الأخبار
أخبار إقليمية
الخارجية تبحث مع بعثاتها العربية توقف المعاملات المصرفية الخليجية
الخارجية تبحث مع بعثاتها العربية توقف المعاملات المصرفية الخليجية
الخارجية تبحث مع بعثاتها العربية توقف المعاملات المصرفية الخليجية
رأس الدبلوماسية وزوجته السفيرة بايطاليا


03-18-2014 12:13 PM
الخرطوم: سارة تاج السر
تتجه وزارة الخارجية لعقد مؤتمر شامل بنهاية العام الجاري لإعادة تقييم سياسية الحكومة الخارجية وأداء الدبلوماسية السودانية، في الأثناء أنهى سفراء السودان بالدول العربية مؤتمرهم التقليدي بالخرطوم أمس، وبحثوا جملة قضايا أبرزها علاقة الخرطوم بالعواصم الخليجية على ضوء توقف مصارف ومؤسسات مالية سعودية كبيرة تعاملاتها مع السودان، وقال الناطق الرسمي باسم وزارة الخارجية أبوبكر الصديق، إن المؤتمر تقليد دأبت عليه وزارة الخارجية، ويأتي في إطار التشاور بين رئاسة وزارة الخارجية وبعثاتها الدبلوماسية مشيراً الى أن المؤتمر الذي خاطبه وزير الخارجية علي كرتي، قد وقف على علاقات السودان بالدول العربية والتطورات الجارية في المنطقة وانعكاساتها على الخرطوم، وأكدت مصادر "للجريدة" أن اجتماع سفراء الدول العربية ناقش مع كرتي، قرار المملكة العربية السعودية وعدد من المصارف الخليجية والغربية، القاضي بتجميد المعاملات البنكية مع السودان وتأثيراته على الأوضاع الاقتصادية بالبلاد. وقال الصديق إن المؤتمر ستعقبه مؤتمرات مماثلة لسفراء السودان في التجمعات القارية والجغرافية الأخرى في نهاية العام الجاري لتقويم ومراجعة الأداء الدبلوماسي للسفراء ورؤساء البعثات بالخارج.

الجريدة


تعليقات 17 | إهداء 0 | زيارات 9735

التعليقات
#947130 [المتجهجه بسبب الانفصال]
0.00/5 (0 صوت)

03-19-2014 02:11 PM
إن المؤتمر ستعقبه مؤتمرات مماثلة لسفراء السودان في التجمعات القارية والجغرافية الأخرى في نهاية العام الجاري لتقويم ومراجعة الأداء الدبلوماسي للسفراء ورؤساء البعثات بالخارج.


ينوبكم ثواب تضيفو بند (( السيخ والاسمنت وأثره في تمتين جيب الوزير في العلاقات الخارجية)


#947129 [ود احمد]
0.00/5 (0 صوت)

03-19-2014 02:10 PM
رد على عبد اللطيف
يا اخوي عبد اللطيف اي زول سنة اولى علاقات خارجية ممكن يعمل الملام ده لكن للاسف وزيرنا كان قائد للدفاع الشعبي ولا يفقه شيء في العلاقات الخارجية فيجب ان تكون السياسة الخارجية مبنية على ما يخدم مصالح البلد الاقتصادية العليا اما الباقي فلكم دينكم ولي دين


#946419 [ود احمد]
0.00/5 (0 صوت)

03-18-2014 06:35 PM
اذا اريد ترميم واصلاح علاقات السودان فيجب الاتي على الفور
اولا قطع العلاقات المريبة مع ايران
ثانيا قطع العلاقات المشبوهة مع كل التنظيمات الارهابية وفي مقدمتها حماس
ثالثا الانكفاء على مشاكل السودان الداخلية وعدم الانشغال بالقضية الفلسطينية فهي ليست من اوليات الدولة الان
رابعا عمل كل الاستحقاقات المطلوبة من اجل اقامة علاقات مع امريكا
خامسا ترميم العلاقات مع دول الخليج والايفاء بكل متطلبات اصلاح العلاقات
هذا او الطوفان


ردود على ود احمد
United States [عبداللطيف] 03-19-2014 11:22 AM
كفيت و وفيت يا ود احمد ياخى انت شعبك جعان وشباب البد هاجر مالك ومال ايران ولا اخوان مصر ولا غير خلونا فى حالنا وننقفل لكن للاسف دى سياسه التنظيم العالمى للاخوان المسلمين وذى ماقال البشير فى المؤتمر الصحفى ده مبدأ ...... أذن ان لم نستطيع تتغير المؤتمر الوثنى فيبقى ده الواقع المستمر والحال من اسواء الى اسواء


#946306 [سكسه]
4.00/5 (2 صوت)

03-18-2014 04:36 PM
يعني وزير خارجيتنا اكل سفيرتنا وفي الصباح سفيرة والمساء سودانا فوق والله ياكرتي عملتها واضحه


#946304 [الكجور الأسود]
0.00/5 (0 صوت)

03-18-2014 04:34 PM
عشان أغلقتوا أنبوب البترول في وجه الجنوبيين عشان كارهين قطاع الشمال وعايزين الجنوبيين يموتوا جوع ناسيين إنو في الجنوب برضو يوجد مسلمين،عشان كدة أغلقها ليكم برضو من جيرانكم ما وراء البحر الأحمر.


#946285 [الجمبلق]
0.00/5 (0 صوت)

03-18-2014 04:05 PM
يا اخى ديل لقوا الشعب السودانى شعب رمة لابهش لابنش وتفسحوا فيه زى ما عايزين بلاء يخمهم يارب امين


#946283 [الكوتش]
5.00/5 (2 صوت)

03-18-2014 04:05 PM
يا جماعة ريحوا المرة دى فقد كانت دبلوماسية قبل زواجها من تاجر الأسمنت بل وصعدت سلم الدبلوماسية من البداية ومش تعيين أمغمتى زى سناء البصيرة أم حمد،، كرتى متزوج إتنين وهى الثالثة وهى مطلقة مرتين ودة الراجل الثالث،،، زيتهم فى بيتهم إنتو مالكم وأنا زاتى لو لقيت لى كدة فى روما دى ما بفوتها على الأقل نستمتع بمشاهدة حقيقية لكرة القدم بدل مسخرات قناة الجزيرة الفارغة دى.


ردود على الكوتش
[المتجهجه بسبب الانفصال] 03-19-2014 02:06 PM
يا الكوتش أخوي بالله لو لقيت ليك كدة في روما ما تنساني معاك،، أصلوا ناس الانقاذ خلو لينا كد الدوم في السودان وكسر سنوننا ،،،

[أصح للدور] 03-19-2014 01:19 AM
أصح للدور يا "قدوم كلب"


#946261 [Farouq AA]
0.00/5 (0 صوت)

03-18-2014 03:40 PM
يا اخي انا في حياتي ماشفت ذي ميتت قلب الناس ديل الدنيا كلها مولعه وهم يقولوا يقيموا الوضع نهاية العامالجاري يااخي اختشوا.


#946257 [كاره الكيزان]
0.00/5 (0 صوت)

03-18-2014 03:37 PM
ما هو سر ظهور وزير الخارجية ، ورئيس الجمهورية مع نسائهم فى العمل العام .
لا ينكر أحد جمال وحلاوة وخفة دم السيدتين أميرة قرناص ، ووداد بابكر زوجتا على كرتى ، وعمر البشير . بس ما ذنب الزوجة الأولى للبشير وكرتى ، فى أن يحرموهما من نعمة العدل والمساواة بين الأزواج .


ردود على كاره الكيزان
European Union [كاره الكيزان] 03-18-2014 05:23 PM
لا ينكر أحد جمال وحلاوة وخفة دم السيدتين أميرة قرناص ، ووداد بابكر زوجتا على كرتى ، وعمر البشير . ولا يجادل أحد فى تقل دم الزوجين .


#946241 [محمد]
4.00/5 (1 صوت)

03-18-2014 03:26 PM
القصةدي مافي زول سبقك عليها يا كرتي يجب أن يدخلوك كتاب جينس للزواج وزير وسفيرتو بل سفيهتو


#946238 [محمد]
5.00/5 (1 صوت)

03-18-2014 03:23 PM
بش بش تزوج زوجة احد زملاهو والوزير تزوج احدى سفراهو


#946236 [دنقر واحد]
0.00/5 (0 صوت)

03-18-2014 03:21 PM
يا جماعة الزولة دي بت منو والزول داء راجلها صح وكمان عملها سفيهة سفيرة يعني بزور بلد الشغالة فيها وطوالي في البيت داخل بايت تحكي له عن المواضيع صغيرة صغيرة حظك يا زمن سفير ووزير خارجيتو في دنقر واحد


#946181 [عادل دقنة ودمدنى]
4.00/5 (1 صوت)

03-18-2014 02:28 PM
ســؤال لأهــل السلك الدبلوماســــى والخارجيــة : هل يجوز لوزير خارجيـة لدولة ما أن تعين زوجتــه سفيــرة فى دولــــة أخرى ... إليكم الإجابه منى إذا السؤ ال صعب عليكم !!! فى عهد (الإنقاذيـــون) كل شئ يمكن أن يحدث ... الله يرحمك يا أستاذنا المرحوم / محم أحمد محجوب !!!


#946161 [كرم]
5.00/5 (1 صوت)

03-18-2014 02:10 PM
الموتمر ستعقبه مؤتمرات مماثله لسفراء السودان في التجمعات القاريه والجغرفية الأخرى في نهاية العام الجاري لتقويم ومراجعة العمل الدبلوماسي للسفراء ورؤساء البعثات بالخارج
يعني لسع في مؤتمرات ومراجعات وتقويم الله يصبرك ياشعبي المكلوم


#946146 [ابواحمد]
0.00/5 (0 صوت)

03-18-2014 01:56 PM
هن وزاء وزوجتو سفيره يعني وراك مئمن ماقلتو الاجرات حقت البنوك دي مازات تاثير علي البلاد طوالي بلعتو كلامكم عالم منافقه


#946045 [الباسل بابكر]
5.00/5 (2 صوت)

03-18-2014 12:49 PM
والله ياعلى كرتى بختك يعنى لو انقلبت الحكومة حاتمشى ايطاليا لزوجتك اميرة قرناص

وتطلب ليك حق اللجو السياسى طوالى عالم بتفكر بعيد!!!!!!!


#946033 [المتغرب الأبدي]
5.00/5 (1 صوت)

03-18-2014 12:38 PM
يبحثوا شنو ؟ مش قالوا القرارات المصرفية السعودية دي لا تؤثر على الاقتصاد السوداني المتعود على الحصار ؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة