الأخبار
أخبار إقليمية
إهانة الطالبات المجندات..فضيحة بمنسقية الخدمة الوطنية بمحلية بربر
إهانة الطالبات المجندات..فضيحة بمنسقية الخدمة الوطنية بمحلية بربر



03-14-2014 12:55 AM

عرض: نجلاء عباس
اشتكى أولياء أمور خريجات الجامعات اللاتي التحقن بالخدمة الوطنية بغرض تكملة الإجراءات المعروفة للخريج وقال والد الخريجة عمر الحاج - إنه لا اعتراض له بأن تلتحق ابنته لقضاء الخدمة الوطنية وهذا حق للدولة عليها ولكن يجب أن توظف في خدمة الوطن حتى تعم الاستفادة، وأضاف نحن نعرف أن الخدمة الوطنية تكون في بعض المؤسسات الحكومية وبرامج التشجير ومحو الأمية لكن الغريب والذي يثير الغضب عندما تخرج أعراضنا للشارع العام ونظافة الأسواق والجامعات وقال من أعطى مدير المنسقية الحق في أن يخرج (ببناتنا) إلى سوق بربر ويقمن بنظافته وسط العطالة والمخمورين و(الشماسة) ومن أعطاه الحق بأن يذهب بهن إلى كلية وادي النيل لنظافتها بدلاً من العاملات اللاتي يتقاضين أجراً لذلك. ونشير إلى ان مسؤولية نظافة الشوارع والاسواق وغيرها تقع على عاتق المحلية ولها عاملون مخصصون لذلك فكيف يتجرأ المنسق لأخذ بنات العائلات وخريجات الجامعة للقيام بتلك الأعمال التي تفقدهم الاحترام فالخدمة الوطنية ليست للمذلة والإهانة للفتيات.


الانتباهة


تعليقات 12 | إهداء 0 | زيارات 4337

التعليقات
#942779 [عطوى]
0.00/5 (0 صوت)

03-15-2014 10:28 AM
والله الكيزان جسو نبضكم بكم حاجة وانتو ساكتين خدمة وطنية لبنات ؟؟؟؟؟ كلو نوع من الاذلال لمحمد احمد وبعد شوية يبيعو بناتكم وانتو تشجبو ووتدينو وتبكو وتتمخطو وبس .. ليهم حق الكيزان يعملو كده ويركبو فيكم ..


#942516 [1320248aqz]
0.00/5 (0 صوت)

03-15-2014 12:41 AM
الخدمة الوطنية للحريم داعيها اشنو


#942293 [القادمون الجدد]
0.00/5 (0 صوت)

03-14-2014 06:39 PM
وقال من أعطى مدير المنسقية الحق في أن يخرج (ببناتنا) إلى سوق بربر ويقمن بنظافته وسط العطالة والمخمورين و(الشماسة) هذا انطباع سئ عن المدينه وقاطنيها وليس عن المنسقيه ....ومن الافضل ان ترى بنتك في الصقيعه وهي تقوم بعمل معين ولا ان تكون في الغرف المغلقه بقرض اعداد فرحه الصائم ووجبة الجاهد وكسوة ارامل الشهداء وكفاله الايتام والوقفه مع متضرري السيول والفيضانات وزيارات ميدانيه لجرحى العمليات لتخفيف الامهم


#942232 [بت قضيم]
0.00/5 (0 صوت)

03-14-2014 04:44 PM
خدمة الدولة ودفع ضريبة الوطن ليس عيب مهما كان نوع العمل شرط ان يتساوى فيه الجميع وان لا يخضع للاذلال والاهانة


#942068 [حبص]
0.00/5 (0 صوت)

03-14-2014 12:33 PM
والله ده كلام؟


#942052 [فاروق بشير]
0.00/5 (0 صوت)

03-14-2014 12:18 PM
النظافة ليست مهنة مهينة.فقط مرتباتها ضعيفة. وليت الحكومة المحلية تخصص يوما يقوم به الوزراء لنظافة المدينة. يوم واحد كعمل رمزي.وليتها تضاعف مرتبات عمال النظافة .
الكلام عن النساء والفتيات كحال خاص قارورة تحتاج الحرز والكجرة هو فهم ضد المراة نفسها.
( سوق بربر ويقمن بنظافته وسط العطالة والمخمورين و(الشماسة) )
مرة اخرى الاساءة للشماشة.
فى ناس الواحد يحب يعالج مشكلة-وهي ليست مشكلة-يخلق الف تناقض ومشكلة.
بدلا من راى ولي امر ,حق ان ياتي الراي من الخريجات انفسهن- لجنة تمثلهن. وننتظر من هذه اللجنة ان تفوضها الخريجات لنظافة المدينة فى الخدمة الوطنية وغيرها.


#942035 [أبو محمد]
1.00/5 (1 صوت)

03-14-2014 11:58 AM
أعيب على كاتب المقال قوله أن الخدمة الوطنية حق للدولة. وماذا قدمت الدولة لتعليم أبنائنا وبناتنا حتى يكون لها الحق لإجبارهم على العمل سخرةً.


#941935 [Hash-hashon]
3.00/5 (2 صوت)

03-14-2014 09:51 AM
اكيد لا احد يعترض على نظافة المدن وإذا لم يكن بالامكان استئجار عمال نظافة لانو اصلو الشغلة دي إذا ما في زول يرضي يمتهنها... لا مانع من احكام التنسيق مع قطاعات المجتمع لايجاد متطوعين لانو نضافة البلد شي يشرف الجميع .... ولكن متطوعين مش طالبات خدمة وطنية يعني مش اخواتنا نحن وبنات عماتنا وخالتنا نتفاجأ بيهن ينضفن في السوق وجنب القهاوي والجنبات بتاعة الشيشة ومحلات العماري الجيد والممتاز وكان مافاطر ماتخاطر وفي مراتع الصعاليق والسطلجية والمساطيل والمصقوعين والكيزان .... دي الواحدة ممكن تكون عمرها ماخشت السوق يااااااخ تبا لكم يناس الخدمة الوطنية الارهقت ميزانية البلد بالمباني والمخصصات وبالعربات والصرف البزخي هي شنو الخدمة الوطنية دي ما واحدة من مشاريع التمكين اخترعوها كمأوي لتشغيل موالينهم ومنافقيهم وايواءهم ورافد من روافد المأكلة بأسم البلد واكبر غائق امام الطلاب في الحصول على التعليم واستخراج الشهادات والتوظيف ماتتعلم ماتستلم شهادتك ماتشتغل لو ماإتعرضت لي مشروع الاستقطاب القسري والإذلال تحت مايسمى بالخدمة الوطنية الماخدمت البلد ولا يوم في عمر ديناصورات الحكومة الفاشلة..

في رأي ناس بربر تقاطعو الخدمة الوطنية وتطردو المنسق المراهق سياسيا واداريا والمتحمس اكثر من اللازم واكيد ماعندو اخوات ولابنات عم عديم الغيرة بعد دا انشا الله بس يكون سوداني في ظل بلد يرتع فيه الاجانب؟
صدقوني زول بسالكم مافي موسى هلال طرد ناس الشرطة عديييييييل المشو يحرسو مناجم الدهب قال ليهم دي ارضنا خلو السلاح والعربات ويلا بلالمة وقال ليك خلوهم بعد دا طاردوهم الصعاليق ملصو منهم الكاكي وخشو البلد بي نكاسييي وبعد دا قال ليك خلاهم تاني يوم عمل ليهم كمييين قتل نصهم وشال العربات الجات تنقذهم يرجعو الفاشر قولو لي في زول سألو؟ بعدين قبل نضافة الشوارع البلد دا داير نضافة من الفاسدين المفسدين وداير نضافة من الارزقية بياعين الزمم والحتالة الغير مؤهلين الجاثمين على صدر الشعب في اعلى مناصب الدولة الآيلة الى السقوط.... آآآه الله المستعان اللهم كل من اتى به الكيزان وشدو من ازره مع علمهم بجهله وعدم صلاحه اللهم اكفينه بماشئت... الحل في الدعاءبنية صادقة والتضرع لله القوي المتين.


#941913 [abubaker]
5.00/5 (1 صوت)

03-14-2014 09:09 AM
كان رجال قولو ليه لا بلاش كلام فارغ


ردود على abubaker
United States [ابونديبو] 03-14-2014 10:19 PM
ياناس بربر المنسق ينفذ تعليمات الغرض منها كسر شوكتكم واذلال شبابكم حتي تموت فيهم الروح
وبالمناسبة ده كان رأي الترابي .....الموضوع بسيط جداً وهو ان قوم الشباب بطرد المنسق وبالقوة


#941906 [عنبر عمر الطيب]
2.50/5 (2 صوت)

03-14-2014 08:49 AM
كف واخد من الاياه من راجل ملوي هدومه للمنسق وقدام بناتكم بيعدل الطريق بدول الولولة والكواريك المانافعة دي


#941898 [محمد احمد]
0.00/5 (0 صوت)

03-14-2014 08:30 AM
انت ما عايش في السودان ولا شنو، المسؤليين في السودان ما عندهم امخاخ لو سالت واحد فيهم لماذا اتخذت هذا او ذاك القرار حا يديك اجابه تخليك تتطرش أو تدوخ. معليش الزول يقول كده لكن واضح مافي أي تخطيط أو استراتيجيه معينه للأسف الله يكون في العون.


#941824 [mohd]
5.00/5 (5 صوت)

03-14-2014 03:31 AM
ديل كلهم شماسة واولاد حرام وتربية شوارع من بشيرهم لصغيرهم انت غلطان البتسلم بنتك لشماسة ومقاطيع

هي دي حكومة دي ؟

واللا ديل مسئولين واللا بشر اصلا

شوية صيع ومجرمين ركبوا على ظهر دبابة واحتلوا البلد تجي تسلمهم بنتك والله ما تشتغل لو تموت من الجوع ولا اسلمها لكلاب اولاد كلاب زي ديل



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة