الأخبار
أخبار السودان المحلية
إختطاف وتعذيب الطالب بدر الدين صلاح
إختطاف وتعذيب الطالب بدر الدين صلاح



03-16-2014 01:41 PM
الراكوبة
هاجمت قوة مسلحة من جهاز أمن عمر البشير في منتصف الليل من يوم (السبت 15 مارس 2014) الطالب بدر الدين صلاح محمد عبد الرحمن أمام منزل أسرته بحي الشجرة جنوب الخرطوم، وإعتدت عليه بالضرب قبل أن تختطفه.

وكان بدر الدين ينوي الذهاب للدكان - الذي يقع جوار باب منزل أسرته - لجلب بعض المستلزمات المنزلية، فأوسعته القوة الأمنية ضرباً وإقتادته لسيارة بالقوة.

وقال شهود عيان من الجيران أنهم شاهدوا ملثمين في عربتين (بوكس) و(صالون) كانوا يرابطون جوار منزل أسرته منذ حوالي الساعة العاشرة مساء، وإقتاد المسلحون الملثمون بدر الدين إلى (ساحة حي الشجرة) جنوب الخرطوم وأوسعوه ضرباً، ووجهوا إليه رسائل واضحة بالقول : (دي رسالة ليك ولي أهلك ولي أخوك محمد صلاح).

وهشمت القوة الأمنية المُختطفِة نظارته، ونهبت هاتفه الجوال قبل أن تمزق ملابسه.

وجاء الإعتداء على بدر الدين صلاح عقب إنتهاء ندوة قوى المعارضة بميدان الرابطة بشمبات.

وفشلت الأسرة في فتح بلاغ ضد المعتدين بقسم شرطة الشجرة.

الجدير بالذكر ان بدر الدين صلاح شقيق الطالب محمد صلاح الذي أعتقل لمدة شهرين في وقت سابق، وولاء صلاح الرئيسة السابقة لإتحاد طلاب جامعة الخرطوم، وإبن أخت بطل الكاراتيه الذي أوسع الترابي ضرباً (هاشم بدر الدين)، وإبن المناضلين المعروفين زينب بدر الدين، وصلاح محمد عبد الرحمن.

رابطين سابقين بالراكوبة:

http://www.alrakoba.net/news-action-show-id-62284.htm


http://www.alrakoba.net/news-action-show-id-64474.htm


تعليقات 14 | إهداء 0 | زيارات 9084

التعليقات
#944997 [عاشق المنطق]
0.00/5 (0 صوت)

03-17-2014 02:54 PM
ابن أخت بدر الدين الذي أوسع الترابي ضربا , إذن فليوسعو أبو أهلو ضربا والسن بالسن والبادئ .


#944278 [ساب البلد]
5.00/5 (1 صوت)

03-16-2014 08:02 PM
********* طالما ملثمين اكيد فيهم اولاد من الحلة و الجيران و الا ما كان في يخفوا وجوهم غالب الظن يكونوا ناس اللجنة الشعبية **** يا شباب اي حي عليهم بكلاب الامن و ما يمسمي باللجنة الشعبية *********


#944204 [الوطن العزيز]
5.00/5 (1 صوت)

03-16-2014 06:45 PM
ممكن يكونوا اعضاء الوطنى برضو عندهم الحق فى اهنة الناس ليكم يوم يا كيزان


#944170 [ahmed//]
5.00/5 (2 صوت)

03-16-2014 06:15 PM
قول لهم وبعد هذه الرسالة الإجرامية اليس الموت الشعب والشباب السودانى اصبح لا يهاب الموت ولكن بعد تقتلوا شباب هذا البلد بدم بارد اين ستفرون من هذا الشعب يوم الزحف؟


#944081 [prjct]
5.00/5 (2 صوت)

03-16-2014 04:20 PM
الغريبة اول امس في خطبة الجمعة قال الامام الخطيب عصام احمد البشير فيما معناه ان على السياسيين عدم الزج بالطلاب في خلافاتهم ، وهو هنا واضح انه يكيل بمكيالين ،اي حلال على المؤتمر الوطني حرام على غيرهم ، العتبى للطالب المغدور حتى ينصف.


#944038 [حازم ابراهيم بادنين]
4.97/5 (6 صوت)

03-16-2014 03:24 PM
بيوت ضباطهم معروفة ومنتسبيهم في كل حي..... ماذا تنتظرون؟؟؟؟؟؟؟؟اوسعوهم ضربا واخطفوا اسرهم وابناءهم والعين بالعين والبادئ اظلم


#944030 [salih]
5.00/5 (2 صوت)

03-16-2014 03:19 PM
الله يستر والله السودان بقي مسرح لافلام بوليود وين نحن ياناس شنو الحكاية الله ينتقم منكم عاااااااااااجل ي رب العالمين. المشكلة الناس قلوبهم مااااااااتت مابتحركو ساكن ولسه حيعملو كتيير ما دام ماف ردت فعل .


#944009 [nagatabuzaid]
5.00/5 (9 صوت)

03-16-2014 02:48 PM
بالله دى رجالة ؟؟ ملثمين وخطف وضرب مجموعة لفرد واحد هم عارفين لو واجهوه رجل لرجل ( فى الثانية سلامة الرجال ) كان حيحولهم الى كلاب تعوى وبررررررررررررررررررررررررررضوا الثورة مستمرة والنضال ماااااااضى والمد قااااااااااااادم وكان هربتوا محصلنكم طبعا بعد ده ما فى بلد يستضيفكم الا ماليزيا مكان اموالكم المهربة وتحت الضغط حتركبكم ماليزيا طيارة لا انتوا لا الطيارة محلكم ما يتعرف


ردود على nagatabuzaid
United States [AburishA] 03-16-2014 05:58 PM
مع التحية بت ابوزيد...

النظام عاجلا ام آجلا سيسقط.. لكن والله كلاب الامن حيكون يومهم أسود... سيتم الانتقام منهم اولا على المستوى الشخصي وفردا فردا...سواء كان قتلا او اغتيالا.. او أذى جسيم يخلى الواحد فيهم يتمنى الموت.. وهم معروفين.. وأي انسان عارف من ظلمه ومن عذبه ومن ذلاه وأنكل به... القصاص آت آت.. وان قائمتهم طوييييييلة.. واسماءهم وكل معلوماتهم معرووووفة ومحفوظة... لك الود..


#944008 [المغترب في بلاد الغربة]
5.00/5 (4 صوت)

03-16-2014 02:46 PM
شد الحيل يابطل سبب اعتقالك التقارب بين الترابي والبشير ودي رسالة لي خالك هاشم بدر الدين المناضل المعروف الجلد الترابي خلاه يولول واسي نحن في انتظار خالك عشان يجلد عمر البشير
يديه شلوت يرجعو حوش بانقا


#944005 [القريش]
5.00/5 (2 صوت)

03-16-2014 02:43 PM
جبناء وكلاب ضاله دا انذل من اسلوب البلطجيه وكمان ملثمن ولابدين تفو عليكم ياكلاب الامن!


#944004 [أسمر جميل فتان]
5.00/5 (4 صوت)

03-16-2014 02:42 PM
يا ها دي الرجالة يا اوغاد!!! يا كلاب الامن!!!
والله كم تمنيت ان تكون ضربة هاشم قريبهم ده كانت القاضية!!!
ولكن لحكمة يعلمها هو سبحانه وتعالي ما زلت ايها لاالترابي ....."حياً حتى الان!!!"
ارفع راسك يا ابني انت واهلك والموت واحد والرب واحد ...
والله الحافظ ..
ودمتم


#943993 [سيد إبراهيم محجوب]
5.00/5 (2 صوت)

03-16-2014 02:27 PM
التحية لإبن صاي المناضل ، إبن المناضل وإبن المناضلة وأخ المناضل وأخ المناضلة لكم التحية والتجلة فأنتم تشبهون صاي وصاي تشبهكم


#943981 [مفجوع]
5.00/5 (3 صوت)

03-16-2014 02:19 PM
هي عصابات لاعلاقة لها بالأمن تمام شغل رباطة ..
لعن الله الكيزان أفسدوا كل شيء في البلد مصانع ، زراعة ، خدمة مدنية ، والأدهى والأمر دمروا الإنسان ذات نفسو. عليكم اللعنة إلى يوم الدين أيها الماسونيين .


#943943 [ودالنضيف]
5.00/5 (5 صوت)

03-16-2014 01:57 PM
بطل بطل بطل يا بدرالدين صلاح ارعبت هؤﻻء الجبناء الذين يلثمون انفسهم مثل النساء.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة