الأخبار
أخبار إقليمية
محتجون يغلقون شارع الخرطوم مدني بسبب حادث سير
محتجون يغلقون شارع الخرطوم مدني بسبب حادث سير
محتجون يغلقون شارع الخرطوم مدني بسبب حادث سير


03-20-2014 04:55 PM

ودمدني- تاج السر ود الخير

أغلق مواطنو قرية القريقريب بمحلية الحصاحيصا ولاية الجزيرة شارع الخرطوم مدني لأكثر من ساعة أمس احتجاجا على وقوع حادث سير بين بين بص سفري متجه من ودمدني إلى الخرطوم وعربة صالون صغيرة (أتوس) أدى إلى وفاة سائق العربة الصالون دفع الله كمال محمد دفع الله والذي يبلغ من العمر (27) عاما ويسكن القريقريب، واشتكى سكان القرية لـ(اليوم التالي) من تكرار حوادث السير ورداءة الطريق. وقد فرقت قوات شرطة النجدة والعمليات المتجمهرين باستخدام الغاز المسيل للدموع.

آخر لحظة


تعليقات 11 | إهداء 0 | زيارات 7105

التعليقات
#961869 [الدقير]
0.00/5 (0 صوت)

04-03-2014 10:21 AM
سادتى الاعزاء انا شاهد عيان على هذا الحادث طبعا شارع الخرطوم مدنى به حفر لايمكن ان يتصور عاقل انها فى شارع مرور سريع يربط بين العاصمة واكبر مدن السودان وهذا والله استهداف واضح من من بلطجية الانقاذلانسان الجزيرة وولاية الجزيرة سنعود لهذا الاستهداف فى نهاية المداخلة
الشاب دفع الله كان متوجه من قرية فداسى الى قرية القريقريب وخلفة باص سياحى وكلنا نعلم ان سائقى البصات السياحية يصابو بالجنون عندما تكون هنالك سيارة امامهم فى نفس الاتجاه فيظل يطاردها دون ترك مسافة بينه وبين السيارة التى امامه حتى تفسح له الطريق كما يفسح الطريق للاسعافات فتكون احدى النتائج الثلاثة ان يكون طريق النزول جيد و ( يتلب ) صاحب السيارة الصغيرة من الخط او ان يكون غير ذلك فيحدث انقلاب للسيارة او يصدمه من الخلف فاذا تم الاصطام من الخلف وحدف به للجانب الايمن اما الموت او العاهة المستديمة واذا حدف به ناحية اليسارا وكانت هنالك سيارة من الناحية المعاكسة فانه الموت الموكد كما حدث فى حالة المغفور له دفع الله كمال
اتجاه السير فى شارع الخرطوم مدنى حسب موقع الحفرة سائقى البصات السياحية لايهمهم ركاب البص او اصحاب السيارات التى تسير امامهم او السيارات القادمة من الاتجاه المعاكس او المارة على جانبى الطريق كل همهم ان يصل الخرطوم لينال الحافز 100 جنية ويعودلمدنى ويستلم الحافز الثانى 100 وهكذا دون النظر لحرم دمة الانسان
ماحدث فى حادث المغفور له دفع الله فهو لعمرى قتل عمد من سائق الباص السياحى حيث كان يطارده من قرية فداسى فى الطريق الملى بالحفر وفى اكبر حفرة قبل قرية القريقريب لم يجد المغفور له بد من ان يضع رجله على الفرامل ليصطدم به البص الذى لم تكن بنه وبين سيارته اكثر من بوصات ليحدفه على الاتجاه المعاكس ليصادف باص سياحى اخر قادم من الخرطوم فكانت عملية الدهس والموت الفورى .
قتل بهذا المستوى ولم يتوقف السائقين لساعة واحدة حتى للتحقيق هذه هى بلدنا
قامت مجموعة من ركاب البص بمهاجمة السائق القاتل ووجهت له تهمة تعمد ارتكاب الحادث مناشدة ضمير لهولا الركاب ان ياتو ويدلو بشهادتهم لانهم مسؤلون منها يوم القيامة
الحاصل من دما لطريق الخرطوم مدنى هو عمل مرتب ومقصود من سادة الانقاذ والمقصود به هى ولاية الجزيرة وانسان ولاية الجزية وهذا لحقد دفيد الكل يعلمه ولانريد ان نفصله وسنعود لتفصيله فى مساحة اخرى

[الدقير]

#949551 [عبيد الله]
5.00/5 (1 صوت)

03-22-2014 11:19 AM
قادة السودان هم هم منذ ستون سنة ! البشير الترابي الصادق المرغني ووووو . وقبلهم كان الاستعمار يعني حكم الخواجات . الناس البفهموا هناك في امريكا و أوروبا كل أربعة سنين رئيس .... شعب ماعنده وجيع . قبل شارع الزلط التعبان ده كنا كويسين بنمشي بالراحة ونصل سالمين ونقدر لكل حاجة زمنها . خلونا نمشي بالواطة ساكت والشارع ده يكون حاجز بس بين الجايين والماشين . لحدى مانعتر لينا في رئيس ود حلال .بعدين في كبري كدا ناحية بتري وسوبا . الكبري ده ضيق جدا بالكاد على حجم الشارع بس . يعني بلد كامله ماعندها ماسورة توسع بيها الكبري شوية . العملو ده مهندس ماسورة زاتو . عشان تعرفوا انكم ماعندكم خبرة في حاجات كتيرة وبرضه ماسكين لي في أحسن وأكبر ونحنا ونحنا . أنتو بالنيني فالحين في الكلام والاكل والنوم والسكر والاغتصاب والصعوط وحاجات تاني كلها غلط . يارب رئيس حار وقوي يأدب البلد دي كلها ويعلمها الحياة الصاح .

[عبيد الله]

#949507 [bullet ant]
5.00/5 (1 صوت)

03-22-2014 10:44 AM
يا حمير الانقاذ
طرق الرور السريع اتجاه و احد زى تفكيركم
يا عساكر يا شعار الغباء فى كل العالم اتركو الخبز لخبازه
المرور لا يحتاج الى لواء مرور و رتل من العساكر اللصوص
المرور يحتاج الى ادارة مرور يسيرها المدنيين لان المدنيون فى العالم كله هم الذين يفهمون و يعرفون كيف يديرون بلادهم
لا نريد ان نرى وجوهكم المرتشية يا فاقد تربوى
اجلسو فى المعسكرات فى الصحراء لتحرسو البلد و سندفع مرتباتكم شريطة ان لا نرى و جوهكم
فتحضر المدن يقاس بقلة العسكر

[bullet ant]

#949154 [asd]
0.00/5 (0 صوت)

03-21-2014 07:58 PM
مفروض السودان يستوردوا لي بصات برجومائيه ويكون السواق عندوا رخصه سايق نايم بدون شخير سايق بالاحلام الوجهه الاخره عندنا مشاكل كتيره مابنعرف نصنع ومابنعرف نستهلك وعندنا لامبالاه وابسط دليل التعامل مع العمله النقديه

[asd]

#949125 [محمد احمد]
5.00/5 (1 صوت)

03-21-2014 06:23 PM
فى هذه المنطقة تحديدا الشارع ملىء بالحفر والاخاديد فللا تستطيع العربات ان تسير سيرها الطبيعى بل تضطر للانحراف المفاجىء تفاديا من الوقوع فى هذه الحفر والاخاديد مما يتسبب كثيرا فى الحوادث وهذا ما اعتقد انه يشكوا منه اهل القرى هنا اذ ان انحرافات السيارات يجعلها اما تتصادم مع السيارات الآتية من الطريق المعاكس او ان يتسبب فى إتلاف السيارات او ان النزول المفاجىء من الشارع يجعل المشاة والسيارات التى فى طرف الشارع بالقرى عرضة لهذه الهجمات الشرسة من البصات والشاحنات التى لا ترحم

[محمد احمد]

#948595 [نزار]
4.50/5 (6 صوت)

03-20-2014 09:15 PM
غاز مسيل للدموع وانتهى الموضوع ههههه

[نزار]

#948590 [حريكة]
4.32/5 (5 صوت)

03-20-2014 09:04 PM
لا اله الا الله وحسبنا الله ونعم الوكيل
يمهل ولا يهمل ياكيزان السجم
الناس مكلومة تضربوهم بالعصي والبمبان
والله كل يوم بتعملوا حاجة بكون مافي زول سبقكم عليها

[حريكة]

#948473 [مالك الحزين جدا جدا]
4.82/5 (7 صوت)

03-20-2014 06:38 PM
شوارع المرور السريع ,,أصلا لاتمر بالمدن والقرى ,, إنما هنالك مخارج آمنه للمدن و للمناطق المجاوره , ولكن نحن للاسف لازلنا متخلفين ,, رغم إن هنالك كليه تخرج مهندسى الطرق ,, هذا النظام مطبق في كل العالم ,, ناهيك عن الطرق عندنا في السودان ,, حدث ولاحرج , ليس هنالك طريق أوتوستراد ,, مزدوج في السودان ,, البلد الذى ظل مهندسيه يبنون دول الخليج ويرصفون شوارعهابالابداع والجمال ,, وشوارعنا تقتل كل يوم العشرات ,, أليس فيكم رجل رشيد يعيد الامور إلى نصابها

[مالك الحزين جدا جدا]

ردود على مالك الحزين جدا جدا
[شلاخخي] 03-21-2014 04:49 PM
كمان حاجة تانية عشان بس ااكد ليك كلامى , الناس بتختار مواقع منازلا وسكنا جنب نيل جنب حديقة , مناظر خلابة , بعيد فى الخلا محل الهدوء , لكن انتو الواحد ما يلقى ليهو شارع ظلط طوالى عايز يعملو جدو وحبوبتو ذاتها , بالاضافة لى كلامى السابق انتو كمان ناس مزعجين , كدى خلى واحد يكون عايز منك حاجة يمينا بالله تكره اليوم الولدوك فيهو ذاتو , تقول بنو الخليج , عليك الله ؟

United States [شلاخخي] 03-21-2014 07:29 AM
يا زول شنو انتو شابكننا طوالى السودانيين بنوا الخليج , السودانيين بنوا الخليج , اهو غير جنس الكلام الضيعنا مافى , عندنا احر شطة , ارجل ناس , اكرم ناس , اول اكبر اتخن احسن ..... ياخى قوم لف . يا زول مش كان فى , لحدى هسة فى اوربيين هنود باكستان مصريين لبنانيين سوريين روس يابانيين وغيرهم وغيرهم , لسة شغالين وحركة البناء لم تقف ولن تقف , وعشان ما تبقى بس ببغاء تكرر فى كلام الفاشلين , جمال البلد لا يقاس بمن بناها بل باهلها الذين اخذوا قرار البناء والذين يعيشون ويسكنون فيها , هسة بلدنا دى حالها حال ناس بنو حتى راكوبة ؟ ما تقول لى جبهة ولا ترابى ولا نظام , انتو ناس خموم ساكت , يا زول امشى شوف ليك جمار اقطعو بلى لمة , ياخى فى سودانك دا احسن مهندسين وامهر عمال هم الاجانب , اجمل مبانى 90% منها خلفها اجانب , انتو فالحين فقط فى القتل والسرقة والنهب والاغتصاب بس


#948472 [مالك الحزين جدا جدا]
4.41/5 (6 صوت)

03-20-2014 06:37 PM
شوارع المرور السريع ,,أصلا لاتمر بالمدن والقرى ,, إنما هنالك مخارج آمنه للمدن و للمناطق المجاوره , ولكن نحن للاسف لازلنا متخلفين ,, رغم إن هنالك كليه تخرج مهندسى الطرق ,, هذا النظام مطبق في كل العالم ,, ناهيك عن الطرق عندنا في السودان ,, حدث ولاحرج , ليس هنالك طريق أوتوستراد ,, مزدوج في السودان ,, البلد الذى ظل مهندسيه يبنون دول الخليج ويرصفون شوارعهابالابداع والجمال ,, وشوارعنا تقتل كل يوم العشرات ,, أليس فيكم رجل رشيد يعيد الامور إلى نصابها

[مالك الحزين جدا جدا]

ردود على مالك الحزين جدا جدا
United States [سوداني اصيل] 03-20-2014 09:34 PM
يا مالك الحزين المسألة ليس مسألة حكمة أو رشد .. القضية يا سيدي قضية أموال سايبة تنهب وتوجه للمباني الخاصة والعمارات الفارهة


#948382 [بدر السماء]
3.25/5 (3 صوت)

03-20-2014 05:14 PM
اهكذا المواساة . غاز . عصي .

[بدر السماء]

#948377 [شلاخخي]
4.65/5 (7 صوت)

03-20-2014 05:09 PM
اقعدو اعملو فى حركاتكم لامن يحولوه ليكم غرب السكة حديد , وبعدين ام الحسين وت نفخت ,اها حا تحصلوه ولا حا تقعدو قبلكم

[شلاخخي]


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة