الأخبار
أخبار إقليمية
التفاصيل الكاملة لمصرع (عروس) بسبب تناولها (أبونجمة)
التفاصيل الكاملة لمصرع (عروس) بسبب تناولها (أبونجمة)
التفاصيل الكاملة لمصرع (عروس) بسبب تناولها (أبونجمة)


03-20-2014 12:35 AM



تسببت حبوب (أبونجمة) فى مصرع (عروس) الأربعاء الماضي عقب تناولها تلك العقاقير بأيام قلائل حيث فشل الأطباء فى علاجها من الأورام والتضخم الذى أصاب أعضاءها الحيوية وتعود الوقائع التى شهدتها منطقة أمبدة الى أن الفتاة خريجة جامعية تبلغ من العمر (27)عاماً، تقدم لخطبتها شاب قبل فترة وقرر الارتباط بها بعد أن أعجب بأدبها وأخلاقها الجمة التى عرفت بها فضلاً عن عائلتها ذات الوزن الاجتماعي المميز. وافقت الفتاة على الفور بالارتباط بذلك الشاب الذى لا يوجد ما يعيبه وبدأت الفتاة تجهيزات الزواج، إلا أن المشورة كانت تدور حول صحتها المتهالكة فهي ضعيفة البنية الجسدية فكان التفكير فى أن تتناول عقار (أبونجمة) لزيادة وزنها حيث جرت العادة فى السودان أن يتم تسمين الفتاة قبل الزواج ففى السابق كان التسمين يتم بالأغذية الدسمة والأطعمة التى تحتوي على المركبات النشوية والدهنية أما الآن فقد أصبح التسمين يتم بتلك العقاقير التى يتم شراؤها بطرق عشوائية من بعض البوتيكات وبعض المتاجر التى تبيع المستلزمات النسائية، وبالفعل قامت الفتاة بشراء تلك الحبوب وبدأت فى تناولها بغرض زيادة وزنها بصورة عاجلة خاصة وأن موعد زواجها اقترب ولكن بعد أيام قليلة من بدء تناول تلك الحبوب شعرت الفتاة بأعراض مرضية وبدأت تفقد وعيها حيث نقلت للمستشفى وبالفحص تبين أن الفتاة تعانى من ارتفاع فى نسبة السكر بالدم وظل السكر يرتفع الى أن أصيبت بحالة (غيبوبة) وأدخلت المستشفى حيث مكثت بها وبالفحص تبين أنها أصيبت بأورام متعددة بأجهزة الجسم الحيوية المختلفة ليتم إخراجها من تلك المستشفى لمستشفى آخر بعد أن أعلن الأطباء أن سبب ذلك المرض هو تلك الحبوب القاتلة، وأجريت لها عمليات شفط دهون ولكن حالتها لم تستقر وبالفحص الدقيق تبين أن تلك الحبوب قد تسببت فى ارتخاء بعضلات القلب واستمرت طريحة الفراش الى أن فارقت الحياة الأربعاء الماضي وسط دموع خطيبها الذى كان يستعد للزفاف وأسرتها التى كانت تجهز ليوم فرحها، إلا أن (أبونجمة) أطفأ نجم ابنتهم وغابت شمسها ولازالت الشرطة تستقبل أرتالاً من المعزين، الجدير بالذكر أن حبوب «أبو نجمة» غير مسجلة في المجلس القومي للأدوية والسموم وهي مادة تستخدم في علاج حالات من الحساسية والروماثايتد وبعض الأمراض المختلفة، ومهمة هذه الحبوب تجميع الماء داخل الجسم، وهي عبارة عن «كورتيزون» ينتج عن تناوله انتفاخ في الوجه بشكل «مرضي»، وهو ما يعرف «بوجه القمر».

وقد انتشرت فى الآونة الأخيرة أنواع عديدة من تلك العقاقير التى تستخدم فى عمليات التسمين العام والموضعي وهى في الأصل عبارة عن «حبوب» حساسية تسبب أمراض الفشل الكلوي وتصلُّب الشرايين وانخفاضاً في الدورة الدموية، كما تسبب هذه الحبوب الأكزيما وسرطان الجلد، ومن مضارها أيضاً جعل الشخص يأكل كميات كبيرة من الطعام ومن ثم يصاب بالسمنة المرضية كما تقلل من نشاطه وتجعله ينام لساعات طويلة، ولجأت الفتيات لاستخدام تلك المواد الكيميائية، من ضمنها «الكورتيزون»، وبعض الحبوب الأخرى التي تعرض في «البوتيكات» والمحال الشعبية لأغراض التسمين ومن أخطر مشاكلها أنها تجعل شكل الوجه دائرياً ممتلئاً بالماء «وجه مرضي» يسمى بوجه القمر moon face ليس به أي ملامح جمالية، وجه لا ينبض بالحياة وتلجأ إليه بعض الفتيات عند الخطوبة وقبل الخطوبة بغرض زيادة أوزانهن وتبييض البشرة خلال أسبوع واحد فقط. الجدير بالذكر أن تلك العقاقير حصدت أرواح عدة فتيات ورحلن عن الدنيا بصمت دون أن تعرف أسباب وفاتهن سوى تلك الأمراض الناجمة عن تلك العقاقير الأمر الذى يتطلب دق ناقوس الخطر لمواجهة تلك العقاقير والمستحضرات الممرضة والقاتلة.

السوداني


تعليقات 47 | إهداء 0 | زيارات 26025

التعليقات
#1595316 [الكردفاني العديييييييييييييييييــــل]
0.00/5 (0 صوت)

02-08-2017 10:03 AM
المسؤولية اجتماعية بدأً من الاسرة ..... بالتوعية .... انو اللون الابيض ليس كل الجمال ...... وان العقل والعلم .... افضل من مشوهي الفكر دكاترة الارجاس ذوي العقد النفسية .....

ثانيا اين دور الحكومة في منع البلاء اساسا من دخول البلد .... ولكن الحكومة الان هي نفسها ..... تنافس الباعة .....

ثالثا ..... دور المدارس ... انتهى لان الانجاس ما خلو زول .... ضمير يعلم ويربي الاجيال الناشئة .....

رابعا : ..... دور الاعلام سلبي .... حتى ما عندهم نخوة ولا وازع تجاه غرس القيم النبيلة .... لان اشجار المشروع الحضاري ... لا تثمر الى حنظلا ان اثمرت نتاجا ير المواطن ولا ينفعه .....

اما القنوات التلفزيونية ..... فحدثوا ولا حرج عن المحن .... وتلفزيون امدرمان ....... وكأن الوطن قد انحصر في العاصمة ..... اما بقية البلد فهي بور ........... يبسط عليها السيادة ...... لحكومات القصر الغردوني ....

[الكردفاني العديييييييييييييييييــــل]

#1593702 [ود الفاضل]
0.00/5 (0 صوت)

02-05-2017 03:05 PM
اللهم ارحم الفقيدة والزم اهلها الصبر الجميل - انه لشيئ محزن ان تموت عروس فى ليالي الاعداد لفرحها 0 وكله من جهل المجتمع وعدم تنوير الناس بمضار تناول العقاقير الطبية دون استشارة الاطباء - ولكن هو اعلامنا فاضي مامشغول طول اليوم بالغناء والدلوكة والردحي - وناس ندى القلعة وانصاف مدني وغيرهن من الساقطات من الفضيلة ....
وبعدين المشكلة عمت الحضر والبادية - واحد حكى لي قصة قال فى مناسبة زواج فى احدى القرى والعروس محبوسة كالعادة وممنوع مقابلتها لعامة الناس خوفا من ان يشيلوا نورتها (عادات ) قال واحد من اهل العريس قال لازم يشوف العروس بعدين النسوان قالن ليه اذا كان لابد فانت محكوم بمليون جنيه تدفع مليون جنيه بعد ماتشوف وجه الهروس وافق الرجل ، دخل لما شاف العروس صرخ لااله الا الله ( البلد دي مافيها كريمات ) ههههههه

[ود الفاضل]

#948547 [موجوع وطن]
5.00/5 (1 صوت)

03-20-2014 08:11 PM
تصوروا إذا كانت المرحومة دي من الأحياء الراقية أحياء أصحاب المناصب و الدسور والمقربين ماذا كانت ستفعل في ظرف صاحبتنا المرحومة أكيد ستحجز في مدارس التنحيف و التخسيس الهاي هاي و هنا تظهر الفوارق.. فقضايانل تتجذر في أبسط تقاسيم حياتنا اليومية و صدقت المقولة (ناس ميتين من الفاقة و ناس ميتين من التخمة)

[موجوع وطن]

#948375 [تينا]
5.00/5 (1 صوت)

03-20-2014 05:07 PM
جزيل شكرى لكل الاخوة الأفاضل الذين زارونى وفكوا حيرتى فى كلمة الشرطة ... صحيح شر البلية ما يضحك ... أمس بالليل من خلعتى من الخبر ومن كلمة الشرطة نسيت أترحم عليها ... الله يرحمها ويغفر لها ويجعل مثواها الجنة ...ويا أخ (((عشنا وشفنا))) ههههههههه قول ما شاءالله ما لك على انا ما صدقت يجونى ناس (((حلوين ذى ديل يزورونى))) و يفسروا لى ويضحكونى ويفرحونى بدل ما زوارى كانوا دايما منبزنى ومزعلنى ههههههههه تسلموا كلكم ... وبوصيكن يا اخواتى اتعظن من جنس الشيىء دا ومالكن دايرات تغيرن من خلقةالله ؟؟؟! ... ختن الرحمن فى قلوبكن وابقن عشرة على الخلقة الأداكن ليها ربنا سبحانه وتعالى وأرضن بيقسمتكن ... تحياتى ...

[تينا]

#948358 [ثقافة]
3.07/5 (5 صوت)

03-20-2014 04:48 PM
ياجماعة معروف انو الفتاة بعد

ماتزوج تثمن ليه تودى نفسها


الى الهلاك اصبرو ايها البنات

لاتستعجلوا بعد الزواج حاتثمنو


انا زوجتي كانت ضعيفة مرة


لكن بعد عرسها اصبحت ماشاءالله

بقت ثمينة ورويانة وهذا ينطبق

على جميع البناتا اصيرو ان الصبر جميل

[ثقافة]

ردود على ثقافة
France [mogambi kasmabi] 02-10-2017 10:41 AM
الرد هذا موجه الى السيد/ zizo Alameen وانت برضه غلطان لأن الكلمة تكتب بحرف السين وليس الثاء و هكذا تكتب " سـمينة " ويعنى ممتلئة الجسم وليس " ثمينة " والتى معناها غالية الثمن . وشكرا.

United States [zizo Alameen] 03-20-2014 08:39 PM
ثمينه با الثاء

United States [MAHMOUDJADEED] 03-20-2014 08:16 PM
كلامك صحيح مية في المية . الفتاة تسمن بعد الزواج مش تثمن .


#948343 [شاخور]
5.00/5 (2 صوت)

03-20-2014 04:41 PM
الإستلاب ..
في دولة (بني كوز) الأندلسية العباسية الظافرة ..
هذا ما تراه الفتيات المسكينات في قناة النيــ .. الازرق بتاعة محمد عطا المولي ..
والتي حوّلت مغنية مغمورة و ..... لايقونة ومثال للجمال باردافها المكتنزة وشحومها المردومه وكرشها العريض ..
دي بركات السر كرور و ناس (حرامي الجيوب تّلب) .. و كريمات ناس ابوسنينة (طه سليمان) .

يا جماعة ، قالوا (الشريف) مبسوط مننا ، ودي براها (وسام) .

[شاخور]

#948312 [jakoma]
5.00/5 (2 صوت)

03-20-2014 03:51 PM
انها شهيدة الغباء

[jakoma]

#948251 [usama]
5.00/5 (2 صوت)

03-20-2014 02:40 PM
فعلا الحبوب دي مشكلة وأيضا الحقن والكريمات..تحسسك البنت بقيت ذي الطماطم الفاسد

[usama]

#948247 [Adam Ibrahim]
5.00/5 (2 صوت)

03-20-2014 02:36 PM
لا حول ولا قوة الا بالله.. الله يرحمها..
ياخى الحبوب دى عبارة عن سموم ولو ما ادت للموت بتسبب فشل كلوى واكياس دهنية واورام غير حميدة.. قال نجمة وهجمة والجيران اتخلعوا!!..

زمان بنات الأبيض لما يجهزوهن للعرس بياخدوهن بحبسوهن فى الضهارى (القرى) وبس اكل ونوم..

[Adam Ibrahim]

#948241 [نوارة]
5.00/5 (1 صوت)

03-20-2014 02:32 PM
انتو في ابو نجمة ولا الحقن المبيضه واثارها بعد شوية السودان سوف يفضى من البنات لان السرطان والامراض الخبيثة سوف تقضي علي البنات جراء هذه الممارسات الخاطئة
وسبحان الله نفس هذا الفهم والسلوك عند المورتانين وكيف لازم البت تكون سمينة وممتلئة الجسم وكذلك عندهم نفس العقدة الفي السودان من ناحية اللون وقبل كده حضرت برنامج في mbc. عن استعمال بنات موريتانيا لمحلول الملح الذي نسميه درب لتبيض وكيف انعدم هذا المحلول من الصيدلايات

[نوارة]

ردود على نوارة
United States [حسن] 03-20-2014 10:33 PM
السودانيون تشـبها بالعرب (وهم ليسوا بعرب طبعا) يحبون المرأة الممتلئة (الهركولة) كالتي وصـفها الاعشى:
هركولة فنق درم مرافقها//كأن أخمصـها بالشوك منتعل


#948214 [موسى محمد]
0.00/5 (0 صوت)

03-20-2014 02:00 PM
(ولازالت الشرطة).
ههههههههاي

[موسى محمد]

#948139 [ابو الطب]
5.00/5 (4 صوت)

03-20-2014 01:14 PM
ده كلو من ندى القلعة وانصاف مدنى وحرم النورشوفوهم كانو كيف وبقو كيف

[ابو الطب]

ردود على ابو الطب
United States [الخير عز] 03-20-2014 04:07 PM
ديل اكل حفلات وكريمات يوماتى


#948075 [jas]
5.00/5 (2 صوت)

03-20-2014 12:17 PM
سبحان الله ربنا يرحمها ويغفر لها ويلزم الها الصبر والسلوان
لكن يا كاتب انت زاتك ياخوي ماك حيين الوداك تعرف لي وش القمر شنو خيتو البنات زي كلامك فقدت المنطق وبقت يعدلن في خلقن ودي ربنا يستر ودي محتاجه لالية وتوعية متوازنة بحيث تصل الريف والحضر والبنات في السودان ما بعرفن البصلحن من البضرهن في لندن وبقية العواصم الاوربية تجد الحالات المتكررة في المستشفيات حالات ضعف اي نحافة لان البنت تعتقد انها لام تكن جزابة ان فقدت القوام الانجليزي النحيف والعكس في السودان البنت بتحث في السمنة لان الرجال زاتهم يا جماعة بساهمو في الموضوع دي بفتكرو المراة السمينة دي مروقة قياسا بالضان السمان ودي ما كويس فكرو في تقليل المحور وترغيب والتشجيع لزواج من الاعمار المبكرة حتي تسدو ما نقصته الحرب في السودان من قوة الرجال عشان تعيشو كرما برجالكم وبناتكم بدلا من التسمين والطرشقة التسو فيه دي قبل فترة والتاكيد في العام 2010-2011 في حالة حبوب بالسوداني كدة طرشق ليق واحدة من البنات وديك ماكانت عروس زاتا ما عرفنا بروفة تمهيد تجهيز خيتو مرت ودي كارثة بشرية بيئية لو الناس مافكرت في ارشاد سليم بناتنا يتخرجن من الجامعات ويموتن في امتحان ابونجمة ودي ماااااااااااااااااكويس

[jas]

#948055 [جدودنا زمان]
5.00/5 (4 صوت)

03-20-2014 12:01 PM
بت جيرانا برضو ماتت بسبب الحبوب البتسمن دي
بس ما عندي علم ياهو ابو قشرة ده ولا واحد تاني

[جدودنا زمان]

#948050 [nagi]
5.00/5 (2 صوت)

03-20-2014 11:58 AM
والله بنات متخلفة بشكل ابو نجمة شنو وكلام فارغ شنو الله يلعنكم

[nagi]

#948040 [عباس التحت اللباس]
5.00/5 (2 صوت)

03-20-2014 11:50 AM
نعم الحكومة مسئولة عن كل هذه الفوضي وين المواصفات وين ادارة الصيدلية وين البلدية وين المحلية ولا بس يفلحوا في الجبايات

[عباس التحت اللباس]

#947969 [ابو محمد]
5.00/5 (6 صوت)

03-20-2014 11:01 AM
كثير من الأمور يفعلنها التساء ارضاء لنساء أخريات فالرجال بريئين منها .. يقولون ان الرجل السوداني يحب المرأة السمينه لكن هذه ليست حقيقة النساء فيما يينهن علي سبيل المثال فلانه ديك سمنت ونتي لسه قاعده بوشك المحفر وسويقاتك الناشفات ديل والله النسوان بيضحكن عليكي دا قبل الزواج أنا بعد ما اتزوجت زوجتي عملت لي زنه زيد لي دهب العرس ده أنا سألتها قلت ليها الدهب ده مش بيلبسوه للزينه أنا بدون دهب عاجباني مش المرأة تتزين لزوجها أنا كده شايفك ست الستات قالت لي الدهب ده يا عزيزي ما بلبسوه للراجل الدهب دا علشان يكون للواحده قيمه قدام النسوان وللعلم دي حالتها متعلمه متخرجه الله يكون في عون المرأه السودانيه ربنا يرحم الفقيده لكن النسوان خدعنها زي ماقال واحد الرجل خطبها ومقتنع بس ضيعنها النسوان

[ابو محمد]

ردود على ابو محمد
United States [ديموقراطية] 03-21-2014 05:03 AM
صدقت أخي .. ففي نقاش لي مع بعض اخواتي وقريباتي كان لي راي سالب حول المرأة (المبهدلة) في بيتها وامام ناظر زوجها ، لكن في المناسبات المختلفة تكون في قمة الاناقة واعتبرت ان العكس هو الصحيح المفروض فاهمنني الاخوات ان الاناقة (كيد للنساء فيما بينهن) وليست لاغراء رجال آخرين فتخيل بالله هذه العقلية !


#947946 [سفيانوف]
5.00/5 (4 صوت)

03-20-2014 10:45 AM
دائما تقوم الفتيات بهذه الاشياء لزوم التسويق اما هذه الفتاة فلا اجد لها مبررا فقد تمت البيعة اين المشكلة ؟؟؟؟؟؟؟؟و نصيحتي لكل الفتيات لابد من مشاورة من هم من اهل الاختصاص بدلا من الانسياق وراء الافكار الخاطئة من الجهلاء,,,,و الله انا حزنت شديييييييييييييييييييد لهذه الفتاة

[سفيانوف]

#947938 [bent alnil]
4.00/5 (6 صوت)

03-20-2014 10:40 AM
ربنا يرحمها و يغفر ليها ..في مجتمعنا بقى مجتمع فارغ و سطحي و ما يرحم زول لا سمين و لا ضعيف و المشكلة مافي زول ينتبه للمخطط يدمر في إنسان السودان الوليدات بالمخدرات بأنواعها و البنيات بالنجمة و كريمات الفسخ منظر قبيح و لبس و الله انا بخجل لما اكون في المواصلات بس يا جماعة لاحظوا لنوع اللبس في الأسواق يبيعوا حاجات زى لبس الرقاصات حاجات كانت مافي من المسؤول أن يدمر هويتنا بزي خليع و يفسخ سمار لوننا الجميل و يغير وجيه البنيات بالموون فيس ...
و بعدين يا بنات ماتسمعن التعليقات البايخة مالك ضعيفة أكلي داك و ابلعي داك خليك طبيعية أحسن

[bent alnil]

#947935 [تدميررررررر حكومة الكذب]
5.00/5 (3 صوت)

03-20-2014 10:39 AM
وين رقابة جكومة الفساد والكذب والسرقات اين المواصفات والمقاييس الدوائيه ياعالم أتقوا الله


في هذا الشعب المسكين يا حكومة السجم والرماااد أين موقعكم من السموم الذي تدخل السودان بدون رقابه


وين جمارك السرقه الله اكبر عليكم لكم حساب يوم الدين

[تدميررررررر حكومة الكذب]

#947934 [جيقجاو]
4.00/5 (3 صوت)

03-20-2014 10:38 AM
انا لله وانا اليه راجعون . فهذه من المشاكل التي تعاني منها كل بيت في الاسرة السودانية وكل بنت في السودان همها الاول هي ان تفتح وجهها حتي تصير لونها بيضاء وهن يفتكرن الجمال في البشرة البيضاء فقط ولكن الجمال ليس في البشرة البيضاء فقط وعلي الاباء والامهات والاخوان ان يقوموا بتوعية البنات من خطر هذا المواد الكيميائية التي كانت سببا في فقدان الكثير من اخواتنا .ولكن للاسف الشديد نجد ان وسائل الاعلام من تلفاز وصحف والاذاعات دورها ضعيف جدا في عكس مضار هذه المواد الكيميائية وايضا المختصين من اطباء وغيرهم .وايضا الجهات الحكومية ان تبذل قصاري جهدها من مكافحة هذه السموم .ونسال الله ان يهدي اخواتنا من استخدام هذه السموم حتي تنطبق القول البتقول :
بنحب من بلدنا ما برة البلد سودانية تهوي وعاشق بت بلد

[جيقجاو]

#947909 [مقهور]
5.00/5 (3 صوت)

03-20-2014 10:20 AM
إلا أن (أبونجمة) أطفأ نجم ابنتهم وغابت شمسها ولازالت الشرطة تستقبل أرتالاً من المعزين،

ربنا يرحمها ويغفر ليها ... دي عروس واللا رقيب أول في الشرطة ..

[مقهور]

#947907 [العقيد]
0.00/5 (0 صوت)

03-20-2014 10:19 AM
ابو نجمه ،،،،مريخابي ،،،،دائماً ،،،يجيب ،، المصائب ،،،،،ابو ،،نجمه ،،،يعني ،، المرض،،،،؟

[العقيد]

#947898 [ماسورة]
4.00/5 (1 صوت)

03-20-2014 10:12 AM
بدل قراية كلامك الركيك
المجغمص دا
اخير ابلع لى جردل من ابونجمة

[ماسورة]

#947860 [kamuzu]
5.00/5 (4 صوت)

03-20-2014 09:38 AM
خبر محزن يضاف الي احزاننا الكثيرة والمتراكمة ... رحمها الله واسكنها فسيح جناته

[kamuzu]

#947848 [ابراهيم قريب الله حمد]
5.00/5 (2 صوت)

03-20-2014 09:28 AM
ماخفي اعظم ابونجمه بس في حاجات تانيه اكبر وأخطر في حقن توخذ في اسفل الرجل تفسخ الجلد وتغير لون البشره للابيض وحقنه ايضاً مصنعه خصيصاً للبهائم اللاحم لزيادة وزنها بياخدوها البنات والحاجات دي متوفره بصوره كبيييييييره وبتباع بي تحت تحت وده كله شان البنات يظهرن بشكل جميل متناسين المخاطر الصحيه لهذه العقاقير وشوفو الشارع العام في الخرطوم البنات كلهن مبرقعات من الكريمات ويكاد اللون الاخضر الجميل انعدم واجسامهن مترهله بسبب استخدام الحبوب والحقن نسال الله السلامه

[ابراهيم قريب الله حمد]

ردود على ابراهيم قريب الله حمد
United States [ديموقراطية] 03-21-2014 04:56 AM
المشكلة يا أخي ان الشكل البيظهرن بيهو لا جميل ولا حاجة الا في فهمهن الخاص والساذج جداً فبصراحة ما تتخيل منظربت وشها وارم ولونو (بنمبي ) وما بيشبه باقي لون جسمها وجسمها زاتو منفخ وما متناسق فعليك الله السماحة هنا وين ؟ وده راي شباب كتيرين بالمناسبة ، لكن البقنع ا(الديك) شنو؟


#947847 [ابو عبدالرحمن]
5.00/5 (7 صوت)

03-20-2014 09:27 AM
ياخ هي مالا ومال الوزن
اصلا العريس لو ما راضي بيها ما كان طلب يدها
والله غايتو كلام فاضي ابو نجمة وابو عنجة

[ابو عبدالرحمن]

#947815 [KJD]
4.97/5 (9 صوت)

03-20-2014 09:02 AM
الغريب في الامر ان المرحومة تقدم الشاب لخطبتها قبل استخدام أبو نجمة يعني مقتنع بيها في حالتها الطبيعية وده يؤكد شيء واحد ان المقصود ليس ارضا الزوج بل هي أوهام داخل الاسر السودانية ان الفتاة يجب ان تذب الي بيت زوجها وهي في صحة جيدة وان الرجل السوداني تركيزه الأكبر في جسم المراءة .لذلك ارجوا ان تكون هنالك حملة توعوية يقودها الشباب في كافة وسائل الاعلام للتعريف بمضار استخدام العقاقير المصنعة .

[KJD]

#947814 [locolo]
5.00/5 (6 صوت)

03-20-2014 09:02 AM
( ولازالت الشرطة تستقبل أرتالاً من المعزين) ؟؟؟




و لية بس الشرطه هى التى تستقبل المعزين يا ناس الراكوبه ؟؟ دى دايره تفسير !!!

[locolo]

ردود على locolo
European Union [تم العزاء في مخافر الشرطة] 03-20-2014 10:09 AM
هاهاهاهاهاها هذه الكلمة ظاهره خربت المقال او الخبر ( الشرطة) قاصد الاسره اكيد وناقص سطر مثل ( ومكاتب الشرطة تستقبل كثير مثل هذه الحالات وفتح البلاغ من ذوي الاسر على اصحاب المحال التي تتعامل مع هذه السموم )

نصلح ليه شوية كدا ههههههههههههه

United States [Abu Areej] 03-20-2014 09:46 AM
اعتقد (الاسرة وليس الشرطة) والله اعلم


#947793 [المتجهجه بسبب الانفصال]
5.00/5 (3 صوت)

03-20-2014 08:29 AM
ربنا يرحمها ويحسن اليها ،،، الموص والحلبة حقات حبوباتنا مالن ،،،

[المتجهجه بسبب الانفصال]

ردود على المتجهجه بسبب الانفصال
United States [نوارة] 03-20-2014 02:22 PM
ههههههه والله يظهر عليك يالمتجهج بسبب الانفصال تربية حبوبات وكده


#947786 [أبو منير]
5.00/5 (1 صوت)

03-20-2014 08:21 AM
صراحة أنا عجبتنى دى

( لا أن (أبونجمة) أطفأ نجم ابنتهم وغابت شمسها ولازالت الشرطة تستقبل أرتالاً من المعزين، )

كاتب عينة

الله يرحمنا جميعا

[أبو منير]

#947784 [محمد]
5.00/5 (2 صوت)

03-20-2014 08:17 AM
هن بسمنوهن مالن بقر جزارة ؟

[محمد]

ردود على محمد
United States [ديموقراطية] 03-21-2014 04:48 AM
ههههههههههه يديك العافية


#947770 [hazim]
5.00/5 (3 صوت)

03-20-2014 08:06 AM
العريس اقتنع بالفتاة خلقا و خلقا(بفتح الخاء و ضمها في الثانية),لكن نسبة لعاداتنا الشيطانية في الزواج,عادات عرض العروسةعلى الحضور في حفل الزواج في الكوشة و الرقيض و غيرها...ارادت المسكينة ان تبهر الناس بشكلها و قوامها حتى لا تكون عرضة لتعليقات الشامتين ,المسكينة ارادت ان ترضي اذواق الناس فاهلكت نفسها,لو اتبعنا السنة لما احتجنا لكثير من التعقيدات التي تصاحب الزواج و لاصبح الامر سهلا ميسورا

[hazim]

#947728 [أبو لاكومة]
4.88/5 (5 صوت)

03-20-2014 06:27 AM
إطمئنوا ياناس الراكوبة - كلنا فاهمين ولكن البعض يتغابى - والموضوع واضح
ونحن نتعاطف مع أهل هذه الصبية المؤودة التي قتلهاالجهل المطبق على هذا البلد
ودا كلو سببه إنتشار الجهل حتى - يااسفي - بين الخريجين والخريجات -
إذا كان هذا حال الخريجات - الما دخلن مدارس وجامعات يعملن شنو؟
منذ مجيئ الإنقاذ أصبح لا عندنا جامعات ولا يحزنون - بل حق لنا بالأحرى أن نحزن ونموت كمداً.

[أبو لاكومة]

#947724 [abubaker]
5.00/5 (2 صوت)

03-20-2014 05:58 AM
جيرانني في الحي بتهم فجاة جاتها اورام غريبة في الارجل يقولوا اهلها بسبب تناول عقار طبي اظن السبب هذه الحبة اللعينة نتمنى الشفاء

[abubaker]

#947713 [ساري]
4.97/5 (8 صوت)

03-20-2014 05:01 AM
في الوقت الذي تجتاح العالم حمى (النحافة) ودور ومراكز الحمية النسائية في كل دول العالم حتى دول الجوار (في الخليج وغيرها)
في الوقت الذي اصبحت النحافة رمزاً للجمال بل للإنوثة والإثارة .. تحّولت الممثلتان (إنجلينا جولي) و( جنيفر لوبيز) .. أيقونات للجمال
تبحث فتياتنا لزيادة اوزانهن .. بلهط (الدٌخن) و (السمن النباتي) و الموت بـ (الكورتيزون) .. لشحوم ضارة و هيئة مترهّلة و قبيحة ..

مخالفين العالم حتى في دي ..

[ساري]

ردود على ساري
United States [k m] 03-20-2014 01:52 PM
طوالى الفهم بجى متأخر عندهن


#947674 [ahmed]
5.00/5 (3 صوت)

03-20-2014 02:20 AM
يامتخلفين سمنة شنوا ؟ وبياض وجه شنوا ؟ دا التخلف ذاتوا؟ المراة الرشيقة النحيفة اجمل من المراءة المتينة ؟ وعاجبكم في النساء ذي البقر ما كلهن امراض ...البدانة....السكري...اامراض القلب..وهلماجرا

[ahmed]

ردود على ahmed
United States [ديموقراطية] 03-21-2014 04:46 AM
تحياتي اخي الكريم... ظللت ابحث عن عروس بتلك المواصفات ( خدرا / رشيقة / لا تستعمل كريمات التبييض )
للأسف سنتين ولم اجد !


#947666 [ahmed//]
5.00/5 (2 صوت)

03-20-2014 02:03 AM
دق ناقوس الخطر لمواجهة تلك العقاقير والمستحضرات الممرضة والقاتلة.

بعد كده الناس ما تدق ناقوس الخطر بعد كده يدقوا واطه ، امر محزن ومضحك وهذا من مفارقات شر البلية الذى يحدث لك الإثنين فى آن ..

نسأل الله للفقيده الرحمة ويغفر لها الله مما اقدمت عليه ..

[ahmed//]

#947665 [caeser]
3.50/5 (2 صوت)

03-20-2014 02:02 AM
المهم في الخبر هو الإستعمال السئ للكثير من الادوية و المستحضرات بغرض التجميل إن لم نقل التشويه في الغالب ، ففي السودان و أيضا بعض الدول الافريقيه إستخدام مفرط لتلك المستحضرات الكيميائية بدون رقابة من الدولة او ردع لمستجلبيها ، كنت اتوقع ان تكون هنالك جمعيات نسوية تهدف فقط للتوعية بمضار تلك المستحضرات و تكون و سيلة ضغط للحكومة لمعاقبة كل من يستوردها ، أما القنوات الفضائية و التي من اوجب واجباتها نشر الوعي و محاربة كل ما هو ضار للأسف هي الداعي الأكبر و المروج الأول لهذا الفهم الخاطئ للإستعمال ... و إلا فشاهدوا الوجوه المطلةعلينا صباحاً و مساءً مقارنة بالأيادي ( الخفية) ، السؤال أين سمراوات السودا ن ؟؟....... كلام فارغ

[caeser]

ردود على caeser
[سفيانوف] 03-20-2014 11:58 AM
يا اخي الكريم كلامك زي العسل ,,لكن و للأسف الشديد الجمعيات النسوية ما فالحات الا في اللقاءات مع القنوات الفضائية و كل الكلام تنظير في تنظير ,,, اما بخصوص القنوات الفضائية فهذه اصبحت مشغول بتلميع الفنانين الذين قاموا بتدمير الاغنية السودانية و بالأخص قناة النيل الازرق و الله طلبت منهم نقل سماية اكرر سماية على الهواء يقومون بتلبية الدعوة مباشرة و أجراء لقاءت مع الام و الطفل وبقية افراد الاسرة و يقومون بسؤال اعمل تسمم ما هو شعورك في هذا اليوم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


#947663 [hatim hussien]
5.00/5 (1 صوت)

03-20-2014 02:00 AM
أبونجمةأبونجمةأبونجمةأبونجمةأبونجمةأبونجمةأبونجمةأبونجمةأبونجمةأبونجمةأبونجمة

[hatim hussien]

#947650 [قطع]
5.00/5 (1 صوت)

03-20-2014 01:39 AM
حجيتكم ما بجيتكم
خيرا جانا وجاكم

[قطع]

ردود على قطع
European Union [ahmed] 03-20-2014 02:21 AM
يامتخلفين سمنة شنوا ؟ وبياض وجه شنوا ؟ دا التخلف ذاتوا؟ المراة الرشيقة النحيفة اجمل من المراءة المتينة ؟ وعاجبكم في النساء ذي البقر ما كلهن امراض ...البدانة....السكري...اامراض القلب..وهلماجرا


#947649 [تينا]
4.75/5 (5 صوت)

03-20-2014 01:39 AM
(((الا أن ابونجمة أطفأ نجم ابنتهم وغابت شمسها ولا زالت الشرطة تستقبل أرتالا من المعزين)))دا كلام شنو دا شرطة شنو البتستقبل أرتالا من المعزين ؟؟؟!الكلام دا كيفنو ؟؟؟

[تينا]

ردود على تينا
United States [الجقر] 03-20-2014 11:07 PM
بتكون الشرطة شافت شغلها واعتقلت ناس البيت كلهم والناس جاية تعزينهم في قسم الشرطة ... والله اعلم
الله يرحمها المسكينة ضحية والتقييم المتخلف للجمال

European Union [عشنا وشفنا] 03-20-2014 10:46 AM
الله يرحمها ويستر على الباقيات ..
لكن يا (تينا) ماااا بختك عندك شعبية كبيرة خلاص . كل الناس دى بترد على تعليقك.

European Union [ود الامام] 03-20-2014 09:52 AM
اظنه قصد الأسرة فكتب الشرطة

European Union [ودامدرمان] 03-20-2014 05:34 AM
نفس السؤال دا خطر في بالي



تخريمة:
امكن ام المرحومه اسمها الشرطة
وقال ليك اسمو moon face
ههههههههههههههه

European Union [ساب البلد] 03-20-2014 03:36 AM
****** يا "تينا" اختي العروسة الله يرحمها كانت ساكنة في قسم الشرطة يا ربي ؟؟؟ ******* انا ذاتي محتار لحكاية المعزين البتستقبلهم الشرطة ******* تحياتي *******

United States [ghalib] 03-20-2014 02:30 AM
ماتتدقي كتير ياتينا ديل صحفيين اخر زمن
شوفي كمان ده: "الى أن فارقت الحياة الأربعاء الماضي وسط دموع خطيبها الذى كان يستعد للزفاف وأسرتها التى كانت تجهز ليوم فرحها،"
ماعارفين انو الاسره بتكون حزينه اكتر من الخطيب (البلقالوا عروس تانيه) بس الاسره تعوض كيف.

European Union [Dawod] 03-20-2014 02:26 AM
بس رسالة أبو نجمة وصلت..!!

بذات الحتة دة لفتت نظري بس قادرالله لو لقيت إجابة وفهمتي حاجة من الحتة دة ما تحرمنا معاكِ من الفهم ألعن أبو الفهم ذاتو ههههههه!!!


#947647 [ركابي]
3.50/5 (3 صوت)

03-20-2014 01:38 AM
لاحول ولاقوة الا بالله ...ربنا يرحمها ويعوض شبابها الجنة
ليه الناس ماراضية عن خلقة ربها؟؟؟اهلنا زمان ماكانوا كدة ..ياخي الدايرة تسمن ما تضرب نشا او موص او عكاوي زمان كان الحريم المعصعصين بيجيبوا ليهم مربي خرز البقر

[ركابي]

#947640 [ود النقرة]
5.00/5 (1 صوت)

03-20-2014 01:26 AM
والله عاجز ما قادر أعلق أقول شنو ما عارف ... لاحول ولا قوة الا بالله ، ربنا يغفر ليها و يرحمها

[ود النقرة]

#947635 [رتشارد]
3.75/5 (5 صوت)

03-20-2014 01:17 AM
المشكله الاساسيه ان الناس جيعانه وبنيتها تعبانه والفتيات يلجان للعقاقير ليكونن معقولات الجسم .....الحل في الزراعه وتوفير الاطعمه بسعر ميسور فتنمو الطفله منذ الصغر بجسم متناسق ولا حاجة لهن بابو نجمه ولا ابو فيل ...لابد ان تحل المشكله جزريا ..والا ابونجمه يعدمنا البنات

[رتشارد]

#947634 [رتشارد]
4.50/5 (5 صوت)

03-20-2014 01:15 AM
المشكله الاساسيه ان الناس جيعانه وبنيتها تعبانه والفتيات يلجان للعقاقير ليكونن معقولات الجسم .....الحل في الزراعه وتوفير الاطعمه بسعر ميسور فتنمو الطفله منذ الصغر بجسم متناسق ولا حاجة لهن بابو نجمه ولا ابو فيل ...لابد ان تحل المشكله جزريا ..والا ابونجمه يعدمنا البنات

[رتشارد]

#947621 [المتغرب الأبدي]
5.00/5 (1 صوت)

03-20-2014 12:51 AM
دا خبر ولا قصة ؟
صياغة تعبانة يا ناس السوداني ..

[المتغرب الأبدي]

ردود على المتغرب الأبدي
European Union [ساب البلد] 03-20-2014 01:56 AM
******** يا "المغترب اخوي" الاخبار الزي دي لو فهمت المضمون احمد الله و ابقي مارق ***** و انسي قصة الصياغة ****** هع هع هع هعااي ******** مودتي ********



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة