الأخبار
أخبار إقليمية
قطار النيل يتعرض للاعتداء بالحجارة للمرة الثانية
قطار النيل يتعرض للاعتداء بالحجارة للمرة الثانية



03-18-2014 04:59 PM


الخرطوم: سوسن
تعرض قطار النيل الذي يسيِّر رحلاته بين الخرطوم وعطبرة إلى قصف بالحجارة، أدى إلى تهشيم زجاج (5) من عرباته؛ في وقت حذرت فيه هيئة السكة الحديد من هذا السلوك، لأنه سيؤدي إلى إحجام المواطنين عن استخدام القطار على الرغم المزايا التي يوفرها وعلى رأسها قلة الكلفة.
وقال نائب مدير عام السكة الحديد للتشغيل محمد حامد أحمد، إن السلطات المختصة أوقفت (6) متهمين، وأوضح أن القطار الذي يعد (الأحدث) في السودان، بدأ تسيير رحلاته بين الخرطوم وعطبرة، وخلال فترة وجيزة تعرض لحادثتي قصف بالحجارة، إحداهما بمنطقة الكدرو، حيث أدى إلى تهشم (4) من عرباته؛ فيما تعرض لحادث مماثل بالقرب من نفق الجامعة أثناء سيره إلى محطة بحري ليقل الركاب في رحلة مسائية إلى عطبرة.

السوداني


تعليقات 31 | إهداء 0 | زيارات 9088

التعليقات
#947651 [sudani]
0.00/5 (0 صوت)

03-20-2014 01:40 AM
كل من يتعرض للمال العام بقصد تخريبي يعدم ويصلب لانه شخص فاقد للوطنية ومهما كانت المسببات هذا ليست قطار الانقاذ اين الوطنية يابناء السودان يجب حماية ممتلكات البلد


#947219 [hassan]
5.00/5 (1 صوت)

03-19-2014 03:44 PM
اصحاب المصلحة هم اصحاب البصات مش اللواري

نعمل دراسة بسيطة نشوف مين هم ملاك بصات الخرطوم عطبرة

حا نلقي نصهم من ابالسة النظام

عليكم الله يا ناس عطبرة ورونا منو هم اصحاب بصاتكم دي


#947089 [عبدالرحيم طه خليفة]
0.00/5 (0 صوت)

03-19-2014 01:25 PM
أبو مونتي
دي ،،،ماجديده عاده قديمه من
بعض الأطفال الجري وراء القطارات
والباصات وهم يتصايحون رغيفه،،،رغيفه.
وعندما لا،،،يجدون الرغيفه يحصبون بالحجاره
وخاصه بمنطقة حوش بانقا،،،بدليل كعوجة وكوكة بشبش
من الجري وراء الرغيفه ههههههههه أنكروها
كمااااااااان.
باين عليك إنت مابتعرف حوش بانقا، لعلمك إنو القطر مابجي بي حوش بانقا...
يعني السكة حديد بعيدة من الحلة يا جبان وما إنسان ...


ردود على عبدالرحيم طه خليفة
European Union [أبو مونتي.] 03-19-2014 09:47 PM
عبد الرحيم رأس السوط لحقك وأفلسته
دي،،،أنا شفتها بعيوني وسمعتها بي إضنيني الإثنين
دايما الحقيقه حاااااااااااااره من تطلع من الجيلي حتي عطبره
بالقطارات والبصات الناس دي،،،كلهم عارفين الحقيقه ولكن إنته دافن
رأسك في الرمال زي النعامه،ولا،،،عشان إستعمرتوا وسكنتوا كافوري
خلاااااااص مابتقولوا رغيفه ،،،رغيفه،،،بتقولوا بسبوسه،،،بسبوسه.


#946973 [bullet ant]
3.00/5 (2 صوت)

03-19-2014 11:49 AM
كيف تاذى الحكومة من غير ان تاذى الباقيين
معضلة عاوزة و قفة
هل تعمل الحكومة من اجل المواطن؟
طبعا لا
اذن من حق المواطن ان يعمل ضد الحكومة
من المستفيد من هذا القطار اللعين الذى اذا اسرع خرج خارج المسارلضيق المسار؟
اقول انها اموالكم فاذا اردتم ان توقفو الكيزان من الانتفاع فهو حق مشروع


#946940 [ابراهيم كاوسة]
5.00/5 (1 صوت)

03-19-2014 11:23 AM
لا يحق للشخص الاعتداء علي الممتلكات العامة لانها منفعة عامة .


#946927 [مالك الحزين جدا جدا]
5.00/5 (1 صوت)

03-19-2014 11:14 AM
هذا سلوك مشين واسلوب غير حضارى ,, فهذا القطار ممتلكات عامه ويجب المافظه عليه ,, فيجب معاقبة كل من رماه بحجر,, أو كسر زجاج ويجب أن يكون العقاب صارما وفوريا ليكون عبره لغيره ,, ومن أمن العقوبه أساء الادب


#946917 [زهجان من الضبان]
5.00/5 (1 صوت)

03-19-2014 11:05 AM
ما قلنا ليكم الشعب السوداني دا شعب متخلف ...
السودانيين ديل لو دخلو الجنة بعملو مظاهرات ......


ردود على زهجان من الضبان
United States [أبو عمر] 03-19-2014 07:14 PM
أعوذ بالله دة يقولوا علي شنو هسع ، شعب يا كافى البلد عدو نفسه


#946913 [asd]
5.00/5 (1 صوت)

03-19-2014 10:57 AM
السودان يفتقر للاخلاق وليس للحكومات اهل الاحقاد والضرر سيظلون مهما تغييرت الحكومات لانهم فيروسات ولن يقدموا للوطن غير التخريب ونحن نجشع اي حكومه ايا كانت ان تقطع يد العابثين والمخربين لممتلكات الشعب وليس استهداف النظام ان نقوم باهدار مقدرات الشعب لو كان المخرب يريد ان يصل للسلطه بهذه الطريقه فهذا لايرجي نفعه وسيضر الامه


#946876 [ابوها]
3.00/5 (3 صوت)

03-19-2014 10:32 AM
شنو انتم شابكيننا سلوك ماحضارى وسلوك سئ وماعارف ممتلكات شعب...........الخ هو ليه اصلا القطر دا يودوا الشماليه مافى مناطق محتاجه ليه اكثر من الشماليه .وكمان حتى الاستثمارات البتجى من الخارج مودنها الشماليه شنو الحاصل السودان دا فيهو ولايه واحده ولا شنو..ياناس راجيكم يوم لاينفع فيه مال ولا بنون ولاجاه ......


ردود على ابوها
European Union [علي الكلكلي] 03-19-2014 05:29 PM
رد على ابوها.
طبعا الاستثمارات تمشي للشمال. عارف ليه؟؟؟ لأن الشمال مستقر ، لا الجعلي بحارب الشايقي ولا الحلفاوي المحسي ولا الدنقلاوي الجعفري. انتو لما تبطلوا خلافتكم مع بعض ولما المساليتي يوقف الحرب مع الفوراوي، والتعايشي مع البرتي والرزيقي مع المسيري والنوبي مع الحكومةوالزغاوي معكل القبائل، بعد داك يجيكم القطر وتجيكم التنميةوتجيكم داهية تخمكم. فعلا العقل قسم

United States [ود البلد] 03-19-2014 01:06 PM
طبعاً كنت ما حا ارد ليك لانك مابتعرف ايه هو السلوك الحضاري ... لكن في نقطة مودنو الشمالية دي نقطة سالبة يجب ان تسحبها من حساباتك لانو القطر دا بصل لعطيرة فقط ... بعدين لو في اي معارضة لذلك اخر قطر توقف كان قطر نيالا بتعرف نيالا دي وين ولا اوريك ليها ... قطارات الشمالية توقفت منذ 1990 بالرغم من عدم وجود طائرات زي ما حاصل اسع في مطارات نيالا و الفاشر و الجنينية البتستقبل كل يوم طائرات من الخرطوم مافي واحد من الشمالية قال ليه .. لكن للحقد الساكن فيكم دا عمركم ما بتمشو لي قدام ... القطر دا قطر الحكومة ما بتاع النظام لانو لا بركب فيهو نافع و لا الترابي بركبو محمد احمد الغلبان ولما شرزمة زيكم تقوم تكسرو حا تستفيدو شنو ... ارجو ان تقلع عن هذه النظرة الضيقة وخليك عاقل ..


#946841 [إلا الحقارة]
0.00/5 (0 صوت)

03-19-2014 10:09 AM
ندين ونشجب ولكن اذا عرف السبب بطل العجب والكلام دا في الخرطوممحل الرئيس بنوم والطيارة بتقوم


#946790 [عبدالرحيم العمده]
0.00/5 (0 صوت)

03-19-2014 09:21 AM
نعم نؤمن على رفض السلوك ولكن كان من المهم قبل شراء هذا القطار مراعاة معاناة الناس في المأكل والمشرب والملبس والعلاج والتعليم وبعدين نشوف قصة القطار .. سؤال القطار ده تابع لسكك حديد السودان ولا اتخصخصت ؟!!!


#946773 [عماد عثمان - جدة]
5.00/5 (2 صوت)

03-19-2014 08:53 AM
تصرف جاهل .. هل معارضة النظام تعنى تدمير البلد و ممتلكاته؟
ما ذنب المواطن الذى يستخدم هذا القطار؟
لو فعلا رجال شيلوا حجارتكم دى و أمشوا القصر.


#946770 [بت حبوبتها]
0.00/5 (0 صوت)

03-19-2014 08:43 AM
أكيد الناس بتتساءل منو العندو مصلحة يكسر قزاز القطر ؟!

أنا سمعت حسين خوجلي قبل شهر تقريبآ في برنامجه بيناشد المسئولين للإهتمام بالسكة حديد وإرجاع القطر لسيرته الأولى كونه أقل كلفة لنقل الناس والبضائع .... لكنه استدرك قائلآ "أنا عارف ناس اللواري ما حيخلوا القطر يمشي" ..الخلاصة, كلام الراجل إتحقق, سواء كان الفاعلون أصحاب اللواري أو غيرهم, فهناك فئة تريد تخويف الناس من ركوب القطارات, وبعد شهر حتلقوا القطر ماشي فاضي وبعده بيومين يتم توقيف الرحلات نهائيآ .. ولكنا لا نننسى لآية الكريمة "وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ".


ردود على بت حبوبتها
United States [دياب] 03-19-2014 10:00 AM
اول شى الشقله تمت من غير دراسه من هو المضرر لام تشقلوا ناس البصات فى القطر


#946691 [KamalNasir]
0.00/5 (0 صوت)

03-19-2014 02:52 AM
وأنا راكب في القطار من أسوان إلى القاهرة وقبل توقف القطار في القاهرة قام صبية برمي الحجارة على القطار فتهشم زجاج الشباك الذي بجانبنا - وقبل أن يتوقف القطار تماما في القاهرة عاملان من سكك حديد مصر إحدهما يحمل سلما والآخر يحمل زجاج جديد وأزيل الزجاج المتكسر وبدأ أحدهما في تركيب الزجاج الجديد من الخارج - ولم يتوقف القطار أكثر من ربع ساعة - لم يكمل عمله فتحرك القطار فدخل العامل إلى القطار لإكمال عمله من الداخل وفعلا دقائق معدودة وإكتمل تركيب الزجاج وجلس بجانبنا و كنا فعلا معجبين جدا بتفاني هذا الرجل في إنجاز عمله.


#946672 [howida]
0.00/5 (0 صوت)

03-19-2014 01:47 AM
الرد على مجروس
ماكلو سودان وﻻشنو عاوز تحصل حسين خوجلى


#946646 [سمير]
0.00/5 (0 صوت)

03-19-2014 12:46 AM
قمة التخلف للاسف عندنا تخلف وعدم فهم للسياسه والمعارضه والموالاة حيث نجد من يوالي يوالي بطريفة عمياء كل ما ياتي من الحكومه هو الافضل وان الغير عميل و...... ومن يعاض يعارض يعارض بطريقة متطرفة حيث كل ما ياتي من السلطه هو خبيث ويجب مقاومته .
ماذنب القطار الذي دفع الشعب فيه من قوت يومه في ظل هذه الظروف الصعبة يارب اصلح حال البلد


ردود على سمير
United States [ابوها] 03-19-2014 10:57 AM
يا سمير هو فضل فيها قوت يوم للشعب عشان يشترى قطار دا تم شراؤهو من دم الشعب وليس قوت الشعب

European Union [ساب البلد] 03-19-2014 02:31 AM
************ يا زول انت طوالي ناطي للمعارضة مالك ***** يمكن ديل كلاب الامن ***** زي ما حرقوا بصات الوالي و الطرمبات في سبتمبر عشان يلفقوها للمعارضة ****** شكلك انت منهم *******


#946594 [bent alnil]
5.00/5 (2 صوت)

03-18-2014 10:53 PM
ما قالوا قطار الشوووق و عطبرة الحلوة ......
عشان خاطر البلبلات بس خلوه يصل من غير حجر
يكون القطر طلع حق الوالي و لا شنو


ردود على bent alnil
United States [محمد أدروب] 03-19-2014 12:35 AM
البلد ما بقت اقطاعية حقتهم...اكيد القطار ملك كوز ...


#946578 [alkhamjan]
4.13/5 (5 صوت)

03-18-2014 10:27 PM
كلام مظبوط - نعم الناس في الولاية الشمالية كانوا يجروا وراء القطار ليشحذوا الرغيفة الحياة عندهم كانت صعبة ومازالت. كانوا يرون القطارات تمر بمناطقهم من بورتسودان محملة بكل الخيرات الى الخرطوم وبقية السودان ولم يحملوا السلاح ويوقفوا تلك القطارات ولم يتمردوا بل استطاعوا ان يعلموا ابنائهم ويضربوا في الارض وكونوا ثروة يحسدهم عليها الجميع. الذي دمر السودان هم المتمردين والماجورين.


#946555 [ود الدكيم]
5.00/5 (1 صوت)

03-18-2014 09:56 PM
الناس دي مالها على القطر ده بهوهو زي الكلب ولا شنو عشان كده شابكنو حجار؟؟


#946518 [مصباح]
4.00/5 (2 صوت)

03-18-2014 08:48 PM
أهم شئ في الخبر ماموجودة.. السبب .. سبب الإعتداء شنو ؟ دا أهم عنصر يفترض في الخبر ، ولكنه غائب هنا تماماً!الصحفية أكيد مبتدئة ولاّ داخلة بواسطة


ردود على مصباح
[daim mitry] 03-19-2014 02:57 PM
السبب هو الجهل والغباء الذى أعمى بصائر الرجرجه والغوغاء .... والسؤال مفروض يكون لو الحجر دخل جوه العربة
وخرم عين والدة او أخت او زوجة او شيخ او امراة عجوز بالاضافة الى التخريب والدمار يكون شعور
الفاعل شنو وما هى الغاية من هكذا وسيلة .... آمل التوقف فورا لهذه الافعال الطائشة والمحافظة على ممتلكات المواطن وغدا سوف تعمم الخدمة على كافة الشبكة وتعم الفائدة على الجميع والله من وراء القصد


#946483 [مصباح]
5.00/5 (2 صوت)

03-18-2014 07:58 PM
السبب شنو !؟ دا أهم حاجة ومغيّب في الخبر.
الصحفية شكلها مبتدئة والظاهر إنها جات أو الجريدة جابتها للحتة بالغلط


#946476 [ابكرونه]
3.00/5 (1 صوت)

03-18-2014 07:47 PM
اكيد دا واحد من انتهازين الحكومة عندو كم بص ..


#946468 [وين ناس الشرطة!؟]
5.00/5 (1 صوت)

03-18-2014 07:32 PM
طيب...

ناس الشرطة بي عرباتهم الكتيييييرة دي.... وأسلحتهم.... وأدواتهم..... وين؟

فلاحتهم بس .... في اطلاق الرصاص .... على الجمهور....


ردود على وين ناس الشرطة!؟
United States [جنوبي] 03-18-2014 09:38 PM
هم فاضين من حراسة إبل نافع ومزرعة الحوارة !!


#946455 [omermhmood]
0.00/5 (0 صوت)

03-18-2014 07:19 PM
شيء مؤسف


#946453 [أبو مونتي.]
4.38/5 (4 صوت)

03-18-2014 07:18 PM
دي ،،،ماجديده عاده قديمه من
بعض الأطفال الجري وراء القطارات
والباصات وهم يتصايحون رغيفه،،،رغيفه.
وعندما لا،،،يجدون الرغيفه يحصبون بالحجاره
وخاصه بمنطقة حوش بانقا،،،بدليل كعوجة وكوكة بشبش
من الجري وراء الرغيفه ههههههههه أنكروها كمااااااااان.


ردود على أبو مونتي.
United States [عبدالرحيم طه خليفة] 03-20-2014 11:33 AM
والله يأبو مونتي إنت كاذب ومنافق لأنك قلت شفتها بعينك وسمعتها بأذنك يا أخي إتق الله قلنا ليك حوش بانقا ما بتقع على رصيف السكة حديد يازول....
بس دي جغرافيا مناطق صحح معلوماتك وتعال نقول بسبوسه مع بعض ...
والله يهديك ويصلحك ...

United States [كرار] 03-18-2014 08:41 PM
ههههههههههههه اسمع داير تذكر ناس كافورى بالذى مضى مالك وتقلب عليهم المواجع

United States [قرد الطلح] 03-18-2014 08:24 PM
هاهاها واللة دى قوية ياابو مونتى انا عمرى كلة سفر بالقطار تتزكر فى شحاد مشهور فى حوش بانقا كان يقول ادينى قرش اشترى لى عمة واللة دة مناظر لا تنسى


#946418 [مجروس ق ش م]
5.00/5 (2 صوت)

03-18-2014 06:33 PM
سلوك مرفوض ولكن نتيحه للغبن اﻻجتماعي .لماذا ﻻ يتم تغير كل القطارات الي نياﻻ و الدمازين وبورتسودان اكيد ما كان في شخص حدثته نفسه بﻻعتداء علي هذه القطرات ولكن تركيز التنمية في للخرطوم والوﻻية الشماليه يؤدي الي مزيد من للغبن اﻻجتماعي


ردود على مجروس ق ش م
[alagbash] 03-19-2014 05:47 PM
على حسب ماسمعنا انو اى مدينة فى السودان مربوطة بالسكة الحديد ح يصلها القطار ولكن بعد تهيئة وصيانة الخطوط القديمة لانها لاتستطيع تحمل القطار وسرعته . وبعدين عطبرة هى اقرب نقطة للخرطوم وعاصمة السكة الحديد والورش موجودة فى عطبرة فمن باب اولى ان يبدأمن مدينة عطبرة


#946416 [ابومروه]
3.50/5 (2 صوت)

03-18-2014 06:31 PM
مهما كانت الدواعي فانه سلوك سئ و مرفوض و هذا خصما علي الشعب الذي اصبح عظما بدون لحم


#946402 [عباس]
3.50/5 (3 صوت)

03-18-2014 06:16 PM
لماذ يرموه بالحجارة هذه ممتلكات الشعب الشعب الغبى الاهبل عينو فى الفيل ويطعن فى ظله امنت بالله نحن شعب
جبان وحا يكون ده حالنا الى يوم القيامة لو كان هذا سلوبنا فى علاج مشاكلنا بان نخرب ممتلكاتناخاصتنا بايدينا ونترك من هم سبب المصائب .


ردود على عباس
European Union [ساب البلد] 03-19-2014 02:38 AM
******* انت جاري للشعب طوااالي ****** الشعب خلاص بقي شماعتكم ****** طيب الحرق 100 بص في سبتمبر منو "الشعب" و لا "كلاب الامن" ؟؟؟ ***** الحرق طلمبات الوقود "الشعب" و لا "كلاب الامن" ؟؟؟ ****** الكسر الدكانين "الشعب" ولا "كلاب الامن" ؟؟؟ ***** الكيزان يخربوا و يلفقوها في الشعب المسكين ***** هو يلقاها منكم ولا من الدنيا ************


#946368 [الوطن العزيز]
5.00/5 (1 صوت)

03-18-2014 05:44 PM
اكيد عمل مفصود حاقد


#946357 [alagbash]
5.00/5 (2 صوت)

03-18-2014 05:35 PM
الناس فى السودان دة مايستمتعوا بى اى شى الا يمسخوها عليهم ... هسة القطر مالوا ويفهمو شنو من اعمال التخريب دى؟؟؟؟


#946341 [سوداني]
5.00/5 (2 صوت)

03-18-2014 05:19 PM
سلوك عجيب ومرفوض



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة