الأخبار
أخبار إقليمية
والي الجزيرة: الشعب السوداني لن ينحني أو يركع لأحد
والي الجزيرة: الشعب السوداني لن ينحني أو يركع لأحد
 والي الجزيرة: الشعب السوداني لن ينحني أو يركع لأحد


سنحبط المخططات الأجنبية الساعية لتقسيم البلاد
03-20-2014 12:09 AM

مدني (سونا) أكد البروفيسور الزبير بشير طه والي ولاية الجزيرة، قدرة القوات المسلحة على تطهير أرض السودان من دنس العمالة والارتهان، وإحباط المخططات الأجنبية الساعية لتقسيم البلاد ونسف استقرارها.
جاء ذلك في سياق كلمته بنادي ضباط القوات المسلحة بود مدني أمس، على شرف احتفال الفرقة الأولى مشاة بوداع قائدها السابق اللواء ركن تاج الدين عثمان واستقبال خلفه اللواء ركن مهندس خالد عابدين الشامي، ووداع العميد ركن (م) محمد عبد الله ، بحضور قيادات الأجهزة التنفيذية، والتشريعية، والقضائية، والأمنية، والقوات النظامية.
وحيا والي الجزيرة الجيش السوداني الذي قال إنه واجه كل المؤامرات المدبرة ضد البلاد وأسكت أسلحتها. مضيفاً: "ان الجيش السوداني من اشجع الجيوش في العالم" وحذر كل من تحدثه نفسه بمد يده للسودان بأنها لن تعود إلا وهي مقطوعة لافتاً إلي أن المؤامرات التي تعرضت لها البلاد قد استهدفت في المقام الأول الشعب السوداني وإنجازاته الحضارية، وعراقته، وسبقه للأمم الأخرى في كثير من المجالات منذ أكثر من "10" آلاف عام، متخذة من استهداف القوات المسلحة، والنظامية وسيلة لتحقيق هذه الغايات.
وأكد أن الشعب السوداني لن ينحني أو يركع لأحد ، ولا تعجزه المؤامرات المتزايدة.
وشدد على ضرورة تعزيز القدرة على إدارة الصراع المسلح بمؤسسية، وعلمية، واستنهاض وحشد طاقة الأمة السودانية، والجيش، والقوات النظامية، لمواجهة التحديات التي تلت توقيع اتفاقية السلام، وما تبعها من استفتاء قضى بفصل الجنوب نزولاً عند رغبة أبنائه.


تعليقات 15 | إهداء 0 | زيارات 1308

التعليقات
#948588 [الأبراهيمي]
0.00/5 (0 صوت)

03-20-2014 09:03 PM
حسناً ..
شيل سلاحك وأمشي أطرد عصابات الفشقة .

[الأبراهيمي]

#948480 [مصطفي احمد]
0.00/5 (0 صوت)

03-20-2014 06:51 PM
شوفوا انا اقول شي ايمكن الناس ما درينا بيه .. طبعا الزبير بشير طه دي انا ما عوز اقول عنه كلام كعب لانوا مفروق منو ..
الشي المهم .. طبعا الزبير بشير طه بقود اكبر طابور خامس من القوه ألمنظمه التي تتبع اومرها هو وهاشم عثمان الي نافع
وعندهم القدرة في الأمن للقبض علي اي شخص والساق اي تهمه وحبسه وقتله بدون علم اي سلطه ..
الزبير اليوم المسك وزير داخليه أحال قريب ألفين للمعاش مع علم لم يواصل في الداخلية غير شهور
كل ذالك يرجع كانت هنك قوه عسكريه منظمه تتبع لغاذي عتباني هذه أسلمها الزبير طه وكانت هنالك قوه ضاربه كونها المدعوا
صلاح قوش وهذه أصبحت تابعه للفريق هاشم عثمان تحت وحده ابو طيره ..
ويمكن لأي شخص حتي ولو كان اي رتبه من الدخول لهم في معسكرهم السبعه نجوم .. والتمكين لهم بالرحه من مجاميعه
لذاك نلفت انتباه كل لأكاذيب والقبض علي هؤلاء الثلاثه نافع ثم الزبير ثم هاشم . .. وبس

[مصطفي احمد]

#948332 [خالد عثمان]
0.00/5 (0 صوت)

03-20-2014 04:23 PM
الزول المهلوس ده لسه فى سيره العداء الدولى والاطماع وتقسيم البلد اصلا التقسيم حصل اسلوب الاسلاميين ده اصلا مابتغير انته بتخاطب ليك حمير اسلوبكم ده شبع منه الدهر واكل يامهلوس اعيدو لمشروع الجزير سيرته الاولى ورجعو اراضى الولايه البعتوها ورجعو موظفينكم الطفيليين الادخلتوهم فى الخدمه المدنيه فى الجزيره وارجعوهم لصحراء الشمال

[خالد عثمان]

#948249 [بت قضيم]
3.50/5 (2 صوت)

03-20-2014 02:38 PM
يا سعادة الوالي نفيدك بان الشعب السوداني صار منحنيا غصبا عنه بسياستكم الهوجاء وازلالكم لنا فلا تخف فنحن منحنيون منذ استلامكم للسلطة

[بت قضيم]

#948235 [الوثاب]
0.00/5 (0 صوت)

03-20-2014 02:24 PM
بس انحنى وركع ليكم انتو ما فضل الا ____ناس الراكبوبه بفشمو

[الوثاب]

#948174 [المهندس سلمان إسماعيل بخيت على]
0.00/5 (0 صوت)

03-20-2014 01:41 PM
يا الزبير بشير طه ماتقول
الشعب السوداني لن ينحني أو يركع لأحد ، ولا تعجزه المؤامرات المتزايدة
نحن راكعين ومنحنين لين ربع قرن لنظام حكم إخوانى إلاهابى إقصائى وقد أعجزتنا مؤامرتكم علينا
والصحيح أنك تقول جماعة الإخوان المسلمين لن تنحنى أو تركع لأحد
أنت بقيت زى حسين خوجلى تتحدث كثيرا بإسم الشعب السودانى والشعب السودانى منكم براء
كمان تحدثت عن استنهاض وحشد طاقة الأمة السودانية، والجيش، والقوات النظامية، لمواجهة التحديات التي تلت توقيع اتفاقية السلام، وما تبعها من استفتاء قضى بفصل الجنوب نزولاً عند رغبة أبنائه
يا الزبير لمان وقعتم نيفاشا وعملتو الإستفتاء وفصلتم الجنوب الشعب السودانى كان معاكم
دا شغل كيزان وفصل جنوب مخطط منذ قدومكم بالإتفاق مع أمريكا والغرب لتأسيس دولة السودان المسلم ودولة السودان المسيحى ووعدوكم لمان يفصل الجنوب إنتو حتكونوا جزء من دولة الخلافة الاسلامية الكبيرة التى بشر بها أوردغان - حمد بن خليفة - القرضاوى أمريكا بأنها ستحل مشكلتي فلسطين والإرهاب وأمريكا والغرب لولا الكلمة القوية الصارمة التى صدرت من الأمير سعود الفيصل وزير الخارجية السعودى فى فرنسا والمليارات التى تدفقت من السعودية والكويت والإمارات لدعم مصر ، لكانت أمريكا وأوربا بصدد تدخل مباشر لإعادة الإخوان لحكم مصر
يا شيخ الزبير أنتم جئتم كجزء من مخطط ارهابى اسلامى لقيام دولة الخلاف والترابى كان على علم به وسبق الدول الأخرى واعقبه عباس مدنى وبلحاج فى الجزائر لكن جيش الجزائر زى جيش مصر عقيدته علمانية نسف عباسي مدنى وجماعته كما فعل السيسى وجيش مصر فى مرسى والمرشد وجماعته
كدى ياخوى التحديات التى تلت توقيع نيفاشا وليس اتفاقية السلام بدليل ان الحرب لم تتوقف والمسيرية كل يوم يقتلون
والبشيل قفه مقدوده بتخر فوق راسه
شيلوا شيلتكم براكم كأخوان مسلمين وتانى ماتقولوا ندعو الشعب السودانى نحن نشيل الجوع والفقر والمرض والجهل وتجى تتحدث عن استنهاض وحشد طاقة الامة السودانية هو نحن فضل عندنا همه
على الطلاق تانى البيباريكم لى هنوك دى يكون مغفل وحمار ليهو ضنب
شيلوا شيلتكم براك واكلوا ناركم براكم لمان كانت مليارات البترول فى ايديكم اكلتوها براكم
وياشماتت ابله ظاظا فيكم فلس وضياع حكم وجماعة ارهاب والله نهاية اسوأ اناس ماكان متوقعه تحصل عليكم

[المهندس سلمان إسماعيل بخيت على]

#947948 [تدميررررررر حكومة الكذب]
5.00/5 (1 صوت)

03-20-2014 10:46 AM
ياحاج ود طه اولا أصلح ولاية الجزيره ومدينة ودمدني وامشي شوف مستشفي مدني التعلمي بقي مرتع

للكلاب الضاله والقطط أنظر الي حاله ولاية الجزيره كل يوم هي في تدهوووور سريع الي الوراء


أنهيار أقتصادي وفساد وتفكك مجتمع أين انتم يا بني كووووووووز

[تدميررررررر حكومة الكذب]

#947869 [KJD]
5.00/5 (2 صوت)

03-20-2014 09:44 AM
لايزال الكيزان يبثون اوهامهم وسط الشعب السوداني بان هناك قوة كبرى تستهدفنا يا عزيزي القوى العالمية الكبرى ليس لها أطماع في السودان فليس لدينا شيء يسيل لعاب القوي الكبرى او القوى الإقليمية والدليل علي ذلك احتلت أمريكا العراق ومن قبلها أفغانستان وقبل سنتين وبمشاركة المجتمع الدولي تمت إزاحة النظام الليبي والان الحرب بين روسيا وامريكا في سوريا وعلي المستوي الإقليمي لم نري تأثر المنطقة عندما استولي الإسلاميين علي السلطة في السودان ولكن عندم سولت لهم انفسهم واقتربوا من مصر راينا جميعاً التوتر الذي يسود المنطقة علي الشعب السوداني ان يفيق من هذه الكذبة التي يصورون الكيزان فيها ان الشعب السوداني مستهدف المجتمع الدولي اقام الدنيا بسبب موت 100000 سوري بينما حسب تقارير الأمم المتحدة اكثر من 300000 سوداني ماتوا في دارفور ولم نري الا الادانات وقرارات المحكمة الجنائية الدولية التي كانت فقط لإسكات الانتقادات التي وجهت الي النظام الأمريكي حليف الاخوان المسلمين من قبل المنظمات الحقوقية . علي الشعب السوداني ان يعي نحن لا نمثل شيء يذكر لتكلف الدول المتقدمة خزائنها أموالا طائلة من اجل محاربتنا.

[KJD]

#947851 [الوافي]
0.00/5 (0 صوت)

03-20-2014 09:31 AM
اخونا الزبير اتقسم اكثر مما تقسم يا راجل فقدنا جزء عزيز من الوطن وثلث السودان الفضل شنو ؟

بالله سيب الكلام الفارغ دا واصلح لنا الجزيرة من الضرائب التي تاخذها عنوة وترسل بها لحكومة الخرطوم صلح الجزيرة مثل ايلا كما اصلح ولاية البحر الاحمر دوام الحال من الحال .

غدا تصبحوا في خبر كان لا محالة الجزيرة تدمرت وكل مشاريعها توقفت وانت تتكلم في الفاضي خليك راجل اصلاح مش تقعد في تلعلع في المكروفات واجتماعات ومهرجانات فارغة خليكم عمليين وقم باصلاح الطرق وانارتها في مدني - الحصاحيصا - رفاعة المناقل انظر كيف تهالكت تلك الطرق ومستشفياتها تعاني نقصا في الكوادر الطبية والمعدات انت وين شغال خلونا المهرجات الرنانة البتقول فيها كل يوم طالع ف التلفزيون اعملوا فسيرى الله عملكم ورسوله وادوا رسالتكم التي من اجلها تقلدتم هذه الولاية عمل شيء لله قبل الممات .

[الوافي]

#947816 [عبدالرحيم العمده]
5.00/5 (1 صوت)

03-20-2014 09:03 AM
طيب دع الجيش المؤدلج أن يكف عن قتل بني جلدته من اجل حماية نظامك المتهالك وتفرغ لاستراد حلايب وشلاتين ..!!!

[عبدالرحيم العمده]

#947797 [محسن ابوحراز]
5.00/5 (2 صوت)

03-20-2014 08:32 AM
ياهو دة الأنت فالح فيهو لا تنمية ولا شفافية بل دمار وفساد لم تشهده ولاية الجزيرة طوال عمرها

[محسن ابوحراز]

#947758 [abood]
0.00/5 (0 صوت)

03-20-2014 07:42 AM
والبشربو البنقو بتعمل ليهم شنو ؟
والبقبضو سواقو طالع فوقو بتسوى ليهو شنو ؟
بلد بقت من اولها اى اخرها بنقو ولواط تقول ارتهان

[abood]

#947735 [شمال و جنوب فى محنة]
5.00/5 (1 صوت)

03-20-2014 06:55 AM
يا جماعة قمرتى قهوة الزيبق ده ما في زول اعدل ليهو عمتو دى كان اعرف اقول ليهو كلمة واحدة تتصدق كمان جاي اقول البلمس البلد هى البلد فضل فيها شئ ما انهبش الله اضركم دنيا و اخرة

[شمال و جنوب فى محنة]

#947734 [العميد المرفود]
5.00/5 (1 صوت)

03-20-2014 06:53 AM
اذا كانت فاتورة غسيل هدومك وسراويلك ب 2مليون في الشهر وبنتك عرسها محمد نافع ويمتلك مليارات الدولارات كيف ما يكون الشعب السوداني في يدكم وبالرغم من انه جائع وسجمان ورمدان وكمان جبان

[العميد المرفود]

#947726 [ودالباشا]
5.00/5 (1 صوت)

03-20-2014 06:22 AM
الجيش السودانى ..ياتوا

الشعب..كلو فى وادى وانتوا فى وادى

المخططات الاجنبية ...دى نغمة مشروخة

اخيراً انت لسه نايم ناسك بفت تتكلم عن الفساد خليك مع الزمن

[ودالباشا]

ردود على ودالباشا
United States [البركان] 03-20-2014 01:26 PM
(سنحبط المخططات الأجنبية الساعية لتقسيم البلاد)
و الله دا كلام مضلل , منو غيركم قسم البلاد و شرد العباد و عاث فسادا و قتلا و اغتصابا و تهبا
منو غيركم جلب القوات الاممية المحتلة للسودان , منو غيركم من فرط في اراضي السودان و تنازلتم لاسيادكم المصريين عن حلايب و شلاتين .ليس امامكم مخرج سلمي غير حكومة انتقالية و بشروط قوي الاجماع الوطني و الجبهة الثوريةو ليس بشروطكم , انتم الان في عين العاصفة الوشيكة , تزداد عزلتكم يوما بعد يوم و لن تنفعكم الملشيات و لا قوات الدعم السريع بل مصيركم هو الموت و اقتلاع نظامكم الفاسد و مشروعكم الحضاري من الجزور و الي القبور.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة