الأخبار
أخبار إقليمية
سامية تنفي وجود صراع حكومي حول دارفور
سامية تنفي وجود صراع حكومي حول دارفور
سامية تنفي وجود صراع حكومي حول دارفور


03-13-2014 12:28 PM

الجريدة: البرلمان: وليد
نفت نائب رئيس البرلمان سامية أحمد محمد وجود صراع حكومي حكومي في دارفور تسبب في تجدد الصراعات في الإقليم مشيرة الى أن إرجاع سبب الصراع إلى خلاف والي شمال دارفور عثمان يوسف كبر وموسى هلال غير صحيح ولفتت إلى أن الأمر أصابه نوع من التضخيم وأوضحت في تصريحات صحفية بالبرلمان أمس أن أزمة دارفور لم تبدأ الآن ليرد سببها إلى خلاف بين شخصين لكنها أشارت إلى أنه قد تستغل في بعض الأحيان أغراض تولد سلبيات لاستمرار الصراع وقالت "في بعض الأوقات الخطأ تتناثر " وأكدت بعدم تجزئة الطرح في الصراعات المسلحة ونتائجها فضلاً عن تعزيز التنمية والاستقرار وإيجاد حل سياسي إيجابي شامل وفقاً للمبادرة التي الحل الشامل التي أطلقها رئيس الجمهورية ونوهت الى أن المبادرة في الأساس مصوبة على هذه الأشياء وقالت إنهم الآن في مرحلة بناء دولة القانون والمؤسسات، وأعلنت عن سير جميع آليات حل القضايا إلى الإمام وفقاً للخطط المرسومة.

الجريدة


تعليقات 18 | إهداء 0 | زيارات 2086

التعليقات
#941808 [maria abdallah]
0.00/5 (0 صوت)

03-14-2014 02:45 AM
هو انتو بتقول الفي بالكم ونحنا نوم ما قادرين ننوم بسبب حكمكم الفاسق وصراعتكم الماليها نهايه عندنا ممنوع الزول يضحك حتى ليفتكرو معارض لمؤتمركم هذا ويقتلو هل هذي تعتبر حكومه بحق النبي ونكون صاحين لانك تحت اي ظرف تتوقع نفسك ميت لامحاله هو فضل فينا نفس بي سبب كذبكم وفسوقكم هذا نحنا قتلو وفعلو وتركو والضرب م بيقيف الا لحظات اذا كنتو انتو في عيشه هنيه ورغده نحنا في جحيم بي سببكم ايش يعني مؤتمر او غيرو كرهتونا البلد والحياة زاتها والفتح فمو واتكلم الله يرحمو هو وعيلتو وبتقولو ماف مشاكل بين موسى هلال وكبر ما عندنا عاوزين كبر ومن زمان ما عاوزنو


#941639 [ابو احمد]
0.00/5 (0 صوت)

03-13-2014 09:11 PM
- سامية دى مصابة ب دأء التمترس الفكرى ، دائما ل 25 سنة تردد كالبغباء، مخها طريق لإتجاه واحد .

- يختى خلينيامن السياسسة الرا جل حقو وينو مع جلسات البرلمان وأمانةالحزب ، والندوات ، والإجتماعات ....الخ .
- شوفى ليك كبرتة ودخان ، وشيل حلاوةة ، السودان ضاع اربعة حروب دارفور / النيل الأزرق / جنوب كردفان / حدودنا مع الدولة الوليدة جنوب السودان


#941563 [Nuha]
0.00/5 (0 صوت)

03-13-2014 07:01 PM
اكتر شعب ماحايمشي خطوه لقدام لانكم بتعلقو وتنظرو في خلقة الخالق وبتنسو الموضضوع الاساسي والله زيكم ماشفته نهااااااااااااائ مااظن في ناس في العالم بتتهتم بالشكل غيركم المهم كل زول علق ع شكل البني ادمه دي يشوف اقرب مرايه ولا ماتتعبو شاشة التلفون وشوفو خلقكم قبل ماتعلعقو وشكرا وياريت لمن ندخل الشبكه ونتصفح في جرائد اكترونيه نبقي قدر القرايه والتعليق في الموضوع يمكن الحال يتصلح في السودان


ردود على Nuha
[الأبراهيمي] 03-13-2014 11:27 PM
لانه الشعب خلاص كفر بهذه الطغمة الحاكمة ..
تنظر في وجوههم الكالحة عدم البركة .
حتى أجمل جميلات هوليوود ذوات البشرة الناعمة تنطبق عليهم هذه الآية بسبب أفعالهم :
ووجوهم يومئذ عليها غبرة ترهقها قترة .
ولو يحكمنا قرد أو خرتيت بعدالة لن نسيئ إليه بل نوقره ونبجله .
لان جمال العقل يسمو بالانسان وهؤلاء تنظر في وجوههم نضرة النعيم .
أو كقوله تعالى: { وجوه يومئذ مسفرة ضاحكة مستبشرة}


#941453 [Narjesa]
0.00/5 (0 صوت)

03-13-2014 04:54 PM
الخلافات بين كبر وهلال وصلت لوسائل الإعلام العامة.. يعنى كيف سامية تنفى الكلام ده؟


ردود على Narjesa
United States [maria abdallah] 03-14-2014 02:47 AM
فعلا ديل يقتلو القتيل ويمشو في جنازتو


#941357 [هيثم الخلا]
5.00/5 (1 صوت)

03-13-2014 03:13 PM
الولية دي ماله الأيام دي مركبة مكنة ربيع عبد العاطي ومتلحانا بتصريحات صماء لا مكان لها في أزمة دار فور الطاحنة، يا ولية اتخارجي إنت ما عارفه الأمور ماشية وين، شوف ليكي عمارة في ماليزيا ولا أي حتة، لو ما لابسة التوب الواحد كان قال كلام كثير،


#941325 [الصوت]
5.00/5 (1 صوت)

03-13-2014 02:45 PM
نعم يخختي ؟؟ مرحلة بناء دولة شنووووو ؟؟ يادوبكم .... كن كدة ..ده طرفي منك ... والحمد لله

كان نموت فطيس ساكت ....!!!


#941324 [الشفت]
0.00/5 (0 صوت)

03-13-2014 02:44 PM
مخير الله لو ما التوب اللابساهو الزولة دى ,, كنت قايلو عوض امبدة السمسار


#941303 [بت قضيم]
0.00/5 (0 صوت)

03-13-2014 02:23 PM
يا سمسم القضارف الزول صغير ما عارف من زمان اقول الزول ده شكلو ما غريب على اسه يادوب اذكرت شايفو في سوق الخضار ( اسواق الواحة حاليا ) ببيع في الكسرة يخلق من الشبه اربعين


#941291 [بهاء]
0.00/5 (0 صوت)

03-13-2014 02:16 PM
ياجماعة اياكم والاساءة لهذه المرأة الجسورة المناضلة , ماتخليكم اعداء للنجاح والامتياز اعملو حسابكم واوزنو كلماتكم


#941256 [سامية الشينة]
5.00/5 (1 صوت)

03-13-2014 01:54 PM
الولية الشينة دي الله غضبان عليها شنات وش وطبع وسواد قلب . اعوذ بالله من وشك ده


ردود على سامية الشينة
European Union [julgam] 03-13-2014 05:40 PM
ياناس الراكوبه حرام عليكم تانى جايبين لينا سيرة البحر مالكم..شناتوما الإنخاس دى ألا يكفينا شرها..كفايه تجيبوا أيه موضوع عنها!


#941244 [ابتهاج]
0.00/5 (0 صوت)

03-13-2014 01:44 PM
اشكال تقطع الخميرة من العجين,, نحن المضيعنا شنو غير الاشكال البشعة دى ,, شوفوا الشكل ده فى ذمتكم ده شكل واحدة يتفاءل بها الشعب,,, لله درك يابلد


#941235 [مواطن]
0.00/5 (0 صوت)

03-13-2014 01:34 PM
حل سياسي إيجابي شامل وفقاً للمبادرة التي الحل الشامل التي أطلقها رئيس الجمهورية
ودي بالغتي فيها يا بت حل سياسي ايجابي شامل مرة واحدة كدا ؟؟؟؟


وقالت إنهم الآن في مرحلة بناء دولة القانون والمؤسسات

يعني 25 سنة نحنا في دولة غابة ساااااااي ولا شنو؟؟؟


#941229 [فايز]
0.00/5 (0 صوت)

03-13-2014 01:30 PM
اخبار العريس شو؟


#941222 [مساءكم خير]
0.00/5 (0 صوت)

03-13-2014 01:25 PM
الخلاف بين الحكومة والحكومةاكيد موجود وكل انسان عارف الكلام ده لان الحكومة تتعامل بمكيالين حول قضية دارفور وان لم تصدق الحكومة فيما يتعلق بهذا لامر فان هذا سيشكل خطر كبير على الوطن وكلام سامية ده كلام ساكت وتعبيراتها مثل د . امين حسن عمر وغيره من تلامذه د. حسن الترابى لف ودوران بالالفاظ الله يستر علينا فالصبر والصلاة احسن مخرج والدعاء فى نهاية كل صلاة يوميا (اللهم انا نسالك عملا صالحا ورزقا حلالا وعلما نافعا )اما الكذب والنفاق السياسي والله حده قريب ولن يطول .


#941208 [ود شندي]
0.00/5 (0 صوت)

03-13-2014 01:14 PM
يابت ناس مرشنق نسيت اهلك و حلتكم بقيتى جلابية


#941191 [اهلي الغبش]
0.00/5 (0 صوت)

03-13-2014 12:59 PM
ساميه انسانه بسيطه وهي بمليون رجل وبتهمها قضية البلد ربنا يحفظك لينا ...


ردود على اهلي الغبش
European Union [عبدو] 03-13-2014 03:03 PM
شوفو ليها عريس طيب زيها كان تختانا


#941190 [ابونور]
0.00/5 (0 صوت)

03-13-2014 12:58 PM
يا ولية يايائرة ياكاذبة مشكلة دارفور بدات فى عهدكم والحل الجزئى ملهمنا وبطلنا ياسر عرمان قال ليكم مرفوووووووض حل شامل واصلا انتى ورئيسك كذابيين ربنا كشفكم سريع بخطاب الدلاهة بشبش فى بورسودان والناس عارفكم كويس قتلة يامجرميين
يا حرمة يابائرة لو عندك ولد او رئيسك كان عنده ولد ما كان قتلوا على ابكر موسى بدم بارد يا حاقدة


#941167 [الهاج ماجدا سورا]
5.00/5 (2 صوت)

03-13-2014 12:37 PM
أقعدي أنفي كدة يا هنجوكة الكيزان لما ينفيك العزيز المقتدر من وجه الأرض



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة