الأخبار
أخبار إقليمية
فساد بالجملة في وزارة المعادن في عهد الوزير(البكاي) كمال عبداللطيف
فساد بالجملة في وزارة المعادن في عهد الوزير(البكاي) كمال عبداللطيف
فساد بالجملة في وزارة المعادن في عهد الوزير(البكاي) كمال عبداللطيف


03-21-2014 01:43 AM

ـ أكثر من(461) ألف جنيه حوافز لجان استقبال بعثة الصندوق الكويتي
ـ الوكيل ومدير الجيولوجيا يحصلان على 20 مليون حافز لكل منهما
18 موظف يتسلم كل واحد منهم 15 مليون

الخرطوم : عقيل أحمد ناعم

وزارة المعادن واحدة من الوزارات المستحدثة في التشكيلات الحكومية بعد فصلها من وزارة الطاقة والتعدين سابقاً ، لكن رغم عمر هذه الوزارة القصير إلا أنها لم تخل من ذات الأمراض المستوطنة بجهاز الدولة ،والتي تصل مرحلة الوقوع في مستنقع الفساد الذي ينخر داخل جسد مؤسسات الدولة . (الأهرام اليوم) تقف اليوم وبالمستندات الدامغة على مخالفات واضحة وجلية لكافة القوانين والأعراف واللوائح التي تحكم العمل الحكومي ، الأمر الذي يعد حالة مثبتة من الفساد داخل وزارة المعادن
صدق او لاتصدق: (461) ألف حوافز لجان استقبال بعثة الصندوق الكويتي
الأمر قد يبدو في غاية الغرابة ، لكنها الحقيقة والمستندات التي لاتكذب ،فالقصة قد بدأت عقب توقيع اتفاقية قرض بين وزارة المعادن من جهة ، والصندوق الكويتي للتنمية الاقتصادية العربية لإنشاء مشروع المعامل المتكاملة لقطاع التعدين ، ومن الطبيعي ان يعكف مسؤولوا وموظفوا الوزارة على استقبال بعثة الصندوق الكويتي وتسهيل كافة الإجراءات وصولاً لمرحلة توقيع الاتفاقية ، ولأجل هذا شكلت الوزارة لجنة فنية لاستقبال البعثة ، ولجان فرعية ، حتى هذه اللحظة وقد يبدو الأمر طبيعياً ، ولكن تبدأ مرحلة غاية في الغرابة او مايمكن تسميته بالتهاون في المال العام واستحلاله دون وجه حق، فعقب انتهاء مهام اللجنة الفنية ولجانها الفرعية وقيامهم بواجبهم الذي تقتضيه مسؤولياتهم داخل الوزارة ، وبالتحديد بتاريخ (7/11/2013م) يدفع مقرر اللجنة الفنية لاستقبال بعثة الصندوق الكويتي بخطاب لوكيل وزارة المعادن يفيده فيه بانتهاء اللجنة من عملها ورفعها الاتفاقية لوزير المعادن ووكيل وزارة المالية لتوقيعها، ولم يكتف الرجل بهذا لكنه أرفق مقترح يطالب فيه الوكيل بتحفيز كافة عضوية اللجنة وعددهم عشرون عضواً ،وتراوحت الحوافز بين (عشرين ألف جنيه) (20 مليون بالقديم) ، و(خمسة عشر ألف جنيه) لتبلغ جملة المبلغ المقترح للتحفيز (310 ألف جنيه) . وبالفعل علق وكيل الوزارة على الخطاب طالباً من وزير الدولة "التكرم بالتوجيه"، ليقوم السيد وزير الدولة بالتصديق على الحافز مخاطباً المدير العام للهيئة العامة للأبحاث الجيولوجية التابعة للوزارة لوضع التوجيه موضع التنفيذ.وأخيراً بعد المرور بالمدير العام ومدير الموارد المالية والبشرية يتسلم السادة( المحفزون) حوافزهم ذات الأرقام المليونية (راجع إذن الصرف مستند رقم 1)، ولايخفى أن الحوافز متعلقة بقرض ودين على عاتق الدولة المرهقة أصلاً بالديون ورغم هذا تعمل الوزارة المقترضة على تحفيز موظفيها بمئات الملايين !!!!.
وللجان الفرعية نصيب
ولأن الجميع يريد نصيبه في (الكعكة الكويتية) ، ولأن هناك لجان فرعية متفرعة عن اللجنة الفنية فقد طالبت هذه اللجان الفرعية لاستقبال البعثة الكويتية وزير الدولة بتحفيذ أعضاء هذه اللجان البالغ عددهم 39 عضواً ، حيث تراوحت الحوافز بين (15 ألف جنيه) وحتى (واحد ألف جنيه) إستلام الحوافز خلال ثلاثة أيام فقط على غير العادة والبيروقراطية وتاخير الإجراءات الحكومية تسلم أعضاء اللجنة الفنية ورصفاءهم في اللجان الفرعية حوافزهم كاملة.لتبلغ مجمل الحوافز التي تقاضاها موظفون نظير قيامهم بواجبهم الطبيعي (461.424) ألف جنيه
الجميع يبحث عن نصيبه !!!!
لا مجال للإستغراب فالكل يحرص على ان لاتفوته الفرصة في نيل "حوافز القرض المليونية " لذلك توالت الخطابات على مدير عام الوزارة تخطره بأن "فلان" من الموظفين قد سقط اسمه سهواً من "حافز اللجان الفرعية للجنة استقبال بعثة الصندوق الكويتي "
الوزير يتدخل متاخراً
بعد (22) يوماً من تسلم السادة "المحفّزون" حوافزهم المليونية. تدخل السيد وزير المعادن حينها كمال عبداللطيف بعد تدخل وتحذيرات من جهة رقابية مختصة وأصدر امراً بتاريخ (2/12/2013م) يقضي بأعادة كافة مبالغ الحوافز التي قاموا باستلامها (راجع تعليق الوزير على طلب الحوافز مستند رقم 2). وبعد ثلاثة أيام من توجيه الوزير وتحديداً في (5/12/2013م) أرسل المدير العام للهيئة العامة للأبحاث الجيولوجية د. يوسف السماني خطاباً لوكيل الوزارة طالباً فيه مخاطبة أعضاء اللجان لإعادة الحافز المصدق من وزير الدولة. وكما هو متوقع أجابوا جميعهم بأنهم قد تصرفوا في المبالغ ولايمكنهم ردها
المال تلتينو ولا كتلتو!!!
حتى ذهاب الوزير السابق وقدوم الوزير الجديد أحمد الكاروري ظل الأمر معلق ولم يتم رد الحوافز حسب توجيه الوزير السابق كمال عبد اللطيف ، وأكدت مصادر واسعة الإطلاع ل(الأهرام اليوم) أن الوزير كاروري وجّه بأن يرد كل مسؤول وموظف ثلثي الحافز الذي تسلمه وترك لهم ثلث المبلغ. وأكدت ذات المصادر أن وكيل الوزارة هو الوحيد الذي التزم بالتوجيه وسلم الوزارة ثلثي حافزه البالغ (20 ألف جنيه). ولازالت هناك ترتيبات جارية لكيفية رد بقية المحفزين ثلثي الحافز عبر خصمها من استحقاقاتهم بالوزارة


تعليقات 33 | إهداء 0 | زيارات 8581

التعليقات
#950165 [سوداني]
0.00/5 (0 صوت)

03-22-2014 11:52 PM
هههه دة حال الوزراء السودانين ربنا يكفينا شرهم

[سوداني]

#949769 [سعيد]
0.00/5 (0 صوت)

03-22-2014 02:31 PM
والوزير حا يكون اخد كم ؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

[سعيد]

#949436 [دوشكا]
0.00/5 (0 صوت)

03-22-2014 09:41 AM
لاحول ولاقوة إلأ بالله والله المبالغ المنهوبة دي كان اسس ليهو دولة جديدة , استغفر الله المصائب ديل ماعندهم دين ولا يعرفوا ربنا يعني لو كان في قانون اي واحد يختلص من أموال الدولة يعدم امام الجمهور لما صار هذة البلاوي والفساد البشعه الذي لايشبة الآنسان السوداني لكن نقول هؤلاء من يسمي بالكيزان اصلاً من ماعندهم دين ولا ضمير ( من رائي كلو واحد يخذو حقوا بعد ده لو انتظرنا اكتر من كدة تبقي مصيبة نرجوا من كلو الشعب السوداني الملحمة الكبري من أجل اسقاط النظام الفاسد الذي افسد المجتمع بسياستهم القذرة التحية لشعب السوداني .

[دوشكا]

#949401 [ابوريدة]
0.00/5 (0 صوت)

03-22-2014 08:48 AM
انا فهمت الآن فقط سر بكاء موظفي الوزارة عندما تمت الاطاحة بكمال عبد اللطيف

[ابوريدة]

#949342 [ابوهيثم]
0.00/5 (0 صوت)

03-22-2014 04:24 AM
الاغرب في الامر ان اللجان كانت تجتمع في وقت الدوام الرسمى وكل ماتمشى تسال عن مسؤل يقال لك في اجتمع اذن صار هذ عمل دولة في وقت الدولة المدفوع عنة راتب شهري ....جوافز فوق كم واللة ملعون ابوككي بلد

[ابوهيثم]

#949238 [موجاف]
5.00/5 (1 صوت)

03-21-2014 11:39 PM
بالله شكل الجماعة في الصورة بس كمال ذاتو.
الزول جاب أهلو كلهم هنا.
تفتكروا الهامش شال السلاح ليه؟

[موجاف]

#949230 [عمار]
5.00/5 (1 صوت)

03-21-2014 11:30 PM
الان الفساد بالجملة وهزه قوية تترقب الراس الاولي واخوانه

[عمار]

#949167 [عمر]
5.00/5 (1 صوت)

03-21-2014 08:43 PM
قالو في واحد عايز ليهو من زول مليون جنيه . .
فطلب من صديقاً ليهو يتوسط عشان يقدر يرجع المليون . .
وقال ليهو كان استرديت لي المليون شيل خمسمائه وجيب لي خمسمائه . .
وبعد يومين جاهو الواسطه وقال لصاحب المليون والله طلعت منو بي خمسميتي بس . .
هسي الجماعه ديل طلعو من الكويتين بي حوافزهم بس . .

[عمر]

#949139 [عصمتووف]
0.00/5 (0 صوت)

03-21-2014 07:04 PM
اقرا جيدا هم من طلبوا تحفيزهم

فعقب انتهاء مهام اللجنة الفنية ولجانها الفرعية وقيامهم بواجبهم الذي تقتضيه مسؤولياتهم داخل الوزارة ، وبالتحديد بتاريخ (7/11/2013م) يدفع مقرر اللجنة الفنية لاستقبال بعثة الصندوق الكويتي بخطاب لوكيل وزارة المعادن يفيده فيه بانتهاء اللجنة من عملها ورفعها الاتفاقية لوزير المعادن ووكيل وزارة المالية لتوقيعها، ولم يكتف الرجل بهذا لكنه أرفق مقترح يطالب فيه الوكيل بتحفيز كافة عضوية اللجنة وعددهم عشرون عضواً ،وتراوحت الحوافز بين (عشرين ألف جنيه) (20 مليون بالقديم) ، و(خمسة عشر ألف جنيه
هل علم

[عصمتووف]

#949138 [عصمتووف]
0.00/5 (0 صوت)

03-21-2014 06:59 PM
ي الكاروري **** امر ضروري ******اعادة تلك المسفوحة غير مهم الان بل وجب وواجب الحساب ولد وطردهم من الخدمة هو جزء من عملهم ولكن العيب من مجلس الوزراء او رئاسة الجمهورية وهم اكبر مصدر للحوافز اوال سائلة ومتجمده واسالوا ناس الكاروري وعصام البشير وعبدالحي يوسف ي ربي حسبونسوان معاهم

[عصمتووف]

#949067 [Abu albra]
0.00/5 (0 صوت)

03-21-2014 04:07 PM
هههههههههههههها يا اخي ده ما حوافز ده ميزانية الضيافة للوفد الكويتي وجاء توزيعه كلاتي عشرة الف فاتورة الدكوة وخمسة الف فاتورة الشطة وخمسة الف بازنجان وعشرة الف خضار مشكل وخمسة الف بهارات مشكل شمار فلفل اسود كسبرة وكمون وزنجبيل .......الخ وخمسة الف موية صحة وخمسة الف أجرة غسيل الكمونية والاف مواصلات اما عن حوافز اللجان والنسريات فذاك ارقام فلكية بس الله يعين الشعب السوداني اذا كان رب البيت للدف ضارب ما شيمت أهل البيت الا الطرب والرقص

[Abu albra]

#949034 [ابوهاجر]
0.00/5 (0 صوت)

03-21-2014 03:26 PM
لا تعليق

[ابوهاجر]

ردود على ابوهاجر
European Union [بادي أبو شلوخ] 03-21-2014 04:46 PM
لماذا وهوايٌ؟؟


#949031 [prjct]
0.00/5 (0 صوت)

03-21-2014 03:16 PM
اعتقد ان هذا هو الحال القائم مع كافة القروض التي تحصل عليها الوزارات والولايات والا كيف نفسر التطور العمراني في الخرطوم والسيارات الفارهة والتي لا تتناسب مع بلد مدقع في الفقر وعديم الانتاج ومواطنه مسحوق لا يجد قيمة العلاج

[prjct]

#949026 [sudani]
1.00/5 (1 صوت)

03-21-2014 03:10 PM
الوزير البكاي حلو ولكن الاحلي انه الرجل الاخطبوط المحظوظ فهذا المحظوظ جاء لسودانير مسئولا عن الامن وقذفوا به لسفارتنا في نيروبي ثم اعيد لمجلس ادارة سودانير برفقة المدير العام حينها نصر الدين وبعد استلام مهامهم يايام كانا ضمن بعثة الحج لسودانير واسرهم وحملت الطائرات طرودهم قبل الحجيج بعد ان قبضوا كمبتعثين الريالات قذف بالاخطبوط بعدها وزير دولة بمجلس الوزراء ثم وزير ... وبعدها وزير المعادن وبعد هذا كله يبكي ؟ سبحان الل حواء السودان اصابه العقم ولم تنجب سواء ابناء الانقاذ اتقوا الله فينا وهذا مثال من كثير

[sudani]

#949021 [ابومروان]
4.19/5 (5 صوت)

03-21-2014 03:01 PM
عينان لايمسهم الصالح العام عين بكت من اجل وزير وعين ترى الفساد وكانها لاتراه

[ابومروان]

ردود على ابومروان
European Union [حـق الفـيمـتو] 03-21-2014 06:40 PM
هههههههههههههههههههههه تعليق ذكي بس في عين ثالثة مش عارفين نعمل معاها شنو وهي عين وزير بكت من اجل الوزارة.


#949002 [سودانى جد]
1.00/5 (1 صوت)

03-21-2014 02:35 PM
من دقنه و فتلوا
يجود علينا الكويتيون بمالهم و بمال الكويتيين نحن جود.
يا جماعه كلها كيلو دهب يعنى ما اى شئ بالنسبه للمنهوب من رزق البلاد و العباد.
الوير ده مالو كان بيبكى ما لحق عرس تانى (طبعا اى عرسه معاها عماره ناصيه فى حى راقى).

[سودانى جد]

#948959 [بادي أبو شلوخ]
3.00/5 (2 صوت)

03-21-2014 01:23 PM
القليب ما انبتل والعين بقت بكايآآآآآ

لكن المفنوس اب كرافتتن حمرا ده زايد المحلبية كوزين.

[بادي أبو شلوخ]

#948953 [taluba]
2.50/5 (3 صوت)

03-21-2014 01:14 PM
هذه الوزاره من المفترض ان تكون من اعرق الوزارات في السودان، بطبيعه البنيه الارضيه لجميع انواع الصخور التي تحتويها. لذا نجد بها اغلب عناصر الجدول الدوري الخاص بأغلب انواع الفلزات. تطورت بعض الدول بوجود تلك البنيه في اراضيها. وبعض الدول تحلم ان تكون لديها تلك البنيه في اراضيها. فأين تكمن المشكله؟!!!!
الفساد الذي عمي جميع انحاء السودان ، كيف نتخلص منه حتي نبني دوله نفتخر بها جميعا؟!!!
ما هو دور الوزراء الذين يتعاقبون علي الوزاره وليس لديهم تأهيل جيلوجي حتي يتثني لهم الابداع والابتكار ويتميزون بروح الوطنيه لا للولاء الحزبي؟!!!
اعتقد هذه الوزاره تحتاج لشخص اجنبي حتي يتثني له تطوير البنيه التحتيه لهذه الوزاره كمدربي كره القدم الذين يدربون في دول مختلفه.

[taluba]

#948872 [khalid]
3.00/5 (2 صوت)

03-21-2014 10:50 AM
عملا بمبدأ دكان اليمانى ، درج الدكان متاح لكل الأولاد هييييييع

[khalid]

#948848 [اوبرا]
3.00/5 (2 صوت)

03-21-2014 10:25 AM
الفساد في الحكومة بقي شي عادي ياجماعة طبيعي جدا ؟؟ لاكن الماعادي وماطبيعي الباطل الببكي دة ؟؟ صحي الرجال اتو في كرري . سجم خشم امك ؟؟؟

[اوبرا]

#948847 [اوبرا]
2.50/5 (3 صوت)

03-21-2014 10:24 AM
الفساد في الحكومة بقي شي عادي ياجماعة طبيعي جدا ؟؟ لاكن الماعادي وماطبيعي الباطل الببكي دة ؟؟ صحي الرجال اتو في كرري . سجم خشم امك ؟؟؟

[اوبرا]

#948846 [عبد العزيز]
3.00/5 (2 صوت)

03-21-2014 10:23 AM
الصورة حقت العورا دي "البكايين" بتغيظني شديد .............!!

تقول مات ليهم زول ...الله يقبحهم .

[عبد العزيز]

#948844 [AMJAD]
3.00/5 (2 صوت)

03-21-2014 10:23 AM
وزارة التعدين من اكثر الوزارات الفاسدة , و رائحة فسادها تشمه من الشارع و اى مستثمر اجنبى يحضر السودان هنالك فطاحله فى الفساد يقابلون هذا المستثمر بدا من الوزير و الخفير و اسرة الرئيس خاصة صاحب النسب عبدالله البشير و شقيقه الاصغر , وزارة لا فيها مثل و لا اخلاق , مفروض يتم القائها و تكون مؤسسه تتبع وزارة الطاقه زى ما كانت اول , واحد من مصائب السودان هذه الوزارة فى السنين الاخيرة , هنالك عدد كبير من الشركات الوطنيه لا تعطى ترخيص رغم دفع كل الرسوم المقررة و تقديم نتائج البحث الجيلوجى و لا توجد ضوابط و قوانين تنظم العمل فى هذه الوزارة , اغلب المسئولين و القطط السمان هم الذين استحوزوا على المربعات المنتجه او من خلال محاسيبهم فى الاقاليم , الاجنبى فى خلال يومين تسلم له كل الاوراق اما الشركات الوطنيه الا تدفع من البواب لحد الوزير و على عينك يا تاجر, عشان كدة بكى كمال عبد الطيف لهذا الرزق الذى اساقه الله له و فطم قبل ان يكبر

[AMJAD]

#948837 [ابو مهند]
2.50/5 (3 صوت)

03-21-2014 10:10 AM
ديل عصابة ولا موظفي دولة لكن هم ما الوحيدون الاكلوا ما خفي اعظم الضحايا دائما ما تكون الما عنده دهر

[ابو مهند]

#948827 [نبض التعب]
3.00/5 (2 صوت)

03-21-2014 09:57 AM
لأجل هذا يتباكون على فراق المناصب ويذرفون الدمع علي مغادرة كراسي السُلطة .. حقاً يا كيزان: (لا لدين قد عملتم ، أنتم للدنيا فداء)!!.

[نبض التعب]

#948823 [كمال]
2.25/5 (3 صوت)

03-21-2014 09:50 AM
كل الحوافز تصرف نظير قيام كل مسؤل بعمله الموكل بأدئة... اتجه شرقا وسترى عجبا

[كمال]

#948800 [مصطفي محمد صالح]
2.50/5 (3 صوت)

03-21-2014 09:01 AM
عايره وأدوها سوط ...............يعني شنو يعني يرجعوها سرقه وتمت طيب رجغوا المليارات المنهوبه من كل القطاعات الحكوميه بالذات الداخليه ...................؟؟؟؟

[مصطفي محمد صالح]

#948796 [شلاخخي]
3.00/5 (2 صوت)

03-21-2014 08:57 AM
يا زول شنو انتو شابكننا طوالى السودانيين بنوا الخليج , السودانيين بنوا الخليج , اهو غير جنس الكلام الضيعنا مافى , عندنا احر شطة , ارجل ناس , اكرم ناس , اول اكبر اتخن احسن ..... ياخى قوم لف . يا زول مش كان فى , لحدى هسة فى اوربيين هنود باكستان مصريين لبنانيين سوريين روس يابانيين وغيرهم وغيرهم , لسة شغالين وحركة البناء لم تقف ولن تقف , وعشان ما تبقى بس ببغاء تكرر فى كلام الفاشلين , جمال البلد لا يقاس بمن بناها بل باهلها الذين اخذوا قرار البناء والذين يعيشون ويسكنون فيها , هسة بلدنا دى حالها حال ناس بنو حتى راكوبة ؟ ما تقول لى جبهة ولا ترابى ولا نظام , انتو ناس خموم ساكت , يا زول امشى شوف ليك جمار اقطعو بلى لمة , انا ماشى بعيد ليه , ياخى فى سودانك دا احسن مهندسين وامهر عمال هم الاجانب , اجمل مبانى 90% منها خلفها اجانب , انتو فالحين فقط فى الاستهبال القتل والسرقة والنهب والاغتصاب بس وما تقول لى جبت الكلام دا من وين انت عارف , هسة كلامك دا ما استهبال ؟

[شلاخخي]

#948794 [معاويــــــــــــــــــــــــــــــــــة]
3.00/5 (2 صوت)

03-21-2014 08:50 AM
القبضوا ياهم ديل القاعدين يبكوا
طبعا بكاهم على جنس ده من حوافز
هذه هى الرشوه بعينها ياكمال انتظر
امانى ما جاياك رشاوى وانظر كيف كانت
نهاية الطغاة من قبلكم فى مصر والعراق
وليبيا وكيف واين هم الان وثرواتهم ..

[معاويــــــــــــــــــــــــــــــــــة]

ردود على معاويــــــــــــــــــــــــــــــــــة
United States [مواطن] 03-22-2014 02:05 AM
يا أخي .. الشهيد صدام حسين أشرف من الكيزان وأمثالهم ولم ينهب أموال الشعب العراقي .. أنظر للمالكي وأتباعه كيف حولوا العراق لبركة آسنة من الفساد والقتل بالمفخخات اليومية .. وتحول العراق في عهد المالكي وأتباعه الى الدول الأكثر فسادا ... وحتى القذافي رحمه الله لم ينهب أموال الليبيين ..


#948778 [ود احمد]
2.50/5 (3 صوت)

03-21-2014 07:47 AM
السودان ليس بلدا معدما او فقيرا لكن اقعدته هذه الزمرةً باللحاق بركب الدول المتقدمة وهذا ما يظهر وما خفي اعظم اقل عضو واصغر عضو في الانقاذ شوفوه اليوم كم من الارصدة وكم من البنايات في حين انه لم يكن من الوارثين او من جابها بعرق الجبين انهم الكيزان استحلوا المال الحرام وهي لله هي لله لهنة الله عليكم

[ود احمد]

#948776 [زردية]
2.50/5 (3 صوت)

03-21-2014 07:40 AM
هذا هو النهب المصلح
وما يحدث فى مصلحة الاحصاء افدح

[زردية]

#948772 [محمد الدول]
3.00/5 (2 صوت)

03-21-2014 07:35 AM
كيف يتحمل انسان خطا غيره من يتحمل الخطأ هو الجهة التى صدقت هذه الحوافز ....... وهل هى الاولى والاخيره

[محمد الدول]

ردود على محمد الدول
European Union [عصمتووف] 03-21-2014 07:03 PM
اقرا جيدا هم من طلبوا تحفيزهم

فعقب انتهاء مهام اللجنة الفنية ولجانها الفرعية وقيامهم بواجبهم الذي تقتضيه مسؤولياتهم داخل الوزارة ، وبالتحديد بتاريخ (7/11/2013م) يدفع مقرر اللجنة الفنية لاستقبال بعثة الصندوق الكويتي بخطاب لوكيل وزارة المعادن يفيده فيه بانتهاء اللجنة من عملها ورفعها الاتفاقية لوزير المعادن ووكيل وزارة المالية لتوقيعها، ولم يكتف الرجل بهذا لكنه أرفق مقترح يطالب فيه الوكيل بتحفيز كافة عضوية اللجنة وعددهم عشرون عضواً ،وتراوحت الحوافز بين (عشرين ألف جنيه) (20 مليون بالقديم) ، و(خمسة عشر ألف جنيه
هل علم


#948760 [ودالبله]
2.50/5 (3 صوت)

03-21-2014 06:30 AM
ايواااااااء الحرامية او الاية عرفناهم كانوا بيبكوا ليه .. بالله شوف الخايب الفي صورة يبكي كبف تقول امو ماتت ..لعنة الله علي الكيزان اللصوص

[ودالبله]

ردود على ودالبله
European Union [abdoosh] 03-22-2014 02:16 PM
ههههههه خيابة وقلوبهم ميتة من اكل الحرام الله يغطس حجرهم الباطلين ...



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة