الأخبار
أخبار إقليمية
العاملون يتجهون الي الاضراب في التلفزيون
العاملون يتجهون الي الاضراب في التلفزيون
العاملون يتجهون الي الاضراب في التلفزيون


هددو بإيقاف البث المباشر
03-17-2014 05:05 PM

جدد العاملون بتلفزيون السودان عزمهم علي تنظيم وقفات إحتجاجية للمطالبة بإقالة المدير العام محمد حاتم سليمان وصرف إستحقاقاتهم المالية وتحسين بيئة العمل التي صارت تتردي يوماً بعد الاخر في ظل السياسات الفاشلة والغير مسؤولة من مديره الحالي والجوقة الذين يغنون بما يهوي من مدراء الإدارات مهددين بقطع بث التلفزيون والإضراب عن العمل ،وأكد العاملون انهم سيواصلون رفع شعار (بلا تحقيق بلا استهتار التغيير رافعنوا شعار) الذي رفعوه منذ بداية انطلاقة وقفاتهم الإحتجاجية في العام الماضي حتي تستجيب الدولة لمطالبهم المشروعة في تغيير الادارة الفاشلة للتلفزيون وتحسين بيئة العمل .

و ندد العاملون امس عقب صلاة الظهر (بمسجد التلفزيون) بإنتهاج الدولة موقف الحياد تجاه قضاياهم المصيرية وسكوتها علي سياسات الادارة التي ادت الي هجرة عدد كبير من كوادر التلفزيون الي قنوات فضائية محلية وعربية وكذلك هجرة المشاهدين من شاشته الي شاشات اخري،وقال العاملين ان تردي بيئة العمل يتمثل في عدم وجود شرائط جديدة للتسجيل حيث يتم التسجيل عبر الأشرطة القديمة وتمسح المادة الموجودة فيها والتي تمثل تاريخ الأمة وحضارتها إضافة الي تعطل عدد من الاجهزة واليات التشغيل وعدم صلاحية اجهزة التكييف بالاستديوهات التي تخضع للصيانة كل يوم دون جدوي إضافة الي إخضاع المادة المنتجه الي سياسات المدير العام واهوائه دون المراعاة الي طلبات ورغبات المشاهدين ولجان التقييم والورش التي عقدت لتطوير المنتوج البرامجي للتلفزيون،مشيرين الي ان الصرف البذخي الذي قام به التلفزيون علي احتفالاته باليوبيل الذهبي كان اولي به تحسين بيئة العمل مطالبين الدولة بإخضاع لجان الاحتفال كافة الي المحاسبة ،واكد العاملون انهم سيواصلون في وقفاتهم الاحتجاجية الي ان تتحقق مطالبهم إضافة الي انهم سيصعدونها الي حد اعلان الاضراب العام عن العمل وإيقاف بث التلفزيون.




تعليقات 14 | إهداء 0 | زيارات 5385

التعليقات
#946966 [حية الوادي]
0.00/5 (0 صوت)

03-19-2014 11:42 AM
أولا:أنتم يا ناس التلفزيون ما فيكم رجل واحد ولا أنتم بالرجال . ينبغي أن تستحوا على أنفسكم. تهددوا إلى متى؟ حقوقكم ضايعة في الفاضي. إما أنكم غير مؤهلين وخائفين إذا وقفوكم ليس لديكم جهة تذهبون إليها وهذا من ضعف إيمانكم وإما أنكم تخافون من هذه الإدارة الحالية التي لا تأبه بكم جميعا مع حفنة منتفعة من وراء هذه الإدارة. فأنتم لا تستطيعون مواجهة أقرب المسئولين لديكم وفي داخل الأقسام التي تعملون بها.
ثانيا: أظن وإن بعض الظن إثم أن الرئيس البشير لو جاء يوم القيامة بميزان تعيين محمد حاتم لإدارة التلفزيون لما أظنه ينجو ، وذلك بحسب ما نعلم من هذا الرجل من جشع وهلع وخم لأموال التلفزيونوظلم شديد للعاملين به وفصل عدد كبير لا يستهان به ممن كانت لهم الإمكانيات الكبيرة في تسيير التلفزيون.
ثالثا: أين البرلمان من ذلك كله وهو الممثل الشرعي -كما يقولون- للشعب ؟ أين لجنة الإعلام بالبرلمان التي ترأسها عفاف تاور وهي تدري بذلك تماما لأنها زارت التلفزيون من قبل وخرجت كالجعلان لم تعط أي إهتماما.
رابعا: أقول لهذا الدعي محمد حاتم اتق دعوة المظلوم فإنه ليس بينها وبين الله حجاب وستجاب بإذن الله دعوة من هؤلاء فكما لأأذقتهم وأبناءهم المرارة حتما ستذوق ذلك في نفسك وفي أبنائك إن عاجلا أو آجلا وبعدين ما بينفعك دجال أو مشعوذز.
الله يكون في عونكم يا أيها العاملون بالتلفزيون .


#946221 [كفاية]
0.00/5 (0 صوت)

03-18-2014 03:11 PM
التلفزيون السوداني اتحدى اي زول قاعد يشوفه او يفتح قناته والله لو وقفوه يكون احسن حاجة عملوها وبعدين المظاهرة دي شعارها ستة شهور ما دايرين حقنا كلو والظاهر انها مطالبات ماليه للعاملين حوافز يعني اقترح تحويله لمتحف او اي شيئ اخر


#945581 [Abdu]
0.00/5 (0 صوت)

03-18-2014 03:32 AM
Ileft the country that was once called Sudan 14 years ago and i will never look at what they call Sudan TV, I wonder if Sudan TV still working


#945372 [مجنون]
0.00/5 (0 صوت)

03-17-2014 08:58 PM
هو تلفزيون السودان لسة شغال ؟؟؟؟؟؟؟؟؟؟؟ انا فى الغربة 13 سنة ماشفته انا قلت ممكن لحق امهات طه مع الاقتصاد والتعليم والصحة يضع سره فى اضعف خلقه ، كان اضربتو ولا قعدتو واحد صدقونى


ردود على مجنون
European Union [سميرة] 03-18-2014 02:04 PM
معقولة بس تنسو السودان بالشكل ده؟ طيب بتكتب عن السودان ومعلوماتك من جهة واحدة بس؟ يا ابني انت وغيرك من الناس القالو ليهن زمن ما شافو التلفزيون اتعلمو شوية موضوعية. الحقيقة ليست كلها غايبة عن وسائل الاعلام الرسمية. لو عاوز تنتقد الحكومة انتقدا بما يقولون لاكين تكون رادي بي موجة واحدة؟ الزمن ده زمن أغبر وفعلا السودان اتدهور اذا كان شبابو بي السطحية والزلنطية دي؟

United States [sood zac] 03-18-2014 12:14 AM
الحال من بعضه يا اخوي انا كمان سمعت انو في حوالي خمس ولا ست قنوات سودانية شغالة برضو بجانب التلفزيون القومي الكلام ده صحيح ولا دي مجرد شمارات ساكت .


#945361 [عصمتووف]
3.00/5 (4 صوت)

03-17-2014 08:39 PM
في مليار الف داهية تاخذ جميع التلفزيونات والتلفونات والراديوهات والجرائد كل مافية مديح ودقون وجلابيب وحناء ودهب وثياب وبوخات وجوه مكشره عابثة هو في واحد شغال بيكم ي فطائيس لان الواحد مجرد ما اشاهدهم خارج منزلي اتضايق ونفسي يتقطع وضغطي يرتفع اول سؤال اوجة لصاحب البيت العاجبك شنو ف ونسينا حاجة اسمها المكتبات الراديو مقفول بعد قفل ال بي بي سي ومونت كارلو نقعد نسمع ونشاهد البشير طلع البشير ظرط والنائم فساء انحن مالنا


ردود على عصمتووف
United States [كوز كنافه] 03-18-2014 06:40 AM
مالك الليلة ماكان كلامك ونقدك جميل وكلماتك حلوة اصبر هانت بعد دخول الترابي الملعب اطمت الانقاذ رجعة للمربع الاول وشكت الورق وصفرة العداد رايك شنو نموت بمقصتنا ساي والغريبه نكير طول منهم والانتينوف كملت


#945337 [المتجهجه بسبب الانفصال]
0.00/5 (0 صوت)

03-17-2014 07:59 PM
أمشوا بيتوا أول حاجة اطردوا الفكيين الخاتيهم وشغالين ليهو تربيط وتقبلوا فائق التربيت على الكتف وهاردلكم فالتلفزيون ظل جهاز تدليس للحكومة ومع ذلك نتعاطف مع حالتكم التي مررنا بها قبلكم باكثر من 24 سنة ،،،،


#945326 [ودالباشا]
3.50/5 (3 صوت)

03-17-2014 07:48 PM
هو السودان وينو لمن كمان عندو تلفزيون

انتو فاشلين اكتر من محمد حاتم لان تلفزيونك دا مافى واحد بشاهدوا اطلاقا السبب انتو ذاااتكم لان لا يهمكم خراب جهازكم ونوعية برامجة واحتجاجكم ليس لهذا ماعندكم مانع تواصلوا بس حقوقكم المالية مانتقطع


#945282 [الراجل]
3.50/5 (3 صوت)

03-17-2014 07:05 PM
ههههههههها هو تلفزيون السودان لسه شغال؟


#945264 [wyeriuyrt]
3.00/5 (4 صوت)

03-17-2014 06:43 PM
الجماعة الفى الصورة ديل لو اى واحد فيهم شاف ليهو تاكسى ولا امجاد اشتغل بيها ما كان احسن ليهو من الشغلة الفارغة دى , قال تلفزيون السودان اسى يا جماعة فى زول بقدر يعاين فى تلفزيون السودان دة خمسة دقايق متواصلة كدة مع بعض .


#945263 [ابوها]
3.00/5 (2 صوت)

03-17-2014 06:43 PM
والله ان وقفتو ولا قعتوا ماماثرين بحاجه هو وينو التلفزيون عليكم الله هسى كان قفلو التلفزيون دا ولا اجروهو مااحسن من اخبارو وبرنامجو البجيب الاكئتاب دى


#945251 [أبوعلي]
1.00/5 (1 صوت)

03-17-2014 06:34 PM
محمد حاتم سليمان
إن كان هذا الكوز هو الّذي ولد ونشأ بمنزل أسرته بجوار مسجد الشيخ قريب الله
ودرس بمدرسة ودنوباوي الوسطى (بحوش مدرسة أمدرمان الأميريّة)
فيا لهول الخراب والوساع ؟!
والترابي مبرمج لتلامذته ( من كلّو)


ردود على أبوعلي
United States [[email protected]] 03-18-2014 10:28 AM
( أبوعلى)
أصح ياأبوعلى ده ماعنده علاقة بود نوباوى ولاالأميرية خالص وامدرمان ده ماشافه الاوهو مرأس ومتيس على التلفزيون السجم ده شبهينا واتلاقينا.


#945246 [المنجلك]
1.00/5 (1 صوت)

03-17-2014 06:30 PM
ما لقيتو خمة مع الجماعة ديل معليش بابا انقاذ جيبو بقى مقدود الطالع كتير والداخل قليل. لكن وين انتو كنتو يادوب عرفتو


#945234 [Dr. Mohgh A. M]
3.00/5 (3 صوت)

03-17-2014 06:13 PM
بس ليس هنالك من هو أفشل من محمد حاتم الذى يقال انه يحتمى بالرئيس، ده، إلا إذا الرئيس قال، العايز يشيل محمد حاتم كدى يحاول يلحس كوعوا.... يا محمد حاتم حاربت أعز الناس ليك مثل الراقى إبراهيم صديق والشاب الرائع الذى طور مركز أثير بجلب الخبرات الماليزية وغيرها، قمر اللأنبياء وحاربت عمر الجزولى صاحب أفضل برنامج بالتلفزيون وكذلك عوض جادين الذى طوّر الإذاعة ووضعت أمامه العراقيل بجماعتك الذين زرعتهم لإعاقة تطويره للتفزيون ... والأساتذة، الرشيد المهدية وعمر النقى وكمال حامد وقبلهم على قاقرين ,حاربت أفضل المخرجين محمد سليمان وأفضل المنتجين، ولم تطور جودة صورة القناة، ... كلامك كلو وعود على الفاضى، والفساد فى عصرك، تحت مظلة إنتاج البرامج بقائمة أسماء لكل عمل ما ليها حصر، وشغال مع مجموعتك التى تملأ مكتبك كل صباح/ وحاشيتك المعروفة، بقاءك لا يتناسب مع مرحلة إستنهاض الهمم ووحدة شرائح المجتمع بجميع مكوناته، ودعوة الحوار، وبعدين مافى حوار بدون تلفزيون يديره رجل أمين، يحافظ على حق العمال والموظفين، يتعاقد مع المميزين والخبراء من الوطنيين لا المؤتمر وطنيين، زمانك ولى مع ساحات الفداء ، مفلس يا محمد حاتم، مفلس، بس يبدو أنو الرئيس لا يشاهد إلا نشرة الأخبار التى ايضا فقدت الهوية، فى كل صباح يتغير الديكور زى كوشة الأعراس، دون هوية ثابتة أو شكل يشرّف تلفزيون السودان، وبعدين بقيت تسافر أكتر من وزير الخارجية كل المؤتمرات،من هولندا الى دبى ومن الصين إلى أى حتة فيها هوتيل خمسة نجوم وسفسفة وترويح، إختشى على حالك وقدم إستتقالتك وأمشى لى سنار عيش زى ما كنت، كدارى أو بحمارى...


#945183 [أيام لها إيقاع]
3.50/5 (4 صوت)

03-17-2014 05:25 PM
إن شاء الله ما تلقوا أي حاجة ، عشان تضربوا ، هو في زول غيركم جايب لينا فقع المرارة بتلفزيونكم الزي وشكم دة ، إن شاء الله يفصلوكم كلكم يا فاشلين ، العاملين في أكتوبر و أبريل اضربوا تضامناً مع الجماهير المنتفضة إنتو تضربوا عشان رواتب ،، إن شاء الله تاكلوا السم


ردود على أيام لها إيقاع
United States [رجع البلد] 03-19-2014 05:08 PM
الظاهر عليك ضاربة الترطيبة و مع الكى بورد تضرى سااااكت ، الجماهير المنتفضة يا تا وبعدين يأكل أولادة شنو والمدارس وووو ما فى حاجة بتتأجل ، البيصرف عليه منه لغاية ما الانتفاضة تنجح



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة