الأخبار
أخبار السودان المحلية
مصادرة صحيفة الخال الرئاسي بسبب كشفها لفساد بنك يرأس إدارته جمال الوالي
مصادرة صحيفة الخال الرئاسي بسبب كشفها لفساد بنك يرأس إدارته جمال الوالي
مصادرة صحيفة الخال الرئاسي بسبب كشفها لفساد بنك يرأس إدارته جمال الوالي


03-23-2014 07:58 PM
الراكوبة قام جهاز الامن بمصادرة عدد اليوم الاحد من صحيفة (الصيحة) ومنع خروجها من المطبعة.

وافادت مصادر (الراكوبة ) ان العدد المصادر احتوي علي خبر مدعوم بالمستندات يتحدث عن فساد في بنك الثروة الحيوانية الذي يراس مجلس إدارته جمال الوالي المقرب من عمر البشير وحكومة المؤتمر الوطني.

وتتزامن المصادرة مع إنعقاد الإجتماع الطاريء لمجلس الوزراء صباح اليوم الأحد والذي من المنتظر أن يقدم فيه عمر البشير خطاباً بشأن ما أسماه بـ (مطلوبات الإصلاح).

ونقلت بعض وسائل الاعلام السنين الماضية اخبارا متفرقة عن الفساد واهدار الاموال في بنك الثروة الحيوانية.

واشتكي المدير العام لبنك الثروة الحيوانية عبد الله المهتدي العام 2011م من سوء الإدارة بالبنك نتيجة لزيادة حجم الأموال المتعسرة البالغة 187 مليون جنيه في وقت لا يتجاوز فيه رأس المال الفعلي للبنك 70 مليون جنيه فقط، بجانب فشل البنك في تحقيق أهدافه، التي منها دعم قطاع الثروة الحيوانية والتسويق وزيادة حجم الصادرات وحصر نشاطه في المتاجرة بالسيخ ومواد البناء.

وأشار إلى أن البنك لا يمتلك مزارع نموذجية أو مسالخ للمساهمة في الصادر الحيواني.

واثار البروز المفاجئ لجمال الوالي الرئيس الحالي لنادي المريخ الحيرة في مجتمعات رجال الاعمال بثروة جعلته في مقدمة اثرياء السودان دون ان يسبق ذلك اي تعريف به في السوق المحلي او الدولي.

ويرتبط الوالي بعلاقة وثيقة بعمر البشير وكان الاخير يتردد علي منزله باستمرار في اركويت للعب (الكوتشينة) واثيرت قبل اعوام فضيحة نقلتها احدي صحف الخرطوم حين قرر جمال الوالي اغلاق احد الشوارع المؤدية لمنزله حتي يتم ابعاد المارة وهو ما ادي لاحتجاج سكان المنطقة باعتبارها سابقة غير معهودة في المناطق السكنية.

ويمتلك صحيفة (الصيحة) الوزير السابق الطيب مصطفي الذي تمت الاطاحة به من رئاسة تحرير صحيفة (الانتباهة) التي انشأها لمواجهة الحركة الشعبية والجنوبيين قبل انفصال جنوب السودان.

وخلال الاعوام الماضية بدا مصطفي يقدم نفسه كبديل لقيادات المؤتمر الوطني ويوجه إليهم اتهامات ونقداً قاسياً ولكنه ظل يتحاشي إنتقاد البشير – وهو احد افراد عائلته.


تعليقات 15 | إهداء 0 | زيارات 14580

التعليقات
#952168 [دينق أكوات]
0.00/5 (0 صوت)

03-24-2014 07:42 PM
أحبتي
الحياة منافسة و البلد فيها موارد
أخينا " الظهر فجأة " ده ، استغل ظروف معينة
الا و هي وجود الكيزان في السلطة
زي ما أسرة المهدي غنيت و علمت ليها أملاك من مافي
و الختمية الامتلكت ليها أملاك لا اول لها و لا اخر
الموضوع خربان من أصلو فما تفتحه باب و تسيبو واحد

[دينق أكوات]

ردود على دينق أكوات
[المنجلك] 03-25-2014 12:12 AM
أسرة المهدي يادينق انتا راكب غلط


#951788 [عزة]
0.00/5 (0 صوت)

03-24-2014 01:48 PM
كيفك
قربت
خليك جاهز
عودك مدغلب

[عزة]

#951759 [ابو سيف]
0.00/5 (0 صوت)

03-24-2014 01:24 PM
ماامكن بلعبو قمار ويكون عمر البشير كيشه وجمال الوالى حريف خرط عمر عشان كده عمل المال دا لكن غير كده مااظن زول بى لسهوله دى يعمل قروش سريع كدا وكباه فى المريخ ومشى بى الداون

[ابو سيف]

#951757 [ود عز]
5.00/5 (1 صوت)

03-24-2014 01:23 PM
اخر شمار فى السوق ان جمال الوالى طلع 100 مليار تمويل من بنك الثروة لمحمدالمامون عبدالمطلب اما عن اعادة سدادها للبنك فسوف ننتظر و نشوف

[ود عز]

#951587 [wadmadni]
0.00/5 (0 صوت)

03-24-2014 11:05 AM
في السودان امنع اي شئ وسوف ينتشر مثل النار في الهشيم قالوا مسكوا البت الصحفية ديك وجلدوه عشان بنطلون تعال وشوف البناطلين الليله كيف مسكوا الفنانين وجلدوهم البلد كله بقت فنانين ( وزمان قالوا واحد من الفنانين قبضوه في الانضباط والنظام العام بي تهمت الزنا قعد يبكي وقال مستقبلي انتهى واحد من الفنانين الكبار قال ليه يا ولدي يدابك اشتهرته وبالفعل حصل )
الخبر عباره عن تلميع واعلان للصحيفة بدليل بعض تعليقات اللذين يبحثون عن موقعها

[wadmadni]

#951570 [ابكر(كجمه)]
0.00/5 (0 صوت)

03-24-2014 10:53 AM
هذاالمجرم إعتلى على قائمة الاثرياء بغفلة منا جميعآ .

[ابكر(كجمه)]

#951519 [أحمد فقيرى]
3.00/5 (3 صوت)

03-24-2014 10:07 AM
أولا أقول للأخ كاتب المقال أن جمال الوالى لايسكن أركويت بل يسكن الصفا و هو الحى المقابل لإمتداد ناصر من جهة المطار , وطبعا هذا الخطأ ليس مشكلتنا . أما كون الرئيس يذهب إلى جمال الوالى فى منزله للعب الكوتشينة فما المشكلة فى ذلك ؟ وبعض المعلقين يسألوا هل كانت معه فاطمة خالد ؟ ما هذه التفاهات ؟ وكان الأحرى بك أن يكون موضوعك عن الفساد و التجاوزات فى بنك الثروة الحيوانية لأنه الموضوع الذى يهم الشعب السودانى , ولك تقديرى

[أحمد فقيرى]

ردود على أحمد فقيرى
[عبدالرازق] 03-24-2014 03:50 PM
هؤلاء ناس حاقدين ويكرهون النجاح لاي انسان مجتهد انظر كيف بحولون دفة الكلام من اتجاه الشرق للغرب والعكس ويدخلون اسماء اشخاص لا علاقة لهم باصل الموضوع دعك منهم فسوقهم كاسد


#951479 [ابواحمد]
0.00/5 (0 صوت)

03-24-2014 09:44 AM
اتقو الله لاتخضو في اعرض الناس ولاتظنو ظن سئ انتم محاسبون علي ماتقولون مجرد تزكره ليس الا

[ابواحمد]

#951263 [خالد حسن]
0.00/5 (0 صوت)

03-24-2014 12:51 AM
جمال الوالي حرامي طوالي
وانا اقول اللعنة الاصابة المريخ دي من شنو
اتاريها لعنة اكل مال السحت
ليه حق المريخ يخرج من التمهيدى

[خالد حسن]

#951227 [زعيم الزهاجة]
5.00/5 (1 صوت)

03-23-2014 11:50 PM
جمال الوالي برئ طوالي !!!!!!!!!

[زعيم الزهاجة]

#951180 [ارنستو تشي]
5.00/5 (3 صوت)

03-23-2014 11:08 PM
اولا في صياغة الخبر جمال الوالي المقرب من البشير
ده خلط واضح والصحيح المقرب من وداد
وحكومة حكومة المؤتمر الوطني
ظهر فجئه بين رجال المال والاعمال
غسيل الأموال من أبرز الأعمال القذرة التي تفرض الانزال كرجال أعمال في مجتمعاتهم
وده معروف بممارسة غسيل الأموال القذرة

[ارنستو تشي]

#951162 [ابوبكر علي احمد]
0.00/5 (0 صوت)

03-23-2014 10:41 PM
اللهم لا نسألك رد القضاء و لكن نسألك اللطف فيه ..

[ابوبكر علي احمد]

#951143 [كاسترو عـبدالحـميد]
0.00/5 (0 صوت)

03-23-2014 10:04 PM
ارجو من احـد القراء ان يجـيبنى : هـل صحيفة الصيحة تـنشـر عـن طـريق الأنترنـت ؟ ارجـو المساعـدة فى ذلك ونـشر الموقع.

[كاسترو عـبدالحـميد]

ردود على كاسترو عـبدالحـميد
European Union [loody] 03-24-2014 04:33 AM
افتح صحف السودان بتلقاه مع انها جديدة

European Union [ساب البلد] 03-24-2014 12:32 AM
******* لقد قمت ببحث علي "غوغول" لا اعتقد ان هناك اصدارة اللاكترونية لهذه الصحيفة ******


#951133 [الطيب جاده]
5.00/5 (2 صوت)

03-23-2014 09:47 PM
هذا النظام بعد ما عاس في الارض فساد وحطم السودان مافضل للسودان الا ونقول ليه الله يرحمك ياوطن كان اسمو السودان

[الطيب جاده]

ردود على الطيب جاده
European Union [Abu Rana] 03-24-2014 10:32 AM
عاث يعوث (مش عاس) الله يرحم اللغة


#951115 [حليمه وجزمتا القديمه!!]
4.00/5 (4 صوت)

03-23-2014 09:18 PM
جمال الوالى ده مش وصيف وداد بابكر والمترجم الحصرى لها عند زيارتها الشهيره للندن عاصمة الضباب؟!! وبالمناسبه عمر البشير لمن كان بيمشى يلعب كتشينه فى بيت جمال الوالى كان بسوق معاه فاطمه اﻻمين وﻻ كان بيروح براهو؟!! سؤال برىء جدا جدا ارجو من العالمين ببواطن اﻻمور اﻻجابه واﻻفاده وشكرا!!.

[حليمه وجزمتا القديمه!!]

ردود على حليمه وجزمتا القديمه!!
[المنجلك] 03-25-2014 12:16 AM
امانالاما بجى يوم اول حاجة قانون من اين لك هذا ونجيب الطشت ونملاه موية واوع تببط ياجمال الوالى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة