الأخبار
أخبار إقليمية
هيئة شئون الأنصار تدشن طواف لولايات السودان
هيئة شئون الأنصار تدشن طواف لولايات السودان



03-20-2014 12:56 PM
بسم الله الرحمن الرحيم

هيئة شئون الأنصار – المركز العام
مكتب الأمين العام

زار وفد من هيئة شئون الأنصار المركز العام يتقدمه الأمير عبد المحمود أبو إبراهيم الأمين العام للهيئة والأحباب محمد الحوار محمد أمين الدعوة و الإرشاد و يوسف العاقب الدكيم أمين التنظيم ومحمد نور الدين نائب أمين التنظيم و فخر الدين آدم موسى إعلام مكتب الأمين العام زار ولاية نهر النيل في الفترة من 12- 17 مارس 2014م شملت الز...يارة الدعوية التنظيمية مناطق العبيدية ( الطريف – وسط حي بانت – القيزان – الهدباب) - عطبرة – العكد الموسياب و الدامر، قدم فيها الوفد عدة محاضرات كانت بالترتيب
1 - ندوة (الطريف) بعنوان الإسلام منهج حياة .
2 – ندوة (القيزان) بعنوان الأنصارية المفهوم و المنهج
3 – ندوة (الهدباب) بعنوان أدب الإختلاف في الإسلام
4- ندوة (الباوقة) بعنوان أخلاق المسلم
وقد الأمير عبد المحمود أبو محاضرات
1- الدولة المدنية بدار هيئة شئون الأنصار بعطبرة (للقوى السياسية)
2- الحوار في الإسلام بالدامر ( للقوى السياسية )
وقدم مولانا محمد الحوار محمد أمين الدعوة و الإرشاد محاضرات
1- المرأة و التكليف الشرعية بالعبيدية وسط
2- العبادات بمسجد الوالدين حي السوق الباوقة
3 – حقوق المرأة و وأجباتها بالعكد و الموسياب
وخاطب الحبيب يوسف العاقب (الدكيم) اللقاءات التنظيمية تناولت 1- البناء التنظيمي في كافة المستويات التنظيمية من الحي حتى المركز.
2_ سجل العضوية و حصرها
3- المدرسة الفكرية و تنمية الموارد البشرية و المالية وخاطب الدكيم لقاءات تنظيمية في كل من :-
الطريف – القيزان – الهدباب و الباوقة تناولت اللقاءات الترتيبات لعقد مؤتمر الهيئة الولائي ومراجعة المكاتب القائمة و تكوين مكاتب القطاعات الحيوية المرأة و الشباب و الطلاب
الزيارات الإجتماعية :-
زار الوفد كل من
وكيل وكلاء الإمام بنهر النيل الحبيب عوض حسن على
وكيل الإمام ببربر العوض عباس
زيارة مصطفي حمزة و أسرة دقنو و عزاء عبد القادر كنون بالعبيدية
عزاء البشير الحاج حسن بالدامر
محمد المصطفي الغائب وعبد الحليم الطيب الحسن العبيدية
و آل عطا الله الفضيل بالقيزان آل العجيل بالحديبه
وشكر الأمين العام لهيئة شئون الأنصار الأحباب بولاية نهر النيل علي حسن الإستقبال و كرم الضيافة و حماسة الأنصار وهمتهم وعزمهم على بناء مؤسسة دعوية تقوم بالتعليم و نشر تعاليم الدعوة الإسلامية على رأسهم الحبيب عصام العجيل مرشد هيئة شئون الأنصار و الحبيب طه أحمد سعد رئيس حزب الأمة القومي بالولاية ودعا لتفعيل المكاتب القائمة وتكوين مكاتب الشباب و المرأة و وعد الأمير بتوفير مقومات التدريب و التأهيل من دعاة ومكتبة وطلب بضرور تبني مشاريع الإستثمار في العضوية و تبني مشروع صندوق تكافلي لخدمة المنطقة و أشاد بنهج شباب العبيدية ولمسة الوفاء التي قدموها بتكريم قيادات المنطقة . و خص بالشكر مولانا عبد المحمود مؤسسات الهيئة بنهر النيل على رأسها الحبيب عصام العجيل مرشد هيئة شئون الأنصار الذي كان له القدح المعلى في إنجاح هذه الزيارة
وخرجت الزيارة بعدة مخرجات أهماها:-
1- الدعوة لمؤتمر الهيئة بالولاية عقب الفراغ من تكملة مكاتب المحليات و القطاعات وفق المنشور التنظيمي .
2- تنشيط العمل الدعوي التنظيمي بالولاية .
3- الإستمرار في إعداد و تأهيل كوادر دعوية عبر مدرسة كادر تحدد عقب الفراغ من الطواف .
4- تأسيس منتدى الرحيق المختوم للدراسات الإسلامية في الباوقة و العبيدية و الدامر لبناء و تأهيل قدرات الدعاة .
5- توزيع راتب الإمام المهدي و كتاب يسألونك عن الانصارية ومادة أرشيفية كأساس و نواة لمكتبة الكترونية.
6- تأسيس مراكز إعلامية دعوية في كل من العبيدية - الباوقة - الدامر و الموسياب .
وسوف تتواصل الزيارات لبقية مناطق الولاية تباعاً ومن ثم يتم تحديد ولاية أخري بأذن الله


تعليقات 5 | إهداء 0 | زيارات 1039

التعليقات
#949219 [القادمون الجدد]
0.00/5 (0 صوت)

03-21-2014 11:02 PM
اجمل مافي الموضوع انك تشوف انسان من اقاصي غرب السودان يزور مناطق في شمال السودان ويستقبل بكل ود وترحاب دي روح الاسلام لا فيها جهويه ولا محاصصه ولا ابناء الولايه والمسميات التي فرتقت السودان والاسر والان انظر كيف يختلف الفرد من اهل بلادي مع ظله لهم التحيه رجال سجلو زياره لرجال ابناء رجال

[القادمون الجدد]

#948688 [ود الفاضل]
0.00/5 (0 صوت)

03-21-2014 12:46 AM
كل عمل يقوم به الرسميون او الشعبيون فى السودان حينما تعمل فيه النظر تجده عملا عشوائيا يتم دون دراسة ولذلك تاتي النتائج دائما خايبة لاتصلح العباد ولا البلاد . يعني حسي حزب شئون الانصار خلاص مشاكل البلد انتهت بس الباقي الطواف على الاقاليم وإقامة المحاضرات وتوزيع راتب المهدي ، ياأمة ضحكت من سياستها وجهلها الامم . الناس فى حاجة ان يمسعوا كلاما يتعلق بالعيش والصحة والتعليم وليس فى حاجة لاعادة توزيع راتب المهدي . المهدية نفسها لو اهلنا فى غرب السودان كانوا يعلمون انها بعد مائة عام تتحول الى أرنب جرباء لما سالت تلك الدماء من اجلها ، هذا السيد/ الصادق زعيم الطائفة أسألوه متى صلى المغرب فى شيكان الموقع الذي حول سلالة الرجل الفقير البسيط محمد احمد المهدي من اسرة عادية جدا الى عائله تتمتع بهالة من البريق والسيادة . الم يكن من الانسب لهيئة شئون الانصار كسيرة الجناحين ان تبدأ تطوافها على الاقاليم بزيارة الارض التي نبتت فيها شجرة المهدية ( ارض شيكان )........ مادام ناس الصادق وابو يترفعون بل ويتنكرون لتلك الارض فلا تقم لهم قائمه ابدا ، وسيظل حزب الامة ملطشة وضعيف هذيل يبحث عن ثقة السواد الاعظم من الناس ليأتي الصادق فى الثمانين من عمره يتحدث عشرة ساعات ولم يقل شيئا حتى ياتي عسكري أهبل زي البشير يستلم مابقي من البلد وبعد ربع قرن أخرى لم يفضل من دولة السودان الا مدينة الخرطوم ، اذا استطاع العسكري الغبي القادم ان يحميها . لان السودان كل بلاويه تاتي من الكاكي الذي ياتي على انقاض حكومة الساسة الفاشلين . ابراهيم عبود باع ربع السودان للمصريين بدون مقابل ، وجاء البشير باع ثلث السودان للجنوبيين ودار فور الشامخة احدى قواعد حزب الامة تكاد الان تنفصل هي الاخرى والصادق غرب السودان بالنسبة له كبعرة فى إست كبش والكبش يمشي، وذلك بالرغم من انه يعيش على حصاده الممهور بتضحيات شهد بها العالم اجمع الا الذين آمنوا بالمهدي بعدما نضب الغدير وجف ماء المشرع ..... وهيئة شئون الانصار تغط فى نوم عميق . ماذا بقي فى حزب الامة بعدما تخلى عن احفاد بابو نمر وود مادبو لم يبقى لحزب الامة الا حي الملازمين واطراف مسجد السيد/عبدالرحمن وشوية جلاليب مليئة بجيوب الفلس وعمائم نصفها يتدلى وكل ذلك رمزية لكيان كان له جلبة وضوضاء فى سمع الدنيا . اذا اريد لحزب الامة ان ينهض من ثباته المخزي فاليترجل الصادق ( ثمانين عاما لو ركبت مناكب شاهق لترنحت هضبائه إعياء) فاليترجل ويتواضع ويعترف بانه لم يقدم لأمة السودان الا فتح ابواب سكنات الجيش لبهدلة السودان ، ولايصلح حزب الامة الا اذا استلم دفة القيادة مبارك الفاضل المهدي ، ولكن حب الزعامة وحب البريق والوجاهة هي الموانع الكبرى لاتاحة الفرصة لامثاله ... لو كان حزب الامة الحقيقي موجودا على الارض لما عاشت ثورة الانقاذ ربع قرن من الزمان ، ولكن انطبق المثل ( خلا لك الجو فبيضي واصفري) . الصادق لو كان يمثل الحزب لما سمحت له نفسه بالجلوس لناس الجبهة اعداء السودان الاوائل . ولكن الضعف والمهادنة والظهر المكشوف والمواقف المترددة وعدم وضوح الهدف ، جعلت حزب الامة فى وديان التيه والضياع .. كيف يتفق ان يكون عبدالرحمن الصادق مساعدا للبشير ووالده يمثل معارضة النظام ، ذلك من عجائب السياسة السبعة .. واحدة من هذه العجائب ان يكون البشير حاكما للسودان العظيم ....

[ود الفاضل]

#948639 [حامد ودارفور]
0.00/5 (0 صوت)

03-20-2014 11:05 PM
الله اكبر ولله الحمد دا شغل جميل الله يعينكم والي المزيد من العطاء في كل السودان الدعوه محتاجه انوير شديد وفي كل المجالات

الشوعيين اخطر ناس لايحبون الدعوه نارها تولع ببصيره للعباد نحن لازم نزيد من جرعات الوعي وبقوه حتي تشيع الدعوه الي الله كل الولايات

ياعبود ابقي راجل وورينا انت وين في الجزيره عشان نصلك في بيتكم

[حامد ودارفور]

ردود على حامد ودارفور
United States [شلاخخي] 03-21-2014 09:19 AM
يا زول شنو انتو شابكننا طوالى السودانيين بنوا الخليج , السودانيين بنوا الخليج , اهو غير جنس الكلام الضيعنا مافى , عندنا احر شطة , ارجل ناس , اكرم ناس , اول اكبر اتخن احسن ..... ياخى قوم لف . يا زول مش كان فى , لحدى هسة فى اوربيين هنود باكستان مصريين لبنانيين سوريين روس يابانيين وغيرهم وغيرهم , لسة شغالين وحركة البناء لم تقف ولن تقف , وعشان ما تبقى بس ببغاء تكرر فى كلام الفاشلين , جمال البلد لا يقاس بمن بناها بل باهلها الذين اخذوا قرار البناء والذين يعيشون ويسكنون فيها , هسة بلدنا دى حالها حال ناس بنو حتى راكوبة ؟ ما تقول لى جبهة ولا ترابى ولا نظام , انتو ناس خموم ساكت , يا زول امشى شوف ليك جمار اقطعو بلى لمة , انا ماشى بعيد ليه , ياخى فى سودانك دا احسن مهندسين وامهر عمال هم الاجانب , اجمل مبانى 90% منها خلفها اجانب , انتو فالحين فقط فى الاستهبال القتل والسرقة والنهب والاغتصاب بس وما تقول لى جبت الكلام دا من وين انت عارف , هسة كلامك دا ما استهبال ؟


#948592 [عبود]
3.88/5 (4 صوت)

03-20-2014 09:10 PM
انا بكتب الكلام دا المرة التانية , اوعو تجو مارين بالجزيرة , ما عايزين نشوف وشكم , نحنا مسلمين والحمد لله وحافظين الاسلام دا حفظ , امشو شوفو ليكم ناس عورا وريالتم سايلة تانين , وكفاية متاجرة بالدين , نشفتوها الله ينشف ريقكم , وانت يا عبد المحمود ما تبقى اهبل يقول ليك قول كدا تقول , سوى كدا تسوى , شوف بس القبلك مصيرم كان شنو ؟ لا حا تبقى مهدى ولا الصادق حا يدخلك الجنة , الصادق دا استغلاك استفلال جد , واسرتو استغلو اهلنا عشرات السنين ما عشان مصلحة سودان ولا دين فقط عشان يعيشو مرتاحين , شوف اسرتك وشوف اسرتو ؟ انت وين وهم وين , ورينى سبب واحد يخليهم احسن منك ومنكم , ورينى يوم واحد الصادق دا دفع ضرائب ولا رسوم ولا دمغات ولا افاد السودان دا فى حاجة ؟ طوالى شغال لهط , كل ما يفلس يقول داير تعويضات ال المهدى , وانت اول زول عارف الناس دى لقت القروش دى كيف , كل ما يفلس يقول انا بطّلع الناس الشارع وانت عارف انو ما حيعمل حاجة مش لانو ما عايز , لانو ما بيقدر بعد كدا , لانو انكشف انو مستهبل , هسة بعد ما يغادر الدنيا دى فى واحد فيكم يقدر يبقى رئيس على حزب الامة غبر اولادو ولا واحد من اسرتم , ما سالت نفسك مؤهلاتم شنو , بس عشان جدم المهدى ؟ طيب انت ما شغال لسة زيك وزى جدودنا زمان فى حواشة عبد الرحمن المهدى , الفرق شنو , جلابتك بيضاء , عملوك امام فى مسجدم , والذى هو فى الاساس بيت الله , ياخى مش دى حاجة تخلى الواحد يستفرغ , يعنى يطرش بالبلدى ؟ يخس عليكم عالم رموم

[عبود]

ردود على عبود
European Union [شهيد مشروع الجزيرة] 03-21-2014 12:15 AM
ياعبود لسه عليك شوية عشان

تقدر تكنب قبل ماتلصق المشاركة

اعرضها لاصحابك عشان يراجعوا الغلطات

الاملائية وبغدين تعال جاري عشان ما تعذب

القراء وخلي الشلاقة اسلوبك ركيك وضحل

ومعلوماتك الجغرافية ضعيفة جدا يا اخي

ما عارف الجزيرة وتضاريسها السياسية

الجزيرة وعاصمتها مدني هي معقل الانصار

وهي صمام امان حزب الامة ولذا تدمير مشروع

الجزيرة جاء نكاية بجماهير حزب الامة بالجزيرة

الذين قالوا لا للانقاذ برضوا انا نسيت

انت راسب في مادة التاريخ

مدني بها اكبر مبنى لدار حزب وهو مبنى عريق

عمره 68 شبده الانجليز يطل على النيل الازرق

شارع النيل تعال هناك عشان تشوف عظمة حزب الامة

وبعدين اوعى تتكلم باسم الجزيرة لان اي زول ما يكون

حزب امة او اتحادي اوشويعي فهو ليس من الجزيرة فهمت

European Union [من البداوة إلى الحضور] 03-20-2014 10:49 PM
01- يا عبّود ... الأنصار ما شغّالين في حواشات الإمام عبدالرحمن ... شغّالين في حواشات الأنصار ... والدليل على ذلك ... أنّنا لم نر في حياتنا ... أنصاريّاً واحداً يتسوّل ... ويدق الطار ... ويسأل الناس في الأسواق ... يقول ليهم ... أنا حوار الإمام محمّد احمد المهدي ... أو أنا حوار الإمام عبدالرحمن ... ويمدح ليهم المهدي ... أو الإمام عبد الرحمن ... عشان يجدعوا ليهو تعريفة ... أو قرش ... في القرعة ... بتاعة التسوّل ... ؟؟؟

02- يا عبّود ... الأنصار هم الذين يفلحون الأرض ... لتمويل حزب الأمّة ... عشان يقول السودان للسودانيّين ... ثمّ يفلح في تحرير السودان للسودانيّين ... ؟؟؟

03- أمّا أربابك يا عبّود ... فيعتقدون ويدينون بديانة سياسيّة ... تقول بأنّ الكوار الحزبيّة لا تفلح الأرض ... لتمويل الحزب ... إنّما تستولي على السلطة المُنتخبة ... في الدولة المدنيّة الديمقراطيّة ... بالعنف والقوّة ... كوسيلتين وحيدتين لإحداث ايّ تغيير جذري في المُجتمع السوداني ... ومن ثمّ تصادر أموال ... وآليّات ... ووسائل ترحيل ... ومزارع ... ومصانع ... ومتاجر ... كوادر الأحزاب التي تفلح الأرض وتموّل الأحزاب التي تنتمي إليها ... بمحض إرادتها ... ؟؟؟

04- أيّهما أفضل يا عبّود ... أن يموّل المزارع ... أو التاجر ... أوالصانع ... أو محترف مهنة الترحيل ... حزبه بمحض إرادته ... أم أن تفرض أحزابكم على مطلق المزارع ... ضربة العود على كلّ نخلة ... وضريبة الموية على كلّ فدّان في مشروع الجزيرة المرويّة إنسيابيّاً ... وعلى التاجر ضرائب إفقاريّة لا حصر لها ... لأنّ التجارة في دينكم عمل طفيلي ... وعلى محترف مهنة الترحيل ... جمارك 300% على الشاحنة الجديدة ... وجمارك 300% غلى الإطارات والزيوت والشحوم والإسبيرات ... لأنّ الترحيل والتسويق في الدول المجاورة ... في ديانتكم هو تهريب ... وقس على ذلك يا ايّها الحبيب الضال ... أو المنتحل انّك أنصاري ... بالميلاد ...؟؟؟

05- لك العُتبى حتّى تشفى ... والتحيّة للجميع ... مع إحترامنا للجميع ... ؟؟؟


#948272 [Ali]
2.75/5 (4 صوت)

03-20-2014 02:59 PM
الله اكبر ولله الحمد

[Ali]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة