الأخبار
أخبار إقليمية
طه رئيساً..من يثني ..!!
طه رئيساً..من يثني ..!!
طه رئيساً..من يثني ..!!


03-14-2014 03:53 AM
*عبدالباقي الظافر

(تعلمون يا شعبي انني لم اتلقي تعليما جامعيا ولكنني أؤمن ان رئيس الجمهورية يقوم بمهام اكثر مما يشغل وظيفة.)..بتلك الكلمات العميقة اعلن الموسيقار والشاعر يوسو أندور ترشحه لمنصب رئيس جمهورية السنغال..أندور لم يكن حديث عهد بالحياة السياسية إذ سبق ان شغل منصب وزيرً الثقافة والسياحة في بلده الذي لم يشهد انقلابا عسكريا في تاريخه..لم يتمكن أندور من إصابة المنصب السامي بسبب فشله في جمع التوقيعات الشعبية المطلوبة وفقا لقانون الانتخابات ..المطرب الشهير ساهم في إنزال هزيمة ساحقة بالرئيس عبدالله واد الذي خالف روح الدستور وترشح للمرة الثالثة..عبر الأجيال الجديدة التي جذبها وجود شخصيات مؤثرة مثل المغني أندور انتصرت إرادة التغيير بفوز الرئيس الشاب مكي سال في انتخابات 2012..ولم يجد الشيخ واد غير ان يهني خصمه بعد ساعتين من اعلان نتيجة الانتخابات.

في عددها الاول حملت لنا (الصيحة) عزم الفنان طه سليمان الترشح لرئاسة الجمهورية في الانتخابات القادمة..ربما استنكرعدد كبير من القراء إيراد الخبر على ذاك النحو..وربما اعتبر عدد مقدر ان الامر مجرد مزحة سياسية تستهدف الإثارة..من يظن خيرا بالمطرب الشاب سيضع الخبر في سياق حكاية كيجاب والانتخابات ..فقد ظل السباح كيجاب يفسد عدد من الجولات الانتخابية بولوجه ساحة التنافس بشكل غير جاد يستهدف لفت الأنظار.

بداية ما الذي ينقص الفنان المحبوب طه سليمان ليصبح رئيساً في دولة كالسودان ..الفنان طه يملك شعبية كبيرة وسط الشباب..شعبيته عابرة للولايات وتتجاوز كثير من الحواجز العرقية والاجتماعية ..اغلب السياسيون الذين ينتظرون دورهم في الوصول الى القصر او المطالبين بالتمديد لن تستطيع برامجهم السياسية استقطاب الاجيال الجديدة التي جعلت من يوم وفاة الفنان محمود عبدالعزيز يوما وطنيا للحزن.

هنالك زاوية اخرى لمرشح يحمل مواصفات المطرب طه سليمان ..طه وامثاله لهم من الإمكانات المادية ما يجعلهم *قادرين على إدارة حملة انتخابية دون ان ينظروا *الى خزينة الدولة.. عبر عدد من المناشط الفنية وجلسات جمع التبرعات واستنادا على بريق النجومية يستطيع طه سليمان تمويل حملة انتخابية منظمة ..فيما معظم الزعماء المخضرمين يرنون الى دعم خارجي من الأصدقاء او ينتظرون دعما من الدولة الفقيرة.*

اغلب الظن ان الشاب طه يفتقر الى الخبرة السياسية التي تجعله يدير بلدا ينوء ظهره بالكوارث.. هنا أيضاً نقطة إيجابية تحسب للفنان الشاب..بمعنى ان تاريخه خال من المخالفات السياسية التي تجعل نصف الشعب يقف ضده..البرنامج السياسي مسالة سهلة ..كل السودانيين يطلبون وطنا معافا من الحروب وخال من الفساد ومستقر اقتصاديا ..اي رئيس جديد يجب ان يستعين بمؤسسات تساعده في اتخاذ القرار الصائب..وجود رئيس بمواصفات طه سليمان يوطن دولة المؤسسات في السودان.

للأسف لن يتمكن طه سليمان من تحقيق حلمه السياسي بسبب ان الدستور الحالي يضع *بلوغ الأربعين كشرط أساسي لمن تحدثه نفسه في خدمة الناس عبر الوظيفة العامة..بصراحة الدستور كتبه شيوخ يظنون ان طه سليمان وجيله مجرد عيال.

عزيزي القاري اغمض عينيك وتخيل سليمان طه رئيساً..الان ربما أدركت الفرق بين الشاب طه سليمان والشيخ سليمان طه.. اللهم لا تحاسبنا بما فعل الشيوخ منا وفينا.

[email protected]


تعليقات 51 | إهداء 0 | زيارات 15243

التعليقات
#943248 [عطوى]
0.00/5 (0 صوت)

03-15-2014 06:28 PM
ونحنا عايزين صلاح ولللللللللللى (صلاح نطة) ..

وموددددددددددددده الحنينة نائب الرئيس

ورشا الزنجية وزيرا للدفاع

وندوية وزيرا للخارجية


وفرفور وزيرا للقوادة عفوا للامن ..

ورايكم نغير اسم السودان دا ذاتو ونسمية جمهورية الحواتة الديمقراطية

ونشيد العلم بتاعنا يكوون يلا معااى :

انا بريد البواليييييس
انا بموت في ضابط الجيش
نحي بحري بلد الجيش
نمشي نعمل تصاريح
والدورية للتفتيش

الصفقة وين البلد دي ما فيها بواليس ولا شنووو
حرامية ساااااااااااااااي؟؟؟


#943030 [الشفت]
5.00/5 (1 صوت)

03-15-2014 01:56 PM
نحن فئة الشباب سوف نرشح طه ,,, يعنى مثلا ح نرشح الترابى , ولا الصادق المهدى ولا مناوى لا عبدالواحد ولا عرمان ,, ديل كلهم معروفين شنو ,,, لكن طه انسان ومغنى وشاب , وربنا بيضع سره في اضعف خلقه ,, عسى طه سليمان يزبط علاقتنا مع دول الخليج والدول الغربية وامريكا ,, ويقطع علاقته بالإخوان والمتمسلمين باسم الدين,,,رئيسكم مين طه ,,رئيسكم مين طه,,


#942957 [بركان يغلى من الظلم]
0.00/5 (0 صوت)

03-15-2014 12:54 PM
اقترح من يكون من شروط التقديم لرئاسه الجمهوريه ان يتضمن الاتى
1 كشف العذريه لابده ان من يتقدم بحث العذريه اين كانت امراه ام راجله زى طه سليمان
2الكشف الطبى شامل كل شى
3 حسن السير والسلوك من الحى الذى ولده فيه الى المدرسه الى الجامعه
لكن كشف العذريه مهم ومهم جدا


#942925 [خالد]
5.00/5 (1 صوت)

03-15-2014 12:28 PM
ما الذي ينقص الفنان المحبوب طه سليمان ليصبح رئيساً في دولة كالسودان

السودان اصبح دولة كل من هب ودب يترشح لرئاستها - هزلت -

ما ينقصه ان يكون منافقا يتاجر بالاسلام يضحك على الناس ويقول هي لله هي لله ويسرق يمنيه وشماله -
كما ينقصه ان يكون رئاسا رقاصا سمجا


#942884 [أب قرن]
5.00/5 (1 صوت)

03-15-2014 11:57 AM
طه مواطن سوداني ومن حقه الترشح إذا الدستور يعطيه حق الترشح فماالمانع في ذلك ؟


#942768 [ابوحسن]
0.00/5 (0 صوت)

03-15-2014 10:16 AM
الحكم في السودان من الكزان الي طه سليمان بلد الله يكون في العون ونسال الله الكريم ان يولي علينا الصالحين امين بارب العالمين


#942749 [wad almubark]
0.00/5 (0 صوت)

03-15-2014 10:00 AM
الانقاذين او الكيزان .... عندما قاموا بقتل الفنان العملاق (محمود عبد العزيز ) قاموا بقتله نسبا لشعبيته الكبيرة والجارفه وسط الشباب والشيوخ والاطفال من الجنسين وخوفهم من يترشح في يوم من الايام لمنصب رئاسة الجمهوريه او ان يكون قائد ركب التغير في بلد الظلم السودان ... وجايين الليلة وحتى الكاتب يلعبوا بي عقلونا ويقولو طه سليمان ح يترشح وعندو شعبية جارفة .. شعبية ميييين ي عم .. لو كنتو صادقين ما كان تقتلوا محمود عبد العزيز .. وتخلوهو يترشح كان نشوف الفصاحة دي ... ليكم يوم


#942635 [بيكانتو]
0.00/5 (0 صوت)

03-15-2014 08:00 AM
يأخى بالغت عديل كده - ما عندك

احمد الصادق
شريف الفحيل
احمد البنا
معتز صباحى

للرئاسة

عبده بت
حسن كمونيه
ندى القلعة
ايمان لندن
فهيمة


للوزراء


ردود على بيكانتو
[سعيد] 03-15-2014 01:10 PM
هههههههههههههههههههههههههههههههههههههههههههههههههههههههههههههههههههههههههههههها ونسيت سلمق قفة وعواطف طماطم وانصاف مدني وندي القلعة وافراااااااااااااااااااااح عصام


#942553 [هندسة]
0.00/5 (0 صوت)

03-15-2014 02:24 AM
البلد هامله والبصحى بدري يبقى رئيسنا


#942453 [جمال علي]
0.00/5 (0 صوت)

03-14-2014 11:12 PM
معقول تكتب عن تجربة هذا اللفنان السنغالي كتجربة حياة إنسان. لكن ما معقول تحكي لينا عن أحلام زلوط ,. اللهم إلا إذا كنت عديم موضوع تكتب عنه. هل هذا صحفي؟!


#942409 [ابوحميد]
0.00/5 (0 صوت)

03-14-2014 10:15 PM
يا عبدالباقي انت ما سمعت بالحصل في مليط ولاشنو؟ طه شنو البترشح للرئاسة .. خليهو يرضع ويحضن (جناي البريدو )


#942408 [خرباش]
0.00/5 (0 صوت)

03-14-2014 10:14 PM
مافى مشكلة لانو بشبش ما ح يفكها قريب ..... نتظره يتم الاربعين وبعد داك المسيخ الدجال و...


#942377 [ود الشيخ]
0.00/5 (0 صوت)

03-14-2014 09:35 PM
اللهم لا تصلط علينا من لا يخافك ولا يرحمنا


#942327 [ودتاج الدين]
5.00/5 (1 صوت)

03-14-2014 07:58 PM
رغم اني شايف المقال ما بستاهل تعليق بحرف واحد****
لكن رئيس الجمهورية علي الاقل يجب ان تظهر فيه علامات الرجولة (ماعلامات البلوغ)
يعني ببساطة الشعب السوداني ما بقبل رئيس سحسوح واميلس للدرجة دي
وما تزعل يا فنان البنات !!!!!!!
لو كان اترشح راجل زي الرائع الحوت كان ممكن تصت ليهو كل القارة وليس السودان لوحده


#942325 [اه علي بلدي]
0.00/5 (0 صوت)

03-14-2014 07:49 PM
انا واثق تماما ان طه لن يكون اسوي من البشير و عبد الرحيم ان كنتم تتكلمون عن الموهلات فانتم ادري ب موهلات هولا اي من كان سيكون احسن من هولا هذا ما قصده كاتب المقال فله التحية


#942322 [احم غبد العزيز محمد]
4.00/5 (1 صوت)

03-14-2014 07:45 PM
أرشحك يا عبد الباقي أن تكون مدير حملة المرشح / طه سليمان لرئاسة الجمهورية .


#942318 [kongos]
0.00/5 (0 صوت)

03-14-2014 07:38 PM
الجهلاء كثر مافى مشكله تكون ندا القلعه للداخليه وفرفور للدفاع وريماز مرغنى للثخافه والاعلام ومذيعات النيل الازرق مساعدات لرئيس الجمهوريه طه سليمان وعوضيه عذاب للرعايه الاجتماعيه وشكلوا باقى الحكومه اصلها عايره وادوها سوط ان لله فى خلقه شئون ولاحول ولاقوة الا بالله العلى العظيم


ردود على kongos
[هندسة] 03-15-2014 02:20 AM
والسر قدور رئيس هيئة علماء السودان


#942263 [نادوس]
5.00/5 (1 صوت)

03-14-2014 05:34 PM
هاهاهاهاها و الله بعد أغنية (حرامى القلوب تُلب) الزول دة حرق كل مراكبو .. أو ممكن يدخل معاهو بعدين بشبش كشيال دي حتي لو نجح في عرفتها هذا الهطلا .....


#942253 [الحمـــــــــــًدي]
5.00/5 (1 صوت)

03-14-2014 05:16 PM
لك التحية أستاذ عبد الباقي أنت كاتب مخضرم ولكن إنتهى الساسة الشباب أم المادة التي بحوذت المرشح طة هي التي دفعتك لكتابة هذا المقال وأعلم أن السودان توسخ وتدهور وتهكر وتبعثر من قبل الإنغاذ ولم يقدر يدير تلك الدولة والمغبرية إلا إنسان فحل وسياسي محنك ولبغ وأول شئ يكون وطني .
يا هو الفضل صح .
دمتم ,,,,,


#942208 [ركابي]
5.00/5 (7 صوت)

03-14-2014 04:07 PM
هل هان السودان للدرجة دي ...حتي لو من باب الهزار او التسلية الكلام الزي ده مامقبول وخسارة وقت الواحد الضيعو في قراية كلام فارغ زي ده


#942190 [radona]
0.00/5 (0 صوت)

03-14-2014 03:47 PM
ما الغريب في الامر
معظم الرؤساء في السودان ياتون ثائرين واصواتهم تجلجل ولا يعرفون شئ عن الحكم
ونصبر عليهم حتى يتعلموا خطوة خطوة ومع ذلك لا يدركون الحكم الراشد
فليس هنالك ما يمنع الفنان طه سليمان للتجريب مثله مثل غيره
ولكن على الفنان طه سليمان طرح برنامج ونشر سيرته الذاتية والى اي حزب ينتمي
والى اي حزب ينتمي هذه ضرورية جدا
لان الشعب السوداني قد يسبق جميع خصومه ويقفز عليهم رافعا شعار لاحكم لمن حكم
ما الغريب رونالد ريجان كان ممثلا
مرحبا بالرئيس طه سليمان مطرب الشباب


#942148 [المأفون]
4.69/5 (15 صوت)

03-14-2014 02:27 PM
رئيس رقاص و المرشح فنان ليه اصلو السودان دا عباره عن ديسكو .


ردود على المأفون
European Union [سوداني] 03-14-2014 07:17 PM
يا المأفون لا انت فهمت غلط مرشح للمسرح عشان يغني للسودان ويرقص الشعب انت ما شايف البشير دا لما يرفع عكازوا برقص حتي المعارضة معاه


#942122 [سوداني]
0.00/5 (0 صوت)

03-14-2014 01:39 PM
والله زي ما بقولو الحبوبات ياهوو الفضل


#942111 [Amin]
0.00/5 (0 صوت)

03-14-2014 01:17 PM
أُثني

يعني البشير كان حريف سياسة


#942087 [عصمتووف]
5.00/5 (3 صوت)

03-14-2014 12:48 PM
من حقة طة سليمان اين يحلم وليس من حقك تصدعنا


#942078 [زول نصيحة]
5.00/5 (2 صوت)

03-14-2014 12:39 PM
ممكن بس بعد مايبطل ركوب الفيل ومسح الكريمات ممكن نقبلو .............


#942072 [shams eldeen]
0.00/5 (0 صوت)

03-14-2014 12:35 PM
والله هزا زمانك يامهازل فامرحي
والله أيها الظافر لوكنت جادي فهزه مصيبه
وان لم تكن جادي فالمصيبة اعظم
من حق أي شخص ان يكتب مايشاء ومتي شاء
ولكن من حقنا عليه ان يحترم عقول القراء
وياسودان معليييييش......


ردود على shams eldeen
European Union [عماد الغبشاوي] 03-15-2014 11:54 AM
بالله انت مين العلمك اللغة العربية


#942055 [wa ibrahim]
5.00/5 (3 صوت)

03-14-2014 12:20 PM
يا ود الظافر الكﻻم كمل و القضايا اتحلت والدوﻻر بقي امس ب8.3ج. ... هذا المقال ﻻ يشبهك علي اطﻻق انت زول قلمك رصين وكتاباتك هادفة... دخلنا شنو بفنان و ﻻ ممثل اترشح دا نوع من انواع دعاية لفنان ما اكثر.ظظ خليك في مشاكل حاصلة للسودانين مساكين كان مغتربين و ﻻ محليين


#942037 [ماسورة جديدة....]
5.00/5 (5 صوت)

03-14-2014 12:01 PM
يا ود الظافر....

انت خريج ثورة التعليم ولا شنو؟

ياخ كدي أولاً أكتب: أغلب السياسيين.... مش أغلب السياسيون...

بعدين انت جادي؟

غايتو بالنسبة لي ..... طلعت ماسورة كبيرة.....


#942033 [جنوبي]
0.00/5 (0 صوت)

03-14-2014 11:54 AM
يكون المنافس بقدر الخِصم ولما يكون الرئيس هوان بنافسوهوا الهوان ..
لو كان الرئيس بيفهم في السياسة ما كان حيتجرأ علي منافسته الا السياسيين لكن لما زول يحكم كم وعشرين سنة وهو ما بيفهم شئ وما عنده أي برامج للحكم يبقي أي سائق درداقه ممكن يشوف نفسه خصم للرئيس .
وطه سليمان ما اقل من البشير الا ان البشير يتفوق عليه بولاء العسكر !
والعجب ليس في ترشح طه سليمان بقدر ما هو في بقاء البشير كل هذه السنوات !!


#942013 [Ash]
0.00/5 (0 صوت)

03-14-2014 11:35 AM
ح يكون احسن من طه القديم


#941999 [ماهر]
4.50/5 (3 صوت)

03-14-2014 11:15 AM
مجرد سؤال.. هل الكاتب هو والد زوجة الفنان طه سليمان!!؟ ننتظر الإجابة وشكراً


#941998 [um hiba]
4.25/5 (3 صوت)

03-14-2014 11:15 AM
رايكم شنو نرشح الطيب الراعي الابا يبيع النعجة


#941993 [.زول نصيحة]
4.75/5 (4 صوت)

03-14-2014 11:09 AM
اول مرة تكتب موضوع بدون موضوع يا خي دا اغانيهول تنقض الوضوء وتستوجب الاستغفار دايروا يحكم البلد ياها الهملة


#941988 [لن ترتاحوا يا لصوص]
5.00/5 (1 صوت)

03-14-2014 10:59 AM
حتى حسين خوجلى المعروف الانتماء والولاء ذكر (( عدة مرات )) ان الانقاذ تزور الانتخابات ..وطلب عدة مرات مما اسماه ( بحزب السودانيين !!)بالوقوف بقوة ضد التزوير والتلاعب !! شوفوا الملطشة الوقعنا فيها وصلت الى اين ؟؟!!!!!!!!!!!!!!!!!!!!!!!!!!


#941985 [بدر نورالدائم]
3.50/5 (2 صوت)

03-14-2014 10:56 AM
الاخ العزيز الظافر اخجلتنا انت صحفى محنك ونتظر كتابتك بفارق الصبر بالله عليك مشى هذه مهزله ياخى انظر الى طه فى شخص فى لبس فى تصرفات فى شعر فى اخلاقه ياخى انت صحفى يشير لك بالبنان نحن عند راى فى الساسه الكبار مين يعرف طه ايه الموهلات ياخى اكتب كلام للمحبينك ماضيع وقتك كنت اتمنى ان تكون انت المرشح طه كلام مابقدر يتكم سيبه للاغانى الهايفه


#941960 [مواطن]
5.00/5 (3 صوت)

03-14-2014 10:35 AM
اعلام الكيزان يشغل الشعب بالترهات .. هذه وسائلهم حتى ننسى شهداء سبتمبر وشهيد جامعة الخرطوم وغيرهم من ضحايا عهدهم البائس وننسى فسادهم لكي لا ينتفض الشعب ويطيح بهم ...غدا سيأتي أحدهم ويبث اشاعة بترشيح ندى القلعة أو شريف الفحيل لرئاسة السودان .... رجاءا ألا نعير هذه الأنباء البائسة أي اهتمام وليكن تركيزنا على الهدف الأساسي وهو الاطاحة بالمتأسلمين اللصوص وجوقتهم الصادق المهدي والميرغني وكل من سار في ركابهم ..... ولا نامت أعين الجبناء ....


#941941 [المشتهى السخينه]
5.00/5 (2 صوت)

03-14-2014 10:10 AM
هذه كتابة للتسليه .على العموم طه سليمان رجل عنده ضمير وفنان رقيق لا يستطيع ان يقتل عصفور .ولكن الرئيس الدائم وامير المؤمنين لن يسمح بأن يفوز عليه احد واذا ترشح اى منافس معه فسيكون مجرد كومبارس مرتشى ..فالمشير هو الفائز فى الانتخابات وبالنسبة التى يريدها .اما اذا قال احد ان الدستور لا يعطيه الحق فى الترشح فنرجو منه ان يحول نظره الى جزمة الرئيس فسيجد دستور جمهورية السودان الكان مليون ميل مربع نائم تحتها ..


#941934 [محمد]
0.00/5 (0 صوت)

03-14-2014 09:50 AM
الاستاذ ظافر ماطرحته ايجابي من الاتي اولا انك تشجع الشباب لكي يلجوا المناصب العامة(هذا رهين طبعا بانتخابات شفافة وظروف غير التي نعيشها الان) ثانيا انك المحت الي ان طه سليمان قد يكون افضل من هذا النظام وقادته وهذا ايضا مقبول فالانطباع الموجود عند الشعب السوداني ان هذا النظام احقر نظام مر علي الشعب السوداني، ولكني اختلف معك في نقطتين الاولي ان طه المغني لم يظهر باي غناء ذا مضمون وطني او اي افكار عميقه انسانية ..طه ليس مصطفي سيد احمد ليس ابوعركي ولا عضوا في عقد الجلاد. .ثانيا انك ذكرت وضعه المالي باعتباره عاملا ايجابيا في العملية الانتخابية ومنتقصا ذلك من خصومه،وهذه فكره غير صحيحة اسس لها نظام الانقاذ والنظام الراسمالي عموما ان يكون الوظائف العامة حكرا علي اصحاب القدرة وبالتالي صعد الاغنياء لمناصب روساء الاندية كالهلال والمريخ كمثال. والصحيح ان البلد ملك للجميع ونحن معنيون ان نبحث عن اصحاب الافكار الجميلة والارادة القوية والسيره الطيبة والخبرات المميزة حتي اذا ما وجدناهم دعمناهم بالمال وكل مايلزم لتحقيق افكارهم و برامجهم علي الارض.


#941929 [عادل]
3.00/5 (1 صوت)

03-14-2014 09:39 AM
ياخى انت جادى؟؟؟ دى تبقى قنبلة


#941917 [بتول الحلوة]
5.00/5 (2 صوت)

03-14-2014 09:14 AM
البلد هاملة وضايعة... كل من هب ودب ممكن يحكم ...ممكن يرشح ...او يدلى فى شأن الوطن
طب فرفور مالو؟؟ اكتر شعبية صاح...
اقولك حاجة هيثم مصطفى اكثر شعبية على مستوى السودان بس اقل شوية من البشير...
مقياس الحكم عندك يقاس بالشعبية!!!؟؟؟.... عذرا وطنى المكلوم كلنا اذنبنا حينما سمحنا للسفهاء ان يعتلو كرسى الرئاسة
اعذرنى ايه الكاتب لو قلت ماعندك موضوع


#941911 [على عثمان مدمر السودان]
0.00/5 (0 صوت)

03-14-2014 09:08 AM
أحسن طه بتاعك الصهيوني بدلا طه سليمان امشى ىا ارزقى


#941902 [عنبر عمر الطيب]
4.25/5 (3 صوت)

03-14-2014 08:40 AM
انا ارشح نفسي للانتخبات كرئيس للسودان . انا معلم من كادر المعلمين ومقيم بالسعودية منذ 1984 كمعتم لغة انجليزية خريج جامعة ام درمان الاسلامية 1979 ولي علاقات واسعة بالمملكة ومستعد ان احكم السودان بجدارة فقط من وزرا من جميع كوادر البلد يعني ان يكون وزير الصحة من الكادر الطبي والزراعة من الكادر الزراعي وهكذا وحكام الولايات كل من نفس ولايته وارجو من جميع الاخوة المعلمين والمعلمات في الداخل والخارج ان يصوتي لي وسوف اوافيكم جميع برامجي الاصلاحي للبلد تباعا . وجزاكم الله خيرا . الاسم ( عنبر عمر الطيب )والله انا جادي في كلامي


ردود على عنبر عمر الطيب
United States [احمد] 03-15-2014 04:56 PM
قال عنبر ان يكون وزير الصحه من الكادر الطبى والزراعه من الكادر الزراعى (يااخى اختصر وقول حكومة تكنوقراط. انت سياسى وما عارف مصطلحات سياسيه؟

United States [ابومرام] 03-14-2014 10:03 AM
لك التحية استاذ عنبر ومن حقك كمواطن سوداني ان تترشح لانتخابات الرئاسة ولكن صدقني ناس المؤتمر الوطني من الان زوروا الانتخابات وحسموا النتيجة بنسبة 70% لبشبش فانا انصحك انسحب من الان لانه اصلا لا توجد انتخابات وانما دغمسة وخرمجة


#941893 [شلاخخي]
0.00/5 (0 صوت)

03-14-2014 08:20 AM
غفير فى جنينة الحيوانات الجديدة ما دايرنو تانى فى كلام ؟


#941887 [kandimr]
4.94/5 (9 صوت)

03-14-2014 07:42 AM
(رغى)..هل أنعدمت (المواضيع!)..كمستلزمات (الحياة) الضروريه..فالتنجدنا (الأنتفاضة)! ..ثورة حتى (الكنس )والنصر..نحن رفاق الشهداء.الصابرون نحن..


#941875 [خالد حسن]
4.50/5 (4 صوت)

03-14-2014 07:01 AM
البلد دي مافيها غير انصاف الرجال ليحكموا
من العسكري الماتامي رجل للفنان المايع
ديل صحفيين شنو الامخاخهم فارغه ديل
ماتخليك جادي ياكوز ولاعاوزين تشغلوا الناس بالفارغه والمقدوده عشان مافي زول يحاسبكم علي حكم الانقاذ؟


#941871 [حرامي الجيوب تلب]
4.82/5 (5 صوت)

03-14-2014 06:43 AM
يا ها دي الناقصة ..
يا بتاع الزبادي .. وين الموسيقار والشاعر المثّقف يوسو أندور من مغني كل انتاجه ثلاث اغاني هابطة والباقي (تقليد) ؟؟؟
بالجّد .. مسكين السودان .
.. قد نصحو ذات يوم ونجد رئيسنا أحد نزلاء مستشفى (طه) بعشر .


#941846 [alaaly]
3.00/5 (1 صوت)

03-14-2014 05:01 AM
ية المانع طة ندى القلعة البلد منتهى منتهى خلوهو انتهى مرة واحدة وثانيا الكبار ابان فهم كما كنا نظن عملو اية للبلد دى من او حكومة لغاية حكومة الجزمة دا nothing


#941839 [آدم القوي]
0.00/5 (0 صوت)

03-14-2014 04:17 AM
التحية لشيخ المجاهدين سليمان طة عبد القادر متعه الله بالصحة و العافية و امدّ في أيامهِ.0



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة