقُواْ مِنْهُمْ تُقَاةً وَيُحَذِّرُكُمُ اللّهُ نَفْسَهُ وَإِلَى اللّهِ الْمَصِيرُ (28) قُلْ إِن تُخْفُواْ مَا فِي صُدُورِكُمْ أَوْ تُبْدُوهُ يَعْلَمْهُ اللّهُ وَيَعْلَمُ مَا فِي السَّمَاوَاتِ وَمَا فِي الأرْضِ وَاللّهُ عَلَى كُلِّ شَيْءٍ قَدِيرٌ (29) يَوْمَ تَجِدُ كُلُّ نَفْسٍ مَّا عَمِلَتْ مِنْ خَيْرٍ مُّحْضَراً وَمَا عَمِلَتْ مِن سُوَءٍ تَوَدُّ لَوْ أَنَّ بَيْنَهَا وَبَيْنَهُ أَمَداً بَعِيداً وَيُحَذِّرُكُمُ اللّهُ نَفْسَهُ وَاللّهُ رَؤُوفُ بِالْعِبَادِ (30)


ردود على mohammed
[hosham osman] 03-13-2014 11:06 AM
تسلم اخ محمد علي التوضيح والتفصيل واتمني ان فهم اصحاب العقول الصغيره هذا التوضيح بارك الله فيك

[ياسر عبد الحميد] 03-13-2014 10:13 AM
والله يامحمد لقد ابتلينا بكثرة المتحدثين في الدين بغير علم وبفلسفة لا تمت الى العقل والمنطق بصلة. ولك ان تتابع هذا الموقع النبيل، لترى الكثير من مثل هذا. اناس يفسرون على هواهم ويحسبون انهم في الذكاء قمم. يأتيك احدهم يقول (عرض الله الامانة على السموات والارض فأبين حملها وحملها الانسان، وهذا ربما يدل على الانسان والسموات والارض كانوا شيء واحد، هيئة وصفات). ما رأيك في هذا التفسير، ثم يتبع تفسيره بقوله (علينا ان نعيد تفسير القرآن وعلوم الدين برؤية حديثة وان لا نكون مجرد تابعين).

اللهم سلم. اللهم احينا مسلمين وامتنا مسلمين، فإن الامر ليس بالارادة والهوى ولكنه قدرك وقضاءك ومشيئتك فإنك تهدي من تشاء.

United States [ابو ابراهيم] 03-13-2014 07:53 AM
يا محمد يا اخوي ناس الانقاذ ديل الذين قال الله تعلي فيهم( ( وإذا قيل لهم لا تفسدوا في الأرض قالوا إنما نحن مصلحون ( 11 ) ألا إنهم هم المفسدون ولكن لا يشعرون (12) ) سورة البقره

United States [esan salih] 03-13-2014 07:51 AM
يازول الحصة دين و لا شنو.

[ahmed] 03-13-2014 02:22 AM
يااا محمد
اليهود أيضاً يعتبرون نفسهم هم الوحيدون الذين سيدخلون الجنة والمسيحيون أيضاً يعتقدون إنهم الداخلون الجنة والشيعة والسنة والمحمديون والسلفية دعك من باقي الديانات كالبوذية والهندوسية واليانية وهلم جرا .. حشر الدين في السياسة سبب إنحراف الأف الشباب وتركوا الدين جنباً راجع كلمات الملحدين السودانيين أو العرب علي صفحات الإنترنت ببساطة لأن الدين ثوابت والسياسة متغيرة والوطن يجمع الجميع فظن ما شئت ولكن لا تسعي الي تشتيت رأي الكاتب داخل عقول القراء فلن تنجح في ذلك ولك تحياتي .


#940603 [برهان الدين]
5.00/5 (3 صوت)

03-13-2014 12:51 AM
في بدايات الانقاذ ابتكر الترابي فكرة ( المؤتمر الاسلامي الشعبي العالمي ) و كان ان جاء الينا عتاة أهل الاسلام السياسي مثل الغنوشي و برهان الدين رباني و ممثلي الحركة الاسلامية عالميآ بما فيهم الجماعات المسلحة حتي تم تصنيفنا بدولة داعمة للأرهاب .. فيا تري الي أين سيقودنا هذا المعتوه الغير نافع بفبركة الاحزاب الافريقية ؟ ؟ ؟ أم هي قلة شغلة و محاولة لاسترضاء الافارقة علي حساب جفاء دول الخليج لكل ما هو ( اسلاموي ) و متلاعب بالتقارب مع ايران !!!


#940551 [ود ابوك]
0.00/5 (0 صوت)

03-12-2014 11:05 PM
هبل وعبط .. كان الله فى عونك يا وطنى


#940491 [omer]
5.00/5 (1 صوت)

03-12-2014 09:36 PM
0(من الراجح انها ستتجه الي تضييق الخناق ) اي انها لم تفعل بعد، تلك هي الاماني التي ذكرها المذكور اعلاه والا شنو ؟؟


#940485 [البعشوم]
5.00/5 (4 صوت)

03-12-2014 09:27 PM
امبارح كتلت انت واخوانك المجرمين انسان بقول لا اله الا الله ... قبحك الله واهانك في الدنيا قبل الاخرة ويرينا فيك يوم يا لئيم


#940478 [ابوالحسن الشايقي]
5.00/5 (5 صوت)

03-12-2014 09:23 PM
يانافع يا ما نافع انت فاكر السعوديين والاماراتيين ما بفهموا وله شنو ثلاثه اخطاء كبيره لا تغتفر ارتكبتها الانقاذ عن قصد اولا انحياز الانقاذ في حرب الكويت الاولي الي جانب العراق بل تحريض صدام حسين وذهاب وفد حكومي كبير برئاسة يسن عمر الامام ثم الخطأ الثاني استضافة اسامه بن لادن ومن معه وهم متمردون علي النظام السعودي وفتح معسكرات تدريب لهم ثم الخطأ الثالث والقاتل تهديد الامن القومي السعودي باستضافة سفن وبوارج وغواصات ايرانيه ان كنت تظن انهم اغبياء فانت واهم هم يعلمون انكم كاذبون ومخادعون ولاعهد لكم.


#940459 [عصمتووف]
5.00/5 (2 صوت)

03-12-2014 09:03 PM
انه واحد من التافهين ليس اكثر


#940454 [المهندس سلمان إسماعيل بخيت على]
5.00/5 (2 صوت)

03-12-2014 08:55 PM
ياجماعة الخير الطفل مسئول الإستثمارات السودانية وين عاوزين نسأله عن إستثمارات دول الخليج وصلت كم مائة مليار دولار
يا مصطفى الزيكم انتو ينفر المستثمر لايقرب
دمرتم بلد لا يدمر


ردود على المهندس سلمان إسماعيل بخيت على
European Union [خالد حسن] 03-12-2014 09:59 PM
يالمهندس الشحاد ده تاني يشحد وين الخليج ووقف الدعم زياره ساكت تاني مابقدر يمشي عشان يشحد
تأشيره مابدوه.. الا يرجع شبرد بوش يبيع الثياب واللباسات والاساتك .. وكان شفته في شبرد بوش بتفه ليه في وشه الشحاد ده


#940447 [انصاري]
0.00/5 (0 صوت)

03-12-2014 08:42 PM
** هسع ..دي عمايل يا نافع .. الشيطان زاتو ما بقول بسم الله الرحمن الرحيم.... أهل كتاب شنو..والله دي أهل النيروز زاتم يخجلوا من عمايك واهلك الاقربين... تبت يداك ولعنة الله والملائكة عليك..والناس أجمعين...



تحصلت (الراكوبة) علي صورة من أمر القبض الصادر عن شرطة محلية شندي الممهور بتوقيع العقيد عادل حسن إبراهيم مدير القسم علي شقيقي مساعد رئيس الجمهورية السابق نافع علي نافع (عبدالرحمن والبلال) بتهمة تعذيب الشهيد عطاالمنان والتسبب في وفاته بعد إنهامهما له بسرقة مواشي خاصة بأسرتهم / وجاء في التقرير الطبي أن القتيل تعرض لتعذيب شديد ومتكرر نتج عنه إرتجاج الدماغ والأنزفة الواسعة تحت النسيج العضلي وتخت العضلات وفوقها وإصابة الخصيتيبن نتيجة الضرب بآلة صلبة تشبه "الخرطوم الملتوي" ــ أنظر التقرير ــ ، وتناءاً عليه تم فتح بلاغ في مواجهت المتهمين عبدالرحمن والبلال إضافة لبعض أفراد من جهازي الشرطة والأمن ــ تم تحديدهم بالإسم في يومية التخري ــ تحت المواد: ( 23 ، 26 ، 130 ، 75 من القانون الجنائي) ، وامت محاطبة قيادتي الشرطة والأمن لرفع الخصانة عن منسوبيها المتهمين في المشاتركة في إغتيال الشهيد عطا المنان.

هذا وتشهد منطقة البطاحين وتميد النافعاب خالة من الإختقان بينهما يعمل بعض الأجاويد علي إطفاء نارها خاصةً بعد رفض ذوي القتيل الديّة التي عرضها نافع علي نافع عليهم.


ردود على انصاري
United States [اب شنباً كليقة] 03-13-2014 12:42 PM
لا دية نحن لسنا رخيصين ولا دماؤنا رخيصة
\
هذا ولا حقنا بنجيبوا حمرة عين


#940438 [AburishA]
5.00/5 (3 صوت)

03-12-2014 08:32 PM
السعودية ختتوا معاكم قرض...وانتو اكلتوا نيم...

** تاني لو تلحس كوعك.. الحرمين زاتها ما حتشوفها الا في التلفزيون..


ردود على AburishA
[ودالباشا] 03-13-2014 10:29 PM
الله يجازى محنك خلينى اضحك بى كرتين

United States [AburishA] 03-13-2014 08:05 PM
هيع هيع هاااع ياود الباشا.. والله اظن يكون احسن تعليق ما قالته ابنتك (ربنا يحفظها ويخليها)

دا سنو !!!! اوع يكون ردك قلت ليها.. انا زاتي ما (عالفو) !!!

United States [ودالباشا] 03-13-2014 01:38 PM
اثا بقرا فى كلام نافع هذا
عندى شافعة 3سنوات شافت الصورة وقفت وهى تنظر بأمل ثم
سألتنى دا سنوو ؟

كأنها فهمت خزعبولات هذا الرجل


#940428 [سروره]
0.00/5 (0 صوت)

03-12-2014 08:18 PM
مكائد نحن فى غنا عنها أيها الكاتب


ردود على سروره
European Union [khalid] 03-13-2014 10:19 AM
سروره ماذا تحديدا يعنيك ؟؟؟؟؟؟؟؟؟؟؟؟؟؟؟؟


#940409 [ارنستو تشي]
5.00/5 (1 صوت)

03-12-2014 07:47 PM
كتير كتبنا أن هؤلاء لأ يفهمون شيئا في السياسه
و يحاولون أن يغطو اشعه الشمس بالغربال
ياتري هل العالم وحكوماته ساذجة لدرجة أن يضحك عليهم هذا النافع
وبعدين انت شنوووووو العرفك انو في مقاطعة ولا مافي ما زمان ادوك بالجزمه
وقالو ليك قطر عجيب
اما من ناحية الاساءة للضيف عندنا مثل بيقول ما بنبح في فراشه الا الكلب
لكن معزره للكلاب لا نها وفيه لأصحاب وأولياء نعمتها من الكيزان لعنت الله عليهم الملائكه والناس اجمعين


#940401 [hag]
0.00/5 (0 صوت)

03-12-2014 07:31 PM
نا و الله كرهتك و كرهنا خلقتك و عمائلك


#940391 [ابو دينا]
5.00/5 (1 صوت)

03-12-2014 07:12 PM
حيقول ليك ما انا شايف حليب المراعي في السوق تقول لي شنو وتقول لي منو ؟


ردود على ابو دينا
United States [nagatabuzaid] 03-13-2014 12:00 AM
يكون ده حليب جامعة الخرطوم السرقوا عينك عينك عباه فى عبوات حليب المراعى الفارغة يكون جند كم جدادة يحوموا بالكوش يلقطوا ليه فوارغ المراعى المخلوق ده اى قذارة ممكن يعملها


#940387 [Abu sami]
5.00/5 (1 صوت)

03-12-2014 07:09 PM
هذا القبيح . لعنة الله عليه . ما عايز ينقلع . ليك يوم يا كلب يا ما نافع


#940375 [ودالشريف]
0.00/5 (0 صوت)

03-12-2014 06:50 PM
عجبا لك الضار المانفع وهل انت تعتقد انك تنتمى للاسلام دين التسامح والعدالة الاجتماعية نحن يا ضار ديننا دين تسامح وعدالة اجتماعية ودينكم دين كذب وضلال وقتل وفساد وتفرقة عنصرية انتم اليهود الصهاينة ارحم منكم انتم قتلتم اكثر مما قتلت اسرائيل انتم تقتلون النفس التى حرم الله قتلها الا بالحق انتم نسال الله ان يرينا فيكم عجائب قدرته يااارب ويا ضار السعودية انتم فى حساباتها جماعة محظورة ام ستتنكرون لجماعاتكم اها اختارو وصدقا انتم ارهابيون


#940364 [جاكومه]
3.00/5 (1 صوت)

03-12-2014 06:41 PM
انتو زاتكم يا الصحفيين شنو الوداكم لى زول تعملو معاهو لقاء وتسوو ليهو شنة ورنه ؟؟

ذى ما قالو جماعتو اعفوهو من منصبة , انتو كمان الله يعفى عنكم ما تشتغلو بيهو فى اى مكان تلقوهو فيه !


#940363 [ابوعلي]
0.00/5 (0 صوت)

03-12-2014 06:39 PM
دا الجابو شنو تاااااااااااااااااني الله ينتقم منك


#940356 [kalifa ahmed]
5.00/5 (1 صوت)

03-12-2014 06:33 PM
lمقتبس من المقال (كما يرتبط السودان بعلاقات وثيقة مع حركة الاخوان المسلمين الذين اعلنتهم السعودية جماعة ارهابية وحزب المؤتمر الوطني فرع من فروع الجماعة وعضو في التنظيم العالمي للاخوان المسلمين عبر الحركة الاسلامية، بجانب علاقات السودان الوثيقة مع قطر. ) .... ولا يرتبط ولا يحزنون هم أخوان مسلمين حتى النخاع... اسم المؤتمر الوطني والحركة الاسلامية والنهضة والحرية والعدالة.....الخ كلها للتعمية ودفيس الفارة ..... وتقية تستخدم عند اللزوم....كلهم خاضعون لاوامر التنظيم العالمي وينفذون التعليمات فقط ....!!!!


#940352 [بت قضيم]
0.00/5 (0 صوت)

03-12-2014 06:31 PM
اخوان الشيطان ديل يغالطوا النبي في رسالته انهم يفسرون كتاب الله حسب منهجهم ( فقه الضرورة) وياخذون ما يتوافق مع منهجهم ويتناسون الباقي قرار السعودية واضح ولو ما مصدق تاكلام ده يقدم طلب تاشيرة دخول للاراضي السعودية


#940340 [درمبل]
5.00/5 (1 صوت)

03-12-2014 06:11 PM
ياضار السعودية اوقفت التحاويل للسودان واوقفت المواد الغذائية يا كاذب



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة